← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55420: le97 lection 53 Deut

Click on a word for lexical analysis
Click on a red-colored coordinate for comments and/or translations of the line

05)053( 012:00 ܩܪ̈ܝܐܢ ܩܡܝ ܡܢ ܬ݁ܢܝܗ ܢܝܡܘܣܐ ܐܩܠܘܬ݁ܝܐ܀
05)053( 012:28 ܢܛܪ ܘܫܡܘܥ ܕܬܥܒܝܕ ܟܘܠܗܝܢ ܡܠܝܐ ܗܠܝܢ ܕܐܢܐ ܡܦܩܝܕ ܕܝܛܘܒ ܠܟ ܘܠܒܢܝܟ ܠܥܠܡ܀ ܐܢ ܬܥܒܕ ܡܐ ܕܛܒ ܘܡܐ ܕܫܦ‍{‍ܕ‍}‍‍<‍ܪ‍>‍ ܩܘܕܡ ܡܪ̈ܐ ܐܠܗܟ܀
05)053( 012:29 ܐܢ ܕܝ ܝܫܚܘܩ ܡܪܐ ܐܠܗܟ ܡܝܢܝܐ ܗܠܝܢ ܕܐܬ ܥܠܝܠ ܠܬ݁ܡܢ ܕܬܝܪ̈ܘܬ݁ ܐܪܥܗܘܢ ܡܢ ܩܘܕܡ ܐܦܝܟ ܘܬܝܪ̈ܘܬ݁ ܝܬ݁ܗܘܢ ܘܬܥܡܘܪ̈ ܒܐܪ̈ܥܗܘܢ ܟܕܘ܀
05)053( 012:30 ܐܣܬܟܠ ܠܓܪܡܟ ܕܠܐ ܬܒܥܐ݁ ܕܬܝܙܠ ܒܬ݁ܪܗܘܢ܀ ܡܢ ܒܬܪ̈ ܕܝܫܬܚܩܘܢ܀ ܡܢ ܩܘܕܡ ܐܦ̈ܝܟ܀ ܠܐ ܬܒܥܐ݁ ܕܬܐܙܝܠ ܒܬ݁ܪܗܘܢ܀ ܘܠܐ ܬܒܥܐ݁ ܐܠܗܝܗܘܢ ܐܡܪ̈ ܗܝܟ ܕܗܘܘ ܥܒܕܝܢ ܡܝܢܝܐ ܗܠܝܢ ܠܐܠܗܝܗܘܢ ܝܥܒܕ ܐܘܦ ܐܢܐ܀
05)053( 012:31 ܠܐ ܬܥܒܕ ܠܡܪ̈ܐ ܐܠܗܟ ܬܘܒܢ܀ ܣܐܘܒܝܐ ܓܪ̈ ܕܣܢܐ݁ ܡܪ̈ܐ ܥܒܕܘ ܠܐܠܗܝܗܘܢ܀ ܕܒܢܝܗܘܢ ܘܒܢܝܬ݁ܗܘܢ ܗܢܘܢ ܡܘܩܕܝܢ ܒܢܘܪܐ ܠܐܠܗܝܗܘܢ܀
05)053( 012:32 ܟܘܠ ܡܠܐ ܕܐܢܐ ܡܦܩܕ ܠܟ ܝܘܡܕܝܢ܀ ܗܕܐ ܢܛܪ̈ ܕܬܥܒܕ܀ ܠܐ ܬܘܣܦ ܥܠܝܗ ܘܠܐ ܬܒܨܘܪ̈ ܡܢܗ܀
05)053( 013:01 ܐܢ ܕܝ ܝܩܘܡ ܒܓܘܟ ܢܒܐ݁ ܐܐ ܚܠܡ ܚܠܡܐ܃ ܝܬܠ ܠܟ ܐܬ݁ ܐܐ݁ ܓܒܘܪ̈ܐ܀
05)053( 013:02 ܘܝܐܬܐ݁ ܐܬܐ ܐܐ݁ ܓܒܘܪ̈ܬܐ ܕܡܠܠ ܠܟ ܐܡܪ̈܀ ܢܐܙܠ ܢܦܠܘܚ ܠܐܠܗܝܢ ܚܘܪ̈ܢܝܢ ܗܠܝܢ ܕܠܝܬ݁ ܐܬܘܢ ܝܕܥܝܢ܃
05)053( 013:03 ܠܐ ܬܫܡܘܥܘܢ ܠܡܠܬ݁ܗ ܕܢܒܝܐ ܐܐ݁ ܕܗܕܢ ܕܚܠܡ ܚܠܡܐ ܐܗܘ܀ ܕܡܢܣܐ݁ ܗܘ ܠܟ ܡܪܐ ܐܠܗܐ ܕܝܕܘܥ ܐܢ ܡܚܒܝܢ ܐܬܘܢ ܠܡܪܐ ܐܠܗܟܘܢ ܡܢ ܟܘܠܗ ܠܒܟܘܢ܃ ܘܡܢ ܟܘܠܗ ܢܦܫܟܘܢ܀
05)053( 013:04 ܒܬ݁ܪ ܡܪܐ ܐܠܗܟܘܢ ܐܙܠܘ܃ ܘܦܩܘܕܘܝ ܢܛܪܘ܀ ܘܒܩܠܗ ܫܡܘܥܘ܀ ܘܠܗ ܬܬܘܣܦܘܢ܀
05)053( 013:05 ܘܢܒܝܐ ܝܬ݁ܗ ܐܐ݁ ܚܠܡ ܚܠܡܐ܃ ܝܬ݁ܗ ܝܡܘܬ݁܀ ܡܠܠ ܓܪ ܕܝܛܥܐ݁ ܝܬ݁ܟ ܡܢ ܡܪ̈ܐ ܐܠܗܟ܃ ܗܕܢ ܕܐܦܩ ܝܬ݁ܟ ܡܢ ܐܪ̈ܥܐ ܕܡܨܪ̈ܝܢ܀ ܗܕܢ ܕܦܪܩ ܝܬ݁ܟ ܡܢ ܒܝܬ݁ ܥܒܕܘܬܐ܀ ܕܝܦܩ ܝܬ݁ܟ ܡܢ ܐܘܪ̈ܚܐ ܕܦܩܕ ܝܬ݁ܟ ܡܪ̈ܐ ܐܠܗܟ ܕܬܐܙܠ ܒܗ܀ ܘܬܪ̈ܝܡܘܢ ܒܝܫܐ ܡܢ ܒܝܢܬ݁ܟܘܢ܀
05)053( 013:06 ܐܢ ܕܝ ܝܒܥܐ݁ ܡܢܟ ܐܚܘܟ ܕܡܢ ܐܒܘܟ ܐܝ ܕܡܢ ܐܡܟ܀ ܐܐ݁ ܒܪ̈ܟ ܐܐ݁ ܒܪ̈ܬܟ ܐܐ݁ ܐܬܬ݁ܟ ܕܒܥܘܒܟ ܐܐ݁ ܪܚܡܟ ܕܫܘܐ݁ ܠܢܦܫܟ ܒܛܘܡܘܪ̈ܝܢ܀ ܕܐܡܪ̈ ܕܢܐܙܠ ܘܢܦܠܘܚ ܠܐܠܗܝܢ ܚܘܪܢܝܢ ܗܠܝܢ ܕܠܐ ܗܘܝܬ ܝܕܥ ܐܬ ܘܐܒܗܬ݁ܟ
05)053( 013:07 ܐܠܗܝܗܘܢ ܕܡܝܢܝܐ ܗܠܝܢ ܕܚܓܝܠܝܢ ܠܟ܃ ܕܩܪܝܒܝܢ ܠܟ܃ ܐܝ ܕܪ̈ܚܝܩܝܢ ܡܢܟ܃ ܡܢ ܪ̈ܝܫܗ ܕܐܪ̈ܥܐ ܥܕܡܐ ܠܪܝܫܗ ܕܐܪܥܐ܀
05)053( 013:08 ܠܐ ܥܡܗ܀ ܘܠܐ ܬܫܡܘܥ ܠܗ ܘܠܐ ܬܝܚܘܣ ܥܝܢܟ ܥܠܘܝ܀ ܘܠܐ ܬܬ݁ܪܚܡ ܥܠܘܝ܀ ܘܠܐ ܬܟܣܐ݁ ܝܬ݁ܗ
05)053( 013:09 ܡܘܕܥܘ ܬܘܕܥ ܥܠܘܝ܀ ܘܐܝܕܝܟ ܝܗܝܢ ܥܠܘܝ ܒܩܡܝܐ ܕܬܩܛܘܠ ܝܬ݁ܗ܀ ܘܐܝܕܘܝ ܕܟܘܠܗ ܩܗܠܐ ܒܐܚܪܝܬܐ
05)053( 013:10 ܘܝܪ̈ܓܡܘܢ ܝܬ݁ܗ ܒܟܝܦܝܐ ܘܝܡܘܬ݁ ܕܒܥܐ ܕܝܪ̈ܚܝܩ ܝܬ݁ܟ ܡܢ ܡܪ̈ܐ ܐܠܗܟ܀ ܗܕܝܢ ܕܐܦ̈ܩ ܝܬ݁ܟ ܡܢ ܐܪܥܐ ܕܡܨܪܝܢ܀ ܡܢ ܒܝܬ݁ ܥܒܕܘܬܐ܀
05)053( 013:11 ܘܝܫܡܘܥ ܩܗܠܐ ܘܝܕܚܘܠ܀ ܘܠܐ ܝܘܣܦܘܢ ܥܘܕ ܕܝܥܒܕܘܢ ܒܝܢܬ݁ܟܘܢ ܗܝܟ ܡܠܬܐ ܗܕܐ ܒܝܫܬܐ܀
05)053( 013:12 ܐܢ ܕܝ ܬܫܡܘܥ ܕܚܕܐ ܡܢ ܡܕܝܢܬܐ ܕܡܪܐ ܐܠܗܟ ܝܗܒ ܠܟ ܕܬܥܡܘܪ̈ ܬ݁ܡܢ ܕܐܡܪ̈ܝܢ
05)053( 013:13 ܢܦܩܘ ܓܒܪ̈ܝܢ ܥܒܪܝܢܝܡܘ‍<‍ܣܐ‍>‍ ܡܢܟܘܢ ܘܐܡܪ̈ܕܘ ܠܟܘܠ ܗܠܝܢ ܕܥܡܪ̈ܝܢ ܒܡܕܝܢܬܗܘܢ ܐܡܪ̈ܝܢ ܢܐܙܠ ܢܦܠܘܚ ܠܐܠܗܝܢ ܚܘܪܢܝܢ ܗܠܝܢ ܕܠܐ ܗܘܝܬܘܢ ܝܕܥܝܢ
05)053( 013:14 ܘܬܩܘܡ ܘܬܒܥܝ ܘܬܫܘܠ ܘܬܦܫܦܫ ܠܚܕܐ܀ ܘܗܐ ܩܫܝܛܐ ܚܟܝܡܐܝܬ݁ ܗܝ ܡܠܬܐ܀ ܘܐܬܥܒܕܬ݁ ܡܣܐܒܘܬܐ ܗܕܐ ܒܓܘܟܘܢ܀
05)053( 013:15 ܡܩܛܠ ܬܩܛܘܠ ܠܟܘܠ ܗܠܝܢ ܕܥܡܪ̈ܝܢ ܕܡܕܝܢܬܐ ܝܬ݁ܗ ܒܩܛܠܗ ܕܣܝܦܝܐ܀ ܡܚܪܡܘ ܬܚܪܡܘܢ ܝܬ݁ܗ ܘܠܟܘܠ ܡܐ ܕܒܗ܀
05)053( 013:16 ܘܬܟܢܫ ܟܘܠܗ ܒܙܬ݁ܗ ܠܦܪ̈ܫܘܬ݁ܗ ܘܬܘܩܕ ܒܡܕܝܢܬܐ ܒܢܘܪ̈ܐ܃ ܘܟܘܠܗ ܒܙܬܐ ܘܟܘܠ ܐܟ̈ܠܘܣܗ ܩܘܕܡ ܡܪܐ ܐܠܗܟ܀ ܘܬ݁ܗܐ݁ ܕܠܐ ܡܥܡܪܐ ܠܥܠܡ܃ ܠܐ ܥܘܕ ܬܬ݁ܒܢܐ݁
05)053( 013:17 ܘܟܠܘܡ ܠܐ ܝܕܒܘܩ ܒܐܝܕܟ ܡܢ ܚܪܡܐ܀ ܕܝܬܘܒ ܡܪ̈ܐ ܡܢ ܪ̈ܘܓܙܐ ܕܚܡܬ݁ܗ܀ ܘܝܬܠ ܠܟ ܪܚܡܝܢ ܘܝܬ݁ܪܚܡ ܥܠܝܟ ܘܝܣܓܝ ܝܬ݁ܟ ܗܟܡܐ ܕܝܡܐ݁ ܡܪܐ ܠܐܒܗܬ݁ܟ܀
05)053( 013:18 ܐܢ ܬܫܡܘܥ ܒܩܠܗ ܕܡܪܐ ܐܠܗܟ ܕܬܢܛܪ̈ ܟܘܠܗܘܢ ܦܩܘܕܘܝ ܗܠܝܢ ܕܐܢܐ ܡܦܩܕ ܠܟ ܝܘܡܕܝܢ ܘܬܥܒܕ ܡܐ ܕܛܒ ܘܡܐ ܕܫܦܪ̈ ܩܘܕܡ ܡܪܐ ܐܠܗܟ܀
05)053( 014:01 ܒܢܘܝ ܐܬܘܢ ܕܡܪܐ ܐܠܗܟܘܢ܀ ܠܐ ܬܩܨܘܡܘܢ ܘܠܐ ܬܥܒܕܘܢ ܩܘܪ̈ܚܐ ܒܝܢ ܥܝܢܝܟܘܢ ܥܠ ܡܝܬܐ܀
05)053( 014:02 ܕܩܗܠ ܩܕܝܫ ܐܬ ܠܡܪ̈ܐ ܐܠܗܟ܀ ܕܬ݁ܗܐ݁ ܠܗ ܩܗܠ ܥܬܝܪ̈ ܡܢ ܟܘܠܗܘܢ ܡܝܢܝܐ ܕܥܠ ܐܦ̈ܗ ܕܟܘܠܗ ܐܪ̈ܥܐ܀
05)053( 014:03 ܠܐ ܬܝܟ̈ܘܠܘܢ ܟܘܠ ܡܣܐܒ
05)053( 000:00 ܫܠܡ