← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55420: le97 lection 87 Is

Click on a word for lexical analysis
Click on a red-colored coordinate for comments and/or translations of the line

12)087( 000:00 ܩܦܠܝܘܢ ܒܫܝܗܘܪܗ ܕܦܣܚܐ ܩܕܝܫܐ ܡܢ ܫܥܝܐ ܢܒܝܐ
12)087( 060:01 ܢܗܘܪ̈ܝ ܢܗܘܪ̈ܝ ܝܪܘܫܠܝܡ܀ ܐܬܐ ܓܪ̈ ܢܗܘܪ̈ܝܟܝ ܘܡܚܝܢܝܟܝ ܘܬܫܒܚܬܗ ܕܡܪ̈ܐ ܥܠܝܟܝ ܕܢܚܬ݁܀
12)087( 060:02 ܗܐ ܩܒܠܐ ܡܟܣܝ ܐܪܥܐ ܘܥܪܒܠܐ ܥܠ ܡܝܢܝܢ ܣܓܝ܀ ܥܠܝܟܝ ܕܝ ܝܬ݁ܚܡܐ ܡܪ̈ܐ܀ ܘܬܝܫܒܚܬܗ ܥܠܝܟܝ ܬܬ݁ܝܕܥ܀
12)087( 060:03 ܘܝܐܙܠܘܢ ܡܝܢܝܢ ܒܢܗܘܪ̈ܝܟܝ܀ ܘܡܠܟܝܢ ܒܢܗܘܪ̈ܗ ܕܡܚܝܢܝܟܝ܀
12)087( 060:04 ܬܠܐܝ ܥܝܢܝܟܝ ܠܚܘܓܘܠܬ݁ܝܟܝ ܘܚܡܐܝ ܟܘܠ ܒܢܝܟܝ ܡܬ݁ܟܢܫܝܢ܀ ܕܐܝܬܘ ܟܘܠ ܒܢܝܟܝ ܡܢ ܪܘܚܩܐ܀ ܘܒܢܬ݁ܟܝ ܥܠ ܟܬ݁ܦܬܐ ܝܬ݁ܢܣܒܘܢ܀
12)087( 060:05 ܘܒܟܢ ܬܚܡܝܢ ܘܬܚܕܝܢ܀ ܘܬܕܚܘܠܝܢ ܘܬܬܡܗܝܢ ܒܠܒܝܟܝ܀ ܕܗܐ ܡܬ݁ܦܢܝ ܠܘܬ݁ܝܟܝ ܥܘܬ݁ܪ̈ܗ ܕܝܡܐ ܘܥܘܬ݁ܪ̈ ܕܡܝܢܝܢ ܘܕܩܗܠܝܢ܀
12)087( 060:06 ܘܝܐܬ݁ܝܐܢ ܠܝܟܝ ܒܩܘܪ̈ܢ ܕܓܡܠܝܢ܀ ܘܝܟܣܘܢ ܝܬ݁ܝܟܝ ܓܡܠܝܐ ܕܡܕܝܐܡ ܘܕܓܝܦܪ̈܀ ܘܟܘܠܗܘܢ ܝܬ݁ܘܢ ܡܢ ܣܒܐ ܛܥܝܢܝܢ ܕܗܒ ܘܠܝܒܘܢܐ܀ ܘܝܐܬ݁ܘܢ ܠܝܟܝ ܟܝܦܝܢ ܡܝܩܪ̈ܢ܀ ܘܡܚܝܢܗ ܕܡܪܐ ܝܒܣܪ̈ܘܢ܀
12)087( 060:07 ܘܝܬ݁ܟܢܫܢ ܠܝܟܝ ܐܝܡܪܬܐ ܕܩܝܕܪ̈܀ ܘܕܟܪܝܐ ܕܢܒܘܐܬ݁ ܝܐܬ݁ܘܢ ܠܝܟܝ܀ ܘܝܬ݁ܩܪ̈ܒܘܢ ܡܩܒܠܝܢ ܥܠ ܡܕܒܚܝܟܝ܀ ܘܒܝܬܐ ܕܒܝܬ݁ ܨܠܘܬ݁ܝ ܝܐܫܬܒܚ܀
12)087( 060:08 ܡܢ ܗܢܘܢ ܗܠܝܢ ܗܝܟ ܝܘܢܝܢ ܦܪ̈ܚܢ ܥܡ ܓܘܙܠܗܝܢ ܠܘܬ݁ܝ܀
12)087( 060:09 ܠܝ ܢܝܣܘܬܐ ܡܣܟܝܢ ܘܐܠܦܝܐ ܕܬܪܣܝܣ ܒܩܡܝܝ܀ ܘܝܐܬ݁ܘܢ ܒܢܝܟܝ ܡܢ ܪܘܚܩܐ ܘܟܣܦܗܘܢ ܘܕܗܒܗܘܢ ܥܡܗܘܢ܀ ܘܫܝܡܗ ܕܡܪܐ ܩܕܝܫܐ ܝܬ݁ܢܘܢ܀ ܘܠܒܕܝܠ ܩܕܝܫܐ ܕܐܣܪ̈ܐܝܠ
12)087( 060:10 ܕܡܫܒܚ ܐܝܬ݁ ܗܘ܀ ܘܝܒܐܢܘܢ ܒܢܝܗܘܢ ܕܢܘܟܪܝܝ ܫܘܪ̈ܝܟܝ܀ ܘܡܠܟܝܗܘܢ ܝܩܘܡܘܢ ܩܘܕܡܝܟܝ܀ ܠܒܕܝܠ ܓܪ ܪܘܓܙܝ ܫܩܦܬ ܝܬ݁ܝܟܝ܀ ܘܠܒܕܝܠ ܪܚܡܝ ܐܚܒܬ ܝܬ݁ܝܟܝ܀
12)087( 060:11 ܘܝܬ݁ܦܬ݁ܚܘܢ ܬ݁ܪ̈ܥܝܟܝ ܒܟܘܠ ܥܪ̈ ܒܐܝܡܡܐ ܘܒܠܝܠܝܐ܀ ܘܠܐ ܝܬܚܝܕܘܢ܀ ܘܝܥܘܠ ܠܘܬ݁ܝܟܝ ܚܝܠܗܘܢ ܕܡܝܢܝܐ ܘܟܘܠ ܡܠܟܝܗܘܢ ܗܝܟ ܚܕܐ܀
12)087( 060:12 ܡܠܟܝܐ ܘܡܝܢܝܐ ܗܠܝܢ ܕܠܐ ܝܫܡܫܘܢ ܝܬ݁ܝܟܝ ܝܐܒܘܕܘܢ܀ ܘܡܝܢܝܐ ܚܪܒܢ ܝܚܘܪܒܘܢ܀
12)087( 060:13 ܘܬܫܒܚܬܗ ܕܠܒܢܢ ܬܐܬܐ ܠܝܟܝ܀ ܒܐܪܙܐ ܘܒܠܘܟܫܐ ܘܒܧ̈ܟܣܝܢܐ ܗܝܟ ܚܕܐ܀ ܝܫܒܚܘܢ ܝܬ݁ܗ ܠܐܬ݁ܪܝ ܩܕܝܫܐ܀ ܘܐܬ݁ܪܗܝܢ ܕܪ̈ܓ̈ܠܝ ܝܫܬܒܚ ܐܡܪ ܡܪ̈ܐ݁܀
12)087( 060:14 ܘܝܐܬ݁ܘܢ ܠܘܬ݁ܝܟܝ ܕܚܝܠܝܢ ܒܢܝܗܘܢ ܕܗܠܝܢ ܕܡܟܡܟܘ ܝܬ݁ܝܟܝ܀ ܘܗܠܝܢ ܕܐܚܪ̈ܦܘ ܝܬ݁ܝܟܝ܀ ܘܝܣܓܘܕܘܢ ܠܥܩܒܬ݁ܗܘܢ ܕܪܝܓܠܝܟܝ܀ ܟܘܠ ܗܠܝܢ ܕܐܚܪܦܘ ܝܬ݁ܝܟܝ܀ ܘܐܬܝ ܬܬ݁ܩܪܝܢ ܡܕܝܢܬܗ ܕܡܪܐ ܨܝܘܢ ܩܕܝܫܐ ܕܐܝܣܪܐܝܠ܀
12)087( 060:15 ܡܢ ܠܒܕܝܠ ܕܐܬ݁ܥܒܕܬܝ ܫܒܝܩܐ ܘܡܣܬܢܝܐ ܘܠܐ ܗܘܐ ܡܢ ܕܡܣܝܥ ܝܬ݁ܝܟܝ܀ ܘܐܣܝܡ ܝܬ݁ܝܟܝ ܚܕܘܐ ܕܠܥܠܡ ܘܒܣܡ ܠܕܪ̈ ܘܕܪ̈ܝܢ܀
12)087( 060:16 ܘܬܝܢܘܩܝܢ ܚܠܒ ܕܡܝܢܝܢ܀ ܘܥܘܬ݁ܝܪ̈ ܕܡܠܟܝܢ ܬܝܟܘܠܝܢ܀ ܘܬܝܟܪ̈ܝܢ ܕܐܢܐ ܗܘ ܡܪ̈ܐ ܗܕܢ ܕܦܪ̈ܩ ܝܬ݁ܝܟܝ܀ ܘܗܕܝܢ ܕܡܦܨܐ݁ ܠܝܟܝ ܐܠܗܗ ܕܐܝܣܪܐܝܠ܀ ܘܚܘܠܦ ܢܚܫܐ ܝܐܬܐ݁ ܠܝܟܝ ܕܗܒ܀
12)087( 060:17 ܘܚܘܠܦ ܦܘܪܙܠܐ ܝܐܬܐ݁ ܠܝܟܝ ܟܝܣܦ܀ ܘܚܘܠܦ ܩܝܣܝܐ ܝܐܬܐ݁ ܠܝܟܝ ܢܚܫܐ܀ ܘܚܘܠܦ ܟܝܦܝܢ ܝܐܬܐ݁ ܠܝܟܝ ܦܘܪ̈ܙܠ܀ ܘܝܬܠ ܐܪ̈ܟܘܢܝܟܝ ܒܫܝܠܡ܀ ܘܠܨܦܘܝܟܝ ܒܨܕܝܩ܀
12)087( 060:18 ܘܠܐ ܝܫܬܡܥ ܥܘܕ ܛܘܠܡ ܒܐܪ̈ܥܝܟܝ܀ ܘܠܐ ܫܚܩܘܢ ܘܠܐ ܕܘܝܘ ܒܬ݁ܚܘܡܝܟܝ ܐܠܐ ܝܬ݁ܩܪܘܢ ܫܘܪ̈ܝܟܝ ܚܝܝܢ܀ ܘܬܪܥܝܟܝ ܫܝܪܐ܀
12)087( 060:19 ܘܠܐ ܝܗܐ݁ ܠܝܟܝ ܥܘܕ ܫܝܡܫܐ ܠܢܗܘܪ ܒܝܡܡܐ܀ ܘܠܐ ܢܗܘܪܗ ܕܙܗܪܐ ܒܠܝܠܝܐ܀ ܐܠܐ ܝܗܐ݁ ܠܝܟܝ ܡܪܐ ܠܢܗܘܪ̈ ܠܥܠܡ܀ ܘܐܠܗܐ ܠܝܟܝ ܠܬܝܫܒܚܐ܀
12)087( 060:20 ܠܐ ܓܪ ܝܥܪܘܒ ܠܝܟܝ ܫܝܡܫܐ܀ ܘܙܗܪ̈ܐ ܠܐ ܝܣܘܦ ܠܝܟܝ܀ ܘܝܗܝ ܠܝܟܝ ܡܪܐ ܠܢܗܘܪ ܕܠܥܠܡ܀ ܘܝܬ݁ܡܠܘܢ ܝܘܡܝܐ ܕܐܒܠܝܟܝ܀
12)087( 060:21 ܘܩܗܠܝܟܝ ܟܘܠܗ ܝܗܐ݁ ܨܕܝܩ ܠܥܠܡ܀ ܘܝܪܬܘܢ ܝܬ݁ܗ ܠܥܠܡ܀ ܡܢܛܪ ܢܨܒܬܐ ܥܘܒܕܝܗܝܢ ܕܐܝܕܘܝ ܠܬܝܫܒܚܐ܀
12)087( 060:22 ܘܗܕܢ ܕܨܒܚܕ ܝܗܐ݁ ܠܐܠܦܝܢ܀ ܘܗܕܢ ܕܫܦܝܦ ܝܗܐ݁ ܠܡܝܢ ܪ̈ܒ܀ ܕܐܢܐ ܡܪܐ ܒܩܝܪܘܣ ܐܢܐ ܡܟܢܫ ܠܗܘܢ܀