The Comprehensive Aramaic Lexicon

45)017( 000:00	ܠܚܕ ܒܫܘܒܐ ܕܩܘܕܡ ܬܠܘܕܝ ܕܡܫܝܚܐ
45)017( 001:01	ܦ̈ܘܠܘܨ ܥܒܕܗ ܕܝܣܘܣ ܡܫܝܚܐ܀ ܩܪ̈ܐ ܘܫܠܝܚ ܡܦܪ̈ܝܫ ܠܒܣܘܪ̈ܗ ܕܐܠܗܐ܀
45)017( 001:02	ܗܕܝܢ ܕܡܢ ܩܘܕܡ ܩܨ ܒܢܒܝܐ ܕܟܬ݁ܝܒ‍<‍ܝܢ‍>‍ ܩܕܝܫܝܢ܀
45)017( 001:03	ܠܛܒܗ ܕܒܪ̈ܗ܀ ܕܗܘܐ ܡܢ ܙܪ̈ܥܝܗ ܕܒܝܬ݁ ܕܘܝܕ ܒܕܒܣܪ̈ܐ܀
45)017( 001:04	ܗܕܝܢ ܕܐܬ݁ܝܕܥ ܒܪ̈ܗ ܕܐܠܗܐ܀ ܒܚܝܠܗ ܕܪ̈ܘܚܐ ܕܩܘܕܫܐ ܡܢ ܩܝܡܝܬܐ ܕܝ ܕܡܝܬ݁ܝܐ ܕܝܣܘܣ ܡܫܝܚܐ ܡܪ̈ܐ܀
45)017( 001:05	ܗܕܝܢ ܕܒܗ ܢܣܒܢܝܢ ܚܙܕܐ ܐܘܦ ܘܫܠܝܚܘܬܐ ܠܫܡܝܥܘܬܐ ܕܗܝܡܢܘܬܐ ܒܟܘܠܗܘܢ ܡܝܢܝܐ ܥܠ ܛܒ ܫܝܡܗ܀
45)017( 001:06	ܕܒܗ ܐܘܦ ܐܬܘܢ ܩܪ̈ܝܢ ܒܝܣܘܣ ܡܫܝܚܐ܀
45)017( 001:07	ܠܟܘܠ ܗܠܝܢ ܕܝ ܕܒܪ̈ܘܡܐ ܚܒܝܒܝܢ ܠܐܠܗܐ ܩܪ̈ܝܢ ܘܩܕܝܫܝܢ܀ ܚܙܕܐ ܥܡܟܘܢ ܘܫܝܠܡܐ ܡܢ ܐܠܗܐ ܐܒܘܢܢ ܘܡܢ ܡܪ̈ܐܢ ܝܣܘܣ ܡܫܝܚܐ
45)017( 000:00	ܗܕܐ ܠܡܪ̈ܝ ܒܣܝܠܘܣ ܠܘܬ݁ ܪ̈ܘܡܐܝܢ
45)017( 003:19	ܝܕܥܝܢ ܐܢܝܢ ܕܟܘܠܡܐ ܕܢܝܡܘܣܐ ܐܡܪ̈ ܠܗܠܝܢ ܕܬ݁ܚܘܬ݁ ܢܝܡܘܣܐ ܗܘ ܐܡܪ̈܀ ܕܟܘܠ ܦܝܡ ܝܣܬܟܪ̈ ܘܚܐܝܒ ܝܬ݁ܥܒܝܕ ܟܘܠܗ ܥܠܝܡܐ ܠܐܠܗܐ܀
45)017( 003:20	ܠܒܕܝܠ ܕܡܢ ܥܘܒܕܝ ܕܢܝܡܘܣܐ ܠܐ ܡܨܛܕܩ ܟܘܠ ܒܣܪ̈ ܩܘܕܡܘܝ܀ ܒܬ݁ܪ̈ܝܥ ܓܪ̈ ܕܝ ܢܝܡܘܣܐ ܐܟܪ̈ܘܬܐ ܕܝ ܕܣܝܟܠܬܐ
45)017( 003:21	ܟܕܘ ܕܝ ܠܒܪ̈ ܡܢ ܢܝܡܘܣܐ ܨܕܩܗ ܕܝ ܕܐܠܗܐ ܐܬ݁ܓܠܝ܀ ܡܣܝܕ ܥܠܘܝ ܡܢ ܢܝܡܘܣܐ ܘܡܢ ܢܒܝܐ܀
45)017( 003:22	ܨܕܩܗ ܕܐܠܗܐ ܐܘܦ ܒܗܝܡܢܘܬܐ ܕܝܣܘܣ ܡܫܝܚܐ܀ ܠܟܘܠ ܗܠܝܢ ܕܝ ܕܡܗܝܡܢܝܢ ܒܗ܀ ܠܝܬ݁ ܓܪ̈ ܐܦܪ̈ܫܘ
45)017( 003:23	ܟܘܠܐ ܓܪ̈ ܐܣܟܠܘ ܘܚܣܪ̈ܝܢ ܡܢ ܐܟܪ̈ܘܬܐ ܕܝ ܕܬܫܒܘܚܬܗ ܕܐܠܗܐ
45)017( 003:24	ܡܨܛܕܩܝܢ ܡܓܐܢ ܒܛܝܒܘܬܐ ܕܝܠܗ܀ ܒܬ݁ܪ̈ܥ ܦܘܪ̈ܩܢܐ ܗܕܝܢ ܕܒܝܣܘܣ ܡܫܝܚܐ
45)017( 003:25	ܗܕܝܢ ܐܣܝܡܗ ܕܝ ܐܠܗܐ ܪ̈ܥܝ ܒܗܝܡܢܘ ܕܝ ܒܐܝܕܡܐ ܕܓܪ̈ܡܗ܀ ܕܝ ܠܐܘܕܝܘܬܐ ܕܝ ܕܨܕܩܗ܀ ܠܒܕܝܠ ܐܥܒܪ̈ܘܬܐ ܕܣܝܟܠܬܐ ܡܢ ܩܘܕܡ ܐܬ݁ܥܒܕܝ ܒܡܣܘܒܪ̈ܢܘܬ݁ܗ ܕܐܠܗܐ܀
45)017( 003:26	ܠܐܘܕܥܘܬܐ ܕܝ ܕܨܕܩܗ ܟܕܘ܀ ܠܒܕܝܠ ܕܗܘ ܝܗܐ݁ ܨܕܝܩ ܕܝ ܘܡܨܕܝܩ ܐܘܦ ܒܗܝܡܢܘܬܐ ܕܝܣܘܣ ܡܫܝܚܐ܀

45)017( 003:27	ܐܢ ܐܘܢ ܓܠܓܝܐ ܕܝ ܐܬ݁ܚܫܒܘ ܒܬܪܥ ܗܕܝܢ ܢܝܡܘܣ ܒܝܕ ܥܘܒܕܝܐ ܠܐ܀ ܐܠܐ ܒܬ݁ܪ̈ܥ ܢܝܡܘܣܐ ܕܗܝܡܢܘܬܐ ܡܬ݁ܚܫܒܝܢ܀

45)017( 003:28	ܐܢܝܢ ܕܝ ܒܗܝܡܢܘ ܡܨܛܕܩ ܐܘܦ ܒܪ̈ܢܫܐ ܠܒܪ ܡܢ ܥܘܒܕܘܝ ܕܢܝܡܘܣܐ܀
45)017( 003:29	ܐܐ݁ ܕܡܐ ܕܐܠܗܐ ܗܘ ܕܝܘܕܝܝܢ ܒܠܚܘܕ ܠܐ ܐܘܦ ܕܡܝܢܝܢ ܐ‍{‍ܢ‍}‍ܝܢ ܐܘܦ ܕܡܝܢܝܢ܀
45)017( 003:30	ܐܢ ܐܘܢ ܚܕ ܗܘ ܐܠܗܐ܀ ܗܕܝܢ ܓܙܘܪ̈ܬܐ ܡܢ ܗܝܡܢܘܬܐ܀ ܐܘܦ ܥܘܪ̈ܠܬܐ ܒܬ݁ܪ̈ܥܗ ܕܝ ܕܗܝܡܢܘܬܐ܀
45)017( 003:31	ܢܝܡܘܣܐ ܐܘܢ ܐܢܝܢ ܡܒܛܠܝܢ܀ ܠܓܠܠ ܕܝ ܗܝܡܢܘܬܐ