The Comprehensive Aramaic Lexicon

022:01	ܘܢܗܘܘ݁ܢ ܠܨܕܘܐ ܦܘܩܕ̈ܢܝ ܒܝܢܬܗܘ݁ܢ܂ ܘܢܗܘܐ ܥܠ ܗ݀ܘ ܕܡܡܪܡܪ ܘܠܐ
022:02	ܥ݁ܒܕ܂ ܘܝ݁ܗܒ ܡ̈ܠܝ ܒܠܐ ܝܘ݂ܬܪܢ܂ ܠܐܒܕܢܐ ܕܢܦ̈ܫܬܗ݀ܘܢ܀
022:03	ܬܬܡܠܠ ܕܝܢ ܘܬܬܝ݂ܗܒ ܠܗ݀ܢܘ݁ܢ ܕܐܝ݂ܬܝܗܘ݁ܢ ܡܫܪ̈ܪܐ ܘܩܒܝ݂̈ܥܐ܂
022:04	ܘܕܠܐ ܡܨܛܠܝܢ܂ ܗ݀ܢܘ݁ܢ ܕܥ݁ܒܕܝܢ ܦܘܩܕ̈ܢܝ܂ ܘܡܫܠܡܢܘܬܐ ܗܕܐ܂ ܐܝܟܢܐ ܕܟܕ
022:05	ܢ݂ܛܪܘܢ ܩܕ̈ܝܫܐ ܘܬܪ̈ܝ݂ܨܐ ܘܚܝ̈ܠܬܢܐ ܒܝ݂ ܢܩܘܘܢ܂ ܟܕ ܥܪܩܝ݂ܢ ܡ݂ܢ ܫܘܪܥܬܐ
022:06	ܕܥܘܠܐ܂ ܘܡܢ ܡܘܬܐ ܕܚܛܝ݂ܬܐ܂ ܟܕ ܡܫ݁ܟܢ ܠܗ݀ܘܢ ܪܘ݂ܚܐ ܩܕܝܫܐ ܛܝܒܘ݂ܬܗ܂
022:07	ܗ݀ܝ ܕܬܪܝ݂ܨܐܝ݂ܬ ܢܗܝܡܢܘܢ܂ ܕܒܪܘܚܐ܂ ܗܠܝܢ ܕܪܘ݂ܚܐ ܪܘ݂ܚܢܐܝܬ ܢܕܥܘܢ܂
022:08	ܘܒܣܒܪܐ ܥܡܠܐ ܢܣܝܒܪܘܢ܂ ܘܒܚܕܘܬܐ ܢܦܠܚܘܢ ܣܒܪܬܐ ܕܝ݂ܠܝ܂
022:09	ܘܠܒܙܚܐ ܕܨܠ݂ܝܒܝ ܕܠܐ ܦܘܠܓܐ ܘܒܫܘ݂ܒܗܪܐ ܢܛܥܢܘܢ܂ ܡܛܠ ܕܐܡܝܢ ܐܡ݁ܪ
022:10	ܐܢ݂ܐ ܠܟܘܢ܂ ܕܐܝܠܝܢ ܕܕܐܝܟ ܗܠܝܢ ܘܐܝܠܝܢ ܕܕܐܝܟ ܗ݂ܢܝܢ ܒܛܟܣܐ ܬܠܝ݂ܬܝܐ܂
022:11	ܡܢ ܒܬܪ ܢܝ݁ܚܬܐ ܕܐܒܝ ܗ݀ܘ ܕܫܕܪܢܝ ܢܥܡܪܘܢ܀
022:12	ܝ̄ܛ̄܂ ܐܡ݁ܪ ܐܢ݂ܐ ܠܟܘܢ ܗܟܝܠ܂ ܕܐܝܟܢܐ ܙ݁ܕܩ ܕܢܗܘܐ ܒܝܬ ܩܘܕܫܐ܂
022:13	ܒܬܪܟܢ ܐܫ݁ܘܕܥ ܠܩܢܘ݁ܢܐ ܩܕܝܫܐ ܕܟܗ̈ܢܐ ܕܥܕܬܐ܀
022:14	ܥܕܬܐ ܡ݁ܢ ܗܟܝܠ ܗܟܢܐ ܬܗܘܐ܂ ܕܐܝ݂ܬ ܠܗ݀ ܬܠܬܐ ܡܥ̈ܠܢܐ܂ ܒܛܘܦܣܐ
022:15	ܕܬܠܝ݂ܬܝܘ݂ܬܐ܀

022:16	ܒܝܬܐ ܕܝܢ ܕܡܫܡܫ̈ܢܐ ܢܗ݂ܘܐ܂ ܡܢ ܝܡܝ݂ܢܐ ܕܡܥܠܢܐ ܗ݀ܘ ܕܝܡܝ݂ܢܐ܂

022:17	ܠܘܬ ܗ݀ܝ ܕܢܬܚ̈ܙܝܢ ܐܘܟܪ̈ܣܛܝܐܣ܂ ܐܘܟܝܬ ܩܘܪ̈ܒܢܐ ܗܠܝܢ ܕܡܬܩܪܒܝ݂ܢ܂
022:18	ܩܕܝܡܘܬ ܕܪܬܐ ܕܐܝ݂ܬ ܠܗ݀ ܐܣܛܘܐ ܟܕ ܚ݁ܕܪܐ܂ ܢܗ݂ܘܐ ܐܝ݂ܬ ܠܗ ܠܒܝܬܐ
022:19	ܗ݀ܘ ܕܡܫܡ̈ܫܢܐ܀
022:20	ܠܓܘ ܗܟܝܠ ܡܢ ܩܕܝ݂ܡܘܬ ܕܪܬܐ܂ ܢܗܘܐ ܐܝ݂ܬ ܠܗ ܒܝܬܐ ܠܒܝܬ
022:21	ܡܥܡܘܕܝܬܐ܂ ܕܐܝ݂ܬ ܠܗ ܐܘܪܟܐ ܐܡ̈ܐ ܟ̄ܐ̄܂ ܠܛܘܦܣܐ ܟܠܢܝܐ ܕܢܒܝ̈ܐ܂
022:22	ܦܬܝܐ ܕܝܢ ܐܡ̈ܐ ܝ̄ܒ̄܂ ܠܛܘܦܣܐ ܕܗ݀ܢܘܢ ܕܐܬܬ݂ܚ݁ܡܘ ܠܡܟܪܙܘ݂ ܐܘܢܓܠܝܘܢ܂
022:23	ܡܥܠܢܐ ܚܕ܂ ܡܦ̈ܩܢܐ ܬܠܬܐ݁
022:24	ܢܗܘܐ ܐܝܬ ܠܗ݀ ܠܥܕܬܐ܂ ܒܝܬܐ ܠܡܬܬܪ̈ܬܝܢܐ܂ ܗ݂ܘ ܕܝܢ ܟܕ ܗ݂ܘ ܐܦ
022:25	ܒܝܬ ܡܘܡ̈ܝܢܐ ܢܗ݂ܘܐ ܐܝ݂ܬܘܗܝ܂ ܠܐ ܕܝܢ ܢܗ݂ܘܐ ܐܝܬܘܗܝ ܕܦܪܝ݂ܫ ܡܢ