The Comprehensive Aramaic Lexicon

018:01	ܬܦܝܣܘܢ ܠܗ݀ܢܘ݁ܢ ܕܫ݁ܒ݂ܝܢ ܒܛܥܝܘܬܐ܂ ܘܠܗ݀ܢܘ݁ܢ ܕܡܛܒܥܝܢ ܒܠܐ ܝܕܥܬܐ܂
018:02	ܐܝܟܢܐ ܕܟܕ ܡܫܬܘܕܥܝܢ ܠܐܠܗܐ܂ ܟܕ ܒܫܦܝܪܘܬ ܕܚܠܬܐ ܘܕܟܝܐܝ݂ܬ ܚ݁ܐܝܢ
018:03	ܢܫܒܚܘܢ ܠܐܒܐ ܕܝ݂ܠܝ ܘܐܠܗܐ ܕܝܠܟܘܢ܀
018:04	ܝ̄ܗ̄܂ ܡܢ ܒܬܪ ܕܝܢ ܕܡܠܠ ܝܫܘ݁ܥ ܡ̈ܠܐ ܗܠܝܢ܂ ܐܡ݂ܪܘ ܦܛܪܘ݁ܣ ܘܝܘ݁ܚܢܢ܂
018:05	ܘܬܐܘܡܐ ܘܡܬܝ ܘܐܢܕܪܐܘܣ ܘܡܐܬܝܐܣ ܘܗܠܝܢ ܕܫܪܟܐ܂ ܡܪܢ
018:06	ܫܪܝܪܐܝܬ ܡ̈ܠܐ ܕܙܗܝ݂ܪܘ݂ܬܐ ܘܕܫܪܪܐ ܡܠܠܬ ܠܢ܂ ܐܦ ܗܫܐ܂ ܘܟܕ ܠܐ
018:07	ܫ݁ܘܝܢܢ܂ ܣܓܝ̈ܐܬܐ ܫܟܢܬ ܠܢ܂ ܝܗܒ݂ܬ ܕܝܢ ܐܦ ܒܕܪ̈ܐ ܗ݀ܢܘ݁ܢ ܕܥܬܝܕܝܢ
018:08	ܠܡܐܬܐ ܠܗ݀ܢܘ݁ܢ ܕܫ݁ܘܝܢ܂ ܕܢܕܥܘܢ ܠܡ̈ܠܝܟ܂ ܘܢܥܪܩܘܢ ܡܢ ܦܚ̈ܐ ܕܒܝܫܐ܀
018:09	ܐܠܐ ܡܪܢ ܡܦܝܣܝ݂ܢܢ ܠܟ܂ ܢܘܗܪܟ ܡܫܡܠܝܐ ܐܨܡܚ ܥܠܝܢ܂ ܘܥܠ ܗ݀ܢܘܢ
018:10	ܕܡܩܕܡܝ݂ܢ ܡܬܚܡ݂ܝܢ ܘܦܪܝ݂ܫܝ݂ܢ ܕܢܗܘܘܢ ܐܝ݂ܬܝܗ݀ܘܢ ܕܝܠܟ݁ ܡܛܠܗ݀ܝ ܕܙܒܢ̈ܝܢ
018:11	ܣܓܝ̈ܐܢ ܫ݂ܐܠܢܟ܂ ܘܒܥܝܢܢ ܡܢܟ ܐܠܦ ܠܢ܂ ܕܐܝܟܢܐ ܙ݁ܕܩ ܕܢܗܘܐ ܐܝܬܘܗܝ܂
018:12	ܗ݀ܘ ܕܒܪܝ݂ܫ ܥܕܬܐ ܩ݁ܐܡ܂ ܐܘ݁ ܠܗ݀ ܠܥܕܬܐ ܒܐܝܢܐ ܩܢܘ݁ܢܐ ܢܩܝ݂ܡ ܘܢܛܟܣ܂
018:13	ܐܠܨܝܬܐ ܓܝܪ ܐܝܬܝܗ݀܂ ܕܟܕ ܡܫܬܕܪܝ݂ܢܢ ܠܥܡ̈ܡܐ ܠܡܟܪܙܘ݂ ܦܘ݂ܪܩܢܐ ܗ݀ܘ
018:14	ܕܡܢܟ܂ ܠܐ ܢܗܘܐ ܛܥ݁ܝܐ ܠܢ܂ ܕܐܝܟܢܐ ܙ݁ܕܩ ܠܡܕܒܪܘ݂ ܘܐܪ̈ܙܐ ܕܥܕܬܐ܂

018:15	ܡܛܠ ܗܕܐ ܡܢ ܒܪܬ ܩܠܐ ܕܝܠܟ ܦܪܘܩܢ ܘܡܫܡܠܝ݁ܢܢ܂ ܨ݁ܒܝܢܢ ܠܡܐܠܦ

018:16	ܕܠܐ ܒܘ݂ܨܪܐ܂ ܕܐܝܟܢܐ ܙܕ݁ܩ ܠܡܫܦܪ ܩܕܡܝܟ ܪܝܫܢܐ ܕܩܘ̈ܕܫܐ܂ ܘܟܠܗܘ݁ܢ
018:17	ܗ݀ܢܘ݁ܢ ܕܡܫܡܫܝ݂ܢ ܒܓܘ ܥܕܬܟ܀
018:18	ܝ̄ܘ̄܂ ܗܝܕܝܢ ܥܢ݂̈ܝ ܡܪܬܐ ܘܡܪܝܡ ܘܫ݁ܠܘܡ ܗ݀ܢܝܢ ܕܐܝ݂ܬ ܗܘܐ ܥܡܢ
018:19	ܘܐܡ݂ܪ̈ܝܢ܂ ܐܝ݂ܢ ܡܪܢ ܐܠܦ ܠܢ ܕܢܕܥ ܡܢܐ ܙ݁ܕܩ ܠܡܥܒܕ ܐܝܟܢܐ ܕܢܚ̈ܝܢ ܠܟ
018:20	ܢܦܫ̈ܬܢ܀ ܗܝܕܝܢ ܥܢ݂ܐ ܝܫܘ݁ܥ ܘܐܡ݂ܪ ܠܗܝܢ܂ ܨ݁ܒܐ ܐܢ݂ܐ ܕܟܕ ܒܬܟܫܦܬܐ
018:21	ܡܚܡ̈ܣܢܢ ܐܢܬܝܢ܂ ܒܟܠܙܒܢ ܬܦ̈ܠܚܢ ܐܘܢܓܠܝܘܢ ܕܝܠܝ܂ ܘܛܘ݂ܦ̈ܣܐ ܬܗܘ̈ܝܢ
018:22	ܐܝ݂ܬܝܟܝܢ ܒܩܕܝܫܘܬܐ ܠܦܘ݂ܪܩܢܐ ܕܗ݀ܢܘ݁ܢ ܕܡܣܒܪܝܢ ܒܝ݂܂ ܘܒܟܠܗܝܢ ܝܘܩ̈ܢܐ
018:23	ܬܗܘ̈ܝܢ ܕܡܠܟܘ݂ܬܐ ܕܫܡܝܐ܀