The Comprehensive Aramaic Lexicon


066:01	ܕܠܡܐ ܢܬܒܕܪ ܥܠ ܐ̈ܦܝ ܐܪܥܐ܀ ܩܪܝܬܐ ܕܝܢ ܡܡܪܕܬܐ

066:02	ܕܒܢܝܢ ܗܘܘ܂ ܟܕ ܩܢܛܐ ܠܝܬ ܗܘܐ ܠܗܘܢ݂܂ ܐܝܟ ܕܠܡܢܐ܂
066:03	ܘܡܓܕܠܐ ܕܡ݁ܛܐ ܠܫܡܝܐ܂ ܟܕ ܩܝܡܐ ܫܪܝܪܐ ܕܠܐ ܢܗܘܐ
066:04	ܛܘܦܢܐ ܐܝܬ ܗܘ݂ܐ ܠܗܘܢ ܕܠܡܢܐ܀ ܘܕܐܡܪܘ ܕܠܐ ܢܬܒܕܪ
066:05	ܥܠ ܐ̈ܦܝ ܟܠܗ݀ ܐܪܥܐ܂ ܡ݁ܢ ܓܝܪ ܐܚܪܝܢ ܐܝܬ ܗܘܐ ܠܒܪ
066:06	ܡܢܗܘܢ ܘܢܒܕܪ ܐܢܘܢ܂ ܡ݂ܢ ܗ݀ܝ ܕܝܢ ܕܐܡܪܘ ܕܢܥܒܕ ܠܢ ܫܡܐ݂܂
066:07	ܝܕܝܥܐ ܕܫܒܗܪܢܘܬܗܘܢ ܘܐܘܝܘܬܗܘܢ ܒܢܬܗ݀ ܠܩܪܝܬܐ
066:08	ܘܠܡܓܕܠܐ܂ ܕܗܘ݂ܐ ܒܘܛܠܗܘܢ ܒܝܕ ܦܠܓܘܬܐ ܕܥܠܬ ܥܠܝܗܘܢ܀
066:09	ܘܢܚ݂ܬ ܠܡ ܡܪܝܐ ܠܡܚܙܐ ܩܪܝܬܐ܂ ܗܢܘ ܕܝܢ ܚ݂ܙܐ
066:10	ܡܪܝܐ ܥܒ݁ܕܐ ܕܫܢܝܘܬܗܘܢ܂ ܘܐܡ݂ܪ ܕܠܐ ܢܬܒܨܪ ܡܢܗܘܢ
066:11	ܡܕܡ ܕܐܬܚܫܒܘ܂ ܗܢܘ ܕܝܢ ܠܐ ܢܡܕܘܢ ܡ݂ܢ ܡܣܡ ܒܪܫܐ܂
066:12	ܣܩܘܒܠܐ ܓܝܪ ܕܗ݀ܝ ܕܐܡܪܘ ܕܠܐ ܢܬܒܕܪ ܬܗܘܐ ܠܗܘܢ܀
066:13	ܬܘ ܠܡ ܢܚܘܬ ܘܢܒܠܒܠ ܬܡܢ ܠܫ̈ܢܐ܂ ܗܪܟܐ ܕܝܢ ܠܐ ܗܘܐ
066:14	ܠܚܕ ܐܡ݂ܪ ܗܘܐ܂ ܕܡܢ ܚܕ ܫܦܥܐ ܠܗ݀܂ ܗܕܐ ܕܬܘ ܢܚܘܬ܂
066:15	ܠܒܪܐ ܗ݂ܘ ܕܝܢ ܘܠܪܘܚܐ ܐܡ݂ܪ ܗܘ݂ܐ܂ ܐܝܟܢܐ ܕܠܐ ܠܫ̈ܢܐ
066:16	ܩܕ̈ܡܝܐ ܘܠܐ ܐܚܪ̈ܝܐ ܒܠܥܕ ܒܪܐ ܘܪܘܚܐ ܢܬܝܗܒܘܢ ܗܘܘ܀
066:17	ܢܒܠܒܠ ܠܡ ܬܡܢ ܠܫ̈ܢܐ݂܂ ܘܠܐ ܢܫܡܥܘܢ ܓܒܪ ܠܫܢ ܚܒܪܗ܂
066:18	ܕܡܝܐ ܕܐ‍[‍ܘܒ‍]‍ܕܘܗܝ ܗܘܘ ܠܠܫܢ ܓܘܐ ܒ̈ܠܫܢܐ ܕܩܒܠܘ܂ ܐܠܘ
066:19	ܠܐ ܓܝܪ ܕܐܒܕ ܠܫܢܗܘܢ ܩܕܡܝܐ݂܂ ܠܐ ܡܬܒܛܠ ܗܘܐ
066:20	ܥܒܕܗܘܢ ܩܕܡܝܐ܂ ܒܐܒܕܬܗ ܓܝܪ ܕܠܫܢܗܘܢ ܩܕܡܝܐ ܗ݀ܘ
066:21	ܕܐܒܕ ܡ݂ܢ ܟܠܗܝܢ ܫܪ̈ܒܬܐ ܘܐܫܬܚܪ ܨܝܕ ܚܕܐ ܒܛܠ ܗܘܐ
066:22	ܒܢܝܢܗܘܢ ܩܕܡܝܐ܂ ܘܒܠܫܢ̈ܝܗܘܢ ܬܘܒ ܚܕ̈ܬܐ ܕܠܚ̈ܕܕܐ
066:23	ܡܢܟܪܝܢ ܘܠܐ ܡܫܬܡܥܝܢ ܗܘܘ݂܂ ܗܘܐ ܠܗ ܩܪܒܐ ܒܝܢܝܗܘܢ
066:24	ܒܥܠܬ ܦܠܓܘܬܐ ܕܐܥܠܘ ܠܫ̈ܢܐ ܒܝܢܝܗܘܢ܀
066:25	ܒܗܠܝܢ ܕܝܢ ܥ̈ܠܠܬܐ ܗܘ݂ܐ ܠܗ ܩܪܒܐ ܒܝܢܬܗܘܢ܂
066:26	ܕܩܪܝܬܐ ܡܡܪܕܬܐ܂ ܡܢ ܩܢܛܐ ܕܐܚܪ̈ܢܐ ܒܢܝܢ ܗܘܘ܂ ܘܒܕܪܘ
066:27	ܚܕ ܠܚܕ ܒܟܠܗ݀ ܐܪܥܐ܂ ܗ݀ܢܘܢ ܕܡܢܗ݀ ܕܗܕܐ ܙܗܝܪ̈ܝܢ ܗܘܘ܀
066:28	ܡܒܕܪܢܗܘܢ ܕܝܢ ܢܡܪܘܕ ܐܝܬܘܗܝ ܗܘ݂ܐ܂ ܐܦ ܗܘܝܘ ܓܝܪ
066:29	ܐܚܕܗ݀ ܠܒܒܠ ܘܐܡܠܟ ܒܗ݀ ܩܕܡܐܝܬ܂ ܐܠܘ ܠܐ ܓܝܪ ܕܗܘ݂
066:30	ܠܟܠܗܘܢ ܒܚܕ ܚܕ ܒܕܪ ܗܘ݂ܐ܂ ܠܐ ܗܘܐ ܕܘܟܬ ܟܘܠܗܘܢ
066:31	ܠܡܣܒ ܡܫܟܚ ܗܘܐ܀