← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55420: le97 lection 27 Is

Click on a word for lexical analysis
Click on a red-colored coordinate for comments and/or translations of the line

12)027( 000:00 ܩܪ̈ܝܢ ܪ̈ܒܝܥܝ ܡܢ ܐܝܫܥܝܐ ܢܒܝܐ
12)027( 008:08 ܥܡܢ ܗܘ ܐܠܗܐ܀ ܫܡܘܥܘ ܡܝܢܝܐ ܘܐܬ݁ܢܨܚܘ܀
12)027( 008:09 ܐܢ ܓܪ̈ ܬܬ݁ܚܝܠܘܢ ܬܘܒܢ ܬܬ݁ܢܨܚܘܢ܀
12)027( 008:10 ܘܟܘܠ ܡܝܠܟ ܕܬܬ݁ܡܠܝܟܘܢ ܝܒܕܪ̈ ܡܪ̈ܐ܀ ܘܟܘܠ ܡܐ ܕܬܡܠܘܟܘܢ ܠܐ ܝܐܩܘܡ ܥܡܟܘܢ ܠܒܕܝܠ ܕܥܡܢ ܗܘ ܐܠܗܐ܀
12)027( 008:11 ܗܟܕܝܢ ܕܝ ܐܡܪ̈ ܡܪ̈ܐ ܠܐܝܕܐ ܫܪ̈ܝܪ̈ܬܐ ܠܐ ܡܬܦ̈ܝܣܝܢ܀ ܘܠܗܠܟܬܐ ܕܐܘܪ̈ܚܗ ܕܗܕܝܢ ܩܗܠܐ ܕܡܐ ܐܡܬ݁ܝ ܝܐܡܘܪ̈ܘܢ ܩܫܝܐܢ܀
12)027( 008:12 ܘܟܘܠ ܡܐ ܗܕܝܢ ܩܗܠܐ ܩܫܝܐܢ ܗܢܝܢ܀ ܡܢ ܕܚܠܬ݁ܗܘܢ ܕܝ ܠܐ ܬܕܚܘܠܘܢ ܘܠܐ ܬܬ݁ܥܪ̈ܒܒܘܢ܀
12)027( 008:13 ܠܡܪ̈ܐ ܒܠܚܘܕ ܩܕܝܫ ܘܗܘ ܝܗܐ݁ ܕܚܠܬ݁ܟ܀
12)027( 008:14 ܘܗܘܝ ܪ̈ܚܝܨ ܥܠܘܝ ܘܗܘ ܠܟ ܠܩܘܕܝܫ܀ ܘܠܐ ܗܝܟ ܠܟܝܦ ܕܬ݁ܘܩܠܐ ܬܘܪ̈ܥܘܢ ܝܬ݁ܗ܀ ܘܠܐ ܗܝܟ ܠܫܝܢ ܕܡܘܦܠܐ ܒܬܘܝ ܕܝ ܕܝܥܩܘܒ ܒܡܨܪ̈ܝܢ܀ ܘܗܝܟ ܒܢܚܠܐ ܗܠܝܢ ܕܝܗܝܒܝܢ ܒܝܪ̈ܘܫܠܝܡ܀
12)027( 008:15 ܠܒܕܝܠ ܟܕܝܢ ܣܓܝ ܕܘܝܢ ܝܗܘܢ ܒܗܘܢ܀ ܘܝܦܘܠܘܢ ܘܝܫܬܚܩܘܢ ܘܝܘܒܕܘܢ
12)027( 008:16 ܒܢܝܢܫ ܚܝܘܠܝܢ܀ ܘܒܟܝܢ ܝܗܘܢ ܝܕܥܝܢ ܗܠܝܢ ܕܚܬ݁ܡܝܢ ܢܝܡܘܣܐ ܕܠܐ ܝܠܦܘܢ ܝܬ݁ܗ܀
12)027( 008:17 ܘܝܡܘܪ̈ ܡܘܕܐ݁ ܐܢܐ ܠܐܠܗܐ ܗܕܝܢ ܕܗܦ̈ܟ ܐܦ̈ܘܝ ܡܢ ܒܝܬܗ ܕܝܥܩܘܒ ܘܝܗܐ݁ ܐܢܐ ܪܚܝܨ ܥܠܘܝ܀
12)027( 008:18 ܗܐ ܐܢܐ ܘܛܠܝܐ ܕܝܗܒ ܠܝ ܐܠܗܐ܀ ܘܝܗܘܢ ܐܬ݁ܝܢ ܘܬܡܗܝܢ ܒܒܝܬܐ ܕܐܣܪ̈ܝܠ ܡܢ ܠܘܬ݁ ܡܪ̈ܐ ܨܒܐܘܬ݁܀ ܗܕܝܢ ܕܥܡܪ̈ ܒܛܘܪ̈ܐ ܕܨܝܘܢ܀
12)027( 008:19 ܘܝܐܡܘܪ̈ ܠܗܘܢ ܒܥܘ ܗܠܝܢ ܕܡܡܠܠܝܢ ܡܬܠܝܢ ܡܢ ܟܪ̈ܣܐ ܘܗܠܝܢ ܕܡܡܠܠܝܢ ܡܢ ܐܪ̈ܥܐ ܘܗܠܝܢ ܕܡܡܠܠܝܢ ܪ̈ܝܩܢܘ܀ ܘܗܠܝܢ ܕܡܢ ܟܪ̈ܣܐ ܡܡܠܠܝܢ܀ ܘܠܝܬ݁ ܗܘ ܡܢ ܕܒܥܐ݁ ܠܐܠܗܐ܀ ܡܐ ܐܬܘܢ ܒܥܝܢ ܘܡܐ ܐܬܘܢ ܫܐܝܠܝܢ ܥܠ ܕܛܒ ܚܝܝܢ ܡܢ ܡܝܢܝܐ܀
12)027( 008:20 ܢܝܡܘܣܐ ܓܪ̈ ܐܬ݁ܝܗܒ ܠܣܥܕܘܢ ܕܝܗܘܢ ܐܡܪ̈ܝܢ ܠܐ ܗܝܟ ܗܕܐ ܡܠܬܐ ܗܕܐ ܕܝܬܠ ܐܢܫ ܥܠܝܗ ܫܚܘܕ܀
12)027( 008:21 ܘܝܐܬܐ ܟܦܢ ܩܫܐ݁܀ ܘܝܗܐ݁ ܟܕ ܬܟܦܘܢܘܢ ܬܥܝܩܘܢ ܘܬܝܡܘܪ̈ܘܢ ܒܝܫ ܥܠ ܐܪ̈ܟܘܢܝܐ ܘܥܠ ܫܘܪ̈ܒܬܐ܀ ܘܝܬ݁ܠܘܢ ܥܝܢܝܗܘܢ ܘܝܕܡܘܢ ܠܫܘܡܝܐ ܠܥܝܠ
12)027( 008:22 ܘܠܐܪ̈ܥܐ ܘܝܗܐ݁ ܕܘܝ ܘܠܚܘܨܝܢ ܘܚܘܫܝܟ ܘܫܘܢܘܨܝܢ ܘܩܒܠ ܪ̈ܒ܀ ܠܡܠܘ ܕܠܐ ܝܗܐ݁ ܐܢܫ ܚܡܐ܀ ܘܕܘܝܐ ܗܕܝܢ ܕܗܘܐ ܒܠܚܘܨܝܢ ܥܕ ܩܝܪ̈ܘܣ܀
12)027( 009:01 ܗܕܝܢ ܩܡܝ ܝܐܬܐ ܒܘܦܪ̈ܝܥ ܘܥܒܕܝ ܐܪ̈ܥܐ ܕܙܒܠܘܢ ܘܐܪ̈ܥܐ ܕܢܦܬ݁ܠܝ܀ ܘܗܠܝܢ ܕܝܗܝܒܝܢ ܥܠ ܓܦܗ ܕܝܡܐ ܓܠܝܠܐ ܕܡܝܢܝܐ܀
12)027( 009:02 ܩܗܠܐ ܗܕܝܢ ܕܡܗܠܟ ܒܩܒܠܐ ܚܡܐ ܢܗܘܪ̈ ܪ̈ܒ܀ ܗܠܝܢ ܕܥܡܪ̈ܝܢ ܒܐܪ̈ܥܐ ܒܛܠܘܠܗ ܕܡܘܬܐ ܢܗܘ‍{‍ܕ‍}‍‍<‍ܪ‍>‍ ܕܢܚ ܥܠܝܗܘܢ܀
12)027( 009:03 ܘܣܘܓܘܝܗ ܕܩܗܠܐ ܡܐ ܕܐܚܝܬ ܘܝܬ݁ܒܣܡܘܢ ܩܘܕܡܝܟ ܗܝܟ ܗܠܝܢ ܕܡܬ݁ܒܣܡܝܢ ܒܚܨܕܐ܀ ܘܗܝܟ ܗܠܝܢ ܕܡܦܠܓܝܢ ܒܙܬܐ܀
12)027( 009:04 ܕܗܐ ܗܘ ܡܪ̈ܝܡ ܢܝܪ̈ ܕܗܘܐ ܡܣܡ ܥܠ ܨܘܪ̈ܝܗܘܢ܀ ܚܘܛܪ̈ܗܘܢ ܓܪ ܕܓܒܐܐ݁ ܬܒܪ̈܀ ܗܝܟ ܝܘܡܐ ܗܘ ܕܗܘܐ ܥܠ ܡܨܪ̈ܝܢ܀
12)027( 009:05 ܕܟܘܠ ܕܡܟܢܫܐ ܒܢܟ̈ܠ܀ ܘܟܘܠ ܡܐܢ ܒܚܠܘܦ ܝܓܙܘܢ܀ ܘܝܗܘܢ ܨܒܝܢ ܐܠܘ ܝܩܕܘ ܒܢܘܪ̈ܐ܀
12)027( 009:06 ܘܗܐ ܛܠܐ݁ ܐܬ݁ܝܠܕ ܠܢ ܘܒܪ̈ ܐܬ݁ܝܗܒ ܠܢ ܘܪ̈ܫܘܬ݁ܗ ܥܠ ܟܬ݁ܦܗ܃ ܘܝܩܪ̈ܘܢ ܫܝܡܗ ܡܝܠܟܐ ܕܡܠܟܐ ܪ̈ܒܐ ܒܡܠܟܘܬ݁ܗ܀ ܡܠܟ ܡܬܡܗ܀ ܐܠܗ ܚܝܘܠ܀ ܪ̈ܝܫܗܝܢ ܕܟܘܠ ܫܘܠܛܢܘܬܐ܀ ܐܪ̈ܟܘܢܐ ܕܫܝܠܡܐ܀ ܐܒܘܝ ܕܥܠܡܐ ܕܥܬܝܕ܀܀ ܝܝܬܐ݁ ܓܪ̈ ܫܝܠܡ ܥܠ ܐܪ̈ܟܘܢܝܐ ܘܫܝܠܡ ܠܗ܀
12)027( 009:07 ܘܪ̈ܒܐ ܗܝ ܡܠܟܘܬ݁ܗ ܘܠܪ̈ܫܘܬ݁ܗ ܠܝܬ݁ ܬ݁ܚܘܡ܀ ܥܠ ܡܝܬܘܒܝܬ݁ܗ ܕܕܘܝܕ ܝܬܒ܀ ܘܒܡܠܟܘܬ݁ܗ ܕܝܐܩܝܡ ܝܬ݁ܗ܃ ܘܕܝܫܘܝ ܝܬ݁ܗ ܒܕܝܢ ܘܒܨܕܝܩ ܡܢ ܝܘܡܕܝܢ ܘܥܕ‍{‍ܕ‍}‍ܡܐ ܠܥܠܡ܀ ܩܢܬ݁ܗ ܓܪ ܕܡܪܐ ܨܒܐܘܬ݁ ܬܥܒܕ ܗܠܝܢ
12)027( 009:08 ܡܘܬ݁ ܫܠܚ ܡܪ̈ܐ ܥܠ ܝܥܩܘܒ ܘܐܬܐ ܥܠ ܐܣܪ̈ܝܠ܀
12)027( 009:09 ܘܝܟܪ̈ ܟܘܠ ܩܗܠܐ ܕܐܦܪ̈ܝܡ ܘܗܠܝܢ ܕܝܬܝܒܝܢ ܒܐܪ̈ܥܐ ܕܫܡܪܝܢ ܒܩܠܠ ܘܒܪ̈ܘܡܡܘ ܕܠܝܒ ܐܡܪ̈ܝܢ
12)027( 009:10 ܠܒܢܝܐ ܢܦܠܝ ܐܠܐ ܐܬ݁ܘ ܕܢܫܦܐ̈ ܟܝܦܝܢ ܘܢܩܛܘܥ ܫܩܘܡܝܢ ܘܐܪ̈ܙܝܢ ܘܢܒܢܐ݁ ܠܢ ܡܓܕܠ܀
12)027( 009:11 ܘܝܪ̈ܡܐ݁ ܐܠܗܐ ܠܗܠܝܢ ܕܩܝܡܝܢ ܥܠ ܛܘܪ̈ܐ ܕܨܝܘܢ ܘܠܣܢܘܝ ܝܒܕܪ̈܀
12)027( 009:12 ܘܝܪ̈ܝܡ ܣܘܪ̈ܝܐ ܡܢ ܡܕܢܚܗ ܕܫܝܡܫܐ܀ ܘܠܢܝܣܢܝ ܡܢ ܡܥܪ̈ܒܗ ܕܫܝܡܫܐ܀ ܗܠܝܢ ܕܐܟ̈ܠܝܢ ܠܐܝܣܪ̈ܝܠ ܒܟܘܠܗ ܦܡܗܘܢ܀ ܘܒܟܘܠ ܗܠܝܢ ܠܐ ܬ݁ܒܬ݁ ܚܡܬ݁ܗ ܐܠܐ ܥܘܕ ܐܝܕܐ ܪ̈ܡܐ܀
12)027( 009:13 ܘܩܗܠܐ ܠܐ ܬܐܒ ܠܗ ܥܕܡܐ ܕܠܩܐ܃ ܘܠܡܪ̈ܐ ܠܐ ܒܥܘ܀
12)027( 009:14 ܘܐܪ̈ܝܡ ܡܪ̈ܐ ܡܢ ܐܣܪ̈ܝܠ ܪ̈ܝܫܐ ܘܕܢܘܒܐ܀ ܘܪ̈ܒܐ ܘܙܥܘܪ̈ܐ ܒܚܕ ܝܘܡ܀
12)027( 009:15 ܣܒܐ ܘܗܠܝܢ ܕܢܣܒܝܢ ܐܦ̈ܝܢ ܗܕܝܢ ܗܘ ܕܡܠܦ ܥܒܪ̈ܢܝܡܘܣ ܗܕܝܢ ܗܘ ܕܣܒܐ܀
12)027( 009:16 ܘܗܘܝܢ ܗܠܝܢ ܕܡܫܒܚܝܢ ܝܬ݁ܗ ܠܗܕܝܢ ܩܗܠܐ ܡܛܥܝܢ ܝܬ݁ܗ܀
12)027( 009:17 ܠܡܠܘ ܕܝܡܟܡܟܘܢ ܝܬ݁ܗܘܢ܀ ܠܒܕܝܠ ܟܕܝܢ ܥܠ ܥܘܠܘܡܝܗܘܢ ܠܐ ܝܒܣܘܡ ܡܪ̈ܐ܀ ܘܥܠ ܝܬ݁ܡܝܗܘܢ ܘܥܠ ܐܪ̈ܡܠܬ݁ܗܘܢ ܠܐ ܝܬ݁ܪ̈ܚܡ܀ ܠܒܕܝܠ ܕܟܘܠܗܘܢ ܥܒܪ̈ܝܝ ܢܝܡܘܣ ܘܒܝܫܝܢ܀ ܘܟܘܠ ܦܝܡ ܡܡܠܠ ܥܨܝܘܢ܀ ܘܒܟܘܠ ܗܠܝܢ ܠܐ ܬܐܒܬ݁ ܚܡܬ݁ܗ ܐܠܐ ܥܘܕ ܐܝܕܐ ܪ̈ܡܐ܀
12)027( 009:18 ܘܝܦ̈ܪ̈ܐ ܗܝܟܡܐ ܕܢܘܪ̈ܐ ܥܒܪ̈ܢܝܡܘܣܐ܀ ܘܗܝܟ ܝܒܠܐ ܝܒܝܫܐ ܗܟܕܝܢ ܝܩܘܕ ܢܘܪ̈ܐ܀ ܘܝܘܩܕ ܘܝܦ̈ܪ̈ܝ ܒܣܘܓܝܗ ܕܚܘܪ̈ܫܐ܀ ܘܬܝܟ̈ܘܠ ܚܓܘܠܬ݁ ܬ݁ܠܠܝܐ܀
12)027( 009:19 ܟܘܠܐ ܓܪ̈ ܠܒܕܝܠ ܪ̈ܘܓܙܐ ܕܚܡܬ݁ܗ ܕܡܪ̈ܐ ܝܩܕܐ ܟܘܠܗ ܐܪ̈ܥܐ܀ ܘܝܗܐ݁ ܩܗܠܐ ܗܝܟ ܝܩܝܕ ܡܢ ܢܘܪ̈ܐ܀ ܘܠܐ ܝܬ݁ܪ̈ܚܡ ܐܢܫ ܥܠ ܐܚܘܝ܀
12)027( 009:20 ܐܠܐ ܠܝܡܝܢܐ ܘܝܟܦܘܢ ܘܝܟ̈ܘܠ ܡܢ ܠܦ̈ܐ݁ ܣܡܠܐ ܘܠܐ ܝܣܒܘܥ ܒܪ̈ܢܫ ܡܢ ܒܣܪ̈ܐ ܕܐܕܪ̈ܥܗ ܕܐܚܘܗܝ܀
12)027( 009:21 ܝܟ̈ܘܠ ܡܢܫܝ ܠܐܦܪ̈ܝܡ ܘܦܪ̈ܝܡ ܠܡܢܫܝ܀ ܘܗܝܟ ܚܕܐ ܝܚܪܘܒ ܝܬ݁ܗ ܠܝܗܘܕܝܐ ܘܒܟܘܠ ܗܠܝܢ ܠܐ ܬܐܒܬ݁ ܚܡܬ݁ܗ ܐܠܐ ܥܘܕ ܐܝܕܐ ܪ̈ܡܐ܀
12)027( 000:00 ܩܦܠܝܘܢ
12)027( 010:01 ܘܝ ܠܗܠܝܢ ܕܟܬ݁ܝܒܝܢ ܒܝܫܢ܀ ܒܝܫܢ ܓܪ̈ ܠܓܪ̈ܡܗܘܢ ܗܢܘܢ ܟܬ݁ܒܝܢ
12)027( 010:02 ܡܪ̈ܟܢܝܢ ܗܢܘܢ ܓܪ̈ ܕܝܢܝܗܘܢ ܕܡܣܟܝܢܝܐ ܘܚܛܦܝܢ ܕܝܢܐ ܕܡܣܟܝܢܘܝ ܕܩܗܠܝ ܠܡܠܘ ܕܬ݁ܗܐ݁ ܠܗܘܢ ܐܪ̈ܡܠܬܐ ܠܒܙܐ ܘܝܬ݁ܝܡܐ ܠܚܘܛܘܦܝܢ܀
12)027( 010:03 ܘܡܐ ܐܬܘܢ ܥܒܕܝܢ ܒܗܘ ܝܘܡܐ ܕܦܩܕܘܢܐ܀ ܠܚܘܨܝܟܘܢ ܓܪ̈ ܒܘܦܪ̈ܝܥ ܝܐܬ݁ܘܢ܀ ܘܠܘܬ݁ ܡܢ ܬܥܪ̈ܘܩܘܢ ܕܬܣܬܝܥܘܢ܀ ܘܗܢ ܐܬܘܢ ܫܒܩܝܢ ܝܬ݁ܗ ܠܬܝܫܒܘܚܬܟܘܢ
12)027( 010:04 ܕܠܐ ܒܫܒܝܬܐ ܘܝܦ̈ܘܠܘܢ ܬ݁ܚܘܬ݁ ܩܛܝܠܝܐ܀ ܒܟܘܠ ܗܠܝܢ ܠܐ ܬܐܒ ܠܗ ܪ̈ܘܓܙܐ܀ ܐܠܐ ܥܘܕ ܐܝܕܐ ܪ̈ܡܐ܀
12)027( 010:05 ܘܝ ܠܗܘܢ ܠܣܘܪ̈ܝܐ ܚܘܛܪ̈ܐ ܕܚܡܬ݁ܝ܀ ܘܪ̈ܘܓܙܝ ܐܝܬ݁ ܗܘ ܒܐܝܕܝܗܘܢ܀
12)027( 010:06 ܪ̈ܓܙܝ ܥܠ ܡܝܢ ܥܒܪ̈ܢܝܡܘܣ ܐܢܐ ܡܫܠܚ܀ ܘܠܩܗܠܝ ܕܝܠܝ ܐܢܐ ܡܦܩܕ ܕܝܥܒܕܘܢ ܒܝܙܐ ܘܫܒܝܐ܀ ܘܝܕܘܫܘܢ ܡܕܝܢܢ ܘܝܣܝܡܘܢ ܝܬ݁ܗܝܢ ܠܪ̈ܒܘܚ܀
12)027( 010:07 ܗܘ ܕܝ ܗܟܕܝܢ ܠܐ ܐܬ݁ܚܫܒ܀ ܘܒܢܦܫܗ ܠܐ ܗܟܕܝܢ ܬ݁ܪ̈܀ ܐܠܐ ܗܟܕܢ ܗܘ ܐܬ݁ܚܫܒ ܒܠܒܗ ܕܝܚܪ̈ܘܒ ܡܝܢܝܢ ܘܠܐ ܨܝܒܚܕ܀
12)027( 010:08 ܘܐ݁ܢ ܝܡܘܪ̈ܘܢ ܠܗ ܐܬ ܒܠܚܘܕܝܟ ܐܪ̈ܟܘܢ܀
12)027( 010:09 ܘܗܘ ܐܡܪ̈ ܠܗܘܢ ܠܐ ܢܣܒܬ ܐܪ̈ܥܐ ܗܕܐ ܕܠܥܝܠ ܡܢ ܒܒܝܠ܀ ܘܝܟܠܢܐ ܗܢ ܕܡܬ݁ܒܢܐ݁ ܡܓܕܠܐ܀ ܘܢܣܒܝܬ ܥܪ̈ܒܝܐ ܘܕܡܣܩܘܣ ܘܫܡܪ̈ܝܢ܀
12)027( 010:10 ܘܗܝܟܡܐ ܕܢܣܒܝܬ ܟܘܠ ܗܠܝܢ ܐܘܦ ܪ̈ܫܘܬܐ ܐܢܐ ܢܣܒ܀ ܐܝܠܝܠܘ ܕܓܠܝܦܝܐ ܒܝܪ̈ܘܫܠܝܡ ܘܒܫܡܪ̈ܝܢ܀
12)027( 010:11 ܘܗܝܟܡܐ ܕܥܒܕܬ ܠܫܡܪ̈ܝܢ ܘܠܗܠܝܢ ܕܒܓܘܗ ܥܒܝܕܝܢ ܒܐܝܕܝܢ܀ ܗܟܕܝܢ ܝܥܒܕ ܠܝܪ̈ܘܫܠܝܡ ܘܠܨܠܡܝܗ܀ ܘܝܗܝ
12)027( 010:12 ܟܕ ܡܪ̈ܐ ܕܝܥܒܕ ܟܘܠ ܗܠܝܢ ܒܛܘܪ̈ܐ ܕܨܝܘܢ ܘܒܓܘ ܝܪ̈ܘܫܠܝܡ܀ ܝܐܬܐ݁ ܥܠ ܠܒܐ ܪ̈ܡܐ ܥܠ ܐܪ̈ܟܘܢܐ ܕܣܘܪ̈ܝܐ܀ ܘܥܠ ܪ̈ܘܡܡܘܬܐ ܕܬܝܫܒܚܬܗܝܢ ܕܥܝܢܘܝ܀
12)027( 010:13 ܐܡܪ̈ ܓܪ ܕܒܚܝܠܝ ܝܥܒܕ܀ ܘܒܚܝܟܡܬܐ ܕܒܘܢܢܘܬ݁ܝ ܐܢܐ ܝܬܩܢ ܬ݁ܚܘܡܝܗܘܢ ܕܡܝܢܝܐ ܘܚܝܠܗܘܢ ܝܒܘܙ܀ ܘܝܙܥܙܝܥ ܡܕܝܢܢ ܡܥܡܪ̈ܢ܀
12)027( 010:14 ܘܟܘܠܗ ܥܡܘܪ̈ܬܐ ܝܣܒ ܒܐܝܕܝ ܗܝܟ ܩܢܐ ܕܦܪ̈ܘܓ̈ܝܐ܀ ܘܗܝܟ ܒܝܥܝܐ ܕܫܒܝܩܐܢ܀ ܘܝܣܒ ܣܘܪ̈ܝܝܐ݁ ܘܠܝܬ݁ ܡܢ ܕܡܦܨܐ݁ ܡܢ ܒܝܢ ܐܝܕܝ̈ ܐܝ ܡܢ ܕܝܓܝܒ ܠܩܘܒܠܝ܀
12)027( 010:15 ܕܡܐ ܡܫܬܒܚ ܟܘܠܝܒܐ ܠܒܪ̈ ܡܢ ܗܝܕܢ ܕܩܛܥ ܒܗ܀ ܐܐ݁ ܡܠܬܐ݁ ܗܘ ܡܣܪ̈ܐ ܠܒܪ̈ ܡܢ ܗܕܝܢ ܕܢܓܕ ܒܗ܀ ܘܗܝܟ ܟܘܠ ܡܐ ܕܝܣܒ ܐܢܫ ܚܘܛܪ̈ ܐܐ݁ ܩܝܣ܀ ܐܠܐ ܐܘܦ ܠܐ ܗܟܕܝܢ܀
12)027( 010:16 ܘܝܫܠܚ ܡܪ̈ܐ ܨܒܐܘܬ݁ ܙܠܘܠ ܠܐܝܩܪ̈ܟ܀ ܘܠܬܝܫܒܘܚܬܟ ܢܘܪ̈ ܦ̈ܪܝܐ ܘܒܥܪ̈ܐ܀
12)027( 010:17 ܘܝܗܐ݁ ܢܗܘܪ̈ܗ ܕܐܣܪܝܠ ܠܢܘܪ̈ ܘܝܩܕܝܬ݁ܗ܀ ܘܢܘܪ̈ܐ ܒܥܪ̈ܐ܀ ܘܝܟ̈ܘܠ ܗܝܟ ܥܣܒܐ ܠܣܘܓܝܐ܀ ܘܒܗ ܒܗܘ ܝܘܡܐ
12)027( 010:18 ܝܛܘܦܘܢ ܛܘܪ̈ܝܐ ܘܬ݁ܠܠܝܐ ܘܚܘܪ̈ܫܝܐ܀ ܘܝܟ̈ܘܠ ܡܢ ܢܦܫܐ ܥܕܡܐ ܠܒܣܪ̈ܐ ܘܝܗܐ݁ ܗܘ ܕܥܪ̈ܩ ܗܝܟ ܕܡܢ ܩܘܕܡ ܫܠܗܒܝܬܐ ܕܢܘܪ̈ܐ܀
12)027( 010:19 ܘܗܠܝܢ ܕܡܫܬܪ̈ܝܢ ܡܢܗܘܢ ܒܡܢܝܐܢ ܝܗܘܢ܀ ܘܛܠܐ ܙܥܘܪ ܝܟܬܘܒ ܝܬ݁ܗܘܢ܀
12)027( 010:20 ܘܝܗܐ݁ ܒܗܘ ܝܘܡܐ ܥܘܕ ܝܬܘܣܦ ܡܐ ܕܝܬܪ̈ ܡܢ ܐ݁ܣܪ̈ܝܠ܀ ܘܡܐ ܕܚܝܐ ܡܢ ܝܥܩܘܒ܀ ܘܠܐ ܕܝ ܝܗܘܢ ܪ̈ܚܨܝܢ ܥܠ ܗܠܝܢ ܕܐܪ̈ܚܨܘ ܝܬ݁ܗܘܢ܀ ܐܠܐ ܝܗܘܢ ܪ̈ܚܨܝܢ ܥܠ ܐܠܗܐ ܩܕܝܫܐ ܕܝܣܪ̈ܝܠ ܒܩܘܫܝܛ܀
12)027( 010:21 ܘܝܗܐ݁ ܡܐ ܕܝܬܪ̈ ܡܢ ܝܥܩܘܒ ܝܗܘܢ ܪ̈ܚܨܝܢ ܥܠ ܐܠܗܐ ܚܝܘܠܐ܀
12)027( 010:22 ܘܐܢ ܗܘܐ ܩܗܠܐ ܕܐܣܪ̈ܝܠ ܗܝܟ ܚܠܗ ܕܝܡܐ܀ ܡܐ ܕܝܬܪ̈ ܡܢܗܘܢ ܝܚܐ݁܀
12)027( 010:23 ܡܠܐ ܡܫܠܡܐ ܘܩܛܝܥܐ ܒܨܕܝܩ ܝܥܒܕ ܡܪ̈ܐ ܥܠ ܐܪ̈ܥܐ܀ ܘܡܠܐ ܓܙܝܪ̈ܐ ܝܥܒܕ ܡܪ̈ܐ ܒܟܘܠܗ ܥܡܘܪ̈ܬܐ܀
12)027( 010:24 ܠܒܕܝܠ ܕܗܟܕܢ ܐܡܪ̈ ܡܪ̈ܐ܀ ܠܐ ܬܕܚܘܠ ܩܗܠܝ ܗܠܝܢ ܕܥܡܪ̈ܝܢ ܒܨܝܘܢ ܡܢ ܣܘܪ̈ܝܐ ܕܒܚܘܛܪ̈ܐ ܗܘ ܡܚܐ݁ ܠܟ܀ ܐܢܐ ܓܝܪ̈ ܡܝܬܐ݁ ܥܠܝܟ ܡܚܐ ܕܬ݁ܚܡܝ ܐܘܪ̈ܚܐ ܕܡܨܪ̈ܝܢ܀
12)027( 010:25 ܥܘܕ ܓܪ ܨܝܒܚܕ ܘܝܢܘܚ ܪ̈ܘܓܙܐ ܘܚܡܬܐ ܥܠ ܡܝܠܟܗܘܢ܀
12)027( 010:26 ܘܝܩܝܡ ܐܠܗܐ ܥܠܝܗܘܢ ܗܝܟ ܡܚܬܐ ܕܡܕܝܐܡ܀ ܘܚܡܬ݁ܗ ܠܐܘܪ̈ܚܐ ܕܠܟ̈ܐ݁ ܝܡܐ ܘܠܓܒܐ ܕܡܨܪ̈ܝܢ܀
12)027( 010:27 ܘܝܗܐ݁ ܒܗܘ ܝܘܡܐ ܝܬܪ̈ܝܡ ܢܝܪ̈ܗ ܡܢ ܟܬܦܟ ܘܐܘܦ ܕܚܠܬ݁ܗ ܡܢܟ
12)027( 010:28 ܐܬܐ ܗܘ ܓܪ̈ ܠܡܕܝܢܬܗ ܐܓܝ܀ ܘܝܥܒܪ̈ ܠܡܓܕܘܢ܀ ܘܒܡܟܡܣ ܝܣܝܡ ܡܐܢܘܝ
12)027( 010:29 ܘܝܥܒܘܪ̈ ܢܚܠܐ ܘܝܬܐ ܠܐܓܝ܀ ܘܕܚܠܬܐ ܬܨܘܕ ܠܪ̈ܡܐ ܡܕܝܢܬܗ ܕܫܐܘܠ܀ ܘܬܝܥܪ̈ܘܩ
12)027( 010:30 ܒܪ̈ܬܗ ܘܬܫܡܘܥ ܗܕܐ ܒܥܢܬܘܬ܀
12)027( 010:31 ܘܬܙܕܥܙܥ܀ ܘܗܠܝܢ ܕܥܡܪ̈ܝܢ ܒܓܒܝܪ̈܀
12)027( 010:32 ܢܚܡܘ ܝܘܡܕܝܢ ܒܐܘܪܚܐ ܕܝܟܬܝܪ̈ ܠܐܝܕܐ܀ ܢܚܡܘ ܠܛܘܪ̈ܐ ܕܒܪ̈ܬܗ ܕܨܝܘܢ ܘܠܬ݁ܠܠܝܐ ܕܒܓܘ ܝܪ̈ܘܫܠܝܡ܀
12)027( 010:33 ܗܐ ܓܪ ܡܪܐ ܨܒܐܘܬ݁ ܡܥܪܒܒ ܠܟܘܠ ܗܠܝܢ ܕܡܫܒܚܝܢ ܒܚܝܠܐ܀ ܘܗܠܝܢ ܕܡܬ݁ܪܘܡܡܝܢ
12)027( 010:34 ܒܚܪ̈ܒܐ ܘܠܒܢܢ ܥܡ ܪ̈ܘܡܘܝ ܝܦܠ
12)027( 000:00 ܩܦܠܝܘܢ
12)027( 011:01 ܝܦܘܩ ܚܘܛܪ̈ ܡܢ ܫܘܪ̈ܫܗ ܕܝܫܝܥ ܘܢܨ ܡܢ ܫܘܪܫܗ ܝܣܘܩ܀
12)027( 011:02 ܘܬܬܢܝܚ ܥܠܘܝ ܪ̈ܘܚܗ ܕܐܠܗܐ ܪ̈ܘܚܐ ܕܚܝܟܡܬܐ ܘܕܒܘܢܢܘܬܐ܀
12)027( 011:03 ܪ̈ܘܚܐ ܕܡܝܠܟܐ ܘܕܚܝܠܐ܀ ܪ̈ܘܚܐ ܕܐܟܪ̈ܘܬܐ܀ ܘܬܡܠܐ݁ ܟܘܠܗ ܪ̈ܘܚܐ ܕܕܚܠܬ݁ܗ ܕܐܠܗܐ܀ ܠܐ ܗܝܟ ܬܫܒܘܚܬܗ ܗܘ ܕܐܝܢ ܘܠܐ ܗܝܟ ܡܡܠܠܗ ܗܘ ܡܟܘܝܢ܀
12)027( 011:04 ܐܠܐ ܕܐܝܢ ܗܘ ܕܝܢܗܘܢ ܕܡܟܝܟܝܐ ܕܝܟܘܝܢ ܠܡܫܒܚܝܗ ܕܐܪ̈ܥܐ܀ ܘܝܐܫܩܘܦ ܠܐܪ̈ܥܐ ܒܡܠܬܐ ܕܦܡܗ܀ ܘܒܪܘܚܐ ܕܣܝܦܘܬ݁ܗ ܗܘ ܩܛܠ ܠܪ̈ܫܝܥܝܐ܀
12)027( 011:05 ܘܝܗܐ݁ ܐܣܝܪ̈ ܚܪ̈ܨܘܝ ܒܨܕܩܐ ܘܐܠܥܬ݁ܗ ܟܪ̈ܝܟܢ ܒܩܘܫܛܐ܀
12)027( 011:06 ܘܝܪ̈ܥܐ݁ ܕܝܒܐ ܥܡ ܐܝܡܪ̈ܐ ܘܓܕܝܐ ܘܥܓܠܐ ܘܬ݁ܘܪ̈ܐ ܘܐܪ̈ܝܐ ܗܝܟ ܚܕܐ ܝܪ̈ܥܘܢ܀ ܘܛܠܐ ܙܥܘܪ̈ ܝܡܛܝ ܝܬ݁ܗܘܢ܀
12)027( 011:07 ܘܬܘܪ̈ܬܐ ܗܝܟ ܚܕܐ ܝܪ̈ܥܘܢ܀ ܘܒܢܝܗܘܢ ܝܗܘܢ ܗܝܟ ܚܕܐ܀ ܘܐܪ̈ܝܐ ܘܬ݁ܘܪ̈ܐ ܗܝܟ ܚܕܐ ܝܐܟ̈ܘܠܘܢ ܬ݁ܒܢ܀
12)027( 011:08 ܘܛܠܐ݁ ܙܥܘܪ̈ ܝܪ̈ܡܐ݁ ܐܝܕܗ ܥܠ ܚܘܪ̈ܪ̈ܝܗܝܢ ܕܐܣܦ̈ܝܣܝܐ܀ ܘܐܘܦ ܥܠ ܡܫܟܘܒܝܬ݁ܗܘܢ ܕܐ‍<‍ܘ‍>‍ܠܝܕ ܝܗܝܢ ܕܐܣܦ̈ܝܣܝܐ ܘܠܐ ܝܒܐܫܘܢ ܠܗ܀
12)027( 011:09 ܘܠܐ ܝܐܟܠܘܢ ܕܝܥܒܕܘܢ ܒܝܫ ܠܐܢܫ ܥܠ ܛܘܪܝ ܩܕܝܫܐ܀ ܡܢ ܠܒܕܝܠ ܕܐܬ݁ܡܠܝܬ݁ ܟܘܠܗ ܕܐܪ̈ܥܐ ܕܬܟܝܪ̈ ܠܡܪ̈ܐ܀ ܗܝܟ ܡܝܢ ܣܓܝ ܕܡܟܣܝܢ ܝܡܡܝܢ܀
12)027( 011:10 ܘܝܗܝ ܒܝܬ݁ܗ ܝܘܡܐ ܫܘܪ̈ܫܗ ܕܝܐܫܝܥ ܘܗܕܝܢ ܕܩܐ݁ܡ ܡܢܗ ܪ̈ܝܫ ܥܠ ܡܝܢܝܐ ܘܥܠܘܝ ܡܝܢܝܐ ܡܣܘܒܪܝܢ܀ ܘܬܗܝ ܢܝܚܬܗ ܐܝܩܪ̈
12)027( 011:11 ܘܝܗܐ݁ ܒܗܘ ܝܘܡܐ ܝܘܣܦ ܡܪ̈ܐ ܕܝܘܕܥ ܐܝܕܗ ܕܝܩܢܐ݁ ܡܐ ܕܝܬܪ̈ ܡܢ ܫܝܪ̈ܝܬ ܩܗܠܐ ܗܕܝܢ ܕܐܫܬܒܝܩ ܡܢ ܣܘܪܝܐ ܘܡܢ ܡܨܪ̈ܝܢ ܘܡܢ ܒܒܝܠ ܘܡܢ ܟܘܫ ܘܡܢ ܥܠܝܡ܀ ܘܡܢ ܡܕܢܚܗ ܕܫܝܡܫܐ܀ ܘܡܢ ܥܪ̈ܒܝܐ܀
12)027( 011:12 ܘܝܐܬܠ ܐܬ݁ ܠܡܝܢܝܐ܀ ܘܝܟܢܫ ܠܐܒܝܕܝܐ ܕܝܣܪ̈ܐܝܠ܀ ܘܐܘܦ ܠܗܠܝܢ ܕܐܬ݁ܒܕܪ̈ܘ ܡܢ ܝܘܕܐ ܝܟܢܫ ܡܢ ܐܪ̈ܒܥܝܬܐ ܟܢܦܝܗ ܕܐܪ̈ܥܐ܀
12)027( 011:13 ܘܝܬܬܪܝܡ ܕܐܦܪ̈ܝܡ ܘܣܢܘܝ ܕܝܘܕܐ ܝܐܒܘܕܘܢ܀ ܘܐܦܪܝܡ ܠܐ ܝܩܢܐ݁ ܒܝܗܘܕܐ܀ ܘܝܗܘܕܐ ܠܐ ܝܠܚܘܨ ܠܐܦܪܝܡ܀
12)027( 011:14 ܘܝܦܪ̈ܘܚܝܘܢ ܒܐܠܦܝܗܘܢ ܕܫܘܒܛܝܐ ܢܘܟܪ̈ܝܝܐ݁܀ ܘܝܡܐ ܗܝܟ ܚܕܐ ܝܫܒܘܢ܀ ܘܠܗܠܝܢ ܕܡܢ ܡܕܢܚܗ ܕܫܝܡܫܐ܀ ܘܠܐܕܘܡ܀ ܘܥܠ ܡܘܗܒ ܩܐܡܝ ‍{‍ܡ‍}‍‍<‍ܝ‍>‍ܪ̈ܡܘܢ ܐܝܕܝܐ܀ ܒܢܝܐ ܕܝ ܕܥܡܘܢ ܩܡܐܝܢ ܝܫܬܡܥܘܢ܀
12)027( 011:15 ܘܝܚܪܘܒ ܡܪ̈ܐ ܝܡܐ ܕܡܨܪ̈ܝܢ܀ ܘܝܦܫܘܛ ܐܝܕܗ ܥܠ ܢܗ‍{‍ܕ‍}‍‍<‍ܪ‍>‍ܐ ܒܪ̈ܘܚ ܕܥܨܝܘܢ܀ ܘܝܫܩܘܦ ܫܘܒܥܐ ܢܚܠܝܢ ܒܡܨܪ̈ܝܢ܀ ܕܝܗܘܢ ܛܥܝܝܢ ܒܐܘܪ̈ܚܐ ܘܡܣܢܝܗܘܢ ܒܪ̈ܝܓܠܝܗܘܢ܀
12)027( 011:16 ܘܬ݁ܗܐ݁ ܕܐܘܪ̈ܚ ܠܩܗܠܝ ܗܕܝܢ ܕܐܫܬܪ̈ ܒܡܨܪ̈ܝܢ܀ ܘܬ݁ܗܐ݁ ܗܕܐ ܠܐܣܪ̈ܝܠ ܗܝܟ ܝܘܡܐ ܕܝܢ ܕܢܦܩܘ ܡܢ ܐܪ̈ܥܐ ܕܡܨܪ̈ܝܢ܀