← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55420: le97 lection 45 Deut

Click on a word for lexical analysis
Click on a red-colored coordinate for comments and/or translations of the line

05)045( 000:00 ܩܪ̈ܝܐܢ ܫܥܢܘܢܐ
05)045( 076:21 ܕܒܪܬ ܗܝܟ ܐܝܡܪܝܢ ܩܗܠܟ܀ ܒܝܕܗ ܕܡܘܫܐ݁ ܘܕܗܪܘܢ
05)045( 000:00 ܥܢܝܬܗ
05)045( 076:02 ܩܠܝ ܠܘܬ݁ ܡܪܐ ܐܨܝܚܬ܀ ܩܠܝ ܠܘܬ݁ ܐܠܗܐ ܘܐܣܬܟܠ ܠܝ܀
05)045( 000:00 ܒܥܪܘܒܬܐ ܪܒܝܥܝܬܐ ܩܪܝܐܢ ܩܡܝ ܡܢ ܬ݁ܢܝܗ ܕܢܝܡܘܣܐ
05)045( 010:12 ܐܘܦ ܟܕܘ ܐܣܪ̈ܝܠ ܡܐ ܡܪܐ ܐܠܗܟ ܒܥܝ ܡܢܟ ܐܠܐ ܕܬܕܚܘܠ ܡܢ ܡܪ̈ܐ ܐܠܗܟ܀ ܕܬܗܠܝܟ ܒܟܘܠܗܝܢ ܐܘܪܚܬܗ ܘܬܚܒ ܝܬ݁ܗ܀ ܘܬܦܠܘܚ ܠܡܪܐ ܐܠܗܟ ܡܢ ܟܘܠܗ ܠܒܟ܀ ܘܡܢ ܟܘܠܗ ܢܦܫܟ܀
05)045( 010:13 ܘܕܬܢܛܪ ܦܩܘܕܘܝ ܕܡܪܐ ܐܠܗܟ ܘܨܕܩܘܝ ܗܠܝܢ ܕܐܢܐ ܡܦܩܕ ܠܟ ܝܘܡܕܢ ܕܝܛܘܒ ܠܟ܀
05)045( 010:14 ܗܐ ܕܡܪܐ ܐܠܗܟ ܗܢܘܢ ܫܘܡܝܐ܃ ܘܫܘܡܐ݁ ܫܘܡܝܐ܀ ܘܐܪܥܐ ܘܟܘܠ ܕܡܐ ܕܒܓܘܗ܀
05)045( 010:15 ܒܠܚܘܕ ܠܐܒܗܬ݁ܟܘܢ ܒܚܪ̈ ܡܪ̈ܐ ܕܝܚܒ ܝܬ݁ܗܘܢ܀ ܘܒܚܪ ܙܪܥܗܘܢ ܘܡܢ ܒܬ݁ܪܗܘܢ ܠܟܘܢ ܡܢ ܟܘܠܗܘܢ ܡܝܢܝܐ܀ ܗܝܟ ܕܝܘܡܕܢ
05)045( 010:16 ܬܝܓܙܘܪ̈ܘܢ ܩܫܝܘܬ݁ ܠܒܟܘܢ܀ ܕܠܐ ܬܩܫܘܢ ܩܕܠܟܘܢ ܥܘܕ܀
05)045( 010:17 ܕܡܪܐ ܓܪ ܐܠܗܟܘܢ ܗܘ ܐܠܗܘܢ ܕܐܠܗܝܐ ܘܡܪ̈ܗܘܢ ܕܡܪܝܐ܀ ܐܠܗܐ ܪܒܐ ܘܚܝܘܠܐ ܘܕܚܝܠܐ܀ ܕܗܘ ܠܐ ܡܬܡܗ ܐܦ̈ܝܢ ܘܠܐ ܢܣܒ ܫܚܘܕ܀
05)045( 010:18 ܕܥܒܕ ܠܓܝܘܪ̈ܐ ܘܠܝܬ݁ܡܐ ܘܠܐܪ̈ܡܠܬܐ܀ ܘܡܚܒ ܠܓܝܘܪܐ ܕܝܬܠ ܠܗ ܠܚܡܐ ܘܠܒܘܫܐ܀
05)045( 010:19 ܘܬܚܒܘܢ ܠܓܝܘܪܐ ܓܝܘܪ̈ܝܢ ܓܪ̈ ܗܘܝܬܘܢ ܒܐܪܥܐ ܕܡܨܪܝܢ܀
05)045( 010:20 ܠܡܪ̈ܐ ܬܕܚܘܠ ܘܠܗ ܬܦܠܘܚ ܘܠܘܬ݁ܗ ܬܕܒܘܩ ܘܥܠ ܫܝܡܗ ܬܝܡܐ݁܀
05)045( 010:21 ܗܘ ܓܪ ܬܝܫܒܘܚܬܟ ܘܗܘ ܐܠܗܟ܀ ܗܕܢ ܕܥܒܕ ܪ̈ܒܪܒܬܐ ܘܡܫܒܚܬܐ ܗܠܝܢ ܕܚܡܝ ܥܝܢܝܟ܀
05)045( 010:22 ܒܫܘܒܥܝܢ ܢܦܫܢ ܢܚܬ݁ܘ ܐܒܗܬ݁ܟ ܠܡܨܪ̈ܝܢ܀ ܟܕܘ ܕܝ ܥܒܕ ܝܬ݁ܟ ܡܪܐ ܐܠܗܟ ܗܝܟ ܟܘܟܒܝܐ ܕܫܘܡܝܐ ܒܣܘܓܝܐ܀
05)045( 011:01 ܘܬܚܒ ܠܡܪ̈ܐ ܐܠܗܟ ܘܬܢܛܪ̈ ܡܛܪ̈ܬܗ ܘܨܕܩܘܝ ܘܦܩܘܕܘܝ ܘܕܝܢܘܝ ܟܘܠܗܘܢ ܝܘܡܝܐ܀
05)045( 011:02 ܘܬܟܪܘܢ ܝܘܡܕܢ ܕܠܐ ܒܢܝܟܘܢ ܗܠܝܢ ܕܠܐ ܝܕܥܝܢ ܘܠܐ ܚܡܘ ܡܪ̈ܕܘܬ݁ܗ ܕܡܪܐ ܐܠܗܟ ܘܪܒܪܒܬ݁ܗ܀ ܘܐܝܕܐ ܫܪܝܪ̈ܬܐ ܘܐܕܪܥܐ ܪܡܐ܀
05)045( 011:03 ܘܐܬ݁ܘܝ ܘܥܘܒܕܘܝ ܗܠܝܢ ܕܥܒܕ ܒܡܨܥ ܡܨܪܝܢ܀ ܠܦܪܥܘܢ ܡܠܟܐ ܕܡܨܪܝܢ ܘܠܟܘܠܗ ܐܪ̈ܥܗ܀
05)045( 011:04 ܘܡܐ ܕܥܒܕ ܠܚܝܠܝܐ ܕܡܨܪ̈ܝܢ܀ ܠܡܪܟܘܒܬ݁ܗܘܢ ܘܠܣܘܣܘܬ݁ܗܘܢ ܗܝܟ ܛܦܘ ܒܡܝܐ ܕܝܡܐ ܣܡܘܩܐ ܥܠ ܐܦܝܗܘܢ܀ ܟܕ ܪܕܦܘ ܡܢ ܠܚܘܪ̈ܝܟܘܢ ܡܘܒܕ ܝܬ݁ܗܘܢ ܡܪܐ܀ ܥܕܡܐ ܠܝܘܡܐ ܕܝܘܡܕܝܢ܀
05)045( 011:05 ܘܟܘܠܡܐ ܕܥܒܕ ܠܟܘܢ ܒܡܕܒܪ̈ܐ ܥܕܡܐ ܕܐܬ݁ܝܬܘܢ ܠܐܬ݁ܪܐ ܗܕܢ܀
05)045( 011:06 ܘܟܘܠ ܡܐ ܕܥܒܕ ܠܕܬ݁ܢ ܘܠܐܒܝܪܘܢ ܒܢܘܝ ܐܠܝܒ ܒܪ̈ܗ ܕܪ̈ܘܒܝܠ܀ ܗܠܝܢ ܕܦܬ݁ܚܬ݁ ܐܪܥܐ ܦܡܗ ܘܒܠܥܬ݁ ܝܬ݁ܗܘܢ ܘܠܒܬ݁ܝܗܘܢ ܘܠܡܫܟܢܝܗܘܢ ܘܠܟܘܠ ܩܝܡܬܗܘܢ ܪܒܬܐ݁ ܒܡܨܥ ܟܘܠܗ ܐܣܪܝܠ܀
05)045( 011:07 ܕܥܝܢܝܟܘܢ ܚܡܐܝ ܟܘܠܗܘܢ ܥܘܒܕܘܝ ܕܡܪ̈ܐ ܪܒܪܒܐ܀ ܗܠܝܢ ܕܥܒܕ ܠܟܘܢ ܥܕܡܐ ܠܝܘܡܕܢ܀
05)045( 011:08 ܘܢܛܪܘ ܟܘܠܗܘܢ ܦܩܘܕܘܝ ܗܠܝܢ ܕܐܢܐ ܡܦܩܕ ܠܟܘܢ ܝܘܡܕܢ܀ ܕܬܚܘܢ ܘܬܣܬܓܘܢ ܠܣܘܓܝ܀ ܘܬܥܘܠܘܢ ܘܬܝܪ̈ܘܬ݁ܘܢ ܐܪ̈ܥܐ ܗܕܐ ܕܐܬܘܢ ܥܒܪܝܢ ܝܪܕܢܐ ܠܬܡܢ܀ ܕܬܝܪܘܬ݁ܘܢ ܝܬ݁ܗ܀
05)045( 011:09 ܕܝܪ̈ܘܟܘܢ ܝܘܡܝܟܘܢ ܥܠ ܐܪܥܐ ܕܝܡܐ݁ ܡܪ̈ܐ ܠܐܒܗܬ݁ܟܘܢ ܕܝܬܠ ܠܗܘܢ ܘܠܙܪܥܗܘܢ ܡܢ ܒܬ݁ܪܗܘܢ܀ ܐܪ̈ܥ ܕܢܓܕܐ ܚܠܒ ܘܕܒܫ܀
05)045( 011:10 ܐܝܬ݁ ܗܝ ܓܪ ܐܪܥܐ ܕܐܬܘܢ ܥܠܝܢ ܠܬ݁ܡܢ ܕܬܝܪܘܬ݁ܘܢ ܝ݁ܬܗ܀ ܠܐ ܗܝܟ ܐܪܥܐ ܕܡܨܪ̈ܝܢ ܗܝ ܡܢ ܗܢ ܕܢܦܩܬܘܢ ܡܢ ܬ݁ܡܢ܀ ܕܟܕ ܙܪ̈ܥܝܢ ܙܪܥܐ ܡܫܩܝܢ ܒܪܝܓ݁ܠܝܐ ܗܝܟ ܓܢܬܐ ܕܝܪܩܐ܀
05)045( 011:11 ܐܪܥܐ ܕܝ ܕܐܬܘܢ ܥܠܝܢ ܠܬ݁ܡܢ ܕܬܝܪܘܬ݁ܘܢ ܝܬ݁ܗ ܐܪܥ ܕܛܘܪ̈ܝܢ ܘܕܡܝܫܪܝܢ܀ ܡܢ ܡܛܪܐ ܕܫܘܡܝܐ ܗܝ ܫܬ݁ܝܐ ܡܝܢ܀
05)045( 011:12 ܐܪܥܐ ܗܕܐ ܕܡܪܐ ܐܠܗܟ ܦܩܕ ܠܗ ܒܟܘܠ ܥܪ̈܀ ܥܝܢܘܝ ܕܡܪܐ ܐܠܗܟ ܥܠܝܗ܀ ܡܢ ܪܝܫܗ݀ ܕܫܝܬܐ ܥܕ ܡܐ ܠܫܠܘܡܗ ܕܫܝܬܐ܀
05)045( 011:13 ܐܢ ܕܝ ܡܫܡܘܥ ܬܫܡܘܥܘܢ ܟܘܠܗܘܢ ܦܩܘܕܘܝ ܗܠܝܢ ܕܐܢܐ ܡܦܩܕ ܠܟ ܝܘܡܕܢ ܕܬܚܒ ܠܡܪܐ ܐܠܗܟ ܘܬܦܠܘܚ ܠܗ ܡܢ ܟܘܠܗ ܠܒܟ ܘܡܢ ܟܘܠܗ ܢܦܫܟ܀
05)045( 011:14 ܝܬܠ ܠܟ ܡܛܪܐ ܠܐܪܥܟ ܒܟܘܠ ܫܥܐ ܒܙܒܢܗ ܒܟܝܪܐ ܘܠܩܝܫܐ ܘܬܟܢܫ ܥܒܘܪܟ ܘܚܡܪܟ ܘܡܝܫܚܟ܀
05)045( 011:15 ܘܝܬܠ ܥܣܒܐ ܒܛܘܪܝܟ
05)045( 011:16 ܠܒܥܝܪܝܟ܀ ܘܟܕ ܬܟ̈ܘܠ ܘܬܣܒܘܥ܀ ܐܣܬܟܠܘ ܠܓ‍<‍ܪ‍>‍ܡܟܘܢ ܕܠܐ ܝܬ݁ܦܬܐ ܠܒܟܘܢ܀ ܘܬܥܒܘܪܘܢ ܘܬܦܠܘܚܘܢ ܠܐܠܗܝܢ ܚܘܪܝܢܝܢ܀
05)045( 011:17 ܘܡܪ̈ܐ ܝܬ݁ܚܡܬ݁ ܘܝܪ̈ܓܘܙ ܥܠܝܟܘܢ܀ ܘܝܨܘܕ ܫܘܡܝܐ ܘܠܐ ܝܗܐ݁ ܡܛܪܐ܀ ܘܐܪܥܐ ܠܐ ܬܬܠ ܦܝܪܗ܀ ܘܬܝܒܘܕܘܢ ܒܦܪܝܥ ܡܢ ܐܪܥܐ ܛܒܬܐ ܕܝܗܒ ܠܟܘܢ ܡܪ̈ܐ܀
05)045( 011:18 ܘܡܠܝܐ ܗܠܝܢ ܬܪ̈ܡܘܢ ܥܠ ܠܒܒܝܟܘܢ ܘܥܠ ܢܦܫܬ݁ܟܘܢ܀ ܘܬܩܛܘܪܘܢ ܝܬ݁ܗܝܢ ܠܐ݁ܬ ܥܠ ܐܝܕܝܟܘܢ ܘܝܗܐ݁ ܕܠܐ ܙܝܥ ܩܘܕܡ ܥܝܢܝܟܘܢ܃
05)045( 011:19 ܘܬܠܦܘܢ ܝܬ݁ܗܝܢ ܠܒܢܝܟܘܢ ܕܝܗܘܢ ܡܡܠܠܝܢ ܒܗܝܢ܀ ܟܕ ܐܬ ܝܬܒ ܒܒܝܬܐ܃ ܘܟܕ ܐܬ ܐܙܠ ܒܐܘܪܚܐ܀ ܘܟܕ ܐܬ ܕܡܟ ܘܟܕ ܐܬ ܩܐܡ܀
05)045( 011:20 ܘܬܟܬܘܒ ܥܠ ܐܣܟܘܦܝܐ ܕܒܝܬܟ ܕܒܝܬܟ ܘܒܬܪ̈ܥܝܟ
05)045( 011:21 ܕܝܣܬܓܘܢ ܘܝܘܡܝܗܘܢ ܕܒܢܝܟ ܥܠ ܐܪܥܐ ܕܝܡܐ݁ ܡܪ̈ܐ ܠܐܒܗܬ݁ܟܘܢ ܕܝܬܠ ܠܗܘܢ܀ ܗܝܟ ܝܘܡܝ ܫܘܡܝܐ ܥܠ ܐܪܥܐ܀
05)045( 011:22 ܘܝܗܐ݁ ܐܢ ܡܫܡܘܥ ܬܫܡܘܥܘܢ ܟܘܠܗܘܢ ܦܩܘܕܝܐ ܗܠܝܢ ܕܐܢܐ ܡܦܩܕ ܠܟܘܢ ܝܘܡܕܢ ܕܬܥܒܕܘܢ܀ ܕܬܚܒܘܢ ܠܡܪ̈ܐ ܐܠܗܟܘܢ ܕܬܗܠܟܘܢ ܒܟܘܠ ܐܘܪ̈ܚܬ݁ܗ ܘܠܗ ܬܕܒܘܩܘܢ܀
05)045( 011:23 ܝܦܩ ܟܘܠܗܘܢ ܡܝܢܝܐ ܗܠܝܢ ܡܢ ܩܘܕܡ ܐܦܝܟܘܢ܀ ܘܬܝܪܘܬܘܢ ܡܝܢܝܢ ܪܒܪܒܝܢ ܘܚܝܘܠܝܢ ܝܬܪ ܡܢܟܘܢ܀
05)045( 011:24 ܟܘܠܗ ܐܬ݁ܪܐ ܕܝܕܘܫ ܥܩܒܐ ܕܪܝܓ̈ܠܝܟܘܢ ܠܟܘܢ ܝܗܐ݁܀ ܡܢ ܡܕܒܪܐ ܘܠܒܢܢ܀ ܘܡܢ ܢܗܪܐ ܪܒܐ ܦܘܪܬ ܘܥܕ ܡܐ ܠܝܡܐ ܕܥܠ ܡܥܪܒܐ ܝܗܘܢ ܬ݁ܚܘܡܝܟ܀
05)045( 011:25 ܠܐ ܝܩܘܡ ܐܢܫ ܩܘܕܡ ܐܦܝܟܘܢ܀ ܐܪܬܬ݁ܘܬ݁ܟܘܢ ܘܕܚܠܬ݁ܟܘܢ ܝܪܡܐ݁ ܡܪܐ ܐܠܗܟܘܢ ܥܠ ܐܦܝܗ ܕܟܘܠܗ ܐܪ̈ܥܐ ܗܕܐ ܕܬܕܘܫܘܢ ܥܠܝܗ ܗܝܟ ܕܡܠܠ ܠܟܘܢ ܡܪܐ܀
05)045( 011:26 ܗܐ ܐܢܐ ܝܗܒ ܩܘܕܡܝܟܘܢ ܝܘܡܕܢ ܒܪܟܬܐ ܘܠܘܛܐ܀
05)045( 011:27 ܒܪܟܬܐ ܐܢ ܬܫܡܘܥܘܢ ܦܩܘܕܘܝ ܕܡܪܐ ܐܠܗܟܘܢ ܗܠܝܢ ܕܐܢܐ ܡܦܩܕ ܠܟܘܢ ܝܘܡܕܢ܀
05)045( 011:28 ܘܠܘܛܐ ܐܢ ܠܐ ܬܫܡܘܥܘܢ ܦܩܕܘܝ ܕܡܪܐ ܐܠܗܟܘܢ ܗܠܝܢ ܕܐܢܐ ܡܦܩܕ ܠܟܘܢ ܝܘܡܕܢ ܘܬ݁ܛܥܘܢ ܐܘܪܚܐ ܕܦܩܝܕܬ ܝܬܟܘܢ ܕܬܝܙܠܘܢ ܒܗ ܘܬܦܠܚܘܢ ܠܐܠܗܝܢ ܚܘܪܝܢܢ ܗܠܝܢ ܕܠܝܬ݁ ܐܬܘܢ ܝܕܥܝܢ܀܀