Click on a word for lexical analysis
Click on a red-colored coordinate for comments and/or translations of the line
| 002:01 | ܥ̄ܙ̄܂ ܕܝܬܩܐ ܐܘ݁ܟܝܬ ܡ̈ܠܐ ܕܐܡ݂ܪ ܡܪܢ ܠܫ̈ܠܝ݂ܚܐ ܩܕܝ̈ܫܐ ܟܕ ܩܡ ܡܢ |
| 002:02 | ܡܝ̈ܬܐ ܘܐܬ݂ܟܬܒ̈ܝ ܒܝܕ ܩܠܝܡܝܣ ܕܪܘܡܝ ܬܠܡܝܕܗ ܕܦܛܪܘܣ |
| 002:03 | ܒܟ̈ܬܒܐ ܬܡܢܝܐ݁ |
| 002:04 | ܟܬܒܐ ܩܕܡܝܐ݁ |
| 002:05 | ܘܗ݂ܘܐ ܡܢ ܒܬܪ ܕܩ݂ܡ ܡܪܢ ܡܢ ܡܝ݂̈ܬܐ ܘܐܬܚܙܝ ܠܢ܂ ܘܐܬܓܫܫ ܡܢ |
| 002:06 | ܬܐܘ݁ܡܐ ܘܡܬܝ ܘܝܘܚܢܢ܂ ܘܐܬܬܦܝ݂ܣܢܢ ܕܩ݂ܡ ܫܪܝܪܐܝܬ ܡܠܦܢܢ ܡܢ |
| 002:07 | ܡܝ݂̈ܬܐ܂ ܟܕ ܢܦ݂ܠܢܢ ܥܠ ܐܦܝ̈ܢ܂ ܡܒܪܟܝܢ ܗܘ݂ܝܢ ܠܐܒܐ ܕܥܠܡܐ ܚ݂ܕܬܐ |
| 002:08 | ܐܠܗܐ܂ ܗܘ݁ ܕܒܝܕ ܝܫܘ݁ܥ ܡܫܝܚܐ ܡܪܢ ܦ݂ܪܩ ܠܢ܂ ܘܟܕ ܒܕܚܠܬܐ |
| 002:09 | ܣ݁ܓܝ݂ܐܬܐ ܛܒ݁ ܐܬܬܚܕܢܢ܂ ܟܬܪܢܢ ܟܕ ܢܦܝ݂ܠܝ݂ܢܢ ܐܝܟ ܫܒܪ̈ܐ ܕܠܐ ܩܠܐ݁ |
| 002:10 | ܟܕ ܕܝܢ ܣ݂ܡ ܡܪܢ ܝܫܘ݁ܥ ܐܝܕܐ ܥܠ ܟܠ ܚܕ ܚܕ ܡܢܢ ܐܩܝ݂ܡ ܠܢ ܟܕ ܐܡ݁ܪ݁ |
| 002:11 | ܠܡܢܐ ܗܟܝܠ ܢܦ݂ܠ ܠܒܟܘ݁ܢ܂ ܘܒܠܥܬܘ݁ܢ ܣܓܝ݂ ܒܬܡܗܐ܂ ܠܐ |
| 002:12 | ܝ݁ܕܥܝ݂ܢ ܐܢܬܘ݁ܢ ܕܡܫܟܚ ܗܘ݂ ܗܘ݁ ܕܫܕܪܢܝ ܫܒܝ݂ܚ̈ܬܐ ܠܡܥܒܕ܂ ܠܘܬ |
| 002:13 | ܦܘܪܩܢܐ ܕܗ݀ܢܘ݁ܢ ܕܡܢ ܠܒܐ ܗܝܡܢܘ ܒܗ܂ ܠܐ ܗܟܢܐ ܗܟܝܠ ܐܝܟ |
| 002:14 | ܬܡܝ݂̈ܗܐ ܕܨܝ݂ܝ݂ܪܝܢ ܘܡ̈ܐܝܢܐ ܬܩܘ݂ܡܘܢ܂ ܐܠܐ ܐܝܟ ܒܢܝ̈ܐ ܕܢܘܗܪܐ݁ |