The Comprehensive Aramaic Lexicon

048:01	ܘܒܬܪܟܢ ܐܦܝܣܩܘܦܐ܃ ܡܪܝܐ ܝ݁ܗܘܒܐ ܕܢܘܗܪܐ ܡܬܘ݂ܡܝܐ܂ ܡܠ݁ܚܐ
048:02	ܕܢܦܫ̈ܬܐ܂ ܡܗܕܝܢܐ ܕܩܕ̈ܝ݂ܫܐ܂ ܗܒܠܢ ܥܝ̈ܢܐ ܡܬܗܘܢܢ̈ܝܬܐ܂ ܕܒܟܠ
048:03	ܙܒܢ ܒܟ ܚ݁ܝܪ̈ܢ܂ ܘܐܕ̈ܢܐ ܕܠܟ ܒܠܚܘܕ ܫܡ̈ܥܢ܂ ܐܝܟܢܐ ܕܬܬܡ݂ܠܐ ܢܦܫܢ ܡܢ
048:04	ܛܝܒܘ݂ܬܐ܂ ܠܒܐ ܕܝܢ ܕܟܝܐ ܬܩܢ ܒܢ ܐܠܗܐ܂ ܐܝܟܢܐ ܕܒܟܠܙܒܢ ܢܣܬܟܠ
048:05	ܪܒܘܬܟ܂ ܐܠܗܐ ܬܡܝܗܐ ܘܪܚ݁ܡ ܐܢܫܐ ܐܛܐܒ ܢܦܫ̈ܬܢ܂ ܘܬܪ̈ܥܝܬܢ
048:06	ܬܩܢ ܠܐ ܡܨܛܠܝ̈ܢܝܬܐ܂ ܒܝܕ ܐܘܟܪܣܛܝܐ ܗܕܐ ܕܢܣ݂ܒܢܢ܂ ܚܢܢ ܥܒ̈ܕܐ ܕܝܠܟ
048:07	ܒܨܝ݂ܪ̈ܐ܂ ܡܛܠ ܕܡܒܪܟܬܐ ܐܝ݂ܬܝܗ݀ ܡܠܟܘ݂ܬܐ ܕܝܠܟ ܡܪܝܐ ܐܠܗܐ ܘܡܫܒܚܐ
048:08	ܘܡܗܕܪܐ܂ ܒܐܒܐ ܘܒܒܪܐ ܘܒܪܘܚܐ ܩܕܝܫܐ ܐܦ ܡܢ ܩܕܡ ܥ̈ܠܡܐ܂ ܐܦ
048:09	ܗܫܐ ܘܒܟܠܙܒܢ ܘܠܕܪܕܪ̈ܝܢ܂ ܘܠܥ̈ܠܡܐ ܠܐ ܡܫܬܠܡ̈ܢܐ ܕܥ̈ܠܡܐ܀
048:10	ܥܡܐ ܐܡܝܢ܀
048:11	ܟ̄ܕ̄܂ ܐܢܕܝܢ ܡܫܚܐ ܠܐܣ݁ܝܘ݂ܬܐ ܕܗ݀ܢܘ݁ܢ ܕܚ݁ܐܫܝ݂ܢ ܡܩܕܫ ܟܗܢܐ܂
048:12	ܫܠܝܐܝ݂ܬ ܢܐܡܪ ܟܕ ܣ݁ܐܡ ܠܗ ܠܡܐܢܐ ܩܕܡ ܡܕܒܚܐ ܗܟܢܐ܀
048:13	ܡܪܝܐ ܐܠܗܐ܂ ܗܘ݁ ܕܫ݁ܟܢܬ ܠܢ ܪܘܚܐ ܦܪܩܠܛܐ ܡܪܝܐ ܫܡܐ ܦܪܘܩܝܐ܂
048:14	ܘܠܐ ܡܙܕܥܙܥܢܐ܂ ܗܘ݁ ܕܠܫܛܝ̈ܐ ܡ݁ܢ ܡܬܟ݁ܣܐ܂ ܠܚܟܝ̈ܡܐ ܕܝܢ ܡܬܓܠܐ܂
048:15	ܡܫܝ݂ܚܐ ܗܘ݁ ܕܩ݁ܕܫܬ ܠܢ ܘܚܟ݁ܡܬ ܒܪ̈ܚܡܐ ܕܝ݂ܠܟ܂ ܠܥܒܕ̈ܐ ܗ݀ܢܘ݁ܢ ܕܓܒܝ݂ܬ
048:16	ܒܚܟܡܬܐ ܗܝ݁ ܕܝܠܟ܂ ܗܘ݁ ܕܝܕܥܬܐ ܕܪܘܚܟ ܫܕܪܬ ܠܢ ܚ̈ܛܝܐ܂ ܒܝܕ ܩܕܝܫܘ݂ܬܐ
048:17	ܗܝ݁ ܕܝܠܟ܂ ܟܕ ܚܝܠܐ ܕܪܘܚܐ ܫܟܢܬ ܠܢ܂ ܗܘ݁ ܕܐܝ݂ܬܝܟ ܐܣ݁ܝܐ ܕܟܠ ܟܘ݂ܪܗܢܐ
048:18	ܘܕܟܠ ܚܫܐ܂ ܗܘ݁ ܕܝܗܒܬ ܫܘ݂ܟܢܐ ܕܐܣ݁ܝܘ݂ܬܐ ܠܗ݀ܢܘ݁ܢ ܕܠܗ݀ܕܐ ܡܢܟ
048:19	ܐܫܬܘܝ݂ܘ܂ ܫܕܪ ܥܠ ܡܫܚܐ ܗܢܐ܂ ܗܘ݁ ܕܐܝ݂ܬܘܗܝ ܛܘ݂ܦܣܐ ܕܕܗܝܢܘ݂ܬܐ

048:20	ܕܝ݂ܠܟ܂ ܫܘܘܙܒܐ ܕܫܦܝܪܘܬ ܚܝܘܣܬܢܘܬܐ ܕܝ݂ܠܟ܂ ܐܝܟܢܐ ܕܢܫܘܙܒ ܠܗ݀ܢܘ݁ܢ

048:21	ܕܥܡܝ݂ܠܝ݂ܢ܂ ܘܢ݁ܐܣܐ ܠܗ݀ܢܘ݁ܢ ܕܟܪܝ݂ܗܝܢ܂ ܘܢܩ݁ܕܫ ܠܗ݀ܢܘ݁ܢ ܕܡܬܦܢܝܢ܂ ܟܕ
048:22	ܡܬܩܪܒܝܢ ܠܗܝܡܢܘ݂ܬܟ܂ ܡܛܠ ܕܚܝܠܬܢܐ ܐܝ݂ܬܝܟ ܘܡܫܒܚܐ ܠܥܠܡܥܠܡܝܢ܂
048:23	ܥܡܐ ܐܡܝܢ܀
048:24	ܟ̄ܗ̄܂ ܒܗ݀ ܒܕܡܘ݂ܬܐ ܗܝ݂ ܟܕ ܗܝ݂ ܐܦ ܥܠ ܡܝ̈ܐ܂