← Back
The Comprehensive Aramaic Lexicon
← Return to the Text Browser
click on the file description for more information

60376: TDN par. 26

Click on a word for lexical analysis
Click on a red-colored coordinate for comments and/or translations of the line

previous chapter


050:01 ܟ̄ܘ̄܂ ܒܫܦܪܐ ܕܝܢ ܥܡܝܩ݂ܐ ܢܟܢܘ݁ܫ ܐܦܝܣܩܘܦܐ ܠܥܡܐ܂ ܐܝܟܢܐ
050:02 ܕܥܕܡܐ ܕܢܕܢܚ ܫܡܫܐ ܬܫܬܡܠܐ ܬܫܡܫܬܐ܀
050:03 ܠܬܫܒܘܚܬܐ ܕܝܢ ܩܕܡܝܬܐ ܕܫܦܪܐ ܟܕ ܐܡ݁ܪ܂ ܟܕ ܩܪܝܒܝܢ ܩܫܝ̈ܫܐ
050:04 ܘܡܫܡ̈ܫܢܐ ܘܗܠܝܢ ܕܫܪܟܐ ܐܦ ܡܗܝܡ̈ܢܐ܂ ܢܐܡܪ ܗܟܢܐ܀
050:05 ܬܫܒܘܚܬܐ ܠܡܪܝܐ܂
050:06 ܘܥܡܐ ܢܐܡܪ܃ ܫ݁ܘܐ ܘܙ݁ܕܩ܀
050:07 ܬܫܒܘܚܬܐ ܫܦܪܝܬܐ܂
050:08 ܐܦܝܣܩܘܦܐ܃ ܫ݁ܘܐ ܘܙ݁ܕܩ܂ ܕܢܫ݁ܒܚ܂ ܘܢܩ݁ܠܣ ܘܢ݁ܘܕܐ܂ ܠܟ ܠܗܘ݁ ܕܥܒ݂ܕܬ
050:09 ܟܠ܂ ܠܐ ܡܬܡܠܠܢܐ ܐܠܗܐ܂ ܟܕ ܠܥܠ ܡ݁ܬܚܝ݂ܢܢ ܢܦܫ̈ܬܢ܂ ܬܫܒܘܚܬܐ

050:10 ܨܦܪܝܬܐ ܡ݁ܣܩܝܢܢ ܠܟ ܡܪܝܐ܂ ܠܟ ܗܘ݁ ܚܟܝ݂ܡ ܒܟܠ܂ ܚܝܠܬܢܐ ܣܓܝ ܪ̈ܚܡܐ

050:11 ܐܠܗܐ܂ ܡܫܪܪܢܐ ܘܡܩܝܡܢܐ ܕܢܦܫ̈ܬܢ܂ ܡܫܒܚܝ݂ܢܢ ܠܟ܂ ܡܠܬܐ ܗܘ݁ ܕܡܢ ܩܕܡ
050:12 ܥ̈ܠܡܐ܂ ܐܬܝ݂ܠܕ ܡܢ ܐܒܐ܂ ܘܒܠܚܘ݁ܕܝܟ ܥܡ ܩܕܝ̈ܫܝܟ ܡܬܬܢܝ݂ܚ ܐܢܬ܂
050:13 ܠܟ ܗܘ݂ ܕܒܬܫ̈ܒܚܬܐ ܕܪ̈ܝܫܝ ܡ̈ܠܐܟܐ ܡܫܬܒܚ ܐܢܬ܂ ܠܟ ܠܥܒ݁ܘܕܐ ܕܠܐ
050:14 ܥܒܝ݂ܕ ܒܐܝܕ̈ܝܐ ܘܡܫܘܕܥܢܐ ܕܩܘܕ̈ܫܐ ܠܐ ܡ݂ܬܚܙܝ̈ܢܐ܂ ܕܟܝ̈ܐ ܘܕܠܐ ܛܘ݂ܠܫܐ܂
050:15 ܠܟ ܠܗܘ݁ ܕܐܘܕܥܬ ܠܢ ܐܪ̈ܙܐ ܡܛܫ̈ܝܐ܂ ܕܚܟܡܬܐ܂ ܘܡܠ݂ܟܬ ܠܢ ܢܘܗܪܐ
050:16 ܕܠܐ ܡ݁ܝܘܬܘ݂ܬܐ܂ ܫܘ݂ܒܚܐ ܡܣܩܝ݂ܢܢ ܠܟ ܒܩܕܝܫܘܬܐ ܕܟܝܬܐ܂ ܚܢܢ ܥܒ̈ܕܐ
050:17 ܕܝܠܟ ܡܪܝܐ܀
050:18 ܘܥܡܐ ܢܐܡܪ܃ ܠܟ ܡܫܒܚܝ݂ܢܢ܂ ܠܟ ܡܒܪܟܝ݂ܢܢ܂ ܠܟ ܡܘܕܝܢܢ ܡܪܝܐ
050:19 ܘܡܬܟܫܦܝܢܢ ܠܟ ܐܠܗܢ܀
050:20 ܬܘܒ ܐܦܝܣܩܘܦܐ܃ ܐܠܗܐ ܝ݁ܠܘܕܐ ܕܢܘܗܪܐ܂ ܪܝܫܐ ܕܚܝ̈ܐ܂ ܝ݁ܗܘ݁ܒܐ
050:21 ܕܝܕܥܬܐ܂ ܫܘ݂ܟܢܐ ܕܛܝܒܘܬܐ܂ ܥ݁ܒܘܕܐ ܕܢܦܫ̈ܬܐ܂ ܘܥ݁ܒܕ ܫܦܝ݂ܪ̈ܬܐ܂ ܝ݁ܗܘܒܐ
050:22 ܕܪܘܚܐ ܩܕܝܫܐ܂ ܓܙܐ ܕܚܟܡܬܐ܂ ܘܥ݁ܒܕ ܛܒ̈ܬܐ ܡܪܝܐ܂ ܡܠܦܢܐ ܕܩܕܝܫܘܬܐ܂
050:23 ܐܚܝܕ ܒܨܒܝ݁ܢܗ ܠܥ̈ܠܡܐ܂ ܡܩܒܠܢܐ ܕܨ̈ܠܘܬܐ ܕܟܝ̈ܬܐ܂ ܠܟ ܡܫܒܚܝ݂ܢܢ܂ ܒܪܐ
050:24 ܝܚܝ݂ܕܝܐ܂ ܒܘܟܪܐ ܘܡܠܬܐ ܕܐܒܐ܂ ܗܘ݁ ܕܟܠܗ݀ ܛܝܒܘܬܟ ܫ݁ܟܢܬ ܠܢ ܠܗ݀ܢܘܢ
050:25 ܕܩ݁ܪܝܢ ܠܟ ܡܥܕܪܢܐ܂ ܘܠܐܒܐ ܝ݁ܠܘܕܟ܂ ܗܘ݁ ܕܝ݁ܬܐ ܠܐ ܡܬܢܟܝ݁ܢܝ݂ܬܐ ܐܝ݂ܬ
050:26 ܠܟ܂ ܐܝܟܐ ܕܠܐ ܣܣܐ ܐܦܠܐ ܐܟܠܐ ܡܚܒܠܝܢ܂ ܗܘ݁ ܕܠܗ݀ܢܘܢ ܕܒܟܠܗ
050:27 ܠܒܗܘ݁ܢ ܬܟܝ݂ܠܝ݂ܢ ܥܠܝܟ܂ ܝ݁ܗܒ ܐܢܬ܂ ܗܠܝܢ ܕܒܗܝܢ ܐܬܪܓܪܓܘ ܡ̈ܠܐܟܐ

next chapter