← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55420: le97 lection 80 Is

Click on a word for lexical analysis
Click on a red-colored coordinate for comments and/or translations of the line

12)080( 000:00 ܩܪ̈ܝܐܢ ܬܫܝܥܝ ܡܢ ܫܥܝܐ
12)080( 052:13 ܗܐ ܡܬ݁ܒܘܢܢ ܛܠܝܝ ܘܡܫܬܒܚ ܗܘ ܘܡܬ݁ܪ̈ܘܡܡ ܠܚܕܐ ܘܡܬܠܐ܀
12)080( 052:14 ܗܟܡܐ ܕܝܬܡܗܘܢ ܥܠܝ ܣܓܝ܀ ܡܫܦܦܐ ܗܝ ܕܝܡܘܬ݁ܗ ܡܢ ܒܢܗܘܢ ܕܒܢܝܢܫܐ܀
12)080( 052:15 ܗܟܕܝܢ ܓܪ ܝܬܡܗܘܢ ܥܠܘܝ ܡܝܢܝܢ ܣܓܝ܀ ܘܡܠܟܝܢ ܝܚܘܕܘܢ ܥܠܘܝ ܒܦܡܗܘܢ܀ ܠܒܕܝܠ ܕܗܠܝܢ ܕܠܐ ܐܬܡܪ̈ ܠܗܘܢ ܝܚܡܘܢ ܝܬ݁ܗ܀ ܘܗܠܝܢ ܕܠܐ ܫܡܥܝܢ ܝܬ݁ܒܘܢܢܘܢ܀
12)080( 053:01 ܡܪ̈ܐ ܡܢ ܗܝܡܢ ܠܡܫܡܘܥܢ܀ ܘܐܕܪ̈ܗ ܕܡܪ̈ܐ ܠܡܢ ܐܬ݁ܓܠܝ܀
12)080( 053:02 ܬܢܝܢܢ ܝܬ݁ܗ ܗܝܟ ܛܠܐ ܩܘܕܡܘܝ܀ ܘܗܝܟ ܫܘܪ̈ܫ ܒܐܪ̈ܥ ܨܗܝܐ܀ ܠܝܬ݁ ܠܗ ܕܝܡܘ ܘܠܐ ܬܫܒܘܚܐ ܚܡܝܢܢ ܝܬ݁ܗ܀ ܘܠܐ ܗܘܐ ܠܗ ܕܝܡܘ ܘܠܐ ܫܘܦܝܪ܀
12)080( 053:03 ܐܠܐ ܕܝܡܘܬ݁ܗ ܡܙܠܠܐ ܘܒܨܪ̈ܐ ܡܢ ܒܢܝܗܘܢ ܕܒܢܝܢܫܐ܀ ܒܪܢܫ ܕܗܘܐ ܒܡܚܬܐ ܘܝܕܥ ܕܝܣܘܒܪ̈ ܒܘܫܝܢ܀ ܘܗܦܟܢܝܢ ܐܦܝܢܢ ܡܢܗ܀ ܐܙܕܠܠ ܘܠܐ ܐܬ݁ܚܫܒ܀
12)080( 053:04 ܗܕܢ ܕܗܘ ܣܟܠܬ݁ܢ ܗܘ ܡܣܘܒܪ̈܀ ܘܥܠ ܕܛܒܢ ܗܘ ܡܬ݁ܥܝܩ܀ ܘܐܢܢ ܐܬ݁ܚܫܒܢܢ ܥܠܘܝ ܕܗܘ ܒܡܚܘܫ ܘܒܒܘܫ ܘܒܡܚܐ܀
12)080( 053:05 ܗܘ ܕܝ ܐ݁ܬ݁ܠܩܝ ܠܒܕܝܠ ܣܝܟܠܬ݁ܢ ܘܐܬܒܫ ܠܒܕܝܠ ܥܒܪܢܝܡܘܣܢ܀ ܘܡܪ̈ܕܘܬܐ ܕܫܠܝܡܢ ܥܠܘܝ܀ ܒܡܚܬ݁ܗ ܐܢܗ ܐܬܐܣܝܢܗ܀
12)080( 053:06 ܟܘܠܢܗ ܓܪ ܗܝܟ ܐܝܡܪܝܢ ܛܥܝܢܗ܀ ܕܟܘܠ ܒܪܢܫ ܒܘܪܚܬ݁ܗ ܛܥܐ݁܀ ܘܡܪܐ ܡܣܪ̈ ܝܬ݁ܗ ܠܒܕܝܠ ܣܟܠܬ݁ܢ܀
12)080( 053:07 ܘܗܘ ܒܡܐ ܕܒܐ݁ܫ ܠܗ ܠܐ ܦܬ݁ܚ ܦܡܗ܀ ܘܗܝܟ ܐܝܡܪ̈ܐ ܠܢܟ̈ܣܬܐ ܐܬܐ܀ ܗܝܟ ܪ̈ܒܝܒܐ ܩܘܕܡ ܗܕܢ ܕܓܙܙ ܠܗ ܕܠܐ ܩܠ܀ ܗܟܕܝܢ ܠܐ ܦܬ݁ܚ ܦܡܗ܀
12)080( 053:08 ܒܡܟܝܟܘܬ݁ܗ ܐܬܪ̈ܝܡ ܕܝܢܗ܀ ܕܪ̈ܗ ܕܝ ܡܢ ܡܬܢܐ݁܀ ܕܗܐ ܡܬ݁ܪ̈ܝܡܝܢ ܡܢ ܐܪ̈ܥܐ ܚܝܝܘܝ܀ ܡܢ ܠܒܕܝܠ ܕܝ ܥܒܪ̈ܢܝܡܘܣܗ ܕܩܗܠܗ ܐܬܐ ܠܡܘܬܐ܀
12)080( 053:09 ܘܝܐܬܠ ܒܝܫܝܐ ܚܘܠܦ ܩܒܘܪܘܝ܀ ܘܠܥܬܝܪܝܐ ܚܘܠܦ ܡܘܬ݁ܗ܀ ܕܥܒܪܢܝܡܘܣ ܠܐ ܥܒܕ ܘܠܐ ܢܟ̈ܠ ܒܦܡܗ܀
12)080( 053:10 ܘܡܪܐ ܨܒܐ݁ ܕܝܕܟܐ݁ ܝܬ݁ܗ ܡܢ ܡܚܬܐ܀ ܐܢ ܬܬܠܘܢ ܥܠ ܕܛܒ ܣܟܠܬ݁ܢ ܢܦܫܟܘܢ ܬܚܡܘܢ ܙܪ̈ܥܐ ܕܐܪ̈ܝܟ ܐܫܘܢܗ܀ ܘܡܪܐ ܨܒܐ ܒܐܝܕܗ ܕܝܐܪܝܡ
12)080( 053:11 ܡܢ ܡܚܘܫܐ ܢܦܫܗ܀ ܘܝܘܕܥ ܠܗ ܢܗܘܪ̈ܐ ܘܝܓܒܘܠ ܝܬ݁ܗ ܒܒܘܢܢܘܬܐ܀ ܘܝܨܕܩ ܠܨܕܝܩܐ ܗܕܢ ܕܡܫܡܫ ܝܐܘܬ݁ ܠܣܓܝ܀ ܘܣܟܠܬ݁ܗܘܢ ܗܘ ܐܣܩ܀
12)080( 053:12 ܘܠܒܕܝܠ ܟܕܢ ܗܘ ܝܪ̈ܝܬ݁ ܠܣܓܝ܀ ܘܒܙܝܙܢ ܕܚܝܘܠܝܢ ܗܘ ܡܦܠܓ܀ ܚܘܠܦ ܕܐܬ݁ܡܣܪ̈ܬ݁ ܢܦܫܗ ܠܡܘܬܐ܀ ܘܥܡ ܥܒܪ̈ܢܝܡܘܣܐ ܗܘ ܐܝܬ݁ܚܫܒ܀ ܘܣܟܠܬ݁ܗܘܢ ܕܣܓܝ ܐܣܩ ܘܡܢ ܠܒܕܝܠ ܥܒܪܢܝܡܘܣܗܘܢ ܐܬ݁ܡܣܪ̈