The Comprehensive Aramaic Lexicon

10:01	ܝܚ܂ ܐܢ ܢܗܘܐ ܓܒܪܐ ܕܐܝܬ ܠܗ ܒܢ̈ܝܐ܃ ܘܢܡܘܬܘܢ
10:02	ܒܢ̈ܘܗܝ ܩܕܡܘܗܝ܃ ܟܕ ܐܦ ܠܒܢ̈ܘܗܝ ܠܐ ܐܝܬ ܒܢ̈ܝܐ܃ ܘܐܝܬ
10:03	ܠܗ ܒܢ̈ܬܐ ܕܐܫܠܡ ܐܢܝ̈ܢ ܠܓܒܪܐ ܘܗܘ݂ܘ ܠܗܘܢ ܒܢ̈ܝܐ܃
10:04	ܘܐܦ ܗܢ̈ܝܢ ܡܝ̈ܬܢ ܘܒܢ̈ܝܗܝܢ ܚܐܝܢ܃ ܘܐܢ ܐܝܬ ܠܓܒܪܐ
10:05	ܐܚ̈ܐ ܐܘ݁ ܒܢ̈ܝ ܐܚ̈ܐ܃ ܐܢ ܨܒ݁ܐ ܕܢܥܒܕ ܕܝܐܬܝܩܝ ܘܢܘܪܬ
10:06	ܠܗܠܝܢ ܒܢ̈ܝ ܒܢ̈ܬܗ܃ ܝ݁ܪܬܢ ܐܝܟ ܨܒܝܢܗ܂
10:07	ܐܢܕܝܢ ܢܡܘܬ ܕܠܐ ܕܝܐܬܝܩܝ܃ ܝ݁ܪܬܝܢ ܐܚܘ̈ܗܝ ܐܘ݁ ܒܢ̈ܝ
10:08	ܐܚܘ̈ܗܝ܂
10:09	ܐܢܕܝܢ ܠܝܬ ܐܚ̈ܐ܃ ܝ݁ܪܬܝܢ ܕܕܘ̈ܗܝ ܐܘ݁ ܒܢ̈ܝܗܘܢ܂
10:10	ܐܢܕܝܢ ܐܘܦܝ ܠܗ ܓܢܣܐ ܕܐܒܘܗܝ܂ ܗܝܕܝܢ ܥܐ݁ܠ ܓܢܣܐ
10:11	ܕܒܢ̈ܝ ܒܢ̈ܬܗ܂
10:12	ܐܢܕܝܢ ܐܘܦܝ ܓܢܣܐ ܕܒܢ̈ܝ ܒܢ̈ܬܐ܃ ܗܝܕܝܢ ܥܐ݁ܠ ܓܢܣܐ
10:13	ܕܒܢ̈ܝ ܐܚܘ̈ܬܗ܂
10:14	ܡ݂ܢ ܟܠ ܓܢܣ̈ܝܢ ܓܝܪ܃ ܕܟܪ̈ܐ ܡܬܓܒܝܢ ܠܝܪܬܘܬܐ܂
10:15	ܘܢܩ̈ܒܬܐ ܒܛ̈ܠܢ܂
10:16	ܐܢܕܝܢ ܐܘܦܝܘ ܕܟܪ̈ܐ ܡ݂ܢ ܓܢܣ̈ܘܗܝ ܕܓܒܪܐ܃ ܥܐ̈ܠܢ
10:17	ܢܩ̈ܒܬܐ܀
10:18	ܝܛ܂ ܐܢ ܩܝܡ ܘܫܪܝܪ ܙܒܢܐ ܕܩܢܝܢܐ ܐܘ݁ ܕܒ̈ܬܐ/ܙܕܩ̈ܬܐ#2#/ ܐܘ݁
10:19	ܕܥ̈ܒ݂ܕܐ ܐܘ݁ ܟܠ ܨܒܘ ܡ݂ܢ ܩܨܘ̈ܨܐ ܕܗܘ̈ܝܢ ܒܝܢܬ ܡܙܒܢܢܐ
10:20	ܠܙܒܘܢܐ܂ ܘܫܠ݁ܡܝܢ ܠܛܝ̈ܡܐ ܕܗܘ݁ܝܐ ܒܝܢܬܗܘܢ ܠܨܒܘܬܐ܃
10:21	ܕܡܙܒܢܢܐ܃ ܘܪܗܒܘܢܐ ܠܐ ܐܬܝܗܒ܃ ܘܛܝ̈ܡܐ ܕܫܪܬ ܠܐ
10:22	ܐܬܝܗܒܬ܃ ܐܠܐ ܒܠܚܘܕ ܩܨܘܨܐ ܗܘܐ܂
10:23	ܦܩ݁ܕ ܢܡܘܣܐ ܕܠܐܢܫ ܐܚܪܝܢ ܠܐ ܢܫܟܚ ܢܙܒܢ ܡܙܒܢܢܐ܂
10:24	ܐܠܐ ܐܢ ܕܠܡܐ ܐܢ ܐܫܬܐܠ ܕܠܐ ܢܙܒܢ ܩܕܡܝܐ ܡ݂ܢ
10:25	ܨܒܝܢܗ܂ ܐܠܐ ܐܢܢܩܝ ܠܗ ܠܡܙܒܢܢܐ ܕܢܟܬܘܒ ܩܛܓܪܦܐ ܥܠ
10:26	ܫܡܗ ܕܩܕܡܝܐ܃ ܘܢܬܡܠܐ ܛܝ̈ܡܐ ܕܫܠܡܬ ܒܝܢܬ

10:27	ܬܪ̈ܝܗܘܢ܃ ܘܢܫܠܡ ܠܡܙܒܢܢܐ ܕܨܒܘܬܐ ܕܙܒ݁ܢ ܠܗ ܕܟܝܐܝܬ܀