The Comprehensive Aramaic Lexicon

008:01	ܣܓܝ ܡܚܫ̈ܒܬܐ܂ ܒܝܫܐ܂ ܣ݁ܢܐ ܡܗܝ̈ܡܢܐ܂ ܪܕܘ݁ܦܐ܂ ܢܫܬܠܛ ܕܝܢ ܐܦ ܥܠ
008:02	ܥܡ̈ܡܐ ܒܪܒܪ̈ܝܐ܂ ܘܢܐܫܘܕ ܕܡ̈ܐ ܣܓܝ̈ܐܐ܂ ܗܝܕܝܢ ܢܗ݂ܘܐ ܟܣܦܐ
008:03	ܡܣܠܝܐ܂ ܘܢܬܝܩܪ ܕܗܒܐ܂ ܬܗܘܐ ܕܝܢ ܒܟܠ ܡܕܝܢܬܐ ܘܒܟܠ ܐܬܪܐ܂
008:04	ܒܙܬܐ ܘܦܪܐܕܐ ܕܓܝ̈ܣܐ܂ ܘܫܘ݂ܦܥܐ ܕܕܡܐ ܗ݀ܘܐ܀
008:05	ܘ̄܂ ܗܝܕܝܢ ܢܗܘ̈ܝܢ ܒܫܡܝܐ ܐܬܘ̈ܬܐ܂ ܩܫܬܐ ܬܬܚܙܐ܂ ܘܩܪܢܐ
008:06	ܘܠܡܦܝ̈ܕܐ ܘܙܡ̈ܡܐ ܕܠܐ ܒܙܒܢܐ܂ ܘܩ̈ܠܐ ܘܛܘܪ̈ܛܥܐ ܕܝܡܐ ܘܓܥܬܐ
008:07	ܕܐܪܥܐ܀
008:08	ܙ̄܂ ܥܠ ܐܪܥܐ ܕܝܢ ܢܗܘ̈ܝܢ ܐܬܘ̈ܬܐ܂ ܡܘܠܕܐ ܕܬܢ̈ܝ݂ܢܐ ܡܢ
008:09	ܒܢܝܢ̈ܫܐ܂ ܒܗ݀ ܒܕܡܘ݂ܬܐ ܐܦ ܕܚܝ̈ܘܬ ܫܢܐ܂ ܘܛܠܝ̈ܬܐ ܕܗܘ̈ܝܢ ܠܓܒܪ̈ܐ

008:10	ܚܕܬܐܝ݂ܬ ܢܐܠܕ̈ܢ ܫܒܪ̈ܐ ܕܡܡܠܠܝܢ ܡ̈ܠܐ ܡܫܡ̈ܠܝܬܐ܂ ܘܡܫܘܕܥܝ݂ܢ

008:11	ܙܒܢ̈ܐ ܐܚܪ̈ܝܐ܂ ܘܡܦܝ݂ܣܝܢ ܕܢܬ݂ܩܛܠܘܢ܂ ܚܙܬܐ ܕܝܢ ܕܝܠܗܘܢ ܬܗ݂ܘܐ ܐܝ݂ܬܝܗ݀܂
008:12	ܐܟܙܢܐ ܕܗ݀ܢܘ݁ܢ ܕܥܠܝ݂ܠܝܢ ܒܫܢ̈ܝܐ܂ ܚܘܪ̈ܐ ܓܝܪ ܢ݂ܗܘܘܢ ܐܝܬܝܗܘ݁ܢ ܗ݀ܢܘ݁ܢ
008:13	ܕܡܬܝܠܕܝܢ܂ ܐܠܐ ܐܦ ܢܫ̈ܐ ܢܐܠܕ̈ܢ ܫܒܪ̈ܐ ܪ̈ܒܝܥܝܝ ܪ̈ܓܠܐ܂ ܗܠܝܢ ܕܝܢ
008:14	ܪ̈ܘ݂ܚܐ ܢܐ̈ܠܕܢ ܒܠܚܘܕ܂ ܗܠܝܢ ܕܝܢ ܥܡ ܪ̈ܘ݂ܚܐ ܛܢܦ̈ܬܐ ܢܐ̈ܠܕܢ ܥܘܠܝܗܝܢ܂
008:15	ܐܚܪ̈ܢܝܬܐ ܕܝܢ ܩܨܘ̈ܡܝܬܐ ܒܟܪܣܐ܂ ܘܡܡ̈ܠܠܬ ܒܙܟܘܪ̈ܐ ܢܗܘ̈ܝܢ܂ ܘܣ̈ܓܝܐܬܐ
008:16	ܐܚܪ̈ܢܝܬܐ ܐܬܘ̈ܬܐ ܕܚܝ̈ܠܬܐ ܢܗܘ̈ܝܢ܀
008:17	ܚ̄܂ ܒܟܢ̈ܫܐ ܕܝܢ ܘܒܥܡ̈ܡܐ ܘܒܥ̈ܕܬܐ ܒܘܠܒ̈ܠܐ ܣܓܝ̈ܐܐ ܢܗܘܘܢ܃
008:18	ܢܩܘܡܘܢ ܓܝܪ ܪ̈ܥܘܬܐ ܥ݁ܘ̈ܠܐ܂ ܠܐ ܟ̈ܐܢܐ܂ ܡܒܣ̈ܝܢܐ܂ ܝܥ̈ܢܐ܂ ܪ̈ܚܡܝ