← Back
The Comprehensive Aramaic Lexicon
← Return to the Text Browser
click on the file description for more information

60043: OS Jn

Click on a word for lexical analysis
Click on a red-colored coordinate for comments and/or translations of the line

previous chapter


05:06 ܡܪܢ ܝܕܥ ܕܢܘܓܪܝܐ ܣܓܝܐܐ ܐܝܬ ܠܗ ܕܐܪܡܐ ܐܡܪ ܠܗ ܨܒܐ ܐܢܬ ܕܬܗܘܐ ܫܪܝܪ
05:07 ܐܡܪ ܠܗ ܡܪܝ ܠܝܬ ܠܝ ܐܢܫ ܕܡܐ ܕܐܬܙܝܥܘ ܡ̈ܝܐ ܢܪܡܝܢܝ ܠܡܥܡܘܕܝܬܐ ܐܠܐ ܥܕ ܐܢܐ ܐܬܐ ܐܚܪܢ ܡܢ ܩܕܡܝ ܢܚܬ
05:08 ܐܡܪ ܠܗ ܡܪܢ ܩܘܡ ܫܩܘܠ ܥܪܣܟ ܘܗܠܟ
05:09 ܘܒܪ ܫܥܬܐ ܐܬܚܠܡ ܓܒܪܐ ܗܘ ܘܩܡ ܫܩܠ ܥܪܣܗ ܘܗܠܟ ܘܗܘ ܗܘ ܝܘܡܐ ܫܒܬܐ ܗܘܬ
05:10 ܘܟܕ ܚܙܘܘܗܝ ܝܗܘܕܝܐ ܐܡܪܝܢ ܠܗ ܠܐ ܫܠܝܛ ܠܟ ܕܬܫܩܘܠ ܥܪܣܟ
05:11 ܘܐܡܪ ܠܗܘܢ ܗܘ ܕܐܬܚܠܡ ܗܘ ܡܢ ܕܐܚܠܡܢܝ ܗܘ ܐܡܪ ܠܝ ܕܫܩܘܠ ܥܪܣܟ ܘܗܠܟ܂
05:13 ܘܗܘ ܓܒܪܐ ܠܐ ܝܕܥ ܗܘܐ ܡܢܘ ܡܛܠ ܕܡܪܢ ܫܢܝ ܗܘܐ ܠܗ ܡܢ ܕܘܟܬܐ ܠܚܒܪܬܗ ܡܢ ܚܒܨܐ܂
05:14 ܡܢ ܒܬܪ ܗܠܝܢ ܐܫܟܚܗ ܡܪܢ ܒܗܝܟܠܐ ܘܐܡܪ ܠܗ ܗܐ ܚܠܝܡ ܐܢܬ ܬܘܒ ܠܐ ܬܚܛܐ ܕܠܡܐ ܢܗܘܐ ܠܟ ܕܒܝܫ ܡܢ ܗܘ
05:15 ܘܐܙܠ ܗܘ ܓܒܪܐ ܘܐܡܪ ܠܝܗܘܕܝܐ ܕܝܫܘܥ ܗܘ܂ ܗܘ ܕܐܚܠܡܗ
05:16 ܘܡܛܠ ܗܕܐ ܪܕܦܝܢ ܗܘܘ ܝܗܘܕܝܐ ܠܡܪܢ ܥܠ ܕܠܡܢܐ ܥܒܕ ܗܠܝܢ ܒܫܒܬܐ܂
05:17 ܗܘ ܕܝܢ ܡܪܢ ܐܡܪ ܠܗܘܢ ܐܒܝ ܥܕܡܐ ܠܗܫܐ ܥܒ̈ܕܐ ܥܒܕ ܡܛܠ ܗܢܐ ܐܦ ܐܢܐ ܥܒܕ ܐܢܐ܂

05:18 ܝܗܘܕܝܐ ܕܝܢ ܡܛܠ ܗܕܐ ܡܠܬܐ ܒܥܝܢ ܗܘܘ ܠܡܩܛܠܗ ܠܐ ܒܠܚܘܕ ܡܛܠ ܕܫܪܐ ܗܘܐ ܫܒܬܐ ܐܠܐ ܡܛܠ ܕܐܠܗܐ ܐܒܘܗܝ ܩܪܐ ܗܘܐ ܘܗܘ ܡܦܚܡ ܗܘܐ ܢܦܫܗ ܥܡ ܐܠܗܐ

05:19 ܐܡܪ ܠܗܘܢ ܡܪܢ ܐܡܝܢ ܐܡܪܢܐ ܠܟܘܢ ܕܠܐ ܡܫܟܚ ܒܪܐ ܡܕܡ ܡܢ ܢܦܫܗ ܠܡܥܒܕ ܐܦ ܠܐ ܡܕܡ ܕܠܐ ܚܙܐ ܠܐܒܘܗܝ ܕܥܒܕ ܘܠܐ ܥܒܕ ܐܠܐ ܡܐ ܕܐܒܘܗܝ ܥܒܕ ܐܦ ܒܪܐ ܒܗ ܗܘ ܡܬܕܡܐ
05:20 ܐܒܐ ܓܝܪ ܪܚܡ ܠܒܪܗ ܘܟܘܠ ܡܐ ܕܥܒܕ ܡܚܘܐ ܠܗ ܘܕܝܬܝܪ ܡܢ ܗܠܝܢ ܡܚܘܐ ܠܗ ܕܐܢܬܘܢ ܡܬܕܡܪܝܢ
05:21 ܐܝܟܢܐ ܓܝܪ ܕܐܒܐ ܡܚܐ ܡܝܬܐ ܘܡܩܝܡ ܠܗܘܢ ܗܟܢܐ ܐܦ ܒܪܐ ܡܚܐ ܠܐܝܠܝܢ ܕܡܗܝܡܢܝܢ ܒܗ
05:22 ܐܒܐ ܓܝܪ ܠܐܢܫ ܠܐ ܢܕܘܢ ܐܠܐ ܟܘܠܗ ܕܝܢܐ ܠܒܪܗ ܢܬܠܝܘܗܝ
05:23 ܕܟܠ ܐܢܫ ܢܝܩܪ ܠܒܪܐ ܐܝܟ ܕܡܝܩܪ ܠܐܒܐ ܡܢ ܕܠܐ ܡܝܩܪ ܠܒܪܐ ܡܝܩܪ ܐܦ ܠܐ ܠܐܒܐ ܕܫܕܪܗ
05:24 ܐܡܝܢ ܐܡܝܢ ܐܡܪܢܐ ܠܟܘܢ ܕܡܢ ܕܫܡܥ ܡܠܬܝ ܘܡܗܝܡܢ ܠܡܢ ܕܫܕܪܢܝ ܐܝܬ ܠܗ ܚܝܐ ܕܠܥܠܡ ܘܠܕܝܢܐ ܠܐ ܐܬܐ ܐܠܐ ܫܢܝ ܠܗ ܡܢ ܡܘܬܐ ܠܚܝܐ
05:25 ܐܡܝܢ ܐܡܝܢ ܐܡܪܢܐ ܠܟܘܢ ܕܐܬܝܐ ܫܥܬܐ
05:46 ܐܦ ܒܝ ܡܗܝܡܢܝܢ ܗܘܝܬܘܢ ܗܘ ܓܝܪ ܥܠܝ ܟܬܒ
05:47 ܘܐܢ ܒܟܬ̈ܒܘܗܝ ܕܗܘ ܠܐ ܡܗܝܡܢܝܢ ܐܢܬܘܢ܂ ܐܝܟܢܐ ܒܡ̈ܠܝ ܕܝܠܝ ܡܗܝܡܢܝܢ ܐܢܬܘܢ܀

next chapter