The Comprehensive Aramaic Lexicon


27:01	ܒܠܥܕ ܒܥܘܬܐ ܕܡܠܟܘܬܐ܃ ܒܢ̈ܝܗܘܢ ܠܐ ܢܐܪܬܘܢ

27:02	ܐܢܘܢ܂ ܘܠܐ ܐܢܫ ܡ݂ܢ ܫܪܒܬܗܘܢ ܡ݂ܢ ܐܝܠܝܢ ܕܫܠܡܘ
27:03	ܥܡܗܘܢ ܒܙܘܘܓܐ ܕܒܝܢܬܗܘܢ ܕܗܘ݂ܐ ܕܠܐ ܒܘܠܝܐ܂
27:04	ܐܢܕܝܢ ܠܐ ܐܝܬ ܢܟܠܐ ܡܨܥܬ ܨܒܘܬܐ ܕܗܟܢܐ ܗܝ܃
27:05	ܘ݁ܠܝܬܐ ܗܝ ܕܬܗܘܐ܂ ܢܗܘܐ ܡܩܪܒ ܓܒܪܐ ܒܥܘܬܐ ܠܡܠܟܐ
27:06	ܘܒܦܘܩܕܢܐ ܕܡܠܟܐ ܢܗܘܐ ܢܣ݁ܒ ܓܒܪܐ ܐܢܬܬ ܐܚܘܗܝ܂
27:07	ܗܟܢܐ ܘ݁ܠܐ ܬܘܒ ܕܒܒܥܘܬܐ ܘܒܦܘܩܕܢܐ ܕܡܠܟܐ ܢܣ݁ܒ
27:08	ܐܢܬܬܐ ܠܚܬܗ݀ ܕܐܢܬܬܗ܂
27:09	ܘܒܗ݀ ܒܣܩܪܐ ܕܐܝܬܘܗܝ ܦܘܩܕܢܐ ܕܦܩܕ ܡܠܟܐ܃
27:10	ܢܐܪܬܘܢ ܒܢ̈ܝܗܘܢ ܢܟܣ̈ܝܗܘܢ ܘܩܢܝܢ̈ܝܗܘܢ܂
27:11	ܟܠܝܢ ܬܘܒ ܢܡ̈ܘܣܐ܃ ܕܠܐ ܐܢܫ ܢܣ݁ܒ ܠܗ ܐܢܬܬܐ܂ ܠܐ
27:12	ܒܪܬ ܐܚܘܗܝ ܘܠܐ ܒܪܬ ܚܬܗ܂ ܘܠܐ ܠܚܬܗ ܕܐܒܘܗܝ܃ ܘܠܐ
27:13	ܠܚܬܗ݀ ܕܐܡܗ܂ ܘܠܐ ܐܢܬܬ ܐܒܘܗܝ܃ ܘܠܐ ܠܦܠܩܐ ܕܐܒܘܗܝ܂
27:14	ܘܐܢܫ ܕܢܡܪܚ ܘܢܣܥܘܪ ܕܐܝܟ ܗܢܐ ܣܘܥܪܢܐ ܕܦܩܝܕ ܕܠܐ
27:15	ܢܣܬܥܪ܃ ܟܠܘ ܢܡ̈ܘܣܐ܃ ܕܠܐ ܢܐܪܬܘܢ ܐܢܘܢ ܒܢ̈ܝܗܘܢ
27:16	ܘܒܢ̈ܬܗܘܢ܂
27:17	ܘܠܐ ܐܢܫ ܡ݂ܢ ܫܪ̈ܒܬܗܘܢ܃ ܡ݂ܢ ܐܝܠܝܢ ܕܐܪܓܫܘ
27:18	ܒܣܘܥܪܢܗܘܢ ܗ݀ܘ ܕܣܥܪܘ ܕܠܐ ܒܘܠܝܬܐ܂ ܥܠ ܕܫܠܡܘ ܠܗܘܢ
27:19	ܘܠܐ ܟܠܘ ܐܢܘܢ ܡ݂ܢ ܡܪܚܘܬܗܘܢ܂
27:20	ܗܢܘܢ ܓܝܪ ܢܡ̈ܘܣܐ ܫܦܝܪ ܣܝܡܝܢ܂ ܘܠܐܝܠܝܢ ܕܝܢ
27:21	ܕܒܡܪܚܘܬܐ ܡܙܕܘܓܝܢ ܟܠܘ ܐܢܘܢ܃ ܕܐܦܠܐ ܕܝܐܬܝܩ̈ܐܣ܂
27:22	ܢܥܒܕܘܢ ܘܢܩܝܡܘ ܝܪ̈ܘܬܐ ܠܟܠ ܕܨܒ݁ܝܢ܂
27:23	ܘܠܐ ܝܗܒ/ܝܗܒܝܢ ܠܗܘܢ#2#/ ܫܘܠܛܢܐ ܒܩܢܝܢ̈ܝܗܘܢ ܘܒܢܟܣ̈ܝܗܘܢ܂
27:24	ܐܠܐ ܦܩ݂ܕ ܢܡܘܣܐ ܕܢܐܪܬܘܢ ܢܟܣ̈ܝܗܘܢ
27:25	ܘܩܢܝܢ̈ܝܗܘܢ܃ ܐܢ ܐܝܬ ܡ݂ܢ ܫܪܒܬܗܘܢ ܕܠܐ ܫܠܡܘ
27:26	ܠܙܘܘܓܗܘܢ܂ ܘܠܐ ܩܪܒܘ ܐܝܩܪ̈ܐ ܠܡܫܬܘܬܗܘܢ܂ ܘܠܐ
27:27	ܐܪܓܫܘ ܒܡܪܚܘܬܗܘܢ܂ ܗܢܘܢ ܢܐܪܬܘܢ ܐܢܘܢ܂
27:28	ܐܢܕܝܢ ܠܝܬ ܠܗܘܢ ܫܪܒܬܐ ܕܠܐ ܫܠܡܘ
27:29	ܠܡܪܚܘܬܗܘܢ܃ ܢܐܪܬ ܐܢܘܢ ܛܝܡܝܘܢ ܕܐܝܬܘܗܝ ܒܝܬ
27:30	ܓܙܐ ܕܡܠܟܐ܀