The Comprehensive Aramaic Lexicon

036:01	ܫܘܟ̈ܢܐ܀
036:02	ܢܩܘ݂ܡ ܕܝܢ ܗܘ݂ ܐܦܝܣܩܘܦܐ ܩܕܡܝܐ ܒܡܨܥܬܐ܂ ܘܩܫܝ̈ܫܐ ܡܚܕܐ
036:03	ܒܬܪܗ܂ ܒܬܪ̈ܝܗܘܢ ܓܒ̈ܐ܂ ܐܪ̈ܡܠܬܐ ܕܝܢ ܡܚܕܐ ܒܣܬܪ ܩܫܝ̈ܫܐ ܒܓܒܐ
036:04	ܕܣܡܠܐ܂ ܡܫܡ̈ܫܢܐ ܕܝܢ ܬܘܒ ܒܣܬܪ ܩܫܝ̈ܫܐ ܒܓܒܐ ܕܝܡ݂ܝܢܐ܂ ܩܪ̈ܘܝܐ ܕܝܢ
036:05	ܒܣܬܪ ܗܠܝܢ܂ ܗܘܦܘ̈ܕܝܩܢܘ݂ ܕܝܢ ܒܣܬܪ ܩܪ̈ܘܝܐ܂ ܡܫܡ̈ܫܢܝܬܐ ܕܝܢ ܒܣܬܪ
036:06	ܗܘܦܘ̈ܕܝܩܢܘ܀
036:07	ܐܦܝܣܩܘܦܐ ܗܟܝܠ ܢܣܝ݂ܡ ܐܝܕܗ ܥܠ ܠܚܡ̈ܐ
036:08	ܗ݀ܢܘ݁ܢ ܕܐܬܬܣܝ݂ܡܘ ܥܠ ܡܕܒܚܐ܂ ܩܫܝ̈ܫܐ ܕܝܢ ܢܣܝ݂ܡܘܢ ܐܝܕܝܗ̈ܘ݁ܢ ܐܟܚܕܐ܂
036:09	ܗ݀ܢܘ݁ܢ ܕܝܢ ܕܫܪܟܐ܂ ܟܕ ܩ݁ܝܡܝ݂ܢ ܢܗܘܘ݁ܢ ܒܠܚܘܕ܀
036:10	ܠܚܡܐ ܕܡܬܬܪ̈ܬܝܢܐ ܠܐ ܢܬ݂ܩ݁ܒܠ܂ ܐܦܠܐ ܐܢ ܐܝ݂ܬ ܠܗ ܒܪܐ
036:11	ܡܗܝܡܢܐ܂ ܐܘ݁ ܐܢܬܬܐ܂ ܘܨ݁ܒܐ ܕܚܠܦܝܗܘ݁ܢ ܢܩ݁ܪܒ܂ ܠܐ ܢܬܩ݁ܪܒ܂ ܐܠܐ
036:12	ܐܢ ܥ݁ܡܕ܀
036:13	ܩܕܡ ܕܝܢ ܕܢܩ݁ܪܒ ܐܦܝܣܩܘܦܐ ܐܘ݁ ܩܫܝܫܐ܂ ܥܡܐ ܠܚܕ̈ܕܐ ܢܬܠ ܫܠܡܐ܀
036:14	ܒܬܪܟܢ ܟܕ ܫܠܝܐ ܣܓܝܐܐ ܗ݀ܘܐ ܡܫܡܫܢܐ ܢܐܡܪ ܗܟܢܐ܀
036:15	ܡܘܕܥܢܘܬܐ ܕܡܫܡܫܢܐ ܥܠ ܐܘܟܪܣܛܝܐ܂
036:16	ܒܫܡܝܐ ܠܒ̈ܘܬܟܘ݁ܢ܀
036:17	ܐܢ ܐܢܫ ܥܠ ܚܒܪܗ ܐܝ݂ܬ ܠܗ ܐܟܬܐ ܢܬܪܥܐ܀
036:18	ܐܢ ܐܢܫ ܒܬܐܪܬܐ ܕܠܐ ܗܝܡܢܘܬܐ ܐܝ݂ܬܘܗܝ ܢܘܕܐ܀
036:19	ܐܢ ܐܢܫ ܬܪܥܝܬܐ ܐܟܣܢ݁ܝܬܐ ܕܦܘܩܕ̈ܢܐ ܐܝܬ ܠܗ ܢܫ݁ܢܐ܀
036:20	ܐܢ ܐܢܫ ܒܡܦܘ݂ܠܬܐ ܕܚܛܝܬܐ ܐܝܬܘܗܝ ܠܐ ܢܬܛܫܐ܂ ܠܡܬܛܫܝܘ݂
036:21	ܠܝܬ ܠܗ܀
036:22	ܐܢ ܐܢܫ ܒܡܚܫܒܬܐ ܐܝܬܘܗܝ ܟܪܝܗܐ ܠܐ ܢܬܩ݁ܪܒ܀

036:23	ܐܢ ܐܢܫ ܡܣܝܒܐ܂ ܐܢ ܐܢܫ ܠܐ ܡܫܪܪܐ܂ ܢܬܠ ܐܬܪܐ܀

036:24	ܐܢ ܐܢܫ ܢܘ݂ܟܪܝ ܠܦܘܩ̈ܕܢܘܗܝ ܕܝܫܘ݁ܥ ܢܫ݁ܢܐ܀
036:25	ܐܢ ܐܢܫ ܠܢܒܝ̈ܐ ܡܫܝ݂ܛ܂ ܢܦܪܘ݁ܫ ܢܦܫܗ܃ ܡܢ ܪܘܓܙܗ ܕܝܚܝܕܝܐ ܢܫܘܙܒ
036:26	ܗܘ݂ ܠܗ܀