← Back
The Comprehensive Aramaic Lexicon
← Return to the Text Browser
click on the file description for more information

55420: le97 lection 70 Is

Click on a word for lexical analysis
Click on a red-colored coordinate for comments and/or translations of the line

12)070( 000:00 ܩܪܝܐܢ ܬܢܝܐܢ ܡܢ ܐܫܥܝܐ ܢܒܝܐ
12)070( 061:01 ܪ̈ܘܚܗ ܕܡܪ̈ܐ ܥܠܐܝ܀ ܗܕܐ ܕܠܒܕܝܠ ܟܕܢ ܡܫܚ ܝܬ݁ܝ܀ ܕܝܒܣܪ̈ ܠܡܣܟܝܢܝܐ ܫܓܪ ܝܬ݁ܝ܀ ܘܝܐܣܐ݁ ܠܗܠܝܢ ܕܡܫܚܩܝܢ ܒܠܒܗܘܢ܀ ܘܝܩܪ̈ܐ݁ ܠܫܒܝܐ ܫܒܘܩܝܢ ܘܠܣܡܝܐ ܕܝܚܡܘܢ܀
12)070( 061:02 ܘܝܩܪܐ݁ ܫܝܬܗ݀ ܕܡܪܐ ܡܩܒܠܬܐ܀ ܘܝܘܡ ܕܓܙܝܘܢ ܠܐܠܗܐܢ܀ ܘܝܢܚܡ
12)070( 061:03 ܟܘܠ ܗܠܝܢ ܕܡܬܐܒܠܝܢ ܠܨܝܘܢ܀ ܚܘܠܦ ܢܚܠܐ ܡܝܫܚ ܕܒܝܣܡ܀ ܘܚܘܠܦ ܐܒܠܐ ܠܒܘܫ ܕܬܫܒܚܐ܀ ܘܚܘܠܦ ܪܘܚܐ ܚܫܘܫܬܐ܀ ܝܬ݁ܩܪܘܢ ܕܝܪ̈ܝܢ ܕܨܕܝܩ܀ ܢܨܝܒܬܗ ܕܡܪ̈ܐ ܠܬܫܒܚܐ܀
12)070( 061:04 ܘܝܒܢܘܢ ܚܪܒܢ ܕܠܥܠܡ܀ ܘܚܪ̈ܒܢ ܕܩܡܝܝܢ ܝܩܝܡܘܢ܀ ܘܡܕܝܢܢ ܚܪܒܢ ܝܚܕܬ݁ܘܢ܀ ܗܠܝܢ ܕܗܘܝ ܚܪ̈ܒܢ ܠܕܝܪܝܢ܀
12)070( 061:05 ܘܝܐܬ݁ܘܢ ܒܢܝ ܢܘܟܪ̈ܝܝܢ ܝܪ̈ܥܘܢ ܐܡܪܬ݁ܝܟܝ܀ ܘܫܘܒܛܝܐ ܢܘܟܪ̈ܝܝܢ ܝܗܘܢ ܠܝܟܝ ܐܟܪܝܢ ܘܟܪܡܝܢ܀

12)070( 061:06 ܐܬܘܢ ܕܝ ܟܗܢܘܝ ܕܐܠܗܐ ܬܬ݁ܩܪܘܢ ܘܫܡܫܘܝ ܕܐܠܗܐ܀ ܚܝܠ ܕܡܝܢܝܢ ܬ݁ܟ̈ܘܠܘܢ܀ ܘܒܥܘܬ݁ܪ̈ܗܘܢ ܬܬܡܗܘܢ܀

12)070( 061:07 ܚܘܠܦ ܒܗܬܬ݁ܟܘܢ ܘܐܟܢܥܘܬ݁ܟܘܢ ܝܪܘܬܐ ܬܢܝܢܝ ܬܝܪܬ݁ܘܢ ܝܬ݁ܗ ܠܐܪܥܐ܀ ܘܒܣܡ ܕܠܥܠܡ ܥܠ ܪܝܫܟܘܢ܀
12)070( 061:08 ܐܢܐ ܗܘ ܡܪ̈ܐ ܕܡܚܒ ܨܕܩܐ ܘܣܐܢܐ݁ ܚܛܘܦܝܐ ܘܥܨܝܘܢܐ܀ ܘܐܢܐ ܝܗܒ ܠܝܘܬ݁ܗܘܢ ܠܨܕܝܩܝܢ܀ ܘܕܝܬ݁ܝܩܐ݁ ܕܠܥܠܡ ܐܢܐ ܡܬ݁ܩܝܢ ܠܗܘܢ܀
12)070( 061:09 ܘܡܬ݁ܝܕܥ ܒܡܝܢܝܐ ܙܪ̈ܥܗܘܢ ܘܒܢܝ ܒܢܝܗܘܢ ܒܩܗܠܝܐ܀ ܘܟܘܠ ܡܢ ܕܚܡܐ ܠܗܘܢ ܡܟܪ̈ ܠܗܘܢ ܕܗܢܘܢ ܙܪܥ ܡܒܪ̈ܟ ܡܢ ܐܠܗܐ܀
12)070( 061:10 ܘܒܣܡ ܝܬ݁ܒܣܡܘܢ ܒܡܪܐ܀ ܐܬ݁ܚܐܕܝ ܢܦܫܝ ܒܡܪ̈ܐ ܟܣܐ݁ ܝܬ݁ܝ ܓܪ̈ ܠܒܘܫܐ ܕܡܚܝܢܘܬܐ ܘܡܐܢ ܕܒܣܡ ܐܬܩܢ ܥܠܝ ܗܝܟ ܚܬܢܐ ܡܫܒܚܐ܀ ܘܗܝܟ ܟܠܬܐ ܕܡܬܩܢܐ ܐܬܩܢ ܝܬ݁ܝ܀
12)070( 061:11 ܘܗܝܟ ܐܪܥܐ ܕܡܪ̈ܒܝܐ ܢܨܢܝܢ܀ ܘܗܝܟ ܓܝܢܬܐ ܕܡܨܡܚܐ ܙܪ̈ܥܗ݀܀ ܗܟܕܢ ܡܪܐ ܡܨܡܚ ܨܕܩܐ ܘܚܕܘܬܐ ܩܘܕܡ ܟܘܠܗܘܢ ܡܝܢܝܐ
12)070( 000:00 ܒܟܢ ܫܥܢܘܢ ܗܘ ܡܬ݁ܩܪܐ܀
12)070( 054:22 ܪܟܝܟܝܢ ܡܝܠܘܝ ܣܓܝ ܡܢ ܡܝܫܚܐ܀ ܘܗܢܘܢ ܐܝܬ݁ ܗܢܘܢ ܓܪ̈ܪ̈ܝܢ܀
12)070( 000:00 ܥܢܝܬܗ
12)070( 054:02 ܐܨܝܬ݁ ܐܠܗܐ ܠܨܠܘܬ݁ܝ ܘܠܐ ܬܥܒܪ ܒܥܘܬ݁ܝ܀
12)070( 000:00 ܗܠܘܠܝܐ ܠܝܬ݁ ܠܝܘܡܕܝܢ