← Back
The Comprehensive Aramaic Lexicon
← Return to the Text Browser
click on the file description for more information

60301: Syr-RomLaw

Click on a word for lexical analysis
Click on a red-colored coordinate for comments and/or translations of the line

previous chapter


24:01 ܐܢܕܝܢ ܘܢܡܪܚܘܢ ܐܦܝ̈ܩܝܠܐ ܘܢܓ݁ܒܘܢ ܝܬܝܪ ܡܕܡ܃

24:02 ܢܬܬܒܥܘܢ ܥܦܐ ܟܠ ܡܐ ܕܫܩܠܘ܀

24:03 ܢܢ܂ ܦܩ݂ܕ ܬܘܒ ܡܠܟܐ ܠܐܘܢ ܛܘܒܢܐ ܕܕܘܟܪܢܗ
24:04 ܠܒܘܪܟܬܐ܃ ܘܣܡ ܢܡܘ̈ܣܐ ܕܦܪ̈ܢܝܬܐ ܕܗܘ̈ܝܢ ܡ݂ܢ ܙܒܢܐ
24:05 ܕܣܡ ܘܥܕܡܐ ܠܥܠܡ܃ ܕܒܩܨ̈ܘܨܐ ܢܗܘܘܢ܂ ܘܬܚܡ ܐܢܘܢ
24:06 ܠܩܨ̈ܘܨܐ ܗܟܢܐ܂
24:07 ܕܡܕܡ ܕܡܩܪܒܐ ܗ݂ܝ ܐܢܬܬܐ ܠܓܒܪܐ܃ ܢܬܟܬܒ ܒܦܪܢܝܬܐ܂
24:08 ܓܒܪܐ ܕܝܢ ܕܡܩܪܒ ܕܘܪܐܐ ܠܐܢܬܬܐ܃ ܐܝܟ ܡܐ ܕܫ݁ܠܡ
24:09 ܒܝܬ ܬܪ̈ܝܗܘܢ ܓܒ̈ܐ܂ ܘܗܘ݁ܝܢ ܩܨ̈ܘܨܐ܂ ܐܢ ܕܗܒܐ ܘܐܢ
24:10 ܩܢܝܢ̈ܐ܂ ܘܐܢ ܠܒܘ̈ܫܐ ܘܐܢ ܟܣܦܐ܂ ܘܐܢ ܥ̈ܒ݂ܕܐ ܘܐܢ
24:11 ܒܥܝܪܐ܂ ܘܐܢ ܪ̈ܟܫܐ ܘܐܢ ܓ̈ܡܠܐ܂ ܘܐܢ ܓܙܪ̈ܐ ܕܥܢ̈ܐ܂
24:12 ܘܟܠ ܐܬܪܐ ܐܝܟ ܢܡܘܣܐ ܕܐܝܬ ܠܗ ܡܩܪ̈ܒܢ ܢܫ̈ܐ
24:13 ܦܪ̈ܢܝܬܐ܂ ܘܐܢܫܐ ܕܘܪܐܐ ܠܘܩܒܠ ܡܕܡ ܕܡܩܪ̈ܒܢ ܠܗܘܢ
24:14 ܢܫ̈ܝܗܘܢ܂ ܒܡܕܝܢܬܐ ܕܝܢ ܕܡܠܟܘܬܐ ܘܒܟܠܗ ܐܬܪܐ
24:15 ܕܡܥܪܒܐ܂
24:16 ܐܢ ܡܩܪܒܐ ܐܢܬܬܐ ܟܡܐ ܕܬܩܪܒܝ ܒܟܠ ܟܝܢ̈ܝܢ ܘܒܟܠ
24:17 ܓܢܣ̈ܝܢ ܘܒܟܠ ܨܒܘ܃ ܗܟܘܬ ܡܩܪܒ ܠܗ݀ ܓܒܪܐ ܠܐܢܬܬܗ
24:18 ܒܕܘܪܐܐ ܕܟܬ݁ܒ ܠܗ݀܂
24:19 ܐܢ ‍[‍܂܂܂‍]‍ ܕܡܐܐ ܕܪ̈ܝܟܘܢܝܢ ܟܬ݁ܒ ܠܗ݀ ܓܒܪܗ݀ ܨܒܘܬܐ ܒܗ݀
24:20 ܒܕܘܪܐܐ܂ ܘܐܢ ܕܡ̈ܐܬܝܢ ܕܪ̈ܝܟܘܢܝܢ ܬܩܪܒܝ ܐܢܬܬܐ܃ ܕܡ̈ܐܬܝܢ
24:21 ܡܩܪܒ ܓܒܪܐ܂ ܘܫܘܝܐܝܬ ܡܩܪܒܝܢ ܠܚܕ̈ܕܐ܃ ܐܢܬܬܐ
24:22 ܘܓܒܪܐ ܒܦܪ̈ܢܝܬܐ ܘܒܕܘܪ̈ܐܐ܂
24:23 ܒܐܬܪܐ ܕܝܢ ܕܫܘܠܛܢܐ ܕܡܕܢܚܐ܃ ܐܚܪܢܐ ܗܘ ܥܝܕܐ܂
24:24 ܐܝܬܘܗܝ ܕܝܢ ܗܟܢܐ܂ ܕܐܢ ܡܩܪܒܐ ܐܢܬܬܐ ܒܦܪܢܝܬܐ ܕܡܐܐ
24:25 ܕܝܢܪ̈ܝܢ ܨܒ̈ܘܬܐ܂ ܓܒܪܐ ܦܠܓܐ ܡܩܪܒ܂ ܕܥܒ݁ܕܝܢ ܚܡܫܝܢ܂
24:26 ܩܨܘ̈ܨܐ ܕܝܢ ܕܦܩ݁ܕ ܡܠܟܐ܃ ܘܢܡ̈ܘܣܐ ܕܣܡ ܗܠܝܢ ܐܢܘܢ܂
24:27 ܕܐܢ ܢܫܪܐ ܓܒܪܐ ܠܐܢܬܬܗ ܕܠܐ ܣܟܠܘܬܐ܃ ܢܗܘܐ
24:28 ܝܗ݀ܒ ܠܗ݀ ܟܠܗ݀ ܦܪܢܝܬܗ݀ ܘܟܠܗ ܕܘܪܐܐ ܕܝܠܗ݀܂ ܐܝܟ ܡܕܡ ܕܟܬܝܒ
24:29 ܒܟܬܒܐ ܕܒܝܢܬܗܘܢ܂ ܒܗ݀ ܒܦܪܢܝܬܐ ܘܒܕܘܪܐܐ܂

next chapter