← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60043: OS Jn

Click on a word for lexical analysis
Click on a red-colored coordinate for comments and/or translations of the line

previous chapter


15:01 ܐܢܐ ܐܢܐ ܓܦܬܐ ܕܫܪܪܐ ܘܐܒܝ ܗܘ ܦܠܚܐ܂
15:02 ܟܠ ܓܦܬܐ ܕܒܝ ܦܐܪܐ ܠܐ ܝܗܒܐ ܢܫܩܠܗ ܘܐܝܕܐ ܕܝܗܒܐ ܦܐܪܐ ܢܕܟܝܗ ܕܬܝܬܐ ܦܐܪܐ ܣܓܝܐܐ
15:03 ܘܡܢ ܟܕܘ ܐܢܬܘܢ ܕܟܝܢ ܐܢܬܘܢ ܡܛܠ ܡܠܬܐ ܕܡܠܠܬ ܥܡܟܘܢ
15:04 ܩܘܘ ܒܝ ܘܐܢܐ ܒܟܘܢ ܐܝܟܢܐ ܕܫܒܫܬܐ ܠܐ ܡܫܟܚܐ ܕܬܬܠ ܦܐܪ̈ܐ ܟܕ ܗܘ ܠܐ ܣܝܡܐ ܒܓܦܬܐ ܗܟܢܐ ܐܦܠܐ ܐܢܬܘܢ ܡܕܡ ܠܐ ܡܫܟܚܝܢ ܐܢܬܘܢ ܠܒܪ ܡܢܝ
15:05 ܕܐܢܐ ܓܘܦܢܐ ܘܐܢܬܘܢ ܫܒܫ̈ܬܐ ܡܢ ܕܒܝ ܗܘܐ ܐܦ ܐܢܐ ܒܗ ܗܘܐ ܐܢܐ ܗܘ ܝܗܒ ܦܐܪ̈ܐ ܣܓܝܐܐ ܡܛܠ ܕܒܠܥܕܝ ܡܕܡ ܠܡܥܒܕ ܠܐ ܡܫܟܚܝܢ ܐܢܬܘܢ
15:06 ܘܡܢ ܕܠܐ ܡܩܘܐ ܒܝ ܡܫܬܕܐ ܠܒܪ ܐܝܟ ܫܒܫܬܐ ܕܝܒܫܐ ܘܡܫܬܕܝܐ ܠܒܪ ܘܠܩܛܝܢ ܪܡܝܢ ܠܗ ܒܢܘܪܐ ܕܬܐܩܕ
15:07 ܐܢ ܕܝܢ ܒܝ ܬܩܘܘܢ ܘܡܠܝ ܒܟܘܢ ܟܘܠ ܡܐ ܕܬܨܒܘܢ ܐܢܬܘܢ ܠܡܫܐܠܘ ܢܗܘܐ ܠܟܘܢ
15:08 ܡܛܠ ܕܡܫܬܒܚ ܐܒܐ ܟܕ ܦܐܪ̈ܐ ܣܓܝܐܐ ܬܝܬܘܢ ܐܢܬܘܢ ܘܬܗܘܘܢ ܬܠܡܝܕܝ
15:09 ܐܝܟܢܐ ܕܐܚܒܢܝ ܐܒܐ ܐܢܐ ܐܚܒܬܟܘܢ ܩܘܘ ܒܪܚܡܬܝ
15:10 ܐܢ ܬܛܪܘܢ ܦܘܩܕܢܝ ܬܩܘܘܢ ܒܚܘܒܝ ܐܝܟܢܐ ܕܢܛܪܬ ܦܘܩܕܢܘܗܝ ܕܐܒܝ ܘܡܩܘܐ ܐܢܐ ܒܚܘܒܗ
15:11 ܗܠܝܢ ܡܠܠܬ ܥܡܟܘܢ ܕܚܕܘܬܝ ܬܗܘܐ ܒܟܘܢ ܘܬܫܬܡܠܐ ܚܕܘܬܟܘܢ
15:12 ܗܢܘ ܦܘܩܕܢܝ ܕܬܚܒܘܢ ܚܕ ܠܚܕ ܐܝܟܢܐ ܕܐܢܐ܂ ܐܚܒܬܟܘܢ
15:13 ܚܘܒܐ ܕܪܒ ܡܢ ܗܢܐ ܠܝܬ ܕܒܪ ܐܢܫ ܢܣܝܡ ܢܦܫܗ ܚܠܦ ܪܚܡܘܗܝ
15:14 ܐܢܬܘܢ ܪܚܡܝ ܐܢܬܘܢ ܐܢ ܬܥܒܕܘܢ ܡܐ ܕܡܦܩܕ ܐܢܐ ܠܟܘܢ
15:15 ܠܐ ܡܟܝܠ ܩܪܢܐ ܠܟܘܢ ܥܒܕܐ ܡܛܠ ܕܥܒܕܐ ܠܐ ܝܕܥ ܡܢܐ ܥܒܕ ܡܪܗ ܪ̈ܚܡܝ ܕܝܢ ܩܪܝܬܟܘܢ ܡܛܠ ܕܟܠ ܕܫܡܥܬ ܡܢ ܐܒܝ ܐܘܕܥܬܟܘܢ܂
15:16 ܘܠܐ ܗܘܐ ܐܢܬܘܢ ܓܒܝܬܘܢܢܝ܂ ܐܠܐ ܐܢܐ ܓܒܝܬܟܘܢ ܘܣܡܬܟܘܢ ܕܬܗܘܘܢ ܐܙܠܝܢ ܡܝܬܝܢ ܦܐܪ̈ܐ ܘܢܩܘܘܢ ܦܐܪܝܟܘܢ ܕܐܡܬܝ ܕܫܐܠܝܢ ܐܢܬܘܢ ܡܕܡ ܠܐܒܝ ܒܫܡܝ ܝܗܒ ܠܟܘܢ
15:17 ܗܕܐ ܕܝܢ ܡܦܩܕܢܐ ܠܟܘܢ ܕܬܗܘܘܢ ܪܚܡܝܢ ܚܕ ܠܚܕ
15:18 ܘܐܢ ܥܠܡܐ ܣܢܐ ܠܟܘܢ ܕܥܘ ܕܠܝ ܣܢܐ ܡܢ ܩܕܡܝܟܘܢ
15:19 ܘܐܠܘ ܡܢ ܥܠܡܐ ܗܘܝܬܘܢ ܥܠܡܐ ܠܕܝܠܗ ܪܚܡ ܗܘܐ ܐܠܐ ܠܐ ܗܘܝܬܘܢ ܡܢ ܥܠܡܐ ܘܐܢܐ ܓܒܝܬܟܘܢ ܡܢܗ ܡܢ ܥܠܡܐ ܡܛܠ ܗܢܐ ܣܢܐ ܠܟܘܢ ܥܠܡܐ
15:20 ܘܗܘܝܬܘܢ ܥܗܝܕܝܢ ܕܐܡܪܬ ܠܟܘܢ ܕܠܝܬ ܥܒܕܐ ܕܪܒ ܡܢ ܡܪܗ ܐܢ ܠܝ ܪ̈ܕܦܘ ܘܐܦ ܠܟܘܢ ܢܪ̈ܕܦܘܢ܂ ܘܐܢ ܡܠܬܝ ܫܡܥܘ ܘܢܛܪܘ ܘܐܦ ܕܝܠܟܘܢ ܢܛܪ̈ܝܢ
15:21 ܗ̈ܠܝܢ ܟܠܗܝܢ ܢܥܒܕܘܢ ܒܟܘܢ ܡܛܠ ܫܡܝ ܕܝܠܝ ܡܛܠ ܕܠܐ ܝܕܥܝܢ ܠܡܢ ܕܫܕܪܢܝ܂
15:22 ܘܐܠܘ ܐܢܐ ܠܐ ܐܬܝܬ ܡܠܠܬ ܥܡܗܘܢ ܠܝܬ ܗܘܘ ܠܗܘܢ ܚ̈ܛܗܝܢ܂ ܗܫܐ ܕܝܢ ܠܝܬ ܠܗܘܢ ܥܠܐ ܥܠ ܐܦܝ ܚܛܗ̈ܝܗܘܢ܂
15:23 ܡܛܠ ܕܡܢ ܕܠܝ ܣܢܐ ܐܦ ܠܐܒܝ ܣܢܐ
15:24 ܘܐܠܘ ܥܒܕܐ ܠܐ ܥܒܕܬ ܠܥܢܝܗܘܢ ܕܐܚܪܢ ܠܐ ܥܒܕ ܐܢܘܢ܂ ܠܝܬ ܗܘܘ ܠܗܘܢ ܚ̈ܛܗܝܢ ܗܫܐ ܕܝܢ ܚܙܘ ܥܒ̈ܕܝ ܘܠܝ ܣܢܝܢ ܘܠܐܒܝ ܣܢܝܢ
15:25 ܐܠܐ ܡܛܠ ܕܬܫܠܡ ܡܠܬܐ ܕܟܬܝܒܐ ܒܐܘܪܝܬܗܘܢ܂ ܕܣܢܐܘܢܝ ܡܓܢ
15:26 ܡܐ ܕܝܢ ܕܐܬܐ ܦܪܩܠܛܐ ܕܡܫܕܪܢܐ ܠܟܘܢ ܡܢ ܠܘܬ ܐܒܝ ܪܘܚܐ ܕܫܪܪܐ ܕܡܢ ܩܕܡ ܐܒܝ ܢܦܩܐ ܗܘ ܢܣܗܕ ܥܠܝ
15:27 ܐܦ ܐܢܬܘܢ ܣܗܕܝܢ ܐܢܬܘܢ ܕܡܢ ܩܕܝܡ ܥܡܝ ܗܘܝܬܘܢ

next chapter