The Comprehensive Aramaic Lexicon

026:01	ܒܝܬܐ ܕܝܢ ܕܐܦܝܣܩܘܦܐ܂ ܠܘܬ ܕܘܟܬܐ ܗܝ݁ ܕܡܬܩܪܝܐ ܩܕܝܡܘܬ ܕܪܬܐ
026:02	ܢܗܘܐ ܐܝܬܘܗܝ܀
026:03	ܐܦ ܗܘ݁ ܬܘܒ ܕܐܪ̈ܡܠܬܐ ܗܠܝܢ ܕܡܬܩܪ̈ܝܢ ܕܩ݁ܕܡ̈ܢ ܝ݁ܬܒ̈ܢ܀
026:04	ܐܦ ܗܘ݁ ܬܘܒ ܕܩܫܝ̈ܫܐ ܘܡܫܡ̈ܫܢܐ܂ ܒܣܬܪ ܗܘ݁ ܕܒܝܬ ܡܥܡܘܕܝܬܐ
026:05	ܢܗܘܐ܀
026:06	ܡܫܡܫ̈ܢܝܬܐ ܕܝܢ ܠܘܬ ܬܪܥܐ ܕܒܝܬܐ ܡܪܢܝܐ ܢܩܘ̈ܝܢ܀

026:07	ܒܝܬܐ ܕܝܢ ܕܩܘ݂ܒܠܐ ܢܗ݂ܘܐ ܐܝ݂ܬ ܠܗ݀ ܠܥܕܬܐ܂ ܩܪܝ݂ܒܐܝ݂ܬ ܐܝܟܐ ܕܪܝܫ

026:08	ܡܫܡ̈ܫܢܐ ܢܗ݂ܘܐ ܡܩ݁ܒܠ ܠܐܟܣ̈ܢܝܐ܀
026:09	ܟ̄܂ ܡܢ ܒܬܪ ܕܝܢ ܕܗ݀ܘܐ ܒܝܬܐ ܐܝܟ ܕܦ݁ܐܐ݂ ܘܙܕܩ܂ ܢܬܬܣܪܚ
026:10	ܐܦܝܣܩܘܦܐ܂ ܟܕ ܡܢ ܟܠܗ ܥܡܐ ܡܬܓܒܐ܂ ܐܝܟ ܨܒܝܢܐ ܕܪܘ݂ܚܐ
026:11	ܩܕܝ݂ܫܐ܂ ܟܕ ܐܝܬܘܗܝ ܕܠܐ ܥܕܠܝ܂ ܢܟܦܐ܂ ܢܝ݂ܚܐ܂ ܡܟܝ݂ܟܐ܂ ܕܠܐ ܨܦܬܐ܂
026:12	ܥܝ݂ܪܐ܂ ܠܐ ܪܚ݁ܡ ܟܣܦܐ܂ ܕܠܐ ܡܪܫܘܬܐ܂ ܠܐ ܢܨ݁ܝܐ܂ ܚܝܘܣܬܢܐ܂ ܡܠܦܢܐ܂
026:13	ܕܠܐ ܡ݁ܣܓܐ ܡܡ݁ܠܠ ܝܬܝܪܐ܂ ܪܚ݁ܡ ܛܒ̈ܬܐ܂ ܪܚ݁ܡ ܥܡܠܐ܂ ܪܚ݁ܡ ܐܪ̈ܡܠܬܐ܂
026:14	ܪܚ݁ܡ ܝܬܡ̈ܐ܂ ܪܚ݁ܡ ܡܣܟ̈ܢܐ܂ ܕܡܢܣܝ ܒܐܪ̈ܙܐ܂ ܕܠܐ ܡܬ݁ܬܗܐ ܘܦܗܐ
026:15	ܐܟܚܕܐ ܥܡ ܥ݁ܠܡܐ ܗܢܐ܂ ܕܐܝ݂ܬܘܗܝ ܡܫܝܢܐ܂ ܕܒܟܠܗܝܢ ܛܒ̈ܬܐ ܡܫܡܠܝ܂
026:16	ܐܟܡܢ ܕܛܟܣܐ ܘܕܘܟܬܐ ܕܐܠܗܐ ܡܗ݀ܝܡܢ܂ ܫܦܝܪܐ ܡ݁ܢ ܕܠܐ ܐܢܬܬܐ
026:17	ܢܗܘܐ ܐܝ݂ܬܘܗܝ܂ ܘܐܢܕܝܢ ܠܐ ܕܕܚܕܐ ܐܢܬܬܐ ܗ݂ܘܐ ܓܒܪܐ ܒܠܚܘܕ܂
026:18	ܐܝܟܢܐ ܕܥܡ ܡܚܝ݂ܠܘ݂ܬܐ ܕܐܪ̈ܡܠܬܐ ܐܟܚܕܐ ܢܚܫ܂ ܟܕ ܐܝ݂ܬܘܗܝ ܕܩܘܡܬܐ
026:19	ܡܨܥܝܬܐ ܢܬܬܣܪܚ܂ ܠܐ ܛܠܝܐ܀
026:20	ܟ̄ܐ̄܂ ܟܕ ܕܐܝܟ ܗܢܐ ܢܗܘܐ ܐܝ݂ܬܘܗܝ܂ ܒܝܘܡܐ ܕܚܕ ܒܫܒܐ ܢܩ݁ܒܠ
026:21	ܣܝ݁ܡ ܐܝܕܐ܂ ܟܕ ܟܠܗܘ݁ܢ ܫ݁ܠܡܝ݂ܢ ܠܡܬܬܣܪܚܢܘ݂ܬܗ܂ ܘܣ݁ܗܕܝܢ ܥܠܘܗܝ ܥܡ
026:22	ܟܠܗܘ݁ܢ ܩܫܝ̈ܫܐ ܘܐܦܝܣܩ̈ܘܦܐ ܗܠܝܢ ܕܩܪܝܒܝܢ܀
026:23	ܢܣܝܡܘܢ ܕܝܢ ܥܠܘܗܝ ܐܝܕ̈ܝܐ ܗ݀ܢܘܢ ܐܦܝܣܩ̈ܘܦܐ܂ ܟܕ ܐܫܝܓܘ ܩܕܡܝܬ
026:24	ܐܝܕܝ̈ܗܘܢ܂ ܩܫܝ̈ܫܐ ܕܝܢ ܢܗܘܘܢ ܩ݁ܝܡܝܢ ܠܘܬܗܘܢ ܟܕ ܫܠܝܢ܂ ܥܡ ܕܚܠܬܐ܂
026:25	ܟܕ ܐܝܬ ܠܗܘ݁ܢ ܠܥܠ ܠܒܘ̈ܬܗܘ݁ܢ ܒܫܬܩܐ܀