← Back
The Comprehensive Aramaic Lexicon
← Return to the Text Browser
click on the file description for more information

60376: TDN pars. 27-28

Click on a word for lexical analysis
Click on a red-colored coordinate for comments and/or translations of the line

previous chapter


058:01 ܕܝܠܢ ܝܗ݂ܒ ܚܝܠܐ ܠܘܩܒܠ ܗܘ݁ ܕܠܩܘ݂ܒܠܐ܂ ܠܗܘ݁ ܕܒܟܠܙܒܢ ܫ݁ܐܠܝ݂ܢܢ܂ ܐܝܟ
058:02 ܕܠܡܗܦܟܢܘ݂ܬܐ ܕܒܝ݂ܫܐ܂ ܫܡ݂ܥ ܠܢ ܡܠܟܐ ܕܠܥܠܡ܂ ܠܐܪ̈ܡܠܬܐ ܒܝܐ܂ ܠܝܬܡ̈ܐ

058:03 ܣܝ݁ܥ܂ ܠܗ݀ܢܘ݁ܢ ܕܡܬܬܥܒܕܝܢ ܡܢ ܪ̈ܘܚܐ ܛܢ̈ܦܬܐ܂ ܟܕ ܚ݁ܐܣ ܐܢܬ ܕܟܐ܂

058:04 ܠܠܐ ܚܟ̈ܝܡܐ ܚ݁ܟܡ܂ ܠܗ݀ܢܘ݁ܢ ܕܛ݁ܥܝܢ ܐܦ݂ܢܐ܂ ܠܗ݀ܢܘ݁ܢ ܕܒܒܝܬ
058:05 ܐܣܝ݂ܪ̈ܐ ܦܨܐ܂ ܠܟܠܢ ܢ݁ܛܪ܂ ܡܛܠ ܕܐܢܬ ܡܪܝܐ ܐܝ݂ܬܝܟ ܐܠܗܢ܂ ܡܒܪܟܐ
058:06 ܘܡܫܒܚܐ ܡܠܟܘܬܐ ܕܝܠܟ܀ ܥܡܐ ܐܡܝܢ܀
058:07 ܟ̄ܙ̄܂ ܒܬܪܟܢ ܬܫܬܡܠܐ ܨܠܘ݁ܬܐ܂ ܘܢ݂ܩܪܐ ܡܟܝ݂ܠ ܩ݁ܪܘܝܐ܂ ܢܒܝ̈ܐ ܘܗܠܝܢ
058:08 ܕܫܪܟܐ܂ ܩܫܝܫܐ ܐܘ ܫܡܫܐ ܢܩܪܐ ܐܘܢܓܠܝܘܢ܂ ܘܒܬܪܟܢ ܐܦܝܣܩܘܦܐ
058:09 ܐܘ ܩܫܝܫܐ܂ ܢ݁ܠܦ ܗܠܝܢ ܕܦܩܚ̈ܢ ܘܡܘܬܪ̈ܢ܃ ܒܬܪܟܢ ܬܗܘܐ ܨܠܘ݁ܬܐ܃
058:10 ܡܬܬܪ̈ܬܝܢܐ ܢܩܒܠܘܢ ܣܝ݁ܡ ܐܝܕܐ܀
058:11 ܟ̄ܚ̄܂ ܒܬܪܟܢ ܐܦܝܣܩܘܦܐ ܢ݁ܠܦ ܗܠܝܢ ܐܪ̈ܙܢܝܬܐ ܠܥܡܐ܂ ܐܢܕܝܢ ܠܐ
058:12 ܩܪܝ݂ܒ܂ ܢܐܡܪ ܩܫܝܫܐ ܐܝܟܢܐ ܕܢܕܥܘܢ ܡܗܝ̈ܡܢܐ܂ ܠܡܢܘ݂ ܡܬܩܪܒܝܢ܂ ܘܡܢܘ݂
058:13 ܐܝܬ ܠܗܘ݁ܢ ܐܠܗܐ ܘܐܒܐ܂ ܗܝܕܝܢ ܡܠܦܢܘܬ ܐܪ̈ܙܐ ܬܬܐܡ݂ܪ ܗܟܢܐ܂
058:14 ܡܝܬܝܘܬ ܐܪ̈ܙܐ ܕܡ݂ܬܐܡܪܐ ܩܕܡ ܩܘܪܒܢܐ ܠܡܗܝ̈ܡܢܐ܃
058:15 ܗܘ݁ ܕܩܕܝܡ ܐܝ݂ܬܘܗܝ ܘܩܪܝ݂ܒ ܗܘܐ ܘܐܝ݂ܬܘܗܝ ܘܐܬܐ܂ ܗܘ݁ ܕܚ݂ܫ
058:16 ܘܐܬܩܒܪ ܘܩ݂ܡ܂ ܘܐܫܬܒܚ ܡܢ ܐܒܐ܂
058:17 ܗܘ݁ ܕܠܚܒ̈ܠܐ ܕܝ݂ܠܢ ܡܢ ܡܘܬܐ
058:18 ܫܪܐ܂ ܗܘ݁ ܕܩ݂ܡ ܡܢ ܡܝ̈ܬܐ ܘܠܘ ܒܪܢܫܐ ܒܠܚܘ݁ܕ ܐܝܬܘܗܝ܃ ܐܠܐ ܥܡ
058:19 ܗܕܐ ܐܦ ܐܠܗܐ܂ ܗܘ݁ ܕܒܪܘ݂ܚܐ ܩܕܝܫܐ ܠܒܣܪܐ ܕܐܕܡ ܥܡ ܢܦܫܐ
058:20 ܐܗܦܟ ܠܠܐ ܡ݁ܝܘܬܘ݂ܬܐ ܡܛܠ ܕܒܪܘ݂ܚܐ ܠܐܕܡ ܢܛܪ܂ ܗܘ݁ ܕܠܐܕܡ
058:21 ܕܡܝܬ ܗ݂ܘܐ ܠܒ݂ܫ ܘܐܚܝܗ܂ ܗܘ݁ ܕܠܫܡܝܐ ܣܠ݂ܩ܂ ܗܘ݁ ܕܟܕ ܬܚܘܬܘܗܝ ܢܦ݂ܠ
058:22 ܡܘܬܐ܂ ܡܢ ܒܬܪ ܨܠܝ݂ܒܐ ܐܙܕܟ݂ܝ܂ ܟܕ ܐܣܬܕܩܘ ܐܣܘܪ̈ܘܗܝ܂ ܗ݀ܢܘ݁ܢ
058:23 ܕܟܕ ܒܐܝܕ̈ܝܗܘܢ ܒܙܒܢ ܐܬܚܝܠ ܘܐܬܡܨܝ݂ ܠܩܘ݂ܒܠܢ ܐܟܠܩܪܨܐ܂ ܒܝܕ ܚܫܗ
058:24 ܠܐ ܚܫܚܐ ܘܡܚܝ݂ܠܐ ܐܬܚܙܝ݂܂ ܟܕ ܠܚܒ̈ܠܘܗܝ ܦܣܩ ܘܠܚܝܠܗ܂ ܟܕ ܐܬܦܣܩܘ
058:25 ܢܫܒܘ̈ܗܝ܂ ܘܡܚܝܗܝ ܥܠ ܦܪܨܘ݁ܦܗ܂ ܗܘ݁ ܕܡ݁ܠ݂ܐ ܗ݂ܘܐ ܚܫܘ݁ܟܐ܂ ܘܐܬܬܙܝ݂ܥ
058:26 ܘܕܚ݂ܠ ܟܕ ܚܙ݂ܝܗܝ ܠܝܚܝܕܝܐ ܒܪܐ܂ ܠܗܘ݁ ܡܢܦܫܐ ܕܒܐܠܗܘܬܐ ܢܚ݂ܬ ܠܫܝܘ݁ܠ܂
058:27 ܠܗܘ݁ ܕܡܢ ܡܪ̈ܘܡܐ ܕܟܝ̈ܐ܂ ܕܠܥܠ ܡܢ ܫܡܝܐ ܢܚ݂ܬ܂ ܠܬܪܥܝܬܐ ܗܝ݁

next chapter