The Comprehensive Aramaic Lexicon

018:01	ܠܥܠ ܡܢܗ ܐܝܬ ܗܘܘ܂ ܘܐܝܟܢܐ ܠܗܢܐ ܕܐܝܟ ܥܘܠܐ
018:02	ܒܒܝܬܗ ܒܓܘ ܗܢܐ ܥܘܒܐ ܚܒܝܫ ܗܘ݂ܐ܂ ܐܚܪ̈ܢܐ ܠܗܢܐ
018:03	ܕܡܨܥܬ ܟܠ ܡܕܡ ܐܬܒܪܝ܂ ܥܘܒܐ ܕܟܠ ܡܕܡ ܣܝܡܝܢ ܠܗ܀
018:04	ܒܪܡ ܕܝܢ ܐܢ ܡܨܥܬ ܟܘܠ ܐܬܒܪܝ ܐܪܩܝܥܐ݂܂ ܢܘܗܪܐ
018:05	ܘܚܫܘܟܐ ܘܪܘܚܐ ܕܐܝܬ ܗܘܘ ܠܥܠ ܡ݂ܢ ܐܪܩܝܥܐ܂ ܟܕ ܡܬܒܪܐ
018:06	ܠܥܠ ܡܢܗ ܕܐܪܩܝܥܐ ܐܬܚܒܫܘ܂ ܐܢ ܓܝܪ ܒܠܠܝܐ ܗܘܐ܂
018:07	ܥܡ ܡܝ̈ܐ ܕܦܫܘ ܬܡ݂ܢ܂ ܐܦ ܚܫܘܟܐ ܘܪܘܚܐ ܦܫܘ ܬܡܢ܂
018:08	ܘܐܢ ܬܘܒ ܒܐܝܡܡܐ ܗܘ݂ܐ ܥܡ ܡܝ̈ܐ ܬܘܒ ܢܘܗܪܐ
018:09	ܘܪܘܚܐ ܫܪܟܘ ܗܘܘ ܬܡܢ܂ ܘܐܢ ܬܡܢ ܦܫܘ݂܂ ܗܠܝܢ ܕܗܪܟܐ
018:10	ܐܚܪ̈ܢܐ ܐܢܘܢ܂ ܘܐܡܬܝ ܡܕܝܢ ܐܬܒܪܝܘ܂ ܘܐܢ ܬܘܒ ܠܐ
018:11	ܦܫܘ ܬܡܢ܂ ܘܐܝܟܢ ܐܬܗܦܟܘ ܘܗܘܘ ܬܚܘܬܘܗܝ܂ ܟܝ̈ܢܐ
018:12	ܗ݀ܢܘܢ ܕܟܕ ܡܬܒܪܐ ܠܥܠ ܡܢܗ ܗܘܘ܀
018:13	ܐܪܩܝܥܐ ܕܝܢ ܒܪܡܫܗ ܗ݂ܘ ܕܠܠܝܐ ܬܪܝܢܐ ܐܬܒܪܝ
018:14	ܗܘܐ܂ ܐܝܟ ܫܡܝܐ ܕܗܘܘ ܒܪܡܫܗ ܕܠܠܝܐ ܩܕܡܝܐ܂ ܥܡܗ
018:15	ܕܝܢ ܕܗܘܝܗ ܕܐܪܩܝܥܐ݂܂ ܗܘ݂ܐ ܠܗ ܛܘܠܩܐ ܕܡܫܟܢ ܥ̈ܢܢܐ

018:16	ܕܠܝܠܝ ܐܝܡܡ ܕܘܟܬ ܪܩܝܥܐ ܫܡܫ ܗܘ݂ܐ܂ ܡܛܠ ܟܝܬ ܕܒܝܬ

018:17	ܢܘܗܪܐ ܠܚܫܘܟܐ ܐܬܒܪܝ ܗܘ݂ܐ܂ ܠܐ ܚܫܟܐ ܦܫ ܠܥܠ
018:18	ܡܢܗ܂ ܡܛܠ ܕܛܠܠ ܥ̈ܢܢܐ ܥܡ ܥ̈ܢܢܐ ܕܐܬܩ݂ܦܠ܂ ܐܬܩܦܠ
018:19	ܗܘܐ ܠܗ܂ ܘܠܐ ܬܘܒ ܡܢ ܗܢܐ ܢܘܗܪܐ ܦܫ ܬܡܢ܂ ܡܛܠ
018:20	ܕܐܫܬܠܡ ܗܘܐ ܠܗ ܟܝܠܐ ܕܫ̈ܥܘܗܝ ܘܥܡܕ ܗܘܐ ܠܗ ܒܡ̈ܝܐ
018:21	ܕܬܚܘܬܘܗܝ܀
018:22	ܐܦܠܐ ܬܘܒ ܪܘܚܐ ܦܫܬ ܬܡܢ܂ ܡܛܠ ܕܐܦܠܐ ܐܝܬܝܗ݀ ܗܘܬ
018:23	ܬܡܢ܂ ܒܠܠܝܐ ܗܘ ܓܝܪ ܩܕܡܝܐ ܐܡܪ ܕܡܪܚܦܐ ܗܘܬ܂
018:24	ܘܠܐ ܗܘܐ ܒܠܠܝܐ ܬܪܝܢܐ܂ ܐܠܘ ܕܝܢ ܒܠܠܝܐ ܩܕܡܝܐ
018:25	ܕܢܫܒܐ ܗܘܬ ܐܬܒܪܝ ܐܪܩܝܥܐ݂܂ ܒܥܬܐ ܗܘܬ܂ ܐܢ ܕܝܢ ܟܕ
018:26	ܡܬܒܪܐ ܐܪܩܝܥܐ ܠܐ ܟܬܝܒ ܕܢܫܒܐ ܗܘܬ܂ ܡܢܘ ܢܐܡܪ
018:27	ܕܐܝܬܝܗ݀ ܗܘܬ ܬܡܢ ܪܘܚܐ܂ ܟܕ ܟܬܒܐ ܠܐ ܐܡ݂ܪ ܕܐܝܬܝܗ݀
018:28	ܗܘܬ܀
018:29	ܒܬܪ ܟܝܬ ܕܪܚܦܬ ܪܘܚܐ ܒܝܘܡܐ ܩܕܡܝܐ܂ ܘܚܘܝܬ
018:30	ܒܝܕ ܡܫܒܗ݀ ܬܫܡܫܬܗ݀ ܘܦܢܬ ܠܫܠܝܘܬܗ݀܂ ܟܢ ܗ݂ܘ ܗܘ݂ܐ
018:31	ܐܪܩܝܥܐ݂܂ ܐܬܝܕܥܬ ܗܟܝܠ܂ ܕܠܐ ܠܥܠ ܦܫ݁ܬ ܘܠܐ ܠܬܚܬ