The Comprehensive Aramaic Lexicon

010:01	ܗܢܝ̈ܘܬܐ܂ ܪ̈ܚܡܝ ܝܘ݂ܬܪ̈ܢܐ܂ ܪ̈ܚܡܝ ܟܣܦܐ܂ ܣܓܝ̈ܐܝ ܡ̈ܠܐ܂ ܫܒܗܪ̈ܢܐ܂
010:02	ܡܫܬܥ̈ܠܝܢܐ܂ ܓܓܪ̈ܢܐ܂ ܡܥܩ̈ܡܐ܂ ܣܦܝ̈ܦܐ܂ ܒܣܘ̈ܡܐ܂ ܣܪ̈ܝܩܝ ܫܘ݂ܒܚܐ܂
010:03	ܕܐ݁ܬܝܢ ܣܩܘ݂ܒܠܐܝܬ ܠܘ݂ܩܒܠ ܐܘܪ̈ܚܬܐ ܕܐܘܢܓܠܝܘܢ܂ ܘܥ݁ܪܩܝܢ ܡܢ
010:04	ܬܪܥܐ ܐܠܝ݂ܨܐ܂ ܘܕܚ݁ܩܝ݂ܢ ܡܢܗܘ݁ܢ ܟܠ ܬܒܪܐ܂ ܘܠܐ ܚܫܝܢ ܥܠ ܬܒܪܐ ܕܝܠܝ܂
010:05	ܘܡܣܠܝܢ ܠܟܠ ܡ̈ܠܐ ܕܫܪܪܐ܂ ܘܡܫܝ݂ܛܝܢ ܠܟܠ ܐܘ݂ܪܚܐ ܕܫܦܝ݂ܪܘܬ ܕܚܠܬܐ܂
010:06	ܘܠܐ ܡܬܐܒܠܝܢ ܥܠ ܚܛܗ̈ܝܗܘ݁ܢ܂ ܘܢܬܐ݂ܫ̈ܕܢ ܡܟܝܠ ܒܥܡ̈ܡܐ܂ ܠܐ
010:07	ܗܝܡܢܘܬܐ܂ ܣܢ݂ܐܬ ܐܚܘܬܐ܂ ܒܝܫܘ݂ܬܐ܂ ܡܪܝ݂ܪܘ݂ܬܐ܂ ܡܒܣܝܢܘ݂ܬܐ܂
010:08	ܛܢܢܐ܂ ܒܥܠܕܒܒܘܬܐ܂ ܚܪܝܢܐ܂ ܓܢܒܘ݂ܬܐ܂
010:09	ܥ݁ܠܘ݁ܒܘ݂ܬܐ܂ ܪܘܝܘ݂ܬܐ܂ ܐܣܘܛܘܬܐ܂ ܦܚܙܘܬܐ܂ ܫܪܝ݂ܚܘܬܐ܂ ܙ݁ܢܝܘ݂ܬܐ܂
010:10	ܘܟܠܗܝܢ ܣܥܘܪ̈ܘܬܐ ܗ݀ܠܝܢ ܕܣܝ݂ܡ̈ܢ ܣܩܘܒܠܐܝ݂ܬ ܠܘܩܒܠ ܦܘܩ̈ܕܢܐ ܕܚ̈ܝܐ܀

010:11	ܢܥܪܘܩ ܓܝܪ ܡܢ ܣܓ̈ܝܐܐ܂ ܐܒܠܐ ܘܡܟܝܟܘܬܐ܂ ܘܫܝܢܐ ܘܢܝ݂ܚܘܬܐ܂

010:12	ܘܡܣܟܢܘܬܐ ܘܚܢܢܐ ܘܒܟܝܐ܂ ܡܛܠ ܕܪ̈ܥܘܬܐ ܣܢܘ݂ ܐܢܝܢ ܘܠܐ ܥܒ݂ܕܘ܂
010:13	ܘܐܦܠܐ ܚܘܝ݂ܘ ܦܘܩ̈ܕܢܐ ܕܝܠܝ܂ ܟܕ ܗ݂ܢܘ݁ܢ ܗܘ݁ܝܢ ܛܘ̈ܦܣܐ ܕܪܫܝ݂ܥܘܬܐ
010:14	ܒܥܡܐ܂ ܢܐܬܐ ܕܝܢ ܙܒܢܐ ܐܡ݂ܬܝ ܕܐܢܫ̈ܝܢ ܡܢܗܘܢ ܢܟܦܪܘܢ ܒܝ݂܂ ܘܕܠܘ݂ܚ̈ܝܐ
010:15	ܒܐܪܥܐ ܢܥܒܕܘܢ܂ ܘܢܣܒܪܘܢ ܥܠ ܡܠܟܐ ܡܬܚܒܠܢܐ܂ ܐܝܠܝܢ ܕܝܢ
010:16	ܕܡܣܝܒܪܝܢ ܒܫܡܝ ܥܕܡܐ ܠܫܘ݂ܠܡܐ ܢܚܘ݁ܢ܂ ܗܝܕܝܢ ܢܣܝ݂ܡܘܢ ܦܘܩܕ̈ܢܐ
010:17	ܠܒܢܝܢ̈ܫܐ ܠܐ ܗܘܐ ܐܝܟ ܟܬܒܐ ܕܦܘܩܕ̈ܢܐ܂ ܒܗܠܝܢ ܕܐܒܐ ܨܒ݂ܐ܂
010:18	ܘܢܣܬܠܘ݁ܢ ܡܢܗܘܢ ܓܒܝ̈ܐ ܕܝ݂ܠܝ ܘܩܕܝܫ̈ܝ܂ ܘܐܝܟ ܡܣܝ̈ܒܐ ܢܫ݂ܬܡܗܘ݁ܢ
010:19	ܒܝܢܬܗܘ݁ܢ܂ ܗܠܝܢ ܕܝܢ ܐܝ݂ܬܝܗܘ݁ܢ ܬܪ̈ܝ݂ܨܐ܂ ܕܟܝ̈ܐ܂ ܫܚܝ݂̈ܩܐ܂ ܡܪ̈ܚܡܢܐ܂
010:20	ܢܝ݂̈ܚܐ܂ ܒܣܝ݂̈ܡܐ܂ ܕܝܕܥܝ݂ܢ ܒܟܠܙܒܢ ܠܗ݀ܘ݁ ܕܒܝܢܬܗܘܢ ܐܝ݂ܬܘܗܝ ܒܟܠܥܕܢ݁