The Comprehensive Aramaic Lexicon

065:01	ܘܒܓܘܚܟܗܘܢ ܠܐ ܡܫܘܬ݂ܦܝܢ ܗܘܘ܂ ܐܬܬܠܝܛ ܗܟܝܠ ܟܢܥܢ
065:02	ܡܛܠ ܫܥܝܗ܂ ܘܐܬܟܠܝ ܚܝܡ ܡܢ ܒܘܪܟܬܐ ܡܛܠ ܓܘܚܟܗ܀
065:03	ܒܬܪ ܕܐܬܬܠܝܛ ܚܝܡ ܒܚܕ ܒܪܗ܂ ܒܪܟ ܠܫܝܡ ܘܠܝܦܬ
065:04	ܘܐܡ݂ܪ܂ ܢܣܓܐ ܐܠܗܐ ܠܝܦܬ ܘܢܫܪܐ ܒܡܫܟܢܗ ܕܫܝܡ܂
065:05	ܘܢܗܘܐ ܟܢܥܢ ܥܒܕܐ ܠܗܘܢ܂ ܣܓܝ ܕܝܢ ܘܬܩܦ ܝܦܬ ܒܝܪܬܘܬܗ

065:06	ܕܒܓܪܒܝܐ ܘܒܡܥܪܒܐ݂܂ ܘܫܪܐ ܐܠܗܐ ܒܡܫܟܢܗ ܕܐܒܪܗܡ

065:07	ܒܪ ܫܝܡ܂ ܘܗܘܐ ܟܢܥܢ ܥܒܕܐ ܠܗܘܢ܂ ܚܪܒܘ ܓܝܪ ܒܝ̈ܘܡܝ ܝܫܘܥ
065:08	ܒܪܢܘܢ ܠܡܕܝܪ̈ܝܗܘܢ܂ ܘܟܒܫܘ ܒܥܒܕܘܬܐ ܠܫܡܝ̈ܥܝܗܘܢ܀
065:10	ܒܬܪ ܗܠܝܢ݂܂ ܟܬܒ݂ ܥܠ ܫܪ̈ܒܬܐ ܕܢܦܩ ܡ݂ܢ ܢܘܚ܂ ܡܢܗ
065:11	ܕܝܢ ܕܝܦܬ ܥܡ ܝܦܬ݂܂ ܗܘܝܢ ܫܪ̈ܒܬܐ ܚܡܫܥܣܪܐ܀ ܘܡܢܗ
065:12	ܕܚܝܡ ܥܡ ܚܝܡ܂ ܗܘܝܢ ܫܪ̈ܒܬܐ ܬܠܬܝܢ܂ ܠܒܪ ܡ݂ܢ ܦܠܫ̈ܬܝܐ
065:13	ܘܩ̈ܦܘܕܩܝܐ܂ ܕܡ݂ܢ ܒܬܪܟܢ ܢܦܩܘ ܡܢܗܘܢ܀ ܘܡ݂ܢ ܫܝܡ ܬܘܒ
065:14	ܥܡܗ ܕܫܝܡ݂܂ ܗܘܝܢ ܫܪ̈ܒܬܐ ܥܣܪ̈ܝܢ ܘܫܒܥ܂ ܣܟܗܝܢ ܕܝܢ
065:15	ܕܫܪ̈ܒܬܐ݂ ܗܘܝܢ ܫܒܥܝܢ ܘܬܪ̈ܬܝܢ܀ ܗܠܝܢ ܚܕܐ ܚܕܐ ܡܢܗܝܢ
065:16	ܒܥܡܗ݀ ܘܒܠܫܢܗ݀ ܘܒܐܬܪܗ݀ ܦܪܫܬ ܘܝܬܒܬ܀
065:17	ܥܠ ܢܡܪܘܕ ܕܝܢ ܕܐܡ݂ܪ ܕܗܘ݂ܐ ܓܢܒܪܐ ܢܚܫܝܪܬܢܐ ܩܕܡ
065:18	ܡܪܝܐ݂܂ ܠܦܘܬ ܕܐܝܟ ܨܒܝܢܗ ܕܡܪܝܐ ܐܬܟܬܫ ܥܡ ܚܕܐ
065:19	ܚܕܐ ܡ݂ܢ ܫܪ̈ܒܬܐ ܘܪܕܦ ܐܢܝܢ ܡ݂ܢ ܬܡܢ܂ ܕܢܐܙܠܢ ܢܩܦܝܢ ܒܦܢ̈ܝܬܐ
065:20	ܕܡܢ ܐܠܗܐ ܐܬܦܠܓ ܠܗܝܢ܂ ܘܡܛܠ ܗܢܐ ܡܬܐܡܪ ܐܝܟ ܢܡܪܘܕ
065:21	ܓܢܒܪܐ ܢܚܫܝܪܬܢܐ ܩܕܡ ܡܪܝܐ܂ ܡܒܪܟܘ ܠܡ ܡܒܪܟ ܗܘܐ܂
065:22	‍{‍ܗܘ݂ܐ‍}‍ ܐܢܫ ܠܪܒܐ ܘܠܫܠܝܛܐ܂ ܘܐܡܪ ܕܬܗܘܐ ܐܝܟ ܢܡܪܘܕ
065:23	ܓܢܒܪܐ ܢܚܫܝܪܬܢܐ܂ ܕܐܬܢܨܚ ܒܩܪ̈ܒܘܗܝ ܕܡܪܝܐ܀ ܐܡܠܟ
065:24	ܕܝܢ ܒܐܪܟ ܕܐܝܬܝܗ݀ ܐܕܣܐ܂ ܘܒܐܟܪ ܕܐܝܬܝܗ݀ ܢܨܝܒܝܢ
065:25	ܘܟܠܐ ܩܛܝܣܦܘܢ܂ ܪܚܒܘܬ ܚܕܝܒ܂ ܟܠܝܐ ܚܛܪܐ܂ ܘܪܣܐܢ
065:26	ܪܝܫ ܥܝܢܐ ܩ‍[‍ܪܝ‍]‍ܬܐ ܪܒܬܐ܂ ܗ‍[‍ܢܘ‍]‍ ܕܝܢ ܕܒܗ݀ܘ ܙܒܢܐ܀
065:27	ܘܬܘܒ ܐܡ݂ܪ ܕܗܘܬ ܟܠܗ݀ ܐܪܥܐ ܠܫܢܐ ܚܕ܂ ܘܐܡܪܘ
065:28	ܢܒܢܐ ܩܪܝܬܐ ܘܡܓܕܠܐ ܕܪܫܗ ܒܫܡܝܐ܂ ܘܢܥܒܕ ܠܢ ܫܡܐ܂