The Comprehensive Aramaic Lexicon

24:01	ܒܚܕܒܫܒܐ ܕܝܢ ܒܫܦܪܐ ܪܒܐ܂ ܐܬܝ ܗܘܝ ܠܒܝܬ ܩܒܘܪܐ܂ ܘܐܝܬܝ ܗܘܝ ܡܕܡ ܕܛܝܒ܂ ܘܐܬܝ ܗܘܝ ܥܡܗܝܢ ܢܫ̈ܐ ܐܚܪ̈ܢܝܬܐ܂
24:02	ܘܐܫܟܚ ܠܟܐܦܐ ܗܝ ܕܡܥܓܠܐ ܡܢ ܒܝܬ ܩܒܘܪܐ܂
24:03	ܘܥܠ ܘܠܐ ܐܫܟܚܝܗܝ ܠܦܓܪܐ ܕܝܫܘܥ܂
24:04	ܘܟܕ ܟܪܝܐ ܗܘܬ ܠܗܝܢ ܥܠ ܗܕܐ܂ ܚܙܝ ܬܪ̈ܝܢ ܐܢ̈ܫܝܢ ܕܩܝܡܝܢ ܠܥܠ ܡܢܗܝܢ܂ ܘܡܒܪܩ ܗܘܐ ܠܒܘܫܗܘܢ
24:05	ܘܕܚܠ܂ ܘܟܦܝ ܪܫ̈ܝܗܝܢ ܘܚܝܪܢ ܗܘܝ ܒܐܪܥܐ ܡܢ ܕܚܠܬܗܝܢ܂ ܐܡܪܝܢ ܠܗܝܢ ܗܢܘܢ ܓ̈ܒܪܐ܂ ܡܢܐ ܒܥܝܢ ܐܢܬܝܢ ܚܝܐ ܒܝܬ ܡ̈ܝܬܐ܂
24:06	ܠܝܬ ܗܘ ܗܪܟܐ܂ ܐܠܐ ܩܡ ܠܗ܂ ܥܗܕܝܢ ܡܕܡ ܕܡܠܠ ܥܡܟܝܢ ܟܕ ܗܘ ܒܓܠܝܠܐ܂
24:07	ܘܐܡܪ ܗܘܐ ܠܟܝܢ܂ ܕܥܬܝܕ ܗܘ ܒܪܗ ܕܐܢܫܐ ܕܢܫܬܠܡ ܒܐ̈ܝܕܝ ܐܢܫܐ ܚܛ̈ܝܐ ܘܢܨܛܠܒ܂ ܘܠܬܠܬܐ ܝܘܡ̈ܝܢ ܢܩܘܡ܂
24:08	ܘܐܬܕܟܪ ܐܢܝܢ ܠܡ̈ܠܐ ܗܠܝܢ܂
24:09	ܘܗܦܟ ܡܢ ܒܝܬ ܩܒܘܪܐ ܐܡܪ ܐܢܝܢ ܡ̈ܠܐ ܗܠܝܢ ܠܚܕ̈ܥܣܪ܂ ܘܠܫܪܟܐ ܕܬ̈ܠܡܝܕܐ ܗܠܝܢ܂
24:10	ܡܪܝܡ ܡܓܕܠܝܬܐ ܘܝܘܚܢ܂ ܘܡܪܝܡ ܒܪܬ ܝܥܩܘܒ܂ ܘܫܪܟܐ ܕܥܡܗܝܢ܂ ܗܠܝܢ ܐܡ̈ܪܢ ܗܘܝ ܠܫ̈ܠܝܚܐ܂
24:11	ܘܡܬܚܙܝܢ ܗܘܝ ܒܥ̈ܝܢܝܗܘܢ ܕܐܝܟ ܕܡܢ ܬܘܝܪܘܬܗܝܢ ܗܘ ܐܡܪܢ ܗܘܝ ܡ̈ܠܐ ܗܠܝܢ܂ ܘܠܐ ܡܗܝܡܢܝܢ ܗܘܘ ܠܗܝܢ܀
24:12	ܫܡܥܘܢ ܕܝܢ ܩܡ ܘܪܗܛ ܠܩܒܪܐ܂ ܘܐܕܝܩ ܘܚܙܐ ܟܬܢܐ ܒܠܚܘܕ ܘܐܙܠ ܠܘܬܗ܂ ܘܡܬܕܡܪ ܗܘܐ ܒܡܕܡ ܕܗܘܐ܂
24:13	ܘܐܬܚܙܝ ܠܬܪ̈ܝܢ ܡܢܗܘܢ ܒܗ ܒܝܘܡܐ܂ ܟܕ ܐܙܠܝܢ ܗܘܘ ܠܩܪܝܬܐ ܕܫܡܗ ܥܡܐܘܣ܂ ܕܦܪܝܩܐ ܡܢ ܐܘܪܫܠܡ ܐܣ̈ܛܕܘܬܐ ܫܬܝܢ܂
24:14	ܘܡܡܠܠܝܢ ܗܘܘ ܚܕ ܥܡ ܚܕ ܥܠ ܗܠܝܢ ܟܠܗܝܢ ܐܝܠܝܢ ܕܓܕܫ܂
24:15	ܘܟܕ ܗܢܘܢ ܡܡܠܠܝܢ܂ ܐܬܐ ܝܫܘܥ ܡܛܝ ܐܢܘܢ܂ ܘܡܗܠܟ ܗܘܐ ܥܡܗܘܢ܂
24:16	ܘܥ̈ܝܢܝܗܘܢ ܐܚܝܕܢ ܗܘܝ ܕܠܐ ܢܣܬܟܠܘܢܗ܂
24:17	ܐܡܪ ܠܗܘܢ ܡܢܐ ܐܢܝܢ ܡ̈ܠܐ ܗܠܝܢ ܕܡܡܠܠܝܢ ܐܢܬܘܢ ܟܕ ܟܡܝܪܝܢ ܐܢܬܘܢ܀
24:18	ܐܡܪ ܠܗ ܚܕ ܡܢܗܘܢ ܕܫܡܗ ܗܘܐ ܩܠܝܘܦܐ܂ ܐܢܬ ܗܘ ܟܝ ܢܘܟܪܝܐ ܒܠܚܘܕܝܟ ܡܢ ܐܘܪܫܠܡ܂ ܕܡܕܡ ܕܗܘܐ ܒܗ݀ ܠܐ ܚܟܡ ܐܢܬ܂
24:19	ܐܡܪ ܠܗܘܢ ܡܢܐ܂ ܐܡܪܝܢ ܠܗ ܥܠ ܝܫܘܥ ܢܨܪܝܐ ܗܘ ܕܗܘܐ ܓܒܪܐ ܢܒܝܐ܂ ܘܐܫܬܟܚ ܒܚܝܠܐ ܘܒܥ̈ܒܕܐ ܘܒܡܠܬܐ܂ ܩܕܡ ܐܠܗܐ ܘܩܕܡ ܟܠܗ ܥܡܐ܂
24:20	ܘܐܫܠܡܘܗܝ ܪ̈ܒܝ ܟܗ̈ܢܐ ܘܩܫܝܫܝܢ ܠܕܝܢܐ ܕܡܘܬܐ ܘܙܩܦܘܗܝ܂
24:21	ܘܐܢܚܢܢ ܣܒܪܝܢ ܗܘܝܢ ܕܗܘܝܘ ܥܬܝܕ ܗܘܐ ܕܢܦܪܩܝܘܗܝ ܠܐܝܣܪܝܠ܂ ܘܗܐ ܬܠܬܐ ܝܘܡ̈ܝܢ ܗܐ ܡܢ ܕܗܠܝܢ ܟܠܗܝܢ ܗܘܝ܂
24:22	ܐܦ ܢܫ̈ܐ ܡܢܢ ܐܙܠ ܗܘܝ ܠܒܝܬ ܩܒܘܪܐ ܐܬܪ ܕܣܝܡ ܗܘܐ܂
24:23	ܘܟܕܠܐ ܐܫܟܚ ܦܓܪܗ܂ ܐܬܝ ܐܡ̈ܪܢ ܠܢ ܕܡ̈ܠܐܟܐ ܚܙܝܢ ܬܡܢ܂ ܘܬܡܗܢ܂ ܘܐܡܪܢ ܥܠܘܗܝ ܕܚܝ ܗܘ܂
24:24	ܘܐܦ ܐܢܫܐ ܡܢܢ ܐܙܠܘ ܗܘܘ ܠܒܝܬ ܩܒܘܪܐ܂ ܘܐܫܟܚܘ ܗܟܢܐ ܐܝܟ ܕܐܡܪ ܢܫ̈ܐ܂ ܐܠܐ ܠܗ ܠܐ ܚܙܘ܀
24:25	ܗܝܕܝܢ ܐܡܪ ܠܗܘܢ ܝܫܘܥ܂ ܐܘܢ ܚܣ̈ܝܪܝ ܗܝܡܢܘܬܐ ܘܝ̈ܩܝܪܝ ܠܒܐ ܠܡܗܝܡܢܘ܂ ܡܢ ܟܠܗܝܢ ܐܝܠܝܢ ܕܡܠܠܘ ܢܒ̈ܝܐ܂

24:26	ܠܐ ܗܘܐ ܗܠܝܢ ܥܬܝܕ ܗܘܐ ܕܢܣܝܒܪ ܡܫܝܚܐ܂ ܘܕܢܥܘܠ ܠܬܫܒܘܚܬܐ܂

24:27	ܘܫܪܝ ܗܘܐ ܠܡܐܡܪ ܠܗܘܢ ܡܢ ܡܘܫܐ ܘܡܢ ܟܠܗܘܢ ܢܒ̈ܝܐ܂ ܘܡܦܫܩ ܗܘܐ ܠܗܘܢ ܥܠ ܢܦܫܗ ܡܢ ܟܠܗܘܢ ܟܬ̈ܒܐ܂
24:28	ܘܩܪܒܘ ܠܩܪܝܬܐ ܗܝ ܕܐܙܠܝܢ ܗܘܘ ܠܗ݀܂ ܘܗܘ ܐܬܚܙܝ ܠܗܘܢ ܐܝܟ ܕܠܕܘܟܐ ܪܚܝܩܐ ܐܙܠ ܗܘܐ܂
24:29	ܘܫܪܝܘ ܗܢܘܢ ܒܥܝܢ ܗܘܘ ܡܢܗ ܕܢܗܘܐ ܠܘܬܗܘܢ܂ ܡܛܠ ܕܩܪܝܒܐ ܗܘܬ ܠܡܚܫܟ܂ ܘܥܠ ܥܡܗܘܢ ܐܝܟ ܕܠܘܬܗܘܢ ܢܗܘܐ܂
24:30	ܘܟܕ ܐܣܬܡܟ ܢܣܒ ܠܚܡܐ ܘܒܪܟ܂ ܘܩܨܐ ܘܝܗܒ ܠܗܘܢ܂
24:31	ܘܒܚܕܐ ܐܬܦܬܚ ܗܘܝ ܥܝ̈ܢܝܗܘܢ܂ ܘܐܫܬܘܕܥܘܗܝ܂ ܘܗܘ ܐܫܬܩܠ ܠܗ ܡܢܗܘܢ܂
24:32	ܘܐܡܪܝܢ ܗܘܘ ܚܕ ܠܚܕ܂ ܠܐ ܗܘܐ ܠܒܢ ܝܩܝܪ ܗܘܐ ܒܐܘܪܚܐ܂ ܟܕ ܡܦܫܩ ܠܢ ܟܬ̈ܒܐ܂
24:33	ܘܩܡܘ ܒܗ݀ ܒܫܥܬܐ ܘܗܦܟܘ ܠܐܘܪܫܠܡ܂ ܘܐܫܟܚܘ ܠܚܕܥܣܪ ܟܕ ܟܢܝܫܝܢ܂ ܘܠܐܝܠܝܢ ܕܥܡܗܘܢ
24:34	ܟܕ ܐܡܪܝܢ܂ ܫܪܝܪܐܝܬ ܩܡ ܡܪܢ ܘܐܬܚܙܝ ܠܫܡܥܘܢ܂
24:35	ܘܐܦ ܗܢܘܢ ܐܫܬܥܝܘ ܠܗܘܢ ܐܝܠܝܢ ܕܗܘܝ ܒܐܘܪܚܐ܂ ܘܐܝܟܢܐ ܐܬܝܕܥ܂ ܟܕ ܩܨܐ ܠܚܡܐ܀
24:36	ܘܟܕ ܗܢܘܢ ܡܡܠܠܝܢ ܗܘܘ܂ ܐܫܬܟܚ ܩܐܡ ܒܝܢܬܗܘܢ܂ ܘܐܡܪ ܠܗܘܢ ܫܠܡܐ ܥܡܟܘܢ܂
24:37	ܘܗܢܘܢ ܐܬܙܝܥܘ ܘܐܬܪܗܒܘ܂ ܘܣܒܪܝܢ ܗܘܘ ܕܪܘܚܐ ܚܙܝܢ ܗܘܘ܂
24:38	ܗܝܕܝܢ ܐܡܪ ܠܗܘܢ ܝܫܘܥ܂ ܡܢܐ ܡܬܙܝܥܝܢ ܐܢܬܘܢ܂ ܘܥܠ ܡܢܐ ܣ̈ܠܩܢ ܡܚ̈ܫܒܬܐ ܥܠ ܠܒ̈ܘܬܟܘܢ܂
24:39	ܗܐ ܚܙܘ ܐ̈ܝܕܝ ܘܪ̈ܓܠܝ܂ ܘܓܘܫܘ ܚܙܘ ܕܐܢܐ ܐܢܐ܂ ܠܪܘܚܐ ܓܝܪ ܒܣܪܐ ܘܓܪܡ̈ܐ ܠܝܬ ܠܗ݀܂ ܐܝܟܢܐ ܕܚܙܝܢ ܐܢܬܘܢ ܕܐܝܬ ܠܝ܂
24:41	ܘܟܕ ܥܕܡܐ ܠܗܫܐ ܠܐ ܡܗܝܡܢܝܢ ܡܢ ܕܚܠܬܗܘܢ ܘܡܢ ܚܕܘܬܗܘܢ܂ ܘܡܬܡܗܝܢ ܗܘܘ܂ ܐܡܪ ܠܗܘܢ ܐܝܬ ܠܟܘܢ ܬܢܢ ܡܕܡ ܠܡܠܥܣ܂
24:42	ܘܗܢܘܢ ܝܗܒܘ ܠܗ ܡܢܬܐ ܡܢ ܢܘܢܐ ܕܛܘܝܐ܂ ܘܡܢ ܟܟܪܝܬܐ ܕܕܒܫܐ܂
24:43	ܘܟܕ ܢܣܒ ܐܟܠ ܗܘܐ ܠܥܢ̈ܝܗܘܢ܂ ܘܫܩܠ ܡܕܡ ܕܝܬܪ ܝܗܒ ܠܗܘܢ܂
24:44	ܐܡܪ ܠܗܘܢ܂ ܗܠܝܢ ܡ̈ܠܐ