The Comprehensive Aramaic Lexicon

056:01	ܕܪ̈ܝܫܝ ܡ̈ܠܐܟܐ ܡܫ̈ܒܚܢܐ܂ ܘܒܗܘ݁ܢ ܡ݂ܬܬܢܝܚ ܐܢܬ܂ ܥܢܝ݂ ܠܢ ܡܪܝܐ
056:02	ܡܬܟܫܦܝܢܢ ܠܟ܂ ܗܒܠܢ ܕܥܡ ܠܒܝ݂ܒܘ݂ܬܐ܂ ܩܠܐ ܕܠܐ ܫܠܝܐ ܠܟ ܢܫܒܚ܂ ܠܟ
056:03	ܢܩ݁ܠܣ܂ ܠܟ ܢܣ݁ܩ ܡܡܠܠܘܬ ܫܘ݂ܒܚܐ܂ ܐܝܟܢܐ ܕܟܕ ܡܢܟ ܡ݂ܬܢܛܪܝܢ݂ܢ܂
056:04	ܘܒܢܘܗܪܐ ܡܬܗܕܝܢܢ ܚܢܢ ܥܒܕ̈ܐ ܕܝ݂ܠܟ ܡܪܝܐ܂ ܐܡܝ݂ܢܐܝܬ ܢܫܒܚܟ܀
056:05	ܥܡܐ܃ ܠܟ ܡܫܒܚܝ݂ܢܢ܂ ܠܟ ܡܒܪܟܝ݂ܢܢ܂ ܠܟ ܡܘܕܝܢܢ ܡܪܝܐ܂ ܘܡ݂ܬܟܫܦܝ݂ܢܢ
056:06	ܠܟ ܐܠܗܢ܀
056:07	ܟܗܢܐ܃ ܡܪܝܐ ܝܫܘ݁ܥ ܫܡ݂ܥ ܠܢ ܩܕܝ݂ܫܐ܂ ܗܘ݁ ܕܗܘ݂ܝܬ ܩܠܐ ܕܚܪ̈ܫܐ
056:08	ܘܠܐ ܡ̈ܠܝ݂ܠܐ܂ ܫܘܪܪܐ ܕܡܫܪ̈ܝܐ܂ ܗܘ݁ ܡ݁ܢܗܪܢܐ ܕܣܡ̈ܝܐ܂ ܡܗܕܝܢܐ ܕܚܓܝܪ̈ܐ܂

056:09	ܡܕܟܝܢܐ ܕܓܪ̈ܒܐ܂ ܡܚܠܡܢܐ ܕܪ̈ܕܝܐ ܗܘܠ̈ܢܝܐ܂ ܐܣܝܐ ܕܕܘ̈ܓܐ܂ ܡܟܣܢܐ

056:10	ܕܡܘܬܐ܂ ܘܡܫܢܩܢܐ ܕܚܫܘ݁ܟܐ܂ ܙܠܝ݂ܩܐ ܕܢܘܗܪܐ܂ ܘܠܡܦܝܕܐ ܕܠܐ ܕܥ݁ܟ܂
056:11	ܫܡܫܐ ܕܠܐ ܕܥ݁ܟ܂ ܢ݁ܐܚ܂ ܐܠܐ ܒܟܠܙܒܢ ܒܩܕܝ̈ܫܘܗܝ ܡ݁ܢܗܪ܂ ܗܘ݁ ܕܠܟܠܗܝܢ
056:12	ܐܟܚܕܐ ܩܒ݂ܥܬ ܠܫܦܝܪܘܬ ܕܡܘܬܐ ܕܨܒܬܐ܂ ܗܘ݁ ܕܐܢܬ ܐܝ݂ܬܝܟ ܡܚܫܒܬܐ
056:13	ܕܫܦܝ݂ܪܘܬ ܡܘܙܓܐ܂ ܗܘ݁ ܕܥܠ ܟܠ ܓܠܝܐܝ݂ܬ ܐܕܢܚܬ܂ ܗܘ݁ ܦܪܘ݁ܩܐ ܕܒܢ̈ܝ
056:14	ܐܢܫܐ ܘܡܦܢܝ݁ܢܐ ܕܢܦܫ̈ܬܐ܂ ܗܘ݁ ܕܕܟܠܗܝܢ ܐܝܟ ܕܫ݁ܘܝܐ ܐܝ݂ܬܝܟ ܝ݁ܨܘ݁ܦܐ܂
056:15	ܗܘ݁ ܥ݁ܒܘܕܐ ܕܡ̈ܠܐܟܐ܂ ܡܨܒܬܢܐ ܕܟܠ܂ ܘܬܪܥܝ݂ܬܐ ܕܐܒܐ܂ ܗܘ݁ ܕܠܥ̈ܠܡܐ
056:16	ܒܣܘ݂ܟܠܐ ܘܒܚܟܡܬܐ ܩܝ݁ܡܬ܂ ܘܐܟܚܕܐ ܩܒ݂ܥܬ܂ ܘܡܢ ܐܒܘܟ ܡܬܘܡܝܐ
056:17	ܠܘܬܢ ܐܫܬܕܪܬ܂ ܗܘ݁ ܗܘܢܐ ܕܪܘ݂ܚܐ ܠܐ ܡܬܕܪܟܢܐ ܘܠܐ ܡܬܦܫܩܢܐ܂
056:18	ܗܘ݁ ܡܫܘܕܥܢܐ ܕܗܠܝܢ ܕܠܐ ܡܬܚܙ̈ܝܢ܂ ܡܫܒܚܐ ܐܝ݂ܬܝܟ܂ ܘܬܡܝ݂ܗܐ ܐܝܬܘܗܝ
056:19	ܫܡܟ܂ ܡܛܠܗܕܐ ܐܦ ܚܢܢ ܥܒܕ̈ܐ ܕܝܠܟ ܡܪܝܐ܂ ܠܟ ܡܫܒܚܝܢܢ܀
056:20	ܥܡܐ܃ ܠܟ ܡܫܒܚܝ݂ܢܢ܂ ܠܟ ܡܒܪܟܝ݂ܢܢ܂ ܠܟ ܡܘܕܝܢܢ ܡܪܝܐ܂ ܘܡܬܟܫܦܝܢܢ
056:21	ܠܟ ܐܠܗܢ܀
056:22	ܟܗܢܐ܃ ܡܬܠܬܝ݂ܢܢ ܠܟ ܡܪܝܐ ܩܕܝܫܐ܂ ܠܬܫܒܘܚܬܐ ܗܕܐ܂ ܠܗܘ݁
056:23	ܕܝܗܒܬ ܠܢ ܗܝܡܢܘܬܐ ܕܒܟ ܠܐ ܡܫܬܪܝܢܝ݂ܬܐ܂ ܗܝ݁ ܕܒܐܝܕ̈ܝܗ݀ ܥܒ݂ܕܬ ܠܢ
056:24	ܠܡܙܟܐ ܠܐܣܘܪ̈ܐ܂ ܕܡܘܬܐ܂ ܠܗܘ݁ ܕܒ݂ܪܝܬ ܬܪ̈ܥܝܬܐ ܬܪ̈ܝܨܬܐ܂ ܠܗ݀ܢܘ݁ܢ
056:25	ܕܬܟܝ݂ܠܝܢ ܥܠܝܟ܂ ܐܝܟܢܐ ܕܢܗܘܘܢ ܐ̈ܠܗܐ܂ ܠܗܘ݁ ܕܫ݁ܟܢܬ ܠܢ ܒܝܕ ܪܘ݂ܚܐ܂
056:26	ܠܡܕܫܘ݂ ܠܟܠܗ ܚܝܠܗ ܕܗܘ݁ ܕܠܩܘ݂ܒܠܐ܂ ܠܘܬ ܗܝ݁ ܕܠܐ ܢܫ݂ܪܐ ܗ݀ܠܝܢ ܕܠܐ
056:27	ܡܫܬܪ̈ܝܢ܂ ܥܒܕܬ ܠܢ ܕܝܢ ܪܚ݁ܡܘܬܐ ܠܘܬ ܐܒܘܟ܂ ܒܝܕ ܡܨܥ݁ܝܘ݂ܬܟ܂ ܥܢܝ݂ ܠܢ
056:28	ܠܥܒ̈ܕܐ ܕܝܠܟ ܡܪܝܐ܂ ܠܗܘ݁ ܕܡܦܝ݂ܣܝܢܢ܂ ܠܐ ܡܗܡܝܢܢ܂ ܗܘ݁ ܕܒܬܟܫܦܬܐ