The Comprehensive Aramaic Lexicon

01)066( 000:00	ܝܘܡ ܐܪܒܥܐ ܕܫܘܒܬܐ ܩܕܝܫܬܐ܀ ܩܪ̈ܝܐܢ ܩܡܝ ܡܢ ܓܢܣܝܣ

01)066( 018:01	ܘܐܬ݁ܚܡܝ ܐܠܗܐ ܠܐܒܪܗܡ ܓܒ ܒܠܘܛܐ ܕܡܡܒܪܝ܀ ܘܗܘ ܝܬܒ ܥܠ ܬܪܥܐ ܕܡܫܟܢܗ ܒܦܠܓܗ ܕܝܘܡܐ܀

01)066( 018:02	ܘܬ݁ܠܝ ܥܝܢܘܝ ܘܚܡܐ ܘܗܐ ܬ݁ܠܬܐ ܓܒܪ̈ܝܢ ܗܘܘ ܩܐܡܝܢ ܠܥܠ ܡܢܗ܀ ܘܟܕ ܚܡܐ܀ ܪ̈ܗܛ ܠܩܘܕܡܗܘܢ ܡܢ ܬܪܥܐ ܕܡܫܟܢܗ܀ ܘܣܓܕ ܥܠ ܐܪܥܐ ܘܐܡܪ̈
01)066( 018:03	ܡܪ̈ܝ ܐܢ ܐܫܟܚܝܬ ܚܣܕ ܩܘܕܡܝܟ ܠܐ ܬܥܒܪ̈ ܛܠܝܟ܀
01)066( 018:04	ܝܬ݁ܢܣܒܘܢ ܡܝܢ ܘܝܫܝܓ̈ܘܢ ܪ̈ܝܓܠܝܟܘܢ܀ ܘܐܩܪ̈ܘ ܬ݁ܚܘܬ݁ ܐܝܠܢܐ܀
01)066( 018:05	ܘܝܣܒ ܘܬܝܟ̈ܘܠܘܢ܀ ܘܡܢ ܒܬ݁ܪ̈ ܟܕܝܢ ܬܥܒܪ̈ܘܢ ܠܐܘܪ̈ܚܬ݁ܟܘܢ܀
01)066( 000:00	"ܐܢܩܛܥ ܡܢ ܗܘܢܐ ܘܪܩܗ ܐܢ ܐܘܓܪܗܐ ܐܠܙܩܗܐ" "ܦܝ ܗܕܐ ܐܠܡܩܛ̈ܥ"
01)066( 018:18	‍[‍܂܂܂‍]‍ ܗܐ ܕܝܗܐ݁ ܠܡܝܢ ܪ̈ܒ ܘܣܓܝ ܘܝܬܒܪܟܘܢ ܒܗ ܓܪ̈ ܟܘܠ ܡܝܢܝܗ ܕܐܪܥܐ܀
01)066( 018:19	ܝܕܥ ܐܢܐ ܓܪ̈ ܕܡܦܩܕ ܗܘ ܐܒܪ̈ܗܡ ܠܒܢܘܝ ܘܠܒܢܬ݁ܗ ܡܢ ܒܬ݁ܪ̈ܗ ܕܝܢܛܪ̈ܘܢ ܐܘܪ̈ܚܬ݁ܗ ܕܡܪ̈ܐ ܕܝܥܒܕܘܢ ܨܕܩܐ ܘܕܝܢܐ܀ ܠܡܠܘ ܕܝܝܛܐ݁ ܡܪ̈ܐ ܥܠ ܐܒܪ̈ܗܡ ܟܘܠ ܡܐ ܕܡܠܠ ܠܘܬ݁ܗ܀
01)066( 018:20	ܘܐܡܪ̈ ܡܪ̈ܐ ܨܘܚܬܐ ܕܣܕܘܡ ܘܕܓܘܡܘܪ̈ܬ݁ ܣܓܝܬ݁ ܠܘܬ݁ܝ܀ ܘܣܟܠܬ݁ܗܘܢ ܪܒܪܒܢ ܠܚܕܐ܀
01)066( 018:21	ܝܚܘܬ݁ ܐܘܢ ܝܚܡܐ݁ ܐܢ ܗܝܟ ܨܘܚܬܗܘܢ ܕܐܬ݁ܝܐ ܠܘܬ݁ܝ ܗܢܘܢ ܡܫܠܡܝܢ ܘܐܢ ܠܐ ܝܕܘܥ܀
01)066( 018:22	ܬ݁ܒܘ ܓܒܪܝܐ ܡܢ ܬ݁ܡܢ܀ ܘܐܬ݁ܘ ܠܣܕܘܡ܀ ܘܐܒܪ̈ܗܡ ܥܕ ܟܢ ܗܘܐ ܩܐܡ ܩܘܕܡ ܡܪ̈ܐ ܐܠܗܐ܀
01)066( 018:23	ܘܩܪ̈ܒ ܐܒܪܗܡ ܘܐܡܪ̈ ܠܐ ܬܝܒܕ ܨܕܝܩܐ ܥܡ ܪ̈ܫܝܥܐ܀ ܘܝܗܐ݁ ܨܕܝܩܐ ܗܝܟ ܪ̈ܫܝܥܐ
01)066( 018:24	ܐܢ ܝܗܘܢ ܚܡܝܫ̈ܝܢ ܨܕܝܩܝܢ ܒܡܕܝܢܬܐ ܡܝܒܕ ܐܬ ܠܗܘܢ܀ ܠܝܬ݁ ܐܬ ܫܒܩ ܐܬ݁ܪ̈ܐ ܠܒܕܝܠ ܚܡܝܫܝܢ܃ ܨܕܝܩܝܢ ܐܢ ܝܗܘܢ ܒܗ܀
01)066( 018:25	ܠܐ ܬܥܒܕ ܗܝܟ ܡܠܬܐ ܗܕܐ ܕܬܩܛܘܠ ܨܕܝܩܐ ܥܡ ܪܫܝܥܐ ܘܝܗܐ݁ ܨܕܝܩܐ ܗܝܟ ܪ̈ܫܝܥܐ܀ ܠܐ ܟܕܢ ܐܬ ܕܕܐܝܢ ܟܘܠܗ ܐܪܥܐ ܠܝܬ݁ ܐܬ ܥܒܕ ܕܝܢܐ܀
01)066( 018:26	ܘܐܡܪ ܡܪ̈ܐ ܐܢ ܝܫܟܚ ܒܣܕܘܡ ܚܡܝܫܝܢ ܨܕܝܩܝܢ ܒܡܕܝܢܬܐ ܝܫܒܘܩ ܟܘܠܗ ܐܬ݁ܪ̈ܐ ܠܒܕܝܠܗܘܢ܀
01)066( 018:27	ܘܐܓܝܒ ܐܒܪ̈ܗܡ ܘܐܡܪ̈܀ ܟܕܘ ܫܪ̈ܝܬ ܕܝܡܠܠ ܠܘܬ݁ ܡܪܐ܀ ܐܢܐ ܕܝ ܥܦܪ̈ ܐܢܐ ܘܢܚܠ܀
01)066( 018:28	ܐܢ ܕܝ ܝܬ݁ܚܣܪ̈ܘܢ ܚܡܝܫܝܢ ܨܕܝܩܝܢ ܚܡܝܫܐ܀ ܡܝܒܕ ܐܬ ܟܘܠ ܡܕܝܢܬܐ ܠܒܕܝܠ ܚܡܝܫܐ܀ ܘܐܡܪ̈ ܠܝܬ݁ ܐܢܐ ܡܝܒܕ ܐܢ ܝܫܬܟܚܘܢ ܬ݁ܡܢ ܐܪ̈ܒܥܝܢ ܘܚܡܝܫܐ܀
01)066( 018:29	ܘܐܘܣܦ ܬܘܒ ܕܝܡܠܠ ܠܘܬ݁ܗ ܘܐܡܪ̈܀ ܘܐܢ ܕܝ ܝܫܬܟܚܘܢ ܬ݁ܡܢ ܐܪܒܥܝܢ܀ ܘܐܡܪ̈ ܠܝܬ݁ ܐܢܐ ܡܝܒܕ ܠܒܕܝܠ ܐܪܒܥܝܢ܀
01)066( 018:30	ܘܐܡܪ̈ ܕܡܐ ܡܪ̈ܝ ܐܢ ܝܡܠܠ܀ ܐܢ ܕܝ ܝܫܬܟܚܘܢ ܬ݁ܡܢ ܬ݁ܠܬ݁ܝܢ܀ ܘܐܡܪ̈ ܠܝܬ݁ ܐܢܐ ܡܝܒܕ ܐܢ ܝܫܬܟܚܘܢ ܬ݁ܡܢ ܬ݁ܠܬ݁ܝܢ܀
01)066( 018:31	ܘܐܡܪ̈ ܥܠ ܕܐܝܬ݁ ܠܝ ܕܝܡܠܠ ܠܘܬ݁ ܡܪ̈ܐ܀ ܐܢ ܕܝ ܝܫܬܟܚܘܢ ܬ݁ܡܢ ܥܣܪ̈ܝܢ܀ ܘܐܡܪ̈ ܠܝܬ݁ ܐܢܐ ܡܝܒܕ ܠܒܕܝܠ ܥܣܪ̈ܝܢ܀
01)066( 018:32	ܘܐܡܪ̈ ܕܡܐ ܡܪܝ ܐܢ ܝܡܠܠ ܥܘܕ ܚܕܐ ܙܒܝܢ܀ ܘܐܢ ܕܝ ܝܫܬܟܚܘܢ ܬ݁ܡܢ ܥܣܪ̈ܐ܀ ܘܐܡܪ̈ ܠܝܬ݁ ܐܢܐ ܡܝܒܕ ܠܒܕܝܠ ܥܣܪ̈ܐ܀
01)066( 018:33	ܘܐܙܠ ܡܪ̈ܐ ܟܕ ܫܠܐ݁ ܡܢ ܡܡܠܠ ܥܡ ܐܒܪ̈ܗܡ܀ ܘܬ݁ܒ ܐܒܪ̈ܗܡ ܠܐܬ݁ܪ̈ܗ
01)066( 019:01	ܘܬ݁ܪܝܢ ܐܬ݁ܘ ܠܣܕܘܡ ܒܪ̈ܡܫܐ܀ ܘܠܘܛ ܗܘܐ ܝܬܒ ܓܒ ܬܪܥܐ ܕܣܕܘܡ܀ ܘܠܘܛ ܟܕ ܚܡܐ ܩܡ ܠܩܘܕܡܗܘܢ܀ ܘܣܓܕ ܥܠ ܐܦܘܝ ܥܠ ܐܪܥܐ ܟܕܢ
01)066( 019:02	ܘܐܡܪ ܗܐ ܡܪܝ ܐܪܟܢܘ ܠܒܝܬܗ ܕܛܠܝܟܘܢ܀ ܘܫܪܘ ܘܐܫܝܓ̈ܘ ܪܝܓ̈ܠܝܟܘܢ ܘܐܬܘܢ ܩܪ̈ܨܝܢ ܐܙܠܝܢ ܠܐܘܪ̈ܚܟܘܢ܀ ܘܐܡܪ̈ܘ ܠܐ ܐܠܐ ܒܫܘܩܐ ܢܫܪ̈ܐ܀
01)066( 019:03	ܘܐܢܣ ܝܬ݁ܗܘܢ ܘܐܪ̈ܟܢܘ ܠܒܝܬܗ܀ ܘܥܒܕ ܠܗܘܢ ܡܫܬܐ ܘܦܛܝܪ̈ܝܢ ܐܦܐ ܠܗܘܢ܀ ܘܐܟ̈ܠܘ
01)066( 019:04	ܩܘܕܡ ܕܝܕܡܘܟܘܢ܀ ܘܓܒܪܝܐ ܕܡܕܝܢܬܐ ܣܕܘܡܝܝܢ ܚܓܠܘ ܒܝܬܐ ܡܢ ܥܘܠܝܡ ܥܕ ܡܐ ܠܣܒ܀ ܩܗܠܐ ܟܘܠܗ ܗܝܟ ܚܕܐ܀
01)066( 019:05	ܘܗܘܘ ܩܪܝܢ ܠܠܘܛ ܘܗܘܘ ܐܡܪ̈ܝܢ ܠܗ܀ ܗܢ ܗܢܘܢ ܓܒܪܝܐ ܕܥܠܘ ܠܒܝܬܟ ܒܠܝܠܝܐ܀ ܐܦܩ ܝܬ݁ܗܘܢ ܠܘܬ݁ܢ ܕܢܗܐ݁ ܥܡܗܘܢ܀
01)066( 019:06	ܘܢܦܩ ܠܘܛ ܠܘܬ݁ܗܘܢ ܠܗܢ ܕܬ݁ܪ̈ܥܐ ܘܐܚܕ ܬܪܥܐ ܒܬ݁ܪܗ܀
01)066( 019:07	ܘܐܡܪ̈ ܠܗܘܢ ܠܐ ܟܕܢ ܠܐ ܟܕܢ ܐܚܝ ܠܐ ܬܒܐܫܘܢ܀
01)066( 019:08	ܐܝܬ݁ ܠܝ ܬ݁ܪܬܝܢ ܒܢܢ ܕܓܒܪ̈ ܠܐ ܐܟܪܝ܀ ܝܦܩ ܝܬ݁ܗܘܢ ܠܘܬ݁ܟܘܢ ܘܐܫܬܚܫܚܘ ܒܗܝܢ ܗܝܟ ܕܫܦܪ ܠܟܘܢ܀ ܒܠܚܘܕ ܒܗܠܝܢ ܓܒܪܝܐ ܠܐ ܬܥܒܕܘܢ ܟܠܘܡ ܕܛܘܠܡ܀ ܠܒܕܝܠ ܕܥܠܘ ܠܬ݁ܚܘܬ݁ ܛܠܘܠܐ ܕܫܪ̈ܝܬܝ܀
01)066( 019:09	ܘܐܡܪܘ ܪ̈ܚܘܩ ܠܗܠ܀ ܘܐܡܪܘ ܐܬ݁ܝܬ ܕܬܥܡܘܪ̈܀ ܕܡܐ ܐܘܦ ܕܬܕܘܢ ܕܝܢܝܐ܀ ܟܕܘ ܐܘܢ ܠܟ ܢܒܐ݁ܫ ܝܬܝܪ̈ ܡܢ ܕܠܗܠܝܟ܀ ܘܗܘܘ ܠܚܨܝܢ ܠܓܒܪ̈ܐ ܠܠܘܛ ܠܚܕܐ܀ ܘܩܪ̈ܒܘ ܕܝܫܚܘܩܘܢ ܬ݁ܪ̈ܥܐ܀
01)066( 019:10	ܘܦܫܛܘ ܓܒܪ̈ܝܐ ܐܝܕܝܗܘܢ ܘܢܓܕܘ ܠܠܘܛ ܠܘܬ݁ܗܘܢ ܠܒܝܬܐ܀ ܘܐܚܕܘ ܬܪܥܗ ܕܒܝܬܐ܀
01)066( 019:11	ܠܓܒܪܝܐ ܕܝ ܕܥܠ ܬܪܥܗ ܕܒܝܬܐ ܫܩܦܘ ܝܬ݁ܗܘܢ ܒܟܡ‍{‍ܘܗ‍}‍‍<‍ܗܘ‍>‍ܐ ܡܢ ܙܥܘܪ̈ܐ ܘܥܕܡܐ ܪ̈ܒܐ܀ ܘܗܘܘ ܡܓܫܓܫܝܢ ܒܥܝܢ ܬ݁ܪ̈ܥܐ܀
01)066( 019:12	ܘܐܡܪܘ ܗܠܝܟ ܓܒܪ̈ܝܐ ܠܠܘܛ ܐܢ ܐܝܬ݁ ܠܟ ܗܟܐ ܚܬܢܝܢ ܐܐ݁ ܒܢܝܢ ܐܐ݁ ܒܢܢ܀ ܐܐ݁ ܐܢ ܐܝܬ݁ ܠܟ ܐܢܫ ܚܘܪܢ ܒܡܕܝܢܬܐ ܐܦܩ ܡܢ ܗܕܢ ܐܬ݁ܪ̈ܐ܀
01)066( 019:13	ܠܒܕܝܠ ܕܐܢܢ ܡܝܒܕܝܢ ܐܬ݁ܪܐ ܗܕܢ܀ ܕܨܘܚܬܗܘܢ ܐܬ݁ܪܘܡܡܬ݁ ܩܘܕܡ ܡܪ̈ܐ܀
01)066( 019:14	ܘܫܓܪ̈ ܝܬ݁ܢ ܕܢܫܚܘܩ ܝܬ݁ܗ܀ ܘܢܦܩ ܠܘܛ ܘܡܠܠ ܥܡ ܚܬ݁ܢܘܝ ܕܢܣܝܒܝܢ ܒܢܬ݁ܗ ܘܐܡܪ܃ ܩܘܡܘ ܘܦܘܩܘ ܡܢ ܐܬ݁ܪ̈ܐ ܗܕܢ ܠܒܕܝܠ ܕܡܪ̈ܐ ܫܚܩ ܗܕܐ ܡܕܝܢܬܐ܀ ܘܐܬ݁ܚܡܝ ܗܝܟ ܓܚܘܟ ܩܘܕܡ ܚܬ݁ܢܘܝ܀
01)066( 019:15	ܟܕ ܕܝ ܗܘܐ ܨܦܪ̈ܐ ܗܘܘ ܡܠܐܟܝܐ ܡܫܒܫܝܢ ܠܠܘܛ ܘܐܡܪ̈ܝܢ܃ ܩܘܡ ܣܒ ܐܬܬ݁ܟ ܘܬ݁ܪܬܝܢ ܒܢܬ݁ܟ ܗܠܝܢ ܕܐܝܬ݁ ܠܟ ܘܦܘܩ ܕܠܐ ܐܘܦ ܐܬ ܬܝܒܘܕ ܒܥܒܪܢܝܡܘܣܐ ܕܡܕܝܢܬܐ܀
01)066( 019:16	ܘܐܬ݁ܥܪܒܒܘ ܘܨܕܘ ܡܠܐܟܝܐ ܒܝܕܗ ܘܒܐܝܕܗ ܕܐܬܬ݁ܗ ܘܒܐܕܝܗܝܢ ܕܬ݁ܪܬܝܢ ܒܢܬ݁ܗ܀ ܒܡܐ ܕܚܣ ܥܠܘܝ ܡܪ̈ܐ܀
01)066( 019:17	ܘܐܬ݁ܥܒܕ ܟܕ ܐܦܩܘ ܝܬ݁ܗܘܢ ܠܒܪ ܐܡܪܘ ܐܚܝ ܢܦܫܟ܀ ܠܐ ܬܣܬܟܠ ܠܚܘܪܝܐ ܘܠܐ ܬܩܘܡ ܒܟܘܠ ܗܕܐ ܐܪ̈ܥܐ܀ ܠܛܘܪܐ ܐܬ݁ܦܨܝ ܕܠܐ ܐܘܦ ܐܬ ܥܡܗܘܢ ܬܬ݁ܢܣܒ܀
01)066( 019:18	ܘܐܡܪ ܠܘܛ ܒܥܐ݁ ܐܢܐ ܡܢܟ ܡܪ̈ܝ
01)066( 019:19	ܥܠ ܛܠܝܟ ܪ̈ܚܡܝܢ ܩܘܕܡܝܟ܀ ܘܐܪܒܝܬ ܨܕܩܘ ܡܐ ܕܐܬ ܥܒܕ ܥܠܝ ܕܬܚܝ ܢܦܫܝ܀ ܐܢܐ ܕܝ ܠܝܬ݁ ܐܢܐ ܝܟܠ ܕܝܬ݁ܦܨܝ ܠܛܘܪܐ܀ ܕܠܐ ܝܕܒܘܩܢ ܝܬ݁ܝ ܒܝܫܬܐ ܘܝܡܘܬ݁܀
01)066( 019:20	ܗܐ ܗܕܐ ܡܕܝܢܬܐ ܩܪܝܒܐ ܕܝܥܪ̈ܘܩ ܠܬ݁ܡܢ ܘܝܬ݁ܦܨܐ݁ ܗܢ ܕܗܝ ܙܥܘܪܐ܀ ܘܬ݁ܚܝ ܢܦܫܝ ܠܒܕܝܠܟ܀
01)066( 019:21	ܘܐܡܪ ܠܗ ܗܐ ܬܡܗܬ ܐܦܝܟ ܥܠ ܗܕܐ ܡܠܬ݁ܟ ܕܠܐ ܝܗܦܘܟ ܡܕܝܢܬܐ ܗܕܐ ܕܡܠܠܬ ܥܠ ܕܛܒܗ܀
01)066( 019:22	ܠܬ݁ܡܢ ܐܬܦܨܐ݁ ܠܝܬ݁ ܐܢܐ ܓܪ ܝܟܠ ܕܝܥܒܕ ܟܠܘܡ ܥܕܡܐ ܕܬܥܘܠ ܠܬ݁ܡܢ܀ ܠܒܕܝܠ ܟܕܢ ܩܪܝ ܫܝܡܗ ܕܝܬ݁ܗ ܡܕܝܢܬܐ ܙܘܥܪ̈܀
01)066( 019:23	ܫܝܡܫܐ ܕܢܚ ܥܠ ܐܪܥܐ ܘܠܘܛ ܥܠ ܠܙܘܥܪ܀
01)066( 019:24	ܘܐܡܛܪ ܡܪܐ ܡܢ ܠܘܬ݁ ܡܪܐ ܥܠ ܣܕܘܡ ܘܥܠ ܓܘܡܪܬ݁ ܢܘܪ ܘܓܘܦܪܝ ܡܢ ܫܘܡܝܐ܀
01)066( 019:25	ܘܗܦܝܟ ܗܠܝܢ ܡܕܝܢܬܐ ܘܟܘܠ ܒܝܬ݁ ܥܘܡܪܬܗܝܢ ܘܟܘܠ ܗܠܝܢ ܕܥܡܪܝܢ ܒܡܕܝܢܬܐ܀ ܘܡܐ ܕܨܡܚ ܡܢ ܐܪ̈ܥܐ܀
01)066( 019:26	ܘܐܕܡܝܬ݁ ܐܬܬ݁ܗ ܕܠܘܛ ܠܚܘܪܝܐ ܘܐܬ݁ܥܒܕܬ݁ ܡܨܒܐ ܕܡܠܚ܀
01)066( 019:27	ܘܩܪܨ ܐܒܪܗܡ ܠܐܬ݁ܪܐ ܗܢ ܕܗܘܐ ܩܐܡ ܒܗ ܩܘܕܡ ܡܪ̈ܐ܀
01)066( 019:28	ܘܐܕܡܝ ܠܦܝ ܣܕܘܡ ܘܓܘܡܪܬ݁ ܘܠܦܐ݁ ܐܪܥܐ ܕܩܪܝܬܐ ܕܚܓܝܠܢ܀ ܘܚܡܐ ܘܗܐ ܗܘܬ݁ ܣܠܩܐ ܫܠܗܒܝܬܐ ܕܐܪܥܐ ܗܝܟ ܥܛܪܗ ܕܐܬܘܢܐ܀
01)066( 019:29	ܘܗܘܐ ܟܕ ܫܚܩ ܐܠܗܐ ܟܘܠ ܡܕܝܢܬܐ ܕܐܪܥܐ ܝܬ݁ܗ܀ ܐܬ݁ܕܟܪ̈ ܐܠܗܐ ܠܐܒܪ̈ܗܡ ܘܫܓܪ̈ ܠܠܘܛ ܡܢ ܡܨܒܬ݁ ܗܦܝܟܬܐ܀ ܟܕ ܗܘܐ ܡܪܐ ܗܦܟ ܡܕܝܢܬܐ ܕܗܘܐ ܠܘܛ ܥܡܪ ܒܗܝܢ܀
01)066( 019:30	ܘܣܠܩ ܠܘܛ ܡܢ ܙܘܥܪ ܘܗܘܐ ܝܬܝܒ ܒܛܘܪܐ ܘܬ݁ܪܬܝܢ ܒܢܬ݁ܗ ܥܡܗ܀ ܕܚܠ ܓܪ ܕܝܥܡܘܪ̈ ܒܙܘܥܪ܀ ܘܥܡܪ̈ ܒܡܥܪܬܐ ܗܘ ܘܬ݁ܪܬܝܢ ܒܢܬ݁ܗ ܥܡܗ ܬ݁ܡܢ܀