← Back
The Comprehensive Aramaic Lexicon
← Return to the Text Browser
click on the file description for more information

60042: OS Lk

Click on a word for lexical analysis
Click on a red-colored coordinate for comments and/or translations of the line

previous chapter


07:33 ܐܟܠ ܘܠܐ ܫܬܐ܂ ܐܡܪܝܢ ܐܢܬܘܢ ܫܐܕܐ ܒܗ܂
07:34 ܘܐܬܐ ܒܪܗ ܕܓܒܪܐ ܐܟܠ ܘܫܬܐ܂ ܐܡܪܝܢ ܐܢܬܘܢ ܗܐ ܓܒܪܐ ܐܟܘܠܐ ܘܪܘܝܐ܂ ܘܪܚܡܐ ܕܡ̈ܟܣܐ ܘܕܚ̈ܛܝܐ܂
07:35 ܘܐܙܕܕܩܬ ܚܟܡܬܐ ܡܢ ܒ̈ܢܝܗ܀
07:36 ܘܐܬܐ ܦܪܝܫܐ ܚܕ ܒܥܐ ܡܢܗ ܕܢܠܥܣ ܠܘܬܗ܂ ܘܥܠ ܠܒܝܬܗ ܕܦܪܝܫܐ ܗܘ܂ ܘܟܕ ܐܣܬܡܟ܂
07:37 ܐܢܬܬܐ ܚܕܐ ܚܛܝܬܐ ܐܝܬ ܗܘܬ ܒܗܝ ܡܕܝܢܬܐ܂ ܟܕ ܝܕܥܬ ܕܒܒܝܬܗ ܕܗܘ ܦܪܝܫܐ ܣܡܝܟ܂ ܢܣܒܬ ܫܛܝܦܬܐ ܕܡܫܚܐ ܕܒܣܝܡܐ܂

07:38 ܘܩܡܬ ܡܢ ܒܣܬܪܗ ܠܘܬ ܪܓ̈ܠܘܗܝ ܘܒܟܝܐ ܗܘܬ܂ ܘܒ̈ܕܡܥܝܗ ܪܓ̈ܠܘܗܝ ܨܒܥܬ܂ ܘܒܣܥܪܐ ܕܪܫܗ݀ ܡܫܘܝܐ ܗܘܬ ܠܗܝܢ܂ ܘܡܢܫܩܐ ܗܘܬ ܪ̈ܓܠܘܗܝ܂ ܘܡܫܚܐ ܗܘܬ ܡܢ ܗܘ ܡܫܚܐ܂

07:39 ܟܕ ܚܙܐ ܕܝܢ ܦܪܝܫܐ ܗܘ ܕܩܪܝܗܝ ܐܬܚܫܒ ܒܢܦܫܗ ܘܐܡܪ܂ ܗܢܐ ܐܠܘ ܢܒܝܐ ܗܘܐ ܝܕܥ ܗܘܐ ܡܢ ܗܝ܂ ܐܘ ܡܐ ܛܒܗ݀ ܕܐܢܬܬܐ ܗܝ ܚܛܝܬܐ ܕܩܪܒܬ ܠܗ܂
07:40 ܐܡܪ ܠܗ ܝܫܘܥ܂ ܫܡܥܘܢ܂ ܐܝܬ ܠܝ ܡܕܡ ܕܐܡܪ ܠܟ܂ ܐܡܪ ܠܗ ܐܡܪ ܪܒܝ܂ ܐܡܪ ܠܗ ܝܫܘܥ܂
07:41 ܬܪ̈ܝܢ ܚܝ̈ܒܝܢ ܐܝܬ ܗܘܘ ܠܚܕ ܡܪܐ ܚܘܒܐ܂ ܚܕ ܚܝܒ ܗܘܐ ܠܗ ܕܝ̈ܢܪܐ ܚܡ̈ܫܡܐܐ܂ ܘܚܕ ܕܝ̈ܢܪܐ ܚܡ̈ܫܝܢ܂
07:42 ܘܟܕܠܐ ܐܝܬ ܗܘܐ ܠܗܘܢ ܠܡܦܪܥ ܠܬܪ̈ܝܗܘܢ ܫܒܩ܂ ܐܝܢܐ ܡܢܗܘܢ ܢܚܒܝܘܗܝ ܝܬܝܪܐܝܬ܂
07:43 ܐܡܪ ܠܗ ܫܡܥܘܢ܂ ܣܒܪ ܐܢܐ ܕܗܘ ܕܝܬܝܪ ܐܫܬܒܩ ܠܗ܂ ܐܡܪ ܠܗ ܝܫܘܥ ܫܦܝܪ ܕܢܬ܂
07:44 ܘܐܬܦܢܝ ܠܘܬ ܐܢܬܬܐ ܘܐܡܪ ܠܫܡܥܘܢ܂ ܚܙܐ ܐܢܬ ܐܢܬܬܐ ܗܕܐ܂ ܠܒܝܬܟ ܥܠܬ܂ ܡ̈ܝܐ ܠܪ̈ܓܠܝ ܠܐ ܝܗܒܬ ܠܝ܂ ܗܝ ܕܝܢ ܒܕ̈ܡܥܝܗ ܪ̈ܓܠܝ ܨܒܥܬ܂ ܘܒܣܥܪܐ ܕܪܫܗ݀ ܫܘܝܬ ܐܢܝܢ܂
07:45 ܐܢܬ ܠܐ ܢܫܩܬܢܝ܂ ܗܝ ܕܝܢ ܡܢ ܕܥܠܬ ܠܐ ܫܠܝܬ ܪܓ̈ܠܝ ܠܡܢܫܩܘ܂
07:46 ܐܢܬ ܠܐ ܡܫܚܬܢܝ܂ ܗܝ ܕܝܢ ܒܡܫܚܐ ܕܒܣܝܡܐ ܡܫܚܬ ܪ̈ܓܠܝ܂
07:47 ܡܛܠ ܗܢܐ ܐܡܪܢܐ ܠܟ ܫܒܝܩܝܢ ܠܗ݀ ܚܛܗ̈ܝܗ ܣܓ̈ܝܐܐ܂ ܡܛܠ ܕܣܓܝ ܐܚܒܬ܂ ܡܢ ܕܩܠܝܠ ܓܝܪ ܐܫܬܒܩ ܠܗ܂ ܩܠܝܠ ܗܘ ܡܚܒ܂
07:48 ܐܡܪ ܠܗ݀ ܠܗܝ ܐܢܬܬܐ܂ ܕܫܒܝܩܝܢ ܠܟܝ ܚܛ̈ܗܝܟܝ܂
07:49 ܘܫܪܝܘ ܗܢܘܢ ܕܣܡܝܟܝܢ ܐܡܪܝܢ ܒܢܦܫܗܘܢ܂ ܡܢܘ ܗܢܐ ܕܐܦ ܚܛ̈ܗܐ ܫܒܩ܂
07:50 ܘܐܡܪ ܠܐܢܬܬܐ ܗܝ ܗܝܡܢܘܬܟܝ ܐܚܝܬܟܝ ܙܠܝ ܒܫܠܡܐ܀

next chapter