The Comprehensive Aramaic Lexicon

25:01	ܘܗ݂ܘ ܬܘܒ ܗܟܢܐ܂ ܐܢ ܬܗܘܐ ܢ݁ܦܩܐ ܡ݂ܢ ܓܒܪܗ݀ ܟܕ ܠܐ
25:02	ܡܣܟܠ ܒܗ݀ ܣܟܠܘܬܐ ܕܝܕܝܥܐ ܠܢܡ̈ܘܣܐ܃ ܬܗܘܐ ܢܦ݁ܩܐ
25:03	ܟܕ ܠܐ ܢܣ݁ܒܐ ܠܐ ܦܪܢܝܬܗ݀ ܘܠܐ ܕܘܪܐܐ ܕܝܠܗ݀܂
25:04	ܐܢܕܝܢ ܒܡܘܬܗ ܕܓܒܪܗ݀ ܕܐܢܬܬܐ ܡܫܬܪܝܐ ܫܘܬܦܘܬܐ
25:05	ܕܬܪ̈ܝܗܘܢ܃ ܬܗܘܐ ܫܩ݁ܠܐ ܦܪܢܝܬܗ݀ ܘܦܠܓܐ ܕܕܘܪܐܐ ܕܩ݁ܪܒ
25:06	ܠܗ݀ ܒܥܠܗ݀܂
25:07	ܐܢܕܝܢ ܒܡܘܬܐ ܕܐܢܬܬܗ ܕܓܒܪܐ ܡܫܬܪܝܐ
25:08	ܫܘܬܦܘܬܗܘܢ܂ ܘܐܢ ܐܝܬ ܒܢ̈ܝܐ ܘܐܢ ܠܝܬ ܒܢ̈ܝܐ܃ ܫܩ݁ܠ
25:09	ܓܒܪܐ ܘܠܒ݁ܟ ܠܘܬܗ ܟܠܗ ܕܘܪܐܐ ܕܩܪܒ ܠܐܢܬܬܗ ܘܦܠܓܐ
25:10	ܕܦܪܢܝܬܐ ܕܩܪܒܬ ܠܗ ܐܢܬܬܗ܂
25:11	ܢܗܘܐ ܡܦܢܐ ܗ݀ܘ ܦܠܓܐ ܐܚܪܢܐ ܠܐܒܘܗ݀ ܕܐܢܬܬܐ܂
25:12	ܐܢܕܝܢ ܠܝܬ ܠܗ݀ ܐܒܐ ܠܐܢܬܬܐ܃ ܢܗܘܐ ܡܦܢܐ ܗ݂ܘ ܦܠܓܐ
25:13	ܕܦܪܢܝܬܐ ܠܗ݀ ܠܐܢܬܬܐ܂ ܘܫܠܝܛ ܠܗ݀ ܕܬܥܒܕܝ ܕܝܐܬܝܩܝ
25:14	ܘܬܟܬܘܒܝ ܠܝܪ̈ܘܬܐ ܐܘ݁ ܠܝܪ̈ܬܐ܂
25:15	ܐܢ ܐܝܬ ܠܗ݀ ܒܢ̈ܝܐ ܠܒܢ̈ܝܗ݀܂
25:16	ܐܢܕܝܢ ܠܝܬ ܠܗ݀ ܒܢ̈ܝܐ ܠܒܢ̈ܝܗ݀ ܠܟܠ ܕܨܒ݁ܝܐ܂

25:17	ܦܪܢܝܬܐ ܕܝܢ ܕܩܕ̈ܝܡܢ ܠܛܘܒܢܐ ܠܐܘܢ ܡܠܟܐ ܐܝܟ

25:18	ܢܡ̈ܘܣܐ ܩܕ̈ܡܝܐ܃ ܐܝܟ ܬܢܘܝ ܘܩܝ̈ܡܐ ܕܟܬܝܒܝܢ
25:19	ܠܗܝܢ ܒܦܪ̈ܢܝܬܐ܂ ܡܛܠ ܓܕ̈ܫܐ ܕܓܕܫܝܢ ܠܗܘܢ ܠܐܢܫ̈ܐ ܐܘ݁
25:20	ܠܢܫ̈ܐ ܐܘ݁ ܕܡ݂ܢ ܪܝܦܘܕܝܢ ܕܡܬܬܪ̈ܓܡܢ ܐܓܪ̈ܬܐ ܕܕܘܠܠܐ܂ ܐܘ݁
25:21	ܡ݂ܢ ܓܕ̈ܫܐ܂ ܐܘ݁ ܕܐܢܬܬܐ ܢܗܘܐ ܦܘܪܫܢܐ܃ ܦܩ݁ܕܝܢ
25:22	ܢܡ̈ܘܣܐ܃ ܕܢܗܘܘܢ ܕܝ݁ܢܝܢ ܕܝ݁ܢ̈ܐ ܟܠܡܕܡ ܒܙܒܢܗ܀
25:23	ܢܐ܂ ܡܛܠ ܕܝܢ ܣܘܓܐܐ ܕܒܢ̈ܝܢܫܐ ܕܦܪ̈ܢܝܬܐ ܘܕܕܘܪ̈ܐܐ
25:24	ܕܠܐ ܟܬ݁ܒܝܢ ܐܢܬܬܐ ܘܓܒܪܐ ܒܝܢܬ ܬܪ̈ܝܗܘܢ܂
25:25	ܐܝܬ ܥܡ̈ܡܐ ܕܠܐ ܐܝܬ ܠܗܘܢ ܥܝܕܐ ܡܬܚܫܚܝܢ ܒܟܬܒܐ
25:26	ܕܣܦܪܐ ܕܒܝܢܬ ܐܢܬܬܐ ܠܓܒܪܐ܂ ܕܡܬܩܪ̈ܝܢ ܦܪ̈ܢܝܬܐ܂ ܐܠܐ
25:27	ܣ݁ܦܩܐ ܠܗܘܢ ܗܕܐ ܒܠܚܘܕ܂ ܕܒܦܐܪܪܝܣܝܐ ܢܡܟܪܘܢ
25:28	ܠܗܘܢ ܢܫ̈ܐ ܘܢܬܟܠܠܘܢ ܒܟܠܝܠܐ ܠܢܨܚܢܐ ܕܒܬܘܠܘܬܐ܂
25:29	ܘܒܫܝܢܐ ܘܒܚܕܘܬܐ ܘܒܙܡܪܐ ܢܕܒܪܘܢ ܐܢ̈ܝܢ ܠܢܫ̈ܐ ܡ݂ܢ ܒܝܬ
25:30	ܐܢܫ̈ܝܗܝܢ ܠܒ̈ܬܝܗܘܢ܂