Click on a red-colored coordinate for comments and/or translations of the line
| 001:001 | ܣܝܦܪܐ ܕܬ݁ܠܘܕܘܝ ܕܝܣܘܣ ܡܫܝܚܐ܃ ܒܪܗ ܕܘܝܕ܃ ܒܪܗ ܕܐܒܪܗܡ |
| 001:002 | ܐܒܪܗܡ ܐܘܠܕ ܠܐܝܣܚܩ܃ ܐܝܣܚܩ ܐܘܠܕ ܠܝܥܩܘܒ܃ ܝܥܩܘܒ ܕܝ ܐܘܠܕ ܠܝܘܕܐ ܘܠܐܚ̈ܘܝ |
| 001:003 | ܝܗܘܕܐ ܕܝ ܐܘܠܕ ܠܦܪܣ ܘܠܙܪܚ ܡܢ ܬܡܪ܃ ܦܪܣ ܕܝ ܐܘܠܝܕ ܠܚܨܪܘܢ܃ ܚܨܪܘܢ ܕܝ ܐܘܠܝܕ ܠܐܪܡ |
| 001:004 | ܐܪܡ ܕܝ ܐܘܠܝܕ ܠܐܡܝܢܕܒ܃ ܐܡܝܢܕܒ ܕܝ ܐܘܠܝܕ ܠܢܚܫܘܢ܃ ܢܚܫܘܢ ܕܝ ܐܘܠܝܕ ܠܣܠܡܘܢ |
| 001:005 | ܣܠܡܘܢ ܕܝ ܐܘܠܝܕ ܠܒܘܐܙ ܡܢ ܪܚܒ܃ ܒܘܐܙ ܕܝ ܐܘܠܕ ܠܥܘܒܝܕ ܡܢ ܪܥܘܬ݁܃ ܥܘܒܝܕ ܕܝ ܐܘܠܕ ܠܝܐܝܫܝ܃ ܐܝܫܝ ܕܝ ܐܘܠܕ ܠܕܘܝܕ܃ ܡܠܟܐ܃ |
| 001:006 | ܕܘܝܕ ܕܝ ܐܘܠܕ ܠܫܘܠܝܡܘܢ ܡܢ ܐܬܬ݁ܗ݀ ܕܐܘܪܝܐܣ܃ |
| 001:007 | ܫܘܠܝܡܘܢ ܕܝ ܐܘܠܕ ܠܪܘܒܥܡ܃ ܪܘܒܥܡ ܕܝ ܐܘܠܕ ܠܐܒܝܘܕ ܐܒܝܘܕ ܕܝ ܐܘܠܕ ܠܐܣܐ܃ |
| 001:008 | ܐܣܐ ܕܝ ܐܘܠܕ ܠܝܘܫܦܛ ܝܘܫܦܛ ܕܝ ܐܘܠܕ ܠܝܘܪܡ܃ ܝܘܪܡ ܕܝ ܐܘܠܕ ܠܥܘܙܝܐ܃ |
| 001:009 | ܥܘܙܝܐ ܕܝ ܐܘܠܕ ܠܝܘܬ݁ܡ܃ ܝܘܬ݁ܡ ܕܝ ܐܘܠܕ ܠܐܟ̈ܙ܃ ܐܟ̈ܙ ܕܝ ܐܘܠܕ ܠܚܙܩܝܐ܃ |
| 001:010 | ܚܙܩܝܐ ܕܝ ܐܘܠܕ ܠܡܢܫܐ܃ ܡܢܫܐ ܕܝ ܐܘܠܕ ܠܐܡܘܢ܃ ܐܡܘܢ ܕܝ ܐܘܠܕ ܠܝܘܫܝܐ܃ |
| 001:011 | ܝܘܫܝܐ ܕܝ ܐܘܠܕ ܠܝܘܐܩܝܡ܃ ܝܘܐܩܝܡ ܐܘܠܕ ܠܝܘܟ̈ܢܝܐ ܘܠܐܚ̈ܘܝ ܒܓܠܘܬܐ ܕܒܒܝܠ܃ |
| 001:012 | ܡܢ ܒܬ݁ܪ ܕܝ ܓܠܘܬܐ ܕܒܒܝܠ܃ ܝܘܟ̈ܢܝܐ ܐܘܠܕ ܠܣܠܬ݁ܝܐܠ܃ ܣܠܬ݁ܝܐܠ ܕܝ ܐܘܠܕ ܠܙܘܪܒܒܝܠ܃ |
| 001:013 | ܙܘܪܒܒܝܠ ܕܝ ܐܘܠܕ ܠܐܒܝܘܕ܃ ܐܒܝܘܕ ܕܝ ܐܘܠܕ ܠܐܠܝܩܝܡ܃ ܐܠܝܩܝܡ ܕܝ ܐܘܠܕ ܠܥܙܘܪ܃ |
| 001:014 | ܥܙܘܪ ܕܝ ܐܘܠܕ ܠܨܕܘܩ܃ ܨܕܘܩ ܕܝ ܐܘܠܕ ܠܐܟܝܡ܃ ܐܟܝܡ ܕܝ ܐܘܠܕ ܠܐܠܝܘܕ |
| 001:015 | ܐܠܝܘܕ ܕܝ ܐܘܠܕ ܠܐܠܝܥܙܪ܃ ܕܝ ܐܘܠܕ ܠܡܬ݁ܢ܃ ܕܝ ܐܘܠܕ ܠܝܥܩܘܒ܃ |
| 001:016 | ܕܝ ܐܘܠܕ ܠܝܘܣܝܦ ܓܒܪܗ݀ ܕܡܪܝܐܡ ܕܡܢܗ݀ ܐܬ݁ܝܠܕ ܝܣܘܣ ܕܢ ܕܡܬܐܡܪ ܡܫܝܚܐ܃ |
| 001:017 | ܟܘܠܗܘܢ ܐܘܢ ܕܪ̈ܝܐ ܡܢ ܐܒܪܗܡ ܥܕܡܐ ܠܕܘܝܕ ܕܪ̈ܝܢ ܐܪ̈ܒܥܬܥܣܪ̈܃ ܘܡܢ ܕܘܝܕ ܥܕܡܐ ܠܓܠܘܬܐ ܕܒܒܝܠ ܕܪ̈ܝܢ ܐܪ̈ܒܥܬܥܣܪ܃ ܘܡܢ ܓܠܘܬܐ ܕܒܒܝܠ ܥܕܡܐ ܠܡܫܝܚܐ ܕܪ̈ܝܢ ܐܪ̈ܒܥܬܥܣܪ |
| 001:018 | ܬܘܠܘܕܬܗ ܕܝ ܝܣܘܣ ܡܫܝܚܐ ܗܟܕܢ ܗܘܬ݁ ܟܕ ܐܬܐܪܣܬ݁ ܐܝܡܗ݀ ܡܪܝܐܡ ܠܝܘܣܝܦ ܥܕܠܐ ܝܬ݁ܩܪ̈ܒܘܢ ܚܕ ܠܘܬ݁ ܚܕ ܐܫܬܟܚܬ݁ ܢܣܝܒܐ ܟܪܣ ܡܢ ܪܘܚܐ ܕܩܘܕܫܐ܃ |
| 001:019 | ܝܘܣܝܦ ܕܝ ܓܒܪܗ݀ ܗܘܐ ܨܕܝܩ܃ ܘܠܐ ܗܘܐ ܨܒܐ ܕܝܦܪܥ ܝܬ݁ܗ݀܃ ܐܠܐ ܐܬ݁ܚܫܒ ܕܒܛܘܡܘܪܝܢ ܝܦܢܐ ܝܬ݁ܗ݀܃ |
| 001:020 | ܘܗܝܟ ܕܗܘ ܡܬ݁ܚܫܒ ܗ̈ܠܝܢ܃ ܘܗܐ ܡܠܐܟܗ ܕܡܪܝܐ ܐܬ݁ܚܡܝ ܠܗ݀ ܒܡܚܡܘܝ ܘܐܡܪ ܠܗ܃ ܝܘܣܝܦ ܒܪܗ ܕܘܝܕ ܠܐ ܬ݁ܕܚܘܠ ܬ݁ܕܒܘܪ ܠܡܪܝܐܡ ܐܬܬ݁ܟ܃ ܗܕܢ ܓܪ ܡܬ݁ܠܕ ܡܢܗ݀ ܡܢ ܪܘܚܐ ܕܩܘܕܫܐ ܐܝܬ݁ ܗܘ܃ |
| 001:021 | ܬܝܠܘܕ ܕܝ ܒܪ ܘܬܩܪܐ ܫܝܡܗ݀ ܝܣܘܣ܃ ܗܘ ܓܪ ܝܚܐ ܩܗܠܗ ܡܢ ܣܟܠܬ݁ܗܘܢ |
| 001:022 | ܗܕܐ ܕܝ ܟܘܠܗ݀ ܐܬ݁ܥܒܕܬ݁ ܕܝܬ݁ܡܠܐ ܡ݁ܐ ܕܝܐܬ݁ܡܪ ܡܢ ܡܪܝܐ ܒܬܪܥܗ ܕܐܝܫܝܥܝܐ ܢܒܝܐ ܕܐܡܪ |
| 001:023 | ܗܐ ܒܬ݁ܘܠܬܐ ܢܣܝܒܐ ܟܪܣ ܘܝܠܕܐ ܒܪ{ܐ} ܘܢܩܪ̈ܘܢ ܫܝܡܗ ܥܡܢܘܐܝܠ܃ ܡܐ ܕܗܘ ܡܬܪܓܡ ܥܡܢ ܗܘ ܐܠܗܐ |
| 001:024 | ܩܡ ܕܝ ܝܘܣܝܦ ܡܢ ܫܝܢܬ݁ܗ ܘܥܒܕ ܗܝܟ ܡܐ ܕܦܩܕ ܝܬ݁ܗ ܡܠܐܟܗ ܕܡܪܝܐ܃ ܘܕܒܪ ܝܬ݁ܗ ܠܐܬܬ݁ܗ |
| 001:025 | ܘܠܐ ܗܘܬ݁ ܡܟܪ ܠܗ݀ ܥܕܡܐ ܕܝܠܕܬ݁ ܒܪܗ݀ ܒܘܟܪܐ ܘܩܪܬ ܫܝܡܗ ܝܣܘܣ |
| 002:001 | ܘܟܕ ܐܬ݁ܝܠܕ ܡܪܐ ܝܣܘܣ ܒܒܝܬ݁ ܕܝܗܘܕܐ ܒܝܘܡ̈ܘܗܝ ܕܗܪܘܕܝܣ ܡܠܟܐ܃ ܘܗܐ ܡ̈ܓܘܫܝܐ ܡܢ ܡܕܢܚܐ ܐܬ̈ܘ ܠܝܪܘܫܠܡ |
| 002:002 | ܐܡܪ̈ܝܢ ܗܢ ܗܘ ܗܕܝܢ ܕܐܬ݁ܝܠܕ ܡܠܟܗܘܢ ܕܝܗ̈ܘܕܝܐ ܚܡܝܢܗ݀ ܓܪ ܟܘܟܘܒܗ݀ ܒܡܕܢܚܐ ܘܐܬ݁ܝܢܢ ܕܢܣܓܘܕ ܠܗ܃ |
| 002:003 | ܘܟܕ ܫܡܥ ܗܪܘܕܝܣ ܡܠܟܐ ܐܬ݁ܥܪܒܒ ܘܟܘܠܗ݀ ܝܪܘܫܠܝܡ ܥܡܗ܃ |
| 002:004 | ܘܟܢܫ ܟܘܠܗܘܢ ܪ̈ܝܫܝ ܟ̈ܗܢܝܐ ܘܣܦܪ̈ܝܐ ܕܩܗܠܐ ܘܗܘܐ ܡܫܐܠ ܠܗܘܢ ܗܢ ܡܫܝܚܐ ܡܬ݁ܝܠܕ܃ |
| 002:005 | ܗܢܘܢ ܕܝ ܐܡܪ̈ܘ ܠܗ ܒܒܝܬ݁ ܠܚܡ ܕܝܗܘܕܐ܃ ܟܕܢ ܓܪ ܟܬ݁ܝܒ ܒܢܒܝܐ܃ |
| 002:006 | ܐܘܦ ܐܬܝ ܒܝܬ݁ ܠܚܡ ܐܪܥܐ ܕܝܗܘܕܝܐ ܠܝܬ݁ ܐܬܝ ܙܥܘܪܐ ܒܡܕܒܪܢܝܐ ܕܝܗܘܕܐ܃ ܡܢܝܟܝ ܓܪ ܢܦܩ ܡܕܒܪܢ ܕܗܘ ܝܪܥܝܢܗ ܠܩܗܠܝ ܐܝܣܪܝܠ܃ |
| 002:007 | ܒܟܢ ܗܪܘܕܝܣ ܛܡܝܪܐܝܬ݁ ܩܪܐ ܠܡܓܘܫ̈ܝܐ ܘܥܩܒ ܡܢܗܘܢ ܐܫܘܢܗ݀ ܕܟܘܟܒܐ ܕܐܬ݁ܚܡܝ ܠܗܘܢ |
| 002:008 | ܘܫܠܚ ܝܬܗܘܢ ܠܒܝܬ݁ ܠܚܡ ܐܡܪ܃ ܗܐ ܐܬܘܢ ܐܙܠܝܢ ܫ̈ܘܠܘ ܫܪܝܪܐܝܬ݁ ܠܛܒܗ݀ ܕܛܠܝܐ܃ ܘܟܕ ܬܫ̈ܟܚܘܢ ܐܬ̈ܘ ܘܬ̈ܢܘ ܠܝ ܕܐܘܦ ܝܐܬܐ ܘܝܣܓܘܕ ܠܗ݀܃ |
| 002:009 | ܗܢܘܢ ܕܝ ܫܡ̈ܥܘ ܠܡܠܟܐ ܘܐܙ̈ܠܘ܃ ܘܗܐ ܗ݀ܘ ܟܘܟܒܐ ܗܕܢ ܕܚܡ̈ܘ ܒܡܕܢܚܐ ܗܘܐ ܐܬܐ܃ ܩܘܕܡܝܗܘܢ ܥܕܡܐ ܕܐܬܐ ܘܩܡ ܠܥܠ ܡܢ ܗܢ ܕܗܘܐ ܛܠܝܐ܃ |
| 002:010 | ܚܡ̈ܘ ܕܝ ܟܘܟܒܐ ܘܚ̈ܕܘ ܚܘܕܘܐ ܪܒܐ ܠܚܕܐ܃ |
| 002:011 | ܘܟܕ ܐܬ̈ܘ ܠܒܝܬܐ ܚ̈ܡܘ ܛܠܝܐ ܥܡ ܡܪܝܡ ܐܝܡܗ܃ ܘܡܟ̈ܘ ܘܣ̈ܓܕܘ ܠܗ܃ ܘܦ̈ܬܚܘ ܣ̈ܝܡܘܬ݁ܗܘܢ ܘܩܪ̈ܒܘ ܠܗ ܩܘܪ̈ܒܢܝܢ ܕܗܒ ܘܠܒܘܢܐ ܘܡܘܪ |
| 002:012 | ܘܐܬ݁ܡܪ ܠܗܘܢ ܒܚܠܡܐ ܕܠܐ ܝܬ̈ܘܒܘܢ ܠܘܬ݁ ܗܪܘܕܝܣ܃ ܘܒܐܘܪܚ ܚܘܪܝ ܐܙ̈ܠܘ ܠܗܘܢ ܠܐܪܥܗܘܢ܃ |
| 002:013 | ܘܒܡܐ ܕܝ ܐܙ̈ܠܘ ܠܗܘܢ ܡܓܘܫ̈ܐ ܗܐ ܡܠܐܟܗ ܕܡܪܝܐ ܐܬ݁ܚܡܝ ܒܚܠܡܐ ܠܝܘܣܦ ܘܐܡܪ ܠܗ ܩܘܡ ܕܒܘܪ ܝܬ݁ܗ ܠܛܠܝܐ ܘܠܐܝܡܗ ܘܥܘܪܘܩ ܠܡܨܪܝܢ܃ ܘܗܘܝ ܬ݁ܡܢ ܥܕܡܐ ܕܝܐܡܘܪ ܠܟ܃ ܥܬܝܕ ܗܘܐ ܓܪ ܗܪܘܕܝܣ ܕܝܒܥܐ ܝܬ݁ܗ ܠܛܠܝܐ ܕܝܘܒܕ ܝܬ݁ܗ |
| 002:014 | ܗܘ ܕܝ ܩܡ ܕܒܪ ܝܬ݁ܗ ܠܛܠܝܐ ܘܠܐܝܡܗ ܒܠܝܠܝܐ ܘܐܙܠ ܠܗ ܠܡܨܪܝܢ܃ |
| 002:015 | ܘܗܘܐ ܬ݁ܡܢ ܥܕܡܐ ܕܡܝܬ ܗܪܘܕܝܣ ܕܝܬ݁ܡܠܐ ܡܐ ܕܐܬ݁ܡܪ ܡܢ ܡܪܝܐ ܒܢܒܝܐ ܕܐܡܪ ܡܢ ܡܨܪܝܢ ܩܪܝܬ݁ ܝܬ݁ܗ ܠܒܪܝ܃ |
| 002:016 | ܒܟܢ ܗܪܘܕܝܣ ܟܕ ܚܡܐ ܕܐܬ݁ܓܚܟ ܡܢ ܡ̈ܓܘܫܝܝ ܐܬܚܡܬ݁ ܠܚܕܐ܃ ܘܫܠܚ ܩܛܠ ܟܘܠ ܛ̈ܠܝܐ ܕܗܘܘ ܒܒܝܬ݁ ܠܚܡ܃ ܘܒܟܠ ܬ݁ܚܘܡܝܗ܃ ܡܢ ܒܪ ܬܪ̈ܬܝܢ ܫ̈ܝܢܝܢ܃ ܘܠܪܥ ܗܝܟ ܐܫ̈ܘܢܐ ܕܥܩܒ ܡܢ ܡ̈ܓܘܫܝܝ |
| 002:017 | ܒܟܢ ܐܬ݁ܡܠܝ ܡܐ ܕܐܬ݁ܡܪ ܒܐܪܡܝܐ ܢܒܝܐ ܕܐܡܪ܃ |
| 002:018 | ܩܠܐ ܒܪܡܐ ܐܫܬܡܥ ܒܘܟܐܝ ܘܬܘܢܚܐ ܣܓܝܐ܃ ܪܟ̈ܝܠ ܒܟܝܐ ܥܠ ܒܢ̈ܝܗ݀ ܘܠܐ ܨܒܝܐ ܕܬܬ݁ܢܚܡ ܕܠܝܬ݁ ܗܢܘܢ܃ |
| 002:019 | ܘܟܕ ܡܝܬ݁ ܗܪܘܕܝܣ ܗܐ ܡܠܐܟ̈ܗ ܕܡܪܝܐ ܐܬ݁ܚܡܝ ܠܝܘܣܝܦ ܒܡܨܪܝܢ |
| 002:020 | ܘܐܡܪ ܠܗ܃ ܩܘܡ ܕܒܘܪ ܠܛܠܝܐ ܘܠܐܝܡܗ ܘܐܙܠ ܠܐܪܥܐ ܕܐܝܣܪܝܠ܃ ܡܝܬ̈ܘ ܓܪ ܗ̈ܠܝܢ ܕܗܘ̈ܘ ܒ̈ܥܝܢ ܢܦܫܗ ܕܛܠܝܐ܃ |
| 002:021 | ܘܩܡ ܕܒܪ ܝܬܗ ܠܛܠܝܐ ܘܠܐܝܡܗ܃ ܘܐܬܐ ܠܐܪܥܐ ܕܐܝܣܪܐܝܠ܃ |
| 002:022 | ܟܕ ܕܝ ܫܡܥ ܕܐܘܪܟܝܠܝܘܣ ܡܠܟ ܒܝܗܘܕܗ ܚܘܠܦ ܗܪܘܕܝܣ ܐܒܘܝ܃ ܕܚܠ ܕܝܐܙܠ ܠܬܡܢ܃ ܘܐܬ݁ܚܡܝ ܠܗ ܒܚܠܡܐ ܕܝܐܙܠ ܠܗ݀ ܠܐܪܥܐ ܕܓܠܝܠܐ܃ |
| 002:023 | ܘܐܬܐ ܘܥܡܪ ܒܡܕܝܢܐ ܗܕܐ ܕܡܬ݁ܩܪܝܐ ܢܙܪܬ݁܃ ܕܝܬ݁ܡܠܐ ܡܐ ܕܐܬ݁ܡܪ ܒܢܒܝܐ ܕܢܙܪܝ ܝܬ݁ܩܪܐ ܫܠܡ܃ |
| 003:001 | ܐܬܐ ܝܘܚܢܝܣ ܡܟܪܙ ܒܡܕܒܪܐ ܕܝܗܘܕܐ܃ |
| 003:005 | ܒܟܝܢ ܗܘܬ݁ ܢܦܩܐ ܠܘܬ݁ܗ ܝܪܘܫܠܡ܃ ܘܟܘܠܗ݀ ܐܪܥܐ ܕܝܗܘܕܐ ܘܟܘܠ ܐܪܥܐ ܕܚܓܝܠܐ ܝܪܕܢܐ܃ |
| 003:006 | ܘܗܘ̈ܘ ܡܨ̈ܛܒܥܝܢ ܡܢܗ ܒܝܪܕܢܐ ܢܗܪܐ ܘܡܫ̈ܬܘܕܝܢ ܣܟ̈ܠܬ݁ܗܘܢ܃ |
| 003:007 | ܘܟܕ ܚܡܐ ܣ̈ܓܝ ܡܢ ܦܪ̈ܝܫܝ ܘܡܢ ܨܕܘ̈ܩܝܐ ܐܬ̈ܝܢ ܕܝܨ̈ܛܒܥܘܢ ܐܡܪ ܠܗ̈ܘܢ܃ ܝܘܠܕܝܗ̈ܘܢ ܕܝܟ̈ܝܢܝܐ ܡܢ ܐܘܕܥ ܠܟܘܢ ܕܬܥܪ̈ܘܩܘܢ ܡܢ ܪܘܓܙܐ ܕܥܬܝܕ |
| 003:008 | ܥܒ̈ܕܘ ܐܘܢ ܦܝܪ̈ܝܢ ܕܫ̈ܘܝܢ ܠܬܝܒܘܬܐ܃ |
| 003:009 | ܘܠܐ ܬܫܪ̈ܘܢ ܬܐܡܪ̈ܘܢ ܒܓܪ̈ܡܟܘܢ ܐܒ ܐܝܬ݁ ܠܢ ܐܒܪ̈ܗܡ܃ ܐܡܪ ܐܢܐ ܠܟܘܢ ܓܪ ܕܝܟܠ ܗܘ ܐܠܗܐ ܕܡܢ ܗ̈ܠܝܢ ܟܝܦ̈ܝܐ ܢܩܝܡ ܒ̈ܢܝܢ ܠܐܒܪܗܡ܃ |
| 003:010 | ܟܒܪ ܕܝܢ ܟܘܠܒܐ ܡܣܡ ܫܘܪ̈ܫܝܗܘܢ ܕܐܝ̈ܠܢܝܐ܃ ܟܘܠ ܐܝܠܢ ܕܠܐ ܥܒܕ ܦܝܪ̈ܢ ܛܒ̈ܝܢ ܡܬ݁ܩܛܥ ܗܘ ܘܠܢܘܪܐ ܡܬ݁ܪܡܐ܃ |
| 003:011 | ܐܢܐ ܡܨܒܥ ܠܟܘܢ ܒܡ̈ܝܢ ܠܬ݁ܗܘ܃ ܗܕܢ ܕܝܢ ܚܝܘܠ ܗܘ ܡܢܝ܃ ܗܕܢ ܕܠܝܬ݁ ܐܢܐ ܫܘܐ ܕܝܛܥܘܢ ܫܘܘܝܘܝ܃ ܗܘ ܡܨܒܥ ܠܟܘܢ ܒܪܘܚܐ ܕܩܘܕܫܐ |
| 003:000 | ܐܬܐ ܝܘܚܢܝܣ ܡܨܒܥܢܐ ܡܟܪܙ ܒܡܕܒܪܐ ܕܝܗܘܕܐ |
| 003:002 | ܘܐܡܪ ܬܗ̈ܘ ܩܪܒܬ݁ ܓܪ ܡܠܟܘܬܐ ܕܫܡܝܐ܃ |
| 003:003 | ܗܕܢ ܗܘ ܓܪ ܕܐܬ݁ܡܪ ܒܐܫܝܥܝܐ ܢܒܝܐ܃ ܩܠܐ ܡܨܝܚ ܒܡܕܒܪܐ ܥ̈ܬܕܘ ܐܘܪܚܗ ܕܡܪܝܐ ܫܘܝܢ ܥ̈ܒܕܘ ܫܘܒ̈ܝܠܘܗܝ܃ |
| 003:004 | ܗܘ ܕܝ ܝܘܚܢܝܣ ܠܒܘܫܗ ܕܝ ܗܘܐ ܡܢ ܣܥܪ ܕܓܡܠܐ ܘܙܘܢܐ ܕܡܝܫܟ ܐܣܝܪܐ ܒܚܪ̈ܨܘܝ܃ ܘܡܝܟܘܠܬܗ ܗܘܬ݁ ܩ̈ܡܨܝܢ ܘܕܒܫܐ ܕܛܘܪ܃ |
| 003:005 | ܒܟܢ ܗܘܬ݁ ܢܦܩܐ ܠܘܬ݁ܗ ܝܪܘܫܠܡ ܘܟܘܠܗ݀ ܐܪܥܐ ܕܝܗܘܕܐ ܘܟܘܠ ܐܪܥܐ ܕܚܓܝܠܐ ܝܪܕܢܐ܃ |
| 003:006 | ܘܗܘܘ ܡܨ̈ܛܒܥܝܢ ܡܢܗ ܒܝܪܕܢܐ܃ ܢܗܪܐ ܘܡܫ̈ܬܘܕܝܢ ܣ̈ܟܠܬ݁ܗܘܢ |
| 003:013 | ܘܒܟܢ ܐܬܐ ܡܪܐ ܝܣܘܣ ܡܢ ܐܪܥܐ ܕܓܠܝܠܐ ܠܝܪܕܢܐ ܠܘܬ݁ ܝܘܚܢܝܣ ܕܝܨܛܒܥ ܡܢܗ܃ |
| 003:014 | ܘܗܘ ܝܘܚܢܝܣ ܗܘܐ ܟܠܐ ܠܗ ܘܐܡܪ ܐܢܐ ܨܪܝܟ ܕܝܨܛܒܥ ܡܢܟ܃ ܘܐܬ ܐܬ݁ܝܬ ܠܘܬ݁ܝ܃ |
| 003:015 | ܘܐܓܝܒ ܡܪܐ ܝܣܘܣ ܘܐܡܪ ܠܗ ܫܒܘܩ ܟܕܘ܃ ܟܕܢ ܓܪ ܫܦܪ ܠܢ ܕܢܡܠܐ ܟܘܠ ܨܕܩ܃ ܘܒܟܢ ܫܒܩ ܝܬ݁ܗ܃ |
| 003:016 | ܘܟܕ ܐܨܛܒܥ ܡܪܐ ܝܣܘܣ ܘܣܠܩ ܡܢ ܡ̈ܝܐ܃ ܫܘܐ ܐܬ̈ܦܬ݁ܚܘ ܠܗ ܫܘܡܝܐ ܘܚܡܐ ܪܘܚܗ ܕܐܠܗܐ ܗܝܟ ܝܘܢ ܢܚܬܐ ܘܡܟܬܪܐ ܥܠܘܝ܃ |
| 003:017 | ܘܗܐ ܩܠܐ ܡܢ ܓܘ ܫܘܡܝܐ ܐܡܪ܃ ܐܬ ܗܘ ܒܪܝ ܚܒܝܒܝ ܕܒܟ ܨܒܝܬ܃ ܫܠܡ |
| 004:001 | ܒܟܢ ܡܪܐ ܝܣܘܣ ܐܬ݁ܕܒܪ ܡܢ ܪܘܚܐ ܠܡܕܒܘܪܐ ܕܝܬ݁ܢܣܐ ܡܢ ܣܛܢܐ |
| 004:002 | ܘܨܡ ܐܪ̈ܒܥܝܢ ܝܘܡ̈ܝܢ ܘܐܪ̈ܒܥܝܢ ܠܝܠܘ̈ܐܢ ܘܡܢ ܒܬܪܟܢ ܟܦܢ܃ |
| 004:003 | ܘܩܪܒ ܠܘܬ݁ܗ ܡܢܣܝܢܐ ܘܐܡܪ ܠܗ܃ ܐܢ ܐܝܬ݁ ܐܬ ܒܪܗ ܕܐܠܗܐ ܐܡܘܪ ܕܗ̈ܠܝܢ ܟܝܦ̈<ܝ>ܐ ܝܬ݁<ܥ>ܒ̈ܕ{ܠ}ܢ ܠܚܡܐ܃ |
| 004:004 | ܘܗܘ ܐܓܝܒ ܘܐܡܪ ܠܗ܃ ܟܬ݁ܝܒ ܕܠܐ ܥܠ ܠܚܡܐ ܒܠܚܘܕ ܚܝܐ ܒܪܢܫܐ܃ ܐܠܐ ܥܠ ܟܘܠ ܡܠܬܗ ܕܐܠܗܐ܃ |
| 004:005 | ܘܒܟܢ ܕܒܪ ܝܬܗ ܣܛܢܐ ܠܡܕܝܢܬܐ ܩܕܝܫܬܐ ܘܐܩܝܡ ܝܬ݁ܗ ܥܠ ܟܢܦܗ ܕܢܘܣܐ܃ |
| 004:006 | ܘܐܡܪ ܠܗ܃ ܐܢ ܐܝܬ݁ ܐܬ ܒܪܗ ܕܐܠܗܐ ܪܡܝ ܓܪܡܟ ܡܢ ܟܐ ܠܪܥ܃ ܟܬ݁ܝܒ ܓܪ ܕܠܡܠܐܟ̈ܘܝ ܗܘ ܡܦܩ̈ܕ ܥܠ ܕܛܒܟ ܕܥܠ ܐܕܝ̈ܗܘܢ ܝܣ̈ܒܘܢ ܝܬ݁ܟ܃ ܕܠܐ ܬܬܩ̈ܠ ܒܟܝܦܐ ܪܝܓܠܟ܃ |
| 004:007 | ܘܐܡܪ ܠܗ ܡܪܐ ܝܣܘܣ܃ ܟܬ݁ܝܒ ܕܠܐ ܬ݁ܢܣܐ ܠܡܪܝܐ ܐܠܗܟ܃ |
| 004:008 | ܘܬܘܒ ܕܒܪ ܝܬ݁ܗ ܣܛܢܐ ܠܛܘܪ ܪܡ ܠܚܕܐ܃ ܘܐܘܕܥ ܠܗ ܟܘܠ ܡܠܟܘܬ݁ܗ ܕܥܠܡܐ ܘܟܘܠ ܬܘܫܒܚܬܗܝܢ܃ |
| 004:009 | ܘܐܡܪ ܠܗ ܟܘܠ ܗ̈ܠܝܢ ܐܢܐ ܝܗܒ ܠܟ ܐܢ ܬ݁ܝܦܘܠ ܘܬܣܓܘܕ ܠܝ܃ |
| 004:010 | ܒܟܢ ܐܡܪ ܠܗ ܡܪܐ ܝܣܘܣ ܐܙܠ ܠܟ ܣܛܢܐ܃ ܟܬ݁ܝܒ ܓܪ ܠܡܪܝܐ ܐܠܗܟ ܬܣܓܘܕ ܘܠܗ ܒܠܚܘܕ ܬܫܡܫ܃ |
| 004:011 | ܘܒܟܢ ܫܒܩ ܝܬ݁ܗ ܣܛܢܐ܃ ܘܗܐ ܡ̈ܠܐܟܝܐ ܩܪ̈ܒܘ ܘܗܘܘ ܡܫ̈ܡܫܝܢ ܠܗ܃̇ ܫܠܡ |
| 004:012 | ܘܟܕ ܫܡܥ ܡܪܐ ܝܣܘܣ ܐܬ݁ܡܣܪ ܝܘܚܢܝܣ ܐܙܠ ܠܗ ܠܐܪܥܐ ܕܓܠܝܠܐ܃ |
| 004:013 | ܘܫܒܩ ܝܬܗ ܠܢܙܪܬ݁܃ ܘܐܬܐ ܘܥܡܪ ܒܟܦܪ ܢܚܘܡ ܥܠ ܓܦ ܝܡܐ܃ ܒܬ݁ܚܘܡܘܗܝ ܕܙܒܘܠܘܢ ܘܕܢܦܬ݁ܠܝ܃ |
| 004:014 | ܕܝܬ݁ܡܠܐ ܡܐ ܕܐܬܡܪ ܒܐܝܫܥܝܐ ܢܒܝܐ ܕܐܡܪ܃ |
| 004:015 | ܐܪܥܐ ܕܙܒܘܠܘܢ ܐܪܥܐ ܕܢܦܬ݁ܠܝ܃ ܐܘܪܚܗ ܕܝܡܐ ܥܒܪܗ ܕܝܪܕܢܐ ܓܠܝܠܐ ܕܡܝܢ̈ܝܐ܃ |
| 004:016 | ܩܗܠܐ ܕܝܬܒ ܒܩܒܠܐ܃ ܢܗܘܪ ܪܒ ܚܡܐ܃ ܘܗ̈ܠܝܢ ܕܝܬܝܒ̈ܝܢ ܒܚܘܫܟܐ ܘܒܛܠܘܠܗ ܕܡܘܬܐ ܢܗܘܪ ܕܢܚ ܠܗܘܢ |
| 004:017 | ܒܟܢ ܡܢ ܝܬ݁ܗ ܙܒܢܐ ܫܪܝ ܡܪܐ ܝܣܘܣ ܡܟܪܙ ܘܐܡܪ܃ ܬ݁ܗܘܘ ܩܪܒܬ݁ ܓܪ ܡܠܟܘܬܐ ܕܫܘܡܝܐ |
| 004:018 | ܘܗܝܟ ܕܗܘ ܥܒܪ ܥܠ ܓܦ ܝܡܐ ܕܓܠܝܠܐ܃ ܚܡܐ ܬܪܝܢ ܐܚܝ̈{ܝ}ܢ ܣܝܡܘܢ ܗܕܝܢ ܕܡܬ݁ܩܪܐ ܧܛܪܘܣ܃ ܘܐܢܕܪܝܘܣ ܐܚܘܝ܃ ܪܡܝܢ ܡܨܕܬܗܘܢ ܠܝܡܐ ܗܘܘ ܓܪ ܨܝ̈ܕܝܢ ܕܢܘܢܝܢ܃ |
| 004:019 | ܘܐܡܪ ܠܗܘܢ ܐܬ݁ܘ ܒܬ݁ܪܝ܃ ܘܐܢܐ ܥܒܕ ܠܟܘܢ ܨܝ̈ܕܝܢ ܕܒܢܝ̈ܢܫ |
| 004:020 | ܘܫܘܐ ܫܒ̈ܩܘ ܡܨܕܬ݁ܗܘܢ ܘܐܬ݁ܘ ܒܬ݁ܪܗ܃ |
| 004:021 | ܘܥܒܪ ܡܢ ܬܡܢ ܘܚܡܐ ܬ݁ܪܝܢ ܐܚܝܢ ܚܘܪ̈ܢܝܢ܃ ܝܥܩܘܒܘܣ ܒܪܗ ܕܙܒܕܐܝ܃ ܘܝܘܚܢܝܣ ܐܚܘܝ ܒܐܠܦܐ ܥܡ ܙܒܕܐܝ ܐܒܘܗܘܢ ܡܫܟܠܠܝܢ ܡܨܕܬ݁ܗܘܢ܃ ܘܩܪܐ ܠܗܘܢ |
| 004:022 | ܘܗܢܘܢ ܫܘܐ ܫܒ̈ܩܘ ܐܠܦܐ ܘܠܐܒܘܗܘܢ ܘܐܬ݁ܘ ܒܬ݁ܪܗ܃ |
| 004:023 | ܘܗܘܐ ܚܓܠ ܡܪܐ ܝܣܘܣ ܒܟܘܠܗ ܓܠܝܠܐ܃ ܘܡܠܦ ܒܟܢܝܫܬ݁ܗܘܢ ܘܡܟܪܙ ܒܣܘܪܐ ܕܡܠܟܘܬܐ܃ ܘܡܐܣܝ ܟܘܠ ܒܘܫܝܢ ܘܟܘܠ ܡܪܫܠܘ ܒܩܗܠܐ |
| 004:024 | ܘܢܦܩ ܡܫܡܘܥܗ ܒܟܘܠܗ ܣܘܪܝܐ܃ ܘܩܪܒܘ ܠܗ ܟܘܠ ܗܠܝܢ ܕܗܘܘ ܥܒܝܕܢ ܒܝܫܐܝܬ݁ ܒܒܘܫܝܢ ܕܛܘ{ܟ}<ܦ>ܣܝܢ ܛܘ{ܟ}<ܦ>ܣܝܢ܃ ܘܡܬܠܚܨܝܢ ܡܢ ܨܥܪܝܢ܃ ܘܡܬܢܣܝܢ ܡܢ ܫܝܕܝܢ ܘܥܠܝܗܘܢ ܒܢܬܼ ܙܗܪܝܢ ܘܡܪܫܠܝܢ܃ ܘܐܣܝ ܝܬܗܘܢ ܥܠܘܠܗܘܢ܃ |
| 004:025 | ܘܐܬ݁ܘ ܒܬ݁ܪܗ ܐܘܟܠܣܝܢ ܣܓܝ ܡܢ ܓܠܝܠܐ ܘܥܣܪܬܐ ܡܕܝܢܬܐ ܘܡܢ ܝܪܘܫܠܡ܃ ܘܡܢ ܝܗܘܕܐ܃ ܘܡܢ ܥܒܪܗ ܕܝܪܕܢܐ܃ |
| 005:001 | ܘܟܕ ܚܡܐ ܐܘܟ̈ܠܣܝܐ ܣܠܩ ܠܗ ܠܛܘܪܐ܃ ܘܟܕ ܝܬܒ ܠܗ ܩܪܒܘ ܠܗ ܬܠܡܝܕܘܝ܃ |
| 005:002 | ܘܦܬ݁ܚ ܦܡܗ ܘܗܘܐ ܡܠܦ ܠܗܘܢ ܘܐܡܪ܃ |
| 005:003 | ܛܘܒܝܗܘܢ ܡܣܟܝܢܝܐ ܒܪܘܚܐ ܕܕܝܠܗܘܢ ܗܝ ܡܠܟܘܬܐ ܕܫܘܡܝܐ܃ |
| 005:004 | ܛܘܒܝܗܘܢ ܗܠܝܢ ܕܡܬܐܒܠܝܢ ܟܕܘ ܕܗܢܘܢ ܝܬܢܚܡܘܢ܃ |
| 005:005 | ܛܘܒܝܗܘܢ ܥܢܘܢܝܐ ܕܗܢܘܢ ܝܪܘܬܘܢ ܝܬܗ ܠܐܪܥܐ܃ |
| 005:006 | ܛܘܒܝܗܘܢ ܗܠܝܢ ܕܟܦܢܝܢ ܘܨܗܝܢ ܠܨܕܩܐ ܕܗܢܘܢ ܝܣܒܘܥܘܢ܃ |
| 005:007 | ܛܘܒܝܗܘܢ ܪܚܡܢܝܐ ܕܥܠܝܗܘܢ ܗܘܢ ܪܚܡܝܐ܃ |
| 005:008 | ܛܘܒܝܗܘܢ ܗܠܝܢ ܕܕܟܝܢ ܒܠܒܗܘܢ ܕܗܢܘܢ ܝܚܡܘܢ ܝܬܗ ܠܐܠܗܐ܃ |
| 005:009 | ܛܘܒܝܗܘܢ ܗܠܝܢ ܕܥܒܕܝܢ ܫܝܠܡܐ ܕܗܢܘܢ ܒܢܘܝ ܕܐܠܗܐ ܝܬ݁ܩܪܘܢ܃ |
| 005:010 | ܛܘܒܝܗܘܢ ܗܠܝܢ ܕܪܕܝܦܝܢ ܠܒܕܝܠ ܨܕܩܐ ܕܕܝܠܗܘܢ ܗܝ ܡܠܟܘܬܐ ܕܫܡܝܐ܃ |
| 005:011 | ܛܘܒܝܗܘܢ ܟܕ ܝܚܣܕܘܢ ܝܬ݁ܟܘܢ ܒܢܝܢܫܐ ܘܝܪܕܘܦܘܢ ܘܝܐܡܪܘܢ ܥܠܝܟܘܢ ܟܘܠ ܒܝܫ ܡܕܓܠܝܢ ܠܒܕܝܠ܃ |
| 005:012 | ܐܬܘܢ ܚܕܘ ܘܐܬ݁ܚܕܘ ܕܐܓܪܟܘܢ ܣܓܝ ܒܓܘ ܫܘܡܝܐ܃ ܗܟܕܢ ܓܪ ܪܕܦܘ ܠܢܒܝܐ ܕܡܢ ܩܘܕܡܝܟܘܢ܃ |
| 005:013 | ܐܬܘܢ ܗܢܘܢ ܡܠܚܐ ܕܐܪܥܐ܃ ܐܢ ܕܝ ܡܠܚܐ ܫܩܐ ܒܡܐ ܗܝ ܡܬ݁ܟܠܐ܃ ܠܟܘܠܘܡ ܥܘܕ ܠܐ ܟܫܪܐ܃ ܐܠܐ ܐܢ ܕܬܫܬܕܐ ܠܒܪ ܘܬ݁ܬܕܝܫ ܡܢ ܒܢܝܢܫܐ |
| 005:025 | ܘܐܬ݁ܘ ܒܬܪܗ ܐܘܟܠܣܝܢ ܣܓܝ܃ ܡܢ ܓܠܝܠܐ ܘܥܣܪܬܐ ܡܕܝ̈ܢܬܐ ܘܡܢ ܝܪܘܫܠܡ܃ ܘܡܢ ܝܗܘܕܐ܃ ܘܡܢ ܥܒܪܗ ܕܝܪܕܢܐ |
| 005:001 | ܘܟܕ ܚܡܐ ܐܘܟܠܘܣܝܐ ܣܠܩ ܠܗ ܠܛܘܪܐ܃ ܘܟܕ ܝܬܒ ܠܗ ܩܪܒܘ ܠܗ ܬܠܡܝܕܘܝ܃ |
| 005:002 | ܘܦܬ݁ܚ ܦܡܗ ܘܗܘܐ ܡܠܦ ܠܗܘܢ ܘܐܡܪ܃ |
| 005:003 | ܛܘܒܝܗܘܢ ܡܣܟܝܢܝܐ ܒܪܘܚܐ ܕܕܝܠܗܘܢ ܗܝ ܡܠܟܘܬܐ ܕܫܘܡܝܐ܃ |
| 005:004 | ܛܘܒܝܗܘܢ ܗܠܝܢ ܕܡܬܐܒܠܝܢ ܟܕܘ ܕܗܢܘܢ ܝܬܢܚܡܘܢ܃ |
| 005:005 | ܛܘܒܝܗܘܢ ܥܢܘܢܝܐ ܕܗܢܘܢ ܝܪܘܬܘܢ ܝܬ݁ܗ ܠܐܪܥܐ܃ |
| 005:006 | ܛܘܒܝܗܘܢ ܗܠܝܢ ܕܟܦܢܝܢ ܘܨܗ̈ܝܢ ܠܨܕܩܐ ܕܗܢܘܢ ܝܣܒܘܥܘܢ܃ |
| 005:007 | ܛܘܒܝܗܘܢ ܪܚܡܢܝܐ ܕܥܠܝܗܘܢ ܗܘܝܢ ܪܚܡܝܐ܃ |
| 005:008 | ܛܘܒܝܗܘܢ ܗܠܝܢ ܕܕܟܝܢ ܒܠܒܗܘܢ ܕܗܢܘܢ ܝܚܡܘܢ ܝܬܗ ܠܐܠܗܐ܃ |
| 005:009 | ܛܘܒܝܗܘܢ ܗܠܝܢ ܕܥܒܕܝܢ ܫܠܡܐ ܕܗܢܘܢ ܒܢ̈ܘܝ ܕܐܠܗܐ ܝܬ݁ܩܪܘܢ܃ |
| 005:010 | ܛܘܒܝܗܘܢ ܗܠܝܢ ܕܪܕܝܦܝܢ ܠܒܕܝܠ ܨܕܩܐ ܕܕܝܠܗܘܢ ܗܝ ܡܠܟܘܬܐ ܕܫܡܝܐ܃ |
| 005:011 | ܛܘܒܝܗܘܢ ܟܕ ܝܚܣܕܘܢ ܝܬ݁ܟܘܢ ܒܢܝܢܫܐ ܘܝܪܕܘܦܘܢ ܘܝܐܡܪܘܢ ܥܠܝܟܘܢ ܟܘܠ ܒܝܫ ܡܕܓܠܝܢ ܠܒܕܝܠܝ܃ |
| 005:012 | ܐܬܘܢ ܚܕܘ ܘܐܬܚܕܘ ܕܐܓܪܟܘܢ ܣܓܝ ܒܓܘ ܫܘܡܝܐ܃ |
| 005:014 | ܐܬܘܢ ܗܢܘܢ ܢܗܘܪܗ ܕܥܠܡܐ܃ ܠܐ ܝܟܠܐ ܡܕܝܢܐ ܕܬܛܡܪ ܗܕܐ ܕܠܥܠ ܡܢ ܛܘܪ ܡܣܡܐ܃ |
| 005:015 | ܘܠܐ ܡܕܠܩܝܢ ܒܘܨܝܢܐ ܘܡܣܝܡܝܢ ܠܗ ܬ݁ܚܘܬ݁ ܡܘܕܝܐ܃ ܐܠܐ ܥܠ ܡܢܪܬܐ ܘܗܘ ܡܢܗܪ܃ ܠܟܘܠ ܗܠܝܢ ܕܒܓܘ ܒܝܬܐ܃ |
| 005:016 | ܗܟܕܢ ܝܢܗܪ ܢܗܘܪܟܘܢ ܩܘܕܡ ܒܢܝܢܫܐ܃ ܠܒܕܝܠ ܕܝܚܡܘܢ ܥܘܒܕܝܟܘܢ ܛܒܝܐ ܘܝܫܒܚܘܢ ܠܐܒܘܟܘܢ ܕܒܓܘ ܫܘܡܝܐ܃ |
| 005:017 | ܠܐ ܬܣܒܘܪܘܢ ܕܐܬ݁ܝܬ ܕܝܫܪܐ ܢܝܡܘܣܐ ܐܐ݁ ܢܒܝܐ܃ ܠܐ ܐܬ݁ܝܬ ܕܝܫܪܐ݁ ܐܠܐ ܕܝܡܠܐ݁܃ |
| 005:018 | ܐܡܝܢ ܓܪ ܐܡܪ ܐܢܐ ܠܟܘܢ ܕܥܕܡܐ ܕܝܥܒܘܪܘܢ ܫܘܡܝܐ ܘܐܪܥܐ ܝܘܛܐ ܚܕ܃ ܐܐ݁ ܚܕܐ ܣܘܪܛܐ ܠܐ ܬܥܒܪ ܡܢ ܢܝܡܘܣܐ܃ ܐܐ݁ ܡܢ ܢܒܝܝܐ܃ ܥܕܡܐ ܕܟܘܠܐ ܝܬ݁ܥܒܕ܃ |
| 005:019 | ܟܘܠ ܐܘܢ ܕܝܫܪܐ ܚܕ ܡܢ ܗܠܝܢ ܦܩܘܕܝܐ ܙܥܘܪܝܐ ܘܝܠܦ ܟܕܢ ܠܒܢܝܢܫܐ ܫܦܝܦ ܝܬ݁ܩܪܐ ܒܡܠܟܘܬܐ ܕܫܘܡܝܐ܃ ܡܢ ܕܝ ܕܝܥܒܕ ܘܝܠܦ܃ ܗܕܢ ܪܒ ܝܬ݁ܩܪܐ ܒܡܠܟܘܬܐ ܕܫܡܝܐ܃ |
| 005:020 | ܐܢܐ ܠܟܘܢ܃ ܓܪ ܕܐܢ ܠܐ ܝܬܝܬ݁ܪ ܨܕܩܟܘܢ ܣܓܝ ܡܢ ܣܦܪܝܐ ܘܦܪܝܫܝܐ ܠܐ ܬܐܥܘܠܘܢ ܠܡܠܟܘܬܐ ܕܫܘܡܝܐ܃ |
| 005:021 | ܫܡܥܬܘܢ ܕܝܬܡܪ ܠܩܡܝܝ ܕܠܐ ܬܩܛܘܠ ܕܡܢ ܕܩܛܠ ܚܝܒ ܝܗܐ ܒܕܝܢܐ |
| 005:022 | ܐܢܐ ܕܝ ܐܡܪ ܠܟܘܢ ܕܟܘܠ ܡܢ ܕܪܓܙ ܥܠ ܐܚܘܝ ܠܡܓܢ ܚܝܒ ܝܗܐ ܒܕܝܢܐ ܘܡܢ ܕܝܐܡܘܪ ܠܐܚܘܝ ܪܩܐ ܚܝܒ ܝܗܐ ܒܥܝܨܬܐ܃ ܘܡܢ ܕܝܐܡܘܪ ܫܛܝܐ ܚܝܒ ܝܗܐ ܒܓܗܢܐ ܕܢܘܪܐ܃ |
| 005:023 | ܐܢ ܐܘܢ ܬܩܪܒ ܩܘܪܒܢܟ ܥܠ ܡܕܒܚܐ ܘܬ݁ܡܢ ܬ݁ܕܟܪ ܒܢܦܫܗ ܕܐܚܘܟ ܥܠܝܟ ܟܠܘܡ܃ |
| 005:024 | ܫܘܒܝܩ ܬ݁ܡܢ ܩܘܪܒܢܟ ܩܘܕܡ ܡܕܒܚܐ ܘܐܙܠ ܩܡܐܝ ܐܫܬܦܝ ܠܐܚܘܟ܃ ܘܒܟܝܢ ܐܬܐ ܩܪܒ ܩܘܪܒܢܟ |
| 005:025 | ܗܘܝ ܙܗܝܪ ܠܐܢܛܝܕܝܩܟ ܒܦܪܝܥ܃ ܥܕ ܐܬ ܥܡܗ ܒܐܘܪܚܐ܃ ܕܠܐ ܐܡܬ݁ܝ ܝܡܣܘܪ ܝܬܟ ܐܢܛܝܕܝܩܐ ܠܕܝܐܢܐ܃ ܘܕܝܐܢܐ ܠܗܧܝܪܛܐ܃ ܘܠܚܒܘܫܐ ܬܬ݁ܪܡܐ܃ |
| 005:026 | ܘܐܡܝܢ ܐܡܪ ܐܢܐ ܠܟ ܕܠܐ ܬܦܘܩ ܡܢ ܬܡܢ ܥܕܡܐ ܕܬܓܙܐ݁ ܙܘܙܐ ܐܚܪܝܐ܃ |
| 005:027 | ܫܡܥܬܘܢ ܕܐܬܡܪ ܠܩܡܝܝ ܕܠܐ ܬܝܓܘܪ܃ |
| 005:028 | ܐܢܐ ܕܝ ܐܡܪ ܠܟܘܢ ܕܟܘܠ ܡܢ ܕܚܡܐ ܐܬܐ ܗܝܟ ܕܝܬ݁ܚܡܕ ܠܗ ܟܒܪ ܓܪܗ݀ ܒܠܒܗ܃ |
| 005:029 | ܐܢ ܕܝ ܥܝܢܟ ܕܝܡܝܢܐ ܟܫܠܐ ܠܟ ܚܘܛܗ ܘܫܕܝ ܝܬܗ ܡܢܟ܃ ܛܒ ܠܟ ܓܪ ܕܝܘܒܕ ܚܕ ܡܢ ܐܒܪܝܟ ܘܠܐ ܟܘܠܗ ܦܘܓܪܟ ܝܬܪܡܐ ܠܓܗܢܐ |
| 005:030 | ܘܐܢ ܐܕ[ܟ] ܕܝܡܝܢܐ ܟܫܠܐ ܠܟ ܩܘܛܥܗ݀ ܘܫܪܝ ܝܬ[ܗ] ܡܢܟ܃ ܛܒ ܠܟ ܓܪ ܕܝܘܒܕ ܚܕ ܡܢ ܐܒܪܝܟ ܘܠܐ ܟܘܠܗ ܦܘܓܪܟ ܝܐܙܠ ܠܓܝܗܢܐ |
| 005:031 | ܐܬܡܪ ܕܝ ܕܡܢ ܕܝܦܛܪ ܐܬܬ݁ܗ ܝܬܠ ܠܗ ܐܓܪܬ ܦܛܘܪܝܢ܃ |
| 005:032 | ܐܢܐ ܕܝ ܐܡܪ ܠܟܘܢ ܕܟܘܠ ܡܢ ܕܝܦܛܪ ܐܬܬܗ ܠܒܪ ܡܢ ܡܠܐ ܕܙܝܘܢ ܥܒܕ ܗܘ ܠܗ ܕܬܓܘܪ܃ ܘܡܢ ܕܡܫܬܬܦ ܠܗܕܐ ܕܫܒܝܩܐ ܡܢ ܓܒܪܗ݀ ܓܐܪ ܐܝܬ ܗܘ܃ |
| 005:033 | ܬܘܒ ܫܡܥܬܘܢ ܕܐܬܡܪ |
| 005:042 | ܠܡܢ ܕܫܐܠ ܡܢܟ ܗܒ܃ ܘܡܢ ܕܨܒܐ ܕܝܙܘܦ ܡܢܟ ܠܐ ܬܟܠܐ |
| 005:043 | ܫܡܥܬܘܢ ܕܐܬܡܪ ܠܟܘܢ ܕܬܚܒ ܠܩܪܝܒܟ ܘܬܣܢܐ ܠܣܢܟ܃ |
| 005:044 | ܐܢܐ ܕܝ ܐܡܪ ܠܟܘܢ ܐܚܒܘ ܠܒܥܝܠܕܒܒܝܟܘܢ ܘܒܪܟܘ ܠܗܠܝܢ ܕܠܐܛܝܢ ܝܬܟܘܢ܃ ܘܥܒܕܘ ܝܐܘܬ ܠܗܠܝܢ ܕܣܐܢܝܢ ܝܬܟܘܢ ܘܪܕܦܝܢ܃ |
| 005:045 | ܠܓܠܠ ܕܬܬ݁ܥܒܕܘܢ ܒܢܘ̈ܝ ܐܒܘܟܘܢ ܕܒܓܘ ܫܘܡܝܐ ܕܫܝܡܫܗ ܗܘ ܡܕܢܚ ܥܠ ܒܝܫܝܢ ܘܥܠ ܛܒܝܢ܃ ܘܡܡܛܪ ܥܠ ܨܕܝܩܝܢ ܘܥܠ ܛܠܘܡܝܢ܃ |
| 005:046 | ܐܢ ܓܪ ܬܚܒܘܢ ܠܗܠܝܢ ܕܡܚܒܝܢ ܝܬܟܘܢ ܡܐ ܐܓܪ ܐܝܬ݁ ܠܟܘܢ܃ ܠܐ ܐܘܦ ܡܟܣ̈ܝܐ ܗܕܐ ܥܒ̈ܕܝܢ܃ |
| 005:047 | ܘܐܢ ܬܫ̈ܘܠܘ ܒܫܝܠܡܗܘܢ ܕܐܚܝ̈ܟܘܢ ܒܠܚܘܕ ܡܐ ܡܘܬܪ̈ܝܢ ܐܬܘܢ ܥܒܕܝܢ܃ ܠܐ ܐܘܦ ܒܢܐ ܡ̈ܝܢܝܐ ܗܕܐ ܥܒ̈ܕܝܢ܃ |
| 005:048 | ܗܘܘ ܐܘܢ ܐܬܘܢ ܫܘܠܡܝܢ ܗܝܟ ܕܐܒܘܟܘܢ ܕܒܓܘ ܫܘܡܝܐ ܫܘܠܡ ܐܝܬ݁ ܗܘ܃ |
| 006:001 | ܐܣܬ̈ܟܠܘ ܠܨܕܩܟܘܢ ܕܠܐ ܬܗ̈ܘܢ ܥܒ̈ܕܝܢ ܩܘܕܡ ܒܢܝܢܫܐ܃ ܗܝܟ ܕܬܬ݁ܚ̈ܡܘܢ ܠܗܘܢ܃ ܐܢ ܕܝ ܟܝܢ ܐܓܪܐ ܠܝܬ݁ ܠܟܘܢ ܠܘܬ݁ ܐܒܘܟܘܢ ܕܒܓܘ ܫܘܡܝܐ܃ |
| 006:002 | ܟܕ ܐܘܢ ܬܗܐ ܥܒܕ ܨܕܩܐ ܠܐ ܬܩܪܐ ܩܪܢܐ ܩܘܕܡܝܟ ܗܝܟ ܡܐ ܕܫܩܪ̈ܝܐ ܥܒ̈ܕܝܢ܃ ܒܓܘ ܟܢܝܫ̈ܬܐ ܘܒܓܘ ܫܘܩ̈ܝܐ܃ ܘܒܓܘ ܫܬ݁ܘܢ̈ܝܐ܃ ܠܒܕܝܠ ܕܝܫܬܒ̈ܚܘܢ ܡܢ ܒܢܝ̈ܢܫܐ܃ ܐܡܝܢ ܐܡܪܢܐ ܠܟܘܢ ܕܩܒ̈ܠܘ ܐܓܪ̈ܗܘܢ |
| 006:003 | ܐܬ ܕܝ ܟܕ ܬ݁ܗܐ ܥܒܕ ܨܕܩܐ ܠܐ ܬܕܘܥ ܣܡܠܟ ܡܐ ܥܒܕܐ ܝܡܝܢܟ܃ |
| 006:004 | ܠܓܠܠ ܕܝܗܐ ܨܕܩܟ ܒܛܘܡܘܪܝܢ ܘܐܒܘܟ ܕܚܡܐ ܒܛܘܡܘܪܝܢ ܗܘ ܓܙܐ ܠܟ ܒܓܘܠܐܝ܃ |
| 006:005 | ܘܟܕ ܬܗܘܢ ܡ̈ܨܠܝܢ ܠܐ ܬܗܘܢ ܗܝܟ ܡܐ ܕܫܩܪ̈ܝܐ ܕܗܢܘܢ ܪ̈ܚܡܝܢ ܕܝܗܘܢ ܒܓܘ ܟܢܝܫ̈ܬܐ ܘܒܙܘܝܬܐ ܕܫܘܩ̈ܝܐ ܩ̈ܝܡܝܢ ܡܨ̈ܠܝܢ܃ ܠܒܕܝܠ ܕܝܬ݁ܚܡ̈ܘܢ ܠܒܢܝ̈ܢܫܐ܃ ܐܡܝܢ ܐܡܪ ܐܢܐ ܠܟܘܢ ܕܩܒ̈ܠܘ ܐܓܪܗܘܢ܃ |
| 006:006 | ܐܬ ܕܝܢ ܟܕ ܬ݁ܗܐ ܡܨܠܐ܃ ܥܘܠ ܠܟ ܠܬܘܢܟ܃ ܘܚܘܕ ܬܪܥܐ ܘܨܠܝ ܠܐܒܘܟ ܠܕܢ ܕܒܛܡܘܪܝܐ ܚܡܐ܃ ܘܐܒܘܟ ܕܚܡܐ ܒܛܡܘܪܝܐ ܓܐܙܐ ܠܟ ܒܓܠܝܐ |
| 006:007 | ܘܟܕ ܬܗܘܢ ܡܨ̈ܠܝܢ ܠܐ ܬܐܡܪܘܢ ܩܠ̈ܝܢ ܒ̈ܛܠܝܢ ܗܝܟ ܡܐ ܕܒܢܐ ܡܝܢ̈ܝܐ܃ ܣܒܝܪ̈ܝܢ ܗܢܘܢ ܓܪ ܕܒܣܘܓܝܐ ܕܡܠܝ̈ܗܘܢ ܝܫܬܡ̈ܥܘܢ܃ |
| 006:008 | ܠܐ ܐܘܢ ܬ݁ܕܡ̈ܘܢ ܠܗܘܢ܃ ܝܕܥ ܗܘ ܐܒܘܟܘܢ ܡܐ ܐܬܘܢ ܨܪ̈ܝܟܝܢ ܥܕ ܠܐ ܬܫ̈ܘܠܘܢ ܝܬ݁ܗ܃ |
| 006:009 | ܗܟܕܝܢ ܐܘܢ ܐܬܘܢ ܗܘܘ ܡܨ̈ܠܝܢ܃ ܐܒܘܢܢ ܕܒܓܘ ܫܡܝܐ܃ ܝܬ݁ܩܕܫ ܫܝܡܟ |
| 006:010 | ܘܬܝܬܐ ܡܠܟܘܬ݁ܟ܃ ܝܬ݁ܥܒܕ ܨܒܝܘܢܟ܃ ܗܝܟ ܡܐ ܕܒܫܘܡܝܐ܃ ܐܘܦ ܥܠ ܐܪܥܐ܃ |
| 006:011 | ܠܚܡܢ ܕܥܘܬ݁ܪܐ ܗܒ ܠܢ ܝܘܡܕܢ܃ |
| 006:012 | ܘܫܒܘܩ ܠܢ ܚܘܒ̈ܝܢܝܢ ܗܝܟ ܕܐܘܦ ܐܢܝܢ ܫܒܩܝܢ ܠܚܝܒ̈ܝܢܝܢ܃ |
| 006:013 | ܘܠܐ ܬ݁ܥܠ ܝܬ݁ܢ ܠܢܣ̈ܝܘܢ܃ ܐܠܐ ܦܨܐ ܝܬܢ ܡܢ ܒܝܫܐ܃ ܡܛܠ ܕܕܝܠܟ ܗܝ ܡܠܟܘܬܐ ܘܚܝܠܐ ܘܬܝܫܒܘܚܬܐ ܠܥܠܡܝܐ |
| 006:014 | ܐܢ ܓܪ ܬܫܒ̈ܩܘܢ ܠܒܢ̈ܝܢܫܐ ܡܫܪ̈ܘܥܝܬ݁ܗܘܢ ܐܘܦ ܐܒܘܟܘܢ ܕܒܓܘ ܫܘܡܝܐ ܝܫܒܘܩ ܠܟܘܢ ܡܫܪܘܥܝ̈ܬܟܘܢ |
| 006:015 | ܐܢ ܕܝ ܠܐ ܬܫܒ̈ܩܘܢ ܠܒܢܝ̈ܢܫܐ ܡܫܪ̈ܘܥܝܬ݁ܗܘܢ܃ ܐܘܦ ܠܐ ܐܒܘܟܘܢ ܠܐ ܝܫܒܘܩ ܠܟܘܢ ܡܫܪ̈ܘܥܝܬ݁ܟܘܢ |
| 006:016 | ܘܟܕ ܬܗܘܢ ܨܐܝ̈ܡܝܢ ܠܐ ܬܗܘܢ ܗܝܟ ܡܐ ܕܫܩܪ̈ܝܐ ܒܝܫܝܢ ܐܦ̈ܝܢ܃ ܣܪ̈ܚܝܢ ܗܢ̈ܝܢ ܐܦܝ̈ܗܘܢ ܠܒܕܝܠ ܕܝܬ݁ܚܡ̈ܘܢ ܠܒܢܝ̈ܢܫܐ ܨܐܝ̈ܡܝܢ܃ ܐܡܝܢ ܐܡܪܢܐ ܠܟܘܢ ܕܩܒ̈ܠܘ ܐܓܪ̈ܗܘܢ |
| 006:017 | ܐܬ ܕܝ ܟܕ ܬܗܐ ܨܐܝܡ܃ ܡܫܘܚ ܝܬܗ ܠܪܝܫܟ܃ ܘܐܫܝܓ ܐܦ̈ܝܟ |
| 006:018 | ܠܓܠܠ ܕܠܐ ܬܬ݁ܚܡܐ ܠܒܢܝ̈ܢܫܐ ܨܐܝܡ ܐܠܐ ܠܐܒܘܟ ܕܒܛܡܘܪܝܐ ܘܐܒܘܟ ܕܚܡܐ ܒܛܡܘܪܝܐ ܓܙܐ ܠܟ܃ |
| 006:019 | ܠܐ ܬܗܘܢ ܐܨܪ̈ܝܢ ܠܟܘܢ ܣܝܡܘܐܢ ܥܠ ܐܪܥܐ܃ ܗܢ ܕܣܣܐ ܘܐܟܠܢܐ ܣܪܚ܃ ܘܗܢ ܕܓܢܒ̈ܝܐ ܚܬ݁ܪ̈ܝܢ ܘܓܢܒ̈ܝܢ܃ |
| 006:020 | ܐܨܘܪ̈ܘ ܠܟܘܢ ܕܝ ܣܝܡܘܐܢ ܒܓܘ ܫܘܡܝ̈ܐ܃ ܗܢ ܣܣܐ ܘܠܐ ܐܟܠܢܐ ܣܪܚ܃ ܘܗܢ ܕܠܝܬ݁ ܓܢܒ̈ܝܢ ܚܬܪ̈ܝܢ ܘܓܢܒܝܢ܃ |
| 006:021 | ܗܢ ܓܪ ܗܘܝܐ ܣܝܡܬ݁ܟܘܢ ܬܡܢ ܐܘܦ ܠܒܟܘܢ ܗܘܐ |
| 006:022 | ܒܘܨܝܢܗ ܕܦܘܓܪܐ ܗܝ ܥܝܢܐ ܐܢ ܐܘܢ ܗܘܝܐ ܥܝܢܟ ܫܦܝܐ ܟܘܠܗ ܦܘܓܪܟ ܗܘܐ ܢܗܝܪ܃ |
| 006:023 | ܐܢ ܕܝ ܗܘܬ݁ ܥܝܢܟ ܒܝܫܐ ܟܘܠܗ ܦܘܓܪܟ ܗܘܐ ܩܒܝܠ܃ ܐܢ ܐܘܢ ܢܗܘܪܐ ܕܒܟ ܩܒܝܠ ܗܘ ܩܒܠܐ ܚܕ ܟܡܐ܃ |
| 006:024 | ܐܢܬ ܠܐ ܝܟܠ ܕܝܫܡܫ ܬܪ̈ܝܢ ܡܪ̈ܝܢ܃ ܐܐ݁ ܓܪ ܠܚܕ ܝܣܢܐ ܘܠܚܘܪܢܐ ܝܚܒ܃ ܐܐ݁ ܠܚܕ ܝܣܘܒܪ ܘܥܠ ܚܘܪܢܐ ܝܒܣܘܪ܃ ܠܝܬ ܐܬܘܢ ܝܟܠܝܢ |
| 007:001 | ܠܐ ܬ݁ܕܘܢ̈ܘܢ ܕܠܐ ܬ݁ܬ݁ܕܝܢ̈ܘܢ܃ |
| 007:002 | ܒܕܝܢܐ ܓܪ ܕܐܬܘܢ ܕܐܝ̈ܢܝܢ ܒܗ ܬ݁ܬ݁ܕܝܢܘ̈ܢ܃ ܘܒܡܟܠܬܐ ܕܐܬܘܢ ܡܟܝܠܝܢ ܚܘܠܦܝܗ݀ ܡܬ݁ܟܝܠ ܠܟܘܢ܃ |
| 007:003 | ܡܐ ܕܝ ܐܬ ܚܡܐ ܩܝܣܐ ܕܒܥܝܢܗ ܕܐܚܘܟ ܘܫܪܝܬܐ ܕܒܥܝܢܟ ܕܝܠܟ ܠܝܬ݁ ܐܬ ܚܡܐ |
| 007:004 | ܐܐ ܗܝܟ ܐܬ ܐܡܪ ܠܐܚܘܟ ܫܒܘܩ ܕܝܦܩ ܩܝܣܐ ܡܢ ܥܝܢܟ܃ ܘܗܐ ܫܪܝܬܐ ܒܥܝܢܟ ܕܝܠܟ܃ |
| 007:005 | ܫܩܪܝܐ ܐܦܩ ܩܐܡܝ ܫܪܝܬܐ ܡܢ ܥܝܢܟ܃ ܘܒܟܢ ܐܬ ܚܡܐ ܕܬ݁ܦܩ ܩܝܣܐ ܡܢ ܥܝܢܗ ܕܐܚܘܟ܃ |
| 007:006 | ܠܐ ܬܬ݁ܠܘܢ ܩܘܕܫܐ ܠܟܠ̈ܒܝܐ܃ ܘܠܐ ܬ݁ܪܡܘܢ ܡܪܓܠܝܬܐ ܩܘܕܡ ܚܘܙܝܪ̈ܝܐ܃ ܕܠܐ ܐܡܬ݁ܝ ܝܕܝܫ̈ܘܢ ܝܬ݁ܗܘܢ ܒܪ̈ܝܓܠܝܗܘܢ ܘܝܦܘܩ̈ܘܢ ܘܝܒܙܥܘܢ ܝܬ݁ܟܘܢ܃ |
| 007:007 | ܫܘ̈ܠܘ ܘܡܬ݁ܝܗܒ ܠܟܘܢ܃ ܒ̈ܥܘ ܘܐܬܘܢ ܡܫ̈ܟܚܝܢ܃ ܐܪܬ݁ܩܘ ܘܡܬ݁ܦܬ݁ܚ ܠܟܘܢ܃ |
| 007:008 | ܟܘܠ ܡܢ ܓܪ ܕܫܐܠ ܢܣܒ܃ ܘܕܒܥܐ݁ ܡܫܟܚ ܘܠܗܕܝܢ ܕܡܪܬ݁ܩ ܡܬ݁ܦܬ݁ܚ ܠܗ܃ |
| 007:009 | ܐܐ݁ ܡ݁ܢ ܗܘ ܡܢܟܘܢ ܒܪܢܫܐ ܗܕܝܢ ܕܝܒܥܐ݁ ܒܐܝܕܗ ܒܪܗ ܠܚܡ ܕܡܐ ܟܝܦ ܗܘ ܡܘܫܛ ܠܗ܃ |
| 007:010 | ܐܐ݁ ܐܘܦ ܐܢ ܝܒܥܐ ܢܘܢ ܕܡܐ ܚܘܐ݁ ܗܘ ܡܘܫܛ ܠܗ܃ |
| 007:011 | ܐܢ ܐܘܢ ܐܬܘܢ ܕܐܬܘܢ ܒܝܫܝܢ܃ ܐܬܘܢ ܝܕܥܝܢ ܕܬ݁ܗܘܢ ܝܗܒܝܢ ܡܬ݁ܘܢܢ ܛܒܢ ܠܒܢܝܟܘܢ܃ ܚܕ ܟܡܐ ܡܠܘܢ ܐܒܘܟܘܢ ܕܒܓܘ ܫܘܡܝܐ ܝܬܠ ܛܒܢ ܠܗܠܝܢ ܕܫܐܠܝܢ ܝܬ݁ܗ ܫܠܡ |
| 007:007 | ܫ̈ܘܠܘ ܘܡܬܝܗܒ ܠܟܘܢ܃ ܒ̈ܥܘ ܘܐܬܘܢ ܡܫܟ̈ܚܝܢ܃ ܐܪ̈ܬ݁ܩܘ ܘܡܬ݁ܦܬ݁ܚ ܠܟܘܢ܃ |
| 007:008 | ܟܘܠ ܡܢ ܓܪ ܕܫܐܠ ܢܣܒ ܘܕܒܥܝ ܡܫܟܝܚ܃ ܘܗܕܝܢ ܕܡܪܬ݁ܩ ܡܬ݁ܦܬ݁ܚ ܠܗ܃ |
| 007:009 | ܐܐ ܡܢ ܗܘ ܡܢܟܘܢ ܒܪܢܫ ܗܕܢ ܕܝܒܥܝ ܡܢܗ ܒܪܗ ܠܚܡ܃ ܕܡܐ ܟܝܦ ܗܘ ܡܘܫܛ ܠܗ܃ |
| 007:010 | ܐܐ ܐܘܦ ܐܢ ܝܒܥܐ ܢܘܢ܃ ܕܡܐ ܚܘܐ ܗܘ ܡܘܫܛ ܠܗ܃ |
| 007:011 | ܐܢ ܐܘܢ ܐܬܘܢ ܕܐܬܘܢ ܒ̈ܝܫܝܢ ܐܬܘܢ ܝܕܥܝܢ ܕܬܗܘܢ ܝܗܒܝܢ ܡܬܘܢܢ ܛܒܢ ܠܒܢ̈ܝܟܘܢ܃ ܥܕ ܟܡܐ ܡܠܠܘܢ ܐܒܘܟܘܢ ܕܒܓܘ ܫܘܡܝܐ ܝܬܠ ܛܒ̈ܢ ܠܗ̈ܠܝܢ ܕܫ̈ܐܝܠܝܢ ܠܗ܃ ܡܠܘܢ ܐܒܘܟܘܢ ܕܒܓܘ ܫܘܡܝܐ ܝܬܠ ܛܒܢ ܠܗܠܝܢ ܕܫܐܠܝܢ ܝܬܗ܃ |
| 007:012 | ܟܠ ܡ{ܝ}ܐ ܐܘܢ ܕܐܬܘܢ ܨܒܝܢ ܕܝܥܒܕܘܢ ܠܟܘܢ ܒܢܝܢܫܐ ܗܟܕܢ ܐܘܦ ܐܬܘܢ ܗܘܘ ܥܒܕܝܢ ܠܗܘܢ܃ ܗܕܢ ܓܪ ܗܘ ܢܝܡܘܣܐ ܘܢܒܝܝܐ܃ |
| 007:013 | ܥܘܠܘ ܒܬܪܥܐ ܠܚܨܝܐ܃ ܕܦܬܐ ܗܘ ܬܪܥܐ ܘܪܘܝܚܐ ܗܕܐ ܗܝ ܐܘܪܚܐ ܗܕܐ ܕܡܘܒܠܐ ܠܐܒܕܢܐ܃ ܘܣܓܝ ܗܢܘܢ ܗܠܝܢ ܕܥܠܝܢ ܒܗ܃ |
| 007:014 | ܡܐ ܫܢܝܨ ܬܪܥܐ ܘܡܫܦܨܐ ܗܝ ܐܘܪܚܐ ܗܕܐ ܕܡܘܒܠܐ ܠܚܝܝܐ܃ ܘܨܝܒܚܕ ܗܢܘܢ ܗܠܝܢ ܕܡܫܟܚܝܢ ܝܬܗ܃ |
| 007:015 | ܗܒܘ ܒܠܟܘܢ ܡܢ ܢܒܝܝ̈ܐ ܕܓܠܝܐ ܗܠܝܢ ܕܐܬܘܢ ܠܘܬ݁ܟܘܢ ܒܠܒܘܫܝܢ ܕܐܝܡܪܝܢ܃ ܡܢ ܠܓܘ ܕܝ ܗܢܘܢ ܕܝܒܝܢ ܚܛܘܦܝܢ܃ |
| 007:016 | ܡܢ ܦܝܪܝܗܘܢ ܗܘܘ ܡܟܪܝܢ ܝܬܗܘܢ܃ ܕܡܐ ܠܩܛܝܢ ܡܢ ܟܘܒܝܐ ܥܝܢܒܝܢ܃ ܐܐ ܡܢ ܕܪܕܪܝܢ ܬܝܢܝܢ܃ |
| 007:017 | ܗܟܕܝܢ ܟܘܠ ܐܝܠܢ ܛܒ ܦܝܪܝܢ ܛܒܝܢ ܥܒܕ܃ ܘܐܝܠܢܐ ܒܝܫܐ ܦܝܪܝܢ ܒܝܫܝܢ ܥܒܕ܃ |
| 007:018 | ܠܐ ܝܟܠ ܐܝܠܢܐ ܛܒܐ ܕܦܝܪܝܢ ܒܝܫܝܢ ܝܝܬܐ݁܃ ܘܠܐ ܐܝܠܢܐ ܒܝܫܐ ܕܦܝܪܝܢ ܛܒܝܢ ܝܗܐ ܥܒܕ܃ |
| 007:024 | ܟܘܠ ܡ݁ܢ ܐܘܢ ܕܫܡܥ ܡܠܐܝ̈ ܘܥܒܕ ܝܬ݁ܗܘܢ ܝܬ݁ܕܡܐ ܠܓܒܪ ܦܩܝܚ ܠܗܕܢ ܕܒܢܐ ܒܝܬܗ ܥܠ ܫܝܢܐ܃ |
| 007:025 | ܘܢܫ̈ܒܘ ܪ̈ܘܚܝܐ ܘܢܚܬ݁ ܡܛܪܐ ܘܐܬ݁ܘ ܢܗܪ̈ܝܐ܃ ܘܐܩ̈ܫܘ ܒܗܘ ܒܝܬܐ ܘܠܐ ܢܦܠ܃ ܡܐܫܫ ܗܘܐ ܓܪ ܥܠ ܫܝܢܐ |
| 007:026 | ܘܟܘܠ ܡܢ ܕܫܡܥ ܡܠܐܝ̈ ܘܠܐ ܥܒܕ ܝܬ݁ܗܝܢ܃ ܝܬ݁ܕܡܐ ܠܓܒܪ ܦܟܗ ܠܗܕܢ ܕܒܢܐ ܒܝܬܗ ܥܠ ܚܠܐ܃ |
| 007:027 | ܘܢܚܬ݁ ܡܛܪܐ ܘܐܬ̈ܘ ܢܗܪ̈ܝܐ ܘܢܫ̈ܒܘ ܪ̈ܘܚܝܐ ܘܐܩ̈ܫܘ ܠܗܘ ܒܝܬܐ ܘܢܦܠ ܘܗܘܬ݁ ܡܦ̈ܘܠܬ݁ܗ ܪܒܬܐ ܠܚܕܐ܃ |
| 007:028 | ܘܗܘܐ ܟܕ ܫܠܡ ܡܪܐ ܝܣܘܣ ܗܠܝܢ ܡܠܝ̈ܐ ܗܘܘ ܡܬ݁ܧ̈ܠܡܝܢ ܟܘܠ ܐܘܟܠܘܣܝܐ ܥܠ ܐܘܠܦܢܗ |
| 007:029 | ܗܘܐ ܓܪ ܡܠܦ ܝܬ݁ܗܘܢ ܗܝܟ ܫܠܝܛ ܘܠܐ ܗܝܟ ܣܦܪ̈ܝܗܘܢ܃ |
| 008:001 | ܘܟܕ ܢܚܬ݁ ܡܢ ܛܘܪܐ ܐܬ݁ܘ ܒܬ݁ܪܗ ܐܘܟܠܣܝܢ ܣܓܝ܃ |
| 008:002 | ܘܗܐ ܚܕ ܓܪܝܒ ܩܪܒ ܘܗܘܐ ܣܓܕ ܠܗ ܘܐܡܪ܃ ܡܪܝ ܐܢ ܨܒܐ ܐܬ ܝܟܠ ܐܬ ܡܕܟܐ ܝܬ݁ܝ܃ |
| 008:003 | ܘܦܫܛ ܐܝܕܗ ܡܪܐ ܝܣܘܣ ܘܩܪܒ ܠܗ ܘܐܡܪ ܨܒܐ ܐܢܐ ܐܬ݁ܕܟܝ ܘܫܘܐ ܐܬ݁ܕܟܝ ܡܢ ܓܪܒܗ |
| 008:004 | ܘܐܡܪ ܠܗ ܡܪܐ ܝܣܘܣ ܚܡܝ ܕܠܐܢܫ ܠܐ ܬܝܡܘܪ܃ ܐܠܐ ܐܙܠ ܐܘܕܥ ܓܪܡܟ ܠܟܗ̈ܢܐ ܘܩܪܒ ܩܘܪܒܢܟ ܗܕܢ ܕܦܩܕ ܡܘܫܐ ܠܣܗܕܘܬ݁ܗܘܢ |
| 008:005 | ܘܟܕ ܥܠ ܠܟܦܪ ܢܚܘܡ ܩܪܒ ܠܗ ܚܕ ܩܢܛܝܪܘܢ ܒܥܐ ܡܢܗ |
| 008:006 | ܘܐܡܪ܃ ܡܪܝ ܛܠܝܝ ܪܡܐ ܒܓܘ ܒܝܬܐ ܡܪܫܠ ܒܝܫܐܝܬ݁ ܡܨܛܥܪ܃ |
| 008:007 | ܘܐܡܪ ܠܗ ܡܪܐ ܝܣܘܣ ܐܢܐ ܐܬܐ ܡܐܣܝ ܠܗ܃ |
| 008:008 | ܘܐܓܝܒ ܗܐܘ ܩܢܛܪܝܘܢܐ ܘܐܡܪ ܡܪܝ ܠܝܬ݁ ܐܢܐ ܕܘܡܠܐܝ ܕܬܝܥܘܠ ܠܬܚܬ ܪܟܣܝ ܐܠܐ ܒܠܚܘܕ ܐܡܘܪ ܒܡܠܐ ܘܡܬܐܣܐ ܛܠܝܝ |
| 008:009 | ܩܝܓܪ ܐܘܦ ܐܢܐ ܒܪܢܫ ܐܢܐ܃ ܘܐܝܬ݁ ܬ݁ܚܘܬ݁ ܫܘܠܛܢܘܬ݁ܝ ܪ̈ܘܡܝܝܢ܃ ܘܐܢܐ ܐܡܪ ܠܕܝܢ ܐܙܠ ܘܗܘ ܐܙܠ ܘܠܚܘܪܢ ܐܬܐ ܘܗܘ ܐܬܐ܃ ܘܠܥܒܕܝ ܥܒܕ ܗܕܐ ܘܗܘ ܥܒܕ܃ |
| 008:010 | ܘܟܕ ܫܡܥ ܡܪܐ ܝܣܘܣ ܐܝܬ<ܡ>ܗ ܘܐܡܪ ܠܗܠܝܢ ܕܐܬ݁ܝܢ ܒܬ݁ܪܗ ܐܡܝܢ ܐܡܪ ܐܢܐ ܠܟܘܢ ܕܠܘܬ݁ ܐܢܫ ܗܝܟ ܗܕܐ ܗܝܡܢܘܬܐ ܠܐ ܐܫܟܚܬ݁ ܒܐܝܣܪܐܝܠ܃ |
| 008:011 | ܐܡܪ ܐܢܐ ܠܟܘܢ ܕܝ ܕܣܓܝ ܡܢ ܡܕܢܚܐ ܘܡܢ ܡܥܪܒܐ ܝܐܬ݁ܘܢ ܘܝܪ̈ܒܘܥܘܢ ܥܡ ܐܒܪܗܡ ܘܐܝܣܚܩ ܘܝܥܩܘܒ ܒܡܠܟܘܬܐ ܕܫܘܡܝܐ܃ |
| 008:012 | ܘܒܢܝ̈ܗ݀ ܕܡܠܟܘܬܐ ܝܦܘܩܘܢ ܠܩܒܠܐ ܒܪܝܐ܃ ܬܡܢ ܗܘܐ ܒܘܟܝܐ ܘܚܪܘܩܝܗܝܢ ܕܫ̈ܝܢ<ܝ>ܐ |
| 008:013 | ܘܐܡܪ ܡܪܐ ܝܣܘܣ ܠܗܐܘ ܩܢܛܝܪܘܢܐ ܐܙܠ ܘܗܝܟ ܗܝܡܢܘܬ݁ܟ ܝܬ݁ܥܒܕ ܠܟ ܘܐܬܐܣܝ ܛܠܝܐ ܡܢ ܝܬ݁ܗ݀ ܫܥܬܐ܃ ܘܬ݁ܒ ܗܘ ܩܢܛܝܪܘܢܐ ܠܒܝܬܗ ܒܗ݀ ܒܫܥܬܐ ܘܐܫܟܚ ܛܠܝܐ ܚܠܝܡ |
| 008:020 | ܠܝܬ݁ ܠܗ ܗܢ ܕܝܪܟܢ ܪܝܫܗ |
| 008:021 | ܚܘܪܢ ܡܢ ܬܠܡܝܕ{ܝܘ}<ܘܝ> ܐܡܪ ܠܗ ܡܪܝ ܫܠܛ ܝܬܝ ܩܐܡܝ ܕܝܐܙܠ ܘܝܩܒܘܪ ܠܐܒܝ |
| 008:022 | ܡܪܢ ܝܣܘܣ ܕܝ ܐܡܪ ܠܗ ܐܬܐ ܠܟ ܒܬ݁ܪܝ ܘܫܘܒܘܩ ܡܝܬ݁ܝܐ ܩܒܪܝܢ ܡܝܬ݁ܝܗܘܢ܃ |
| 008:023 | ܘܟܕ ܣܠܩ ܠܐܠܦܐ ܐܬܘ ܒܬ݁ܪܗ ܬܠܡܝܕܘܝ܃ |
| 008:024 | ܘܗܐ ܙܘܥܢ ܪܒ ܐܬ݁ܥܒܕ ܒܝܡܐ܃ ܗܝܟ ܕܬܬ݁ܟܣܐ ܐܠܦܐ ܡܢ ܓܠܠܝܐ܃ ܗܘܐ ܓܪ ܪܘܚܐ ܠܩܘܒܠܗ̈ܘܢ ܗܘ ܕܝ ܗܘܐ ܕܡܝܟ܃ |
| 008:025 | ܘܩܪ̈ܒܘ ܬܠ̈ܡܝܕܘܝ ܐܩܝܡ̈ܘ ܝܬܗ ܐܡܪ̈ܝܢ ܡܪܐ ܐܚܝ ܝܬܢ ܕܗܐ ܐܢܗ ܐܒܕܝܢ܃ |
| 008:026 | ܘܐܡܪ ܠܗܘܢ ܡܐ ܐܬܘܢ ܕܚܘܠܬܢܝܢ ܙܥܘܪ̈ܐ ܗܝܡܢܘܬܐ܃ ܒܟܢ ܩܡ ܘܙܥܦ ܒܪ̈ܘܚܐ ܘܒܝܡܐ ܘܐܬ݁ܥܒܕ ܫܘ{ܪ}<ܕ>ܟ ܪܒ܃ |
| 008:027 | ܒܢ̈ܝܢܫܐ ܕܝ ܬܡܗ̈ܘ ܘܐܡܪ̈ܝܢ ܕܓܢܣ ܡܢ ܗܘ ܗܕܢ ܕܐܘܦ ܪ̈ܘܚܝܐ ܘܝܡܐ ܠܗ ܡܫ̈ܬܥܒܕܝܢ܃ |
| 008:028 | ܘܟܕ ܐܬ݁ܘ ܠܐܪܥܐ ܕܓܪܓܫܝ̈ܝ ܠܥܒܪܐ܃ ܐܘܪ̈ܥܘ ܝܬ݁ܗ ܬܪ̈ܝܢ ܕܥܠܝܗܘܢ ܫܝܕܝܢ ܢܦܩ̈ܝܢ ܡܢ ܡܩܒܘܪܬܐ ܒܝܫܝܢ ܠܚܕܐ܃ ܗܝܟ ܕܐܢܫ ܠܐ ܗܘܐ ܝܟܠ ܕܝܥܒܘܪ ܥܠ ܕܝܬ݁ܗ݀ ܐܘܪܚܐ܃ |
| 008:029 | ܘܗܢܘܢ ܨܘܚܘ ܘܐܡܪ̈ܝܢ ܡܐ ܠܢ ܘܠܟ ܝܣܘܣ ܒܪܗ ܕܐܠܗܐ܃ ܐܬ݁ܝܬ ܠܟܐ ܡܢ ܩܘܕܡ ܩܝܪܘܣ ܕܬܨܥܪ ܝܬ݁ܢ܃ |
| 008:030 | ܗܘܬ݁ ܕܝ ܬܡܢ ܡܪܥܝ ܕܚܘܙܝܪܝܢ ܣܓܝ ܪܥܝܐ܃ |
| 008:031 | ܝܬ݁ܗܘܢ ܕܝ ܫ̈ܝܕܝܐ ܗܘܘ ܒܥ̈ܝܢ ܡܢܗ ܘܐܡܪ̈ܝܢ܃ ܐܢ ܐܝܬ݁ ܐܬ ܡܦܩ ܠܢ ܫܠܚ ܝܬ݁ܢ ܠܡܪܥܝܬܐ ܕܚܘܙܝܪ̈ܝܐ܃ |
| 008:032 | ܘܐܡܪ ܠܗܘܢ ܡܪܐ ܝܣܘܣ ܐܙ̈ܠܘ܃ ܗܢܘܢ ܕܝ ܢܦܩ̈ܘ ܘܐܙ̈ܠܘ ܠܡܪܥܝܬܐ ܕܚܘܙܝܪ̈ܝܐ܃ ܘܐܫܘܝܬ݁ ܟܘܠܗ݀ ܡܪܥܝܬܐ ܥܠ ܕܡܙܩܘܪܬܐ ܠܝܡܐ ܘܡܝܬ݁ܘ ܒܡܝܐ |
| 008:033 | ܗܠܝܢ ܕܝ ܗܘܘ ܪ̈ܥܝܢ ܥܪ̈ܩܘ ܘܐܙܠܘ ܠܡܕܝܢܬܐ ܘܐܡܪ̈ܘ ܟܘܠܐ܃ ܘܕܗܠܝܢ ܕܫܝܕܝܗܘܢ܃ |
| 008:034 | ܘܗܐ ܟܘܠܗ݀ ܡܕܝܢܬܐ ܢܦܩܬ݁ ܠܐܘܪܥܘܬ݁ܗ ܕܡܪܐ ܝܣܘܣ܃ ܘܟܕ ܚܡ̈ܘ ܝܬ݁ܗ ܒܥ̈ܘ ܡܢܗ ܕܝܦܢܐ ܡܢ ܬܚܘܡܝ̈ܗܘܢ܃ |
| 009:001 | ܘܣܠܩ ܠܐܠܦܐ ܘܥܒܪ ܘܐܬܐ ܠܡܕܝܢܬܗ ܕܝܠܗ܃ |
| 009:002 | ܘܗܢܘܢ ܩܪ̈ܒܘ ܠܗ ܚܕ ܡܪܫܠ ܪܡܐ ܒܥܪܣܐ܃ ܘܚܡܐ ܡܪܐ ܝܣܘܣ ܝܬ݁ܗ݀ ܠܗܝܡܢܘܬ݁ܗܘܢ ܘܐܡܪ ܠܡܪܫܠܐ ܪܦܘܬ݁ ܒܪܝ ܫܒܝܩ̈ܢ ܠܟ ܣܟ̈ܠܬ݁ܟ |
| 009:003 | ܘܗܐ ܐܢܫ̈ܝܢ ܡܢ ܣܦܪ̈ܝܐ ܐܡܪ̈ܘ ܒܓܪܡܗܘܢ܃ ܗܕܢ ܡܓܕܦ |
| 009:004 | ܚܡܐ ܕܝ ܡܪܐ ܝܣܘܣ ܚܫܒܬ݁ܗܘܢ ܘܐܡܪ ܠܗܘܢ ܠܡܐ ܐܬܘܢ ܡܬ݁ܚܫܒܝܢ ܒܝܫܢ ܒܠܒܒܟܘܢ܃ |
| 009:005 | ܡܐ ܓܪ ܗܘ ܢܝܚ ܕܢܝܡܘܪ ܫܒܝܩܢ ܠܟ ܣܟ̈ܠܬ݁ܟ ܐܐ ܕܢܝܡܘܪ ܩܘܡ ܗܠܟ܃ |
| 009:006 | ܠܓܠܠ ܕܝ ܕܬ݁ܕܘܥܘܢ ܕܫܠܝܛ ܗܘ ܒܪܗ ܕܓܒܪܐ ܥܠ ܐܪܥܐ ܕܝܫܒܘܩ ܣܟܠ<ܬ>ܢ܃ ܒܟܝܢ ܐܡܪ ܠܡܪܫܠܐ ܩܘܡ ܣܒ ܥܪܣܟ ܘܐܙܠ ܠܒܝܬܟ܃ |
| 009:007 | ܘܩܡ ܐܙܠ ܠܒܝܬܗ܃ |
| 009:008 | ܟܕ ܕܝ ܚܡ̈ܘ ܐܘܟ̈ܠܘܣܝܐ ܕܚܠܘ ܘܫܒ̈ܚܘ ܠܐܠܗܐ ܠܗܕܢ ܕܝܗܒ ܕܓܢܣ ܗܕܐ ܫܘܠܛܢܘܬܐ ܠܒܢܝܢܫܐ |
| 009:009 | ܘܟܕ ܥܒܪ ܡܪܐ ܝܣܘܣ ܡܢ ܬܡܢ ܚܡܐ ܒܪܢܫ ܝܬܝܒ ܥܠ ܡܟܣܐ ܡܬ݁ܡܝܪ ܡܬܐܝ ܘܐܡܪ ܠܗ ܐܬܐ ܒܬ݁ܪܝ ܘܩܐܡ ܐܬܐ ܒܬ݁ܪܗ܃ |
| 009:010 | ܘܗܘܝ ܗܝܟ ܕܗܘܘ ܪ̈ܒܝܥܝܢ ܒܓܘ ܒܝܬܐ ܘܗܐ ܣܓܝ ܡܟܣ̈ܝܢ ܘܣܟ̈ܠܝܢ ܐܬ݁ܘ ܘܗܘܘ ܪ̈ܒܝܥܝܢ ܥܡ ܡܪܐ ܝܣܘܣ ܘܥܡ ܬܠܡܝܕܘܗܝ܃ |
| 009:011 | ܘܟܕ ܚܡ̈ܘ ܦܪ̈ܝܫܝܐ ܗܘܘ ܐܡܪ̈ܝܢ ܠܬܠܡܝܕܘܝ܃ ܠܡܐ ܥܡ ܡܟܣܝ̈ܐ ܘܣܟܠܝܐ ܡܠܦܢܟܘܢ ܐܟܠ܃ |
| 009:012 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܠܐ ܨܪ̈ܝܟܝܢ ܗܠܝܢ ܕܒܪܝܢ ܠܐܣܝܐ܃ ܐܠܐ ܗܠܝܢ ܕܥܒ̈ܝܕܝܢ ܒܝܫܐܝܬ݁܃ |
| 009:013 | ܐܙ̈ܠܘ ܕܝ ܝܠܘ̈ܦܘ ܡܐ ܗܘ ܪ̈ܚܡܝܢ ܐܢܐ ܨܒܐ ܘܠܐ ܢܟܝܣܘܬܐ ܠܐ ܓܪ ܐܬ݁ܝܬ݁ ܕܝܩܪܐ ܨܕܝܩ̈ܝܢ ܐܠܐ ܣܟ̈ܠܝܢ ܠܬܗܘ ܫܠܡ |
| 009:014 | ܒܟܢ ܩܪ̈ܒܘ ܠܗ ܬܠܡܝܕܘܗܝ ܕܝܘܚܢܝܣ ܐܡܪ̈ܝܢ ܠܡܐ ܐܢܗ ܘܦܪ̈ܝܫܝܐ ܨܐܡ̈ܝܢ ܣܓܝ ܘܬܠܡܝܕܝܟ ܠܐ ܨܐܡ̈ܝܢ܃ |
| 009:015 | ܘܐܡܪ ܠܗܘܢ ܡܪܐ ܝܣܘܣ܃ ܕܡܐ ܝܟ̈ܠܝܢ ܒܢܐ ܓܢܘܢܐ ܕܝܬܐܒ̈ܠܘܢ ܥܕ ܟܘܠ ܐܡܬ݁ܝ ܕܚܬܢܐ ܥܡܗܘܢ ܐܬ݁ܝܢ ܕܝ ܝܘ̈ܡܝܢ ܟܕ ܝܬܪܝܡ ܚܬܢܐ ܡܢܗܘܢ ܘܒܟܢ ܝܨܘܡܘܢ܃ |
| 009:016 | ܠܝܬ݁ ܐܢܫ ܪܡܐ ܪܩܥܬܐ ܚܕܬܐ ܥܠ ܡܐܢ ܒܠܝܐ ܢܣܒܐ ܗܝ ܓܪ ܡܘܠܝܗ݀ ܡܢ ܡܐܢܐ ܒܠܝܐ܃ ܘܗܘܐ ܒܙܥܐ ܒܝܫ ܡܢ ܩܡܝܐ܃ |
| 009:017 | ܘܠܐ ܪܡܝܢ ܚܡܪ ܚܕܬ ܒܙܩ̈ܝܢ ܒ̈ܠܝܢ܃ ܐܢ ܕܝ ܠܐ ܟܢ ܡܒܙܥ ܗܘ ܚܡܪܐ ܠܙܩ̈ܝܐ܃ ܘܚܡܪܐ ܡܫܬܦܟ ܘܙܩ̈ܝܐ ܐܒ̈ܕܝܢ܃ ܐܠܐ ܪ̈ܡܝܢ ܚܡܪ ܚܕܬ ܒܙܩ̈ܝܢ ܚܕܬ݁ܝܢ ܘܬܪ̈ܝܐ ܡܬ݁ܢܛܪ̈ܝܢ ܫܠܡ |
| 009:018 | ܗܐ ܚܕ ܐܪܟܘܢ ܩܪܒ ܐܬܝ ܝܣܘܣ ܣܓܕ ܠܗ ܘܐܡܪ܃ ܒܪܬܝ ܟܕܘ ܡܝܬ݁ܬ݁ ܐܠܐ ܐܬܐ ܐܣܝܡ ܐܝܕܟ ܥܠܝܗ݀ ܘܗܝ ܚܝܐ܃ |
| 009:019 | ܘܩܡ ܡܪܐ ܝܣܘܣ ܘܕܒܩ ܝܬ݁ܗ ܗܘ ܘܬܠܡܝܕܘܝ܃ |
| 009:020 | ܘܗܐ ܚܕܐ ܐܬܐ ܕܗܘܬ݁ ܢܓܕܐ ܒܐܕܡܐ ܬ݁ܪ̈ܬܝܥܣܪ̈ܐ ܫܝܢܝܢ܃ ܩܪܒܬ݁ ܡܢ ܠܚܘܪܝܐ ܘܐܛܚܬ݁ ܠܨܢܦܬܐ ܕܡ̈ܢܐ܃ |
| 009:021 | ܗܘܬ݁ ܓܪ ܐܡܪܐ ܒܓܪܡܗ ܐܢ ܒܠܚܘܕ ܝܩܪܘܒ ܠܡܐܢܗ ܚܝܐ ܐܢܐ܃ |
| 009:022 | ܘܡܪܐ ܝܣܘܣ ܬ݁ܒ ܘܚܡܐ ܝܬ݁ܗ ܘܐܡܪ ܠܗ܃ ܐܬ݁ܚܝܠܝ ܒܪܬܐ ܗܝܡܢܘܬ݁ܝܟܝ ܐܚܝܬ݁ܝ ܝܬ݁ܝܟܝ܃ ܘܚܝܬ݁ ܐܬܬܐ ܡܢ ܗܝ ܫܥܬܐ܃ |
| 009:023 | ܘܟܕ ܐܬܐ ܡܪܐ ܝܣܘܣ ܠܒܝܬܗ ܕܐܪܟܘܢܐ ܚܡܐ ܙܡܪ̈ܝܐ ܘܐܘܟܠܘܣܐ ܡܬ݁ܥܪܒܒ܃ ܗܘܐ ܐܡܪ |
| 009:024 | ܪܘܚܘ̈ܩܘ ܠܐ ܓܪ ܡܝܬ݁ܬ݁ ܛܠܝܬܐ ܐܠܐ ܕܡܟܐ ܗܝ܃ ܘܗܘܘ ܓܚܟܝܢ ܥܠܘܝ܃ |
| 009:025 | ܟܕ ܕܝ ܢܦܩ ܐܘܟ̈ܠܘܣܐ ܥܠ ܘܨܕ ܝܬ݁ܗ ܒܐܝܕܗ ܘܐܩܝܡ ܝܬ݁ܗ ܠܛܠܝܬܐ܃ |
| 009:026 | ܘܢܦܩ ܛܒܗ ܒܟܘܠ ܗܝ ܐܪܥܐ܃ |
| 009:027 | ܘܗܝܟ ܕܗܘ ܥܒܪ ܡܢ ܬ݁ܡܢ ܡܪܐ ܝܣܘܣ܃ ܕܒܩ̈ܘ ܝܬ݁ܗ ܬܪ̈ܝܢ ܣܡ̈ܝܢ ܡܨܘܚܝܢ ܘܐܡܪ̈ܝܢ ܐܬ݁ܪܚܡ ܥܠܝܢܗ ܒܪܗ ܕܕܘܝܕ܃ |
| 009:028 | ܘܟܕ ܐܬܐ ܠܒܝܬܐ ܩܪ̈ܒܘ ܠܗ ܬܪܝܢ ܣܡ̈ܝܐ ܒܥܝܢ ܡܢܗ܃ ܘܐܡܪ ܠܗܘܢ ܡܪܢ ܝܣܘܣ ܡܗܝܡܢܝܢ ܐܬܘܢ ܕܐܢܐ ܝܟܠ ܕܝܥܒܕ ܠܟܘܢ ܗܕܐ܃ ܐܡܪ̈ܝܢ ܠܗ ܐܝܢ ܡܪܐ܃ |
| 009:029 | ܒܟܢ ܩܪܒ ܠܥܝܢܝܗܘܢ ܘܐܡܪ ܠܗܘܢ ܗܝܟ ܗܝܡܢܘܬ݁ܟܘܢ܃ ܝܬ݁ܥܒܕ ܠܟܘܢ܃ |
| 009:030 | ܘܒܪܫܥܬ݁ܗܘܢ ܐܬ݁ܦܬ݁ܚܝ ܥܝܢܝܗܘܢ ܘܙܥܦ ܒܗܘܢ ܡܪܐ ܝܣܘܣ ܘܐܡܪ܃ ܚܡܘ ܕܐܢܫ ܠܐ ܝܕܘܥ܃ |
| 009:031 | ܗܢܘܢ ܕܝ ܢܦܩ̈ܘ ܘܐܦܩ̈ܘ ܛܒܗ ܒܟܘܠ ܗܝ ܐܪܥܐ܃ |
| 009:032 | ܘܟܕ ܢܦܩܘ ܗܐ ܩܪܒܘ ܠܗ ܚܕ ܒܪܢܫ ܚܪܫ ܕܥܠܘܝ ܫܝܕ܃ |
| 009:033 | ܘܟܕ ܢܦܩ ܫܝܕܐ ܡܠܠ ܚܪܫܐ܃ ܘܐܬܡ̈ܗܘ ܐܘܟܠܣܝܐ ܐܡܪ̈ܝܢ ܕܡܢ ܝܘܡܘܝ ܠܐ ܐܬ݁ܚܡܝ ܟܕܝܢ ܒܐܝܣܪܐܝܠ |
| 009:034 | ܦܪܝܫܝܝ ܕܝ ܗܘܘ ܐܡܪ̈ܝܢ ܒܐܪܟܘܢܗܘܢ ܕܫܝܕܝܐ̈ ܗܘ ܡܦܩ ܫܝܕܝܐ̈ |
| 009:035 | ܘܗܘܐ ܡܪܐ ܝܣܘܣ ܚܓܠ ܡܕܝܢ̈ܬܐ ܟܘܠܗ̈ܝܢ ܘܩܪܐ ܡܠܦ ܒܟܢܝܫܬ݁ܗܘܢ܃ ܘܡܟܪܙ ܒܣܘܪܐ ܕܡܠܟܘܬܐ܃ ܘܡܐܣܐ ܟܘܠ ܒܘܫ ܘܟܘܠ ܡ̈ܪܫܠܘ ܒܩܗܠܐ |
| 009:036 | ܘܟܕ ܚܡܐ ܡܪܐ ܝܣܘܣ ܐܘ̈ܟܠܘܣܝܐ܃ ܐܬ݁ܪܚܡ ܥܠܝܗܘܢ ܕܗܘ̈ܘ ܡܛܪܦ̈ܝܢ ܘܪܡ̈ܝܢ ܗܝܟ ܐܝܡܪ̈ܢ ܕܠܝܬ݁ ܠܗܝܢ ܪܥܝܐ܃ |
| 009:037 | ܒܟܝܢ ܐܡܪ ܠܬܠ̈ܡܝܕܘܝ ܚܨܕܐ ܡܢ ܣܓܝ ܘܦܥ̈ܠܝܐ ܕܝ ܨܝܒܚܕ܃ |
| 009:038 | ܒܥܘ̈ ܐܘܢ ܡܢ ܡܪܗ ܕܚܨܕܐ ܕܝܦܩ ܦܥܠܝ̈ܢ ܠܚܨܕܗ܃ |
| 010:001 | ܘܩܪܐ ܠܬ݁ܪ̈ܝܥܣܪܬܐ ܬܠܡܝܕܘܝ܃ ܘܝܗܒ ܠܗܘܢ ܫܘܠܛܢܗ ܥܠ ܪ̈ܘܚܘܬܐ ܡܣܐܒ̈ܬܐ ܕܝܗܘܢ ܡܦܩܝܢ ܝܬ݁ܗܘܢ܃ ܘܕܝܗܘܢ ܡܣ̈ܝܢ ܟܘܠ ܒܘܫ̈ܝܢ ܘܟܘܠ ܡܪܫܠܘ܃ |
| 010:002 | ܫܝܡܗܬ݁ܗܘܢ ܕܝ ܕܬ݁ܪܝܥܣܪܬܐ ܫ̈ܠܝܚܐ ܗܢܘܢ ܗܠܝܢ܃ ܩܡܐܝ ܣܝܡܘܢ ܗܕܢ ܕܡܬܐܡܪ ܧ̈ܛܪܘܣ ܘܐܢܕܪܝܐܣ ܐܚܘܗܝ܃ |
| 010:003 | ܘܝܥܩܘܒܘܣ ܒܪܗ ܕܙܒܕܐܝ ܘܝܘܚܢܝܣ ܐܚܘܝ܃ ܦܝܠܝܦ̈ܘܣ ܘܒܪ ܬ݁ܘܠܡܐܝ܃ ܬ݁ܘܡܣ ܬ݁ܘܡܝܐ ܘܡܬܐܝ ܡܟܣܐ܃ ܝܥܩܘܒܘܣ ܒܪ ܚܠܦܐܝ܃ ܘܠܝܒܝܘܣ ܗܕܝܢ ܕܐܬ݁ܩܪܝ ܬ݁ܕܐܝ܃ |
| 010:004 | ܣܝܡܘܢ ܩܢܢܝܐ܃ ܘܝܗܘܕܣ ܙܟܪܝܘܛܐ ܗܘ ܕ{ܐܘ}ܡܣܪ ܝܬ݁ܗ܃ |
| 010:005 | ܠܗܠܝܢ ܬܪܝܥܣܪܬܐ ܫܠ̇ܚ ܡܪܐ ܝܣܘܣ ܘܦܩܕ ܝܬ݁ܗܘܢ ܘܐܡܪ܃ ܠܐܘܪܚ ܕܡܝܢ̈ܝܢ ܠܐ ܬ݁ܝܙܠܘܢ܃ ܘܠܡܕܝܢܐ ܕܫܡܪܝܢ ܠܐ ܬ݁ܝܥܘܠܘܢ܃ |
| 010:006 | ܐܠܐ ܐܙ̈ܠܘ ܠܘܬ݁ ܐܡܪ̈ܬܐ ܕܐܒܕܝ̈ ܡܢ ܒܝܬܐ ܕܐܣܪܝܠ܃ |
| 010:007 | ܘܟܕ ܬ݁ܗܘܢ ܐܙ̈ܠܝܢ ܗܘܘ ܡܟܪ̈ܙܝܢ ܘܐܡܪ̈ܝܢ ܕܩܪܒܬ݁ ܡܠܟܘܬܐ ܕܫܘܡܝܐ܃ |
| 010:008 | ܒܝܫܝܐ ܗܘܘ ܡܐܣ̈ܝܢ ܘܓܪ̈ܒܝܐ ܗܘܘ ܡܕܟ̈ܝܢ܃ ܘܫ̈ܝܕܝܐ ܗܘܘ ܡܦܩ̈ܝܢ܃ ܡܓܢ ܢܣܒܬܘܢ ܡܓܢ ܗܒ̈ܘ܃ |
| 010:001 | ܘܩܪܐ ܡܪܐ ܝܣܘܣ ܠܬ݁ܪܝܥܣܪܬܐ ܬܠܡ̈ܝܕܘܝ ܘܝܗܒ ܠܗܘܢ ܫܘܠܛܢܗ ܥܠ ܪ̈ܘܚܘܬܐ ܡܣ̈ܐܒܬܐ ܕܝܗܘܢ ܡ̈ܦܩܝܢ ܝܬܗܘܢ܃ ܘܕܝܗܘܢ ܡ̈ܐܣܝܢ ܟܘܠ ܒܘܫܝܢ ܘܟܘܠ ܡܪܫܠܘ܃ |
| 010:005 | ܗܘ ܠܐ ܒܥܘܬ݁ܗܘܢ ܡܪܐ ܝܣܘܣ ܘܦܩܕ ܝܬ݁ܗܘܢ ܘܐܡܪ܃ ܠܐܘܪܚܐ ܕܡ̈ܝܢܝܢ ܠܐ ܬܝܙ̈ܠܘܢ܃ ܘܠܡܕܝܢܐ ܕܫܡܪ̈ܝܢ ܠܐ ܬܝܥ̈ܘܠܘܢ܃ |
| 010:006 | ܐܠܐ ܐܙ̈ܠܘ ܠܘܬ݁ ܐܝܡܪ̈ܬܐ ܕܐܒ̈ܕܝ ܡܢ ܒܝܬܐ ܕܐܝܣܪܝܠ܃ |
| 010:007 | ܘܟܕ ܬ݁ܗܘ̈ܢ ܐܙ̈ܠܝܢ ܗܘܘ ܡܟܪ̈ܙܝܢ ܘܐܡܪ̈ܝܢ ܕܩܪܒܬ݁ ܡܠܟܘܬ݁ܗܘܢ ܕܫܘܡܝܐ܃ |
| 010:008 | ܒܐܝ̈ܫܝܐ ܗܘܘ ܡܐܣ̈ܝܢ܃ ܘܓܪ̈ܒܝܐ ܗܘܘ ܡ̈ܕܟܝܢ܃ ܘܫ̈ܝܕܝܐ ܗܘܘ ܡ̈ܦܩܝܢ܃ ܡܓܢ ܢܣ̈ܒܬܘܢ ܡܓܢ ܗ̈ܒܘ |
| 010:010 | ܘܐܡܪ ܡܪܐ ܠܬܠ̈ܡܝܕܘܝ |
| 010:016 | ܗܐ ܐܢܐ ܡܫܠܚ ܝܬ݁ܟܘܢ ܗܝܟ ܐܝܡܪ̈ܝܢ ܒܝܢ ܕܝܒ̈ܝܢ܃ ܗܘܘ ܐܘܢ ܥܪ̈ܝܡܝܢ ܗܝܟ ܚ̈ܘܘܬܐ ܘܬܡ̈ܝܡܝܢ ܗܝܟ ܝܘ̈ܢܝܐ܃ |
| 010:017 | ܗ̈ܒܘ ܟܠܟܘܢ ܕܝ ܡܢ ܒܢܝ̈ܢܫܐ܃ ܝܡܣܘܪ̈ܘܢ ܓܪ ܝܬܟܘܢ ܠܥܨܝܬܐ ܘܒܓܘ ܟܢܝܫ̈ܬܗܘܢ ܝܢܓܕܘ̈ܢ ܝܬ݁ܟܘܢ |
| 010:018 | ܘܠܩܘܕܡ ܕܝ ܡ̈ܠܟܝܢ ܘܗ̈ܝܓܡܘܢܝܢ ܬܝܬ̈ܘܢ ܠܒܕܝܠܝ ܠܣܗܕܘ ܠܗܘܢ ܘܠܡܝܢ̈ܝܐ܃ |
| 010:019 | ܟܕ ܕܝ ܝܡܣܘܪ̈ܘܢ ܝܬܟܘܢ ܠܐ ܬܝܨ̈ܘܦܘܢ ܗܝܟ ܐܐ ܡܐ ܬܡܠܠܘܢ ܡܝܬ݁ܝܗܒ ܗܘ ܠܟܘܢ ܓܪ ܒܗܐܘ ܝܘܡܐ ܡܐ ܬܡܠܠܘܢ܃ |
| 010:020 | ܠܐ ܓܪ ܐܬܘܢ ܗܘܝܢ ܕܡܡܠܠܝܢ܃ ܐܠܐ ܪܘܚܗ ܕܐܒܘܟܘܢ ܗܘ ܗܕܝܢ ܕܡܡܠܠ ܒܟܘܢ܃ |
| 010:021 | ܝܡܣܘܪ ܕܝ ܐܚ ܠܐܚܘܝ ܠܡܘܬܐ܃ ܘܐܒ ܠܒܪܗ܃ ܘܝܩܘ̈ܡܘܢ ܒ̈ܢܝܢ ܥܠ ܐܒܗ̈ܬܗܘܢ ܘܝܡܝܬ̈ܘܢ ܝܬ݁ܗܘܢ܃ |
| 010:022 | ܘܐܬܘܢ ܗܘܝܢ ܡܣܬܢܝܢ ܡܢ ܟܘܠܐ ܠܓܠܝܠ ܫܝܡܝ܃ ܗܕܢ ܕܝ ܕܡܣܘܒܪ ܠܫܝܨܘܝ ܗܘ ܚܐܐ |
| 010:032 | ܟܘܠ ܡܢ ܐܘܢ ܕܝܘܕܐ ܒܝ ܩܘܕܡ ܒܢܝ̈ܢܫܐ ܐܘܦ ܐܢܐ ܝܘܕܐ ܒܗ ܩܘܕܡ ܐܒܐ ܕܒܓܘ ܫܘܡܝܐ |
| 010:033 | ܘܡ݁ܢ ܕܝܟܦܪ ܒܝ ܩܘܕܡ ܒܢܝ̈ܢܫܐ ܐܟܦܪ ܐܢܐ ܒܗ ܩܘܕܡ ܐܒܐ ܕܒܓܘ ܫܘܡܝܐ܃ |
| 010:037 | ܘܡ݁ܢ ܕܪܚܡ ܐܒ ܐܝ ܐܝܡ ܣ̈ܓܝ ܡܢ ܕܠܝ ܠܝܬ݁ ܗܘܐ ܫܘܐ ܒܝ܃ ܘܡ݁ܢ ܕܪܚܡ ܒܪ ܐܐ݁ ܒܪܐ ܣ̈ܓܝ ܡܢ ܕܠܝ ܠܝܬ݁ ܗܘ ܫܘܐ ܒܝ܃ |
| 010:038 | ܘܡ݁ܢ ܕܠܐ ܢܣܒ ܨܠܒܗ ܘܐܬܐ ܒܬ݁ܪܝ ܠܝܬ݁ ܗܘ ܫܘܐ ܒܝ܃ |
| 010:039 | ܡ݁ܢ ܕܡܫܟܚ ܢܦܫܗ ܡܘܒܕ ܗܘ ܠܗ܃ ܘܡ݁ܢ ܕܡܘܒܕ ܢܦܫܗ ܠܒܕܝܠܝ ܝܫܟܚ ܝܬ݁ܗ܃ |
| 010:040 | ܡ݁ܢ ܕܡܩܒܠ ܠܟܘܢ ܠܝ ܗܘ ܡܩܒܠ܃ ܘܡ݁ܢ ܕܫܠܚ ܝܬ݁ܝ܃ |
| 010:041 | ܡ݁ܢ ܕܡܩܒܠ ܢܒܐ݁ ܒܫܝܡ ܢܒܐ݁ ܐܓܪ ܕܢܒܐ݁ ܗܘ ܢܣܒ܃ ܘܡ݁ܢ ܕܡܩܒܠ ܨܕܝܩ܃ ܒܫܝܡ ܨܕܝܩ ܐܓܪ ܕܨܕܝܩ ܗܘ ܢܣܒ܃ |
| 010:042 | ܘܡ݁ܢ ܕܝܫܩܐ ܠܚܕ ܡܢ ܗܠܝܢ ܙܥܘܪ̈ܝܐ ܟܣ ܕܩܪܝܪܝܢ ܒܠܚܘܕ ܒܫܝܡ ܬܠܡܝܕ܃ ܐܡܝܢ ܐܡܪ ܐܢܐ ܠܟܘܢ ܕܠܐ ܝܘܒܕ ܐܓܪܗ |
| 011:001 | ܘܗܘܐ ܟܕ ܫܠܡ ܡܪܐ ܝܣܘܣ ܡܦܩܕ ܝܬ݁ܗܘܢ ܠܬ݁ܪܝܥܣܪܬܐ ܠܬܠܡܝܕܘܝ ܦܝ ܡܢ ܬܡܢ ܠܒܕܝܠ ܕܝܠܦ ܘܝܟܪܙ ܒܡܕܝܢܬ݁ܗܘܢ |
| 011:002 | ܫܡܥ ܝܘܚܢܝܣ ܕܝ ܟܕ ܒܒܝܬ ܐܣܝܪܝܐ ܥܘܒܕܘܝ ܕܡܫܝܚܐ܃ ܫܠܚ ܬ݁ܪܝܢ ܡܢ ܬܠܡܕܘܝ |
| 011:003 | ܘܐܡܪ ܠܗ ܐܬ ܗܘ ܕܐܬܐ ܐܐ݁ ܠܚܘܪܝܢ ܐܢܗ ܡܣ̈ܟܝܢ܃ |
| 011:004 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܐܙܠܘ ܘܐܡܘܪܘ ܠܝܚܢܝܣ ܡܐ ܐܬܘܢ ܚܡܝܢ ܘܫܡܥܝܢ܃ |
| 011:005 | ܣܡܝܐ ܚܡܝܢ ܘܡܚܓܪܝܐ ܡܗܠܟܝܢ܃ ܘܓܪܒܝܐ ܡܬ݁ܕܟܝܢ ܘܚܪܫܝܐ ܫܡܥܝܢ ܘܡܝܬ݁ܝܐ ܩܐܡܝܢ ܘܡܣܟܝܢܝܐ ܡܬ݁ܒܣܪܝܢ܃ ܘܛܘܒܘܝ ܡ݁ܢ ܕܠܐ ܝܬܟܫܠ ܒܝ܃ |
| 011:007 | ܘܟܕ ܐܙܠܘ ܠܗܘܢ ܗܠܝܢ ܫܪܝ ܡܪܐ ܝܣܘܣ ܐܡܪ ܠܐܘܟܠܘܣܝܐ ܠܛܒ ܝܘܚܢܝܣ܃ ܡܐ ܢܦܩܬܘܢ ܠܡܕܒܘܪܐ ܕܬ݁ܚܡܘܢ܃ ܩܢܐ ܕܡܢ ܪܘܚܐ ܡܙܕܥܙܥ܃ |
| 011:008 | ܐܠܐ ܡܐ ܢܦܩܬܘܢ ܕܬ݁ܚܡܘܢ܃ ܒܪܢܫ ܡܟܣܐ ܡ̈ܐܢܝܢ ܡܦܢܩܝܢ܃ ܗܐ ܗܠܝܢ ܡܟܣ̈ܝܢ ܡܐܢܝ̈ܐ ܡܦܢܩܝܐ ܒܒܬܝܗܘܢ ܕܡܠܟܝܐ ܗܢܘܢ܃ |
| 011:009 | ܐܠܐ ܡܐ ܢܦܩܬܘܢ ܕܬ݁ܚܡ̈ܘܢ܃ ܢܒܐ݁ ܐܝܢ ܐܡܪ ܐܢܐ ܠܟܘܢ ܕܐܘܦ ܡܝܬܪ ܡܢ ܢܒܐ݁܃ |
| 011:010 | ܗܕܢ ܗܘ ܓܪ ܕܠܛܒܗ ܟܬ݁ܝܒ܃ ܕܗܐ ܐܢܐ ܡܫܠܚ ܡܠܐܟܝ ܩܘܕܡ ܐܦܝܟ ܕܢ ܕܝܫܘܐ ܐܘܪܚܐ ܩܘܕܡܝܟ܃ |
| 011:011 | ܐܡܝܢ ܐܡܪ ܐܢܐ ܠܟܘܢ ܓܪ ܕܠܐ ܩܡ ܒܝܠܝܕܝܗܝܢ ܕܢܝܫܝܐ ܪܒ ܡܢ ܝܘܚܢܝܣ ܡܨܒܥܢܐ ܕܢ ܕܝ ܕܙܥܘܪ ܒܡܠܟܘܬܐ ܕܫܘܡܝܐ ܪܒ ܗܘ ܡܢܗ܃ |
| 011:012 | ܡܢ ܝܘܡܘܝ ܕܝ ܕܝܘܚܢܝܣ ܡܥܡܕܢܐ ܡܠܟܘܬ݁ܗܘܢ ܕܫܘܡܝܐ ܡܬ݁ܥܨܝܐ ܘܥܨܝ<ܐ> ܚܛܦܝܢ ܝܬ݁ܗ܃ |
| 011:013 | ܟܘܠܗܘܢ ܓܪ ܢܒܝܝܐ ܘܢܝܡܘܣܐ ܥܕ ܝܘܚܢܝܣ ܐܬ݁ܢܒܘ܃ |
| 011:014 | ܘܐܢ ܨܒܝܢ ܐܬܘܢ ܕܬ݁ܩܒܠܘܢ܃ ܗܘ ܐܝܬ ܗܘ ܐܠܝܐܣ ܗܕܢ ܕܥܬܕ ܕܝܐܬܐ܃ |
| 011:015 | ܡ݁ܢ ܕܠܗ ܐܕܢܝܢ ܕܝܫܡܘܥ ܝܫܡܘܥ |
| 011:027 | ܟܘܠܐ ܐܬ݁ܡܣܪ ܠܝ ܡܢ ܠܘܬ݁ ܐܒܐ܃ ܘܐܢܫ ܠܐ ܡܟܪ ܠܒܪܐ ܐܠܐ ܐܢ ܐܒܐ܃ ܘܐܘܦ ܠܐ ܠܐܒܐ܃ ܐܢܫ ܠܐ ܡܟܪ ܐܠܐ ܐܢ ܒܪܐ܃ ܘܠܡ݁ܢ ܕܨܒܐ ܒܪܐ ܕܝܓܠܐ ܗܘ ܓܠܐ܃ |
| 011:028 | ܐܬ̈ܘ ܠܘܬ݁ܝ ܟܘܠ ܗܠܝܢ ܕܠܐܝ̈ܢ ܘܛܥ̈ܝܢܝܢ ܡܘ̈ܒܠܝܢ ܘܐܢܐ ܡܢܝܚ ܠܟܘܢ܃ |
| 011:029 | ܣܒ̈ܘ ܢܝܪ ܥܠܝܟܘܢ ܘܝܠ̈ܦܘ ܡܢܝ ܕܐܢܐ ܥܢܘܢ ܘܡܟܝܟ ܒܠܒܝ܃ ܘܐܬܘܢ ܡܫܟ̈ܚܝܢ ܢܝܐܚ ܠܢܦܫ̈ܬܟܘܢ܃ |
| 011:030 | ܢܝܪܝ ܓܪ ܒܣܝܡ ܘܡܘܒܠܝ ܩܠܝܠܐ ܐܝܬ ܗܝ |
| 012:030 | ܡ݁ܢ ܕܠܝܬ݁ ܗܘ ܥܡܝ ܠܩܘܒܠܝ ܗܘ܃ ܘܡ݁ܢ ܕܠܐ ܡܟܢܫ ܥܡܝ ܡܒܕܪ ܐܝܬ݁ܘܝ܃ |
| 012:031 | ܠܒܕܝܠ ܟܕܝܢ ܐܢܐ ܐܡܪ ܠܟܘܢ ܕܟܘܠ ܣܟܠܐ ܘܓܕܦܝܢ ܝܫܬܒ̈ܩܘܢ ܠܟܘܢ ܠܒ̈ܢܝܢܫܐ܃ ܓܕ̈ܦܝܐ ܕܝ ܕܥܠ ܪܘܚܐ ܕܩܘܕܫܐ ܠܐ ܝܫܬܒ̈ܩܘܢ܃ |
| 012:032 | ܘܡ݁ܢ ܕܝܐܡܘܪ ܡܠܐ ܥܠ ܒܪܗ ܕܓܒܪܐ ܝܫܬܒܩ ܠܗ܃ ܘܡ݁ܢ ܕܝܐܡܘܪ ܥܠ ܪܘܚܐ ܕܩܘܕܫܐ ܠܐ ܝܫܬܒܩ ܠܗ ܠܐ ܒܕܝܢ ܥܠܡܐ ܘܠܐ ܒܗܐܘ ܕܥܬܝܕ܃ |
| 012:033 | ܐܐ݁ ܥ̈ܒܕܘ ܐܝܠܢܐ ܛܒ ܘܦܝܪ̈ܘܝ ܛܒܝܢ܃ ܐܐ݁ ܥ̈ܒܝܕ ܐܝܠܢܐ ܒܝܫ ܘܦܝܪ̈ܘܝ ܒܝܫ̈ܝܢ܃ ܡܢ ܦܝܪ̈ܘܝ ܓܪ ܐܝܠܢܐ ܡܬ݁ܝܕܥ܃ |
| 012:034 | ܘ<ܝ>ܠܘܕܝܗܘܢ ܕܟܝܢܝܐ ܗܝܟ ܐܬܘܢ ܝܟܠܝܢ ܕܬ݁ܡܠ̈ܠܘܢ ܛܒܢ ܘܐܬܘܢ ܒ̈ܝܫܝܢ܃ ܡܢ ܡܘܬ݁ܪܘܝ ܓܪ ܠܒܐ ܦܡܐ ܡܡܠܠ |
| 012:035 | ܒܪܢܫܐ ܛܒܐ ܡܢ ܣܝܡ̈ܬܐ ܛܒ̈ܬܐ ܕܒܠܒܗ ܡܦܩ ܛܒ̈ܬܐ ܘܒܪܢܫܐ ܒܝܫܐ ܡܢ ܣܝܡ̈ܬܐ ܒܝܫ̈ܬܐ ܕܒܠܒܗ ܡܦܩ ܒܝܫ̈ܬܐ܃ |
| 012:036 | ܐܡܪ ܐܢܐ ܠܟܘܢ ܕܝ ܕܟܘܠ ܡܠܐ ܒܛܠܐ ܕܝܡܠܠܘܢ ܒ̈ܢܝܢܫܐ ܝܬܠܘܢ ܥܠܝܗ݀ ܚܘܫܒܢ ܒܝܘܡܗ ܕܕܝܢܐ܃ |
| 012:037 | ܡܢ ܡܠܝ̈ܟ ܓܪ ܬ݁ܨܛܕܩ܃ ܘܡܢ ܡܠܝ̈ܟ ܬ݁ܬ݁ܚܝܒ |
| 013:044 | ܕܡܝܐ ܗܝ ܡܠܟܘܬܐ ܕܫܘܡܝܐ ܠܣܝܡܐ ܛܡܝܪܐ ܒܛܘܪܐ܃ ܗܕܐ ܕܐܫܟܚܗ ܒܪܢܫ ܘܛܡܪܗ܃ ܘܡܢ ܚܕ̈ܘܬܗ ܗܘ ܐܙܠ ܘܡܙܒܝܢ ܟܘܠ ܡܐ ܕܗܘܐ ܠܗ ܘܙܒܢ ܝܬ݁ܗ ܛܘܪܐ܃ |
| 013:045 | ܬܘܒܢ ܕܡܝܐ ܗܝ ܡܠܟܘܬܐ ܕܫܘܡܝܐ ܠܒܪܢܫ ܬܓܪ ܕܒܥܐ ܡܪܓܠܝܐ<ܢ> ܛܒܢ܃ |
| 013:046 | ܟܕ ܕܝ ܐܫܟܚ ܚܕܐ ܡܪܓܠܝ ܣܓܝܐܬ݁ ܕܡ<ܝ>ܢ ܐܙܠ ܘܙܒܝܢ ܟܘܠ ܡܐ ܕܗܘܐ ܠܗ ܘܙܒܢ ܝܬ݁ܗ܃ |
| 013:047 | ܬܘܒܢ ܕܡܝܐ ܗܝ ܡܠܟܘܬܐ ܕܫܘܡܝܐ ܠܡܨܕܐ ܕܐܬ݁ܪܡܝܐܬ݁ ܠܓܘ ܝܡܐ܃ ܘܡܢ ܟܘܠ ܓܢ̈ܣ ܟܢܫܬ݁܃ |
| 013:048 | ܘܟܕ ܐܬ݁ܡܠܝܬ݁ ܐܣܩ̈ܘ ܝܬܗ ܥܠ ܓܝܐܠܐ܃ ܘܝ̈ܬܒܘ ܠܩ̈ܛܘ ܛܒ̈ܝܐ ܠܡܐܢ̈ܝܗܘܢ ܘܒ̈ܝܫܝܐ ܫܕܘ̈ ܠܒܪ܃ |
| 013:049 | ܗܟܕܝܢ ܗܘܐ ܒܫܝܨܘܝܗ ܕܥܠܡܐ ܢܦ̈ܩܝܢ ܡ̈ܠܐܟܝܐ ܘܡܦܪ̈ܝܫܝܢ ܒܝܫ̈ܝܐ ܡܢ ܒܝܢ ܨ̈ܕܝܩܝܐ܃ |
| 013:050 | ܘܪ̈ܡܝܢ ܠܗܘܢ ܠܩܡܝܢܐ ܕܢܘܪܐ܃ ܬ݁ܡܢ ܗܘܐ ܒܘܟܝܐ ܘܚܪ̈ܘܩܝܗܝܢ ܕܫ̈ܝܢܝܐ܃ |
| 013:051 | ܘܐܡܪ ܠܗܘܢ ܡܪܐ ܝܣܘܣ ܝܕ̈ܥܬܘܢ ܘܐܬ݁ܒܘܢܢܬܘܢ ܒܗ̈ܠܝܢ ܟܘܠܗܘܢ ܐܡܪ̈ܝܢ ܠܗ ܐܝܢ܃ |
| 013:052 | ܐܡܪ ܠܗܘܢ ܠܓܠܠ ܟܕܢ ܟܘܠ ܣܦܪ ܕܡܬ݁ܠܡܕ ܠܡܠܟܘܬܐ ܕܫܘܡܝܐ ܕܡܐ ܗܘ ܠܒܪܢܫ ܡܪܐ ܒܐܝ ܕܢ ܕܡܦܩ ܡܢ ܐܘܨܪܗ ܚܕܬ݁ܢ ܘܥ̈ܬܝܩܢ܃ |
| 013:053 | ܘܗܘܐ ܟܕ ܫܠܡ ܡܪܐ ܝܣܘܣ ܗ̈ܠܝܢ ܡܬܠ̈ܝܐ ܦܢܝ ܡܢ ܬܡܢ |
| 013:054 | ܘܐܬܐ ܠܡܕܝܢܬܐ ܕܝܠܗ܃ ܘܗܘܐ ܡܠܦ ܠܗܘܢ ܒܟ̈ܢܝܫܬ݁ܗܘܢ |
| 014:014 | ܘܟܕ ܢܦܩ ܝܫܘܥ ܚܡܐ ܐܘܟܠܣ̈ܐ ܣܓܝ ܐܬ݁ܪܚܡ ܥܠܝܗܘܢ܃ ܘܐܣܝ ܒܐܝܫܝܗܘܢ |
| 014:015 | ܘܟܕ ܕܝ ܗܘܐ ܪܡܫܐ ܩܪ̈ܒܘ ܠܗ ܬܠܡ̈ܝܕܘܝ ܘܐܡܪ̈ܝܢ ܐܬ݁ܪܐ ܡܕܒܪ܃ ܘܫܥܬܐ ܟܒܪ ܥܒܪܬ݁܃ ܦܢܝ ܐܘܟܠܣ̈ܝܐ ܕܝܐܙܠܘܢ ܠܩܘܪ̈ܝܐ ܕܩܪ̈ܝܒܢ ܕܝܙܒܘܢܘܢ ܠܗܘܢ ܡܝܟ̈ܘܠܝܢ܃ |
| 014:016 | ܡܪܐ ܝܣܘܣ ܕܝ ܐܡܪ ܠܗܘܢ܃ ܠܐ ܨܪ̈ܝܟܝܢ ܕܝܐܙܠܘܢ ܗ̈ܒܘ ܠܗܘܢ ܐܬܘܢ ܕܝܐܟ̈ܘܠܘܢ܃ |
| 014:017 | ܗܢܘܢ ܕܝ ܐܡܪ̈ܘ ܠܗ ܠܝܬ݁ ܠܢ ܟܐ ܐܠܐ ܚܡܝܫ ܠܚܡ ܘܬ݁ܪܝܢ ܢ̈ܘܢܝܢ܃ |
| 014:018 | ܗܘ ܕܝ ܐܡܪ ܐܝܬ݁ܘ ܝܬ݁ܗܘܢ ܠܟܐ܃ |
| 014:019 | ܘܦܩܕ ܠܐܘܟܠܘܣ̈ܝܐ ܕܝܪ̈ܒܘܥܘܢ ܥܠ ܥܣܒܐ ܘܢܣܒ ܚܡܝܫܬܐ ܠܚܡ̈ܐ ܘܬ݁ܪܝܢ ܢܘܢ̈ܝܐ܃ ܘܐܕܝܩ ܠܫܘܡܝܐ ܘܒܪܟ ܘܩܨܐ ܘܝܗܒ ܠܚܡܐ ܠܬܠܡ̈ܝܕܝܐ܃ ܘܬܠ̈ܡܝܕܝܐ ܠܐܘܟܠܘܣ̈ܝܐ |
| 014:020 | ܘܐܟ̈ܠܘ ܟܘܠܗܘܢ ܘܣ̈ܒܥܘ ܘܐܪ̈ܝܡܘ ܡܘܬ݁ܪ̈ܝܐ ܕܩܨ̈ܝܐ ܬܪܝܥܣܪ ܣܠܝ̈ܢ ܡܠܝ̈ܢ܃ |
| 014:021 | ܗܠܝܢ ܕܝ ܕܐܟ̈ܠܘ ܗܘܘ ܗܝܟ ܚܡܝ̈ܫܐ ܐܠܦܝܢ ܕܓܒܪ̈ܝܢ ܠܒܪ ܡܢ ܢܝ̈ܫܝܢ ܘܛܠܝ̈ܢ |
| 014:022 | ܘܫܘܐ ܐܢܣ ܠܬܠ̈ܡܝܕܝܐ ܕܝܣܘܩܘܢ ܠܐܠܦܐ ܘܝܩܕܡܘܢ ܝܬ݁ܗ ܠܥܒܪܐ ܥܕܡܐ ܕܝܦܢܐ ܠܐܘܟܠܘܣ̈ܝܐ ܘܫܘܐ ܐܢܣ ܝܣܘܣ ܠܬܠ̈ܡܝܕܝܐ ܕܝܣ̈ܘܩܘܢ ܠܐܠܦܐ ܘܝܩܕܡ̈ܘܢ ܝܬ݁ܗ ܠܥܒܪܐ ܥܕܡܐ ܕܝܦܢܐ ܠܐܘܟܠܘܣ̈ܝܐ |
| 014:023 | ܘܣܠܩ ܠܛܘܪܐ ܠܡܨܠܝܘ ܘܟܕ ܗܘܐ ܪܡܫܐ ܗܘ ܒܠܚܘܕܘܝ ܗܘܐ ܬ݁ܡܢ܃ |
| 014:024 | ܐܠܦܐ ܕܝ ܟܒܪ ܗܘܬ݁ ܪܚܝܩܐ ܡܢ ܐܪܥܐ ܐܣ̈ܛܕܝܢ ܣܓܝ܃ ܒܡܨܥܗ ܕܝܡܐ ܡܨܛܥܪܐ ܡܢ ܓ̈ܠܠܝܐ܃ ܗܘܐ ܓܪ ܪܘܚܐ ܩܐܝܡ ܠܩܘܒܠܗܘܢ܃ |
| 014:025 | ܒܡܛܪܬܐ ܕܝ ܪܒܝܥܝܬܐ ܕܠܝܠܝܐ ܐܬܐ ܠܘܬ݁ܗܘܢ ܡܪܐ ܝܣܘܣ ܡܗܠܟ ܥܠ ܡܝܐ܃ |
| 014:026 | ܘܬܠ̈ܡܕܝܐ ܟܕ ܚܡܘ̈ ܝܬ݁ܗ ܡܗܠܟ ܥܠ ܝܡܐ ܐܬܥܪ̈ܒܒܘ ܐܡܪ̈ܝܢ ܕܡܚܡܘܝ ܗܘ܃ ܘܡܢ ܕܚܠܬܐ ܐܨܝܚ̈ܘ |
| 014:027 | ܘܫܘܐ ܡܠܠ ܠܗܘܢ ܡܪܐ ܝܣܘܣ ܐܡܪ ܐܬ݁ܚܝܠܘ ܐܢܐ ܗܘ ܠܐ ܬܕܚܘܠܘܢ܃ |
| 014:028 | ܐܓܝܒ ܦܛܪܘܣ ܘܐܡܪ ܠܗ܃ ܡܪܐ ܐܢ ܐܬ ܗܘ ܫܠܛ ܝܬ݁ܝ ܕܝܐܬܐ ܠܘܬ݁ܟ ܡܗܠܟ ܥܠ ܡܝܐ܃ |
| 014:029 | ܗܘ ܕܝ ܐܡܪ ܠܗ ܐܬܐ܃ ܘܢܚܬ݁ ܦܛܪܘܣ ܡܢ ܐܠܦܐ ܘܗܠܟ ܥܠ ܡܝܐ ܕܝܐܬܐ ܠܘܬ݁ ܡܪܐ ܝܣܘܣ܃ |
| 014:030 | ܚܡܐ ܕܝ ܪܘܚܐ ܚܝܘܠ ܘܕܚܠ ܘܫܪܝ {ܕܝܘܛܡ} [B̈ ܕܝܛܡܥ]܃ ܘܐܨܝܚ ܘܐܡܪ ܡܪܝ ܐܚܝ ܝܬ݁ܝ܃ |
| 014:031 | ܘܫܘܐ ܕܝܦܫܛ ܡܪܐ ܝܣܘܣ ܐܝܕܗ ܘܨܕܗ ܘܐܡܪ ܠܗ ܙܥܘܪ ܗܝܡܢܘܬܐ ܠܡܐ ܐܬܦ̈ܠܓܬ܃ |
| 014:032 | ܘܟܕ ܣܠܩ ܠܐܠܦܐ ܫܠܐ ܪܘܚܐ܃ |
| 014:033 | ܗ̈ܠܝܢ ܐܘܢ ܕܗܘܘ ܒܐܠܦܐ ܩܪ̈ܒܘ ܣ̈ܓܕܘ ܠܗ ܘܐܡܪ̈ܝܢ܃ ܩܫܝܛܐܝܬ݁ ܐܬ ܗܘ ܒܪܗ ܕܐܠܗܐ܃ |
| 014:034 | ܘܟܕ ܥܒܪ̈ܘ ܐܬ݁ܘ ܥܠ ܐܪܥܐ ܕܓܢܣܪ |
| 015:021 | ܒܗܘ ܕܝ ܙܒܢܐ ܐܬܐ ܝܫܘܥ ܠܬܚܘܡܐ ܕܨܘܪ ܘܕܨܝܕܢ |
| 015:022 | ܘܗܐ ܐܬܬܐ ܟܢܥܢܝܬܐ ܡܢ ܬܚ̈ܘܡܐ ܗܢܘܢ ܢܦܩܬ݁ ܟܕ ܩܥܝܐ ܘܐܡܪܐ ܐܬܪܚܡ ܥܠܝ ܡܪܝ ܒܪܗ ܕܕܘܝܕ ܒܪܬܝ ܒܝܫܐܝܬ݁ ܡܬ݁ܕܒܪܐ ܡܢ ܫܝܕܐ |
| 015:023 | ܗܘ ܕܝ ܠܐ ܦܢܝ ܠܗ ܦܬ݁ܓܡܐ܃ ܘܩܪ̈ܒܘ ܬܠܡܝ̈ܕܘܝ ܒ̈ܥܘ ܡܢܗ ܘܐܡܪ̈ܝܢ ܫܪܝ ܝܬܗ ܕܩܥܝܐ ܒܬ݁ܪܢ |
| 015:024 | ܗܘ ܕܝ ܥܢܐ ܘܐܡܪ ܠܗܘܢ ܠܐ ܐܫܬܕܪܬ݁ ܐܠܐ ܠܘܬ݁ ܥܪ̈ܒܐ ܕܐܒ̈ܕܘ ܡܢ ܒܝܬ݁ ܐܝܣܪܐܝܠ |
| 015:025 | ܗܝ ܕܝܢ ܐܬ݁ܬܐ ܣܓܕܬ ܠܗ ܘܐܡܪܬ݁ |
| 015:026 | ܠܚܡܐ ܕܒ̈ܢܝܐ ܠܡܪܡܝܘ ܠܟܠ̈{ܟ}<ܒܝ>ܐ |
| 015:027 | ܗܝ ܕܝ ܐܡܪܬ݁ ܐܝܢ ܡܪܝ ܐܘܦ ܟ̈ܠܒ<ܝ>ܐ ܐܟ̈ܠܝܢ ܡܢ ܦܪ̈ܬܘܬܐ ܕܢ̈ܦܠܝܢ ܡܢ ܦܬܘܪ̈ܐ ܕܡܪ̈ܝܗܝܢ ܘܚܐܝ̈ܝܢ |
| 015:028 | ܗܝܕܢ ܐܡܪ ܠܗ ܝܫܘܥ ܐܘ ܐܬܬܐ ܪܒ{ܬ݁}ܐ ܗܝ ܗܝܡܢܘܬ݁ܟܝ܃ ܢܗܘܐ ܠܟܝ ܐܝܟ ܕܨܒܝܐ ܐܢܬܝ |
| 015:032 | ܗܘ ܕܝ ܡܪܐ ܝܣܘܣ ܩܪܐ ܠܬܪܝܥܣܪܬܐ ܬܠܡܝ̈ܕܘܗܝ܃ ܘܐܡܪ ܠܗܘܢ ܡܬ݁ܪܚܡ ܐܢܐ ܥܠ ܗܕܝܢ ܐܘܟܠܣܐ ܕܗܐ ܟܒܪ ܬ݁ܠ̈ܬܐ ܝܘܡܝܢ ܗܢܘܢ ܡܟܬܪ̈ܝܢ ܠܝ ܘܠܝܬ݁ ܠܗܘܢ ܡܐ ܕܝܐܟܘܠܘܢ܃ ܘܕܝܦܢܐ ܝܬ݁ܗܘܢ ܨܐܡܝܢ ܠܝܬ݁ ܐܢܐ ܨܒܐ ܕܠܐ ܐܡܬ݁ܝ ܝܥܘܦܘܢ ܒܐܘܪܚܐ܃ |
| 015:033 | ܘܐܡܪ̈ܝܢ ܠܗ ܬܠܡܝ̈ܕܝܐ ܡܢ ܗܢ ܐܘܢ ܠܢ ܒܡܕܒܪܐ ܠܚܡ ܟܘܠ ܟܕܝܢ ܗܝܟ ܕܢܣܒܥ ܐܘܟܠܘܣ ܕܟܕܝܢ܃ |
| 015:034 | ܘܐܡܪ ܠܗܘܢ ܡܪܐ ܝܣܘܣ ܟܡܐ ܠܚܡ ܥܡܟܘܢ܃ ܗܢܘܢ ܕܝ ܐܡܪ̈ܘ ܫܘܒܥ ܘܨܝܒܚܕ ܢܘ̈ܢܝܢ܃ |
| 015:035 | ܘܦܩܕ ܠܐܘܟܠܘܣܐ ܕܝܪ̈ܒܘܥܘܢ ܥܠ ܐܪܥܐ܃ |
| 015:036 | ܘܢܣܒ ܫܘܒܥܬܐ ܠܚܡ̈ܐ ܘܢܘ̈ܢܝܐ܃ ܘܐܫܬܘܕܝ ܘܩܨܐ ܘܗܘܐ ܝܗܒ ܠܬܠܡ̈ܝܕܝܐ ܘܬܠܡ̈ܝܕܝܐ ܠܐܘܟ̈ܠܣܝܐ܃ |
| 015:037 | ܘܐܟ̈ܠܘ ܟܘܠܗܘܢ ܘܣ̈ܒܥܘ܃ ܘܡܘܬ݁ܪ̈ܝܐ ܕܝ ܕܩ̈ܨܝܐ ܐܪ̈ܝܡܘ ܫܘܒܥ ܩ̈ܘܦܝܢ ܡ̈ܠܝܐܢ܃ |
| 015:038 | ܗܠܝܢ ܕܝ ܐܟ̈ܠܘ ܗܘܘ ܗܝܟ ܐܪ̈ܒܥܐ ܐܠܦܝܢ ܕܓܒܪ̈ܝܢ ܠܒܪ ܡܢ ܢܝ̈ܫܝܢ ܘܛܠܝ̈ܢ܃ |
| 015:039 | ܘܟܕ ܦܢܐ ܠܐܘܟ̈ܠܘܣ̈ܝܐ ܣܠܩ ܠܐܠܦܐ ܘܐܬܐ ܠܬܚܘܡܝܐ ܕܡ̈ܓܕܝܢ |
| 016:013 | ܘܟܕ ܐܬܐ ܡܪܐ ܝܣܘܣ ܠܐܬ݁ܪܝܐ ܕܩܝܣܪܝܐ ܕܦܝܠܝܦܘܣ܃ ܒܟܢ ܗܘܐ ܫܐܝܠ ܠܬܠ̈ܡܕܘܝ ܘܐܡܪ܃ ܡ݁ܢ ܐܡܪ̈ܝܢ ܒܢܝ̈ܢܫܐ ܕܗܘ ܒܪܗ ܕܓܒܪܐ܃ |
| 016:014 | ܗܢܘܢ ܕܝ ܐܡܪ̈ܘ ܠܗ܃ ܐܝܬ݁ ܡܢܗܘܢ ܕܐܡܪ̈ܝܢ ܝܘܚܢܝܣ ܡܥܡܕܢܐ܃ ܚܘܪ̈ܢܝܢ ܕܝ ܐܠܝܐܣ܃ ܚܘܪ̈ܢܝܢ ܕܝ ܐܪܡܝܐ܃ ܐܐ݁ ܚܕ ܡܢ ܢܒܝܝ̈ܐ܃ |
| 016:015 | ܐܡܪ ܠܗܘܢ ܝܣܘܣ ܐܬܘܢ ܕܝ ܡܢ ܐܬܘܢ ܐܡܪ̈ܝܢ ܥܠܐܝ ܕܐܢܐ܃ |
| 016:016 | ܐܓܝܒ ܣܝܡܘܢ ܧ̈ܛܪܘܣ ܘܐܡܪ ܐܬ ܗܘ ܡܫܝܚܐ ܒܪܗ ܕܐܠܗܐ ܚܝܐ܃ |
| 016:017 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗ܃ ܛܘܒܝܟ ܣܝܡܘܢ ܒܪ ܝܘܢܐ ܕܒܣܪ ܘܐܕܡ ܠܐ ܓܠܐ ܠܟ ܐܠܐ ܐܒܐ ܕܒܓܘ ܫܘܡܝܐ܃ |
| 016:018 | ܘܐܘܦ ܐܢܐ ܐܡܪ ܠܟ ܕܠܐ ܗܘ ܧ̈ܛܪܘܣ܃ ܘܥܠ ܗܕܐ ܟܝܦܐ ܐܢܐ ܒܢܝ ܟܢܝܫܬܝ܃ ܘܬܪ̈ܥܝܗ݀ ܕܝܫܝܘܠ ܠܐ ܝܬ݁ܚܝܠܘܢ ܥܠܝܗ݀܃ |
| 016:019 | ܘܝܬܠ ܠܟ ܕܝ ܡܦܬ̈ܚܝܐ ܕܡܠܟܘܬܐ ܕܫܘܡܝܐ܃ ܘܡܐ ܕܬܝܣܘܪ ܥܠ ܐܪܥܐ܃ ܝܗܐ ܐܣܝܪ ܒܓܘ ܫܘܡܝܐ܃ ܘܗܐ ܕܬܫܪܐ ܥܠ ܐܪܥܐ ܝܗܐ ܫܪܐ ܒܓܘ ܫܘܡܝܐ܃ |
| 017:001 | ܘܕܒܪ ܡܪܢ ܝܣܘܣ ܠܧ̈ܛܪܘܣ ܘܠܝܥܩܘܒܘܣ ܘܠܝܘܚܢܝܣ ܐܚܘܗ ܘܐܣܩ ܝܬ݁ܗܘܢ ܠܛܘܪ ܪܡ ܠܓܪܡܗܘܢ܃ |
| 017:002 | ܘܐܬ݁ܚܠܦ ܗܘ ܡܪܐ ܝܣܘܣ ܩܘܕܡܝܗܘܢ܃ ܘܢܗ{ܘ}ܪܘ ܐܦ̈ܘܝ ܗܝܟ ܕܫܝܡܫܐ ܡܐܢܘܝ ܕܝ ܐܬ݁ܥܒܕܘ ܚܘܪ̈<ܝ>ܢ ܗܝܟ ܕܢܗܘܪܐ܃ |
| 017:003 | ܘܐܬ݁ܚܡ̈ܘ ܠܗܘܢ ܡܘܫܐ ܘܐܠܝܐ ܡ̈ܡܠܠܝܢ ܥܡܗ܃ |
| 017:004 | ܐܓܝܒ ܕܝ ܧ̈ܛܪܘܣ ܘܐܡܪ ܠܡܪܐ ܝܣܘܣ ܡܪܝ ܛܒ ܗܘ ܠܢ ܕܢܗܐ ܟܐ܃ ܘܐܢ ܐܬ ܨܒܐ ܕܢܥܒܕ ܟܐ ܬ݁ܠܬ݁ ܡ̈ܛܠܝܢ ܠܟ ܚܕܐ܃ ܘܠܐܠܝܐ ܚܕܐ܃ ܘܠܡܘܫܐ ܚܕܐ܃ |
| 017:005 | ܘܥܕ ܗܘ ܡܡܠܠ ܗܐ ܐܢ ܥܢܢ ܢܗܝܪ ܐܛܠ ܥܠܝܗܘܢ܃ ܘܗܐ ܩܠܐ ܡܢ ܓܘ ܥܢܢܐ ܐܡܪ ܗܕܢ ܗܘ ܒܪܝ ܚܒܝܒܝ ܕܒܗ ܨܒܬ݁ ܠܗ ܗܘܘ ܫ̈ܡܥܘ |
| 017:006 | ܬܠܡ̈ܝܕܘܝ ܢ̈ܦܠܘ ܥܠ ܐܦ̈ܝܗܘܢ܃ ܘܕܚ̈ܠܘ ܠܚܕܐ܃ |
| 017:007 | ܘܩܪܒ ܡܪܐ ܝܣܘܣ ܘܐܛܚ ܒܗܘܢ ܘܐܡܪ ܠܐ ܬ݁ܕܚܘܠܘܢ |
| 017:008 | ܘܬܠ̈ܘ ܥ̈ܝܢܝܗܘܢ ܘܠܐ ܚ̈ܡܘ ܠܐܢܫ ܐܬܐ ܐܢ ܠܡܪܐ ܝܣܘܣ ܒܠܚܘܕ܃ |
| 017:009 | ܘܟܕ ܢܚ̈ܬܘ ܡܢ ܛܘܪܐ ܦܩܕ ܝܬ݁ܗܘܢ ܡܪܐ ܝܣܘܣ ܐܡܪ܃ ܠܐܢܫ ܠܐ ܬܝܡܘܪ̈ܘܢ ܗܢܐ ܥܕܡܐ ܕܝܩܘܡ ܒܪܗ ܕܓܒܪܐ ܡܢ ܒܝܢ ܡܝܬ̈ܝܐ |
| 017:010 | ܘܫܐܠܘ ܝܬ݁ܗ ܬܠܡܝܕܝܐ ܐܡܪܝܢ ܡܐ ܗܘ ܕܣܦܪܝܐ ܐܡܪܝܢ ܕܧܢܛܘܣ ܠܐܠܝܐ ܕܝܐܬܐ ܩܡܐܝ |
| 017:011 | ܡܪܐ ܝܣܘܣ ܕܝ ܐܡܪ ܠܗܘܢ ܐܝܠܝܐܣ ܡܢ ܐܬܐ ܘܗܘ ܡܩܝܡ ܟܘܠܐ |
| 017:012 | ܐܡܪ ܐܢܐ ܠܟܘܢ ܕܝ ܕܐܝܠܝܐܣ ܟܒܪ ܐܬܐ ܘܠܐ ܐܟܪܘ ܝܬ݁ܗ ܐܠܐ ܥܒܕܘ ܠܗ ܟܘܠ ܡܐ ܕܨܒܘ ܗܟܕܢ ܐܘܦ ܒܪܗ ܕܓܒܪܐ ܥܬܝܕ ܕܝܚܘܫ ܡܢܗܘܢ |
| 017:013 | ܒܟܢ ܐܬ݁ܒܘܢܢܘ ܬܠܡܝܕܝܐ ܕܥܠ ܕܛܒܗ ܕܝܘܚܢܝܣ ܡܨܒܥܢܐ ܐܡܪ ܠܗܘܢ |
| 017:014 | ܘܟܕ ܐܬ݁ܘ ܠܘܬ݁ ܐܘܟ̈ܠܣܐ ܩܪܒ ܠܗ ܚܕ ܒܪܢܫ ܩܥܕ ܥܠ ܐܪܟܘܒܬ݁ܗ |
| 017:015 | ܘܐܡܪ ܡܪܝ ܐܬ݁ܪܚܡ ܥܠ ܒܪܝ ܕܗܘ ܡܬ݁ܢܣ{ܐ} ܡܢ ܒܢܬ݁ ܙܗܪܝܢ ܘܒܝܫܐܝܬ݁ ܗܘ ܚܫܫ ܣܓܝ ܙܒܢܝܢ ܓܪ ܗܘ ܢܦܠ ܠܢܘܪܐ ܘܣܓܝ ܙܒܢܝܢ ܠܡܝܐ |
| 017:016 | ܘܩܪܒܬ ܝܬ݁ܗ ܠܬܠܡܝܕܝܟ ܘܠܐ ܝܟܠܘ ܕܝܐܣܘܢ ܝܬ݁ܗ܃ |
| 017:017 | ܒܟܝܢ ܐܓܝܒ ܡܪܐ ܝܣܘܣ ܐܡܪ ܐܘ ܕܪܐ ܗܕܢ ܕܠܐ ܡܗܝܡܢ ܘܡܗܦܟ ܥܕ ܐܡܬ݁ܝ ܐܢܐ ܗܘܐ ܥܡܟܘܢ ܥܕ ܐܡܬ݁ܝ ܕܝ ܝܣܘܒܪ ܡܢܟܘܢ ܐܝܬ݁ܘ ܝܬ݁ܗ ܠܝ ܠܟܐ |
| 017:018 | ܘܙܥܦ ܒܗ ܡܪܐ ܝܣܘܣ ܘܢܦܩ ܡܢܗ ܫܝܕܐ ܘܐܬܣܝ ܛܠܝܐ ܡܢ ܗܝ ܫܥܬܐ |
| 017:019 | ܒܟܢ ܩܪܒܘ ܬܠܡܝܕܝܐ ܠܡܪܐ ܝܣܘܣ ܒܝܢܗܘܢ ܠܒܝܢܗ ܘܐܡܪܘ ܠܡܐ ܐܢܗ ܠܐ ܝܟܠܢܗ ܕܢܦܩ ܝܬ݁ܗ |
| 017:020 | ܗܘ ܕܝ ܐܡܪ ܠܗܘܢ ܠܓܠܠ ܙܥܘܪܘܬ݁ ܗܝܡܢܘܬ݁ܟܘܢ ܐܡܝܢ ܓܪ ܐܡܪ ܐܢܐ ܠܟܘܢ ܕܐܢ ܬ݁ܗܐ ܒܟܘܢ ܗܝܡܢܘ ܗܝܟ ܦܪܛܐ ܕܚܪܕܠ ܬܝܡܘܪܘܢ ܠܗܕܢ ܛܘܪܐ ܦܢܝ ܡܢ ܟܐ ܠܗܠ ܘܝܦܢܐ ܘܟܘܠܡ ܠܐ ܝܬ݁ܩܫܐ ܠܟܘܢ |
| 017:022 | ܘܗܝܟ ܕܗܢܘܢ ܚܓܠܝܢ ܕܓܠܝܠܐ ܐܡܪ ܠܗܘܢ ܡܪܐ ܝܣܘܣ ܥܬܝܕ ܗܘ ܒܪܗ ܕܓܒܪܐ ܕܝܐܬ݁ܡܣܪ ܠܐܝܕܐ <ܕ>ܒܢܝܢܫ |
| 017:023 | ܘܝܩܛܘܠܘܢ ܝܬ݁ܗ ܘܠܝܘܡܐ ܬ݁ܠܝܬ݁ܝܐ ܝܩܘܡ |
| 017:014 | ܘܟܕ ܐܬܐ ܠܘܬ݁ ܐܘܟ̈ܠܘܣ̈ܐ ܩܪܒ ܠܗ ܚܕ ܒܪܢܫ ܩܥܕ ܥܠ ܐܪܟܘܒܬ݁ܗ |
| 017:015 | ܘܐܡܪ ܡܪܝ܃ ܐܬ݁ܪܚܡ ܥܠ ܒܪܝ ܕܗܘ ܡܬ݁ܢܣ{ܐ} ܡܢ ܒܢܬ݁ ܙܗܪ̈ܝܢ ܘܒܝܫܐܝܬ݁ ܗܘ ܚܫܫ܃ ܘܣܓܝ ܙܒܢ̈ܝܢ ܓܪ ܗܘ ܢܦܠ ܠܢܘܪܐ ܘܣܓܝ ܙ̈ܒܢܝܢ ܠܡܝܐ܃ |
| 017:016 | ܘܩܪܒܬ݁ ܝܬ݁ܗ ܠܬܠ̈ܡܝܕܝܟ ܘܠܐ ܝܟ̈ܠ ܕܝܐܣܘܢ ܝܬ݁ܗ܃ |
| 017:017 | ܒܟܝܢ ܐܓܝܒ ܡܪܐ ܝܣܘܣ ܐܡܪ ܐܘ ܕܪܐ ܗܕܝܢ ܕܠܐ ܡܗܝܡܢ ܘܡܗܦ̈ܟ ܥܕ ܐܡܬ݁ܝ ܐܢܐ ܗܘ ܥܡܟܘܢ܃ ܥܕ ܐܡܬ݁ܝ ܕܝܣܘܒܪ ܡܢܟܘܢ ܐܝܬ݁ܘ ܝܬ݁ܗ ܠܝ ܠܟܐ |
| 017:018 | ܘܙܥܦ ܒܗ ܡܪܐ ܝܣܘܣ ܘܢܦܩ ܡܢܗ ܫܝܕܐ܃ ܘܐܬ݁ܣܝ ܛܠܝܐ ܡܢ ܗܝ ܫܥܬܐ܃ |
| 017:019 | ܒܟܝܢ ܩܪ̈ܒܘ ܬܠܡ̈ܝܕܝܐ ܠܡܪܐ ܝܣܘܣ ܒ̈ܝܢܗܘܢ ܠܒܝܢܗ܃ ܘܐܡܪ̈ܘ ܠܡܐ ܐܢܗ܃ ܠܐ ܝܟ̈ܠܢܗ ܕܢܦܩ ܝܬ݁ܗ܃ |
| 017:020 | ܗܘ ܕܝ ܐܡܪ ܠܗܘܢ ܠܓܠܠ ܙܥܘܪܘܬ݁ ܗܝܡܢܘܬ݁ܟܘܢ܃ ܐܡܝܢ ܓܪ ܐܡܪ ܐܢܐ ܠܟܘܢ ܕܐܢ ܬ݁ܗܐ ܒܟܘܢ ܗܝܡܢܘ ܗܝܟ ܦܪܛܐ ܕܚܪܕܠ ܬܡܘܪ̈ܘܢ ܠܗܕܢ ܛܘܪܐ ܦܢܝ ܡܢ ܟܐ ܠܗܠ ܘܝܦܢܐ܃ ܘܟܘܠܡ ܠܐ ܝܬ݁ܩܫܐ ܠܟܘܢ |
| 017:022 | ܘܗܝܟ ܕܗܢܘܢ ܚ̈ܓܠܝܢ ܒܓܠܝܠܐ ܐܡܪ ܠܗܘܢ ܡܪܐ ܝܣܘܣ ܥܬܝܕ ܗܘ ܒܪܗ ܕܓܒܪܐ ܕܝܐܬ݁ܡܣܪ ܠܐܝܕܐ ܒܢܝ̈ܢܫ |
| 017:023 | ܘܝܩܛܘܠܘܢ ܝܬ݁ܗ ܘܠܝܘܡܐ ܬ݁ܠܝܬ݁ܝܐ ܝܩܘܡ |
| 017:024 | ܟܕ ܕܝ ܐܬ̈ܘ ܩܪ̈ܒܘ ܗ̈ܠܝܢ ܕܢܣܒ̈ܝܢ ܙܘܙܝܐ ܘܐܡܪ̈ܘ ܠܣܡܥܐܢ ܡܠܦܢܟܘܢ ܠܐ ܓܙܐ ܕܙܘܙ̈ܝܐ |
| 017:025 | ܐܡܪ ܐܝܢ܃ ܟܕ ܥܠ ܠܓܘ ܒܝܬܐ ܩܕܡܗ ܡܪܐ ܝܣܘܣ ܘܐܡܪ܃ ܡܐ ܗܢܐ ܠܟ ܦܛܪܘܣ܃ ܡܠܟ̈ܝܐ ܕܐܪܥܐ ܡܢ ܡܢ ܢܣ̈ܒܝܢ ܡܟܣ̈ܐ ܐܐ݁ ܩܝܣܘܢ܃ ܡܢ ܒܢܝܗ̈ܘܢ ܐܐ݁ ܡܢ ܢܘܟܪ̈ܝܐ܃ |
| 017:026 | ܗܘ ܕܝ ܐܡܪ ܡܢ ܢܘܟܪ̈ܝܐ܃ ܟܕ ܕܝ ܐܡܪ ܠܗ ܡܪܐ ܝܣܘܣ ܗܘܐ ܐܘܢ ܒ̈ܢܝܐ ܚܪ̈ܝܢ ܗܢܘܢ ܒ̈ܢܝܐ܃ |
| 017:027 | ܠܓܠܠ ܕܝ ܕܠܐ ܢܟܫܘܠ ܝܬ݁ܗܘܢ ܐܙܠ ܠܝܡܐ ܘܪܡܝ ܨܢܘܪܝܬܐ ܘܢܘܢܐ ܩܡܝܐ ܕܣܠܩ ܣܒ ܘܦܬ݁ܘܚ ܦܡܗ ܘܐܬ ܡܫܟܚ ܐܣܛܛܝܪ܃ ܝܬ݁ܗ ܘܗܒ ܠܗܘܢ ܚܘܠܦܐܝ ܘܚܘܠܦܝܟ܃ |
| 018:001 | ܒܗ ܒܗܐܘ ܝܘܡܐ ܩܪ̈ܒܘ ܬܠ̈ܡܝܕܝܐ ܠܡܪܐ ܝܣܘܣ ܐܡܪ̈ܝܢ ܡܢ ܐܪܐ ܪܒ ܒܡܠܟܘܬܐ ܕܫܘܡܝܐ܃ |
| 018:002 | ܘܩܪܐ ܡܪܐ ܝܣܘܣ ܛܠܝܐ ܘܐܩܝܡ ܝܬ݁ܗ ܒܡܨܥܬ݁ܗܘܢ |
| 018:003 | ܘܐܡܪ܃ ܐܡܝܢ ܐܡܪ ܐܢܐ ܠܟܘܢ܃ ܕܐܢ ܠܐ ܬܬܘܒ̈ܘܢ ܘܬܗܘ̈ܢ ܗܝܟ ܛܠܝܐ ܠܐ ܬܝܥܘܠܘܢ ܠܡܠܟܘܬܐ ܕܫܘܡܝܐ |
| 018:004 | ܟܘܠ ܐܘܢ ܕܝܡܟܡܟ ܓܪܡܗ ܗܝܟ ܗܕܝܢ ܛܠܝܐ ܗܕܢ ܐܝܬ݁ ܗܘ ܕܪܒ ܒܡܠܟܘܬܐ ܕܫܘܡܝܐ |
| 018:010 | ܚܡܘ ܕܠܐ ܬܡܪܘܢ ܚܕ ܡܢ ܗܠܝܢ ܙܥܘܪܝܐ܃ ܐܢܐ ܠܟܘܢ ܓܪ ܕܡܠܐܟܝܗܘܢ ܒܓܘ ܫܘܡܝܐ܃ ܒܟܘܠ ܥܪ ܚܡܝܢ ܐܦܘܝ ܕܐܒܐ ܕܒܓܘ ܫܘܡܝܐ܃ |
| 018:012 | ܡܐ ܗܢܐ ܠܟܘܢ ܐܢ ܝܗܐ ܠܓܒܪ ܡܐܐ ܐܝܡܪܝܢ ܘܬܛܥܐ ܚܕܐ ܡܢܗܝܢ܃ ܠܐ ܫܒܩ ܬܫܥܝܢ ܘܬܝܫܥ ܥܠ ܛܘܪܝܐ܃ ܘܐܙܠ ܒܥܐ ܗܝ ܕܛܥܬ݁܃ |
| 018:013 | ܘܐܢ ܗܘܐ ܘܐܫܟܚ ܝܬ݁ܗ ܐܡܝܢ ܐܡܪ ܐܢܐ ܠܟܘܢ ܕܗܘ ܚܕܐ ܥܠܝܗ݀ ܝܬܝܪ ܡܢ ܕܥܠ ܬܫܥܝܢ ܘܬܝܫܥ ܕܠܐ ܛܥܐܝ܃ |
| 018:014 | ܗܟܕܝܢ ܠܝܬ ܨܒܝܘܢ ܩܘܕܡ ܐܒܐ ܒܓܘ ܫܘܡܝܐ܃ |
| 018:015 | ܐܢ ܕܝ ܝܣܟܠ ܥܠܝܟ ܐܚܘܟ ܐܙܠ ܟܘܢܗ ܒܝܢܟ ܠܒܝܢܗ ܒܠܘܚܕ܃ ܐܢ ܫܡܥ ܠܟ ܐܬܓܪܬ ܐܚܘܟ܃ |
| 018:016 | ܐܢ ܕܝ ܠܐ ܝܫܡܘܥ ܠܟ ܕܒܘܪ ܥܡܟ ܚܘܪ<ܢ> ܚܕ ܐܐ݁ ܬ݁ܪܝܢ܃ ܕܥܠ ܦܡ ܬܪܝܢ ܐܐ݁ ܬ݁ܠܬܐ ܣܗܕܝܢ ܬܩܘܡ ܟܘܠ ܡܠܐ܃ |
| 018:017 | ܐܢ ܕܝ ܐܘܦ ܠܐ ܠܗܠܝܢ ܠܐ ܝܫܡܘܥ ܐܡܘܪ ܠܟܢܝܫܬܐ܃ ܐܢ ܕܝ ܐܘܦ ܠܐ ܠܟܢܝܫܬܐ ܠܐ ܝܫܡܘܥ ܝܗܐ ܠܟ ܗܝܟ ܥܡܡܐ ܘܡܟܣܐ܃ |
| 018:018 | ܐܡܝܢ ܐܡܪ ܐܢܐ ܠܟܘܢ܃ ܕܟܘܠ ܡܐ ܕܬܣܘܒܪܘܢ ܥܠ ܐܪܥܐ ܝܗܐ ܫܪܐ ܒܓܘ ܫܘܡܝܐ܃ |
| 018:019 | ܬܘܒܢ ܐܡܝܢ ܐܡܪ ܐܢܐ ܠܟܘܢ܃ ܕܐܢ ܝܫܘܘܢ ܬ݁ܪܝܢ ܡܢܟܘܢ ܥܠ ܐܪܥܐ ܥܠ ܟܘܠ ܡܩܡܐ ܕܝܫܘܠܘܢ ܝܬܥܒܕ ܠܗܘܢ܃ ܡܢ ܠܘܬ ܐܒܐ ܕܒܓܘ ܫܘܡܝܐ܃ |
| 018:020 | ܗܢ ܓܪ ܕܬ݁ܪܝܢ ܐܐ݁ ܬ݁ܠܬܐ ܟܢܝܫܝܢ ܒܫܝܡܝ ܕܝܠܝ ܬܡܢ ܐܢܐ ܒܡܨܥܬ݁ܗܘܢ |
| 018:023 | ܐܬ݁ܕܡܝܐܬ݁ ܡܠܟܘܬܐ ܕܫܘܡܝܐ ܠܓܒܪ ܡܠܟ ܕܝܢ ܕܨܒܐ ܕܝܥܒܕ ܚܘܫܒܢ ܥܡ ܥܒ̈ܕܘܝ܃ |
| 018:024 | ܟܕ ܕܝ ܫܪܝ ܕܝܥܒܕ ܐܬ݁ܩܪܒ ܠܗ݀ ܚܕ ܚܝܒ ܪ̈ܒܘ ܛܠܢܛܝܢ |
| 018:025 | {ܐܘܡܟ <ܘܡܢ> ܕܠܐ ܗܘܐ ܠܗ ܕܝܓܙܐ ܦܩܕ ܡܪܗ ܕܝܙܕܒܢ ܗܘ ܘܐܬܬ݁ܗ ܘܒ̈ܢܘܝ ܘܟܘܠ ܡܐ ܕܗܘܐ ܠܗ ܘܝܬ݁ܓܙܐ |
| 018:026 | ܘܢܦܠ ܐܘܢ ܗܘ ܓܒܪܐ ܘܗܘܐ ܣܓܕ ܠܗ ܘܐܡܪ ܡܪܝ ܐܘܪܟ ܪܘܚܐ ܥܠܐܝ ܘܟܘܠܐ ܐܢܐ ܓܙܐ ܠܟ܃ |
| 018:027 | ܐܬ݁ܪܚܡ ܕܝ ܡܪܗ ܕܥܒܕܐ ܥܠܘܝ ܘܦܢܐ ܝܬ݁ܗ܃ ܘܐܘܦ ܚܘܒܬܐ ܫܒܩ ܠܗ܃ |
| 018:028 | ܟܕ ܕܝ ܢܦܩ ܗܘ ܥܒܕܐ ܐܫܟܚ ܚܕ ܡܢ ܟܢܘܬ݁ܗ ܕܗܘܐ ܚܝܒ ܠܗ ܡܐܗ ܙ̈ܘܙܝܢ ܘܨܕ ܝܬ݁ܗ ܘܗܘܐ ܚܢܩ ܠܗ ܘܐܡܪ ܓܙܝ ܡܐ ܕܐܬ ܚܝܒ |
| 018:029 | ܢܦܠ ܐܘܢ ܟܢܬ݁ܗ ܘܗܘܐ ܒܥܐ ܡܢܗ ܘܐܡܪ ܐܘܪܟ ܪܘܚܐ ܥܠܐܝ ܘܟܘܠܐ ܐܢܐ ܓܙܐ ܠܟ |
| 018:030 | ܗܘ ܕܝ ܠܐ ܗܘܐ ܨܒܐ ܐܠܐ ܐܙܠ ܪܡܐ ܝܬ݁ܗ ܒܦܝܠܝܩܐ ܥܕܡܐ ܕܝܓܙܐ ܡܐ ܕܚܝܒ܃ |
| 018:031 | ܟܕ ܕܝ ܚ̈ܡܘ ܟܢܘ̈ܬ݁ܗ ܡܐ ܕܐܬ݁ܥܒܕ܃ ܒܟܝܢ ܐܨܝܩ̈ܘ ܠܚܕܐ ܘܐܬ̈ܘ ܘܐܡܪ̈ܘ ܠܡܪܗܘܢ ܟܘܠ ܡܐ ܕܐܬ݁ܥܒܕ |
| 018:032 | ܒܟܢ ܩܪܐ ܝܬ݁ܗ ܡܪܗ ܘܐܡܪ ܠܗ ܐܘ ܥܒܕܐ ܒܝܫܐ ܟܘܠ ܗܐܝ ܚܘܒܬܐ ܫܒܩܬ݁ ܠܟ ܠܓܠܠ ܕܒܥܝܬ ܡܢܝ |
| 018:033 | ܠܐ ܗܘܐ ܐܘܢ ܐܬ ܬܬ݁ܪܚܡ ܥܠ ܟܢܬ݁ܟ ܗܝܟ ܡܐ ܕܐܘܦ ܐܢܐ ܐܬ݁ܪܚܡܬ݁ ܥܠܝܟ܃ |
| 018:034 | ܘܪܓܙ ܥܠܘܝ ܡܪܗ ܘܡܣܪ ܝܬ݁ܗ ܠܡܨܥܪ<ܢ> ܥܕܡܐ ܕܝܓܙܐ ܟܘܠ ܕܗܘܐ ܚܝܒ ܠܗ܃ |
| 018:035 | ܗܟܕܢ ܐܘܢ ܐܘܦ ܐܒܐ ܕܒܓܘ ܫܘܡܝܐ ܝܥܒܕ ܠܟܘܢ ܐܢ ܠܐ ܬܫܒܘܩ̈ܘܢ ܟܘܠ ܐܢܫ ܠܐܚܘܝ ܡܢ ܠܒܒ̈ܝܟܘܢ ܣܟܠܘ̈ܬܗܘܢ |
| 019:003 | ܘܩܪ̈ܒܘ ܠܗ ܦܪ̈ܝܫܝܝ ܡܢ̈ܣܝܢ ܝܬ݁ܗ ܘܐܡܪ̈ܝܢ܃ ܐܢ ܫܠܝܛ ܠܐܢܫ ܕܝܦܛܪ ܐܬܬ݁ܗ ܥܠ ܟܘܠ ܥܠܐ܃ |
| 019:004 | ܗܘ ܕܝ ܐܓܝܒ ܘܐܡܪ ܠܗܘܢ܃ ܠܐ ܩܪ̈ܝܬܘܢ ܕܗܐܘ ܕܒܪܐ ܡܢ ܪܝܫ ܕܟܪ ܘܢܩܒܐ ܥܒܕ ܝܬ݁ܗܘܢ |
| 019:005 | ܘܐܡܪ܃ ܠܓܠܠ ܗܕܐ ܝܫܒܘܩ ܓܒܪܐ ܠܐܒܘܗܝ ܘܠܐܝܡܗ ܘܝܕܒܘܩ ܠܐܬܬ݁ܗ ܘܝܗܘܢ ܬ݁ܪ̈ܝܗܘܢ ܠܚܕ ܒܣܪ܃ |
| 019:006 | ܗܘܐ ܐܘܢ ܡܢ ܟܕܘ ܠܝܬ݁ ܗܢܘܢ ܬ݁ܪ̈ܝܢ ܐܠܐ ܚܕ ܒܣܪ܃ ܡܐ ܐܘܢ ܕܐܠܗܐ ܙܘܓ ܒܪܢܫ ܠܐ ܝܗܐ ܡܦܪܫ܃ |
| 019:007 | ܐܡܪ̈ܝܢ ܠܗ ܘܡܐ ܐܘܢ ܡܘܫܐ ܦܩܕ ܕܢܬܠ ܐܓܪܬ ܦܛܘܪܝܢ ܘܢܦܛܪ |
| 019:008 | ܐܡܪ ܠܗܘܢ܃ ܕܡܘܫܐ ܠܩܘܒܠ ܩܘܫܝܗ ܕܠܒܟܘܢ ܫܠܛ ܝܬ݁ܟܘܢ ܕܬ݁ܦܛܪ̈ܘܢ ܢܝܫ̈ܝܟܘܢ܃ ܡܢ ܪܝܫ ܕܝ ܟܕܢ ܠܐ ܗܘܐ |
| 019:009 | ܐܡܪ ܐܢܐ ܠܟܘܢ ܕܝ ܕܟܘܠ ܡ݁ܢ ܕܝܦܛܪ ܐܬܬ݁ܗ ܠܒܪ ܡܢ ܡܠܐ ܕܙܢ{ܝ}ܘ ܘܝܫܬܬܦ ܠܚܘܪܝ ܥܒܕ ܗܘ ܠܗ݀ ܕܬܓܘܪ܃ ܘܗܘ ܕܡܫܬܬܦ ܠܗܝ ܕܫܒܝܩܐ ܡܢ ܓܒܪܗ ܓܝܪ ܐܝܬ݁ ܗܘ |
| 019:010 | ܐܡܪ̈ܝܢ ܠܗ ܕܝ ܬܠ̈ܡܝܕܘ<ܗ> ܐܢ ܟܕܢ ܐܝܬ݁ ܗܝ ܥܠܬܐ ܕܒܝܢ ܓܒܪܐ ܠܐܬ݁ܬܐ ܠܐ ܛܒ ܕܝܫܬܬܦ ܐܢܫ܃ |
| 019:011 | ܗܘ ܕܝ ܐܡܪ ܠܗܘܢ ܠܐ ܟܘܠܐ ܡܣ̈ܘܚܢܝܢ ܡܠܬܐ܃ ܐܠܐ ܗܠܝܢ ܕܝܗܒ ܠܗܘܢ܃ |
| 019:012 | ܐܝܬ ܓܪ ܣܪ̈ܝܣܝܢ ܗܠܝܢ ܕܡܢ ܟܪܣܗ݀ ܕܐܝܡ̈ܗܘܢ ܐܬ݁ܝܠܕܘ ܟܕܢ ܣܪܝܣܝܢ ܘܐܝܬ݁ ܣܪ̈ܝܣܝܢ ܕܐܣܬܪ̈ܣܘ ܡܢ ܒܢ̈ܝܢܫ܃ ܘܐܝܬ݁ ܣܪ̈ܝܣܝܢ ܗܠܝܢ ܕܣܪ̈ܣܘ ܓܪ̈ܡܗܘܢ ܠܓܠܠ ܡܠܟܘܬܐ ܕܫܘܡܝܐ܃ ܡ݁ܢ ܕܝܟܠ ܕܝܣܘܚ ܝܣܘܚ<ܢ> |
| 019:016 | ܘܩܪܒ ܚܕ ܠܘܬ݁ ܡܪܐ ܝܣܘܣ ܘܐܡܪ ܠܗ܃ ܡܠܦܢܐ ܛܒܐ ܡܐ ܛܒ ܝܥܒܕ ܕܚ̈ܝܝܢ ܕܠܥܠܡ ܝܪܘܬ݁܃ |
| 019:017 | ܗܘ ܕܝ ܐܡܪ ܠܗ܃ ܡܐ ܐܬ ܫܐܠ ܠܝ ܥܠ ܛܒ ܛܒܐ܃ ܚܕ ܐܝܬ݁ ܗܘ ܛܒܐ܃ ܐܢ ܕܝ ܨܒܐ ܐܬ ܕܬ݁ܝ̈ܥܘܠ ܠܚܝ̈ܝܐ ܛܘܪ ܦܩ̈ܘܕܝܐ܃ |
| 019:018 | ܐܡܪ ܠܗ ܗܠܝܢ܃ ܗܘ ܕܝ ܡܪܐ ܝܣܘܣ ܐܡܪ܃ ܕܠܐ ܬ݁ܩܛܘܠ ܘܠܐ ܬ݁ܝܓܘܪ܃ ܘܠܐ ܬ݁ܝܓܢܘܒ܃ ܘܠܐ ܬܣܝܕ ܕܓܠܝܢ܃ |
| 019:019 | ܐܘܩܪ ܐܒܘܟ ܘܐܝܡܟ܃ |
| 019:020 | ܐܡܪ ܠܗ ܗ݀ܘ ܥܘܠܝܡܐ ܟܘܠ ܗܠܝܢ ܢܛܪܬ݁ ܡܢ ܛܠܝܘܬ݁ܝ܃ ܡܐ ܥܘܕ ܐܢܐ ܚܣܝܪ܃ |
| 019:021 | ܐܡܪ ܠܗ ܡܪܐ ܝܣܘܣ܃ ܐܢ ܐܝܬ݁ ܐܬ ܨܒܐ ܕܬ݁ܗܐ ܡܫܠܡ ܐܙܠ ܙܒܢ ܟܘܠ ܩܢܝܢܟ ܘܗܒ ܠܡܣ̈ܟܝܢܝܐ܃ ܘܗܘܝܐ ܠܟ ܣܝܡܐ ܒܓܘ ܫܘܡܝܐ ܘܐܬܐ ܕܒܘܩ ܝܬ݁ܝ |
| 019:022 | ܘܟܕ ܫܡܥ ܗ݀ܘ ܥܘܠܝܡܝܐ ܡܠܬܐ ܐܙܠ ܠܗ ܡܨܝܩ܃ ܗܘܐ ܠܗ ܓܪ ܩ̈ܢܝܢܝܢ ܣܓܝ܃ |
| 019:023 | ܘܡܪܐ ܝܣܘܣ ܕܝ ܐܡܪ ܠܬܠܡܝܕܘ̈ܝ܃ ܐܡܪ ܐܢܐ ܠܟܘܢ ܕܥܬܝܪ ܒܩܫܐ ܝܥܘܠ ܠܡܠܟܘܬܐ ܕܫܘܡܝܐ܃ |
| 019:024 | ܬܘܒܢ ܕܝ ܐܢܐ ܐܡܪ ܠܟܘܢ܃ ܕܢܝܚ ܗܘ ܠܓܡܠܐ ܕܝܥܘܠ ܒܢܘܩܒܗ ܕܡܚܛܐ ܐܐ݁ ܥܬܝܪ ܠܡܠܟܘܬܐ ܕܐܠܗܐ܃ |
| 019:025 | ܟܕ ܕܝ ܫ̈ܡܥܘ ܬܠ̈ܡܝܕܝܐ ܗܘܘ ܡܬ݁ܧܠܡܝܢ ܘܐܡܪ̈ܝܢ ܐܪܐ ܡܢ ܝܟܠ ܕܝܚܐ܃ |
| 019:026 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗܘܢ܃ ܠܘܬ݁ ܒܢܝܢܫ̈ܐ ܗܕܐ ܠܐ ܝܟܠܐ܃ ܠܘܬ݁ ܐܠܗܐ ܕܝ ܟܘܠܐ ܝܟܠ |
| 019:027 | ܒܟܢ ܐܓܝܒ ܧܛܪܘܣ ܘܐܡܪ ܠܗ܃ ܗܐ ܐܢܗ ܫܒܩܢܗ ܟܘܠܐ ܘܐܬ݁ܝܢܗ ܠܢ ܒܬ݁ܪܟ ܡܐ ܐܪܐ ܝܗܐ ܠܢ |
| 019:028 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗܘܢ ܐܡܝܢ ܐܡܪ ܐܢܐ ܠܟܘܢ܃ ܕܐܬܘܢ ܕܐܬ݁ܝܬܘܢ ܠܟܘܢ ܒܬ݁ܪܝ ܒܬܘܠܘܕܬܐ ܕܡܢ ܕܪܝܫ܃ ܟܕ ܝܬܒ ܒܪܗ ܕܓܒܪܐ ܥܠ ܡܝܬܘܒܝܬܐ ܕܬܫܒܘܚܬܗ܃ ܬܬ݁ܒܘܢ ܐܘܦ ܐܬܘܢ ܥܠ ܬܪܝܥܣܪ ܟܘܪ̈ܣܘܢ ܕܐܝܢ̈ܝܢ ܬܪܝܥܣܪܬܐ ܫܘ̈ܒܛܝܐ ܕܐܝܣܪܐܝܠ܃ |
| 019:029 | ܘܟܘܠ ܡ݁ܢ ܕܫܒܩ ܐܚܝ̈ܢ ܐܐ݁ ܐܚܘܢ ܐܐ݁ ܐܒ ܐܐ݁ ܐܝܡ ܐܐ݁ ܒ̈ܢܝܢ ܐܐ݁ ܚܩ̈ܠܝܢ ܐܐ݁ ܒܬܝܢ ܡܢ ܠܒܕܝܠ ܫܝܡܝ ܕܣܓܝ ܟܦܠ<ܝ>ܢ ܝܣܒ ܘܚܝ̈ܝܢ ܕܠܥܠܡ ܝܪܘܬ݁܃ |
| 019:030 | ܣܓܝ ܕܝ ܩܡܝ̈ܝܢ ܝܗܘܢ ܥܩܒܝܢ ܘܥܩܒܝܢ ܩܡܝ̈ܝܢ |
| 020:001 | ܕܡܝܐ ܓܪ ܗܝ ܡܠܟܘܬܐ ̇ܫܘܡܝܐ܃ ܠܓܒܪ ܡܪܝ ܒܐܝ ܕܢܦܩ ܒܨܦܪܐ ܕܝܓܘܪ ܦ̈ܥܠܝܢ ܠܟܪܡܗ܃ |
| 020:002 | ܟܕ ܕܝ ܦܣܩܠ ܥܡ ܦܥܠܝܐ ܡܢ ܙܘܙ ܒܝܘܡܐ܃ ܫܠܚ ܝܬ݁ܗܘܢ ܠܟܪܡܗ܃ |
| 020:003 | ܘܢܦܩ ܠܦ̈ܐ ܬ݁ܠܬ݁ ܫܥ̈ܝܢ ܘܚܡܐ ܚܘܪ̈ܢܝܢ ܩܐܡ̈ܝܢ ܒܫܘܩܐ ܒ̈ܛܠܝܢ܃ |
| 020:004 | ܘܐܘܦ ܠܗܘܢ ܐܡܪ ܐܙ̈ܠܘ ܐܘܦ ܐܬܘܢ ܠܟܪܡܐ܃ ܘܡܐ ܕܝܗܐ ܨܕܩ ܐܢܐ ܝܗܒ ܠܟܘܢ܃ |
| 020:005 | ܗܢܘܢ ܕܝ ܐܙܠܘ܃ ܬܘܒܢ ܕܝ ܢܦܩ ܠܦ̈ܝ ܫܝܬ݁ ܘܬܝܫܥ ܫܥ̈ܝܢ܃ ܥܒܕ ܟܢ ܘܟܘܬ݁܃ |
| 020:006 | ܘܠܦ̈ܐ ܕܝ ܚܕ ܥܣܪܐ ܫܥ̈ܝܢ ܟܕ ܢܦܩ ܐܫܟܚ ܚܘܪ̈ܢܝܢ ܩܐܡ̈ܝܢ ܒ̈ܛܠܝܢ ܘܐܡܪ ܠܗܘܢ܃ ܡܐ ܗܘܝܬܘܢ ܩܐܡ̈ܝܢ ܟܐ ܟܘܠܗ ܝܘܡܐ ܒ̈ܛܠܝܢ܃ |
| 020:007 | ܐܡܪ̈ܝܢ ܠܗ܃ ܕܐܢܫ ܠܐ ܐܓܪ ܝܬ݁ܢ܃ ܐܡܪ ܠܗܘܢ ܐܙ̈ܠܘ ܐܘܦ ܐܬܘܢ ܠܟܪܡܐ ܘܡܐ ܕܝܗܘܐ ܨܕܩ ܐܢܐ ܝܗܒ ܠܟܘܢ |
| 020:008 | ܘܟܕ ܗܘܐ ܪܡܫܐ ܐܡܪ ܡܪܗ ܕܟܪܡܐ ܠܡܫܡܫܢܗ ܝܩܪܐ ܦ̈ܥܠܝܐ ܘܝܓܙܐ ܠܗܘܢ ܐܓܪܗܘܢ܃ ܘܫܪܝ ܡܢ ܥܩܒܝܐ ܥܕܡܐ ܠܩܡܝܝ܃ |
| 020:009 | ܐܬ݁ܘ ܕܝ ܗܠܝܟ ܕܠܦ̈ܝ ܚܕ ܥܣܪ̈ܐ ܫܥ̈ܝܢ܃ ܘܢܣ̈ܒܘ ܡ݁ܢ ܙܘܙ܃ |
| 020:010 | ܘܟܕ ܐܬ̈ܘ ܩ̈ܡܝܝ ܣܒܪ<ܝ>ܢ ܕܡܘܬܪ ܝܣ̈ܒܘܢ܃ ܘܢܣ̈ܒܘ ܐܘܦ ܗܢܘܢ ܡ݁ܢ ܙܘܙ܃ |
| 020:011 | ܘܟܕ ܢܣ̈ܒܘ ܐܘܦ ܗܢܘܢ ܡ݁ܢ ܙܘܙܐ ܗܘܘ ܡܪ̈ܢܢܝܢ ܥܠ ܡܪܗ ܕܒܝܬܐ |
| 020:012 | ܐܡܪܝܢ܃ ܗ̈ܠܝܢ ܥܩ̈ܒܝܐ ܚܕܐ ܫܥܐ ܥ̈ܒܕܘ ܘܫܘ̈ܝܢ ܠܢ ܥܒܕܬ ܝܬ݁ܗܘܢ܃ ܐܢܗ ܕܛܥܢܗ ܝܘܩܪܗ ܕܝܘܡܐ ܘܫܘܒܒܗ܃ |
| 020:013 | ܗܘ ܕܝ ܐܓܝܒ ܘܐܡܪ ܠܚܕ ܡܢܗܘܢ܃ ܚܒܝܒܝ܃ ܠܝܬ݁ ܐܢܐ ܛܠܡ ܠܟ܃ ܠܐ ܡܢ ܙܘܙ ܦܣܩܠܬ݁ ܥܡܝ܃ |
| 020:014 | ܣܒ ܕܝܠܟ ܘܐܙܠ܃ ܨܒܐ ܕܝ ܐܢܐ ܠܕܝܢ ܥܩܒܝܐ ܝܬܠ ܗܝܟ ܕܠܟ܃ |
| 020:015 | ܐܢܐ ܨܒܐ ܒܕܝܠܝ܃ ܐܐ݁ ܕܡܐ ܥܝܢܟ ܒܝܫܐ ܕܐܢܐ ܛܒ܃ |
| 020:016 | ܗܟܕܢ ܝܗܘܢ ܩܡ̈ܝ̈ܝܢ ܥܩ̈ܒܝ̈ܝܢ ܘܥܩܒܝ̈ܝܢ ܩܡ̈ܝܝܢ܃ ܣܓܝ ܓܪ ܗܢܘܢ ܩ̈ܪܝܐ ܘܨܝܒܚܕ ܗܢܘܢ ܒܚܝܪ̈ܝܐ |
| 020:029 | ܘܗܝܟ ܕܗܢܘܢ ܢܦ̈ܩܝܢ ܡܢ ܝܪܝܚܘ ܐܬܐ ܒܬ݁ܪܗ ܐܘܟ̈ܠܣ ܣܓܝ܃ |
| 020:030 | ܘܗܐ ܬ݁ܪ̈ܝܢ ܡܥܘܪ̈ܝܢ ܗܘܘ ܝܬܝܒ̈ܝܢ ܥܠ ܓܒ ܐܘܪܚܐ ܘܟܕ ܫ̈ܡܥܘ ܕܡܪܐ ܝܣܘܣ ܥܒܪ ܗܘܘ ܡܨܘ̈ܚܝܢ ܘܐܡܪܝܢ ܡܪܢ ܐܬ݁ܪܚܡ ܥܠܝܢܗ ܝܣܘܣ ܒܪܗ ܕܕܘܝܕ܃ |
| 020:031 | ܐܘܟ̈ܠܣܐ ܕܝ ܗܘܐ ܙܥܦ ܒܗܘܢ ܕܝܫܬܘܩܘܢ܃ ܗܢܘܢ ܕܝ ܥܠ ܕܡܘܬ݁ܪ ܗܘܘ ܡܨܘ̈ܚܝܢ ܐܡܪ̈ܝܢ܃ ܐܬ݁ܪܚܡ ܥܠܝܢܗ ܒܪܗ ܕܕܘܝܕ܃ |
| 020:032 | ܘܩܡ ܠܗ ܡܪܢ ܝܣܘܣ ܘܩܪܐ ܠܗܘܢ ܘܐܡܪ܃ ܡܐ ܐܬܘܢ ܨܒ̈ܝܢ ܕܝܥܒܕ ܠܟܘܢ܃ |
| 020:033 | ܐܡܪ̈ܝܢ ܠܗ ܡܪܢ ܕܝܬ݁ܦܬ݁ܚܢ ܥܝܢܝܢ |
| 020:034 | ܗܘ ܕܝ ܡܪܢ ܝܣܘܣ ܐܬ݁ܪܚܡ ܥܠܝܗܘܢ ܘܩܪܒ ܠܥܝܢ̈ܝܗܘܢ ܘܫܘܐ ܚ̈ܡܘ ܘܐܬ̈ܘ ܒܬ݁ܪܗ ܟܕ ܡܫ̈ܒܚܝܢ ܠܐܠܗܐ ܘܟܘܠܗ ܥܡܐ ܕܚܙܐ ܝܗܒ ܗܘܐ ܫܘܒܚܐ ܠܐܠܗܐ |
| 021:001 | ܘܟܕ ܩܪܒ ܠܝܪܘܫܠܝܡ ܘܐܬܐ ܠܒܝܬ݁ ܦܓܐܝ ܘܠܒܝܬ݁ ܥܢܝܐ ܠܓܝܒ ܛܘܪܐ ܕܙܝ̈ܬܝܐ܃ ܒܟܝܢ ܡܪܐ ܝܣܘܣ ܫܠܝܚ ܬܪ̈ܝܢ ܡܢ ܬܠ̈ܡܝܕܘܝ |
| 021:002 | ܘܐܡܪ ܠܗܘܢ ܐܙ̈ܠܘ ܠܩܪܝܬܐ ܗܕܐ ܕܠܩܘܒܠܟܘܢ܃ ܘܫܘܐ ܐܬܘܢ ܡ̈ܫܟܚܝܢ ܚܡܪ ܐܣܝܪܐ ܘܥܝܠ ܥܡܗ݀܃ ܫܪ̈ܘ ܘܐܝܬܘ̈ ܝܬ݁ܗܘܢ ܠܝ܃ |
| 021:003 | ܘܐܢ ܝܡܘܪ ܠܟܘܢ ܐܢܫ ܟܝܠܘܡ ܐܡܘܪ̈ܘ ܕܡܪܢ ܗܘ ܨܪܝܟ ܠܗܘܢ܃ ܘܫܘܐ ܗܘ ܡܫܠܚ ܠܗܘܢ܃ |
| 021:004 | ܗܕܐ ܕܝ ܟܘܠܗ ܐܬ݁ܥܒܕܬ݁ ܠܓܠܠ ܕܝܬ݁ܡܠܐ ܡܐ ܕܐܬ݁ܡܪ ܒܢܒܝܐ ܕܐܡܪ܃ |
| 021:005 | ܐܡܪ̈ܘ ܠܒܪܬܗ݀ ܕܨܝܘܢ܃ ܗܐ ܡܠܟܝܟ ܐܬܐ ܠܝܟܝ ܥܢܘܐܢ ܘܪܟܝܒ ܥܠ ܚܡܪ܃ ܘܥܠ ܥܝܠ ܒܪ ܐܬܢ |
| 021:006 | ܘܟܕ ܐܙ̈ܠܘ ܬܠ̈ܡܝܕܝܐ ܥܒ̈ܕܘ ܗܝܟ ܕܐܬܩܢ ܠܗܘܢ ܡܪܐ ܝܣܘܣ܃ |
| 021:007 | ܘܐܝ̈ܬܘ ܚܡܪܐ ܘܥܝܠܐ܃ ܘܝܗܒܘ ܥܠܝܗܘܢ ܡܐܢ̈ܝܗܘܢ܃ ܘܝܬܒ ܠܥܠ ܡܢܗ܃ |
| 021:008 | ܣܘܓܝܐ ܕܝ ܕܐܟܠܘ̈ܣܐ ܗܘܘ ܡܫ̈ܘܝܢ ܡ̈ܐܢܝܗܘܢ ܒܐܘܪܚܐ܃ ܚܘܪ̈ܢܝܢ ܕܝ ܗܘܘ ܡܩ̈ܛܥܝܢ ܥܢ̈ܦܝܢ ܡܢ ܐܝܠܢ̈ܐ ܘܗܘܘ ܡܫ̈ܘܝܢ ܒܐܘܪܚܐ܃ |
| 021:009 | ܐܘܟܠܘ̈ܣܝܐ ܕܝ ܗ̈ܠܝܢ ܕܗܘܘ ܐܬܝ̈ܢ ܩܘܕܡܘܝ ܘܗ̈ܠܝܢ ܕܐܬܝ̈ܢ ܒܬ݁ܪܗ ܗܘܘ ܡܨܘ̈ܚܝܢ ܘܐܡܪ̈ܝܢ܃ ܗܘܫܥܢܐ ܠܒܪܗ ܕܕܘܝܕ ܡܒܪܟ ܗܘ ܗܕܝܢ ܕܐܬܐ ܒܫܝܡܗ ܕܡܪܝܐ܃ ܗܘܫܥܢܐ ܒܡܪ̈ܘܡܝܐ |
| 021:010 | ܘܟܕ ܥܠ ܠܝܪܘܫܠܝܡ ܙܥܬ݁ ܟܘܠܗ݀ ܡܕܝܢܬܐ ܘܐܡܪ̈ܘ ܡ݁ܢ ܗܘ ܗܕܢ܃ |
| 021:011 | ܐܟܠܣ̈ܝܐ ܕܝ ܗܘܘ ܐܡܪ̈ܝܢ ܗܕܝܢ ܗܘ ܢܒܝܐ ܝܣܘܣ ܕܡܢ ܢܙܪܬ݁ ܕܓܠܝܠܐ܃ |
| 021:012 | ܘܥܠ ܡܪܐ ܝܣܘܣ ܠܢܐܘܣܐ ܘܐܦ̈ܝܩ ܟܘܠܼ ܗ̈ܠܝܢ ܕܡܙܒ̈ܢܝܢ ܘܙܒ̈ܢܝܢ ܒܢܘܣܐ ܘܦܬ݁ܘܪ̈ܝܗܘܢ ܕܦܪ̈ܘܛܝܐ ܟܦܝ܃ ܘܡܝܬܘܒܝܬ݁ܗܘܢ ܕܗܠܝܢ ܕܡܙܒ̈ܢܝܢ ܝܘ̈ܢܝܐ |
| 021:013 | ܘܐܡܪ ܠܗܘܢ܃ ܟܬ݁ܝܒ ܕܒܝܬܝ ܒܝܬ݁ ܨܠܘ ܝܬ݁ܩܪܐ ܐܬܘܢ ܕܝ ܥܒ̈ܕܬܘܢ ܝܬ݁ܗ݀ ܡܥܪܐ ܕܠܝܨ̈ܛܝܢ |
| 021:014 | ܘܐܝܬ̈ܘ ܩܪ̈ܒܘ ܠܗ ܣ̈ܡܝܢ ܘܚܪ̈ܫܝܢ ܘܡܚܓܪ̈ܝܢ ܒܢܐܘܣܐ܃ ܘܐܣܝ ܝܬ݁ܗܘܢ |
| 021:015 | ܘܟܕ ܚܡ̈ܘ ܪ̈ܝܫܝ ܟܗ̈ܢܝܐ ܘܣܦܪ̈ܝܐ܃ ܬܡܗܝܐ ܕܥܒܕ ܡܪܐ ܝܣܘܣ ܘܛܠܝ̈ܐ ܡܨܘ̈ܚܝܢ ܒܢܐܘܣܐ ܘܐܡܪ̈ܝܢ܃ ܗܘܫܥܢܐ ܠܒܪܗ ܕܕܘܝܕ܃ |
| 021:016 | ܐܬ݁ܚ̈ܡܬܘ ܘܐܡܪ̈ ܠܗ ܫܡܥ ܐܬ ܡܢܐ ܗ̈ܠܝܢ ܐܡܪ̈ܝܢ ܗܘ ܕܝ ܡܪܐ ܝܣܘܣ܃ ܐܡܪ ܠܗܘܢ ܐܝܢ ܡܢ ܝܘ̈ܡܝܟܘܢ ܠܐ ܩܪ̈ܝܬܘܢ ܕܡܢ ܦ̈ܘܡܗܘܢ ܕܛܠܝ̈ܢ ܝܢ{ܝ}<ܘ>ܩܝܢ ܫܟܠܝܠܬ ܠܟ ܬܝܫܒܘܚܬܐ |
| 021:017 | ܘܢܦܩ ܠܗ ܠܒܪ ܡܢ ܡܕܝܢܬܐ ܠܒܝܬ݁ ܥܢܝܐ ܘܐܒܝܬ݁ ܬ݁ܡܢ |
| 021:018 | ܒܨܦܪܐ ܗܝܟ ܕܗܘ ܥܒܪ ܠܡܕܝܢܬܐ ܟܦܢ܃ |
| 021:019 | ܘܚܡܐ ܬܝܢܐ ܚܕܐ ܥܠ ܐܘܪܚܐ܃ ܘܐܬܐ ܥܠܗ ܘܟܝܠܘܡ ܠܐ ܐܫܟܝܚ ܒܗ ܐܠܐ ܛܪ̈ܦܝܢ ܒܠܚܘܕ܃ ܘܐܡܪ ܠܗ ܡܢ ܟܕܘ ܡܢܝܟܝ ܦܝܪ̈ܝܢ ܠܐ ܝܗܘܢ ܠܥܠܡ܃ ܘܝܒܫܬ݁ ܒܪ ܫܥܬܗ ܗܝ ܬܝܢܬܐ܃ |
| 021:020 | ܘܟܕ ܚܡ̈ܘ ܬܠܡܝ̈ܕܝܐ ܬܡ̈ܗܘ ܘܐܡܪ̈ܝܢ܃ ܗܝܟ ܒܪ ܫܥܬܗ ܝܒܫܬ݁ ܬܝܢܬܐ |
| 021:021 | ܐܓܝܒ ܕܝ ܡܪܐ ܝܣܘܣ ܐܡܪ ܠܗܘܢ ܐܡܝܢ ܐܡܪ ܐܢܐ ܠܟܘܢ ܕܐܢ ܬܗܐ ܒܟܝܢ ܗܝܡܢܘ ܘܠܐ ܬܬ݁ܦ̈ܠܓܘܢ܃ ܠܐ ܒܠܚܘܕ ܗܕܐ ܬܝܢܬܐ ܬܥܒ̈ܕܘܢ܃ ܐܠܐ ܐܘܦ ܠܗܕܝܢ ܛܘܪܐ ܐܢ ܬܡܘܪ̈ܘܢ ܐܬ݁ܪܝܡ ܘܐܬ݁ܪܡܝ ܠܝܡܐ ܝܬ݁ܥܒܕ ܟܕܢ |
| 021:022 | ܘܟܠܡܐ ܕܬܫܘ̈ܠܘܢ ܒܨܠܘܬܐ ܘܡܗܝܡܢܝܢ ܬܣܒ̈ܘܢ܃ |
| 021:023 | ܘܟܕ ܐܬܐ ܡܪܐ ܝܣܘܣ ܠܢܐܘܣܐ܃ ܩܪ̈ܒܘ ܠܗ ܗܝܟ ܕܗܘ ܡܠܝܦ ܪ̈ܝܫܝܟܗܢܝܐ ܘܩ̈ܫܝܫܘܝ ܕܩܗܠܐ ܐܡܪ̈ܝܢ ܠܗ ܒܗܝܕܐ ܫܠܛܢܘ ܐܬ ܥܒܕ ܗ̈ܠܝܢ܃ ܘܡ݁ܢ ܝܗܒ ܠܟ ܗܕܐ ܫܘܠܛܢܘܬܐ܃ |
| 021:024 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗܘܢ܃ ܝܫܘܠ ܝܬ݁ܟܘܢ ܐܘܦ ܐܢܐ ܚܕܐ ܡܠܐ ܗܕܐ ܕܐܝܢ ܬ݁ܝܡܪ̈ܘܢ ܠܝ ܐܘܦ ܐܢܐ ܐܡܪ ܠܟܘܢ܃ ܒܗܝܕܐ ܫܠܛܢܘ ܐܢܐ ܥܒܕ ܗ̈ܠܝܢ܃ |
| 021:025 | ܡܨܒܘܥܝܬ݁ܗ ܕܝܘܚܢܝܣ ܡܢ ܗܢ ܗܘܬ݁ ܡܢ ܫܘܡܝܐ ܐܐ݁ ܡܢ ܒܢܝ̈ܢܫܐ܃ ܗܢ̈ܘܢ ܕܝ ܗܘܘ ܡܬܚ̈ܫܒܝܢ ܒܠܒ̈ܝܗܘܢ ܘܐܡܪ̈ܝܢ ܐܢ ܢܡܘܪ ܡܢ ܫܘܡܝܐ ܐܡܪ ܗܘ ܠܢ ܠܡܐ ܠܐ ܗܝܡܢܬܘܢ ܠܗ |
| 021:026 | ܘܐܢ ܢܝܡܘܪ ܡܢ ܒ̈ܢܝܢܫܐ ܕܚܠܝܢ ܐܢܝܢ ܡܢ ܐܟܠܘ̈ܣܐ܃ ܟܘܠܐ ܓܪ ܨ̈ܝܕܝܢ ܠܝܘܚܢܝܣ ܗܝܟ ܢܒܝ܃ |
| 021:027 | ܘܐܓܝܒ̈ܘ ܘܐܡܪ̈ܘ ܠܡܪܐ ܝܣܘܣ ܠܝܬ݁ ܐܢܝܢ ܝܕܥܝܢ܃ ܐܡܪ ܠܗܘܢ ܐܘܦ ܗܘ ܡܪܐ ܝܣܘܣ܃ ܐܘܦ ܠܐ ܐܢܐ ܠܝܬ݁ ܐܢܐ ܐܡܪ ܠܟܘܢ ܒܗܝܕܐ ܫܘܠܛܢܗ ܐܢܐ ܥܒܕ ܗ̈ܠܝܢ܃ |
| 021:028 | ܡܐ ܕܝ ܗܢܐ ܠܟܘܢ ܒܪܢܫ ܚܕ ܗܘܐ ܠܗ ܬ݁ܪ̈ܝܢ ܒܢܝܢ܃ ܘܩܪܒ ܐܡܪ ܠܩܡܝܐ ܒܪܝ ܐܙܝܠ ܝܘܡܕܝܢ ܥܡܘܠ ܒܟܪܡܐ܃ |
| 021:029 | ܗܘ ܕܝ ܐܓܝܒ ܘܐܡܪ ܐܢܐ ܡܪܝ ܐܙܝܠ ܘܠܐ ܐܙܠ܃ |
| 021:030 | ܩܪܒ ܕܝ ܘܐܡܪ ܠܬܢܝܢܐ ܟܢ ܘܟܘܬ݁ ܗܘ ܕܝ ܐܓܝܒ ܐܡܪ ܠܝܬ݁ ܐܢܐ ܨܒܝ܃ ܒܚܪܝܬܐ ܕܝ ܬ݁ܗܐ ܘܐܙܠ ܠܟܪܡܐ܃ |
| 021:031 | ܡ݁ܢ ܡܢ ܗ̈ܠܝܢ ܬ݁ܪ̈ܝܐ ܥܒܕ ܨܒܝܘܢܗ ܕܐܒܘܝ܃ ܐܡܪ̈ܘ ܠܗ ܕܝ ܥܩܒܝܐ ܐܡܪ ܠܗܘܢ ܡܪܐ ܝܣܘܣ܃ ܐܡܝܢ ܐܡܝܢ ܐܡܪܢܐ ܠܟܘܢ ܕܡܟ̈ܣܝܐ ܘܙ̈ܢܝܬܐ ܡܩ̈ܕܡܝܢ ܠܟܘܢ ܠܡܠܟܘܬ݁ܗ ܕܐܠܗܐ܃ |
| 021:032 | ܐܬܐ ܓܪ ܝܘܚܢܝܣ ܠܘܬ݁ܟܘܢ ܒܐܘܪܚܐ ܕܨܕܝܩ ܘܠܐ ܗܝ̈ܡܢܬ݁ܘܢ ܠܗ܃ ܡܟ̈ܣܝܐ ܕܝ ܘܙ̈ܢܝܬܐ ܗܝ̈ܡܢܘ ܠܗ ܐܬܘܢ ܕܝ ܚܡ̈ܝܬܘܢ ܘܠܐ ܬܗ̈ܝܬܘܢ ܒܚܪܝܬܐ ܕܝ ܬ݁ܗܝ̈ܡܢܘܢ ܠܗ܃ |
| 021:033 | ܚܘܪܢ ܡܬ݁ܠ ܫ̈ܡܘܥܘ܃ ܒܪܢܫ ܚܕ ܗܘܐ ܡܐܪܐ ܒܐܝ܃ ܘܢܨܒ ܟܪܡ ܘܚܓܠ ܝܬ݁ܗ ܣܝܐܓ ܘܚܦܣ ܒܓܘܗ ܡܥܨܪܐ ܘܒܢܐ ܒܓܘܗ ܡܓܕܠ܃ ܘܝܗܒ ܝܬ݁ܗ ܠܐܪ̈ܝܣܝܢ ܘܐܙܠ ܠܗ |
| 021:034 | ܟܕ ܩܪܒ ܩܪܘܣܗܘܢ ܕܦܝܪ̈ܝܐ܃ ܫܠܝܚ ܥܒ̈ܕܘܝ ܠܘܬ݁ ܐܪ̈ܝܣܝܐ ܕܝܣܒܘܢ ܡܢ ܦܝܪ̈ܘܝ |
| 021:035 | ܘܢܣ̈ܒܘ ܠܥܒ̈ܕܝܐ ܠܚܕ ܡ݁ܢ ܡ̈ܚܘ ܠܚܕ ܕܝ ܩ̈ܛܠܘ ܘܠܚܕ ܪ̈ܓܡܘ܃ |
| 021:036 | ܘܬܘܒܢ ܫܠܝܚ ܥܒ̈ܕܝܢ ܚܘܪ̈ܢܝܢ܃ ܣܓܝ ܡܢ ܩܡ̈ܝܝܢ ܘܥܒ̈ܕܘ ܠܗܘܢ ܟܢ ܘܟܘܬ݁ |
| 021:037 | ܒܚܪܝܬܐ ܕܝ ܫܠܝܚ ܠܘܬ݁ܗܘܢ ܒܪܗ ܐܡܪ ܒܗ̈ܬ݁ܝܢ ܗܢܘܢ ܡܢ ܒܪܝ܃ |
| 021:038 | ܐܪ̈ܝܣܝܐ ܕܝ ܟܕ ܚ̈ܡܘ ܠܒܪܗ ܐܡܪ̈ܘ ܒܓܪ̈ܡܗܘܢ ܗܕܝܢ ܗܘ ܝܪܘܬܐ ܐܬ݁ܘ ܢܩܛܘܠ ܝܬ݁ܗ ܘܬ݁ܗܐ ܝܪܬܘܬܐ ܕܝܠܢ܃ |
| 021:039 | ܘܢܣܒܘ ܐܦ̈ܩ̈ܘ ܝܬ݁ܗ ܠܒܪ ܡܢ ܟܪܡܐ ܘܩ̈ܛܠܘ ܝܬ݁ܗ܃ |
| 021:040 | ܟܕ ܐܘܢ ܝܐܬܐ ܡܪܗ ܕܟܪܡܐ ܡܐ ܗܘ ܥܒܕ ܠܪ̈ܝܣܝܐ ܗ̈ܠܝܟ܃ |
| 021:041 | ܐܡܪ̈ܝܢ ܠܗ ܒܝܫ ܒܝܫܐܝܬ݁ ܗܘ ܡܘܒܕ ܝܬ݁ܗܘܢ܃ ܘܟܪܡܐ ܗܘ ܝܗܒ ܠܐܪ̈ܝܣܝܢ ܚܘܪ̈ܢܝܢ ܗ̈ܠܝܢ ܕܝܗ̈ܒܝܢ ܠܗ ܦܝܪ̈ܝܐ ܒܩܝܪ̈ܣܗܘܢ܃ |
| 021:042 | ܐܡܪ ܠܗܘܢ ܡܪܐ ܝܣܘܣ ܡܢ ܝ̈ܘܡܝܟܘܢ ܠܐ ܩܪ̈ܝܬܘܢ ܒܟ̈ܬ݁ܒܝܐ ܕܟܝܦܐ ܗܕܐ ܕܦܣ̈ܠܘ ܒܢܐܝ̈ܝܢ܃ ܗܝ ܐܬ݁ܥܒܕܬ݁ ܪܝܫ ܠܙܘܝܬܐ ܡܢ ܠܘܬ ܡܪܝܐ ܐܬ݁ܥܒܕܬ݁ ܗܕܐ ܘܗܝ ܡܬܡܗܐ ܒܥ̈ܝܢܝܢ |
| 021:043 | ܠܓܠܠ ܟܕܝܢ ܐܢܐ ܐܡܪ ܠܟܘܢ ܕܡܬ݁ܪܝܡܐ ܡܢܟܘܢ ܡܠܟܘܬ݁ܗ ܕܐܠܗܐ ܘܡܬ݁ܝܗܒܐ ܠܡ݁ܢ ܕܥܒܕ ܦܝܪܝܗ݀ |
| 021:033 | ܒܪܢܫ ܚܕ ܗܘܐ ܡܪܐ ܒܐܝ ܘܢܨܒ ܟܪܡ ܘܐܚܓܠ ܝܬ݁ܗ ܣܝܐܓ܃ ܘܚܦܣ ܒܓܘܗ ܡܥܨܪܐ ܘܒܢܐ ܒܓܘܗ ܡܓܕܠ܃ ܘܝܗܒ ܝܬ݁ܗ ܠܐܪ̈ܝܣܝܢ ܘܐܙܠ ܠܗ܃ |
| 021:034 | ܟܕ ܕܝ ܩܪܒ ܩܝܪܘܣܗܘܢ ܕܦܝܪ̈ܝܐ ܫܠܚ ܥܒ̈ܕܘܝ ܠܘܬ݁ ܐܪ̈ܝܣܝܐ ܕܝܣ̈ܒܘܢ ܦܝܪ̈ܘܝ܃ |
| 021:035 | ܘܢܣ̈ܒܘ ܐܪ̈ܝܣܝܐ ܠܥܒ̈ܕܘܗܝ܃ ܠܚܕ ܡܢ ܡܚ̈ܘ܃ ܠܚܕ ܕܝ ܩ̈ܛܠܘ܃ ܘܠܚܕ ܪ̈ܓܡܘ܃ |
| 021:036 | ܘܬܘܒ ܫܠܚ ܥ̈ܒܕܝܢ ܚܘܪ̈ܢܝܢ ܣܓܝ ܡܢ ܩܡܝܝ ܘܥܒ̈ܕܘ ܠܗܘܢ ܟܢ ܘܟܘܬ݁܃ |
| 021:037 | ܒܐܚܪܝܬܐ ܕܝ ܫܠܚ ܠܘܬ݁ܗܘܢ ܒܪܗ ܘܐܡܪ܃ ܒܗ̈ܬ݁ܝܢ ܗܢܘܢ ܡܢ ܒܪܝ܃ |
| 021:038 | ܐܪ̈ܝܣܝܐ ܕܝ ܟܕ ܚ̈ܡܘ ܒܪܗ ܐܡܪܘ ܒܓܪ̈ܡܗܘܢ ܕܢ ܗܘ ܝܪܘܬܐ܃ ܐܬ݁ܘ ܢܩܛܘܠ ܝܬ݁ܗ ܘܬܗܐ ܝܪܬܘܬ݁ܗ ܕܝܠܢ܃ |
| 021:039 | ܘܢܣ̈ܒܘ ܐܦܩ̈ܘ ܝܬ݁ܗ ܠܒܪ ܡܢ ܟܪܡܐ ܘܩ̈ܛܠܘ ܝܬ݁ܗ܃ |
| 021:040 | ܟܕ ܐܘܢ ܝܐܬܐ ܡܪܗ ܕܟܪܡܐ ܡܐ ܗܘ ܥܒܕ ܠܐܪ̈ܝܣܝܐ ܗ̈ܠܝܟ܃ |
| 021:041 | ܐܡܪ̈ܝܢ ܠܗ ܒܝܫ ܒܝܫܐܝܬ݁ ܗܘ ܡܘܒܕ ܠܗܘܢ܃ ܘܟܪܡܐ ܗܘ ܝܗܒ ܠܐܪ̈ܝܣܝܢ ܚܘܪ̈ܢܝܢ ܗ̈ܠܝܢ ܕܝܗ̈ܒܝܢ ܠܗ ܦܝܪ̈ܝܐ ܒܩܝܪ̈ܣܗܘܢ܃ |
| 021:042 | ܐܡܪ ܠܗܘܢ ܡܪܐ ܝܣܘܣ܃ ܡܢ ܝܘ̈ܡܝܟܘܢ ܠܐ ܩܪ̈ܝܬܘܢ ܒܟ̈ܬ݁ܒܝܐ ܕܟܐܦܐ ܗܕܐ ܕܦܣ̈ܠܘ ܒ̈ܢܝܝ ܐܬ݁ܥܒܕܬ݁ ܪܝܫ ܠܙܘܝܬܐ܃ ܡܢ ܡܪܝܐ ܐܬ݁ܥܒܕܬ݁ ܗܕܐ ܘܗܝ ܡܬܡܗܐ ܒܥ̈ܝܢܝܐܢ |
| 022:002 | ܐܬ݁ܕܡܝܐܬ ܡܠܟܘܬܐ ܕܫܘܡܝܐ ܠܓܒܪ ܡܠܟ ܗܕܢ ܕܥܒܕ ܡܫܬܘ ܠܒܪܗ܃ |
| 022:003 | ܘܫܠܚ ܥ̈ܒܕܘܝ ܕܝܩܪ̈ܘܢ ܠܗܠܝܢ ܕܩܪ̈ܝܢ ܠܡܫܬܘܬܐ ܘܠܐ ܗܘܘ ܨܒ̈ܝܢ ܕܝܐܬ݁ܘܢ܃ |
| 022:004 | ܘܬܘܒܢ ܫܠܚ ܥܒ̈ܕܝܢ ܚܘܪܢܝܢ ܐܡܪ܃ ܐܡܘܪ̈ܘ ܠܗܠܝܢ ܕܩܪ̈ܝܢ ܗܐ ܡܓܘܣܝ ܥܬܝܕ܃ ܬ݁ܘܪ̈ܐܝ ܘܦ̈ܛܝܡܐܝ ܢܟܝܣܝܢ܃ ܘܟܘܠܐ ܥܬܝܕ ܐܬ̈ܘ ܠܡܫܬܘܬܐ܃ |
| 022:005 | ܗܢܘܢ ܕܝ ܒ̈ܣܘ ܘܐܙ̈ܠܘ ܠܗܘܢ ܚܕ ܡܢ ܠܚܩܠܗ ܘܚܕ ܠܬܝܓܘܪܬܗ܃ |
| 022:006 | ܫܝܪܝܬܐ ܕܝ ܨ̈ܕܘ ܠܥܒ̈ܕܘܝ ܘܐܩ̈ܠܘ ܘܩ̈ܛܠܘ܃ |
| 022:007 | ܡܠܟܐ ܕܝ ܟܕ ܫܡܥ ܪܓܙ܃ ܘܫܠܚ ܦ̈ܠܚܘ ܘܐܘܒܕ ܠܩ̈ܛܘܠܝܐ ܘܠܡܕܝܢܬ݁ܗܘܢ ܐܘܩܕ܃ |
| 022:008 | ܒܟܢ ܐܡܪ ܠܥܒ̈ܕܘܝ ܡܫܬܘܬܐ ܡ݁ܢ ܥܬܝܕܐ ܐܝܬ݁ ܗܝ܃ ܘܗܠܝܢ ܕܗܘܘ ܩܪ̈ܝܢ ܠܐ ܗܘܘ ܫܘ̈ܝܢ܃ |
| 022:009 | ܐܙܠ̈ܘ ܐܘܢ ܥܠ ܦܪ̈ܫܬ݁ܗܝܢ ܕܐܘܪ̈ܚܬܐ ܘܟܘܠ ܗܠܝܢ ܕܐܬܘܢ ܡܫ̈ܟܚܝܢ ܩܪ̈ܘ ܠܡܫܬܘܬܐ܃ |
| 022:010 | ܘܢ̈ܦܩܘ ܥܒ̈ܕܝܐ ܗܠܝܟ ܠܐܘܪ̈ܚܬܐ ܘܟܢ̈ܫܘ ܟܘܠ ܗܠܝܢ ܕܐܫ̈ܟܚܘ ܒܝܫ̈ܝܢ ܘܛܒ̈ܝܢ܃ ܘܐܬ݁ܡܠܝ ܒܝܬ݁ ܡܫܬ݁ܘܬܐ ܡܢ ܪ̈ܒܘܥܝܐ |
| 022:011 | ܟܕ ܕܝ ܥܠ ܡܠܟܐ ܕܝܚܡܐ ܪ̈ܒܘܥܝܐ ܚܡܐ ܬ݁ܡܢ ܚܕ ܒܪܢܫ ܕܠܐ ܗܘܐ ܠܒܝܫ ܠܒܘܫ ܕܡܫܬܘ܃ |
| 022:012 | ܘܐܡܪ ܠܗ ܚܒܪܐ ܗܝܟ ܥܠܬ ܠܟܐ ܕܠܝܬ݁ ܠܟ ܠܒܘܫ ܕܡܫܬܘ܃ ܗܘ ܕܝ ܐܝܬ݁ ܗܘ ܕܐܣܬܬ݁ܡ |
| 022:013 | ܒܟܢ ܐܡܪ ܡܠܟܐ ܠܫܡܫܝܐ ܟܦܘܬ̈ܘ ܝܬ݁ܗ ܒܐܝ̈ܕܘܝ ܘܒܪ̈ܝܓܠܘܝ ܘܐܦܩ̈ܘ ܝܬ݁ܗ ܠܩܒܠܐ ܒܪܝܐ܃ ܬ݁ܡܢ ܗܘܐ ܒܘܟܝܐ ܘܚܪ̈ܘܩܝܗܝܢ ܕܫ̈ܝܢܝܐ܃ |
| 022:014 | ܣܓܝ ܓܪ ܗܢܘܢ ܩܪ̈ܝܐ ܨܝܒܚܕ ܕܝ ܗܢܘܢ ܒܚܝܪ̈ܝܐ |
| 022:015 | ܒܟܢ ܐܙ̈ܠܘ ܦܪܝܫܝܝ ܢܣ̈ܒܘ ܡܝܠܟ ܥܠ ܝܣܘܣ ܕܝܨܘܕܘܢ ܝܬ݁ܗ ܒܡܠܐ |
| 022:016 | ܘܗܢܘܢ ܡܫ̈ܠܚܝܢ ܠܗ ܬܠ̈ܡܝܕܝܗܘܢ ܥܡ ܗܪܘܕܝܢܝܐ ܐܡܪ̈ܝܢ܃ ܡܠܦܢܐ ܝܕܥܝ̈ܢ ܐܢܝܢ ܕܐܬ ܩܫܝܛ ܘܐܘܪܚܗ ܕܐܠܗܐ ܒܩܘܫܛ ܐܬ ܡܠܦ܃ ܘܠܐ ܟܦܠ ܠܟ ܒܐܢܫ܃ ܠܝܬ ܐܬ ܓܪ ܣܟܐ ܠܐܦ̈ܝܢ ܕܒ̈ܢܝܢܫ܃ |
| 022:017 | ܘܐܡܪ ܠܢ ܐܘܢ ܡܐ ܗܢܐ ܠܟ܃ ܫܠܝܛ ܕܢܬܝܠ ܩܝܣܘܢ ܠܩܝܣܪ ܐܐ݁ ܠܐ܃ |
| 022:018 | ܝܕܥ ܕܝ ܡܪܐ ܝܣܘܣ ܒܝܫܘܬ݁ܗܘܢ ܘܐܡܪ ܡܐ ܐܬܘܢ ܡܢ̈ܣܝܢ ܠܝ ܫܩܪ̈ܝܐ܃ |
| 022:019 | ܐܘ̈ܕܥܘ ܠܝ ܕܝܢܪܐ ܕܩܝܣܘܢ܃ ܗܢܘܢ ܕܝ ܩܪ̈ܒܘ ܠܗ ܙܘܙ܃ |
| 022:020 | ܒܟܢ ܐܡܪ ܠܗܘܢ ܡܪܐ ܝܣܘܣ ܕܡ݁ܢ ܗܝ ܗܕܐ ܨܘܪܬܐ ܘܐܟܬ݁ܒܘܬܐ܃ |
| 022:021 | ܐܡܪ̈ܝܢ ܠܗ ܕܩܝܣܪ܃ ܐܡܪ ܠܗܘܢ ܗ̈ܒܘ ܐܘܢ ܕܩܝܣܪ ܠܩܝܣܪ܃ ܘܕܐܠܗܐ ܠܐܠܗܐ܃ |
| 022:022 | ܘܟܕ ܫ̈ܡܥܘ ܬܡܗ̈ܘ ܘܫ̈ܒܩܘ ܝܬ݁ܗ ܘܐܙ̈ܠܘ ܠܗܘܢ |
| 022:015 | ܒܟܝܢ ܐܙ̈ܠܘ ܦܪ̈ܝܫܝܝܢ ܢܣ̈ܒܘ ܡܠܝܟ ܥܠܘܝ ܕܝ̈ܨܘܕܘܢ ܝܬ݁ܗ ܒܡܠܐ܃ |
| 022:016 | ܘܗܢ̈ܘܢ ܫ̈ܠܚܘ ܠܗ ܬܠ̈ܡܝܕܝܗܘܢ ܥܡ ܗܪ̈ܘܕܝܣܝ ܐܡܪ̈ܝܢ ܡܠܦܢܐ ܝܕܥܝܢ ܐܢܝܢ ܕܐܬ ܩܫܝܛ ܘܐܘܪܚܗ ܕܐܠܗܐ ܒܩܘܫܝܛ܃ ܐܬ ܡܠܝܦ ܘܠܐ ܟܦܠ ܠܟ ܒܐܢܫ ܠܝܬ݁ ܐܬ ܚܡܐ ܠܐܦ̈ܝܢ ܕܒܢܝܢܫ܃ |
| 022:017 | ܐܡܘܪ ܠܢ ܐܘܢ ܡܐ ܗܢܐ ܠܟ ܫܠܝܛ܃ ܕܢܬܝܠ ܩܢܣܘܢ ܠܩܝܣܪ܃ ܐܐ݁ ܠܐ |
| 022:018 | ܝܕܥ ܕܝ ܡܪܐ ܝܣܘܣ ܒܝܫܘܬ̈ܗܘܢ ܘܐܡܪ ܡܐ ܐܬܘܢ ܡ̈ܢܣܝܢ ܠܝ ܫܩܪ̈ܝܐ܃ |
| 022:019 | ܐܘ̈ܕܥܘ ܠܝ ܕܝܢܪܐ ܕܩܢܘܣܘܢ ܗܢܘܢ ܕܝ ܩܪ̈ܒܘ ܠܗ ܙܘܙ܃ |
| 022:020 | ܒܟܢ ܐܡܪ ܠܗܘܢ ܡܪܐ ܝܣܘܣ ܕܡܢ ܗܝ ܗܕܐ ܨܘܪܬܐ ܘܐܟܬ݁ܒܘܬܐ܃ |
| 022:021 | ܐܡܪ̈ܝܢ ܠܗ ܕܩܝܣܪ܃ ܐܡܪ ܠܗܘܢ ܗ̈ܒܘ ܐܘܢ ܕܩܝܣܪ ܠܩܝܣܪ܃ ܘܕܐܠܗܐ ܠܐܠܗܐ܃ |
| 022:022 | ܘܟܕ ܫ̈ܡܥܘ ܬܡܗ̈ܘ ܘܫ̈ܒܩܘ ܝܬ݁ܗ ܘܐܙܠ̈ܘ ܠܗܘܢ܃ |
| 022:023 | ܒܗ ܒܗܘ ܝܘܡܐ ܩܪ̈ܒܘ ܠܗ ܨܕܘܩ̈ܝܝ ܗ̈ܠܝܢ ܕܐܡܪ̈ܝܢ ܕܠܝܬ݁ ܩܝܐܡܐ ܕܡܝܬ̈ܝܢ܃ ܘܫ̈ܐܠܘ ܝܬ݁ܗ |
| 022:024 | ܐܡܪ̈ܝܢ ܡܠܦܢܐ ܡܘܫܐ ܐܡܪ܃ ܕܐܢ ܝܡܘܬ݁ ܐܢܫ ܕܠܐ ܒܢܝܢ ܝܣܒ ܐܚܘܝ ܐܬ݁ܬ݁ܗ ܘܝܩܝܡ ܙܪܥ ܠܐܚܘܝ܃ |
| 022:025 | ܗܘܘ ܕܝ ܠܘܬ݁ܢ ܫܘܒ̈ܥܐ ܐܚܝ̈ܢ ܘܩܡܝܐ ܐܫܬܬ݁ܦ ܘܡܝܬ݁܃ ܘܡܢ ܕܠܐ ܗܘܐ ܠܗ ܒ̈ܢܝܢ ܫܒܩ ܐܬ݁ܬ݁ܗ ܠܐܚܘܝ܃ |
| 022:026 | ܟܢ ܕܝ ܘܟܘܬ݁ ܐܘܦ ܬܢܝܢܐ ܘܬ݁ܠܝܬ݁ܝܐ ܥܕܡܐ ܠܫܘܒܥܬ݁ܝܐ܃ |
| 022:027 | ܡܢ ܒܬܪ ܕܝ ܟܘܠܗܘܢ ܡܝܬ݁ܬ݁ ܐܘܦ ܐܬ݁ܬܐ܃ |
| 022:028 | ܒܩܝܡܬܐ ܐܘܢ ܕܡ̈ܝܬ݁ܝܐ ܕܗܕܢ ܡܢ ܫܘܒ̈ܥܬܝܐ ܗܘܝܐ ܐܬ݁ܬܐ܃ ܟܘܠܗܘܢ ܓܪ ܢܣ̈ܒܘ ܝܬ݁ܗ܃ |
| 022:029 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗܘܢ܃ ܛܥ̈ܝܢ ܐܬܘܢ ܕܠܝܬ݁ ܐܬܘ̈ܢ ܝܕܥ̈ܝܢ ܟܬ݁ܒ̈ܝܐ ܘܠܐ ܚܝܠܗ ܕܐܠܗܐ܃ |
| 022:030 | ܒܩܝܡܬܐ ܓܪ ܕܡ̈ܝܬܝܐ ܠܐ ܡܫ̈ܬܦܝܢ܃ ܐܠܐ ܗܝܟ ܡ̈ܠܐܟܘܝ ܕܐܠܗܐ ܗܘܝܢ ܒܓܘ ܫܘܡܝܐ܃ |
| 022:031 | ܥܠ ܛܒ ܕܝ ܩܝܐܡܬܐ ܕܡܝܬ̈ܝܐ ܠܐ ܩܪ̈ܝܬܘܢ ܡܐ ܕܐܬ݁ܡܪ ܠܟܘܢ ܡܢ ܐܠܗܐ ܕܐܡܪ܃ |
| 022:032 | ܐܢܐ ܗܘ ܐܠܗܗ ܕܐܒܪܗܡ ܘܐܠܗܗ ܕܐܝܣܚܩ܃ ܘܐܠܗܗ ܕܝܥܩܘܒ܃ ܘܠܝܬ݁ ܐܠܗܐ ܕܡ̈ܝܬܝܢ ܐܠܐ ܕܚ̈ܝܝܢ܃ |
| 022:033 | ܘܟܕ ܕܝ ܫ̈ܡܥܘ ܐܘ̈ܟܠܣܝܐ ܗܘܘ ܡܬܧ̈ܠܡܝܢ ܥܠ ܐܘܠܦܢܗ܃ |
| 022:034 | ܘܟܕ ܫ̈ܡܥܘ ܦܪ̈ܝܫܝܐ ܕܫܬܩ ܠܨܕܘܩܝܝ ܐܬ̈ܟܢܫܘ ܗܝܟ ܚܕܐ܃ |
| 022:035 | ܘܫܐܠ ܝܬ݁ܗ ܚܕ ܣܦܪ ܡܢܗܘܢ ܡܢܣܐ ܠܗ ܘܐܡܪ܃ |
| 022:036 | ܡܠܦܢܐ ܗܝܕܢ ܦܩܘܕ ܪܒ ܒܢܝܡܘܣܐ܃ |
| 022:037 | ܗܘ ܕܝ ܡܪܐ ܝܣܘܣ ܐܡܪ ܠܗ܃ ܕܬܚܒ ܠܡܪܝܐ ܐܠܗܟ ܡܢ ܟܘܠܗ ܠܒܟ܃ ܘܡܢ ܟܘܠܗ݀ ܢܦܫܟ ܘܡܢ ܟܘܠܗ ܚܝܠܟ ܘܡܢ ܟܘܠܗ݀ ܚܫܒܬ݁ܟ܃ |
| 022:038 | ܗܕܢ ܗܘ ܦܩܘܕܐ ܪܒܐ ܘܩܡܝܐ܃ |
| 022:039 | ܘܬܢܝܢܐ ܕܕܡܐ ܠܗ܃ ܕܬ݁ܚܒ ܠܩܪܝܒܟ ܗܝܟ ܕܠܓܪܡܟ܃ |
| 022:040 | ܒܗ̈ܠܝܢ ܬ݁ܪ̈ܝܢ ܦܩ̈ܘܕܝܐ ܟܘܠܗ ܢܝܡܘܣܐ ܘܢܒܝܝܐ ܬ̈ܠܝܢ܃ |
| 022:041 | ܟܕ ܕܝ ܗܘܘ ܦܪ̈ܝܫܝܝܐ ܡܟ̈ܢܫܝܢ ܫܐܠ ܝܬ݁ܗܘܢ ܡܪܐ ܝܣܘܣ |
| 022:042 | ܘܐܡܪ܃ ܡܐ ܗܢܐ ܠܟܘܢ ܠܛܒܗ ܕܡܫܝܚܐ ܒܪܗ ܕܡ݁ܢ ܗܘ܃ ܐܡܪ̈ܝܢ ܠܗ ܒܪܗ ܕܕܘܝܕ܃ |
| 022:043 | ܐܡܪ ܠܗܘܢ ܡܪܐ ܝܣܘܣ ܗܝܟ ܐܘܢ ܕܘܝܕ ܒܪܘܚܐ ܩܪܐ ܠܗ ܡܪܝ ܕܐܡܪ |
| 022:044 | ܐܡܪ ܡܪܐ ܠܡܪܝ ܬܒ ܡܢ ܝܡܝܢܝ ܥܕܡܐ ܕܝܣܝܡ ܒܥܠܕܒ̈ܒܝܟ ܟܝܒܫ ܬܚܘܬ݁ ܪ̈ܝܓܠܝܟ܃ |
| 022:045 | ܐܢ ܐܘܢ ܕܘܝܕ ܒܪܘܚܐ ܩܪܐ ܠܗ ܡܪܝ܃ ܗܝܟ ܗܘ ܒܪܗ܃ |
| 022:046 | ܘܐܢܫ ܠܐ ܗܘܐ ܝܟܠ ܕܝܓܝܒ ܝܬ݁ܗ݀ ܡܠܐ܃ ܘܠܐ ܕܝ ܐܚܨܦ ܐܢܫ ܡܢ ܗܘ ܝܘܡܐ ܕܝܫܘܠ ܝܬ݁ܗ ܥܘܕ܃ |
| 022:035 | ܘܫܐܠ ܝܬ݁ܗ ܚܕ ܣܦܪ ܡܢܗܘܢ ܡܢܣܐ ܠܗ ܘܐܡܪ܃ |
| 022:036 | ܡܠܦܢܐ ܗܝܕܝܢ ܦܩܘܕ ܪܒ ܒܢܝܡܘܣܐ܃ |
| 022:037 | ܗܘ ܕܝ ܡܪܐ ܝܣܘܣ ܐܡܪ ܠܗ܃ ܕܬܚܒ ܠܡܪܐ ܐܠܗܟ ܡܢ ܟܘܠܗ ܠܒܟ ܘܡܢ ܟܘܠܗ݀ ܢܦܫܟ܃ ܘܡܢ ܟܘܠ ܚܝܠܟ܃ ܘܡܢ ܟܘܠܗ݀ ܚܫܒܬ݁ܟ܃ |
| 022:038 | ܗܕܝܢ ܗܘ ܦܩܘܕܐ ܪܒܐ ܘܩܡܝܐ܃ |
| 022:039 | ܘܬܢܝܢܐ ܕܕܡܐ ܠܗ܃ ܕܬ݁ܚܒ ܠܩܪܝܒܟ ܗܝܟ ܕܠܓܪܡܟ܃ |
| 022:040 | ܒܗ̈ܠܝܢ ܬ݁ܪܝܢ ܦܩܘ̈ܕܝܐ ܟܘܠܗ ܢܝܡܘܣܐ ܘܢܒܝܝܐ ܬܠܝܢ܃ |
| 022:041 | ܟܕ ܕܝ ܗܘܘ ܦܪܝܫܝܝ ܡܟܢ̈ܫܝܢ ܫܐܠ ܝܬ݁ܗܘܢ ܡܪܐ ܝܣܘܣ |
| 022:042 | ܘܐܡܪ܃ ܡܐ ܗܢܐ ܠܟܘܢ ܠܛܒܗ ܕܡܫܝܚܐ ܒܪܗ ܕܡܢ ܗܘ܃ ܐܡܪ̈ܝܢ ܠܗ ܒܪܗ ܕܕܘܝܕ܃ |
| 022:043 | ܐܡܪ ܠܗܘܢ ܡܪܐ ܝܣܘܣ ܗܝܟ ܐܘܢ ܕܘܝܕ ܒܪܘܚܐ ܩܪܐ ܠܗ ܡܪܝ ܕܐܡܪ |
| 022:044 | ܐܡܪ ܡܪܐ ܠܡܪܝ {ܝ}ܬܒ ܡܢ ܝܡܝܢܝ ܥܕܡܐ ܕܝܣܝܡ ܒܥܠܕܒ̈ܒܝܟ ܟܝܒܫ ܬ݁ܚܘܬ݁ ܪ̈ܝܓܠܝܟ܃ |
| 022:045 | ܐܢ ܐܘܢ ܕܘܝܕ ܒܪܘܚܐ ܩܪܐ ܠܗ ܡܪܝ܃ ܗܝܟ ܗܘ ܒܪܗ܃ |
| 022:046 | ܘܐܢܫ ܠܐ ܗܘܐ ܝܟܠ ܕܝܓܝܒ ܝܬ݁ܗ ܡܠܐ܃ ܘܠܐ ܕܝ ܐܚܨܦ ܐܢܫ ܡܢ ܗܘ ܝܘܡܐ ܕܝܫܘܠ ܝܬ݁ܗ ܥܘܕ |
| 023:001 | ܘܒܟܝܢ ܡܠܠ ܡܪܐ ܝܣܘܣ ܠܐܘ̈ܟܠܘܣܝܐ ܘܠܬܠ̈ܡܝܕܘܝ |
| 023:002 | ܐܡܪ܃ ܥܠ ܡܝܬܘܒܝܬ݁ܗ ܕܡܘܫܐ ܝܬܒܘ ܣܦܪ̈ܝܐ ܘܦܪ̈ܝܫܝܝ |
| 023:003 | ܟܘܠ ܡܐ ܐܘܢ ܕܝܐܡܘܪܘܢ ܠܟܘܢ ܥܒ̈ܕܘ ܘܢܛܪ̈ܘ܃ ܗܝܟ ܥܒܝܕܬ݁ܗܘܢ ܠܐ ܬܗܘܢ ܥܒ̈ܕܝܢ܃ ܐܡܪ̈ܝܢ ܗܢܘܢ ܓܪ ܘܠܐ ܥܒ̈ܕܝܢ܃ |
| 023:004 | ܘܐܣܪ̈ܝܢ ܡܘܒ̈ܠܝܢ ܒܪ̈ܝܐܢ ܘܝܩܝܪ̈ܢ ܠܛܥܢ܃ ܘܡܣ̈ܝܡܝܢ ܝܬ݁ܗܝܢ ܥܠ ܟܬܦܬ݁ܗܘܢ ܕܒ̈ܢܝܢܫܐ܃ ܗܢܘܢ ܕܝ ܒܐܨܒ̈ܥܗܘܢ ܠܐ ܨ̈ܒܝܢ ܕܝܙܥܙܥ̈ܘܢ ܝܬ݁ܗܘܢ܃ |
| 023:005 | ܟܘܠ ܕܝ ܥܒܝܕܬ݁ܗܘܢ ܕܗܢܘܢ ܥܒ̈ܕܝܢ ܗܝܟ ܕܝܬ݁ܚ̈ܡܘܢ ܠܒܢܝ̈ܢܫܐ܃ ܡܦ̈ܬܝܢ ܗܢܘܢ ܓܪ ܐܡܪܬ݁ܗܘܢ ܘܡܪ̈ܒܝܢ ܨܢܦܬ݁ܗܘܢ ܕܡܐܢܝܗܘܢ܃ |
| 023:006 | ܘܪ̈ܚܡܢ ܪ̈ܝܫܐ ܡܪ̈ܒܘܥܝܐ ܒܡܓܘܣܝܐ܃ ܘܪ̈ܝܫܐ݁ ܡܝܬܘܒܝܬ̈ܐ ܒܟܢܝܫ̈ܬܐ܃ |
| 023:007 | ܘܫܝܐܠ ܫܝܠܡܐ ܒܫ̈ܘܩܝܐ܃ ܘܕܝܗܘܢ ܐܘܦ ܡܬ݁ܩܪ̈ܝܢ ܡܢ ܒ̈ܢܝܢܫܐ ܪܒܝ ܪܒܝ܃ |
| 023:008 | ܐܬܘܢ ܕܝ ܠܐ ܬܩܪܘܢ ܠܐܢܫ ܪܒܝ܃ ܚܕ ܗܘ ܓܪ ܪܒܟܘܢ܃ ܘܠܐ ܬܩܪܘܢ ܠܟܘܢ ܡܠܦܢܐ ܚܕ ܗܘ ܓܪ ܡܠܦܢܟܘܢ܃ ܟܘܠܟܘܢ ܕܝ ܐܚ̈ܝܢ ܐܬܘܢ܃ |
| 023:009 | ܘܐܒ ܠܐ ܬܩܪ̈ܘܢ ܠܟܘܢ ܥܠ ܐܪܥܐ܃ ܚܕ ܗܘ ܓܪ ܐܒܘܟܘܢ ܕܒܓܘ ܫܡܝܐ܃ |
| 023:010 | ܘܠܐ ܬܬ݁ܩܪܘܢ ܡܕܒܪ̈ܢܝܢ܃ ܚܕ ܗܘ ܓܪ ܡܕܒܪܢܟܘܢ ܡܫܝܚܐ܃ |
| 023:011 | ܕܢ ܕܝ ܕܒܟܘܢ ܪܒ ܝܗܐ ܫܡܫܟܘܢ܃ |
| 023:012 | ܟܘܠ ܡ݁ܢ ܓܪ ܕܝܪܘܡܡ ܓܪܡܗ ܝܬ݁ܡܟܡܟ܃ ܘܟܘܠ ܡ݁ܢ ܕܝܡܟܡܟ ܓܪܡܗ ܝܬ݁ܪܘܡܡ܃ |
| 023:013 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩ̈ܪܝܐ܃ ܕܐܬܘܢ ܐܚܕܝܢ ܡܠܟܘܬܐ ܕܫܘܡܝܐ ܩܘܕܡ ܒܢܝ̈ܢܫܐ ܐܬܘܢ ܓܪ ܠܐ ܥ̈ܠܝܢ ܘܠܗ̈ܠܝܢ ܕܥ̈ܠܝܢ ܠܝܬ݁ ܐܬܘܢ ܫܒ̈ܩܝܢ ܕܝܥܘܠܘܢ܃ |
| 023:014 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ܃ ܕܐܬܘܢ ܐܟܠܝܢ ܒ{ܝ}̈ܬܝܗܘܢ ܕܐܪ̈ܡܠܬܐ܃ ܘܒܥܠܐ ܡܨ̈ܠܝܢ ܐܪ̈ܝܟܢ܃ ܠܓܠܠ ܟܕܢ ܬܣܒ̈ܘܢ ܕܝܢ ܡܝܬܪ܃ |
| 023:015 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ܃ ܕܐܬܘܢ ܚ̈ܓܠܝܢ ܝܡܐ ܘܝܒܫܐ ܕܬܥܒ̈ܕܘܢ ܚܕ ܓܝܘܪ܃ ܘܟܕ ܝܬ݁ܥܒܕ ܐܬܘܢ ܥܒ̈ܕܝܢ ܠܗ ܒܪܗ݀ ܕܓܗܢܐ܃ ܬܪ̈ܝܢ ܟܦܠܝ̈ܢ ܒܟܘܢ܃ |
| 023:016 | ܘܝ ܠܟܘܢ ܢܓܘ̈ܕܐ ܡܥܘܪ̈ܝܐ܃ ܗܠܝܢ ܕܐܡܪ̈ܝܢ ܡ݁ܢ ܕܝܐܡܐ ܒܢܘܣܐ ܠܝܬ݁ ܗܘ ܟܘܠܘܡ܃ ܘܡ݁ܢ ܕܝܐܡܐ ܒܕܗܒܗ ܕܢܘܣܐ ܚܝܒ ܗܘ܃ |
| 023:017 | ܫ̈ܛܝܐ ܘܣܡ̈ܝܐ ܡܢ ܓܪ ܪܒ ܕܗܒܐ ܐܐ݁ ܢܘܣܐ ܕܢ ܕܡܩܕܫ ܠܗ ܠܕܗܒܐ܃ |
| 023:018 | ܘܡ݁ܢ ܕܝܐܡܐ ܒܡܕܒܚܐ ܠܝܬ݁ ܗܘ ܟܘܠܘܡ܃ ܘܡ݁ܢ ܕܝܐܡܐ ܒܩܘܪܒܢܐ ܕܠܥܠ ܡܢ ܡܕܒܚܐ ܚܝܒ ܗܘ܃ |
| 023:019 | ܫ̈ܛܝܐ ܘܣܡ̈ܝܐ ܡܐ ܓܪ ܪܒ ܩܘܪܒܢܐ ܐܐ݁ ܡܕܒܚܐ ܕܡܩܕܫ ܠܗ ܠܩܘܪܒܢܐ܃ |
| 023:020 | ܡ݁ܢ ܐܘܢ ܕܝܐܡܐ ܒܡܕܒܚܐ܃ ܝܡܐ ܒܗ ܘܒܟܘܠܡܐ ܕܠܥܠ ܡܢܗ܃ |
| 023:021 | ܘܡ݁ܢ ܕܝܐܡܐ ܒܢܘܣܐ ܝܐܡܐ ܗܘ ܒܗ ܘܒܡ݁ܢ ܕܥܡܪ ܒܓܘܗ܃ |
| 023:022 | ܘܡ݁ܢ ܕܝܐܡܐ ܒܫܘܡܝܐ ܝܐܡܐ ܗܘ ܒܡܝܬܘܒܝܬ݁ܗ ܕܐܠܗܐ ܘܒܡ݁ܢ ܕܝܬܒ ܠܥܠ |
| 023:023 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ܃ ܕܐܬܘܢ ܡܥܣܪ̈ܝܢ ܢܢܥܥܐ ܘܫܘܒܬܐ ܘܟܡܘܢܐ܃ ܘܫܒܩܬܘܢ ܡܝܐܩܪ̈ܬ݁ܗ ܕܢܝܡܘܣܐ܃ ܕܝܢܐ ܘܪ̈ܚܡܝܐ ܘܗܝܡܢܘܬܐ܃ ܗ̈ܠܝܢ ܗܘܐ ܢܦܠ ܕܬܥܒ̈ܕܘܢ܃ ܘܗܠܝܟ ܠܐ ܬܫܒ̈ܘܩܘܢ܃ |
| 023:024 | ܢܓܘܕܝܗ̈ܘܢ ܕܣ̈ܡܝܐ܃ ܗܠܝܢ ܕܡܣܢܢܝܢ {ܢ}<ܝ>ܬܘܫ̈ܐ ܘܒ̈ܠܥܝܢ ܓܡܠܐ܃ |
| 023:025 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ܃ ܕܐܬܘܢ ܡܢܩܝܢ ܒܪܝܘܬ݁ܗ ܕܟܣܐ ܘ{ܒ]<ܕ>ܨܥܐ܃ ܘܡܢ ܠܓܘ ܗܢܘܢ {ܗ̈}<ܡ>ܠܝܢ ܡܢ ܚܘܛܘܦܝܐ ܘܣܪܝܘܬܐ܃ |
| 023:026 | ܦܪܝܫܝܐ ܣܡܝܐ ܢܩܝ ܐܘܢ ܓܘܗ ܕܟܣܐ ܩܡܐܝ ܘܒܨܥܐ ܕܝܬ݁ܥܒܕ ܐܘܦ ܒܪ̈ܝܘܬ݁ܗܘܢ ܢܩܐ܃ |
| 023:027 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ ܕܐܬܘܢ ܕܡ̈ܝܢ ܠܩܒܪ̈ܝܢ ܡܓܝܪ̈ܝܢ ܗܠܝܢ ܕܡܢ ܠܒܪ ܗܢܘܢ ܡܬ̈ܚܡܝܢ ܝܐܝ̈ܝܢ܃ ܘܡܢ ܠܓܘ ܗܢܘܢ ܡ̈ܠܝܢ ܓܪ̈ܡܝܢ ܕܡܝܬ̈ܝܢ ܘܟܘܠ ܣܪܝܘ܃ |
| 023:028 | ܗܟܕܢ ܐܘܦ ܐܬܘܢ ܡܢ ܠܒܪ ܐܬܘܢ ܡܬ݁ܚܡ̈ܝܢ ܠܒܢ̈ܝܢܫܐ ܨܕܝܩ̈ܝܢ܃ ܘܡܢ ܠܓܘ ܐܬܘܢ ܡܠܝܢ ܫܘܩܪ ܘܡܢ ܟܘܠ ܥܒܪ܀ܢܝܡܘܣ |
| 023:029 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩܪ̈ܝܐ܃ ܕܐܬܘܢ ܒܢܝܢ ܡܩܒܘܪܬ݁ܗܘܢ ܕܢܒ̈ܝܝܐ܃ ܘܡܬܩ̈ܢܝܢ ܩܒܪ̈ܝܗܘܢ ܕܨܕܝܩ̈ܝܐ܃ |
| 023:030 | ܘܐܬܘܢ ܐܡܪ̈ܝܢ ܕܐܠܘ ܗܘ̈ܝܢܢ ܒܝ̈ܘܡܝܗܘܢ ܕܐܒܗ̈ܬ݁ܢ ܠܐ ܗ̈ܘܝܢܢ ܫ̈ܘܬܦܝܢ ܥܡܗܘܢ ܒܐܕܡܐ ܕܢܒ̈ܝܝܐ܃ |
| 023:031 | ܗܘܐ ܐܘܢ ܐܬܘܢ ܡܣܝܕܝܢ ܥܠ ܓܪ̈ܡܟܘܢ ܕܐܬܘܢ ܒܢܝ̈ܗܘܢ ܕܗܠܝܢ ܕܩ̈ܛܠܘ ܢܒ̈ܝܝܐ܃ |
| 023:032 | ܐܘܦ ܐܬܘܢ ܡܠ̈ܘ ܡܟܠܬ݁ܗܘܢ ܕܐܒܗܬ݁ܟܘܢ܃ |
| 023:033 | ܚܘܘܬܐ ܘܝܠܕܝܗܝܢ ܕܟܝܢܝܐ܃ ܗܝ{ܢ}<ܟ> ܬܥܪܘܩܘܢ ܡܢ ܕܝܢܐ ܕܓܗܢܐ܃ |
| 023:034 | ܠܓܠܠ ܟܕܢ ܗܐ ܐܢܐ ܡܫܠܚ ܠܘܬ݁ܟܘܢ ܢܒ̈ܝܝܢ ܘܚܟܝ̈ܡܝܢ ܘܣܦܪ̈ܝܢ܃ ܘܡܢܗܘܢ ܬܩܛܘܠ̈ܘܢ ܘܬ݁ܨܠܘܒ̈ܘܢ܃ ܘܡܢܗܘܢ ܬ݁ܢܓ̈ܕܘܢ ܒܟܢܝܫܬ݁ܟܘܢ܃ ܘܬܪ̈ܕܘܦܘܢ ܡܢ ܡܕܝܢܐ ܠܡܕܝܢܐ܃ |
| 023:035 | ܠܡܠܘ ܕܝܐܬܐ ܥܠܝܟܘܢ ܟܘܠ ܐܕܡ ܨܕܝܩ ܕܐܫܬܦܟ ܥܠ ܐܪܥܐ܃ ܡܢ ܐܕܡܗ ܕܐܒܝܠ ܨܕܝܩܐ ܥܕ̈ܡܐ ܠܐܕܡܗ ܕܙܟܪܝܐ ܒܪ ܒܪܟܝܐ ܗܕܝܢ ܕܩ̈ܛܠܬܘܢ ܒܝܢ ܢܘܣܐ ܠܡܕܒܚܐ܃ |
| 023:036 | ܐܡܝܢ ܐܡܪ ܐܢܐ ܠܟܘܢ ܕܝܐܬܝ̈ܐܢ ܗ̈ܠܝܢ ܟܘ̈ܠܗܝܢ ܥܠ ܗܕܝܢ ܕܪܐ܃ |
| 023:037 | ܝܪܘܫܠܝܡ ܝܪܘܫܠܝܡ ܗܕܐ ܕܡܩܛܠܐ ܢܒܝ̈ܝܐ ܘܪܓܡܐ ܠܗ̈ܠܝܢ ܕܡܫ̈ܬܠܚܝܢ ܠܘܬ݁ܗ܃ ܟܡܐ ܙܒܢ̈ܝܢ ܨܒܝܬ݁ ܕܝܟܢܫ ܒ̈ܢܝܟܝ ܗܝܟ ܟܘܠܡܐ ܕܬܘܪܢܓܘܠܬܐ ܡܟܢܫܐ ܦܪ̈ܘܓܝܗ ܠܬܚܘܬ݁ ܟܢܦܝܗ݀ ܘܠܐ ܨܒ̈ܝܬܘܢ܃ |
| 023:038 | ܗܐ ܫܒܝܩ ܠܟܘܢ ܒܝܬܟܘܢ ܚܪܝܒ܃ |
| 023:039 | ܐܡܪ ܐܢܐ ܠܟܘܢ ܓܪ ܕܠܐ ܬ݁ܚܡ̈ܘܢ ܝܬ݁ܝ ܡܢ ܥܕܡܐ ܕܬܝܡܘܪ̈ܘܢ ܡܒܪܟ ܗܘ ܗܕܢ ܕܐܬܐ ܒܫܝܡܗ ܕܡܪܝܐ܃ |
| 023:001 | ܘܒܟܢ ܡܠܠ ܡܪܐ ܝܣܘܣ ܠܐܘܟ̈ܠܘܣܝܐ ܘܠܬܠ̈ܡܝܕܘܝ |
| 023:002 | ܐܡܪ܃ ܥܠ ܡܝܬܘܒܝܬ݁ܗ ܕܡܘܫܐ ܝܬܒ̈ܘ ܣܦܪ̈ܝܐ ܘܦܪ̈ܝܫܝܝ |
| 023:003 | ܟܘܠ ܡܐ ܐܘܢ ܕܝܐܡܘܪ̈ܘܢ ܠܟܘܢ ܥܒ̈ܕܘ ܘܢܛܪ̈ܘ܃ ܗܝܟ ܥܒܝܕܬ݁ܗܘܢ ܕܝ ܕܝܠܗܘܢ ܠܐ ܬܗܘܢ ܥܒ̈ܕܝܢ܃ ܐܡܪ̈ܝܢ ܗܢܘܢ ܓܪ ܘܠܐ ܥܒ̈ܕܝܢ܃ |
| 023:004 | ܘܐܣܪ̈ܝܢ ܡܘ̈ܒܠܝܢ ܒܪ̈ܝܐܢ ܘܝܩܝܪ̈ܢ ܠܛܥܢ܃ ܘܡܣ̈ܝܡܝܢ ܝܬ݁ܗܝܢ ܥܠ ܟܬܦ̈ܬܗܘܢ ܕܒܢܝ̈ܢܫܐ܃ ܗܢܘܢ ܕܝ ܒܐܨܒ̈ܥܗܘܢ ܠܐ ܨ̈ܒܝܢ ܕܝܙܥܙܥܘܢ ܝܬ݁ܗܘܢ܃ |
| 023:005 | ܟܘܠ ܕܝ ܥ̈ܒܝܕܬ݁ܗܘܢ ܕܗܢܘܢ ܥܒ̈ܕܝܢ ܗܝܟ ܕܝܬ̈ܚܡܘܢ ܠܒܢܝ̈ܢܫܐ܃ ܡܦ̈ܬܝܢ ܗܢܘܢ ܓܪ ܐܡܪܬ݁ܗܘܢ ܘܡܪ̈ܒܝܢ ܨܢܦܬ̈ܗܘܢ ܕܡܐܢܝܗܘܢ܃ |
| 023:006 | ܘܪ̈ܚܡܝܢ ܪܝܫ ܡܪ̈ܒܘܥܝ<ܬ>ܐ ܒܡ̈ܓܘܣܝܐ܃ ܘܪ̈ܝܫܐ ܡܝܬܘܒܝܬܐ ܒܟܢܝܫܬܐ܃ |
| 023:007 | ܘܫܝܐܠ ܫܝܠܡܐ ܒܫ̈ܘܩܝܐ܃ ܘܕܝܗܘܢ ܐܘܦ ܡܬ̈ܩܪܝܢ ܡܢ ܒ̈ܢܝܢܫܐ ܪܒܝ ܪܒܝ܃ |
| 023:008 | ܐܬܘܢ ܕܝ ܠܐ ܬܩܪ̈ܘܢ ܠܐܢܫ ܪܒܝ܃ ܚܕ ܗܘ ܓܪ ܪܒܟܘܢ܃ ܘܐܢܬܘܢ ܠܐ ܬܩܪ̈ܘܢ ܠܟܘܢ ܡܠܦܢܐ ܚܕ ܗܘ ܓܪ ܡܠܦܢܟܘܢ܃ ܟܘܠܟܘܢ ܕܝ ܐܚܝܢ ܐܬܘܢ܃ |
| 023:009 | ܘܐܒ ܠܐ ܬܩܪ̈ܘܢ ܠܟܘܢ ܥܠ ܐܪܥܐ ܚܕ ܗܘ ܓܪ ܐܒܘܟܘܢ ܕܒܓܘ ܫܡܝܐ܃ |
| 023:010 | ܘܠܐ ܬܬ݁ܩܪܘܢ ܡܕܒܪ̈ܢܝܢ܃ ܚܕ ܗܘ ܓܪ ܡܕܒܪܢܟܘܢ ܡܫܝܚܐ܃ ܕܝܢ ܕܝ ܕܒܟܘܢ ܪܒ ܝܗܐ ܫܡܫܟܘܢ܃ |
| 023:011 | ܟܘܠ ܡܢ ܓܪ ܕܝܪܘܡܡ ܓܪܡܗ ܝܬ݁ܡܟܡܟ܃ ܘܟܘܠ ܡ݁ܢ ܕܝܡܟܡܟ ܓܪܡܗ ܝܬ݁ܪܘܡܡ |
| 023:029 | ܘܝ ܠܟܘܢ ܣܦܪ̈ܝܐ ܘܦܪ̈ܝܫܝܝ ܫܩ̈ܪܝܐ܃ ܕܐܬܘܢ ܒܢ̈ܝܢ ܡܩܒܘܪ̈ܬ݁ܗܘܢ ܕܢܒ̈ܝܝܐ܃ ܘܡܬܩ̈ܢܝܢ ܩܒܪ̈ܝܗܘܢ ܕܨܕܝܩ̈ܝܐ܃ |
| 023:030 | ܘܐܬܘܢ ܐܡܪ̈ܝܢ ܕܐܠܘ ܗܘܝܢܢ ܒܝ̈ܘܡܝܗܘܢ ܕܐܒ̈ܗܬ̈ܝܢ ܠܐ ܗܘܝܢܢ ܫܘܬܦܝܢ ܥܡܗܘܢ ܒܐܕܡܐ ܕܢܒ̈ܝܝܐ܃ |
| 023:031 | ܗܘܐ ܐܘܢ ܐܬܘܢ ܡܣܝܕܝܢ ܥܠ ܓܪ̈ܡܟܘܢ ܕܐܬܘܢ ܒ̈ܢܝܗܘܢ ܕܗ̈ܠܝܢ ܕܩ̈ܛܠܘ ܢܒ̈ܝܝܐ܃ |
| 023:032 | ܐܘܦ ܐܬܘܢ ܡܠ̈ܘ ܡܟܠܬ݁ܗܘܢ ܕܐܒ̈ܗܬ݁ܟܘܢ܃ |
| 023:033 | ܚܘ̈ܘܬܐ ܘܝܠܘܕܝܗ̈ܝܢ ܕܟ̈ܝܢܝܐ ܗܝܟ ܬܥܪ̈ܘܩܘܢ ܡܢ ܕܝܢܐ ܕܓܗܢܐ܃ |
| 023:034 | ܠܓܠܠ ܟܕܢ ܗܐ ܐܢܐ ܡܫܠܚ ܠܘܬ݁ܟܘܢ ܢܒ̈ܝܝܢ ܘܚܟܝܡ̈ܝܢ ܘܣܦܪ̈ܝܢ܃ ܘܡܢܗܘܢ ܬܩܛܘܠ̈ܘܢ ܘܬ݁ܨܠܘܒ̈ܘܢ܃ ܘܡܢܗܘܢ ܬܢܓ̈ܕܘܢ ܒܟܢܝܫܬ݁ܟܘܢ܃ ܘܬܪܕܘܦܘܢ ܡܢ ܡܕܝܢܐ ܠܡܕܝܢܐ܃ |
| 023:035 | ܠܡܠܘ{ܝ} ܕܝܐܬܐ ܥܠܝܟܘܢ ܟܘܠ ܐܕܡ܃ ܨܕܝܩ ܕܐܫܬܦܟ ܥܠ ܐܪܥܐ ܡܢ ܐܕܡܗ ܕܐܒܝܠ ܨܕܝܩܐ ܥܕܡܐ ܠܐܕܡܗ ܕܙܟܪܝܐ ܒܪ ܒܪܟܝܐ ܗܕܝܢ ܕܩܛܠܬܘܢ ܒܝܢ ܢܘܣܐ ܠܡܕܒܚܐ܃ |
| 023:036 | ܐܡܝܢ ܐܡܪܢܐ ܠܟܘܢ ܕܝܐܬ݁ܝܐܢ ܗ̈ܠܝܢ ܟܘܠܗ̈ܝܢ ܥܠ ܗܕܝܢ ܕܪܐ܃ |
| 023:037 | ܝܪܘܫܠܝܡ ܝܪܘܫܠܝܡ ܗܕܐ ܕܡܩܛܠܐ ܢܒܝ̈ܝܐ ܘܪܓܡܐ ܠܗ̈ܠܝܢ ܕܡܫܬܠ̈ܚܝܢ ܠܘܬ݁ܗ܃ ܟܡܐ ܙܒ̈ܢܝܢ ܨܒܝܬ݁ ܕܝܟܢܫ ܒܢܝ̈ܟܝ܃ ܗܝܟ ܟܘܠ ܡܐ ܕܬܘܪܢܓܘܠܬܐ ܡܟܢܫܐ ܦܪ̈ܘܓܝܗ݀ ܠܬܚܘܬ݁ ܟܢܦܝܗ݀ ܘܠܐ ܨܒܝܬܘܢ܃ |
| 023:038 | ܗܐ ܫܒܝܩ ܠܟܘܢ ܒܝܬܟܘܢ ܚܪܝܒ܃ |
| 023:039 | ܐܡܪ ܐܢܐ ܠܟܘܢ ܓܪ ܕܠܐ ܬܚܡ̈ܘܢ ܝܬܝ ܡܢ ܟܕܘ ܥܕܡܐ ܕܬܝܡܘܪ̈ܘܢ ܡܒܪܟ ܗܘ ܗܕܢ ܕܐܬܐ ܒܫܝܡܗ ܕܡܪܝܐ |
| 024:001 | ܘܢܦܩ ܡܪܐ ܝܣܘܣ ܡܢ ܢܘܣܐ ܘܗܘܐ ܐܙܠ܃ ܘܩܪ̈ܒܘ ܬܠ̈ܡܝܕܘܝ ܕܝܘ̈ܕܥܘܢ ܠܗ ܒܢܝܢܘܝ ܕܢܘܣܐ܃ |
| 024:002 | ܗܘ ܕܝ ܐܓܝܒ ܘܐܡܪ ܠܗܘܢ ܠܝܬ݁ ܐܬܘܢ ܚ̈ܡܝܢ ܗ̈ܠܝܢ ܟܘ̈ܠܗܘܢ܃ ܐܡܝܢ ܐܡܪ ܐܢܐ ܠܟܘܢ ܕܠܐ ܬܫܬܒܩ ܟܐ ܟܝܦ ܥܠ ܟܝܦ ܕܠܐ ܬܣܬܬ݁ܪ |
| 024:003 | ܘܟܕ ܗܘܐ ܝܬܝܒ ܥܠ ܛܘܪܐ ܕܙ̈ܝܬܝܐ ܩܪ̈ܒܘ ܠܗ ܬܠ̈ܡܝܕܘܝ ܒܝܢܗܘܢ ܠܒܝܢܗ ܘܐܡܪ̈ܘ܃ ܐܡܘܪ ܠܢ ܐܡܬ݁ܝ ܗ̈ܘܝܐܢ ܗܠܝܢ ܘܡܐ ܗܘ ܐܬܐ ܕܡܝܬ݁ܘܝܬ݁ܟ܃ ܘܕܫܝܨܘܝܗ ܕܥܠܡܐ܃ |
| 024:004 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܚܡܘ ܕܐܢܫ ܠܐ ܝܛܥܐ ܝܬ݁ܟܘܢ܃ |
| 024:005 | ܣܓܝ ܓܪ ܝܐܬ݁ܘܢ ܥܠ ܫܝܡܝ ܐܡܪ̈ܝܢ ܐܢܐ ܗܘ ܡܫܝܚܐ ܘܠܣܓ̈ܝܐ ܝܛܥ̈ܘܢ܃ |
| 024:006 | ܥܬܝܕܝܢ ܐܬܘܢ ܕܝ ܕܬܫ̈ܡܥܘܢ ܩܪ̈ܒܝܢ ܘܡܫܡܘܥܝܢ ܕܩܪ̈ܒܝܢ ܚܡܘ ܕܠܐ ܬܬ݁ܪ̈ܗܒܘܢ܃ ܧ̈ܢܛܘܣ ܓܪ ܠܗܠܝܢ ܕܝܗܢ ܐܠܐ ܥܕ ܟܢ ܠܐ ܗܘܐ ܫܝܨܘܝܐ܃ |
| 024:007 | ܝܩܘܡ ܓܪ ܡܝܢ ܥܠ ܡܝܢ܃ ܘܡܠܟܘ ܥܠ ܡܠܟܘ܃ ܘܝܗܘܢ ܡܘ̈ܬܢܝܢ ܘܟ̈ܦܢܝܢ ܘܙ̈ܘܥܢܝܢ ܒܐܬ݁ܪ̈ܝܢ ܐܬ݁ܪ̈ܝܢ܃ |
| 024:008 | ܟܘܠ ܗܠܝܢ ܕܝ ܪܝܫ ܚ̈ܒܠܝܢ܃ |
| 024:009 | ܒܟܢ ܝܡܣܘܪ̈ܘܢ ܝܬ݁ܟܘܢ ܠܠܚܘܨܝܢ ܘܝܩ̈ܛܘܠܘܢ ܝܬ݁ܟܘܢ܃ ܘܐܬܘܢ ܗܘܝܢ ܡܣ̈ܬܢܝܢ ܡܢ ܟܘܠ ܡܝܢܝܐ ܠܓܠܠ ܫܝܡܝ܃ |
| 024:010 | ܘܒܟܢ ܝܬ݁ܟܫ̈ܠܘܢ ܣ̈ܓܝ܃ ܘܦܠܓܗܘܢ ܠܦܠܓ ܝܡܣܘܪ̈ܘܢ ܘܝܣ̈ܢܘܢ ܦܠܓܗܘܢ ܠܦܠܓ܃ |
| 024:011 | ܘܣ̈ܓܝ ܢܒ̈ܝܝܢ ܕܓܠܝ̈ܢ ܝܩ̈ܘܡܘܢ ܘܠܣ̈ܓܝ ܝܛܥ̈ܘܢ܃ |
| 024:012 | ܘܠܓܠܠ ܕܣܓܐ ܥܒܪ܀ܢܝܡܘܣܐ ܬܨܘܢ ܚܒܬ݁ܗ̈ܘܢ ܕܣ̈ܓܝ܃ |
| 024:013 | ܕܢ ܕܝ ܕܡܣܘܒܪ ܠܫܝܨܘܝ ܗܘ ܚܝܐ |
| 024:003 | ܘܟܕ ܗܘܐ ܡܪܐ ܝܣܘܣ ܝܬܝܒ ܥܠ ܛܘܪܐ ܕܙ̈ܝܬܐ ܩܪ̈ܒܘ ܠܗ ܬܠ̈ܡܝܕܘܝ ܒܝܢܗܘܢ ܘܠܗ ܘܐܡܪ̈ܝܢ܃ ܐܡܘܪ ܠܢ ܐܡܬ݁ܝ ܗܘ̈ܝܐܢ ܗ̈ܠܝܢ܃ ܘܡܐ ܗܘ ܐܬ݁ܝܐ ܕܡܝܬ݁ܝܘܬ݁ܟ ܘܕܫܝܨܘܝܗ ܕܥܠܡܐ܃ |
| 024:004 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ ܚܡ̈ܘ ܕܠܐ ܝܛܥܐ ܝܬ݁ܟܘܢ ܐܢܫ܃ |
| 024:005 | ܣ̈ܓܝ ܓܪ ܝܐܬ̈ܘܢ ܥܠ ܫܝܡܝ ܐܡܪ̈ܝܢ ܐܢܐ ܗܘ ܡܫܝܚܐ܃ ܘܠܣ̈ܓܝ ܝܛܥܘ̈ܢ܃ ܘܩܝ̈ܪܘܣܐ ܩܪܒ ܠܐ ܬܙܠܘܢ ܒܬ݁ܪܗܘܢ |
| 024:006 | ܥ̈ܬܝܕܝܢ ܐܬܘܢ ܕܝ ܕܬܫܡ̈ܥܘܢ ܩܪ̈ܒܝܐ ܘܡܫ̈ܡܥܝܢ ܕܩܪ̈ܒܝܢ܃ ܚ̈ܡܘ ܕܠܐ ܬܬ݁ܪ̈ܗܒܘܢ܃ ܧ̈ܢܛܘܣ ܓܪ ܠܗ̈ܠܝܢ ܕܝܗ̈ܢ܃ ܐܠܐ ܥܕ ܟܕܘ ܠܐ ܗܘܐ ܫܝܨܘܝܐ܃ |
| 024:007 | ܝܩ̈ܘܡܘܢ ܓܪ ܡ̈ܝܢ ܥܠ ܡ̈ܝܢ ܘܡܠܟܘ ܥܠ ܡܠܟܘ܃ ܘܝܗܘܢ ܡܘ̈ܬܢܝܢ ܘܟ̈ܦܢܝܢ ܘܙ̈ܘܥܢܝܢ ܒܐܬ݁ܪ̈ܝܢ ܐܬ݁ܪ̈ܝܢ܃ |
| 024:008 | ܟܘܠ ܗ̈ܠܝܢ ܪܝܫ ܚܒ̈ܠܝܢ܃ |
| 024:009 | ܒܟܝܢ ܝܡܣܘܪ̈ܘܢ ܝܬ݁ܟܘܢ ܠܠܚܘܨܝܢ ܘܝܩ̈ܛܠܘܢ ܝܬ݁ܟܘܢ܃ ܘܐܬܘܢ ܗܘܝܢ ܡܣ̈ܬܢܝܢ ܡܢ ܟܘܠܗܘܢ ܡܝܢ̈ܝܐ ܠܓܠܠ ܫܝܡܝ |
| 024:010 | ܘܒܟܝܢ ܝܬ݁ܟܫ̈ܠܘܢ ܣ̈ܓܝ ܘܦ̈ܠܓܗܘܢ ܠܦܠܝܓ ܝܡܣܪ̈ܘܢ ܘܝܣ̈ܢܘܢ ܦܠܓ̈ܗܘܢ ܠܦܠܝܓ܃ |
| 024:011 | ܘܣ̈ܓܝ ܢܒ̈ܝܐܢ ܕܓܐܠܝ̈ܢ ܝܩ̈ܘܡܘܢ ܘܠܣܓ̈ܝ ܝܛܥ̈ܘܢ܃ |
| 024:012 | ܘܠܓܠܠ ܕܣܓܝ ܥܒܪ܀ܢܝܡܘܣܐ ܬ݁ܨܘܢ ܚܒܬ̈ܗܘܢ ܕܣ̈ܓܝ܃ |
| 024:013 | ܗܘ ܕܝ ܕܡܘܪܝܟ ܠܫܝܨܘܝ ܗܘ ܚܝܐ܃ |
| 024:014 | ܘܝܬ݁ܟܪܙ ܗܕܝܢ ܒܣܘܪܐ ܕܡܠܟܘܬܐ ܒܟܘܠܗ ܥܠܡܐ ܠܣܗܕܘ ܠܟܘܠ ܡ̈ܝܢܝܐ܃ ܘܒܟܝܢ ܝܐܬܐ ܫܝܨܘܝܐ܃ |
| 024:015 | ܟܕ ܐܘܢ ܬ݁ܚܡ̈ܘܢ ܣܐܘܒܬܐ ܕܚܪܒܢܐ ܕܐܬ݁ܡܪ ܒܕܢܝܐܝܠ ܢܒܝܐ ܩܐܝܡ ܒܐܬ݁ܪܐ ܩܕܝܫܐ܃ ܗܘ ܕܩܪܐ ܝܗܐ ܬܐܪ܃ |
| 024:016 | ܒܟܝܢ ܗ̈ܠܝܢ ܕܒ̈ܝܘܕܝܐ ܝܥܪ̈ܩܘܢ ܠܛܘܪܝܐ܃ |
| 024:017 | ܗܘ ܕܥܠ ܐܓܪܐ ܠܐ ܝܚܘܬ݁ ܕܝܣܒ ܟܝܠܘܡ ܡܢ ܓܘ ܒܝܬܗ܃ |
| 024:018 | ܘܗܘ ܕܒܛܘܪܐ ܠܐ ܝܬܘܒ ܠܚܘܪܝܐ ܕܝܣܝܒ ܡ̈ܢܗ܃ |
| 024:019 | ܘܝ ܠܗ̈ܝܢ ܕܝ ܠܗ̈ܠܝܢ ܕܒ̈ܛܢܢ ܘܠܗܠ̈ܝܢ ܕܡܝ̈ܢܩܢ ܒܗ̈ܠܝܟ ܝܘ̈ܡܝܐ܃ |
| 024:020 | ܗܘܘ ܕܝ ܡ̈ܨܠܝܢ ܕܠܐ ܝܗܢ ܥܘܪܘܩܝܟܘܢ ܠܐ ܒܣܬ݁ܘܐ܃ ܘܠܐ ܒܫܘܒܬܐ܃ |
| 024:021 | ܗܘܐ ܓܪ ܠܚܨܘܢ ܪܒ ܕܠܐ ܐܬ݁ܥܒܕ ܟܘܬܗ ܡܢ ܪܝܫ ܕܥܠܡܐ ܥܕ ܡܛܐ ܠܟܕܘ ܘܐܘܦ ܠܐ ܝܬ݁ܥܒܕ܃ |
| 024:022 | ܘܐܠܘ ܠܐ ܕܩܨܪ̈ܘ ܗܠ̈ܝܟ ܝܘ̈ܡܝܐ܃ ܐܠܘ ܕܝ ܟܝܢ ܠܐ ܚܝܐ ܟܘܠ ܒܣܪ܃ ܠܓܠܠ ܕܝ ܒܚܝܪ̈ܝܐ ܝܩܨܘܪ̈ܘܢ ܝܘ̈ܡܝܐ ܗ̈ܠܝܟ܃ |
| 024:023 | ܒܟܝܢ ܐܢ ܝܐܡܘܪ ܠܟܘܢ ܐܢܫ ܗܟܐ ܗܘ ܡܫܝܚܐ܃ ܐܐ݁ ܗܐ ܗܘ ܠܐ ܬܗܝܡܢܘܢ܃ |
| 024:024 | ܝܩ̈ܘܡܘܢ ܓܪ ܡܫ̈ܝܚܝܢ ܕܓ̈ܠܝܢ ܘܢܒܝ̈ܝܢ ܕܓ̈ܠܝܢ܃ ܘܝܬܠ̈ܘܢ ܐܬ݁ܘ̈ܢ ܪ̈ܒܪܒܢ ܘܓܒܘܪ̈ܘܢ ܠܡܠܘ ܕܝܛܥ̈ܘܢ ܐܢ ܝܟܠܘ ܐܘܦ ܠܒܚܝܪ̈ܝܐ܃ |
| 024:025 | ܗܐ ܩܕܡܬ݁ ܐܡܪܬ݁ ܠܟܘܢ܃ |
| 024:026 | ܐܢ ܐܘܢ ܝܡܘܪ̈ܘܢ ܠܟܘܢ ܗܐ ܒܡܕܒܪܐ ܐܝܬ݁ ܗܘ ܠܐ ܬ݁ܦ̈ܘܩܘܢ ܐܐ݁܃ ܗܐ ܒܬܘܢܝܐ ܗܘ܃ ܠܐ ܬܗ̈ܝܡܢܘܢ܃ |
| 024:027 | ܗܝܟ ܡܐ ܓܪ ܕܒܪܩܐ ܢܦܩ ܡܢ ܡܕܢܚܐ ܘܡܬ݁ܚܡܐ ܥܕ ܡܛܐ ܡܥܪܒܐ܃ ܗܟܕܝܢ ܗܘܝܐ ܐܘܦ ܡܝܬ݁ܘܝܬ݁ܗ ܕܒܪܗ ܕܓܒܪܐ܃ |
| 024:028 | ܗܢ ܕܗܘܐ ܦܘܓܪ̈ܐ ܠܬ݁ܡܢ ܡܬ̈ܟܢܫܝܢ ܢܫܪ̈ܝܐ܃ |
| 024:029 | ܗܘܐ ܕܝ ܡܢ ܒܬ݁ܪ ܠܚ̈ܨܘܢܗܘܢ ܕܗܠ̈ܝܟ ܝܘ̈ܡܝܐ ܫܝܡܫܐ ܝܚܫܘܟ܃ ܘܙܗܪܐ ܠܐ ܝܬܠ ܢܗܘܪܗ܃ ܘܟܘ̈ܟܒܝܐ ܝܦ̈ܘܠ̈ܘܢ܃ ܡܢ ܓܘ ܫܘܡܝܐ ܘܚ̈ܝܠܝܐ ܕܫܘܡܝܐ ܝܙܕܥܙܥ̈ܘܢ܃ |
| 024:030 | ܘܒܟܝܢ ܝܬ݁ܚܡܐ ܐܬ݁ܗ ܕܒܪܗ ܓܒܪܐ ܒܫܘܡܝܐ܃ ܘܒܟܝܢ ܝܣ̈ܦܕܘܢ ܟܘܠܗܘܢ ܫܘܒܛܝܗ݀ ܕܐܪܥܐ ܘܝܚ̈ܡܘܢ ܠܒܪܗ ܕܒܪܢܫܐ܃ ܐܬܐ ܥܠ ܥܢܢܝܗܘܢ ܕܫܡܝܐ ܥܡ ܚܝܠ ܘܬܝܫܒܘܚܐ ܣܓܝ |
| 024:031 | ܘܒܟܝܢ ܗܘ ܡܫܠܝܚ ܡܠܐܟܘܝ ܥܡ ܩܠܗ ܕܩܪܢܐ ܪܒܬܐ܃ ܘܝܟ̈ܢܫܘܢ ܟܘܠ ܒܚܝܪ̈ܘܝ ܡܢ ܐܪ̈ܒܥܝܬ݁ܝ ܪ̈ܘܚܝܐ܃ ܡܢ ܪ̈ܝܫܝܗܘܢ ܕܫܡܝܐ ܥܕ ܡܛܐ ܪ̈ܝܫܝܗܘܢ |
| 024:032 | ܡܢ ܬ݁ܝܢܬܐ ܕܝ ܝܠܘ̈ܦܘ ܡܬܠܐ܃ ܗܝܟ ܡܐ ܓܪ ܕܟܕ ܟܒܪ ܝܘܚܪܗ ܝܬ݁ܥܒܕ ܪܟܝܟ܃ ܘܢܦܩ̈ܝܢ ܛܪ̈ܦܝܐ ܡܬ݁ܝܕܥ ܕܩܪܝܒ ܗܘ ܩܝܛܐ |
| 024:033 | ܗܟܕܝܢ ܐܘܦ ܐܬܘܢ܃ ܟܕ ܐܬܘܢ ܝܕܥܝܢ ܕܩܪܝܒ ܗܘ ܥܠ ܬܪܥܝܐ܃ |
| 024:034 | ܐܡܝܢ ܐܡܪ ܐܢܐ ܠܟܘܢ ܕܠܐ ܝܥܒܕ ܗܕܝܢ ܕܪܐ ܥܕܡܐ ܕܟܘܠ ܗ̈ܠܝܢ ܝܬ݁ܥܒܕܢ |
| 024:035 | ܫܘܡܝܐ ܘܐܪܥܐ ܝܥܒܘܪܘܢ ܘܡ̈ܠܝ ܕܝܠܝ ܠܐ ܝܥܒܘܪܘܢ |
| 024:034 | ܐܡܝܢ ܐܡܪ ܐܢܐ ܠܟܘܢ܃ ܕܠܐ ܝܥܒܘܪ ܗܕܝܢ ܕܪܐ ܥܕܡܐ ܕܗܠܝܢ ܟܘܠܗܘܢ ܝܬ݁ܥܒܕܢ܃ |
| 024:035 | ܫܘܡܝܐ ܘܐܪܥܐ ܝܥܒܘܪ̈ܘܢ ܘܡܠܐܝ̈ ܕܝܠܝ ܠܐ ܝܥܒܪ̈ܘܢ |
| 024:036 | ܥܠ ܛܒ ܕܝ ܝܘܡܐ ܗܐܘ ܐܐ݁ ܫܥܬܐ ܐܢܫ ܠܐ ܝܕܥ܃ ܐܘܦ ܠܐ ܡ̈ܠܐܟܝܐ ܕܫܘܡܝܐ܃ ܐܘܦ ܠܐ ܒܪܐ ܐܠܐ ܐܢ ܐܒܐ ܒܠܚܘܕܘܝ |
| 024:037 | ܗܝܟ ܡܐ ܓܪ ܕܗܘܘ ܒܝܘ̈ܡ{ܘ}ܝ ܕܢܘܚ ܗܟܕܝܢ ܬܗܐ ܐܘܦ ܡܝܬ݁ܘܝܬ݁ܗ ܕܒܪ ܕܓܒܪܐ܃ |
| 024:038 | ܗܝܟ ܡܐ ܓܪ ܕܗܘܐ ܒܝܘ̈ܡܝܐ ܗܠ̈ܝܟ܃ ܗܠܝܢ ܕܡܢ ܩܘܕܡ ܛܘܦܢܐ ܕܗܘܘ ܐܟ̈ܠܝܢ ܘܫܬ̈ܝܢ ܡܫܬܬ̈ܦܝܢ ܘܡܫܬ̈ܦܝܢ܃ ܥܕܡܐ ܠܝܘܡܐ ܕܥܠ ܢܘܚ ܠܟܝܒܘܬܐ |
| 024:039 | ܘܠܐ ܝܕܥ̈ܘ ܥܕܡܐ ܕܐܬܐ ܛܘܦܢܐ ܘܢܣܒ ܟܘܠܗܘܢ܃ ܗܟܕܢ ܬܗܐ ܐܘܦ ܡܝܬ݁ܘܝܬ݁ܗ ܕܒܪܗ ܕܓܒܪܐ܃ |
| 024:040 | ܒܟܝܢ ܬܪܝܢ ܝܗܘܢ ܒܛܘܪܐ܃ ܚܕ ܝܬ݁ܕܒܪ ܘܚܕ ܝܫܬܒܩ܃ |
| 024:041 | ܬܪܬܝܢ ܝܗ̈ܢ ܛܚ̈ܢܐܢ ܒܪܚܝܐ ܚܕܐ ܬܬ݁ܕܒܪ ܘܚܕܐ ܬܫܬܒܩ܃ |
| 024:042 | ܗܘ<ܘ> ܐܘܢ ܥܝܪ̈ܝܢ ܕܠܝܬ݁ ܐܬܘܢ ܝܕܥܝܢ ܗܝܕܝܢ ܝܘܡ ܡܪܟܘܢ ܐܬܐ܃ |
| 024:043 | ܗܕܐ ܕܝ ܗܘܘ ܝܕܥܝܢ ܕܐܠܘ ܗܘܐ ܝܕܥ ܡܪܗ ܕܒܝܬܐ ܒܗܝܕܐ ܫܥܐ ܓܢܒܐ ܐܬܐ ܐܝܬ݁ ܗܘ ܥܝܪ ܘܠܐ ܫܒܩ ܒܝܬܗ ܕܝܬ݁ܚܬ݁ܪ܃ |
| 024:044 | ܠܓܠܠ ܟܕܢ ܐܘܦ ܐܬܘܢ ܗܘ<ܘ> ܥ̈ܬܝܕܝܢ܃ ܕܒܫܥܬܐ ܕܠܝܬ ܐܬܘܢ ܡ̈ܣܟܝ̈ܢ ܒܪܗ ܕܓܒܪܐ ܐܬܐ |
| 024:036 | ܥܠ ܛܒ ܕܝ ܝܘܡܐ ܗܘ ܐܐ݁ ܫܥܬܐ܃ ܐܢܫ ܠܐ ܝܕܥ ܐܘܦ ܠܐ ܡܠܐܟ̈ܝܐ ܕܫܘܡܝܐ ܐܘܦ ܠܐ ܒܪܐ܃ ܐܠܐ ܐܒܐ ܒܠܚܘܕܘܝ܃ |
| 024:037 | ܗܝܟܡܐ ܓܪ ܕܗܘܘ ܒܝܘ̈ܡܘܝ ܕܢܘܚ ܗܟܕܢ ܬ݁ܗܐ ܐܘܦ ܡܝܬ݁ܝܘܬ݁ܗ ܕܒܪܗ ܕܒܪܢܫܐ܃ |
| 024:038 | ܗܝܟ ܡܐ ܓܪ ܕܗܘܐ ܒܝܘ̈ܡܝܐ ܗ̈ܠܝܟ ܗ̈ܠܝܢ ܕܡܢ ܩܘܕܡ ܛܘܦܢܐ ܕܗܘ̈ܘ ܐܟ̈ܠܝܢ ܘܫ̈ܬܝܢ ܘܡܝܫ̈ܬܬ݁ܦܝܢ ܘܡܝܫ̈ܬܦܝܢ܃ ܥܕܡܐ ܕܥܠ ܢܘܚ ܠܟܝܒܘܬܐ܃ |
| 024:039 | ܘܠܐ ܝܕܥ̈ܘ ܥܕܡܐ ܕܐܬܐ ܛܘܦܢܐ ܘܢܣܒ ܟܘܠ̈ܗܘܢ ܗܟܕܢ ܬ݁ܗܘ<ܐ> ܐܘܦ ܡܝܬ݁ܝܘܬ݁ܗ ܕܒܪܗ ܕܒܪܢܫܐ܃ |
| 024:040 | ܒܟܝܢ ܬܪ̈ܝܢ ܝܗܘܢ ܒܛܘܪܐ ܚܕ ܝܬ݁ܕܒܪ ܘܚܕ ܝܫܬܒܩ܃ |
| 024:041 | ܬܪ̈ܬܝܢ ܝܗ̈ܝܢ ܛܚ̈ܢܢ ܒܪܚܝܐ ܚܕܐ ܬܬ݁ܕܒܪ ܘܚܕܐ ܬܫܬܒܩ܃ |
| 024:042 | ܗܘܘ ܐܘܢ ܥܝܪ̈ܝܢ ܕܠܝܬ݁ܬܘܢ ܝܕܥ̈ܝܢ ܗܝܕܝܢ ܝܘܡ ܡܪ̈ܟܘܢ ܐܬܐ܃ |
| 024:043 | ܗܕܐ ܕܝ ܗܘܘ ܝܕܥܝܢ ܕܐܠܘ ܗܘܐ ܝܕܥ ܡܪܗ ܕܒܝܬܐ ܒܗܝܕܐ ܡܛܪܐ ܓܢܒܐ ܐܬܐ܃ ܐܝܬ݁ ܗܘ ܗܘܐ ܥܝܪ ܘܠܐ ܫܒܩ ܒܝܬܗ ܕܝܬ݁ܚܬ݁ܪ܃ |
| 024:044 | ܠܓܠܠ ܟܕܝܢ ܐܘܦ ܐܬܘܢ ܗܘܘ ܥ̈ܬܝܕܝܢ܃ ܕܒܫܥܬܐ ܕܠܝܬ݁ ܐܬܘܢ ܡܣ̈ܟܝܢ ܒܪܗ ܕܒܪܢܫܐ ܐܬܐ܃ |
| 024:045 | ܡܢ ܐܪܐ ܐܝܬ݁ ܗܘ ܥܒܕܐ ܡܗܝܡܢܐ ܘܦܩܝܚܐ ܗܕܢ ܕܝܣܝܡ ܝܬܗ ܡܪܗ ܥܠ ܥܘܒ̈ܕܬܗ ܕܝܬܠ ܠܗ̈ܘܢ ܡܙܘܢܗ̈ܘܢ ܒܩܝܪܘܣܐ܃ |
| 024:046 | ܛܘܒܘܝ ܥܒܕܐ ܗܘ ܕܢ ܕܝܬܐ ܡܪܗ ܘܝܫܟܝܚ ܝܬ݁ܗ ܥܒܕ ܟܕܝܢ܃ |
| 024:047 | ܐܡܝܢ ܐܡܪ ܐܢܐ ܠܟܘܢ܃ ܕܥܠ ܟܘܠ ܩܢܝ̈ܢܘܝ ܝܣܝܡ ܝܬ݁ܗ |
| 024:048 | ܐܢ ܕܝ ܝܡܘܪ ܗܘ ܥܒܕܐ ܒܝܫܐ ܒܠܒܗ܃ ܡܘܚܪ ܗܘ ܡܪܝ ܕܝܐܬܐ݁ |
| 024:049 | ܘܝܫܪܐ ܡܚܐ ܠܟܝܢܘ̈ܬ݁ܗ܃ ܘܐܟܠ ܘܐܫܬܝ ܥܡ ܪܘܝܝܢ܃ |
| 024:050 | ܐܬܐ ܗܘ ܡܪܗ ܕܥܒܕܐ ܒܝܘܡ ܕܠܐ ܡܣܟܐ܃ ܘܒܫܥܐ ܕܠܐ ܝܕܥ |
| 024:051 | ܘܝܦܠܘܓ ܝܬ݁ܗ ܘܚܘܠܩܗ ܥܡ ܕܫܩܪ̈ܝܐ ܝܣܝܡ ܬ݁ܡܢ ܗܘܐ ܒܟܝܐ ܘܚܪ̈ܘܩܝܗܝܢ ܕܫܝ̈ܢܝܐ |
| 024:042 | ܗܘܘ ܐܘܢ ܥܝܪ̈ܝܢ ܕܠܝܬ݁ ܐܬܘܢ ܝܕܥ̈ܝܢ ܗܝܕܢ ܝܘܡ ܡܪܟܘܢ ܐܬܐ |
| 024:043 | ܗܕܐ ܕܝ ܗܘܘ ܝܕܥܝܢ ܕܐܠܘ ܗܘܐ ܝܕܥ ܡܪܗ ܕܒܝܬܐ ܒܗܝܕܐ ܫܥܐ ܓܢܒܐ ܐܬܐ܃ ܐܝܬ݁ ܗܘܐ ܥܝܪ ܘܠܐ ܫܒܩ ܒܝܬܗ ܕܝܬ݁ܚܬ݁ܪ܃ |
| 024:044 | ܠܓܠܝܠ ܟܕܢ ܐܘܦ ܐܬܘܢ ܗܘܘ ܥܬܝܕܝܢ ܕܒܫܥܬܐ ܕܠܝܬ݁ ܐܬܘܢ ܡܣ̈ܟܝܢ ܒܪܗ ܕܓܒܪܐ ܐܬܐ |
| 024:045 | ܡ݁ܢ ܗܘ ܐܪܐ ܥܒܕܐ ܡܗܝܡܢܐ ܘܦܩܝܚܐ܃ ܗܕܝܢ ܕܝܩܝܡ ܝܬܗ ܡܪܗ ܥܠ ܥܘܒ̈ܕܬ݁ܗ ܕܝܬܠ ܠܗܘܢ ܡܙܘܢܗ̈ܘܢ ܒܩܝܪܘܣܗ܃ |
| 024:046 | ܛܘܒܘܝ ܗܘ ܥܒܕܐ ܗܕܝܢ ܕܝܐܬܐ ܡܪܗ ܝܫܟܚ{ܗ}<ܚ> ܥܒܕ ܟܕܝܢ܃ |
| 024:047 | ܐܡܝܢ ܐܡܪ ܐܢܐ ܠܟܘܢ ܕܥܠ ܟܘܠ ܩ̈ܢܝܢܘܝ ܝܩܝܡ ܝܬܗ܃ |
| 024:048 | ܐܢ ܕܝ ܝܐܡܘܪ ܗܐܘ ܥܒܕܐ ܒܝܫܐ ܒܠܒܗ ܡܘܚܪ ܗܘ ܡܪܝ ܕܝܐܬܐ܃ ܘܝܫܪܐ ܡܚܐ ܠܟ̈ܢܘܬ݁ܗ܃ ܘܐܟܠ ܘܫܬܐ ܥܡ ܪ̈ܘܝܐ |
| 024:049 | ܐܬܐ ܗܘ ܡܪܗ ܕܥܒܕܐ ܒܝܘܡ ܕܠܐ ܡܣܟܐ ܘܒܫܥܬܐ ܕܠܐ ܝܕܥ |
| 024:050 | ܘܝܦܠܘܓ ܝܬܗ ܘܚܘܠܩܗ ܥܡ ܕܫܩܪ̈ܝܐ ܗܘ ܡܣܝܡ܃ ܬܡܢ ܗܘܐ ܒܘܟܝܐ ܘܚܪ̈ܘܩܝܗܝܢ ܕܫܝܢܝܐ |
| 025:001 | ܘܒܟܝܢ ܐܬ݁ܕܡܝܬ݁ ܡܠܟܘܬܐ ܕܫܘܡܝܐ܃ ܠܥܫܪ̈ ܒ̈ܬܘܠܢ ܗ̈ܠܝܢ ܕܢܣ̈ܒܝ ܠܡܧ̈ܕܝܗܝܢ ܘܢܦ̈ܩܝ ܠܐܘܪܥܬ݁ܗ ܕܚܬܢܐ܃ |
| 025:002 | ܚܡܝܫ ܕܝ ܡܢܗ̈ܝܢ ܗܘܝ ܫ̈ܛܝܐܢ ܘܚܡܝܫ ܦܩ̈ܝܚܢ܃ |
| 025:003 | ܒܡܐ ܕܝ ܕܢܣܒܝ ܫ̈ܛܝܬ̈ܐ ܠܡܧ̈ܕܝܗܝܢ ܠܐ ܢܣ̈ܒܝ ܥ̈ܡܗܝܢ ܡܫܝܚ܃ |
| 025:004 | ܗܠܝܟ ܕܝ ܦܩܝܚܬܐ ܢܣ̈ܒܝ ܡܫܝܚ ܒܡ̈ܐܢܝܗܝܢ ܥܡ ܠܡܧ̈ܕܝܗܝܢ܃ |
| 025:005 | ܟܕ ܕܝ ܐܘܚܪ ܚܬܢܐ ܢܐܡ̈ܝ ܟܘܠܗ̈ܘܢ ܘܕܡܐܟ̈ܝ܃ |
| 025:006 | ܒܡܨܥܬ݁ܗ ܕܝ ܕܠܝܠܝܐ ܨܘܚܐ ܐܬ݁ܥܒܕܬ݁ ܗܐ ܚܬܢܐ ܐܬܐ ܩܘܡ̈ܘ ܠܐܘܪܥܘܬ݁ܗ܃ |
| 025:007 | ܒܟܝܢ ܩ̈ܡܝ ܟܘ̈ܠܗܝܢ ܒܬ݁ܘܠܬܐ ܗܠܝܟ ܘܬ݁ܩ̈ܢܝ ܠܡܧ̈ܕܝܗܝܢ܃ |
| 025:008 | ܗܠܝܟ ܐܘܢ ܫܛܝ̈ܬܐ ܐܡܪ̈ܝ ܠܦܩܝܚܬ̈ܐ ܗ̈ܒܝ ܠܢ ܡܢ ܡܫܝܚܟܝܢ܃ ܕܗܐ ܠܡܧ̈ܕܝܢܢ ܛܦܝܢ܃ |
| 025:009 | ܐܓܝܒܝ ܕܝ ܦܩܝܚܬܐ ܐܡܪ̈ܢ܃ ܠܐ܃ ܕܠܐ ܐܡܬ݁ܝ ܠܐ ܝܣܦܘܩ ܠܢ ܘܠܟ̈ܝܢ܃ ܐܙ̈ܠܢ ܕܝ ܠܘܬ ܗ̈ܠܝܢ ܕܡܙܒ̈ܢܝܢ ܘܙܒ̈ܘܢܢ ܠܟܝܢ܃ |
| 025:010 | ܟܕ ܕܝ ܐܙ̈ܠܝ ܕܝܙܒ̈ܘܢܢ ܐܬܐ ܚܬܢܐ܃ ܘܗ̈ܠܝܢ ܕܗ̈ܘܝ ܥ̈ܬܝܕܢ ܥ̈ܐܠܝ ܥܡܗ ܠܒܝܬ݁ ܓܢܘܢܐ ܘܐܬ݁ܚܝܕ ܬܪܥܐ܃ |
| 025:011 | ܒܬ݁ܪܟܝܢ ܐܬ̈ܝ ܐܘܦ ܫܝܪܬ݁ ܒܝܬ̈ܘܠܬܐ ܐܡܪ̈ܝܢ ܡܪܢ ܡܪܢ ܦܬ݁ܘܚ ܠܢ܃ |
| 025:012 | ܗܘ ܕܝ ܐܓܝܒ ܘܐܡܪ ܐܡܝܢ ܐܡܪ ܐܢܐ ܠܟܘ̈ܢ ܕܠܝܬ݁ ܐܢܐ ܡܟܝܪ ܠܟܝܢ܃ |
| 025:013 | ܗܘܘ ܐܘܢ ܥܝܪ̈ܝܢ ܕܠܝܬ݁ ܐܬܘܢ ܝܕܥܝܢ ܝܘܡܐ ܘܠܐ ܫܥܬܐ܃ |
| 025:014 | ܗܝܟ ܡܐ ܓܪ ܕܓܒܪ ܥܒܪ ܕܝܙܠ ܠܗ܃ ܩܪܐ ܠܥܒ̈ܕܘܝ ܘܡܣܪ ܠܗܘܢ ܩ̈ܢܝܢܘܝ܃ |
| 025:015 | ܠܚܕ ܡ݁ܢ ܝܗܒ ܚܡ̈ܫܐ ܛܠܢܛܝܢ܃ ܘܠܚܕ ܬܪ̈ܝܢ ܘܠܚܕ ܕܝ ܚܕ܃ ܠܟܘܠ ܐܢܫ ܠܩܒܘܠ ܚܝܠܗ܃ ܘܫܘܐ ܐܙܠ ܠܗ܃ |
| 025:016 | ܫܘܐ ܕܝ ܐܙܠ܃ ܗܘ ܕܢܣܒ ܚܡܫܐ ܛܠܢܛܝܢ܃ ܥܡܠ ܒܗܘܢ ܘܐܬ݁ܓܪ ܚܘܪ̈ܢܝܢ ܚ̈ܡܝܫܐ܃ |
| 025:017 | ܟܝܢ ܕܝ ܘܟܘܬ݁ ܐܘܦ ܗܘ ܕܬܪ̈ܝܢ ܐܬ݁ܓܪ ܚܘܪ̈ܢܝܢ ܬܪ̈ܝܢ܃ |
| 025:018 | ܗܘ ܕܝ ܕܢܣܒ ܚܕ ܐܙܠ ܚܦܣ ܒܐܪܥܐ ܘܛܡܪ ܟܣܦ̈ܗ ܕܡܪܗ܃ |
| 025:019 | ܡܢ ܒܬ݁ܪ ܕܝ ܣܓܝ ܐ{ܘ}ܫ<ܘ>ܢ ܐܬܐ ܡܪ̈ܗܘܢ ܕܥܒ̈ܕܝܐ ܗܠܝܟ ܘܥܒܕ ܥܡܗ̈ܘܢ ܚܫܒܢ܃ |
| 025:020 | ܘܩܪܒ ܗ݀ܘ ܕܢܣܒ ܚ̈ܡܫܐ ܛܠܢܛܝ̈ܢ܃ ܘܐܝܬܝ ܚܘܪ̈ܢܝܢ ܚܡܫ̈ܐ ܛܠܢܛܝܢ܃ ܐܡܪ ܡܪܝ ܚܡ̈ܫܐ ܛܠܢܛܝܢ ܡܣܪܬ ܠܝ ܗܐ ܚܘܪ̈ܢܝܢ ܚ̈ܡܝܫܐ ܛܠܢܛܝܢ ܐܬ݁ܓܪܬ݁ ܥܠܝܗ̈ܘܢ܃ |
| 025:021 | ܐܡܪ ܠܗ ܕܝ ܡܪܗ ܐܘ ܥܒܕܐ ܛܒܐ ܘܡܗܝܡܢܐ܃ ܥܠ ܨܒܚܕ ܗܘܝܬ ܡܗܝܡܢ ܥܠ ܣܓܝ ܐܢܐ ܡܩܝܡ ܠܟ܃ ܥܘܠ ܠܚܕܘܬ݁ܗ ܕܡܪܟ܃ |
| 025:022 | ܩܪܒ ܕܝ ܐܘܦ ܗ݀ܘ ܕܢܣܒ ܬ݁ܪ̈ܝܢ ܛܠܢܛܝܢ܃ ܐܡܪ ܡܪܝ ܬ݁ܪ̈ܝܢ ܛܠܢܛܝܢ ܡܣܪܬ݁ ܠܝ ܗܐ ܚܘܪ̈ܢܝܢ ܬ݁ܪ̈ܝܢ ܛܠܢܛܝܢ ܐܬ݁ܓܪܬ݁ ܥܠܝܗ̈ܘܢ܃ |
| 025:023 | ܐܡܪ ܠܗ ܡܪܗ ܐܘ ܥܒܕܐ ܛܒܐ ܘܡܗܝܡܢܐ܃ ܥܠ ܨܒܚܕ ܗܘܝܬ݁ ܡܗܝܡܢ ܥܠ ܣܓܝ ܐܢܐ ܡܩܝܡ ܠܟ ܥܘܠ ܠܚܕܘܬܐ ܕܡܪܟ܃ |
| 025:024 | ܩܪܒ ܐܘܦ ܗ݀ܘ ܕܢܣܒ ܚܕ ܛܠܢܛܐ ܐܡܪ ܡܪܝ ܝܕܥܬ ܕܐܬ ܓܒܪ ܩܫܐ܃ ܚܨܕ ܡܢ ܗܢ ܕܠܐ ܙܪܥܬ܃ ܘܡܟܢܫ ܡܢ ܗܢ ܕܠܐ ܒܕܪܬ܃ |
| 025:025 | ܘܕܚܠܬ݁ ܘܐܙܠܬ݁ ܘܛܡܪܬ݁ ܛܠܢܛܐ ܒܐܪܥܐ܃ ܗܐ ܠܟ ܕܝܠܟ܃ |
| 025:026 | ܐܓܝܒ ܕܝ ܡܪܗ ܘܐܡܪ ܠܗ ܥܒܕܐ ܒܝܫܐ ܘܫܘܦܠܐ܃ ܝܕܥ ܗܘܝܬ ܕܐܢܐ ܚܨܕ ܡܢ ܗܢ ܕܠܐ ܙܪܥܬ݁܃ ܘܡܟܢܝܫ ܡܢ ܗܢ ܕܠܐ ܒܕܪܬ݁ |
| 025:027 | ܗܘܐ ܐܘܢ ܢܦܠ ܠܟ ܕܬܪܡܐ ܟܣܦ̈ܝ ܠܛܪܦ̈ܙܝܛܝ̈ܐ܃ ܘܐܢܐ ܗܘܝܬ݁ ܐܬܐ ܢܣܒ ܕܝܠܝ ܥܡ ܪܒܝܬ݁ܗ܃ |
| 025:028 | ܣ̈ܒܘ ܡܢܗ ܛܠܢܛܐ ܘܗ̈ܒܘ ܠܗ̈ܘ ܕܒܝܕܗ ܥܣܪ̈ܐ ܛܠܢܛܝܢ܃ |
| 025:029 | ܟܘܠ ܡ݁ܢ ܕܒܝܕܗ ܝܬ݁ܝܗܒ ܠܗ ܘܝܬܘܣܦ ܠܗ܃ ܗܘ ܕܝ ܕܠܝܬ݁ ܒܝܕܗ ܐܘܦ ܡܗ ܕܒܝܕܗ ܡܬ݁ܪܝܡ ܡܢܗ |
| 025:030 | ܘܠܥܒܕܐ ܦ̈ܣܝ{ܪ}<ܕ>ܐ ܐܦ̈ܩ̈ܘ ܠܒܪ ܠܩܒܠܐ ܒܪܝܐ܃ ܬܡܢ ܗܘܐ ܒܘܟܝܐ ܘܚܪ̈ܘܩܝܗܝܢ ܕܫܝܢܝܐ܃ |
| 025:031 | ܟܕ ܕܝ ܝܐܬܐ ܒܪܗ ܕܒܪܢܝܫܐ ܒܬܝܫܒܘܚܬܗ܃ ܘܟܘܠ ܡܠܐܟ̈ܘܝ ܥܡܗ܃ ܒܟܝܢ ܗܘ ܝܬܝܒ ܥܠ ܡܝܬܘܒܝܬܐ ܕܬܝܫܒܘܚܬܗ܃ |
| 025:032 | ܘܝܬ݁ܟܢܫ̈ܘܢ ܠܩܘܕܡܘܝ ܟܘܠܗ̈ܘܢ ܡ̈ܝܢܝܐ܃ ܘܗܘ ܡܦܪܝܫ ܠܗܘܢ ܗ̈ܠܝܢ ܡܢ ܗ̈ܠܝܢ ܗܟܡܐ ܕܪܥܝܐ ܡܦܪܝܫ ܐܡܪ̈ܝܐ ܡܢ ܓܕܝ̈ܐ܃ |
| 025:033 | ܘܝܩܝܡ ܐܡܪܝ̈ܐ ܡܢ ܝܡܝܢܗ ܘܓܕܝ̈ܐ ܡܢ ܣܡܠܗ܃ |
| 025:034 | ܒܟܝܢ ܝܐܡܘܪ ܡܠܟܐ ܠܗ̈ܠܝܢ ܕܡܢ ܝܡܝܢܗ ܐܬ݁ܘ̈ ܡܒܪܟܘܝ ܕܐܒܐ ܝܪ̈ܘܬ݁ܘ ܡܠܟܘܬܐ ܕܥܬܝܕܐ ܠܟܘܢ ܡܢ ܫܪܘܝܗ ܕܥܠܡܐ܃ |
| 025:035 | ܟܦܢܬ݁ ܓܪ ܘܝܗܒܬ̈ܘܢ ܠܝ ܕܝܟܘܠ ܘܨܗܝܬ݁ ܘܫܩܝܬܘܢ ܝܬ݁ܝ܃ ܐܟܣܢܝ ܗܘܝܬ ܘܟܢܫܬܘܢ ܝܬ݁ܝ܃ |
| 025:036 | ܥܪܛܠܐܝ ܘܐܠܒܫܬܘܢ ܝܬ݁ܝ܃ ܐܬ݁ܒܝܐܫܬ݁ ܘܦܩܕܬܘܢ ܝܬ݁ܝ܃ ܒܚܒܘܫܝܐ ܗܘܝܬ ܘܐܬ̈ܝܬܘܢ ܠܘܬ݁ܝ܃ |
| 025:037 | ܒܟܝܢ ܡܓܝܒܝܢ ܠܗ ܨܕܝܩ̈ܝܐ ܐܡܪ̈ܝܢ܃ ܡܪܢ ܐܡܬܝ ܚܡ̈ܝܢܝܢ ܝܬ݁ܟ ܟܦܢ ܘܙܢܗ ܝܬ݁ܟ܃ ܐܐ݁ ܨܗܐ ܘܐܫܩ̈ܝܢܝܢ ܝܬ݁ܟ܃ |
| 025:038 | ܐܡܬܝ ܕܝ ܚ̈ܡܝܢܝܢ ܝܬ݁ܟ ܐܟܣܢܐܝ ܘܟܢܫܢܝܢ ܝܬ݁ܟ܃ ܐܐ݁ ܥܪܛܠܐܝ ܘܐܠܒܫܢܝܢ ܝܬ݁ܟ܃ |
| 025:039 | ܐܡܬ݁ܝ ܕܝ ܚ̈ܡܝܢܝܢ ܝܬ݁ܟ ܒܐܝܫ ܐܐ݁ ܒܦܠܩܐ܃ ܘܐܬ̈ܝܢܝܢ ܠܘܬ݁ܟ܃ |
| 025:040 | ܘܡܓܝܒ ܡܠܟܐ ܘܐܡܪ ܠܗܘܢ܃ ܐܡܝܢ ܐܡܪ ܐܢܐ ܠܟܘܢ܃ ܕܥܕ ܟܘܠ ܐܡܬܝ ܕܥܒ̈ܕܬܘܢ ܠܚܕ ܡܢ ܗ̈ܠܝܢ ܐܚ̈ܝ ܙܥܘܪ̈ܝܐ܃ ܠܝ ܥܒܕܬܘܢ܃ |
| 025:041 | ܒܟܝܢ ܗܘ ܐܡܪ ܐܘܦ ܠܗ̈ܠܝܢ ܕܡܢ ܣܡܠܗ܃ ܐܙ̈ܠܘ ܠܟܘܢ ܡܢܝ ܠܝܛܝ̈ܐ ܠܢܘܪܐ ܕܠܥܠܡ܃ ܕܥܬܝܕܐ ܠܣܛܢܐ ܘܠܡܠܐܟ̈ܘܝ܃ |
| 025:042 | ܟܦܢܝܬ݁ ܓܪ ܘܠܐ ܝܗܒ̈ܬܘܢ ܠܝ ܕܝܟܘܠ܃ ܘܨܗܝܬ݁ ܘܠܐ ܐܫܩ̈ܝܬܘܢ ܝܬ݁ܝ |
| 025:043 | ܐܟܣܢܝ ܗܘܝܬ ܘܠܐ ܟܢ̈ܫܬܘܢ ܝܬ݁ܝ܃ ܥܪܛܠܐܝ ܘܠܐ ܐܠܒܫܬܘܢ ܝܬ݁ܝ܃ ܒܐܝܫ ܘܒܦܠܩܐ ܘܠܐ ܦܩ̈ܕܬܘܢ ܝܬ݁ܝ܃ |
| 025:044 | ܒܟܝܢ ܝܓܝ̈ܒܘܢ ܐܘܦ ܗܢܘܢ ܘܝܡܘܪ̈ܘܢ܃ ܡܪܢ ܐܡܬܝ ܚ̈ܡܝܢܝܢ ܝܬ݁ܟ܃ ܟܦܝܢ ܐܐ݁ ܨܗܐ܃ ܐܐ݁ ܐܟܣܢܝ܃ ܐܐ݁ ܥܪܛܠܐܝ ܐܐ݁ ܒܐܝܫ ܐܐ݁ ܒܦܠܩܐ܃ ܘܠܐ ܫܡܫܢܢ ܝܬ݁ܟ܃ |
| 025:045 | ܒܟܝܢ ܝܓܝܒ ܐܘܦ ܠܗܘܢ ܘܝܡܘܪ ܐܡܝܢ ܐܡܪ ܐܢܐ ܠܟܘܢ܃ ܕܥܕ ܟܘܠ ܐܡܬ݁ܝ ܕܠܐ ܥܒܕܬܘܢ ܠܚܕ ܡܢ ܗ̈ܠܝܢ ܐܚ̈ܝ ܙܥܘܪ̈ܝܐ܃ ܐܘܦ ܠܐ ܠܝ ܠܐ ܥܒ̈ܕܬܘܢ܃ |
| 025:046 | ܘܝܙ̈ܠܘܢ ܗ̈ܠܝܢ ܠܨܥܪܐ ܕܠܥܠܡ ܘܨܕܝܩ̈ܝܐ ܠܚܝ̈ܝܐ ܕܠܥܠܡ܃ |
| 025:001 | ܒܟܢ ܬܬ݁ܕܡܐ ܡܠܟܘܬܐ ܕܫܘܡܝܐ ܠܥܣܪ ܒܬ݁ܘܠܢ ܗ̈ܠܝܢ ܕܢܣ̈ܒܝ ܠܡܧ̈ܕܝܗܝܢ ܘܢܦ̈ܩܝ ܠܐܘܪܥܬܗ ܕܚܬܢܐ܃ |
| 025:002 | ܚܡܝ̈ܫ ܡܢ̈ܗܝܢ ܕܝ ܗܘܝ ܫ̈ܛܝܐܢ ܘܚܡܝܫ ܦܩ̈ܝܚܢ܃ |
| 025:003 | ܒܡܐ ܕܝ ܕܢܣ̈ܒܝ ܫ̈ܛܝܬܐ ܠܡܧ̈ܕܝܗܝܢ ܠܐ ܢܣܒ̈ܝ ܥܡܗ̈ܝܢ ܡܫܝܚ܃ |
| 025:004 | ܗܠܝܟ ܕܝ ܦܩܝܚܬܐ ܢܣ̈ܒܝ ܡܫܝܚ ܒܡܐܢ̈ܝܗܝܢ ܥܡ ܠܡܧ̈ܕܝܗܝܢ܃ |
| 025:005 | ܟܕ ܕܝ ܐܘܚܪ ܚܬܢܐ ܢܐܡ̈ܝ ܘܗ̈ܘܝ ܕܡܟ̈ܢ܃ |
| 025:006 | ܒܡܨܥܬ݁ܗ ܕܝ ܕܠܝܠܝܐ ܨܘܚܐ ܐܬ݁ܥܒܕܬ݁܃ ܗܐ ܚܬܢܐ ܐܬܐ ܩ̈ܘܡܘ ܦܘܩ̈ܘ ܠܐܘܪܥܘܬ݁ܗ |
| 025:007 | ܒܟܢ ܩ̈ܡܝ ܟܘ̈ܠ ܒܬ݁ܘܠ̈ܬܐ ܗܠܝܟ ܘܬ݁ܩ̈ܢܝ ܠܡܧ̈ܕܝܗܝܢ܃ |
| 025:008 | ܒܟܢ ܐܡܪ̈ܝ ܗܠܝܟ ܫ̈ܛܝܬܐ ܠܦܩܝܚܬ̈ܐ ܗܒ̈ܢ ܠܢ ܡܢ ܡܫܝܚܟܘܢ ܕܗܐ ܠܡܧ̈ܕܝܢܗ ܛ̈ܦܝܢ܃ |
| 025:009 | ܐܓܝܒ ܕܝ ܦܩ̈ܝܚܬܐ ܘܐܡܪ̈ܢ ܠܐ ܕܠܐ ܐܡܬ݁ܝ ܠܐ ܝܣܦܘܩ ܠܢ ܘܠܟ̈ܝܢ܃ ܐܙܠܢ ܕܝ ܠܘܬ݁ ܗܠܝܢ ܕܡܙܒ̈ܢܝܢ ܘܙܒ̈ܘܢܢ ܠܟܝܢ܃ |
| 025:010 | ܟܕ ܕܝ ܐܙ̈ܠܝ ܕܝܙܒ̈ܘܢܢ ܐܬܐ ܚܬܢܐ܃ ܘܗܠܝܢ ܕܗ̈ܘܝ ܥ̈ܬܝܕܢ ܥ̈ܠܝ ܥܡܗ ܠܒܝܬ݁ ܓܢܘܢܐ ܘܐܬܚܝܕ ܬܪܥܐ܃ |
| 025:011 | ܒܬ݁ܪ ܟܢ ܐܬ̈ܐܝ ܫܪܝܬ݁ ܒܬ݁ܘܠ̈ܬܐ ܐܡܪ̈ܝܢ ܡܪܢ ܡܪܢ ܦܬ݁ܘܚ ܠܢ܃ |
| 025:012 | ܗܘ ܕܝ ܐܓܝܒ ܘܐܡܪ ܐܡܝܢ ܐܡܝܢ ܐܡܪ ܐܢܐ ܠܟܘ̈ܢ ܕܠܝܬ݁ ܐܢܐ ܡܟܪ ܠܟܘܢ܃ |
| 025:013 | ܗܘܘ ܐܘܢ ܥܝܪ̈ܝܢ ܕܠܝܬ݁ ܐܬܘܢ ܝ̈ܕܥܝܢ ܝܘܡܐ ܘܠܐ ܫܥܬܐ ܕܐܬܐ ܒܗ ܒܪܗ ܕܐܢܫܐ |
| 025:014 | ܕܓܒܪ ܥܒܕ ܕܝܐܙܠ ܠܗ ܘܩܪܐ ܠܥܒܕܘܝ ܘܡܣܪ ܠܗܘܢ ܩܢܝܢܘܝ܃ |
| 025:015 | ܠܚܕ ܝܗܒ ܚܡܫܐ ܛܠܢܛܝܢ܃ ܘܠܚܕ ܕܝ ܬ݁ܪܝܢ ܘܠܚܕ ܕܝ ܚܕ܃ ܠܟܘܠ ܐܢܫ ܠܩܒܘܠ ܚܝܠܗ ܘܐܙܠ ܠܗ܃ |
| 025:016 | ܫܘܐ ܕܝ ܐܙܠ ܗܐܘ ܕܢܣܒ ܚܡܝܫܐ ܛܠܢܛܝܢ ܥܡܠ ܒܗܘܢ ܘܐܬܓܪ ܚܘܪ̈ܢܝܢ ܚܡܝܫܐ܃ |
| 025:017 | ܟܢ ܕܝ ܘܟܘܬ݁ ܐܘܦ ܗܐܘ ܕܬ݁ܪܝܢ ܚܘܪ̈ܢܝܝܢ܃ |
| 025:018 | ܗ݀ܘ ܕܝ ܕܢܣܒ ܚܕ ܐܙܠ ܚܦܣ ܒܐܪܥܐ ܘܛܡܪ ܟܣܦ̈ܗ ܕܡܪܗ܃ |
| 025:019 | ܒܬ݁ܪ ܕܝ ܣܓܝ ܐܘܫܢ ܐܬܐ ܡܪܗܘܢ ܕܗܠܝܟ ܥܒ̈ܕܝܐ ܘܥܒܕ ܥܡܗ̈ܘܢ ܚܫܒܢ܃ |
| 025:020 | ܘܩܪܒ ܗ݀ܘ ܕܢܣܒ ܚܡܝܫܐ ܛܠܢܛܝܢ ܘܐܡܪ ܚܡܝܫܐ ܛܠܢܛܝܢ ܡ̈ܣܪܬ ܠܝ܃ ܗܐ ܚܘܪ̈ܢܝܢ ܚܡܝܫܐ ܛܠܢܛܝܢ ܐܬܓܪܬ݁ ܥܠܝܗܘܢ܃ |
| 025:021 | ܐܡܪ ܠܗ ܡܪܗ ܐܘ ܥܒܕܐ ܛܒܐ ܘܡܗܝܡܢܐ܃ ܥܠ ܨܝܒܚܕ ܗܘܝܬ݁ ܡܗܝܡܢ ܥܠ ܣܓܝ ܐܢܐ ܡܩܝ̈ܡ ܠܟ܃ ܥܘܠ ܠܚܕܘܬ݁ܗ ܕܡܪܟ܃ |
| 025:022 | ܩܪܒ ܕܝ ܐܘܦ ܗ݀ܘ ܕܢܣܒ ܬ݁ܪ̈ܝܢ ܛܠܢܛܝܢ܃ ܐܡܪ ܡܪܝ ܬ݁ܪ̈ܝܢ ܛܠܢܛܝܢ ܝܗܒܬ ܠܝ ܗܐ ܬܪܝܢ ܛܠܢܛܝܢ ܐܬܓܪܬ݁ ܥܠܝܗ̈ܘܢ܃ |
| 025:023 | ܐܡܪ ܠܗ ܡܪܗ܃ ܐܘ ܥܒܕܐ ܛܒܐ ܘܡܗܝܡܢܐ܃ ܥܠ ܨܝܒܚܕ ܗܘܝܬ݁ ܡܗܝܡܢ ܥܠ ܣܓܝ ܐܢܐ ܡܩܝ̈ܡ ܠܟ܃ ܥܘܠ ܠܚܕܘܬ݁ܗ ܕܡܪܟ܃ |
| 025:024 | ܩܪܒ ܕܝ ܐܘܦ ܗ݀ܘ ܕܢܣܒ ܚܕ ܛܠܢܛܐ ܐܡܪ ܡܪܝ ܝܕܥܬ݁ ܕܐܬ ܓܒܪ ܩܫܐ܃ ܚܨܕ ܡܐ ܕܠܐ ܙܪܥܬ܃ ܘܡܟܢܫ ܡܢ ܗܢ ܕܠܐ ܒ̈ܕܪܬ܃ |
| 025:025 | ܘܕܚܠܬ݁ ܘܐܙܠܬ݁ ܐܛܡܪܬ݁ ܛܠܢܛܟ ܒܐܪܥܐ܃ ܗܐ ܠܟ ܕܝܠܟ܃ |
| 025:026 | ܐܓܝܒ ܕܝ ܡܪܗ ܘܐܡܪ ܠܗ ܥܒܕܐ ܒܝܫܐ ܘܫܘܦܠܐ܃ ܝܕܥ ܗܘܝܬ ܕܐܢܐ ܚܨܕ ܡܢ ܗܢ ܕܠܐ ܙܪܥܬ݁܃ ܘܡܟܢܫ ܡܢ ܗܢ ܕܠܐ ܒܕܪܬ݁܃ |
| 025:027 | ܗܘܐ ܐܘܢ ܢܦܠ ܠܟ ܕܬܪܡܐ ܟܣܦ̈ܝ ܠܐܛܪܦ̈ܝܙܝܛܝ̈ܐ܃ ܘܐܢܐ ܗܘܝܬ݁ ܐܬܐ ܘܢ̈ܣܒ ܕܝܠܝ ܥܡ ܪܒܝܬ݁ܗ܃ |
| 025:028 | ܣܒ̈ܘ ܐܘܢ ܡܢܗ ܛܠܢܛܐ ܘܗ̈ܒܘ ܠܗ݀ܘ ܕܥܡܗ ܥܣܪ̈ܐ ܛܠܢܛܝܢ܃ |
| 025:029 | ܟܘܠ ܡ݁ܢ ܓܪ ܕܥܡܗ ܝܬ݁ܝܗܒ ܠܗ ܘܝܬ݁ܘܣܦ ܠܗ܃ ܗ݀ܘ ܕܝ ܕܠܝܬ݁ ܥܡܗ ܐܘܦ ܡܗ ܕܥܡܗ ܝܬ݁ܪܝܡ ܡܢܗ |
| 025:030 | ܘܠܗ݀ܘ ܥܒܕܐ ܦ̈ܣܝܕܐ ܐܦܩ̈ܘ ܠܩܒܠܐ ܒܪܝܐ܃ ܬ݁ܡܢ ܗܘܐ ܒܘܟܝܐ ܘܚܪ̈ܘܩܝܗܝܢ ܕܫܝܢ̈ܝܐ |
| 025:031 | ܟܕ ܕܝ ܝܐܬܐ ܒܪܗ ܕܓܒܪܐ ܒܬܫܒܘܚܬܐ ܘܟܘܠ ܡܠܐܟܘܝ ܥܡܗ܃ ܒܟܝܢ ܗܘ ܝܬܒ ܥܠ ܡܝܬܘܒܝܬܐ ܕܬܫܒܘܚܬܗ܃ |
| 025:032 | ܘܝܬܟܢ̈ܫܘܢ ܠܩܘܕܡܘܗܝ ܟܘܠܗܘܢ ܡ̈ܝܢܝܐ܃ ܘܗܘ ܡܦܪܝܫ̈ ܠܗܘܢ ܗ̈ܠܝܢ ܡܢ ܗ̈ܠܝܢ ܗܝܟ ܡܐ ܕܪܥܝܐ ܡܦܪܝܫ̈ ܐܡܪ̈ܝܐ ܡܢ ܓ̈ܕܝܐ܃ |
| 025:033 | ܘܝܩܝܡ ܐܡܪܝ̈ܐ ܡܢ ܝܡܝܢܗ ܘܓܕܝ̈ܐ ܡܢ ܣܡܠܗ܃ |
| 025:034 | ܒܟܢ ܝܐܡܘܪ ܡܠܟܐ ܠܗ̈ܠܝܢ ܕܡܢ ܝܡܝܢܐ ܐܬ̈ܘ ܡܒܪ̈ܟܘܝ ܕܐܒܐ ܝܪ̈ܘܬ݁ܘ ܡܠܟܘܬܐ ܗܕܐ ܕܥܬܝܕܐ ܠܟܘܢ ܡܢ ܫܪܘܝܗ ܕܥܠܡܐ܃ |
| 025:035 | ܟܦܢܬ݁ ܓܪ ܘܝܗ̈ܒܬܘܢ ܠܝ ܕܝܐܟܘܠ܃ ܨܗܝܬ݁ ܘܫܩ̈ܝܬܘܢ ܝܬ݁ܝ܃ ܐܟܣܢܐܝ ܗܘܝܬ݁ ܘܟܢܫܬܘܢ ܝܬ݁ܝ܃ |
| 025:036 | ܥܪܛܠܐܝ ܗܘܝܬ ܘܐܠܒܫ̈ܬܘܢ ܝܬ݁ܝ܃ ܐܬ݁ܒܐܫܬ݁ ܘܦܩܕܬܘܢ ܝܬ݁ܝ܃ ܒܚܒܘܫܝܐ ܗܘܝܬ݁ ܘܐܬ̈ܝܬܘܢ ܠܘܬ݁܃ |
| 025:037 | ܒܟܢ ܡܓܝܒ̈ܝܢ ܠܗ ܨܕܝܩ̈ܝܐ ܘܐܡܪ̈ܝܢ܃ ܡܪܢ܃ ܐܡܬ݁ܝ ܚܡ̈ܝܢܗ ܝܬܟ ܟܦܢ ܘܙܢ̈ܗ ܝܬܟ܃ ܐܐ݁ ܨܗܐ ܘܐܫܩ̈ܝܢܗ ܝܬ݁ܟ܃ |
| 025:038 | ܐܡܬ݁ܝ ܚܡܝܢܗ ܝܬܟ ܐܟܣܢܐܝ ܘܟܢܫܢܗ ܝܬܟ܃ |
| 025:039 | ܐܡܬ݁ܝ ܚ̈ܡܝܢܗ ܝܬܟ܃ ܒܐܫ̈ ܐܐ݁ ܒܦܝܠܝܩܐ ܘܐܬ̈ܝܢܢ ܠܘܬ݁ܟ܃ |
| 025:040 | ܘܡܓܝܒ ܡܠܟܐ ܘܐܡܪ ܠܗܘܢ܃ ܐܡܝܢ ܐܡܪܢܐ ܠܟܘܢ ܕܥܕ ܟܘܠ ܐܡܬ݁ܝ ܕܥܒ̈ܕܬܘܢ ܠܚܕ ܡܢ ܗ̈ܠܝܢ ܐܚ̈ܝܝ ܙܥܘܪ̈ܝܐ ܠܝ ܥܒ̈ܕܬܘܢ܃ |
| 025:041 | ܒܟܢ ܗܘ ܐܡܪ ܐܘܦ ܠܗ̈ܠܝܢ ܕܡܢ ܣܡܠܐ ܐܙ̈ܠܘ ܠܟܘܢ ܡܢܝ ܠ̈ܝܛܝܐ ܠܢܘܪܐ ܕܠܥܠܡ ܕܥܬܝܕܐ ܠܣܛܢܐ ܘܠܡ̈ܠܐܟܘܝ܃ |
| 025:042 | ܟܦܢܬ݁ ܓܪ ܘܠܐ ܝܗ̈ܒܬܘܢ ܠܝ ܕܝܐܟ̈ܘܠ܃ ܘܨܗܝܬ݁ ܘܠܐ ܐܫܩ̈ܝܬܘܢ ܝܬ݁ܝ܃ |
| 025:043 | ܐܟܣܢܐܝ ܗܘܝܬ ܘܠܐ ܟܢܫ̈ܬܘܢ ܝܬ݁ܝ܃ ܘܥܪܛܠܐܝ ܘܠܐ ܐܠܒܫܬ̈ܘܢ ܝܬ݁ܝ܃ ܒܐܝܫ ܘܒܦܝܠܩܐ ܘܠܐ ܦܩ̈ܕܬܘܢ ܝܬ݁ܝ܃ |
| 025:044 | ܒܟܢ ܝܓܝܒ̈ܘܢ ܐܘܦ ܗܢ̈ܘܢ ܘܝܡܪ̈ܘܢ܃ ܡܪܢ܃ ܐܡܬ݁ܝ ܚ̈ܡܝܢܗ ܝܬܟ ܟܦܢ܃ ܐܐ݁ ܨܗܐ܃ ܐܐ݁ ܐܟܣܢܐܝ܃ ܐܐ݁ ܥܪܛܠܐܝ܃ ܐܐ݁ ܒܐܝܫ܃ ܐܐ݁ ܒܦܝܠܝܩܐ ܘܠܐ ܫܡܫܢܗ ܝܬܟ܃ |
| 025:045 | ܒܟܢ ܝܓܝܒ ܐܘܦ ܠܗܘܢ ܘܝܡܘܪ܃ ܐܡܝܢ ܐܡܝܢ ܐܡܪ ܐܢܐ ܠܟܘܢ܃ ܕܥܕ ܟܘܠ ܐܡܬ݁ܝ ܕܠܐ ܥܒ̈ܕܬܘܢ ܠܚܕ ܡܢ ܗ̈ܠܝܢ ܙܥܘܪ̈ܝܐ ܐܘܦ ܠܐ ܠܝ ܠܐ ܥܒ̈ܕܬܘܢ܃ |
| 025:046 | ܘܝܐܙ̈ܠܘܢ ܗ̈ܠܝܢ ܠܨܥܪܐ ܕܠܥܠܡ܃ ܘܨܕܝܩ̈ܝܐ ܠܚܝ̈ܝܐ ܕܠܥܠܡ܃ |
| 026:002 | ܝܕܥܝܢ ܐܬܘܢ ܕܡܢ ܒܬ݁ܪ ܬ݁ܪ̈ܝܢ ܝܘܡܝܢ ܦ̈ܝܣܚܐ ܡܝܬ݁ܥܒܕ ܘܒܪܗ ܕܒܪܢܫܐ ܡܬ݁ܡܣܪ ܕܝܨܛܠܒ܃ |
| 026:003 | ܘܒܟܢ ܐܬ݁ܟܢ̈ܫܘ ܪ̈ܝܫܝ ܟܗ̈ܢܝܐ ܘܩܫܝܫܘܝ ܕܩܗܠܐ܃ ܠܕܪܬܗ ܕܪܝܫ ܟܗ̈ܢܝܐ ܗܕܝܢ ܕܡܬܐܡܪ ܩܝܦܐܣ |
| 026:004 | ܘܐܬ݁ܡܠܟܘ ܕܝܨܘܕܘܢ ܝܬ݁ܗ ܠܡܪܐ ܝܣܘܣ ܒܢܟܝܠ ܘܝܩ̈ܛܠܘܢ ܝܬ݁ܗ܃ |
| 026:005 | ܗܘܘ ܕܝ ܐܡܪ̈ܝܢ ܠܐ ܒܡܘܥܕܐ ܕܠܐ ܬܬ݁ܥܒܕ ܥܘܪܒܒܐ ܒܩܗܠܝܐ܃ |
| 026:006 | ܟܕ ܗܘܐ ܡܪܐ ܝܣܘܣ ܒܒܝܬ݁ ܥܢܝܐ ܒܒܝܬܗ ܕܣܝܡܘܢ ܓܪܒܐ |
| 026:007 | ܩܪܒܬ݁ ܠܗ ܐܬ݁ܬܐ ܒܝܕܗ ܨܠܘܚܝ ܕܒܣܡ ܡܝܩܪ ܕ̈ܡܝܢ܃ ܘܫܦܟܬ݁ ܝܬ݁ܗ ܥܠ ܪܝܫܗ ܗܝܟ ܕܗܘ ܪܒܝܥ |
| 026:008 | ܚ̈ܡܘ ܕܝ ܬܠ̈ܡܝܕܘܝ ܘܐܬ݁ܚܡܬ݁ܘ ܐܡܪ̈ܝܢ܃ ܠܡܐ ܗܕܢ ܐܒܕܢܐ ܕܒܝܣܡܐ |
| 026:009 | ܝܟܠ ܗܘܐ ܓܪ ܗܕܝܢ ܒܝܣܡܐ ܕܝܙܕܒܢ ܒܣܓܝ ܘܝܬܝܗܒ ܠܡܣ̈ܟܝܢܐ |
| 026:010 | ܝܕܥ ܕܝ ܡܪܐ ܝܣܘܣ ܘܐܡܪ ܠܗܘܢ܃ ܡܐ ܐܬܘܢ ܡܝܬܝܢ ܠܝܘܐ ܥܠ ܐܬܬܐ܃ ܥܘܒܕ ܛܒ ܥܒܕܬ݁ ܠܝ܃ |
| 026:011 | ܒܟܘܠ ܥܪ ܡܣ̈ܟܝܢܝܐ ܥܡܟܘܢ܃ ܐܢܐ ܕܝ ܠܐ ܒܟܘܠ ܥܪ ܥܡܟܘܢ܃ |
| 026:012 | ܒܡܐ ܕܪܡܬ݁ ܗܕܐ ܒܝܣܡܐ ܗܕܝܢ ܥܠ ܦܘܓܪܝ ܗܝܟ ܕܬ݁ܩܒܘܪ ܝܬ݁ܝ ܥܒܕܬ݁ |
| 026:013 | ܐܡܝܢ ܐܡܪ ܐܢܐ ܠܟܘܢ܃ ܕܟܘܠ ܗܢ ܕܝܬ݁ܟܪܙ ܗܕܝܢ ܒܣܘܪܐ ܒܟܘܠܗ ܥܠܡܐ ܝܬ݁ܡܠܠ ܡܐ ܕܥܒܕܬ݁ ܠܗ ܠܕܝܟܪܘܢ܃ |
| 026:014 | ܒܟܝܢ ܐܙܠ ܚܕ ܡܢ ܬܪܝܥܣܪܬܐ ܕܡܬܐܡܪ ܝܗܘܕܣ ܙܟܪܝܘܛܐ ܠܘܬ݁ ܪ̈ܝܫܝ ܟܗ̈ܢܝܐ |
| 026:015 | ܘܐܡܪ ܠܗܘܢ܃ ܡܐ ܐܬܘܢ ܨ̈ܒܝܢ ܕܬ݁ܝܬܠܘܢ ܠܝ ܘܐܢܐ ܡܣܪ ܠܗ ܠܟܘܢ܃ ܗܢܘܢ ܕܝ ܐܬ̈ܩܢܘ ܠܗ ܬ݁ܠܬ݁ܝܢ ܕܟܣܦ܃ |
| 026:016 | ܘܡܢ ܟܢ ܗܘܐ ܒܥܐ ܠܗ ܩܪܝܘܣ ܕܝܡܣܘܪ ܝܬ݁ܗ |
| 026:017 | ܘܒܝܘܡܐ ܩܡܝܐ ܕܦ̈ܛܝܪܐ ܩܪ̈ܒܘ ܬܠ̈ܡܝܕܘܝ ܠܡܪܐ ܝܣܘܣ܃ ܘܐܡܪ̈ܝܢ ܗܢ ܐܬ ܨܒܐ ܕܢܝܥܬܕ ܠܟ ܕܬܝܟܘܠ ܦ̈ܝܣܚܐ܃ |
| 026:018 | ܗܘ ܕܝ ܐܡܪ ܠܗܘܢ ܐܙܠ̈ܘ ܠܡܕܝܢܬܐ ܠܘܬ ܐܢܫ ܦܠܢ ܘܐܡܪ̈ܘ ܠܗ ܡܠܦܢܐ ܐܡܪ ܩܝܪܘܣܝ ܩܪܝܒ ܐܝܬ݁ ܗܘ ܠܘܬ݁ܟ ܐܢܐ ܥܒܕ ܦ̈ܝܣܚܐ ܥܡ ܬܠܡ̈ܝܕܝܝ܃ |
| 026:019 | ܘܥܒ̈ܕܘ ܬܠ̈ܡܝܕܝܐ ܗܟܡܐ ܕܐܬܩܢ ܠܗܘܢ ܡܪܐ ܝܣܘܣ ܘܥ̈ܬ݁ܕܘ ܦ̈ܝܣܚܐ |
| 026:020 | ܘܟܕ ܕܝ ܗܘܐ ܪܡܫܐ ܗܘܐ ܪܒܝܥ ܥܡ ܬܪ̈ܝܥܣܪܬܐ ܬܠ̈ܡܝܕܝܐ܃ |
| 026:001 | ܘܗܘܐ ܟܕ ܗܘܐ ܫܠܝܡ ܡܪܐ ܝܣܘܣ ܟܘܠ ܗ̈ܠܝܢ ܡܠܝ̈ܐ ܐܡܪ ܠܬܠ̈ܡܝܕܘܝ܃ |
| 026:002 | ܝܕܥܝܢ ܐܬܘܢ ܕܡܢ ܒܬ݁ܪ ܬܪ̈ܝܢ ܝܘ̈ܡܝܢ ܦ̈ܝܣܚܐ ܡܬ݁ܥܒܕ܃ ܘܒܪܗ ܕܒܪܢܫܐ ܡܝܬ݁ܡܣܪ ܕܝܨܛܠܒ |
| 026:006 | ܘܟܕ ܗܘܐ ܡܪܐ ܝܣܘܣ ܒܒܝܬ݁ ܥܢܝܐ ܒܒܝܬܗ ܕܣܝܡܘܢ ܓܪܒܐ |
| 026:007 | ܩܪܒܬ݁ ܠܗ ܐܬܬܐ ܒܝܕܗ ܨܠܘܚܝ ܕܒܣܡ ܡܝܩܪ ܕ̈ܡܝܢ܃ ܘܫܦܟܬ݁ ܝܬ݁ܗ ܥܠ ܪܝܫܗ ܗܝܟ ܕܗܘ ܪܒܝܥ |
| 026:008 | ܚ̈ܡܘ ܕܝ ܬܠ̈ܡܝܕܘܝ ܘܐܬ݁ܚܡܬ݁ܘ ܐܡܪ̈ܝܢ܃ ܠܡܐ ܗܕܢ ܐܒܕܢܐ ܕܒܝܣܡܐ |
| 026:009 | ܝܟܠ ܗܘܐ ܓܪ ܗܕܝܢ ܒܝܣܡܐ ܕܝܙܕܒܢ܃ ܒܣܓܝ ܘܝܬܝܗܒ ܠܡܣ̈ܟܝܢܐ |
| 026:010 | ܝ̈ܕܥ ܕܝ ܡܪܐ ܝܣܘܣ ܘܐܡܪ ܠܗܘܢ܃ ܡܐ ܐܬ̈ܘܢ ܡܝܬܝܢ ܠܝܘܢ ܥܠ ܐܬ݁ܬܐ ܥܘܒܕ ܛܒ ܓܪ ܥܒܕܬ݁ ܠܝ܃ |
| 026:011 | ܒܟܘܠ ܥܪ ܡܣ̈ܟܝܢܝܐ ܥܡܟܘܢ܃ ܐܢܐ ܕܝ ܠܐ ܒܟܘܠ ܥܡܟܘܢ܃ |
| 026:012 | ܒܡܐ ܓܪ ܕܪܡܬ݁ ܗܕܐ ܒܝܣܡܐ ܥܠ ܦܘܓܪܝ ܗܝܟ ܕܬ݁ܩܒܘܪ ܝܬ݁ܝ ܥܒܕܬ݁ ܗܕܐ |
| 026:013 | ܐܡܝܢ ܐܡܪܢܐ ܠܟܘܢ ܕܟܘܠ ܗܢ ܕܝܬ݁ܟܪܙ ܗܕܝܢ ܒܣܘܪܐ ܒܟܘܠܗ ܥܠܡܐ ܝܬ݁ܡܠܠ܃ ܡܐ ܕܥܒܕܬ݁ ܗܕܐ ܠܗ ܠܕܝܟܪܘܢ܃ |
| 026:014 | ܒܟܝܢ ܐܙܠ ܚܕ |
| 026:014 | ܬܪܝܥܣܪܬܐ ܕܡܬܐܡܪ ܝܘܕܣ ܙܟܪܝܘܛܐ܃ ܠܘܬ݁ ܪ̈ܝܫܝ ܟܗ̈ܢܝܐ |
| 026:015 | ܘܐܡܪ܃ ܠܗܘܢ ܡܐ ܐܬܘܢ ܨ̈ܒܝܢ ܕܬ݁ܝܬܠ̈ܘܢ ܠܝ ܘܐܢܐ ܡܣܪ ܠܗ ܠܟܘܢ܃ ܗܢܘܢ ܕܝ ܐܬ̈ܩܢܘ ܠܗ ܬ݁ܠܬ̈ܝܢ ܕܟܣܝܦ̈܃ |
| 026:016 | ܘܡܢ ܗܘܐ ܒܥܝ ܠܗ ܩܝܪܘܣ ܕܝܡܣܘܪ ܝܬ݁ܗ ܠܗܘܢ |
| 026:021 | ܘܗܝܟ ܕܗܢܘܢ ܐܟܠܝ̈ܢ ܐܡܪ ܠܗܘܢ܃ ܐܡܝܢ ܐܡܪ ܐܢܐ ܠܟܘܢ܃ ܕܚܕ ܡܢܟܘܢ ܝܡܣܘܪ ܝܬ݁ܝ܃ |
| 026:022 | ܘܡܢ ܡܨ̈ܝܩܝܢ ܠܚܕܐ ܫܪ̈ܘ ܐܡܪ̈ܝܢ ܠܗ܃ ܟܘܠ ܚܕ ܘܚܕ ܡܢܗܘܢ܃ ܕܡܐ ܐܢܐ ܗܘ ܡܪܝ |
| 026:023 | ܗܘ ܕܝ ܡܪܐ ܝܣܘܣ ܐܓܝܒ ܘܐܡܪ܃ ܗܕܢ ܕܨܒܥ ܐܝܕܗ ܥܡܝ ܒܓܒܬܐ ܗܕܝܢ ܝܡܣܘܪ ܝܬ݁ܝ܃ |
| 026:024 | ܘܒܪܗ ܕܓܒܪܐ ܐܙܠ ܗܝܟܡܐ ܕܟܬܝܒ ܥܠ ܕܛܒ̈ܗ܃ ܘܝ ܠܗ ܕܝ ܠܗܘ ܒܪܢܫܐ ܗܕܝܢ ܕܒܬܪܥܗ ܒܪܗ ܕܒܪܢܫܐ ܡܬ݁ܡܣܪ܃ ܛܒ ܗܘܐ ܠܗ ܐܠܘ ܠܐ ܐܬ݁ܝܠܕ ܗ݀ܘ ܒܪܢܫܐ܃ |
| 026:025 | ܐܓܝܒ ܕܝ ܝܘܕܣ ܗܘ ܡܣܪ ܝܬ݁ܗ܃ ܐܡܪ ܕܡܐ ܐܢܐ ܪܒܝ܃ ܘܐܡܪ ܠܗ ܐܬ ܐܡܪܬ܃ |
| 026:026 | ܟܕ ܕܝ ܗܘܘ ܐܟ̈ܠܝܢ܃ ܢܣܒ ܡܪܐ ܝܣܘܣ ܠܚܡܐ ܘܒܪܟ ܘܩܨܐ ܘܝܗܒ ܠܬܠ̈ܡܝܕܝܐ ܘܐܡܪ ܣ̈ܒܘ ܘܐܟ̈ܘܠܘ ܗܕܢ ܐܝܬ݁ ܗܘ ܦܘܓܪܝ܃ |
| 026:027 | ܘܢܣܒ ܟܣܐ ܘܐܫܬܘܕܝ ܘܝܗܒ ܠܗܘܢ ܘܐܡܪ ܐܫܬ̈ܘ ܡܢܗ ܟܘܠܟܘܢ܃ |
| 026:028 | ܗܕܢ ܓܪ ܐܝܬ݁ ܗܘ ܐܕ̈ܡܝ ܕܕܝܬ݁ܝܩܐ ܚܕܬܐ ܕܠܛܒ ܣܓܝ ܡܫܬܦܟ ܠܫܒܘܩܝܢ ܕܣ̈ܟܠܢ܃ |
| 026:029 | ܐܡܪܢܐ ܠܟܘܢ ܕܝ ܕܠܐ ܝܫܬܐ ܡܢ ܟܕܘ ܡܢ ܗܠܝܢ ܦܝܪ̈ܝܐ ܕܓܘܦܢܐ ܥܕ̈ܡܐ ܠܝܘܡܐ ܗ݀ܘ ܕܟܕ ܝܫܬܢܗ ܚܕܬܐ ܥܡ̈ܟܘܢ ܒܡܠܟܘܬ݁ܗ ܕܐܒܐ |
| 026:030 | ܘܐܫܝܪ̈ܘ ܕܝ ܘܢܦܩ̈ ܠܛܘܪܐ ܕܙܝܬ̈ܝܐ܃ |
| 026:031 | ܘܒܟܝܢ ܐܡܪ ܠܗܘܢ ܡܪܐ ܝܣܘܣ ܠܬܠ̈ܡܕܘܝ܃ ܐܬܘܢ ܟܘܠ̈ܟܘܢ ܬ݁ܬ݁ܟܫ̈ܠܘܢ ܒܝ ܒܗ<ܕ>ܢ ܠܝܠܝܐ܃ ܟܬ݁ܝܒ ܓܪ ܕܐܢܐ ܫܩܦ ܠܪܥܝܐ ܘܬܬ݁ܒܕܪ ܡܪܥܝܬܗ܃ |
| 026:032 | ܘܡܢ ܒܬ݁ܪ ܕܐܢܐ ܩܐܡ ܗܐ ܐܢܐ ܡܩܕܡ ܠܟܘܢ ܠܓܠܝܠܐ |
| 026:033 | ܐܓܝܒ ܕܝ ܧ̈ܛܪܘܣ ܘܐܡܪ ܠܗ܃ ܐܢ ܐܘܦ ܟܘܠܗܘܢ ܝܬ݁ܟܫ̈ܠܘܢ ܒܟ܃ ܐܢܐ ܠܥܠܡ ܠܝܬ݁ ܐܢܐ ܡܬ݁ܟܫܠ܃ |
| 026:034 | ܐܡܪ ܠܗ ܡܪܐ ܝܣܘܣ܃ ܐܡܝܢ ܐܡܪ ܐܢܐ ܠܟ ܕܒܗܕܝܢ ܠܝܠܝܐ ܥܕ ܠܐ ܝܩܪܐ ܬ݁ܪܢܘܓܠܐ ܬ݁ܠܬ݁ ܙ̈ܒܢܝܢ ܬܟܦܘܪ ܒܝ܃ |
| 026:035 | ܐܡܪ ܠܗ ܧ̈ܛܪܘܣ ܐܘܦ ܐܠܘܬ ܐܢܐ ܕܝ̈ܡܘܬ݁ ܥܡܟ ܠܝܬܢܐ ܟܦܪ ܒܟ ܟܝܢ ܕܝ ܘܟܘܬ݁܃ ܐܘܦ ܟܘܠܗܘܢ ܬܠ̈ܡܝܕܝܐ ܐܡܪ̈ܘ܃ |
| 026:036 | ܒܟܝܢ ܐܬܐ ܥܡܗܘܢ ܡܪܐ ܝܣܘܣ ܠܚܩܠܐ ܕܡܬ݁ܡܪܐ ܓܝܣܡܢܝܢ ܘܐܡܪ ܠܬܠܡܝܕܝܐ܃ ܬܒ̈ܘ ܟܐ ܥܕܡܐ ܝܐܙܠ ܠܗܠ ܘܝܨܠܝ܃ |
| 026:037 | ܘܕܒܪ ܠܧ̈ܛܪܘܣ ܘܠܬ݁ܪ̈ܝܢ ܒܢܘ̈ܝ ܕܙܒܕܐܝ܃ ܘܫܪܝ ܡܨܝ̈ܩ ܘܡܥܝ̈ܩ܃ |
| 026:038 | ܒܟܝܢ ܐܡܪ ܠܗܘܢ ܡܨܝ̈ܩܐ ܗܝ ܢܝܦܫܝ ܥܕ ܡܛܐ ܕܡܘܬܐ܃ ܟܬܪ̈ܘ ܗܟܐ ܘܗ̈ܘܘ ܥܝܪ̈ܝܢ ܥܡܝ܃ |
| 026:039 | ܘܩܪܒ ܨܒܚܕ ܘܢܦܠ ܥܠ ܐܦ̈ܘܝ ܡܨܠܐ ܘܐܡܪ ܐܒܐ ܐܢ ܝܟܝܠ ܝܥܒܪ ܡܢܝ ܗܕܝܢ ܟܣܐ܃ ܒܪܝܢ ܕܝ ܠܐ ܗܝܟ ܕܐܢܐ ܨܒܐ ܐܠܐ ܗܝܟ ܕܠܐ ܨܒܐ܃ |
| 026:043 | ܗܘܝ ܓܪ ܥܝܢܝ̈ܗܘܢ ܝܩܝܪ̈ܢ |
| 026:044 | ܘܫܒܩ ܝܬ݁ܗܘܢ ܬܘܒܢ ܘܐܙܠ ܨܠܝ ܙܒܢ ܬ݁ܠܝܬ݁ܝܐ ܘܝܬ݁ܗ݀ ܝܬܗ݀ ܡܠܬܐ ܐܡܪ܃ |
| 026:045 | ܒܟܝܢ ܐܬܐ ܠܘܬ݁ ܬܠܡܝܕܘ̈ܝ ܘܐܡܪ ܠܗܘܢ ܕܡܘܟ̈ܘܢ ܟܕܘ܃ ܘܐܬܢܝܚ̈ܘ ܩܪܒܬ݁ ܫܥܬܐ ܘܒܪܗ ܕܒܪܢܫܐ ܡܝܬ݁ܡܣܪ ܠܐܝܕܝܗ̈ܘܢ ܕܣ<ܝ>ܟ̈ܠܝܐ܃ |
| 026:046 | ܩ̈ܘܡܘ ܢܝܙܝܠ ܠܢ ܗܐ ܩܪܒ ܗ݀ܘ ܕܡܣܪ ܠܝ܃ |
| 026:047 | ܘܥܕ ܗܘ ܡܡܠܠ ܗܐ ܝܘܕܣ ܚܕ ܡܢ ܬܪ̈ܝܥܣܪܬܐ܃ ܐܬܐ ܘܥܡܗ ܐܟܠܘܣ ܣܓܝ ܥܡܗܘܢ ܣ̈ܝܦܝܢ ܘܚܘܛܪ̈ܝܢ܃ ܡܢ ܕܪ̈ܝܫܝ ܟܗ̈ܢܝܐ ܘܩܫܝܫܘܝ ܕܩܗܠܐ |
| 026:048 | ܗܘ ܕܝ ܕܡܣܪ ܝܬܗ ܝܗܒ ܠܗܘܢ ܐܬ݁ ܘܐܡܪ ܗܘ ܕܐܢܐ ܢܫܩ ܠܗ ܗܘ ܐܝܬ݁ ܗܘ ܨ̈ܘܕܘ ܝܬ݁ܗ܃ |
| 026:049 | ܘܫܘܐ ܩܪܒ ܠܡܪ ܝܣܘܣ ܘܐܡܪ ܠܗ ܫܝܠܡ ܠܟ ܪܒܝ܃ |
| 026:050 | ܡܪܐ ܝܣܘܣ ܐܡܪ ܚܒܪܐ ܥܠ ܡܐ ܕܐܬ݁ܝܬ ܒܟܝܢ ܩܪ̈ܒܘ ܪܡܐ ܝܕܝܐ ܥܠ ܡܪܐ ܝܣܘܣ܃ ܘܨ̈ܕܘ ܝܬ݁ܗ |
| 026:051 | ܘܗܐ ܚܕ ܡܢ ܗܠܝܢ ܕܥܡ ܡܪܐ ܝܣܘܣ ܦܫܛ ܐܝܕܗ ܘܫܠܦ ܣܝܦ̈ܐ ܘܫܩܦ ܠܥܒܕܗ ܕܪܝܫ ܟܗ̈ܢܝܐ ܘܐܪܝܡ ܐܕܢܗ |
| 026:052 | ܒܟܝܢ ܐܡܪ ܠܗ ܡܪܐ ܝܣܘܣ ܐܬ݁ܝܒ ܣܝܦ̈ܐ ܠܐܬ݁ܪܗ܃ ܟܘܠ ܗܠܝܢ ܕܢܣܒ ܣܝܦ̈ܐ ܒܣܝܦ̈ܐ ܐܒ̈ܝܕܝܢ |
| 026:053 | ܐܐ݁ ܣܒܪ ܐܬ ܕܠܝܬ݁ ܐܢܐ ܝܟܝܠ ܟܕܘ ܕܝܒܥܐ ܡܢ ܐܒܐ܃ ܘܝܩܝ̈ܡ ܠܝ ܗܟܐ ܝܬܝܪ ܡܢ ܬܪ̈ܥܣܪ ܠܓܝ̈ܘܢܝܢ ܕܡ̈ܠܐܟܝܢ܃ |
| 026:054 | ܗܝܟ ܐܘܢ ܝܬܡܠܘ̈ܢ ܟܬ݁ܒ̈ܝܐ ܕܗܟܕܝܢ ܗܘܐ ܧ̈ܢܛܘܣ ܕܝܬ݁ܥܒܝܕ܃ |
| 026:055 | ܒܗ݀ ܕܝ ܒܗܝ ܫܥܬܐ ܐܡܪ ܡܪܐ ܝܣܘܣ ܠܘܬ݁ ܐܘܟܠܘܣ̈ܝܐ ܗܝܟ ܕܥܠ ܠܝܣܛܝܣ ܢܦܩ̈ܬܘܢ ܥܡ ܣܝ̈ܦܝܢ ܘܚܘܛܪ̈ܝܢ ܕܬ݁ܨܘܕܘ̈ܢ ܝܬ݁ܝ܃ ܒܟܘܠܝܘܡ ܠܘܬ݁ܟܘܢ ܒܢܘܣܐ ܗܘܝܬ݁ ܝܬ݁ܒ ܡܠܝܦ܃ ܘܠܐ ܨܕܬܘܢ ܝܬ݁ܝ܃ |
| 026:056 | ܗܕܐ ܕܝ ܟܘܠܗ݀ ܐܬ݁ܥܒܕܬ݁ ܕܝܬ݁ܡܠܘ̈ܢ ܟܬ݁ܒ̈ܝܗܘܢ ܕܢܒܝ̈ܝܐ܃ ܒܟܝܢ ܟܘܠܗܘܢ ܬܠ̈ܡܝܕܝ ܫܒ̈ܩܘ ܝܬ݁ܗ݀ ܘܥܪ̈ܩܘ |
| 026:057 | ܗ̈ܠܝܢ ܕܝ ܕܨܕܘ ܠܡܪܐ ܝܣܘܣ܃ ܐܘܒ̈ܠܘ ܝܬ݁ܗ ܠܘܬ ܩܝܐܦܣ ܪܝܫ ܟܗ̈ܢܝܐ ܠܗܢ ܕܐܬ̈ܟܢܫܘ ܪ̈ܝܫܝ ܟܗ̈ܢܝܐ ܘܣܦܪ̈ܝܐ ܘܩܫ̈ܫܝܐ܃ |
| 026:058 | ܧ̈ܛܪܘܣ ܕܝ ܗܘܐ ܐܬܐ ܒܬ݁ܪܗ ܡܢ ܪܘܚܩܐ ܥܕܡܐ ܠܕܪܬܗ ܕܪܝܫܟܗ̈ܢܝܐ܃ ܘܟܕ ܥܐܠ ܠܓܘ ܗܘܐ ܝܬܝܒ ܥܡ ܗܝܧ̈ܝܪܝܛܝܐ ܕܝܚܡܐ ܫܝܨܘܝܐ܃ |
| 026:059 | ܪܝܫܟܗ̈ܢܝܐ ܕܝ ܘܩܫ̈ܫܝܐ ܘܥܝܨܬܐ ܟܘܠܗ ܗܘܘ ܒܥܝܢ ܣܗܕܘ ܕܓܠܐ ܥܠ ܡܪܐ ܝܣܘܣ ܗܝܟ ܕܝܡܝܬ̈ܘܢ ܝܬ݁ܗ |
| 026:060 | ܘܠܐ ܗܘܘ ܡܫ̈ܟܚܝܢ܃ ܘܕܐ ܕܣܓܝ ܣ̈ܗܕܝܢ ܕܓ̈ܠܝܢ ܩܪ̈ܒܘ ܒܚܪܝܬܐ ܕܝ ܩܪ̈ܒܘ ܬܪ̈ܝܢ |
| 026:061 | ܘܐܡܪܘ܃ ܗܕܝܢ ܐܡܪ ܝܟܝܠ ܐܢܐ ܕܝܫܪܐ ܢܐܘܣܗ ܕܐܠܗܐ ܘܠܬ݁ܠܬܐ ܝܘ̈ܡܝܢ ܝܒܢܝ ܝܬ݁ܗ܃ |
| 026:062 | ܘܩܡ ܪܝܫ ܟܗ̈ܢܝܐ ܘܐܡܪ ܠܗ܃ ܐܘܦ ܠܐ ܚܕܐ ܠܝܬ݁ ܐܬ ܡܓܝܒ ܡܢ ܡܐ ܕܗܠܝܢ ܡܣܝܕܝܢ ܥܠܝܟ܃ |
| 026:063 | ܗܘ ܡܪܐ ܝܣܘܣ ܗܘܐ ܫܬܝܩ܃ ܘܪܝܫ ܟܗ̈ܢܝܐ ܐܡܪ ܠܗ܃ ܡܘܡܐ ܐܢܐ ܠܟ ܒܐܠܗܐ ܚܝܐ ܕܬ݁ܝܡܘܪ ܠܢ ܐܢ ܐܬ ܗܘ ܡܫܝܚܐ ܒܪܗ ܕܐܠܗܐ܃ |
| 026:064 | ܐܡܪ ܠܗ ܡܪܐ ܝܣܘܣ ܐܬ ܐܡܪܬ܃ ܒܪܝܢ ܕܝ ܐܡܪ ܠܟܘܢ ܕܡܢ ܟܕܘ ܬ݁ܚܡ̈ܘܢ ܠܒܪܗ ܕܒܪܢܫܐ܃ ܝܬܝܒ ܡܢ ܝܡܝܢܐ ܕܚܝܠܐ ܘܐܬܐ ܥܠ ܥܢܢܝܗ̈ܘܢ ܕܫܘܡܝܐ܃ |
| 026:065 | ܒܟܝܢ ܪܝܫ ܟܗ̈ܢܝܐ ܒܙܥ ܡܐܢ̈ܘܝ ܘܐܡܪ܃ ܓܕܦ܃ ܡܐ ܥܘܕ ܐܢܝܢ ܨܪ̈ܝܟܝܢ ܣܗ̈ܕ<ܝ>ܢ ܗܐ ܟܕܘ ܫ̈ܡܥܬܘܢ ܓܕܦܗ |
| 026:066 | ܡ݁ܐ ܗܢܐ ܠܟܘܢ܃ ܗܢܘܢ ܕܝ ܐܓܝܒ̈ܘ ܐܡܪ̈ܝܢ܃ ܚܝܒ ܗܘ ܒܡܘܬܐ܃ |
| 026:067 | ܒܟܝܢ ܪܩܪ̈ܩܘ ܒܐܦ̈ܘܝ܃ ܘܡܚ̈ܘ ܝܬ݁ܗ ܩܘܠܦܣܢ܃ ܘܚܘܪ̈ܢܝܢ ܡܚ̈ܘ ܝܬ݁ܗ ܡܣܛܘܪ̈ܝܢ܃ |
| 026:068 | ܘܐܡܪ̈ܝܢ ܐܬ݁ܢܒܝ ܠܢ ܡܫܝܚܐ ܡ݁ܢ ܗܘ ܗܕܢ ܕܡܚܐ ܠܟ܃ |
| 026:069 | ܧ̈ܛܪܘܣ ܕܝ ܗܘܐ ܝܬܝܒ ܠܒܪ ܒܕܪܬܐ܃ ܘܩܪܒܬ݁ ܚܕܐ ܛܠܝ{ܬ݁}ܐ ܐܡܪܐ ܠܗ ܐܘܦ ܐܬ ܗܘܝܬ݁ ܥܡ ܝܣܘܣ ܓܠܝܠܝܐ |
| 026:070 | ܗܘ ܕܝ ܟܦܪ ܩܘܕܡ ܟܘܠܗܘܢ ܐܡܪ ܠܝܬ݁ ܐܢܐ ܝܕܥ ܡܐ ܐܬܝ ܐܡܪܐ ܘܠܐ ܡܟܝܪ |
| 026:071 | ܘܟܕ ܕܝ ܢܦܩ ܠܧ̈ܠܘܢܐ܃ ܚܡܬ݁ ܝܬ݁ܗ ܚܘܪܝ ܘܐܡܪܐ ܠܗܠܝܟ ܕܗܘܘ ܬܡܢ܃ ܐܘܦ ܗܘܐ ܥܡ ܝܣܘܣ ܢܙܘܪܝܐ܃ |
| 026:072 | ܘܬܘܒܢ ܟܦܪ ܒܡܘܡܐ ܕܠܝܬ݁ ܐܢܐ ܡܟܝܪ ܠܗ ܠܓܒܪܐ |
| 026:073 | ܘܒܬ݁ܪ ܨܝܒܚܕ ܩܪ̈ܒܘ ܗ̈ܠܝܢ ܕܩ̈ܐܝܡܝܢ ܘܐܡܪ̈ܘ ܠܧ̈ܛܪܘܣ܃ ܩܫܝܛܐܝܬ݁ ܐܘܦ ܡܡܠܠܝܟ ܥܒܕ ܠܟ ܝܕܝܥ |
| 026:074 | ܒܟܝܢ ܫܪܝ ܡܚܪܝܡ ܘܝܡܐ ܕܠܝܬ݁ ܐܢܐ ܡܟܝܪ ܠܒܪܢܫܐ ܗܕܢ܃ |
| 026:075 | ܘܫܘܝ ܩܪܐ ܬ݁ܪܢܘܓܠܐ܃ ܘܐܬܕܟܝܪ ܧܛܪܘܣ ܡܠܬܐ ܕܡܪܐ ܝܣܘܣ ܕܐܡܪ ܠܗ܃ ܕܥܕ ܠܐ ܝܩܪܐ ܬܪܢܘܓܠܐ ܬ݁ܠܬܐ ܙ̈ܒܢܝܢ ܬܟܦܘܪ ܒܝ ܘܢܦܩ ܠܒܪ ܘܒܟܐ ܡܪܝܪܐܝܬ݁ |
| 026:057 | ܘܪ̈ܘܡܝܝ ܗ̈ܠܝܢ ܕܝ ܕܨ̈ܕܘ ܠܡܪܐ ܝܣܘܣ ܐܘ̈ܒܠܘ ܝܬ݁ܗ ܠܘܬ݁ ܩܝܐܦܣ ܪܝܫ ܟܗܢܝ̈ܐ܃ ܠܗܢ ܕܐܬ݁ܟܢܫ̈ܘ ܪ̈ܝܫܝ ܟܗ̈ܢܝܐ ܘܣܦܪ̈ܝܐ ܘܩ̈ܫܝܫܝܐ܃ |
| 026:058 | ܧ̈ܛܪܘܣ ܕܝ ܗܘܐ ܐܬܐ ܒܬ݁ܪܗ ܡܢ ܪܘܚܩܐ܃ ܥܕ ܡܛܐ ܠܕܪܬܗ ܕܪܝܫ ܟܗ̈ܢܝܐ܃ ܘܟܕ ܥܠ ܠܓܘ ܗܘܐ ܝܬܝܒ ܥܡ ܗܧܝܪ̈ܝܛܝܐ ܕܝܚܡܐ ܫܝܨܘܝܐ܃ |
| 026:059 | ܪܝܫ ܟ̈ܗܢܝܐ ܕܝ ܘܩ̈ܫܝܫܝܐ ܘܥܝܨ̈ܘܝܐ ܟܘܠܗ ܗܘܘ ܒ̈ܥܝܢ ܣܗܕܘ ܕܓܠܐ ܥܠ ܡܪܐ ܝܣܘܣ ܗܝܟ ܕܝܡ̈ܝܬ݁ܘܢ ܝܬ݁ܗ܃ |
| 026:060 | ܘܠܐ ܗܘܘ ܡܫ̈ܟܚܝܢ܃ ܘܗܕܐ ܕܣܓܝ ܣܗ̈ܕܝܢ ܕܓ̈ܠܝܢ ܩܪ̈ܒܘ܃ ܒܐܚܪܝܬܐ ܕܝ ܩܪ̈ܒܘ ܬ݁ܪ̈ܝܢ |
| 026:061 | ܘܐܡܪ̈ܘ܃ ܗܕܝܢ ܐܡܪ ܝܟܠ ܐܢܐ ܕܝܫܪܐ ܢܘܣܗ ܕܐܠܗܐ ܘܠܬ݁ܠܬܐ ܝܘ̈ܡܝܢ ܝܒܢܐ ܝܬܗ܃ |
| 026:062 | ܘܩܡ ܪܝܫ ܟܗ̈ܢܝܐ ܘܐܡܪ ܠܗ ܐܘܦ ܠܐ ܚܕܐ ܠܝܬ݁ ܐܬ ܡܓܝܒ ܡܢ ܡܐ ܕܗ̈ܠܝܢ ܡܣ̈ܝܕܝܢ ܥܠܝܟ܃ |
| 026:063 | ܗܘ ܕܝ ܡܪܐ ܝܣܘܣ ܗܘܐ ܫܬܝܩ܃ ܘܪܝܫ ܟܗ̈ܢܝܐ ܐܡܪ ܠܗ܃ ܡܘܡܐ ܐܢܐ ܠܟ ܒܐܠܗܐ ܚܝܐ ܕܬ݁ܝܡܘܪ ܠܢ ܐܢ ܐܬ ܗܘ ܡܫܝܚܐ ܒܪܗ ܕܐܠܗܐ܃ |
| 026:064 | ܐܡܪ ܠܗ ܡܪܐ ܝܣܘܣ ܐܬ ܐܡܪܬ܃ ܒܪܢ ܕܝ ܐܡܪ ܐܢܐ ܠܟܘܢ ܕܡܢ ܟܕܘ ܬ݁ܚܡܘܢ ܠܒܪܗ ܕܓܒܪܐ ܝܬܝܒ ܡܢ ܝܡܝܢܐ ܕܚܝܠܐ ܘܐܬܐ ܥܠ ܥܢܢܐ ܕܫܘܡܝܐ܃ |
| 026:065 | ܒܟܢ ܪܝܫ ܟܗ̈ܢܝܐ ܒܙܥ ܡܐܢ̈ܘܝ ܘܐܡܪ ܓܕܦ܃ ܡܐ ܥܘܕ ܐܢܗ ܨܪ̈ܝܟܝܢ ܣ̈ܗܕܝܢ ܗܐ ܟܕܘ ܫܡܥ̈ܬܘܢ ܓܕܦܘܝ |
| 026:066 | ܡܐ ܗܢܐ ܠܟܘܢ܃ ܗܢܘܢ ܕܝ ܐܓ̈ܝܒܘ ܐܡܪ̈ܝܢ ܚܝܒ ܗܘ ܒܡܘܬܐ܃ |
| 026:067 | ܒܟܝܢ ܪ̈ܩܩܘ ܒܐܦ̈ܘܝ܃ ܘܡܚ̈ܘ ܝܬ݁ܗ ܩܘܠܦܣܝܢ܃ ܘܚܘܪ̈ܢܝܢ ܡܚ̈ܘ ܝܬ݁ܗ ܡܣܛܘܪ̈ܝܢ܃ |
| 026:068 | ܘܐܡܪ̈ܝܢ ܐܬ݁ܢܒܝ ܠܢ ܡܫܝܚܐ ܡ݁ܢ ܗܘ ܕܢ ܕܡܚܐ ܝܬ݁ܟ܃ |
| 026:069 | ܧ̈ܛܪܘܣ ܕܝ ܗܘܐ ܝܬܝܒ ܠܒܪ ܒܕܪܬܐ܃ ܘܩܪܒܬ݁ ܚܕܐ ܛܠܝ{ܬ݁}ܐ ܐܡܪܐ ܠܗ܃ ܐܘܦ ܐܬ ܗܘܝܬ݁ ܥܡ ܝܣܘܣ ܓܠܝܠܝܐ܃ |
| 026:070 | ܗܘ ܕܝ ܟܦܪ ܩܘܕܡ ܟܘܠܗܘܢ ܐܡܪ ܠܝܬ݁ ܐܢܐ ܝܕܥ ܡܐ ܐܬܝ ܐܡܪܐ ܘܠܐ ܡܟܪ܃ |
| 026:071 | ܟܕ ܕܝ ܢܦܩ ܠܧ̈ܠܘܢܐ ܚܡܬ݁ ܝܬ݁ܗ ܚܘܪܝ ܘܐܡܪܐ ܠܗܠ̈ܝܟ ܕܗܘܘ ܬܡܢ ܐܘܦ ܕܢ ܗܘܐ ܥܡ ܝܣܘܣ ܢܙܘܪܝܐ܃ |
| 026:072 | ܘܬܘܒܢ ܟܦܪ ܒܡܘܡܐ ܕܠܝܬ݁ ܐܢܐ ܡܟܪ ܠܗ ܠܓܒܪܐ܃ |
| 026:073 | ܘܒܬ݁ܪ ܨܝܒܚܕ ܩܪ̈ܒܘ ܗ̈ܠܝܢ ܕܩ̈ܐܡܝܢ ܐܡܪ̈ܘ ܠܧܛܪܘܣ ܩܫܝܛܐܝܬ݁ ܐܘܦ ܐܬ ܡܢܗܘܢ ܐܬ܃ ܐܘܦ ܡܡܠܠܟ ܓܪ ܥܒܕ ܠܟ ܝܕܝܥ܃ |
| 026:074 | ܒܟܢ ܫܪܝ ܡܚܪܡ ܘܐܡܪ ܕܠܝܬ݁ ܐܢܐ ܡܟ̈ܪ ܠܒܪܢܫܐ ܗܕܢ܃ ܘܫܘܝ ܩܪܐ ܬܘܪܢܓܘܠܐ܃ |
| 026:075 | ܘܐܕܟܪ ܦܛܪܘܣ ܡܠܬ݁ܗ ܕܡܪܐ ܝܣܘܣ ܕܐܡܪ ܠܗ܃ ܕܥܕ ܠܐ ܝܩܪܐ ܬܪܢܓܘܠܐ ܬ݁ܠܬܐ ܙܒ̈ܢܝܢ ܬܟܦܘܪ ܒܝ܃ ܘܢܦܩ ܠܒܪ ܘܒܟܐ ܡܪܝܪܐܝܬ݁ |
| 027:001 | ܘܟܕ ܕܝ ܗܘܐ ܨܦܪܐ ܢܣ̈ܒܘ ܡܠܝܟ ܟܘܠ ܪ̈ܝܫܝ ܟܗ̈ܢܝܐ ܘܩܫܝܫ̈ܘܝ ܕܩܗܠܐ ܥܠ ܡܪܐ ܝܣܘܣ܃ ܕܝܡܝܬ݁ܘܢ ܝܬ݁ܗ |
| 027:002 | ܘܟܦܬ̈ܘ ܝܬ݁ܗ܃ ܘܐܘܒ̈ܠܘ ܝܬ݁ܗ ܘܡܣܪ̈ܘ ܝܬ݁ܗ ܠܧ̈ܢܛܝܘܣ ܧ̈ܝܠܛܘܣ ܗܝܓܡܘܢܐ |
| 027:001 | ܢܣ̈ܒܘ ܡܝܠܟ ܟܘܠ ܪ̈ܝܫܝ ܟܗ̈ܢܝܐ ܘܩܫܝܫ̈ܘܝ ܕܩܗܠܐ ܥܠ ܡܪܐ ܝܣܘܣ ܕܝܡܝܬ݁ܘܢ ܝܬܗ܃ |
| 027:002 | ܘܟ̈ܦܬ݁ܘ ܝܬ݁ܗ ܘܐܘܒ̈ܠܘ ܝܬܗ ܘܡܣܪ̈ܘ ܝܬܗ ܠܧܢܛܝܘܣ ܧܝܠܛܘܣ ܗܓܡܘܢܐ܃ |
| 027:003 | ܒܟܢ ܟܕ ܚܡܐ ܝܗܘܕܣ ܗ݀ܘ ܕܡܣܪ ܝܬܗ ܕܐܬ݁ܚܝܒ܃ ܬ݁ܗܐ ܘܐܬ݁ܝܒ ܬ݁ܠܬ݁ܝܢ ܕܟܣܦ̈ܐ ܠܪ̈ܝܫܝ ܟܗ̈ܢܝܐ ܘܩ̈ܫܝܫܝܐ |
| 027:004 | ܘܐܡܪ ܐܣܟܠܬ݁ ܕܡܣܪܬ݁ ܐܕܡ ܨܕܝܩ܃ ܗܢܘܢ ܕܝ ܐܡܪ̈ܘ ܡܐ ܥܠܝܢܗ܃ ܐܬ ܬ݁ܚܡܐ܃ |
| 027:005 | ܘܫܕܐ ܟܣܦ̈ܐ ܒܢܘܣܐ ܘܐܙܠ ܠܗ܃ ܘܟܕ ܐܙܠ ܚܢܩ ܓܪܡܗ܃ |
| 027:006 | ܪ̈ܝܫܐ ܟܗ̈ܢܝܐ ܕܝ ܢܣ̈ܒܘ ܟܣܦ̈ܐ ܘܐܡܪ̈ܘ ܠܐ ܫܠܝܛ ܕܢܪܡܐ ܝܬܗ ܒܩܘܪܒܢܐ܃ ܠܓܠܠ ܕܗܘ ܕܡ̈ܝܢ ܕܐܕܡ܃ |
| 027:007 | ܢܣ̈ܒܘ ܕܝ ܡܝ̈ܠܟ ܘܙܒ̈ܢܘ ܒܗܘܢ ܛܘܪܗ ܕܦܚܪܐ ܠܡܩܒܘܪܐ ܠܐܟܣ̈ܢܝ܃ |
| 027:008 | ܠܟܝܢ ܐܬ݁ܩܪܝ ܛܘܪܐ ܗܐܘ ܚܩܠ ܐܕܡܐ ܥܕ ܡܛܐ ܠܝܘܡܕܝܢ܃ |
| 027:009 | ܒܟܝܢ ܐܬ݁ܡܠܝ ܡܐ ܕܐܬܡܪ ܒܐܪܡܝܐ ܢܒܝܐ ܕܐܡܪ܃ ܢܣ̈ܒܘ ܬ݁ܠܬ݁ܝܢ ܕܟܣܦ̈ܐ ܕܡ̈ܘܝ ܕܡܝܩܪܐ ܡܐ ܕܝܩܪܘ ܡܢ ܒ̈ܢܝܐ ܕܐܝܣܪܝܠ܃ |
| 027:010 | ܘܝܗ̈ܒܘ ܝܬܗܘܢ ܒܛܘܪܗ ܕܦܚܪܐ ܗܝܟ ܡܐ ܕܐܬܩܢ ܠܝ ܡܪܝܐ܃ |
| 027:011 | ܗܘ ܕܝ ܡܪܐ ܝܣܘܣ ܩܡ ܩܘܕܡ ܗܝܓܡܘܢܐ܃ ܘܫܐܠ ܝܬܗ ܐܡܪ ܐܬ ܗܘ ܡܠܟܐ ܕܝܗ̈ܘܕܝ܃ ܗܘ ܕܝ ܡܪܐ ܝܣܘܣ ܐܡܪ ܐܬ ܐܡܪ |
| 027:012 | ܘܒܡܐ ܕܗܘܐ ܡܬܩܛܪܓ ܡܢ ܪ̈ܝܫܐ ܟܗ̈ܢܝܐ ܘܡܢ ܩܫ̈ܫܝܐ܃ ܘܟܘܠܡ ܠܐ ܗܘܐ ܡܓܝܒ܃ |
| 027:013 | ܒܟܢ ܐܡܪ ܠܗ ܧܝܠܛܘܣ܃ ܠܝܬ݁ ܐܬ ܫܡܥ ܟܡܐ ܗܢܘܢ ܡܣ̈ܝܕܝܢ ܥܠܝܟ܃ |
| 027:014 | ܘܠܐ ܐܓܝܒ ܝܬܗ ܐܘܦ ܠܐ ܠܩܘܒܠ ܚܕܐ ܡܠܐ܃ ܗܝܟ ܠܡܠܘ ܕܝ ܕܝܗܐ ܬܡܗ ܠܚܕܐ܃ |
| 027:015 | ܒܟܘܠ ܡܘܥܕ ܕܝ ܗܘܐ ܐܠܘܦ ܗܓܡܘܢܐ ܦܢܐ ܠܐܘܟܠܣ̈ܐ ܚܕ ܐܣܝܪ ܡ݁ܢ ܕܗܘܘ ܨܒ̈ܝܢ܃ |
| 027:016 | ܗܘܐ ܕܝ ܠܗܘܢ ܒܟܢ ܚܕ ܐܣܝܪ ܝܕܝܥ ܕܡܬ݁ܩܪܐ ܝܣܘ ܒܪ ܪܒܢ܃ |
| 027:017 | ܘܗܝܟ ܕܗܢܘܢ ܡܟ̈ܢܫܝܢ ܐܡܪ ܠܗܘܢ ܧܝܠܛܘܣ܃ ܠܡ݁ܢ ܐܬܘܢ ܒ̈ܥܝܢ ܡܢ ܬ݁ܪ̈ܝܐ ܕܝܦܢܐ ܠܟܘܢ ܠܝܣܘ ܒܪ ܪܒܢ܃ ܐܐ݁ ܝܣܘܣ ܕܡܬ݁ܡܪ ܡܫܝܚܐ܃ |
| 027:018 | ܗܘܐ ܓܪ ܝܕܥ ܕܠܓܠܠ ܩ̈ܢܐ ܡܣܪܘ ܝܬܗ܃ |
| 027:019 | ܘܗܝܟ ܕܗܘ ܝܬܝܒ ܥܠ ܒܝܡܐ ܫܠܚܬ݁ ܠܘܬ݁ܗ ܐܬܬ݁ܗ ܐܡܪܐ܃ ܠܐ ܠܟ ܘܠܐ ܠܗ݀ܘ ܨܕܝܩܐ܃ ܣܓܝ ܓܪ ܚܫܬ݁ ܝܘܡܢ ܒܚܠܡܝ ܡܢ |
| 027:020 | ܘܪ̈ܝܫܐ ܟܗ̈ܢܝܐ ܘܩܫ̈ܝܫܝܐ ܐܧܝܣ̈ܘ ܠܐܘ̈ܟܠܘܣܝܐ ܕܝܫ̈ܘܠܘܢ ܠܒܪ ܪܒܢ ܠܡܪܐ ܝܣܘܣ ܕܝ ܝܘܒ̈ܕܘܢ܃ |
| 027:021 | ܐܓܝܒ ܕܝ ܗܝܓܡܘܢܐ ܘܐܡܪ ܠܗܘܢ܃ ܠܡ݁ܢ ܐܬܘܢ ܨܒ̈ܝܢ ܕܝܦܢܐ ܠܟܘܢ ܡܢ ܬܪ̈ܝܐ܃ ܗܢܘܢ ܕܝ ܐܡܪ̈ܘ ܠܒܪ ܪܒܢ |
| 027:022 | ܐܡܪ ܠܗܘܢ ܧܝܠܛܘܣ ܡ݁ܐ ܐܘܢ ܝܥܒܕ ܠܝܣܘܣ ܗܕܢ ܡܬ݁ܡܪ ܡܫܝܚܐ܃ ܘܐܡܪ̈ܘ ܟܘܠܗܘܢ ܝܨܛܠܒ܃ |
| 027:023 | ܗܘ ܕܝ ܐܡܪ ܡ݁ܐ ܓܪ ܒܝܫ ܥܒܕ܃ ܗܢܘܢ ܕܝ ܝܬܝܪܐܝܬ݁ ܗܘܘ ܡܨܝ̈ܚܝܢ ܘܐܡܪ̈ܝܢ ܝܨܛܠܒ܃ |
| 027:024 | ܟܕ ܕܝ ܚܡܐ ܧܝܠܛܘܣ ܕܟܘܠܘܡ ܠܐ ܡܗܢܐ܃ ܐܠܐ ܥܠ ܕܝܬܝܪ ܥܘܪܒܒܬܐ ܡܬ݁ܥܒܕܐ܃ ܢܣܒ ܡܝܢ ܘܐܫܝܓ ܐܝܕܘ̈ܝ ܠܥܝܢ ܐܘܟ̈ܠܘܣܐ ܘܐܡܪ܃ ܙܟܐܝ ܐܢܐ ܡܢ ܐܕܡܗ ܕܗܕܢ ܨܕܝܩܐ܃ ܐܬܘܢ ܬ݁ܚܡ̈ܘܢ܃ |
| 027:025 | ܘܐܓܝܒ ܟܘܠܗ ܩܗܠܐ ܘܐܡܪ̈ܘ ܐܕܡܗ ܥܠܝܢܗ ܘܥܠ ܒܢܝܢܗ܃ |
| 027:026 | ܒܟܢ ܦܢܐ ܠܗܘܢ ܠܒܪ ܪܒܢ܃ ܠܡܪܐ ܝܣܘܣ ܕܝ ܢܓܕ ܘܡܣܪ ܝܬܗ ܠܗܘܢ ܕܝܨܠܘܒ̈ܘܢ ܝܬܗ܃ |
| 027:027 | ܘܒܟܢ ܪ̈ܘܡܝܝܐ ܕܗܝܓܡܘܢܐ ܕܒܪ̈ܘ ܝܬܗ ܠܡܪܐ ܝܣܘܣ ܠܐܧܠܝܛܘܪܝܢ ܘܟܢܫ̈ܘ ܥܠܘܝ ܟܘܠܗ ܩܣܛܪܐ܃ |
| 027:028 | ܘܚ̈ܠܫܘ ܝܬܗ ܕܝ ܘܟܠܡܝܣ ܕܙܚܘܪܘ ܝܗܒ̈ܘ ܥܠܘܝ܃ |
| 027:029 | ܘܓܕܠ̈ܘ ܟܠܝܠ ܡܢ ܟܘܒ̈ܝܢ ܘܝܗ̈ܒܘ ܥܠ ܪܝܫܗ ܘܩܢܝܐ ܒܝܡܝܢܗ܃ ܘܗܘܘ ܩ̈ܥܕܝܢ ܩܘܕܡܘܝ ܡܓ̈ܚܟܝܢ ܒܗ܃ ܘܐܡܪ̈ܝܢ ܫܝܠܡ ܠܟ ܡܠܟܗܘܢ ܕܝܗ̈ܘܕܝ܃ |
| 027:030 | ܘܪ̈ܩܩܘ ܒܗ ܘܢܣ̈ܒܘ ܩܢܝܐ ܘܗܘܘ ܡܚ̈ܝܢ ܠܗ ܥܠ ܪܝܫܗ |
| 027:031 | ܘܟܕ ܓܚܟ̈ܘ ܒܗ ܐܚ̈ܠܫܘܢ ܝܬܗ ܟܠܡܣܐ܃ ܘܒܟܢ ܐܠܒܫ̈ܘ ܝܬܗ ܡܐܢ̈ܘܝ܃ ܘܐܘܒ̈ܠܘ ܝܬܗ ܕܝܨܠܘܒ̈ܘܢ ܝܬܗ܃ |
| 027:032 | ܟܕ ܕܝ ܢܦ̈ܩܘ ܐܫ̈ܟܚܘ ܒܪܢܫ ܩܪܝܢܐܝ ܕܫܝܡܗ ܣܝܡܘܢ܃ ܠܗܕܢ ܨ̈ܐܕܘ ܐܢܓܪܝܐ ܕܝܣܒ ܨܠܝܒܐ܃ |
| 027:033 | ܘܟܕ ܐܬ̈ܘ ܐܬ݁ܪܐ ܕܡܬܐܡܪ ܓܘܠܓܘܠܬܐ ܡܐ ܕܗܘ ܡܬܐܡܪ ܕܝ ܐܬ݁ܪܐ ܕܩܪܩܦܬܐ܃ |
| 027:034 | ܘܝܗ̈ܒܘ ܠܗ ܕܝܫܬܐ ܚܠ ܕܡܥܪܒ ܒܡܝܪܐ܃ ܘܟܕ ܛܥܡ ܠܐ ܗܘܐ ܨܒܐ ܕܝܫܬܐ܃ |
| 027:035 | ܟܕ ܕܝ ܨ̈ܠܒܘ ܝܬܗ ܦ̈ܠܓܘ ܡܐܢ̈ܘܝ ܘܪ̈ܡܘ ܢܒܙܝܢ܃ ܕܝܬ݁ܡܠܐ ܡܐ ܕܝܬ݁ܡܪ ܒܢܒܝܐ ܕܐܡܪ܃ ܦ̈ܠܓܘ ܡܐܢ̈ܐܝ ܒܝܢܬ݁ܗܘܢ܃ ܘܥܠ ܠܒܘܫ<ܘ>ܝ ܪ̈ܡܘ ܢܒܙ܃ |
| 027:036 | ܘܗܘܘ ܝܬܒ̈ܝܢ ܢܛܪ̈ܝܢ ܠܗ ܬܡܢ܃ |
| 027:037 | ܘܝܗ̈ܒܘ ܠܥܠ ܡܢ ܪܝܫܗ ܥܠܬܗ ܟܬ݁ܝܒܐ ܕܗܕܝܢ ܐܝܬ݁ ܗܘ ܝܣܘܣ ܡܠܟܗܘܢ ܕܝܗ̈ܘܕܝ܃ |
| 027:038 | ܒܟܢ ܐܨ̈ܛܠܒܘ ܥܡܗ ܬ݁ܪ̈ܝܢ ܠܝܣܛܝܢ ܚܕ ܡܢ ܝܡܝܢܐ ܘܚܕ ܡܢ ܣܡܠܐ܃ |
| 027:003 | ܒܟܝܢ ܟܕ ܚܡܐ ܝܗܘܕܣ ܕܡܣܪ ܝܬܗ ܕܐܬ݁ܚܝܒ܃ ܬܗܐ܃ ܘܐܬ݁ܝܒ ܬ݁ܠܬ݁ܝܢ ܕܟܣܦ̈ܐ ܠܪ̈ܝܫܐ ܟܗ̈ܢܝܐ ܘܩܫ̈ܝܫܐ |
| 027:004 | ܘܐܡܪ ܐܣܟܠܬ݁ ܕܡܣܪܬ݁ ܐܕܡ ܨܕܝܩ܃ ܗܢܘܢ ܕܝ ܐܡܪ̈ܘ ܡܐ ܥܠܝܢ̈ܗ ܐܬ ܬ݁ܚܡܐ܃ |
| 027:005 | ܘܫܕܐ ܟܣܦ̈ܐ ܒܢܘܣܐ ܘܐܙܠ ܚܢܩ ܓܪܡܗ܃ |
| 027:006 | ܪ̈ܝܫܐ ܟܗ̈ܢܝܐ ܕܝ ܢܣ̈ܒܘ ܟܣܦ̈ܐ ܘܐܡܪ̈ܘ ܠܐ ܫܠܝܛ ܕܢܪܡܐ ܝܬܗ ܒܩܘܪܒܢܐ܃ ܠܓܠܠ ܕܗܘ ܕ̈ܡܝܢ ܕܐܕܡ |
| 027:007 | ܢܣܒ̈ܘ ܕܝ ܡܝܠܟ ܘܙܒ̈ܢܘ ܒܗܘܢ ܛܘܪܗ ܕܦܚܪܐ ܠܡܩܒܘܪܐ ܠܐܟܣ̈ܢܝ܃ |
| 027:008 | ܠܟܝܢ ܐܬ݁ܩܪܝ ܛܘܪܐ ܗܐܘ ܚܩܠ ܐܕܡܐ ܥܕ ܡܛܐ ܠܝܘܡܕܝܢ܃ |
| 027:009 | ܒܟܢ ܐܬ݁ܡܠܝ ܡܐ ܕܐܬ݁ܡܪ ܒܐܪܡܝܐ ܢܒܝܐ ܕܐܡܪ܃ ܢܣ̈ܒܘ ܬ݁ܠܬ݁ܝܢ ܕܟܣܦ̈ܐ ܕܡ̈ܘܝ ܕܡܝܩܪܐ ܡܐ ܕܝܩܪ̈ܘ ܡܢ ܒ̈ܢܝܐ ܕܐܣܪܝܠ܃ |
| 027:010 | ܘܝܗ̈ܒܬ݁ ܝܬܗܘܢ ܒܛܘܪܗ ܕܦܚܪܐ ܗܝܟ ܡܐ ܕܐܬܩܢ ܠܝ ܡܪܝܐ܃ |
| 027:011 | ܗܘ ܕܝ ܡܪܐ ܝܣܘܣ ܩܡ ܩܘܕܡ ܗܝܓܡܘܢܐ܃ ܘܫܐܠ ܝܬܗ ܗܝܓܡܘܢܐ ܐܡܪ ܐܬ ܗܘ ܡܠܟܐ ܕܝܗ̈ܘܕܝ܃ ܗܘ ܕܝ ܡܪܐ ܝܣܘܣ ܐܡܪ ܐܬ ܐܡܪ |
| 027:012 | ܘܒܡܐ ܕܗܘܐ ܡܬ݁ܩܛܪܓ ܡܢ ܪ̈ܝܫܐ ܟܗ̈ܢܝܐ ܘܡܢ ܩܫ̈ܫܝܐ܃ ܘܟܘܠܡ ܠܐ ܗܘܐ ܡܓܝܒ܃ |
| 027:013 | ܒܟܢ ܐܡܪ ܠܗ ܧܝܠܛܘܣ܃ ܠܝܬ݁ ܐܬ ܫܡܥ ܟܡܐ ܗܢܘܢ ܡܣ̈ܝܕܝܢ ܥܠܝܟ܃ |
| 027:014 | ܘܠܐ ܐܓܝܒ ܝܬܗ ܐܘܦ ܠܐ ܠܩܘܒܠ ܚܕܐ ܡܠܐ܃ ܗܝܟ ܠܡܠܘܝ ܕܝ ܕܝܗܐ̈ ܗܝܓܡܘܢܐ ܬܡܗ ܠܚܕܐ܃ |
| 027:015 | ܒܟܘܠ ܡܘܥܕ ܕܝ ܗܘܐ ܐܠܘܦ ܗܓܡܘܢܐ ܦܢܐ ܠܐܘܟܠܣܐ ܚܕ ܐܣܝܪ ܡ݁ܢ ܕܗܘܘ ܨܒ̈ܝܢ܃ |
| 027:016 | ܗܘܐ ܕܝ ܠܗܘܢ ܒܟܢ ܚܕ{ܐ} ܐܣܝܪ ܝܕܝܥ{ܐ} ܕܡܬ݁ܩܪܐ ܝܣܘ ܒܪ ܪܒܢ܃ |
| 027:017 | ܘܗܝܟ ܕܗܢܘܢ ܡܟ̈ܢܫܝܢ ܐܡܪ ܠܗܘܢ ܧܝܠܛܘܣ܃ ܠܡ݁ܢ ܐܬܘܢ ܒܥ̈ܝܢ ܡܢ ܬ݁ܪ̈ܝܢ ܕܝܦܢܐ ܠܟܘܢ ܠܝܣܘ ܒܪ ܪܒܢ܃ ܐܐ݁ ܠܝܣܘܣ ܕܡܬ݁ܩܪܐ ܡܫܝܚܐ܃ |
| 027:018 | ܗܘܐ ܓܪ ܝܕܥ ܕܠܓܠܠ ܩ̈ܢܐ ܡܣܪ̈ܘ ܝܬܗ܃ |
| 027:019 | ܘܗܝܟ ܕܗܘ ܝܬܝܒ ܥܠ ܒܝܡܐ ܫܠܚܬ݁ ܐܬܬ݁ܗ ܐܡܪܐ܃ ܠܐ ܠܟ ܘܠܐ ܠܗܘ ܨܕܝܩܐ܃ ܣܓܝ ܓܪ ܚܫܬ݁ ܝܘܡܕܝܢ ܒܚܠܡܝ ܡܢ ܠܓܠܠܗ܃ |
| 027:020 | ܘܪ̈ܝܫܐ ܟܗ̈ܢܝܐ ܘܩܫ̈ܝܫܝܐ ܐܧܝܣ̈ܘ ܠܐܘܟ̈ܠܘܣܝܐ ܕܝܫ̈ܘܠܘܢ ܠܒܪ ܪܒܢ ܠܡܪܐ ܝܣܘܣ ܕܝ ܝܘܒ̈ܕܘܢ܃ |
| 027:021 | ܐܓܝܒ ܕܝ ܗܓܡܘܢܐ ܘܐܡܪ ܠܗܘܢ܃ ܠܡ݁ܢ ܐܬܘܢ ܨܒܝܢ ܕܝܦܢܐ ܠܟܘܢ ܡܢ ܬܪ̈ܝܢ܃ ܗܢܘܢ ܕܝ ܐܡܪ̈ܘ ܠܒܪ ܪܒܢ܃ |
| 027:022 | ܐܡܪ ܠܗܘܢ ܧܝܠܛܘܣ ܡ݁ܐ ܐܘܢ ܝܥܒܕ ܠܝܣܘܣ ܗܕܢ ܡܬ݁ܡܪ ܡܫܝܚܐ܃ ܘܐܡܪ̈ܘ ܟܘܠܗܘܢ ܝܨܛܠܒ܃ |
| 027:023 | ܗܘ ܕܝ ܐܡܪ ܡ݁ܐ ܓܪ ܒܝܫ ܥܒܕ܃ ܗܢܘܢ ܕܝ ܝܬܝܪܐܝܬ݁ ܗܘܘ ܡܨܝ̈ܚܝܢ ܘܐܡܪ̈ܝܢ ܝܨܛܠܒ܃ |
| 027:024 | ܟܕ ܕܝ ܚܡܐ ܧܝܠܛܘܣ ܕܟܘܠܘܡ ܠܐ ܡܗܢܐ܃ ܐܠܐ ܥܠ ܕܝܬܝܪ ܥܘܪܒܒܬܐ ܡܬ݁ܥܒܕܐ܃ ܢܣܒ ܡܝܢ ܘܐܫܝܓ ܐܝܕܘ̈ܝ ܠܥܝܢ ܐܘܟܠܘܣ̈ܐ ܘܐܡܪ܃ ܙܟܐܝ ܐܢܐ ܡܢ ܐܕܡܗ ܕܗܕܝܢ ܨܕܝܩܐ܃ ܐܬܘܢ ܬ݁ܚܡ̈ܘܢ܃ |
| 027:025 | ܘܐܓܝܒ ܟܘܠܗ ܩܗܠܐ ܘܐܡܪ̈ܘ ܐܕܡܗ ܥܠܝܢ̈ܗ ܘܥܠ ܒܢܝܢܗ܃ |
| 027:026 | ܒܟܢ ܦܢܐ ܠܗܘܢ ܠܒܪ ܪܒܢ܃ ܠܡܪܐ ܝܣܘܣ ܕܝ ܢܓ̈ܕ ܘܡܣܪ ܝܬܗ ܠܗܘܢ ܕܝܨܠܘܒ̈ܘܢ ܝܬܗ܃ |
| 027:027 | ܘܒܟܢ ܪ̈ܘܡܝܐ ܕܗܝܓܡܘܢܐ ܕܒܪ̈ܘ ܝܬܗ ܠܡܪܐ ܝܣܘܣ ܠܐܧܠܝܛܘܪܝܢ ܘܟܢܫ̈ܘ ܥܠܘܝ ܟܘܠܗ ܩܣܛܪܐ܃ |
| 027:028 | ܘܚܠܫ̈ܘ ܝܬܗ ܕܝ܃ ܘܟܠܡܣ ܕܙܚܘܪܝ ܝܗ̈ܒܘ ܥܠܘܝ܃ |
| 027:029 | ܘܓܕܠ̈ܘ ܟܠܝܠ ܡܢ ܟ̈ܘܒܝܢ ܘܝܗ̈ܒܘ ܥܠ ܪܝܫܗ ܘܩܢܐ ܒܝܡܝܢܗ܃ ܘܗܘܘ ܩ̈ܥܕܝܢ ܩܘܕܡܘܗܝ ܡܓ̈ܚܟܝܢ ܒܗ܃ ܘܐܡܪ̈ܝܢ ܫܝܠܡ ܠܟ ܡܠܟܗܘܢ ܕܝܗ̈ܘܕܝ܃ |
| 027:030 | ܘܪ̈ܩܩܘ ܒܗ ܘܢܣ̈ܒܘ ܩܢܐ ܘܗܘܘ ܡܚܝ̈ܢ ܠܗ ܥܠ ܪܝܫܗ܃ |
| 027:031 | ܘܟܕ ܓܚ̈ܟܘ ܒܗ ܐܚܠܫ̈ܘ ܝܬܗ ܟܠܡܣܐ܃ ܘܒܟܝܢ ܐܠܒܫ̈ܘ ܝܬܗ ܡܐܢ̈ܘܗܝ܃ ܘܐܘܒ̈ܠܘ ܝܬܗ ܕܝܨܠܘܒ̈ܘܢ ܝܬܗ܃ |
| 027:032 | ܟܕ ܕܝ ܢܦܩ̈ܘ ܐܫ̈ܟܚܘ ܒܪܢܫ ܩܪܝܢܐܝܐ ܕܫܝܡܗ ܣܝܡܘܢ܃ ܠܗܕܝܢ ܨ̈ܐܕܘ ܐܢܓܪܝܐ ܕܝܣܒ ܨܠܝܒܗ܃ |
| 027:033 | ܘܟܕ ܐܬ݁ܘ ܪ̈ܘܡܝܝ ܠܐܬ݁ܪܐ ܕܡܬܐܡܪ ܓܘܠܓܘܠܬܐ܃ ܡܐ ܕܗܘ ܡܬܐܡܪ ܕܝ ܐܬ݁ܪܐ ܕܩܪܩܦܬܐ܃ |
| 027:034 | ܘܝܗ̈ܒܘ ܠܗ ܕܝܫܬܐ ܚܡܪ ܡܥܪܒ ܒܡܝܪܐ܃ ܘܟܕ ܛܥܡ ܠܐ ܗܘܐ ܨܒܐ ܕܝܫܬܐ܃ |
| 027:035 | ܟܕ ܕܝ ܨܠ̈ܒܘ ܝܬ݁ܗ ܦ̈ܠܓܘ ܡܐܢ̈ܘ<ܝ> ܘܪ̈ܡܘ ܢܒܙܝܢ܃ ܕܝܬ݁ܡܠܐ ܡܐ ܕܝܬܡܪ ܒܢܒܝܐ ܕܐܡܪ ܦ̈ܠܓܘ ܡܐܢ̈ܐܝ ܒܝܢܬ݁ܗܘܢ ܘܥܠ ܠܒܘܫ<ܘ>ܝ ܪܡܘ ܢܒܙ܃ |
| 027:036 | ܘܗܘܘ ܝܬܝ̈ܒܝܢ ܢܛܪ̈ܝܢ ܠܗ ܬ݁ܡܢ܃ |
| 027:037 | ܘܝܗ̈ܒܘ ܠܥܠ ܡܢ ܪܝܫܗ ܥܠܬ݁ܗ ܟܬ݁ܝܒܐ ܕܗܕܝܢ ܐܝܬ݁ ܗܘ ܝܣܘܣ ܡܠܟܗܘܢ ܕܝܗ̈ܘܕܝ܃ |
| 027:038 | ܒܟܢ ܐܨܛܠܒ̈ܘ ܥܡܗ ܬ݁ܪܝܢ ܠܝܣܛܝܢ ܚܕ ܡܢ ܝܡܝܢܐ ܘܚܕ ܡܢ ܣܡܠܐ܃ |
| 027:039 | ܗ̈ܠܝܢ ܕܝ ܕܗܘܘ ܥܒܪ̈ܝܢ ܗܘܘ ܡ̈ܓܕܦܝܢ ܥܠܘܝ ܘܡܢ̈ܝܕܝܢ ܪ̈ܫܝܗܘܢ܃ |
| 027:040 | ܘܐܡܪ̈ܝܢ܃ ܐܘ ܗܕܢ ܕܫܪܐ ܢܘܣܗ ܕܐܠܗܐ ܘܠܬ݁ܠܬܐ ܝܘ̈ܡܝܢ ܒܢܐ ܝܬ݁ܗ܃ ܐܚܝ ܓܪܡܟ ܘܚܘܬ݁ ܡܢ ܨܠܒܐ܃ ܐܢ ܐܝܬ݁ ܐܬ ܒܪܗ ܕܐܠܗܐ܃ |
| 027:041 | ܘܟܢ ܘܟܘܬ݁ ܐܘܦ ܪ̈ܝܫܐ ܟ̈ܗܢܝܐ ܗܘܘ ܡܓ̈ܚܟܝܢ ܥܡ ܣܦܪ̈ܝܐ ܘܩ̈ܫܝܫܝܐ ܘܗܘܘ ܐܡܪ̈ܝܢ܃ |
| 027:042 | ܠܚܘܪ̈ܢܝܢ ܐܚܝ܃ ܘܠܓܪܡܗ ܠܐ ܝܟܠ ܕܝܚܐ܃ ܐܢ ܡܠܟܐ ܕܐܝܣܪܝܠ ܐܝܬ݁ ܗܘ ܝܚܘܬ݁ ܟܕܘ ܡܢ ܨܠܒܐ ܘܐܢܝܢ ܡܗܝܡܢܝܢ ܒܗ܃ |
| 027:043 | ܐܢ ܣ<ܘ>ܒܪ ܥܠ ܐܠܗܐ ܝܦܪܘܩ ܝܬ݁ܗ ܟܕܘ ܐܢ ܐܝܬ݁ ܗܘ ܨܒܐ ܒܗ܃ ܐܡܪ ܓܪ ܕܐܢܐ ܒܪܗ ܕܐܠܗܐ܃ |
| 027:044 | ܘܟܢ ܐܘܦ ܠܝܣ̈ܛܝܐ ܕܐܨܛܠܒ̈ܘ ܥܡܗ ܗܘܘ ܡܚ̈ܣܕܝܢ ܠܗ܃ |
| 027:045 | ܡܢ ܫܝܬ̈ ܫܥ̈ܝܢ ܕܝ ܗܘܐ ܩܒܠܐ ܥܠ ܟܘܠܗ ܐܪܥܐ ܠܬܝܫܥ ܫܥ̈ܝܢ܃ |
| 027:046 | ܠܦ̈ܐ ܕܝ ܬܝܫܥ ܫܥ̈ܝܢ ܐܨܝܚ ܡܪܐ ܝܣܘܣ ܒܩܠܐ ܪܡܐ ܘܐܡܪ ܐܠܝ ܐܠܝ ܠܡܐ ܫܒܩܬ ܝܬܝ܃ |
| 027:047 | ܐܢܫ̈ܝܢ ܕܝ ܡܢ ܗ̈ܠܝܢ ܕܗܘܘ ܩܐܡܝܢ ܬܡܢ ܫܡ̈ܥܘ ܠܐܠܝܐܣ ܗܕܢ ܩܪܐ܃ |
| 027:048 | ܘܫܘܐ ܪܗܛ ܚܕ ܡܢܗܘܢ ܘܢܣܒ ܐܣܦܘܓܐ ܘܡܠܐ ܝܬܗ ܚܠ ܘܐܣܝܡ ܝܬܗ ܥܠ ܩܢܝܐ ܘܡܫܩܐ ܗܘܐ ܠܗ |
| 027:049 | ܘܫܝܪܝܬܐ ܕܝ ܗܘܘ ܐܡܪ̈ܝܢ ܫܒܘܩ̈ܘ ܢܚܡܐ ܐܢ ܐܬܐ ܐܠܝܐܣ ܕܝܚܐ ܝܬܗ܃ ܚܘܪܢ ܕܝ ܢܣܒ ܠܘܢܟܝ ܘܢܗܫ ܝܬܗ ܠܐܠܥܗ ܘܢܦܩ ܡ̈ܝܢ ܘܐܕܡ |
| 027:050 | ܗܘ ܕܝ ܡܪܐ ܝܣܘܣ ܬܘܒܢ ܐܨܝܚ ܒܩܠܐ ܪܡܐ ܘܫܒܩ ܪܘܚܐ܃ |
| 027:051 | ܘܫܘܐ ܦܪܣܗ ܕܢܘܣܐ ܐܬ݁ܩܛܥ ܠܬ݁ܪ̈ܝܢ ܡܢ ܠܥܠ ܥܕ ܡܛܐ ܠܪܥ̈܃ ܘܐܪܥܐ ܙܥܬ݁ ܘܫ̈ܝܢܢܬܐ ܐܬܩ̈ܛܥܝ܃ |
| 027:052 | ܘܡܩܒܘܪ̈ܬܐ ܐܬ݁ܦܬ݁ܚܝ܃ ܘܣ̈ܓܝ ܦܘܓܪ̈ܝܢ ܡܢ ܕܩ̈ܕܝܫܝܐ ܕܕܡܟ̈ܘ ܩ̈ܐܡܘ܃ |
| 027:053 | ܘܟܕ ܢܦܩ̈ܘ ܡܢ ܡܩܒܘܪ̈ܬܐ ܐܬ݁ܘ̈ ܠܡܕܝܢܬܐ ܩܕܝܫܬܐ ܘܐܬ݁ܚܡ̈ܝܘ ܠܣܓܝ܃ |
| 027:054 | ܩܢܛܪܝܘܢܐ ܕܝ ܘܗ̈ܠܝܢ ܕܥܡܗ ܢܛܪ̈ܝܢ ܠܡܪܐ ܝܣܘܣ܃ ܟܕ ܚ̈ܡܘ ܙܘܥܢܐ ܘܡܐ ܕܐܬ݁ܥܒܕ ܕܚ̈ܠܘ ܠܚܕܐ ܘܐܡܪ̈ܝܢ܃ ܩܫܝܛܐܝܬ݁ ܒܪܗ ܕܐܠܗܐ ܗܘܐ ܗܕܝܢ |
| 027:039 | ܗܠܝܢ ܕܝ ܗܘ̈ܘ ܡ̈ܓܕܦܝܢ ܥܠܘܝ ܘܡ̈ܢܝܕܝܢ ܪ̈ܝܫ<ܝ>ܗܘܢ |
| 027:040 | ܘܐܡܪ̈ܝܢ܃ ܐܘ ܗܕܢ ܕܫܪܐ ܢܘܣܗ ܕܐܠܗܐ ܘܠܬ݁ܠܬܐ ܝ̈ܘܡܝܢ ܒܢܐ ܝܬܗ܃ ܐܚܝ ܓܪܡܟ ܘܚܘܬ݁ ܡܢ ܨܠܒܐ܃ ܐܢ ܐܝܬ݁ ܐܬ ܒܪܗ ܕܐܠܗܐ܃ |
| 027:041 | ܘܟܢ ܘܟܘܬ݁ ܐܘܦ ܪ̈ܝܫܝ ܟܗ̈ܢܝܐ ܗܘܘ ܡ̈ܓܚܟܝܢ ܥܡ ܦܪ̈ܝܫܝܐ ܘܩ̈ܫܝܫܝܐ ܘܗܘܘ ܐܡܪ̈ܝܢ܃ |
| 027:042 | ܠܚܘܪ̈ܢܝܢ ܐܚܝ ܘܠܓܪܡܗ ܠܐ ܝܟܠ ܕܝܚܐ܃ ܐܢ ܡܠܟܐ ܕܐܝܣܪܝܠ ܐܝܬ݁ ܗܘ ܝܚܘܬ݁ ܟܕܘ ܡܢ ܨܠܒܐ ܘܐܢܢ ܡܗܝܡܢܝܢ ܒܗ܃ |
| 027:043 | ܐܢ ܣܒܪ ܥܠ ܐܠܗܐ ܝܦܪܘܩ ܝܬܗ ܟܕܘ ܐܢ ܐܝܬ݁ ܗܘ ܨܒܐ ܒܗ܃ ܐܡܪ ܓܪ ܕܐܢܐ ܒܪܗ ܕܐܠܗܐ܃ |
| 027:044 | ܘܟܢ ܐܘܦ ܠܝܣܛ̈ܝܐ ܕܐܨܛܠܒ̈ܘ ܥܡܗ ܡܚܣ̈ܕܝܢ ܠܗ܃ |
| 027:045 | ܡܢ ܫ̈ܝܬ ܫܥ̈ܝܢ ܕܝ ܗܘܐ ܩܒܠܐ ܥܠ ܟܘܠܗ ܐܪܥܐ ܥܕ̈ܡܐ ܠܬܝܫ̈ܥ ܫܥ̈ܝܢ܃ |
| 027:046 | ܠܦ̈ܐ ܕܝ ܬܝܫ̈ܥ ܫ̈ܥܝܢ ܐܨܝܚ ܡܪܐ ܝܣܘܣ ܒܩܠܐ ܪܡܐ ܘܐܡܪ ܐܠܝ ܐܠܝ ܠܡܐ ܫܒܩܬ ܝܬܝ܃ ܡܐ ܕܐܝܬ ܗܘ ܐܠܗܝ ܐܠܗܝ ܠܡܐ ܫܒܩܬ ܝܬܝ܃ |
| 027:047 | ܐܢܫ̈ܝܢ ܕܝ ܡܢ ܗ̈ܠܝܢ ܕܗ̈ܘܘ ܩܐܡ̈ܝܢ ܬ݁ܡܢ ܟܕ ܫܡ̈ܥܘ ܐܡܪܘ ܠܐܠܝܐ ܗܕܝܢ ܩܪܐ܃ |
| 027:048 | ܘܫܘܐ ܪܗܛ ܚܕ ܡܢܗܘܢ ܘܢܣܒ ܐܣܦܘܓ ܘܡܠܐ ܝܬܗ ܚܠ ܘܐܣܝ̈ܡ ܝܬܗ ܥܠ ܩܢܝܐ ܘܗܘܐ ܡܫܩܐ ܝܬܗ܃ |
| 027:049 | ܘܫܝܪܝܬܐ ܕܝ ܗܘܘ ܐܡܪ̈ܝܢ ܫܒܘܩ̈ܘ ܢܚܡܐ ܐܢ ܐܬܐ ܐܠܝܐܣ ܕܝܚܐ ܝܬܗ܃ |
| 027:050 | ܗܘ ܕܝ ܡܪܐ ܝܣܘܣ ܬܘܒܢ ܐܨܝܚ ܒܩܠܐ ܪܡܐ ܘܫܒܩ ܪܘܚܐ܃ |
| 027:051 | ܘܫܘܐ ܦܪܣܗ ܕܢܘܣܐ ܐܬ݁ܩܛܥ ܠܬ݁ܪ̈ܝܢ ܡܢ ܠܥܠ ܥܕ ܡܛܐ ܠܪܥ̈܃ ܘܐܪܥܐ ܙܥܬ݁܃ ܘܫ̈ܝܢܢܬܐ ܐܬ݁ܩ̈ܛܥܝ܃ |
| 027:052 | ܘܡܩܒܘܪ̈ܬܐ ܐܬ݁ܦܬ݁ܚܝ܃ ܘܣ̈ܓܝ ܦܘܓܪ̈ܝܢ ܡܢ ܕܩ̈ܕܝܫܝܐ ܕܕܡܟ̈ܘ ܩܡ̈ܘ܃ |
| 027:053 | ܘܟܕ ܢܦܩ̈ܘ ܡܢ ܡܩܒܘܪ̈ܬܐ ܐܬ݁ܘ̈ ܠܡܕܝܢܬܐ ܩܕܝܫܬܐ ܘܐܬ݁ܚ̈ܡܘ ܠܣܓܝ܃ |
| 027:054 | ܩܢܛܪܝܘܢܐ ܕܝ ܘܗ̈ܠܝܢ ܕܥܡܗ ܢܛܪ̈ܝܢ ܠܡܪܐ ܝܣܘܣ܃ ܟܕ ܚ̈ܡܘ ܙܘܥܢܐ ܘܡܐ ܕܐܬ݁ܥܒܕ ܕܚ̈ܠܘ ܠܚܕܐ ܘܐܡܪ̈ܝܢ ܩܫܝܛܐܝܬ݁ ܒܪܗ ܕܐܠܗܐ ܗܘܐ ܗܕܢ |
| 027:055 | ܗܘ̈ܝ ܕܝ ܬܡܢ ܐܘܦ ܢܝܫ̈ܝܢ ܣܓܝ ܡܢ ܪܘܚܩܐ ܚܡ̈ܝܐܢ܃ ܗ̈ܠܝܢ ܕܐܬ̈ܝ ܒܬ݁ܪ ܡܪܐ ܝܣܘܣ ܡܢ ܓܠܝܠܐ ܡܫ̈ܡܫܢ ܠܗ܃ |
| 027:056 | ܕܒܗ̈ܝܢ ܗܘܬ݁ ܡܪܝܐܡ ܡܓܕܠܝܬܐ ܘܡܪܝܡ ܐܝܡܗ ܕܝܥܩܒ܃ ܘܐܝܡܗ ܕܝܘܣܝܦ ܘܐܝܡܗܘܢ ܕܒ̈ܢܘܝ ܙܒܕܝ܃ |
| 027:057 | ܟܕ ܕܝ ܗܘܐ ܪܘܡܫܐ ܐܬܐ ܒܪܢܫ ܥܬܝܪ ܡܢ ܪܝܡܬ݁ܝܣ܃ ܕܫܝܡܗ ܝܘܣܦ܃ ܕܐܘܦ ܗܘ ܬܠܡܝܕ ܠܡܪܐ ܝܣܘܣ |
| 027:058 | ܗܕܢ ܩܪܒ ܠܧܝܠܛܘܣ ܘܫܐܝܠ ܦܘܓܪܗ ܕܡܪܐ ܝܣܘܣ܃ ܒܟܢ ܧܝܠܛܘܣ ܦܩܕ ܕܝܬ݁ܝܗܒ ܠܗ܃ |
| 027:059 | ܘܢܣܒ ܝܘܣܝܦ ܦܘܓܪܐ ܘܟܪܟ ܝܬܗ ܒܣ̈ܕܝܢ ܢܩܐ ܘܐܣܝܡܗ ܒܡܩܒܘܪܬܐ ܚܕܬܐ ܗܕܐ ܕܚܨܒ ܒܫܝܢܐ܃ |
| 027:060 | ܘܥܓܠ ܟܝܦ ܪܒ{ܐ} ܥܠ ܬܪܥܗ ܕܡܩܒܘܪܬܐ ܘܐܙܠܗ܃ |
| 027:061 | ܗܘܬ݁ ܕܝ ܬ݁ܡܢ ܡܪܝܐܡ ܡܓܕܠܝܬܐ ܘܚܘܪܝܬܐ ܡܪܝܐܡ ܝܬܝܒ̈ܢ ܠܩܘܒܠ ܡܩܒܘܪܬܐ |
| 027:062 | ܠܝܘܡܐ ܕܝ ܕܡܚܪ ܡܐ ܕܗܘ ܒܬ݁ܪ ܥܪܘܒܬܐ܃ ܐܬ݁ܟܢܫ̈ܘ ܪ̈ܝܫܐ ܟܗ̈ܢܝܐ ܘܣܦܪ̈ܝܐ ܠܘܬ݁ ܧ̈ܝܠܛܘܣ܃ |
| 027:063 | ܘܐܡܪ̈ܝܢ ܠܗ܃ ܡܪܢ ܐܬܕܟܪܢܢ ܕܗ݀ܘ ܡܛܥܝܢܐ ܐܡܪ ܥܕ ܗܘ ܚܝ܃ ܒܬ݁ܪ ܬ݁ܠܬܐ ܝܘ̈ܡܝܢ ܐܢܐ ܩܐܝܡ܃ |
| 027:064 | ܦܩܕ ܐܘܢ ܕܬܫܬܪܪ ܡܩܒܘܪܬܐ ܥܕܡܐ ܠܝܘܡܐ ܬܠܝܬ݁ܝܐ܃ ܕܠܐ ܝܐܬܘܢ ܬܠ̈ܡܝܕܘܗܝ ܝܓܢܘܒ̈ܘܢ ܝܬ݁ܗ ܘܝܐܡܘܪ̈ܘܢ ܠܩܗܠܐ ܕܩܡ ܡܢ ܒܝܢ ܡܝܬ݁ܝ̈ܐ܃ ܘܗܘܝܐ ܛܥܘܬܐ ܥܩܒܝܬܐ ܒܝܫܐ ܡܢ ܩܡܝܬܐ܃ |
| 027:065 | ܐܡܪ ܠܗܘܢ ܧ̈ܝܠܛܘܣ ܗܐ ܠܟܘܢ ܩܣܛܘܕܝܐ ܐܙ̈ܠܘ ܫܪܪܘ ܗܝܟ ܕܐܬܘܢ ܝ̈ܕܥܝܢ܃ |
| 027:066 | ܗܢܘܢ ܕܝ ܐܙ̈ܠܘ ܫܪܪܘ ܡܩܒܘܪܬܐ ܘܚܬ̈ܡܘ ܟܝܦܐ ܥܡ ܩܣܛܘܕܝܐ |
| 028:001 | ܘܒܪܡܫܐ ܕܝ ܕܫܘܒܬܐ ܕܢܓܗ ܠܚܕ ܒܫܘܒܐ܃ ܐܬ݁ܬ݁ ܡܪܝܐ ܡܓܕܠܝܬܐ ܘܚܘܪܝܬܐ ܡܪܝܐܡ ܕܝܚ̈ܡܝܐܢ ܡܩܒܘܪܬܐ܃ |
| 028:002 | ܘܗܐ ܙܘܥܢ ܪܒ ܐܬ݁ܥܒܕ܃ ܡܠܐܟܗ ܓܪ ܕܡܪܝܐ ܢܚܬ݁ ܡܢ ܓܘ ܫܘܡܝܐ ܘܩܪܒ ܥܓܠ ܟܝܦܐ ܡܢ ܬܪܥܐ ܕܡܩܒܘܪܬܐ ܘܗܘܐ ܝܬܝܒ ܠܥܠ ܡܢܗ܃ |
| 028:003 | ܗܘܐ ܕܝ ܡܚܡܘܝܗ ܗܝܟ ܡܐ ܕܒܪܩܐ ܘܠܒܘܫܗ ܚܘܪ ܗܝܟ ܡܐ ܕܬ݁ܠܓܐ܃ |
| 028:004 | ܘܡܢ ܕܚܠܬ݁ܗ ܙ̈ܥܘ ܗ̈ܠܝܢ ܕܢܛܪ̈ܝܢ ܘܐܬ݁ܥܒ̈ܕܘ ܗܝܟ ܡ̈ܝܬ݁ܝܢ |
| 028:005 | ܐܓܝܒ ܕܝ ܡܠܐܟܐ ܐܡܪ ܠܢܝ̈ܫܝܐ ܠܐ ܬܕܚܘܠܢ ܐܬ̈ܝܢ܃ ܝܕܥ ܐܢܐ ܓܪ ܕܠܝܣܘܣ ܗܕܢ ܕܐܨܛܠܒ ܐܬ̈ܝܢ ܒܥ̈ܝܢ܃ |
| 028:006 | ܠܝܬ݁ ܗܘ ܟܐ܃ ܩܡ ܓܪ ܗܝܟ ܡܐ ܕܐܡܪ܃ ܐܬ݁ܝ̈ܐܢ ܚܡ̈ܝܐܢ ܐܬܪܐ ܗܢ ܕܗܘܐ ܡܣܡ ܡܪܐ܃ |
| 028:007 | ܘܒܦܪܝܥ ܐܙ̈ܠܝܢ ܐܡܘܪ̈ܝܢ ܠܬܠ̈ܡܝܕܘܝ ܕܩܡ ܡܢ ܒܝܢ ܡ̈ܝܬܝܐ܃ ܘܗܐ ܗܘ ܡܩܕ̈ܡ ܠܟܘܢ ܠܓܠܝܠܐ ܬܡܢ ܬ݁ܚܡܘ̈ܢ ܝܬ݁ܗ ܗܐ ܐܡܪܬ݁ ܠܟ̈ܝܢ܃ |
| 028:008 | ܘܐܙ̈ܠܝ ܒܦܪܝܥ ܡܢ ܡܩܒܘܪܬܐ ܒܕܚܠܐ ܘܒܚܘܕܘܐ ܪܒܐ ܗ̈ܘܐܝ ܪ̈ܗܛܢ ܕܝܐܡܘܪ̈ܢ ܠܬܠ̈ܡܝܕܘܝ܃ |
| 028:009 | ܘܗܐ ܡܪܐ ܝܣܘܣ ܐܘܪܥ ܝܬ̈ܗܝܢ ܘܐܡܪ ܠܗ̈ܝܢ ܫܝܠܡ ܠܟ̈ܝܢ܃܃܃ ܗܢ̈ܝܢ ܕܝ ܩܪ̈ܒܝ ܨ̈ܕܝ ܪ̈ܝܓܠܘܗܝ ܘܣ̈ܓܕܝ ܠܗ܃ |
| 028:010 | ܒܟܢ ܐܡܪ ܠܗ̈ܝܢ ܡܪܐ ܝܣܘܣ܃ ܠܐ ܬܕܚ̈ܘܠܢ܃ ܐܠܐ ܐܙ̈ܠܝܢ ܬ݁ܢܝܐܢ ܠܐܚ̈ܝ ܕܝܐܙ̈ܠܘܢ ܠܓܠܝܠܐ ܘܬ݁ܡܢ ܗܢܘܢ ܝܚ̈ܡܘܢ ܝܬ݁ܝ܃ |
| 028:011 | ܟܕ ܕܝ ܗܘܝ ܐܙ̈ܠܢ ܗܐ ܐܢܫ̈ܝܢ ܡܢ ܩܣܛܘܪܝܐ ܐܬ̈ܘ ܠܡܕܝܢܬܐ ܘܬ̈ܢܘ ܠܪ̈ܝܫܐ ܟܗ̈ܢܝܐ ܟܘܠ ܡܐ ܕܐܬ݁ܥܒܕ܃ |
| 028:012 | ܘܐܬ݁ܟܢ̈ܫܘ ܥܡ ܩܫ̈ܝܫܝܐ ܘܒܡܐ ܕܢܣ̈ܒܘ ܟܣܦ ܣ̈ܓܝ ܠܪ̈ܘܡܝܝ |
| 028:013 | ܐܡܪ̈ܝܢ܃ ܐܡܘܪ̈ܘ ܕܬܠ̈ܡܝܕܘܝ ܐܬ̈ܘ ܒܠܝܠܝܐ ܓܢ̈ܒܘ ܝܬ݁ܗ ܗܝܟ ܕܐܢܗ ܕܡ̈ܟܝܢ |
| 028:014 | ܘܐܢ ܬܫܬܡܥ ܗܕܐ ܠܘܬ ܗܓܡܘܢܐ ܐܢܗ ܡܧܝܣ̈ܝܢ ܘܠܟܘܢ ܐܢܗ ܥܒܕܝܢ ܦ̈ܨܝܢ ܨܦܐ܃ |
| 028:015 | ܗܢܘܢ ܕܝ ܢܣ̈ܒܘ ܟܣܦ̈ܐ ܘܥܒ̈ܕܘ ܗܝܟ ܡܐ ܕܐܬܐܠܦ̈ܘ܃ ܘܢܦܩܬ݁ ܗܕܐ ܡܠܬܐ ܠܘܬ݁ ܝ̈ܘܕܝ ܥܕ ܡܛܐ ܠܝܘܡܐ ܕܝܘܡܕܝܢ |
| 028:016 | ܚܕܥܣܪܬܐ ܕܝ ܬܠ̈ܡܝܕܝܐ ܐܙ̈ܠܘ ܠܓܠܝܠܐ ܠܛܘܪܐ ܗܕܢ ܕܐܬܩܢ ܠܗܘܢ ܡܪܐ ܝܣܘܣ |
| 028:017 | ܘܟܕ ܚܡ̈ܘ ܝܬ݁ܗ ܣ̈ܓܕܘ ܠܗ ܗܢܘܢ ܕܝ ܐܬ݁ܦ̈ܠܓܘ܃ |
| 028:018 | ܘܩܪܒ ܡܪܐ ܝܣܘܣ ܡܠܠ ܠܗܘܢ ܘܐܡܪ܃ ܐܬ݁ܝܗܒܬ݁ ܠܝ ܟܘܠ ܫܘܠܛܢܗ ܒܫܘܡܝܐ ܘܥܠ ܐܪܥܐ܃ |
| 028:019 | ܐܙܠ̈ܘ ܐܘܢ ܬܠ̈ܡܕܘ ܠܝ ܟܘܠܗܘܢ ܡܝܢ̈ܝܐ܃ ܘܐܨܒ̈ܥܘ ܝܬ݁ܗܘܢ ܒܫܝܡܗ ܕܐܒܐ ܘܕܒܪܐ ܘܕܪܘܚܐ ܕܩܘܕܫܐ |
| 028:020 | ܘܐܠܦ̈ܘ ܝܬ݁ܗܘܢ ܕܝܢܛܪ̈ܘܢ ܟܘܠ ܡܐ ܕܦܩܕܬ݁ ܝܬܟܘܢ܃ ܘܗܐ ܐܢܐ ܗܘܐ ܥܡܟܘܢ ܟܘܠܗܘܢ ܝܘ̈ܡܝܐ ܘܥܕ ܡܛܐ ܠܫܝܨܘܝܗ ܕܥܠܡܐ ܐܡܝܢ |
| 028:016 | ܚܕ ܥܣܪ̈ܬܐ ܕܝ ܬܠ̈ܡܝܕܝܐ܃ ܐܙ̈ܠܘ ܠܓܠܝܠܐ ܠܛܘܪܐ ܗܕܝ ܕܐܬܩܢ ܠܗܘܢ ܡܪܐ ܝܣܘܣ܃ |
| 028:017 | ܘܟܕ ܚ̈ܡܘ ܝܬܗ ܣ̈ܓܕܘ ܠܗ ܗܢܘܢ ܕܝ ܐܬ݁ܦ̈ܠܓܘ܃ |
| 028:018 | ܘܩܪܒ ܡܪܐ ܝܣܘܣ ܡܠܠ ܠܗܘܢ ܘܐܡܪ܃ ܐܬ݁ܝܗܒܬ݁ ܠܝ ܟܘܠ ܫܘܠܛܢܗ ܒܫܘܡܝܐ ܘܥܠ ܐܪܥܐ܃ |
| 028:019 | ܐܙ̈ܠܘ ܐܘܢ ܬܠ̈ܡܕܘ ܠܝ ܟܘܠܗܘܢ ܡܝܢ̈ܝܐ܃ ܘܐܨ̈ܒܥܘ ܝܬ݁ܗܘܢ ܒܫܝܡܗ ܕܐܒܐ ܘܕܒܪܐ ܘܕܪܘܚܐ ܕܩܘܕܫܐ |
| 028:020 | ܘܐܠܦ̈ܘ ܝܬ݁ܗܘܢ ܕܝܢܛܪ̈ܘܢ ܟܘܠ |
| 028:020 | ܕܦܩܕܬ݁ ܝܬ݁ܟܘܢ܃ ܘܗܐ ܐܢܐ ܗܘܐ ܥܡܟܘܢ ܟܘܠܗܘܢ ܝܘ̈ܡܝܐ ܘܥܕ ܡܛܐ ܠܫܝܨܘܝܗ ܕܥܠܡܐ |