The Comprehensive Aramaic Lexicon

046:01	ܐܦܝܣܩܘܦܐ ܢ݂ܐܡܪ܂ ܫܕܪ ܛܝܒܘܬܐ ܕܪܘܚܐ ܥܠܝܢ܀
046:02	ܐܢ ܐܦܝܣܩܘܦܐ ܒܚܠܡܐ ܕܙܘܘܓܐ ܢܗܘܐ܂ ܠܐ ܢܩ݁ܪܒ܂ ܐܠܐ ܢܩܪܒ
046:03	ܩܫܝܫܐ܂ ܐܦܠܐ ܢܣ݂ܒ ܡܢ ܐܪܙܐ܂ ܠܘ ܐܟܡܢ ܕܐܣܬܝ݁ܒ ܠܗ܂ ܐܠܐ ܡܛܠ
046:04	ܐܝ݂ܩܪܐ ܕܡܕܒܚܐ܂ ܟܕ ܕܝܢ ܢܨܘܡ ܬܘ݂ܒ ܘܢܣܚܐ ܒܡܝ̈ܐ ܕܟܝ̈ܐ ܢܬܩܪܒ
046:05	ܘܢܫܡܫ܂ ܒܗ݀ ܒܕܡܘܬܐ ܐܦ ܩܫܝ݂ܫܐ܂ ܐܢܕܝܢ ܐܦ ܐܪܡܠܬܐ ܒܟܦܣܐ ܬܗܘܐ܂
046:06	ܠܐ ܬܬܩܪܒ܂ ܒܗ݀ ܒܕܡܘܬܐ ܐܢ ܐܢܬܬܐ ܐܘ ܥܠܡܝܐ܂ ܐܘ݁ ܐܢܫ ܐܚܪܢܐ

046:07	ܡܢ ܩܝ݁ܡܐ܂ ܠܐ ܢܬܩܪܒ ܡܛܠ ܐܝܩܪܐ܂ ܒܪܡ ܐܠܐ ܐܢ ܡܢ ܒܬܪ ܕܢܨܘܡ

046:08	ܘܢܣܚܐ܀
046:09	ܟܗ̈ܢܐ ܩܕܡܝܬ ܢܣܒܘܢ ܗܟܢܐ܀ ܐܦܝܣܩܘܦܐ܂ ܩܫܝ̈ܫܐ܂ ܡܫܡ̈ܫܢܐ܂
046:10	ܐܪ̈ܡܠܬܐ܂ ܩܪ̈ܘܝܐ܂ ܗܘܦܘܕ̈ܝܩܢܘ܂ ܒܬܪܟܢ ܗ݀ܢܘ݁ܢ ܕܐܝ݂ܬ ܠܗ݀ܘܢ ܫܘ݂ܟ̈ܢܐ܂
046:11	ܗ݀ܢܘ݁ܢ ܕܥܡܝ݂ܕܝܢ ܚ݂ܕܬܐܝ݂ܬ܂ ܫܒܪ̈ܐ܀ ܥܡܐ ܗܟܢܐ܂ ܣܒ̈ܐ܂ ܒܬܘ̈ܠܐ܂ ܒܬܪܟܢ
046:12	ܗܠܝܢ ܕܫܪܟܐ܂ ܢ̈ܫܐ ܡܫܡ̈ܫܢܝܬܐ܂ ܒܬܪܟܢ ܗ݀ܢܝܢ ܕܫܪܟܐ܀
046:13	ܟܠܚܕ ܕܝܢ ܟܕ ܢ݁ܣܒ ܩܘܒܠ ܛܝܒܘ݂ܬܐ ܢܐܡܪ ܩܕܡ ܕܡܫܬܘܬܦ ܐܡܝܢ܂
046:14	ܒܬܪܟܢ ܢܨܠܐ ܗܟܢܐ܂ ܡܢ ܒܬܪ ܕܢ݁ܣܒ ܡܢ ܐܘܟܪܣܛܝܐ ܢܐܡܪ܂ ܩܕܝܫܐ
046:15	ܩܕܝܫܐ ܩܕܝܫܐ܂ ܬܠܝܬܝܘ݂ܬܐ ܠܐ ܡܬܡܠܠܢ݂ܝܬܐ܂ ܗܒ ܠܝ݂ ܕܐܣ݁ܒ ܠܚܝ̈ܐ ܦܓܪܐ
046:16	ܗܢܐ ܠܐ ܠܚܘ݂ܝ݁ܒܐ܂ ܘܗܒ ܠܝ݂ ܕܐܥ݁ܒܕ ܦܐܪ̈ܐ ܕܫ݁ܦܪܝܢ ܠܟ܂ ܐܝܟܢܐ ܕܟܕ
046:17	ܐܬܚ݁ܘܐ ܕܫ݁ܦܪ ܐܢ݂ܐ ܠܟ܂ ܐܚ݁ܐ ܒܟ܂ ܟܕ ܥ݁ܒܕ ܐܢ݂ܐ ܦܘܩܕ̈ܢܝܟ܂ ܘܥܡ
046:18	ܠܒ݂ܝܒܘ݂ܬܐ ܐܩܪܝܟ ܐܒܐ܂ ܟܕ ܩ݁ܪܐ ܐܢ݂ܐ ܥܠܝ ܡܠܟܘ݂ܬܟ ܘܨܒܝ݁ܢܟ܂ ܢܬܩܕܫ
046:19	ܒܝ݂ ܕܝܢ ܫܡܟ ܡܪܝܐ܂ ܡܛܠ ܕܚܝܠܬܢܐ ܐܝ݂ܬܝܟ ܘܡܫܒܚܐ܂ ܘܠܟ ܬܫܒܘܚܬܐ
046:20	ܠܥܠܡܥܠܡܝܢ ܐܡܝܢ܂ ܡ݂ܢ ܒܬܪ ܕܝܢ ܨܠܘܬܐ ܢܣ݂ܒ܀
046:21	ܟܕ ܫ݁ܩܠ ܕܝܢ ܡܢ ܟܣܐ ܢܐܡܪ ܬܪ̈ܬܝܢ ܙܒܢ̈ܝܢ ܐܡܝܢ܂ ܠܡܘ݂ܠܝܐ
046:22	ܕܦܓܪܐ ܘܕܡܐ܀
046:23	ܡܢ ܒܬܪ ܕܝܢ ܕܢ݁ܣܒܝ݂ܢ ܟܠܗܘ݁ܢ܂ ܢܨܠܘ݁ܢ ܟܕ ܡܘܕܝܢ ܘܡܩܒܠܝ݂ܢ ܛܝܒܘ݂ܬܐ
046:24	ܚܠܦ ܢܣܝ݂ܒܘܬܐ܂ ܟܕ ܡܫܡܫܢܐ ܐܡ݁ܪ܃
046:25	ܢܘܕܐ ܠܡܪܝܐ܂ ܟܕ ܡܢ ܩܘ݂ܕ̈ܫܐ ܕܝ݂ܠܗ ܢ݁ܣܒܝ݂ܢܢ܂ ܐܝܟܢܐ ܕܠܚ̈ܝܐ
046:26	ܘܠܦܘܪܩܢܐ ܕܢܦܫ̈ܬܢ ܬܗܘܐ ܗܝ݁ ܢܣܝܒ݂ܘܬܐ܂ ܢܒܥܐ ܢܬܟܫܦ܂ ܟܕ ܡܣܩܝ݂ܢܢ
046:27	ܡܡܠܠܘܬ ܫܘ݂ܒܚܐ ܠܡܪܝܐ ܐܠܗܢ܀