The Comprehensive Aramaic Lexicon

028:01	ܡܢ ܒܬܪ ܕܝܢ ܣ݁ܝܡܝܢ ܐܝܕ̈ܝܐ ܥܠܘܗܝ ܐܦܝܣ̈ܩܘܦܐ ܟܕ ܐܡ݁ܪܝܢ܂ ܣ݁ܝܡܝ݂ܢܢ
028:02	ܐܝܕ̈ܝܐ ܥܠ ܥ݂ܒܕܐ ܕܐܠܗܐ܂ ܗܢܐ ܕܐܬܓܒ݂ܝ ܒܪܘܚܐ ܠܩܛܣܛܣܝܣ ܡܫܪܪܬܐ
028:03	ܘܫܦܝܪܬ ܕܚܠܬܐ ܕܥܕܬܐ ܠܚܘܕܝܬ ܪܝܫܢܘ݂ܬܐ ܘܠܐ ܡܫܬܪܝܢܝܬܐ܂ ܕܕܠܐ
028:04	ܡ݂ܬܚܙܝܢܐ ܐܠܗܐ ܚܝܐ܂ ܘܠܫܘܘܙܒܐ ܕܕܝ݂ܢܐ ܫܪܝܪܐ ܘܕܓ̈ܠܝܢܐ ܐܠܗ̈ܝܐ
028:05	ܘܩܕ̈ܝܫܐ܂ ܘܕܡܘܗܒ̈ܬܐ ܐܠܗܝ̈ܬܐ ܘܕܝܘ̈ܠܦܢܐ ܡܗܝ̈ܡܢܐ܂ ܕܬܠܝܬܝܘܬܐ܂ ܒܝܕ
028:06	ܨܠܝܒܐ܂ ܒܝܕ ܩܝܡܬܐ܂ ܒܝܕ ܠܐ ܡ݂ܬܚܒܠܢܘ݂ܬܐ܂ ܒܥܕܬܐ ܩܕܝܫܬܐ ܕܐܠܗܐ܀
028:07	ܡܢ ܒܬܪ ܕܝܢ ܗܠܝܢ ܚܕ ܐܦܝܣܩܘܦܐ ܟܕ ܡܬܦܩܕ ܠܗ ܡܢ ܗܠܝܢ
028:08	ܐܦܝܣ̈ܩܘܦܐ ܐܚܪ̈ܢܐ ܢܣܝ݂ܡ ܥܠܘܗܝ ܐܝܕ̈ܝܐ܂ ܟܕ ܐܡ݁ܪ ܩܪܝ݁ܬܐ ܕܝܠܗ݀
028:09	ܕܡܣܪܚܢܘܬܐ ܗܟܢܐ܀
028:10	ܨܠܘܬܐ ܕܟܝܪܘܛܘܢܝܐ ܕܐܦܝܣܩܘܦܐ݁

028:11	ܐܠܗܐ ܗܘ݁ ܕܟܠܗܝܢ ܒܚܝܠܐ ܥܒ݂ܕܬ ܘܫܪܪܬ ܘܫܬܐܣܬ ܠܡܬܥܡܪܢܝ݂ܬܐ

028:12	ܒܡܚܫܒܬܐ܂ ܗܘ݁ ܕܨ݁ܒ݂ܬܬ ܠܟܠܝ݂ܠܐ ܕܟܠܗܝܢ ܗܠܝܢ ܕܡܢܟ ܐܬܥܒ̈ܕܝ܂ ܗܘ݁
028:13	ܕܝܗ݂ܒܬ ܠܗܝܢ ܕܒܕܚܠܬܐ ܢܛܪ̈ܢ ܦܘܩܕ̈ܢܝܟ܂ ܗܘ݁ ܕܫܟܢܬ ܠܢ ܗܘܢܐ ܕܫܪܪܐ܂
028:14	ܘܐܘܕܥܬ ܠܢ ܪܘ݂ܚܟ ܗܘ݁ ܛܒ݁ܐ܂ ܗܘ݁ ܕܠܒܪܐ ܕܝܠܟ ܚܒܝ݂ܒܐ ܫܕܪܬ ܦ݁ܪܘܩܐ
028:15	ܝܚܝܕܝܐ ܕܠܐ ܛܘ݂ܠܫܐ ܠܦܘܪܩܢܐ ܕܝܠܢ܂ ܐܠܗܐ ܘܐܒܐ ܕܡܪܢ ܝܫܘܥ
028:16	ܡܫܝ݂ܚܐ܂ ܐܒܐ ܕܪ̈ܚܡܐ ܘܐܠܗܐ ܕܟܠܗ ܒܘ݂ܝܐܐ܂ ܗܘ݁ ܕܒܡܪ̈ܘܡܐ ܕܟ̈ܝܐ
028:17	ܥ݁ܡܪ ܡܬܘ݂ܡܐܝ݂ܬ܂ ܗܘ݁ ܕܐܝܬܘܗܝ ܪܡܐ ܘܡܫܒܚܐ܂ ܘܕܚܝ݂ܠܐ ܘܪܒܐ
028:18	ܘܕܠܟܠ ܚ݁ܙܐ܂ ܗܘ݁ ܕܝ݁ܕܥ ܠܟܠܗܝܢ ܩܕܡ ܗܘ݁ܝܗܝܢ܂ ܗܘ݁ ܕܠܘܬܗ ܟܠܗܝܢ ܩܕܡ
028:19	ܕܢܗܘ̈ܝܢ ܗܘ̈ܝܢ ܗܘ̈ܝ܂ ܗܘ݁ ܕܝܗܒܬ ܡܢܗܪܢܘ݂ܬܐ ܠܥܕܬܐ ܒܝܕ ܛܝܒܘܬܐ
028:20	ܕܝܚܝܕܝܐ ܒܪܟ܂ ܟܕ ܩ݁ܕܡܬ ܬܚ݁ܡܬ ܡܢ ܫܘ݂ܪܝܐ ܠܗ݀ܢܘ݁ܢ ܕܨ݁ܒܝܢ ܒܟܐܢ̈ܬܐ܂
028:21	ܘܥ݁ܒܕܝܢ ܗܠܝܢ ܕܩܕܝ̈ܫܢ܂ ܠܡܥܡܪ ܒܐܘܘ̈ܢܐ ܕܝܠܟ܂ ܗܘ݁ ܕܓ݂ܒܝܬ ܠܐܒܪܗܡ
028:22	ܗܘ݁ ܕܫܦ݂ܪ ܠܟ ܒܝܕ ܗܝܡܢܘܬܗ܂ ܘܠܚܢܘ݁ܟ ܩܕܝܫܐ܂ ܠܒܝܬ ܓܙܐ ܕܚܝ̈ܐ
028:23	ܫ݁ܢܝܬ܂ ܗܘ݁ ܕܪ̈ܝܫܢܐ ܘܟܗ̈ܢܐ ܛܟ݁ܣܬ ܒܒܝܬ ܩܘܕܫܐ ܕܝ݂ܠܟ ܪܡܐ ܡܪܝܐ܂
028:24	ܗܘ݁ ܕܩܪܝܬ ܕܒܐܬܪܐ ܕܫܘܒܚܟ ܢܫܒܚܘܢ ܘܢܗܕܪܘܢ ܠܫܡܟ܂ ܘܕܝ݂ܚܝܕܝܐ
028:25	ܕܝܠܟ܂ ܡܪܝܐ ܐܠܗܐ ܗܘ݁ ܕܠܐ ܫܒ݂ܩܬ ܠܒܝܬ ܡܩܕܫܐ ܕܝܠܟ ܪܡܐ ܕܠܐ
028:26	ܬܫܡܫܬܐ܂ ܡ݂ܢ ܩܕܡ ܬܪ̈ܡܝܬܗ ܕܥܠܡܐ܂ ܘܬܘܒ ܡܢ ܬܪ̈ܡܝܬܗ
028:27	ܕܥܠܡܐ ܠܩܘܕ̈ܫܐ ܕܝܠܟ ܒܪ̈ܝܫܢܐ ܘܟܗ̈ܢܐ ܡܗܝ̈ܡܢܐ ܨ݁ܒܬܬ ܘܗ݀ܕܪܬ܂
028:28	ܒܛܘ݂ܦܣܐ ܕܫܡܝܐ ܕܝ݂ܠܟ܂ ܐܢܬ ܡܪܝܐ ܨܒܝ݂ܬ ܠܡܫܬܒܚܘ݂ ܐܦ ܗܫܐ݁