The Comprehensive Aramaic Lexicon

63:01	ܗܘ ܡܫ̈ܠܡܢܐ ܕܐܝܬܝܗܘܢ ܗܘܘ ܝܬܝܪ ܡ݂ܢ ܒܢ̈ܝ ܥܣܪ̈ܝܢ ܘܚܡ̈ܫ

63:02	ܫܢ̈ܝܢ ܬܬܩܒܠ ܣܗܕܘܬܗܘܢ܂

63:03	ܐܢܕܝܢ ܢܬܚܫ̈ܒܢ ܫܢ̈ܝܐ ܕܒܨܝܪܝܢ ܗܘܘ ܡ݂ܢ ܥܣܪ̈ܝܢ ܘܚܡ̈ܫ
63:04	ܫܢ̈ܝܢ ܕܠܐ ܬܬܩܒܠ ܣܗܕܘܬܗܘܢ ܦܩ݁ܕܝܢ ܢܡܘ̈ܣܐ܀
63:05	ܩܢܙ܂ ܒܙܒ̈ܢܐ ܩܕ̈ܡܝܐ ܟܕ ܛܒ ܐܡܝܢܐܝܬ ܣܥ݁ܪܐ
63:06	ܛܝܒܘܬܗ ܕܐܠܗܐ ܠܒܢܝ̈ܢܫܐ ܒܟܠܙܒܢ ܒܪ̈ܚܡܘܗܝ ܣ̈ܓܝܐܐ
63:07	ܘܝܗܒܬ ܦܘܪ̈ܫܢܐ ܘܚܟܡܬܐ ܠܒܢܝ̈ܢܫܐ ܕܢܒܢܘܢ ܡܕ̈ܝܢܬܐ܃
63:08	ܘܢܟܪܟܘܢ ܠܗܝܢ ܫܘܪ̈ܐ ܘܢܫܪܪܘܢ ܐܢܝܢ ܒܡ̈ܓܕܠܐ ܘܢܓܕܘܢ
63:09	ܠܗܝܢ ܫܘ̈ܩܐ܂ ܘܢܡܬܚܘܢ ܠܗܝܢ ܦܠ̈ܛܘܬܐ܃ ܘܢܥܒܕܘܢ ܒܗܝܢ
63:10	ܒܝܬ ܡ̈ܠܟܐ܂ ܘܢܒܢܘܢ ܒܗܝܢ ܒܝܪ̈ܬܐ܂ ܘܢܥܠܘܢ ܠܗܝܢ
63:11	ܐܓܘ̈ܓܐ ܕܡܝ̈ܐ܂
63:12	ܗܟܢܐ ܐܦ ܐܪ̈ܥܬܐ܂ ܦܠܓܘ ܒܡܘ̈ܫܚܬܐ ܘܣܡܘ ܬܚܘ̈ܡܐ
63:13	ܒܝܢܬ ܡܕܝܢܬܐ ܠܡܕܝܢܬܐ܂ ܘܒܝܢܬ ܩܪܝܬܐ ܠܩܪܝܬܐ܂ ܘܒܝܬ
63:14	ܡܠܟܘܬܐ ܠܡܠܟܘܬܐ܂
63:15	ܘܡܬܚܘ ܐܘܪ̈ܚܬܐ ܒܝܬ ܡܕܝܢܐ ܠܡܕܝܢܐ܂ ܘܐܫܘܝܘ ܐܢܝ̈ܢ
63:16	ܒܡܘ̈ܫܚܬܐ ܕܡܝ̈ܠܐ܂ ܘܩܒܥܘ ܡܝ̈ܠܐ ܒܐܘܪ̈ܚܬܐ܂
63:17	ܘܝܗܒܘ ܠܡܝܠܐ ܐܠܦ ܦܣܥ̈ܬܐ ܕܥܒ̈ܕܢ ܚܡܫܡ̈ܐܐ
63:18	ܩܢ̈ܝܢ܂
63:19	ܩܢܝܐ ܕܝܢ ܕܡܫܘܚܬܐ ܐܝܬ ܒܗ ܬܡ̈ܢܐ ܐܡ̈ܝܢ܂
63:20	ܠܒܢܝ̈ܢܐ ܕܡܕܝ̈ܢܬܐ ܦܚܡܘ ܐܢܘܢ ܒܢܡ̈ܘܣܐ܂
63:21	ܘܝܗܒܘ ܦܬܝܐ ܝܕܝܥܐ ܒܡܫܘܚܬܐ ܠܫܩ̈ܩܐ܂ ܡܛܠ ܫܓܪ̈ܐ
63:22	ܕܡܝ̈ܐ ܘܡܛܠ ܢܘܗܪ̈ܐ ܕܒ̈ܬܐ܂
63:23	ܫܩ̈ܩܐ ܕܝܢ ܕܦܠ̈ܛܘܬܐ ܘܐܣܛܘ̈ܐ ܕܡܬܝܚܝܢ ܒܡܕܝ̈ܢܬܐ
63:24	ܕܥܡܐ ܟܠܗ ܐܢܘܢ܂
63:25	ܐܝܠܝܢ ܕܝܢ ܕܩܢܝܢ ܒ̈ܬܐ ܕܕܒܝܩܝܢ ܠܫܩ̈ܩܐ܃ ܫܠܝܛܝܢ
63:26	ܕܢܪܦܘܢ ܒܫܩ̈ܩܐ܃ ܬܪ̈ܥܐ ܘܟܘ̈ܐ ܘܫܓܪ̈ܐ܂
63:27	ܗܟܢܐ ܘܒܐܣ̈ܛܘܐ ܘܒܦܠ̈ܛܘܬܐ܂
63:28	ܐܢܕܝܢ ܒܢܝܢܐ ܐܝܬ ܠܘܩܒܠ ܒܢܝܢܐ܃ ܘܠܘܩܒܠ ܢܘܡܣ