The Comprehensive Aramaic Lexicon

040:01	ܥܠܝܢ ܛܝܒܘ݂ܬܟ ܡܪܝܐ܂ ܐܝܟܢܐ ܕܢܫܒܚܟ ܐܡܝ݂ܢܐܝ݂ܬ܂ ܘܠܝܚܝܕܝܐ ܒܪܟ܂
040:02	ܘܠܪܘܚܟ ܩܕܝܫܐ܂ ܗܫܐ ܘܒܟܠܙܒܢ ܘܠܥܠܡ ܥܠܡ̈ܝܢ ܐܡܝܢ܀
040:03	ܐܢܬ ܚܝܠܐ ܕܐܒܐ܂ ܛܝܒܘܬܐ ܕܥܡ̈ܡܐ܂ ܝܕܥܬܐ܂ ܚܟܡܬܐ ܫܪܝܪܬܐ܂
040:04	ܪܘܡܪܡܐ ܕܡܟܝ̈ܟܐ܂ ܐܣܝܘܬܐ ܕܢܦܫ̈ܬܐ܂ ܦܪܗܣܝܐ ܕܝܠܢ ܡܗܝ̈ܡܢܐ܂
040:05	ܐܢܬ ܓܝܪ ܐܝ݂ܬܝܟ ܫܘܪܪܐ ܕܙܕܝ̈ܩܐ܂ ܣܒܪܐ ܕܗ݀ܢܘ݁ܢ ܕܡܬܪܕܦܝ݂ܢ܂ ܠܡܐܢܐ
040:06	ܕܗܢܘܢ ܕܡ݂ܬܛܪܦܝܢ܂ ܡܢܗܪܢܐ ܕܓܡܝ݂ܪ̈ܐ܂ ܒܪܐ ܕܐܠܗܐ ܚܝܐ܂ ܐܕܢܚ ܥܠܝܢ
040:07	ܡܢ ܡܘܗܒܬܟ ܗܝ݁ ܠܐ ܡܬܒܨܝܢܝ݂ܬܐ܂ ܠܒܝ݂ܒܘ݂ܬܐ܂ ܓܢܒܪܘܬܐ܂ ܬܟܝ݂ܠܘܬܐ܂
040:08	ܚܟܡܬܐ܂ ܡܫܪܪܘܬܐ܂ ܗܝܡܢܘܬܐ ܠܐ ܡܨܛܠܝܢܝ݂ܬܐ܂ ܣܒܪܐ ܠܐ ܡܙܕܥܙܥܢܐ܂
040:09	ܝ݂ܕܥܬܐ ܕܪܘ݂ܚܐ ܕܝ݂ܠܟ܂ ܡܟܝܟܘ݂ܬܐ܂ ܬܪܝܨܘ݂ܬܐ܂ ܐܝܟܢܐ ܕܒܟܠܙܒܢ ܚܢܢ ܥܒܕ̈ܐ
040:10	ܕܝܠܟ ܡܪܝܐ܂ ܘܟܠܗ ܥܡܐ܂ ܠܟ ܕܟܝܐܝ݂ܬ ܢܫܒܚ܂ ܠܟ ܢܒܪܟ܂ ܠܟ ܢܘܕܐ
040:11	ܡܪܝܐ ܒܟܠܥܕܢ܂ ܘܠܟ ܢܬܟܫܦ܀
040:12	ܘܬܘܒ ܐܦܝܣܩܘܦܐ ܢܐܡܪ܃ ܐܢܬ ܡܪܝܐ ܡܫܬܐܣܢܐ ܕܪ̈ܘܡܐ܂
040:13	ܘܡܠܟܐ ܕܒܝܬ ܓ̈ܙܐ ܢܘܗܪ̈ܢܝܐ܂ ܣ݁ܥܘܪܐ ܕܨܗܝܘ݁ܢ ܫܡܝܢܝܬܐ܂ ܡܠܟܐ
040:14	ܕܛܟ̈ܣܐ ܪܝܫ ܡ̈ܠܐܟܝܐ܂ ܕܡܪ̈ܘܬܐ܂ ܕܫܘ̈ܒܚܐ܂ ܕܟܘܪ̈ܣܘܬܐ܂ ܕܠܒܘ̈ܫܐ܂
040:15	ܕܢܘܗܪ̈ܐ܂ ܕܚܕ̈ܘܬܐ܂ ܕܒܘ̈ܣܡܐ܂ ܐܒܐ ܕܡ̈ܠܟܐ܂ ܗܘ݁ ܕܠܟܠ ܐܚܝ݂ܕ ܐܢܬ
040:16	ܒܐܝܕܟ܂ ܘܡܦܪܢܣ ܐܢܬ ܒܡܚܫܒܬܟ܂ ܒܝܕ ܒܪܐ ܕܝܠܟ ܝܚܝܕܝܐ܂ ܗܘ݁
040:17	ܕܚܠܦ ܚܛܗ̈ܝܢ ܐܨܛܠܒ܂ ܐܢܬ ܡܪܝܐ ܠܡ݂ܠܬܐ ܕܝ݂ܠܟ܂ ܗܘ݁ ܒܪ ܬܪܥܝ݂ܬܐ
040:18	ܘܒܪ ܩܝ݁ܡܐ ܕܝ݂ܠܟ܂ ܗܘ݁ ܕܒܐܝܕ̈ܘܗܝ ܠܟܠܡܕܡ ܥܒ݂ܕܬ܂ ܟܕ ܐܨܛܒܝ݂ܬ ܒܗ
040:19	ܫܕܪܬܝܗܝ ܠܡܪܒܥܐ ܒܬܘ݂ܠܝܐ܂ ܗܘ݁ ܕܟܕ ܐܬܒܛܢ ܐܬܒܣܪ ܒܪܐ ܕܝܠܟ
040:20	ܐܬܚܘܝ܂ ܟܕ ܡܢ ܪܘ݂ܚܐ ܩܕܝ݂ܫܐ ܘܡܢ ܒܬܘܠܬܐ ܐܬܝ݂ܠܕ܂ ܗܘ݁ ܕܟܕ ܨܒܝ݁ܢܐ
040:21	ܕܝ݂ܠܟ ܡܫ݁ܡܠܐ܂ ܘܥܡܐ ܩܕܝܫܐ ܡܛ݁ܝܒ܂ ܦܫ݂ܛ ܐܝܕܘ̈ܗܝ ܠܚܫܐ ܕܡܢ ܚ̈ܫܐ
040:22	ܘܚܒ݁ܠܐ ܕܡܘܬܐ ܢܫ݂ܪܐ ܠܗ݀ܢܘ݁ܢ ܕܒܟ ܣ݁ܒܪܘ܂ ܗܘ݁ ܕܟܕ ܡܫܬܠܡ ܗܘ݂ܐ

040:23	ܠܚܫܐ ܨܒܝ݁ܢܝܐ܂ ܐܝܟܢܐ ܕܠܗ݀ܢܘ݁ܢ ܕܫܪܥܘ ܢܬܪܨ܂ ܘܠܐܒܝܕ̈ܐ ܢܫܟܚ܂ ܘܠܡܝ̈ܬܐ

040:24	ܢ݁ܚܐ܂ ܘܠܡܘܬܐ ܢܫܪܐ܂ ܘܠܐܣܘܪ̈ܐ ܕܐܟܠܩܪܨܐ ܢܣܕܘ݁ܩ܂ ܘܠܬܪܥܝ݂ܬܐ ܕܐܒܐ
040:25	ܢܫܡܠܐ܂ ܘܠܫܝܘ݁ܠ ܢܕܘܫ܂ ܘܐܘܪܚܐ ܕܚ̈ܝܐ ܢܦܬܚ܂ ܘܠܙܕ̈ܝܩܐ ܠܘܬ ܢܘܗܪܐ