The Comprehensive Aramaic Lexicon

014:01	ܒܪܬܐ ܕܒܒܝܠ܂ ܕܬܫܬܐ ܡܙܓܬܐ ܗܝ݁ ܕܡܙܝܓܐ ܠܗ݀܂ ܩܦܕܘ݁ܩܝܐ܂ ܠܘܩܝܐ
014:02	ܠܘܩܢܝܐ ܬܟܘܦ݁ ܚܨܐ܂ ܡܛܠ ܕܟܢܫ̈ܐ ܣܓܝ̈ܐܐ ܢܣܬܪܚܘܢ ܒܚܒ݁ܠܐ
014:03	ܕܪ̈ܫܝ݂ܥܘܬܐ ܕܝܠܗܘܢ܂ ܘܗܝܕܝܢ ܢܬܦ̈ܬܚܢ ܡܫܪ̈ܝܬܐ ܕܒܪܒܪ̈ܝܐ܂ ܢܦܩ̈ܢ ܓܝܪ
014:04	ܡܪ̈ܟܒܬܐ ܣܓܝ̈ܐܬܐ܂ ܐܝܟܢܐ ܕܢܟܣ̈ܝܢ ܠܐܪܥܐ܂ ܒܐܪܡܢܝܐ ܟܠܗ݀܂
014:05	ܘܒܦܢܛܘ݁ܣ ܘܒܒܝܬܘܢܝܐ܂ ܓܕܘ̈ܕܐ ܒܚܪܒܐ ܢܦܠܘ݁ܢ܂ ܒܢܝ̈ܐ ܘܒܢ̈ܬܐ
014:06	ܫܒܝ̈ܐ ܢܗܘܘ݁ܢ܂ ܕܠܘܩܢܝܐ ܒܕܡܐ ܢܬܡܙܓܘܢ܂ ܦܝܣܝܕܝܐ ܗܝ݁ ܕܡܫܬܒܗܪܐ܂
014:07	ܘܥܠ ܥܘܬܪܐ ܬܟܝ݂ܠܐ܂ ܒܐܪܥܐ ܬܣܬܚܦ܂ ܠܦܘ݁ܢܝܩܝ ܚܪܒܐ ܬܥܘ݁ܠ܂
014:08	ܒܢܝ̈ܐ ܓܝܪ ܕܚܒ݁ܠܐ ܐܝ݂ܬܝܗܘ݁ܢ܂ ܝܗܘܕ ܬܠܒܫ ܐܒܠܐ܂ ܘܬܬܛܝܒ ܠܝܘܡܐ
014:09	ܕܐܒܕܢܐ܂ ܡܛܠ ܛܡܐܘ݂ܬܗ݀܂ ܗܝܕܝܢ ܛܢܦܘ݂ܬܐ ܕܚܘ݂ܪܒܐ ܬܟܢ݂ܫ݁ ܡܕܢܚܐ
014:10	ܬܬܦܬܚ ܠܗ܂ ܐܦ ܐܘ݂ܪ̈ܚܬܐ ܢܬܦ̈ܬܚܢ ܠܗ܂ ܚܪܒܐ ܘܫܠܗܒܝܬܐ ܒܐܝܕܘ̈ܗܝ܂
014:11	ܝ݁ܩܕ ܒܚܡܬܐ ܘܒܪܘܓܙܐ ܕܢܘ݂ܪܐ܂ ܗܢܐ ܙܝܢܐ ܕܕܝ݂ܢܐ ܐܝ݂ܬܘܗܝ ܕܚܒ݁ܠܐ
014:12	ܕܝ̈ܠܝܕܝ ܐܪܥܐ܂ ܥܛܝܐ ܕܡܗ̈ܝܡܢܐ܂ ܐܘ݂ܪܚܐ ܕܐܫܝܕܘܬܐ܂ ܡܛܠ
014:13	ܕܐܘܪܚܗ ܒܛܥܝܘ݂ܬܐ܂ ܘܚܝܠܗ ܠܓܘܕܦܐ܂ ܘܐܝܕܗ ܠܡܛܥܝܢܘ݂ܬܐ܂ ܘܝܡܝ݂ܢܗ
014:14	ܒܕܘܘܢܐ܂ ܘܣܡܠܗ ܒܚܫܘܟܐ܀
014:15	ܝ̄ܐ̄܂ ܘܗܠܝܢ ܐܬܘ̈ܬܐ ܕܝ݂ܠܗ܂ ܪܝ݂ܫܗ ܐܝܟ ܓܘܙܠܬܐ ܕܢܘܪܐ܂ ܥܝܢܗ
014:16	ܕܝܡܝ݂ܢܐ ܡܙܝܓܐ ܒܕܡܐ܂ ܗܝ݁ ܕܝܢ ܕܣܡܠܐ ܐܝ݂ܬܝܗ݀ ܙܡܪܬܐ܂ ܕܐܝ݂ܬ ܠܗ
014:17	ܬܪܬܝܢ ܒܒ̈ܬܐ܂ ܬܠܝܦܘ̈ܗܝ ܚܘܪ̈ܝܢ܂ ܘܣܦܬܗ ܗܝ݁ ܬܚܬܝ݁ܬܐ ܪܒܐ܂ ܥܛܡܗ

014:18	ܕܝܢ ܕܝܡܝ݂ܢܐ ܩܛܝ݂ܢܐ܂ ܪ̈ܓܠܘܗܝ ܦ̈ܬܝܢ܂ ܪܨܝ݂ܨܐ ܘܛܠܝ݂ܚܐ ܨܒܥܗ ܗܝ݁ ܪܒܬܐ܂

014:19	ܗܢܐ ܐܝܬܘܗܝ ܡܓܠܐ ܕܚܘܪܒܐ܀