The Comprehensive Aramaic Lexicon


052:01	ܕܢܚܘ݂ܪܘܢ܂ ܗܘ݁ ܢܛܘ݁ܪܐ ܕܢܘ݂ܗܪܐ ܡܬܘܡܝܐ܂ ܘܓܙ̈ܐ ܠܐ ܡܬܚܒ̈ܠܢܐ܂ ܗܘ݁

052:02	ܕܠܚܫܘ݁ܟܐ ܗܘ݁ ܕܒܢ܂ ܒܨܒܝ݁ܢܐ ܕܐܒܘܟ ܐܢܗܪܬ܂ ܗܘ݁ ܕܐܣܩ݂ܬ ܠܢ ܡܢ
052:03	ܬܗܘ݁ܡܐ ܠܢܘ݂ܗܪܐ܂ ܗܘ݁ ܕܝܗܒܬ ܠܢ ܡܢ ܡܘܬܐ ܚܝ̈ܐ܂ ܗܘ݁ ܕܫܟܢܬ ܠܢ
052:04	ܚܐܪܘܬܐ ܡܢ ܥܒܕܘܬܐ܂ ܗܘ݁ ܕܒܨܠܝ݂ܒܐ ܒܝܬܝ݂ܬ ܠܢ ܠܐܒܘܟ܂ ܘܠܪ̈ܘܡܐ
052:05	ܕܫܡ̈ܝܐ ܒܝܕ ܐܘܢܓܠܝܘܢ ܕܝ݂ܠܟ ܗ݀ܕܝ݂ܬ ܠܢ܂ ܘܒܝܕ ܢܒܝ̈ܐ ܕܝܠܟ ܒܝܐܬ ܠܢ܂
052:06	ܗܘ݁ ܕܒܝܕ ܩܢܘ݁ܡܟ ܒܝܬܝܬ ܠܢ ܠܐܠܗܐ ܐܒܐ ܕܢܘܗܪ̈ܐ܂ ܗܒܠܢ ܡܪܝܐ܂
052:07	ܕܠܟ ܐܠܗܢ ܢܫܒܚ܂ ܐܝܟܢܐ ܕܒܟܠܙܒܢ ܒܩܘ݂ܒܠ ܛܝܒܘ݂ܬܐ ܕܠܐ ܫܠܝܐ
052:08	ܢܐܡܪ ܠܟ ܬܫܒܚ̈ܬܐ ܚܢܢ ܥܒܕ̈ܐ ܕܝܠܟ ܡܪܝܐ܀
052:09	ܥܡܐ܃ ܠܟ ܡܫܒܚܝ݂ܢܢ܂ ܠܟ ܡܒܪܟܝ݂ܢܢ܂ ܠܟ ܡܘܕܝܢܢ܂ ܠܟ ܡܬܟܫܦܝ݂ܢܢ
052:10	ܐܠܗܢ܀
052:11	ܐܦܝܣܩܘܦܐ ܢܐܡܪ ܬܘܒ܃ ܡܬܠܬܝܢܢ ܠܟ ܬܫܒܘܚܬܐ ܗܕܐ ܡܢ
052:12	ܦܘܡ̈ܐ ܕܝܠܢ܂ ܠܝܘܩܢܐ ܕܡܠܟܘ݂ܬܐ ܕܝ݂ܠܟ܂ ܒܪܐ ܕܐܠܗܐ܂ ܗܘ݁ ܕܒܝܕ ܥܠܡ܂
052:13	ܗܘ݁ ܕܠܥܠ ܡܢ ܟܠ܂ ܥܡ ܐܒܐ܂ ܗܘ݁ ܕܟܠܗ݀ ܒܪܝ݂ܬܐ ܡܫܒܚܐ ܟܕ ܪܥ݁ܠܐ ܡܢ
052:14	ܕܚܠܬܐ ܕܪܘܚܟ܂ ܡܢ ܗܘ݁ ܕܟܠ ܟܝ݁ܢܐ ܪܥ݁ܠ ܕܚ݁ܠ܂ ܘܟܠ ܢܦܫܐ ܕܙܕ̈ܝܩܐ
052:15	ܡܒܪܟܐ܂ ܠܘܬ ܗܘ݁ ܕܟܠܢ ܐܬܓܘܣܢܢ܂ ܗܘ݁ ܕܐܢܝ݂ܚ ܡܢܢ ܫܓܘܫܝܐ܂ ܡܚܫܘ̈ܠܐ܂
052:16	ܪܘ݂ܚܐ܂ ܗܘ݁ ܕܗ݂ܘܐ ܠܢ ܠܡܐܢܐ ܕܢܝ݁ܚ̈ܐ܂ ܘܒܝܬ ܡܥܪܩܐ ܕܡܢ ܚܒܠܐ܂ ܗܘ݁
052:17	ܕܥܠܘܗܝ ܣܒܪܐ ܕܦܘ݂ܪܩܢܐ ܕܠܥܠܡ ܐܝ݂ܬ ܠܢ܂ ܗܘ݁ ܕܠܗ݀ܢܘ݁ܢ ܕܒܝܡ̈ܡܐ
052:18	ܘܒܟܐܡܘ̈ܢܐ ܡ݂ܬܛܪܦ݂ܝܢ܂ ܥ݁ܒܕ ܐܢܬ ܡܫܝܢܘ݂ܬܐ ܕܨܚܘܐ܂ ܗܘ݁ ܕܒܟܘܪ̈ܗܢܐ
052:19	ܡ݂ܬܛܦܝ݂ܣ ܐܢܬ܂ ܘܡ݁ܓܢ ܡܐܣܐ ܐܢܬ܂ ܗܘ݁ ܕܒܒܝܬ
052:20	ܐܣܝܪ̈ܐ ܠܘܐ ܐܢܬ ܠܗ݀ܢܘ݁ܢ ܕܚܒܝ݂ܫܝܢ܂ ܗܘ݁ ܕܡܢ ܐܣܘܪ̈ܐ ܕܡܘܬܐ ܫ݂ܪܝܬ
052:21	ܠܢ܂ ܗܘ݁ ܡܒܝܐܢܐ ܕܡܣܟ̈ܢܐ ܘܕܗ݀ܢܘ݁ܢ ܕܡܬܐܒܠܝܢ܂ ܘܕܗ݀ܢܘ݁ܢ ܕܥܡ݂ܠܘ
052:22	ܘܠܐܝ݂ܘ ܒܨܠܝ݂ܒܐ܂ ܗܘ݁ ܕܠܟܠ ܓܙܡܐ ܡܢܢ ܡ݁ܗܦܟ܂ ܗܘ݁ ܕܠܛܘ݂ܟܢܐ ܕܣܛܢܐ
052:23	ܡܛܠܬܢ ܐܟ݁ܣ݂ܬ܂ ܗܘ݁ ܕܠܓܙ̈ܡܐ ܕܝ݂ܠܗ ܛ݁ܪܕ ܐܢܬ܂ ܘܝ݁ܗܒ ܐܢܬ ܠܢ ܠܒܝܒܘ݂ܬܐ܂
052:24	ܗܘ݁ ܕܠܟܠܗ݀ ܛܥ݁ܝܘ݂ܬܐ ܕܚ݁ܩ ܐܢܬ܂ ܡܢ ܗ݀ܢܘܢ ܕܬܟܝ݂ܠܝ݂ܢ ܥܠܝܟ܂ ܠܗܘ݁ ܕܫܒܚܘ
052:25	ܢܒܝ̈ܐ ܘܫܠܝ݂̈ܚܐ ܟܣܝܐܝܬ܂ ܠܟ ܡܫܒܚܝ݂ܢܢ ܡܪܝܐ܂ ܠܟ ܡܣܩܝܢܢ ܡܡܠܠܘܬ
052:26	ܫܘ݂ܒܚܐ܂ ܐܝܟܢܐ ܕܟܕ ܐܣܬܟܠܢܢ ܒܟ܂ ܢܬܬܢܝ݂ܚ ܒܐܘܘ̈ܢܐ ܕܚܝ̈ܐ ܟܕ