The Comprehensive Aramaic Lexicon

01)060( 000:00	ܩܪܝܢܝܐ ܕܫܘܒܬܐ ܩܕܝܫܬܐ ܕܦܣܚܐ ܝܘܡ ܬ݁ܪ̈ܝܐ ܪܒܐ ܩܪܝܐܢ ܩܡܝ ܗܘ ܡܬ݁ܩܪ̈ܐ݁ ܡܢ ܪ̈ܝܫܗ ܕܣܦܪܐ ܕܓܢܣ ܘܬܘܒܢ ܗܘ ܡܬܩܪ̈ܐ݁ ܝܘܡ ܬܠܘܕܝ ܕܡܫܝܚܐ ܘܬܘܒܢ ܝܘܡ ܩܘܕܫܗܘܢ ܕܡܝܐ ܕܡܨܦܘܥܝܬܐ
01)060( 001:01	ܡܢ ܪ̈ܝܫ ܥܒܕ ܐܠܗܐ ܫܘܡܝܐ ܘܐܪ̈ܥܐ܀
01)060( 001:02	ܐܪ̈ܥܐ ܗܘܬ݁ ܕܠܐ ܡܬ݁ܚܡܝܐ ܘܕܠܐ ܡܫܟܠܠܐ܀ ܘܩܒܠܐ ܗܘܐ ܠܥܝܠ ܡܢ ܬ݁ܘܡܐ܀ ܘܪ̈ܘܚܗ ܕܐܠܗܐ ܗܘܬ݁ ܡܪ̈ܦܪ̈ܦܐ ܠܥܠ ܡܢ ܡܝܐ܀
01)060( 001:03	ܘܐܡܪ ܐܠܗܐ ܝܗܐ݁ ܢܗܘܪ̈ ܘܗܘܐ ܢܗܘܪ̈܀
01)060( 001:04	ܘܚܡܐ ܐܠܗܐ ܠܢܗܘܪ̈ܐ ܕܗܐ ܛܒ܀ ܘܐܦܪ̈ܫ ܐܠܗܐ ܒܝܢ ܢܗܘܪ̈ܐ ܘܠܒܝܢ ܩܒܠܐ
01)060( 001:05	ܘܩܪܐ ܐܠܗܐ ܠܢܗܘܪ̈ܐ ܐܝܡܡܐ܀ ܘܠܩܒܠܐ ܩܪܐ ܠܝܠܝܐ܀ ܘܐܬ݁ܥܒܕ ܪ̈ܡܫ ܘܐܬ݁ܥܒܕ ܨܦܪ ܝܘܡ ܚܕ܀
01)060( 001:06	ܘܐܡܪ̈ ܐܠܗܐ ܝܬ݁ܥܒܕ ܫܘܪ̈ܪ̈ܐ ܒܡܨܥ ܡܝܐ܃ ܘܝܗܐ݁ ܡ‍{‍ܫ‍}‍‍<‍ܦ‍>‍ܪܝܫ ܒܝܢ ܡܝܐ ܠܡܝܐ ܘܐܬ݁ܥܒܕ ܟܢ܀
01)060( 001:07	ܘܥܒܕ ܐܠܗܐ ܫܘܪܪܐ܀ ܘܐܦܪܫ ܐܠܗܐ ܒܝܢ ܡܝܐ ܕܗܘܘ ܬ݁ܚܘܬ݁ ܫܘܪܪܐ ܠܒܝܢ ܡܝܐ ܕܠܥܠ ܡܢ ܫܘܪܪܐ܀
01)060( 001:08	ܘܩܪܐ ܐܠܗܐ ܠܫܘܪܪܐ ܫܘܡܝܐ܀ ܘܚܡܐ ܐܠܗܐ ܕܗܐ ܛܒ܀ ܘܗܘܐ ܪ̈ܡܫ ܘܗܘܐ ܨܦܪ̈ ܝܘܡ ܬ݁ܢܝܐܢ܀
01)060( 001:09	ܘܐܡܪ ܐܠܗܐ ܐܬ݁ܟܢܫܘ ܡܝܐ ܕܬ݁ܚܘܬ݁ ܫܘܡܝܐ ܠܟܢܝܫܐ ܚܕܐ ܘܬܬ݁ܚܡܝ ܝܒܫܬܐ ܘܐܬܥܒܕ ܟܢ܀ ܘܐܬ݁ܟܢܫܘ ܡܝܐ ܠܟܢܝܫܬܗܘܢ ܘܐܬ݁ܚܡܝܬ݁ ܝܒܝܫܬܐ܀
01)060( 001:10	ܘܩܪܐ ܐܠܗܐ ܠܝܒܝܫܬܐ ܐܪܥܐ ܘܠܟܢܝܫܬܐܗܘܢ ܕܡܝܐ ܩܪܐ ܝܡܡܝܐ܀ ܘܚܡܐ ܐܠܗܐ ܕܗܐ ܛܒ܀
01)060( 001:11	ܘܐܡܪ ܐܠܗܐ ܬܨܡܝܚ ܐܪܥܐ ܥܣܒܐ ܕܥܡܝܪ̈ܐ ܕܡܙܕܪܥ ܙܪܥ ܗܝܟ ܛܘܦܣܗ ܘܗܝܟ ܕܡܘܬ݁ܗ܀ ܘܐܝܠܢ ܕܦܝܪ̈ܝܢ ܕܥܒܕ ܦܝܪܝܢ܃ ܗܕܝܢ ܕܙܪ̈ܥܗ ܒܗ ܗܝܟ ܕܡܘܬ݁ܗ ܥܠ ܐܪ̈ܥܐ ܗܘܐ ܟܢ܀
01)060( 001:12	ܘܐܦܩܬ݁ ܐܪ̈ܥܐ ܥܣܒܐ ܕܥܡܝܪܐ ܕܡܙܕܪ̈ܥ ܙܪܥ ܗܝܟ ܛܘܦܣܗ ܘܗܝܟ ܕܡܘܬ݁ܗ܀ ܘܐܝܠܢ ܕܦܝܪܝܢ ܕܥܒܕ ܦܝܪ̈ܝܢ ܗܕܝܢ ܕܙܪ̈ܥܗ ܒܗ ܗܝܟ ܛܘܦܣܗ ܐܪ̈ܥܐ܀ ܘܚܡܐ ܐܠܗܐ ܕܗܐ ܛܒ܀
01)060( 001:13	ܘܗܘܐ ܪ̈ܡܫ ܘܗܘܐ ܨܦܪ̈ ‍<‍ܝܘܡ‍>‍ ܬ݁ܠܝܬ݁ܝ܀
01)060( 001:14	ܘܐܡܪ̈ ܐܠܗܐ ܝܬ݁ܥܒܕܘܢ ܢܗܘܪܝܢ ܒܫܘܪ̈ܪ̈ܐ ܕܫܘܡܝܐ ܕܝܗܘܢ ܡܢܗܪܝܢ ܥܠ ܐܪܥܐ܀ ܘܝܗܘܢ ܡܦܪܫܝܢ ܒܝܢ ܐܝܡܡܐ ܠܒܝܢ ܠܝܠܝܐ܀ ܘܝܗܘܢ ܠܐܬ݁ܝܢ ܘܠܩܝܪ̈ܘܣܝܢ ܘܠܝܘܡܝܢ ܘܠܫܥܝܢ܀
01)060( 001:15	ܘܝܗܘܢ ܠܢܗܘܪ ܒܫܘܪ̈ܪ̈ܐ ܕܫܘܡܝܐ܀ ܕܝܗܘܢ ܡܢܗܪܝܢ ܥܠ ܐܪ̈ܥܐ܃ ܘܗܘܐ ܟܢ܃
01)060( 001:16	ܘܥܒܕ ܐܠܗܐ ܬ݁ܪ̈ܝܢ ܢܗܘܪܝܐ ܪ̈ܒܪ̈ܒܝܐ܃ ܢܗܘܪܐ ܪ̈ܒܐ ܪ̈ܝܫ ܠܝܘܡܐ܃ ܘܢܗܘܪ̈ܐ ܙܥܘܪ̈ܐ ܪ̈ܝܫ ܠܠܝܠܝܐ܀ ܘܟܘܟܒܝܐ
01)060( 001:17	ܘܐܬܩܢ ܝܬ݁ܗܘܢ ܐܠܗܐ ܒܓܘ ܫܘܪܪܐ ܕܫܘܡܝܐ ܕܝܗܘܢ ܡܢܗܪ̈ܝܢ ܥܠ ܐܪ̈ܥܐ
01)060( 001:18	ܘܝܗܘܢ ܪ̈ܝܫ ܠܝܘܡܐ ܘܠܠܝܠܝܐ܀ ܘܝܗܘܢ ܡܦܪ̈ܫܝܢ ܒܝܢ ܢܗܘܪ̈ܐ ܘܒܝܢ ܩܒܠܐ܀ ܘܚܡܐ ܐܠܗܐ ܕܗܐ ܛܒ܀
01)060( 001:19	ܘܗܘܐ ܪ̈ܡܫ ܘܗܘܐ ܨܦܪ̈ ܝܘܡ ܪ̈ܒܝܥܝ܀
01)060( 001:20	ܘܐܡܪ̈ ܐܠܗܐ ܝܦܩܘܢ ܡܝܐ ܪ̈ܡܣܢ ܕܢܦܫܢ ܚܝܐܢ ܘܦܪ̈ܚܢ ܕܦܪ̈ܚܢ ܥܠ ܐܪܥܐ ܬ݁ܚܘܬ݁ ܫܘܪ̈ܪ̈ܐ ܕܫܘܡܝܐ ܘܐܬ݁ܥܒܕ ܟܢ܀
01)060( 001:21	ܘܥܒܕ ܐܠܗܐ ܩܝܛܘܣܝܐ ܪܒܪ̈ܒܝܐ ܘܟܘܠ ܢܦܫܐ ܕܚܝܘܬܐ ܕܪ̈ܡܣܐ܀ ܗܠܝܢ ܕܐܦܩܘ ܡܝܐ ܠܓܢܣܗܘܢ܀ ܘܟܘܠ ܦܪܚܐ ܕܟܢܦܝܗ ܠܓܢܣܗ܀ ܘܚܡܐ ܐܠܗܐ ܕܗܐ ܛܒ܃ ܘܒܪܟ
01)060( 001:22	ܘܒܪܟ ܐܠܗܐ ܘܐܡܪ̈܀ ܪ̈ܒܘ ܘܣܓܘ ܘܡܠܘ ܡܝܐ ܕܒܝܡܡܝܐ܀ ܘܦܪ̈ܚܬܐ ܝܣܬܓܝܐܢ ܥܠ ܐܪܥܐ܀
01)060( 001:23	ܘܗܘܐ ܪܡܫ ܘܗܘܐ ܨܦܪ ܝܘܡ ܚܡܝܫܝ܀
01)060( 001:24	ܘܐܡܪ̈ ܬܩܦ ܐܪ̈ܥܐ ܢܦܝܫ ܚܝܐ ܠܛܘܦܣܗ ܕܐܪ̈ܒܥ ܪ̈ܝܓܠܝܝܢ ܘܪܡܝܣܬܐ ܘܚܝܘܬܐ ܕܐܪ̈ܥܐ ܠܛܘܦܣܗ܀
01)060( 001:25	ܘܟܘܠ ܪܡܣܬܐ ܕܐܪܥܐ ܠܛܘܦܣܗܝܢ܀ ܘܚܡܐ ܐܠܗܐ ܕܗܐ ܛܒܝܢ܀
01)060( 001:26	ܘܐܡܪ̈ ܐܠܗܐ ܢܥܒܕ ܒܪ̈ܢܫ ܒܨܘܪ̈ܬܢ ܘܗܝܟ ܕܡܘܬ݁ܢ܀ ܘܝܗܘܢ ܪ̈ܝܫ ܥܠ ܢܘܢܘܝ ܕܝܡܐ ܘܥܠ ܦܪ̈ܚܬܐ ܕܫܘܡܝܐ܃ ܘܥܠ ܒܥܝܪ̈ܝܐ܃ ܘܥܠ ܐܪ̈ܥܐ܀
01)060( 001:27	ܘܥܒܕ ܐܠܗܐ ܠܒܪܢܫܐ ܒܨܘܪܬܗ ܕܐܠܗܐ ܥܒܕ ܝܬ݁ܗ܀ ܕܟܪ̈ ܘܢܩܒܐ ܥܒܕ ܝܬ݁ܗܘܢ܀
01)060( 001:28	ܘܒܪ̈ܟ ܝܬ݁ܗܘܢ ܐܠܗܐ ܘܐܡܪ̈܀ ܪ̈ܒܘ ܘܣܓܘ ܘܡܠܘ ܝܬ݁ܗ ܠܐܪ̈ܥܐ ܘܡܪ̈ܘ ܥܠܝܗ܀ ܘܗܘܘ ܪ̈ܝܫ ܥܠ ܢܘܢܘܝ ܕܝܡܐ܃ ܘܥܠ ܦܪ̈ܚܬܐ ܕܫܘܡܝܐ܃ ܘܥܠ ܟܘܠ ܚܝܘܬܐ܃ ܘܥܠ ܟܘܠ ܒܥܝܪ̈ܝܐ܃ ܘܥܠ ܟܘܠ ܪ̈ܡܣܬܐ ܕܪ̈ܡܣܢ ܥܠ ܐܪ̈ܥܐ܀
01)060( 001:29	ܘܐܡܪ̈ ܗܐ ܝܗܒܬ ܠܟܘܢ ܟܘܠ ܥܣܒܐ ܕܡܙܕܪ̈ܥ܀ ܕܡܙܪ̈ܥ ܙܪ̈ܥ܀ ܗܕܝܢ ܕܗܘ ܠܥܠ ܡܢ ܟܘܠܗ ܐܪ̈ܥܐ܀ ܘܟܘܠ ܐܝܠܢ ܕܒܗ݀ ܦܝܪ̈ܝܢ ܕܙܪ̈ܥ ܕܡܙܕܪ̈ܥ ܠܟܘܢ ܝܗܐ݁ ܠܡܝܟ̈ܘܠܐ
01)060( 001:30	ܘܠܟܘܠ ܚܝܘܬܐ ܕܐܪܥܐ܀ ܘܠܟܘܠ ܦܪ̈ܚܬܐ ܕܫܘܡܝܐ܀ ܘܠܟܘܠ ܪܡܣܬܐ ܕܪ̈ܡܣܐ ܥܠ ܐܪ̈ܥܐ ܕܒܗ ܢܦܝܫ ܚܝܐ܀ ܘܟܘܠ ܥܣܒܐ ܝܪ̈ܘܩܐ ܠܡܝܟܘܠܐ ܘܐܬ݁ܥܒܕ ܟܢ܀
01)060( 001:31	ܘܚܡܐ ܐܠܗܐ ܟܘܠ ܡܐ ܕܥܒܕ ܘܗܐ ܛܒܝܢ ܠܚܕܐ܀ ܘܗܘܐ ܪܡܫ ܘܗܘܐ ܨܦܪ ܝܘܡ ܫܬܝܬܐܝ܀
01)060( 002:01	ܘܐܫܬܠܡܘ ܫܘܡܝܐ ܘܐܪܥܐ ܘܟܘܠ ܬܩܢܝܢܗܘܢ܀
01)060( 002:02	ܘܫܠܡ ܐܠܗܐ ܒܝܘܡܐ ܫܬܝܬܝܐ ܥܘܒܕܘܝ ܡܐ ܕܥܒܕ܀ ܘܐܬܢܝܚ ܒܝܘܡܐ ܫܒܝܥܝܐ ܡܢ ܟܘܠܗܘܢ ܥܘܒܕܘܝ ܡܐ ܕܥܒܕ܀
01)060( 002:03	ܘܒܪܟ ܐܠܗܐ ܠܝܘܡܐ ܫܒܝܥܝܐ ܘܩܕܫ ܝܬ݁ܗ܀ ܕܒܗ ܐܬܢܝܚ ܡܢ ܟܘܠܗܘܢ ܥܘܒܕܘܝ܀ ܗܠܝܢ ܕܫܪܝ ܐܠܗܐ ܕܝܥܒܕ܀
01)060( 002:04	ܗܕܝܢ ܗܘ ܣܝܦܪ̈ܐ ܕܥܘܒܕܐ ܕܫܘܡܝܐ ܘܕܐܪܥܐ܀ ܟܕ ܗܘܐ ܝܘܡܐ ܕܒܗ ܥܒܕ ܐܠܗܐ ܫܘܡܝܐ ܘܐܪܥܐ
01)060( 002:05	ܘܟܘܠ ܝܪ̈ܘܩܐ ܕܛܘܪܐ ܥܕ ܠܐ ܝܗܐ݁ ܥܠ ܐܪܥܐ܀ ܘܟܘܠ ܥܣܒܐ ܕܐܪܥܐ ܥܕ ܠܐ ܝܨܡܚ܀ ܠܐ ܓܪ̈ ܐܡܛܪ̈ ܐܠܗܐ ܥܠ ܐܪܥܐ ܘܐܢܫ ܠܐ ܗܘܐ ܕܝܦܠܘܚ ܝܬ݁ܗ ܠܐܪ̈ܥܐ܀
01)060( 002:06	ܡܒܘܥ ܕܝ ܗܘܐ ܣܠܩ ܡܢ ܐܪܥܐ ܘܗܘܐ ܡܫܩܐ݁ ܐܦܝܗ ܕܐܪ̈ܥܐ܀
01)060( 002:07	ܘܓܒܠ ܐܠܗܐ ܠܒܪ̈ܢܫܐ ܪܒܘܚ ܡܢ ܐܪܥܐ܀ ܘܢܦܚ ܒܐܦܘܝ ܢܫܡܐ ܕܚܝܝܢ܀ ܘܐܬܥܒܕ ܒܪܢܫܐ ܠܢܦܝܫ ܚܝܐ܀܀
01)060( 002:08	ܢܨܒ ܐܠܗܐ ܦܘܪ̈ܕܝܣ ܒܥܕܡ ܥܠ ܡܕܢܚܐ܀ ܘܐܣܝܡ ܬ݁ܡܢ ܠܒܪ̈ܢܫܐ ܕܓܒܠ܀
01)060( 002:09	ܘܐܨܡܚ ܐܠܗܐ ܥܘܕ ܡܢ ܐܪ̈ܥܐ ܟܘܠ ܐܝܠܢ ܫܦܝܪ̈ ܠܡܚܡܐ݁ ܘܛܒ ܠܡܝܟ̈ܠ܀ ܘܐܝܠܢܐ ܕܚܝܝܐ ܒܡܨܥܬ݁ܗ ܕܦܘܪܕܝܣܐ܀ ܘܐܝܠܢܐ ܕܝܕܥ ܐܟܪܘܬܐ ܕܛܒ ܘܕܒܝܫ܀
01)060( 002:10	ܢܗܪ̈ ܕܝ ܢܦܩ ܡܢ ܥܕܡ ܕܝܫܩܐ݁ ܝܬܗ݀ ܠܦܪ̈ܕܝܣܐ܀ ܘܡܢ ܬ݁ܡܢ ܗܘ ܦܪ̈ܫ ܠܐܪܒܥܐ ܪܝܫܝܢ܀
01)060( 002:11	ܫܝܡܗ ܕܚܕ ܦܝܣܘܢ ܗܕܢ ܗܘ ܕܚܓܠ ܟܘܠ ܐܪ̈ܥܐ ܕܐܘܝܠܛ܀ ܬ݁ܡܢ ܗܘ ܕܗܒܐ܀
01)060( 002:12	ܕܗܒܐ ܕܝ ܕܝܬ݁ܗ ܐܪܥܐ ܛܒ܀ ܘܬ݁ܡܢ ܗܝ ܓܘܡܪ̈ܬܐ ܘܟܝܦܐ ܕܟܝܪ̈ܬܐ܀
01)060( 002:13	ܘܫܝܡܗ ܕܢܗܪܐ ܬܢܝܢܐ ܓܝܚܘܢ܀ ܗܕܢ ܗܘ ܕܚܓܠ ܟܘܠܗ ܐܪܥܐ ܕܟܘܫܝܢ܀
01)060( 002:14	ܘܢܗܪ̈ܐ ܬ݁ܠܝܬ݁ܝܐ ܗܘ ܛܝܓ̈ܪ̈ܝܣ ܗܕܢ ܗܘ ܕܐܙܠ ܠܩܘܒܠ ܣܘܪ̈ܝܐ܀ ܘܢܗܪ̈ܐ ܪ̈ܒܝܥܝܐ ܗܘ ܦܘܪ̈ܬ܀
01)060( 002:15	ܘܢܣܒ ܐܠܗܐ ܠܒܪ܃ܢܫܐ ܕܓܒܠ ܘܐܣܝܡ ܝܬ݁ܗ ܒܗ ܒܦܘܪܕܝܣܐ ܕܝܗܐ݁ ܦܠܚ ܠܗ ܘܡܢܛܪ̈܀
01)060( 002:16	ܘܦܩܕ ܡܪܐ ܐܠܗܐ ܠܐܕܡ ܘܐܡܪ̈܀ ܡܢ ܟܘܠ ܐܝܠܢ ܕܒܦܘܪܕܝܣܐ ܡܝܟ̈ܠ ܬ݁ܝܟ̈ܘܠ܀
01)060( 002:17	ܡܢ ܐܝܠܢܐ ܕܝ ܕܡܟܝܪ̈ ܛܒ ܘܒܝܫ ܠܐ ܬܝܟ̈ܘܠܘܢ ܡܢܗ܀ ܒܝܘܡܐ ܕܬ݁ܝܟ̈ܘܠܘܢ ܡܢܗ ܡܘܬ݁ ܬܡܘܬ݁ܘܢ܀
01)060( 002:18	ܘܐܡܪ̈ ܡܪ̈ܐ ܐܠܗܐ ܠܐ ܛܒ ܕܝܗܝ ܒܪܢܫܐ ܒܠܚܘܕܘܝ܀ ܢܥܒܕ ܠܗ ܡܣܝܥܢ ܟܘܬ݁ܗ܀
01)060( 002:19	ܘܓܒܠ ܥܘܕ ܡܢ ܐܪ̈ܥܐ ܟܘܠ ܚܝܘܬܐ ܕܛܘܪܐ ܘܟܘܠ ܦܪܚܬܐ ܕܫܘܡܝܐ܀ ܘܐܝܛܝ ܝܬ݁ܗܘܢ ܠܘܬ݁ ܐܕܡ ܕܝܚܡܐ݁ ܡܐ ܗܘ ܩܪܐ ܠܗܘܢ܀ ܘܟܘܠ ܡܐ ܐܕܡ ܢܦܝܫ ܚܝܐ ܗܕܢ ܗܘ ܫܝܡܗ܀
01)060( 002:20	ܘܩܪ̈ܐ ܐܕܡ ܫܝܡܗܢ ܠܟܘܠ ܒܥܝܪ̈ܝܐ ܘܠܟܘܠ ܦܪܚܬܐ ܕܫܘܡܝܐ܀ ܘܠܟܘܠ ܚܝܘܬܐ ܕܛܘܪ̈ܐ܀ ܠܗ ܕܝ ܠܐܕܡ ܠܐ ܐܫܬܟܚ ܠܗ ܡܣܝܥܢ ܕܡܐ݁ ܠܗ܀
01)060( 002:21	ܘܐܪܡܝ ܐܠܗܐ ܫܝܢܬܐ ܥܠ ܐܕܡ ܘܕܡܟ ܘܢܣܒ ܚܕܐ ܡܢ ܐܠܥܘܝ ܘܡܠܝ ܒܣܪ ܚܘܠܦܗ܀
01)060( 002:22	ܘܒܢܐ݁ ܐܠܗܐ ܐܠܥܐ ܝܬ݁ܗ ܕܢܣܒ ܡܢ ܐܕܡ ܠܐ݁ܬܐ ܘܐܝܛܝ ܝܬ݁ܗ ܠܘܬ݁ ܐܕܡ܀
01)060( 002:23	ܘܐܡܪ̈ ܐܕܡ ܗܕܢ ܟܕܘ ܓܪܡ ܡܢ ܓܪ̈ܡܝ ܘܒܣܪ̈ ܡܢ ܒܣܪ̈ܝ܀ ܗܕܐ ܬܬ݁ܩ݁ܪ̈ܐ݁ ܐܬܬܐ ܕܡܢ ܓܒܪ̈ܗ ܐܬ݁ܢܣܒܬ݁܀
01)060( 002:24	ܗܕܐ ܠܒܕܝܠ ܗܕܐ ܝܫܒܘܩ ܓܒܪ̈ ܠܐܒܘܝ ܘܠܐܝܡܗ ܘܝܕܒܘܩ ܠܐܬ݁ܬܗ ܘܝܗܘܢ ܬ݁ܪܝܗܘܢ ܠܚܕ ܒܣܪ̈܀
01)060( 002:25	ܘܗܘܘ ܬ݁ܪ̈ܝܗܘܢ ܥܪ̈ܛܠܝܝܢ ܐܕܡ ܘܐܬܬ݁ܗ ܘܠܐ ܗܘܘ ܒܗܬ݁ܝܢ܀
01)060( 003:01	ܚܘܝܐ ܗܘܐ ܥܪ̈ܝܡ ܡܢ ܟܘܠ ܚܝܘܬܐ ܕܐܝܬ݁ ܥܠ ܐܪܥܐ ܗܠܝܢ ܕܥܒܕ ܡܪ̈ܐ ܐܠܗܐ܀ ܘܐܡܪ̈ ܚܘܝܐ ܠܐܬܬܐ܀ ܡܐ ܗܘ ܕܐܡܪ̈ ܐܠܗܐ ܕܠܐ ܬܝܟ̈ܘܠܘܢ ܡܢ ܟܘܠ ܐܝܠܢ ܕܒܦܘܪ̈ܕܝܣܐ܀
01)060( 003:02	ܘܐܡܪܬ݁ ܐܬܬܐ ܠܚܘܝܐ܀ ܡܢ ܦܝܪ̈ܘܝ ܕܐܝܠܢܐ ܕܒܦܘܪܕܝܣܐ ܢܝܟ̈ܘܠ܀
01)060( 003:03	ܡܢ ܦܝܪ܃ܘܝ ܕܝܗܝܒ ܒܡܨܥܗ ܕܦܘܪܕܝܣܐ ܐܡܪ̈ ܐܠܗܐ ܠܐ ܬ݁ܝܟ̈ܘܠܘܢ ܡܢܗ ܘܠܐ ܬܬ݁ܩܪܒܘܢ ܠܗ ܕܠܐ ܬܝܡܘܬ݁ܘܢ܀
01)060( 003:04	ܘܐܡܪ̈ ܚܘܝܐ ܠܐܬܬܐ ܡܘܬ݁ ܠܐ ܬܡܘܬ݁ܘܢ܀
01)060( 003:05	ܝܕܥ ܓܪ ܗܘܐ ܐܠܗܐ ܕܒܝܘܡ ܕܬ݁ܝܟ̈ܘܠܘܢ ܡܢܗ ܥܝܢܝܟܘܢ ܡܬ݁ܦܬ݁ܚܝܢ ܘܐܬܘܢ ܗܘܝܢ ܗܝܟ ܐܠܗܝܢ ܡܟܪܝܢ ܛܒ ܘܒܝܫ܀
01)060( 003:06	ܘܚܡܬ݁ ܐܬܬܐ ܕܛܒ ܗܘ ܐܝܠܢܐ ܠܡܝܟ̈ܠ܀ ܘܫܦܝܪ̈ ܠܥܝܢܝܐ ܠܡܕܡܝܘ ܒܗ܀ ܘܢܣܒܬ݁ ܡܢ ܦܝܪ̈ܘܝ ܘܐܟ̈ܠܬ݁܀ ܘܝܗܒܬ݁ ܐܘܦ ܠܓܒܪ̈ܗ ܥܡܗ ܘܐܟ̈ܠܘ܀
01)060( 003:07	ܘܐܬ݁ܦܬ݁ܚܝ ܥܝܢܝܗܘܢ ܕܬ݁ܪܝܗܘܢ ܘܐܟܪ̈ܘ ܕܥܪ̈ܛܠܝܝܢ ܗܘܘ܀ ܘܚܝܛܘ ܛܪܦܝܢ ܕܬ݁ܝܢܐ ܘܥܒܕܘ ܠܗܘܢ ܦ̈ܪ̈ܙܘܡܝܢ܀
01)060( 003:08	ܘܫܡܥܘ ܩܠܗ ܕܡܪܐ ܐܠܗܐ ܡܗܠܟ ܒܦܘܪܕܣܐ ܥܕܢ ܪ̈ܘܡܫܐ܀ ܘܐܬܛܡܪ̈ܘ ܐܕܡ ܘܐܬܬ݁ܗ܀ ܡܢ ܩܘܕܡ ܐܦ̈ܘܝ ܕܡܪܐ ܐܠܗܐ ܒܡܨܥ ܐܝܠܢܝܐ ܕܒܦܘܪܕܝܣܐ܀
01)060( 003:09	ܘܩܪܐ݁ ܐܠܗܐ ܠܐܕܡ ܘܐܡܪ ܠܗ ܗܢ ܐܬ܀
01)060( 003:10	ܘܐܡܪ̈ ܠܗ ܩܠܟ ܫܡܥܬ ܡܗܠܟ ܒܦܘܪܕܝܣܐ ܘܕܚܠܝܬ ܕܐܢܐ ܥܪ̈ܛܠܝ܀
01)060( 003:11	ܘܐܡܪ̈ ܠܗ ܡܢ ܐܘܕܥ ܠܟ ܕܐܬ ܥܪ̈ܛܠܝ܀ ܐܠܘ ܠܐ ܕܡܢ ܐܝܠܢܐ ܕܦܩܕܬ ܝܬ݁ܟ ܕܡܢ ܗܕܝܢ ܒܠܚܘܕ ܠܐ ܬ݁ܝܟ̈ܘܠ ܡܢܗ ܐܟ̈ܠܬ܀
01)060( 003:12	ܘܐܡܪ̈ ܐܕܡ ܐܬܬܐ ܗܕܐ ܕܝܗܒܬ ܥܡܝ ܗܝ ܝܗܒܬ݁ ܠܝ ܡܢ ܐܝܠܢܐ ܘܐܟ̈ܠܬ܀
01)060( 003:13	ܘܐܡܪ̈ ܐܠܗܐ ܠܐܬܬܐ ܡܐ ܗܘ ܗܕܢ ܕܥܒܕ݁ܬܝ܀ ܘܐܡܪܬ݁ ܐܬܬܐ ܚܘܝܐ ܐܛܥܝ ܝܬ݁ܝ ܘܐܟ̈ܠܬ܀
01)060( 003:14	ܘܐܡܪ̈ ܡܪ̈ܐ ܐܠܗܐ ܠܚܘܝܐ ܠܓܠܠ ܕܥܒܕܬ ܗܕܐ ܠܝܛ ܐܬ ܡܢ ܟܘܠ ܒܥܝܪܝܐ ܘܡܢ ܟܘܠ ܚܝܘܬܐ ܕ‍<‍ܐ‍>‍ܪ̈ܥܐ ܥܠ ܚܕܝܟ ܘܥܠ ܟܪܣܟ ܬܗܠܝܟ ܘܥܦܪ ܬܝܟ̈ܘܠ ܟܘܠ ܝܘܡܝ ܚܝܝܟ
01)060( 003:15	ܘܣܢܬܐ ܝܣܝܡ ܒܝܢܟ ܠܒܝܢ ܐܬܬܐ܀ ܘܒܝܢ ܙܪ̈ܥܟ ܠܒܝܢ ܙܪܥܗ܀ ܗܘ ܝܗܐ݁ ܝܢܛܪ̈ ܪ̈ܝܫܟ ܘܐܬ݁ ܬ݁ܗܐ݁ ܢܛܪ̈ ܥܩܒܗ܀
01)060( 003:16	ܘܠܐܬܬܐ ܐܡܪ̈ ܣ‍<‍ܘ‍>‍ܓ‍{‍ܘ‍}‍ܝ ܝܣܓܐ݁ ܥܩܬ݁ܝܟܝ ܘܬ݁ܘܢܚܬܝܟܝ܀ ܒܥܩܝܢ ܬܝܠܘܕܝܢ ܒܢܝܢ ܘܡܬ݁ܒܬ݁ܝܟܝ ܬ݁ܗܐ݁ ܠܘܬ݁ ܓܒܪܝܟܝ ܘܗܘ ܝܡܪ̈ܐ ܥܠܝܟܝ܀
01)060( 003:17	ܘܠܐܕܡ ܐܡܪ ܠܓܠܠ ܕܫܡܥܬ ܠܐܬܬ݁ܟ ܘܐܟ̈ܠܬ ܡܢ ܐܝܠܢܐ ܕܦܩܕܝܬ ܝܬ݁ܟ ܕܡܢ ܗܕܢ ܒܠܚܘܕ ܠܐ ܬ݁ܝܟ̈ܘܠ ܡܢܗ ܘܐܟܠܬ܀ ܠܝܛܐ ܐܪ̈ܥܐ ܒܥܘܒܕܝܟ܀ ܒܥܩܝܢ ܬ݁ܝܟ̈ܘܠ ܝܬ݁ܗ ܟܘܠ ܝܘܡܝ ܚܝܝܟ܀
01)060( 003:18	ܟܘܒܝܢ ܘܩܪ̈ܛܘܒܝܢ ܬܨܡܚ ܠܟ ܘܥܣܒܐ ܕܛܘܪ̈ܐ ܬ݁ܝܟ̈ܘܠ܀
01)060( 003:19	ܒܕܥܬ ܐܦܝܟ ܬ݁ܝܟ̈ܘܠ ܠܚܡ݁ܟ܀ ܥܕܡܐ ܠܐܪܥܐ ܕܡܢܗ ܐܬ݁ܢܣܒܬ܀ ܕܐܪܥ ܐܬ ܘܠܐܪ̈ܥܐ ܬܝܙܠ܀
01)060( 003:20	ܘܩܪܐ ܐܕܡ ܫܝܡܗ ܕܐܬܬ݁ܗ ܚܘܐ ܕܗܝ ܐܝܡܗܘܢ ܕܟܘܠ ܚܝܝܐ܀
01)060( 003:21	ܘܥܒܕ ܐܠܗܐ ܠܐܕܡ ܘܠܐܬܬ݁ܗ ܚܠܘܩܝܢ ܕܡܝܫܟ ܘܐܠܒܫ ܝܬ݁ܗܘܢ܀

01)060( 003:22	ܘܐܡܪ ܐܠܗܐ ܗܐ ܐܕܡ ܐܬ݁ܥܒܕ ܗܝܟ ܚܕ ܡܢܢ ܕܡܟܪ ܛܒ ܘܒܝܫ܀ ܐܘܦ ܟܕܘ ܠܐ ܐܡܬ݁ܝ ܝܦܫܘܛ ܐܝܕܗ ܘܝܣܝܒ ܡܢ ܐܝܠܢܐ ܕܚܝܝܐ ܘܝܐܟ̈ܘܠ ܘܝܚܐ݁ ܠܥܠܡ܀

01)060( 003:23	ܘܫܓܪ ܝܬ݁ܗ ܡܪ̈ܐ ܐܠܗܐ ܡܢ ܦܘܪ̈ܕܝܣܐ ܕܥܕܢ ܕܝܦܠܘܚ ܐܪ̈ܥܐ ܕܡܢܗ ܐܬ݁ܢܣܒ܀
01)060( 003:24	ܘܐܦܩ ܝܬ݁ܗ ܠܐܕܡ ܘܐܥܡܪ̈ ܝܬ݁ܗ ܠܩܘܒܠ ܦܘܪܕܝܣܐ ܕܥܕܢ܀ ܦܩܕ ܠܟܪܘܒܝܢ ܘܠܚܪ̈ܒܐ ܕܫܠܗܒܝܬܐ ܕܡܗܦܟܐ ܕܝܢܛܪ̈ܘܢ ܐܘܪ̈ܚܐ ܕܐܝܠܢܐ ܕܚܝܝܐ
01)060( 000:00	ܫܠܡ