The Comprehensive Aramaic Lexicon

060:01	ܠܐ ܡܬܦܠܓܢܝܬܐ ܕܡܢ ܐܒܐ܂ ܘܫܘܝܬ ܒܨܒܝ݁ܢܐ ܕܝ݂ܠܗ܂ ܠܗܘ݁ ܥ݁ܒܘܕܐ
060:02	ܕܫܡܝܐ ܥܡ ܐܒܐ ܕܝ݂ܠܗ܂ ܗܘ݁ ܕܐܝ݂ܬܘܗܝ ܟܠܝ݂ܠܐ ܕܡ̈ܠܐܟܐ܂ ܘܥܘ݂ܫܢܐ
060:03	ܕܪ̈ܝܫܝ ܡ̈ܠܐܟܐ܂ ܘܠܒܘ݂ܫܐ ܕܚܝ̈ܠܘܬܐ ܘܪܘ݂ܚܐ ܕܡܪ̈ܘܬܐ܂ ܠܗܘ݁ ܫܠܝ݂ܛܐ
060:04	ܕܡܠܟܘܬܐ ܡܬܘܡܝܬܐ܂ ܘܪܝܫܢܐ ܕܩܕ̈ܝܫܐ܂ ܗܘܢܐ ܠܐ ܡܬܕܪܟܢܐ ܕܐܒܐ܂
060:05	ܠܗܘ݁ ܕܐܝܬܘܗܝ ܗܘ݂ ܚܟܡܬܐ܂ ܗܘ݂ ܚܝܠܐ܂ ܗܘ݂ ܡܪܝܐ܂ ܗܘ݂ ܬܪܥܝ݂ܬܐ܂
060:06	ܗܘܢܐ܂ ܐܝ݂ܕܐ܂ ܕܪܥܐ ܕܐܒܐ܀
060:07	ܟܕ ܡܗܝܡܢܝܢܢ ܡܘܕܝܢܢ܂ ܗܘ݁ ܕܐܝ݂ܬܘܗܝ ܢܘ݂ܗܪܐ܂ ܦܘܪܩܢܐ܂ ܦܪܘܩܐ܂
060:08	ܡܣܬܪܢܐ܂ ܡܥܕܪܢܐ܂ ܡܠܦܢܐ܂ ܡܦܨܝ݁ܢܐ܂ ܦܪܥ ܐܓܪܐ܂ ܡܣ݁ܝܥܢܐ܂ ܫܘܪܪܐ܂
060:09	ܫܘ݂ܪܐ ܕܝ݂ܠܢ܂ ܗܘ݁ ܪܥܝܐ܂ ܡܥ݁ܠܢܐ܂ ܬܪܥܐ܂ ܐܘ݂ܪܚܐ܂ ܚܝ̈ܐ܂ ܐܣܝܘ݂ܬܐ܂
060:10	ܬܘܪܣܝܐ܂ ܫܩܝܐ܂ ܕܝ݁ܢܐ ܕܝܠܢ܂ ܡܘܕܝܢܢ ܠܗ܂ ܚܫܘ݁ܫܐ ܠܐ ܚ݁ܫܘܫܐ܂ ܒܪܐ
060:11	ܠܐ ܒ݂ܪܝܐ܂ ܡܝ݂ܬܐ ܚܝܐ܂ ܒܪܐ ܕܐܒܐ܂ ܠܐ ܡܬܥܪܝܢܐ܂ ܡ݂ܬܥܪܝܢܐ܂ ܗܘ݁
060:12	ܕܠܚ̈ܛܗܝܢ ܫܩ݂ܠ ܟܕ ܐܝ݂ܬܘܗܝ ܕܠܐ ܚܛܗ܂ ܟܕ ܡܢ ܫܡܝܐ
060:13	ܐܒܗܝܐ ܢܦ݂ܩ܂ ܕܗܘ݁ ܕܦܓܪܗ ܟܕ ܡܬܩܨܐ܂ ܦܘܪܩܢܐ ܕܝܠܢ ܗ݀ܘܐ܂ ܘܕܡܐ
060:14	ܘܪܘ݂ܚܐ ܚܝ̈ܐ ܘܩܕܝܫܘܬܐ܂ ܘܡܝ̈ܐ ܕܘ݂ܟܝܐ ܕܝ݂ܠܢ܂ ܗܘ݁ ܕܡ݁ܢܗܪ ܠܠܒ̈ܘܬܐ
060:15	ܕܗ݀ܢܘ݁ܢ ܕܕܚ݁ܠܝܢ ܠܗ܂ ܟܕ ܒܟܠܗܝܢ ܥܡܗܘܢ ܐܝ݂ܬܘܗܝ܂ ܗܘ݁ ܕܠܟܠܗ݀ ܐܘ݂ܪܚܐ
060:16	ܕܐܟܠ ܩܪܨܐ ܥܒ݂ܕ ܠܢ ܐܟܣ̈ܢܝܐ܂ ܗܘ݁ ܡܚܕܬܢܐ ܕܢܦܫ̈ܬܐ܂ ܗܘ݁ ܕܥܠܘܗܝ
060:17	ܟܠܢ ܐܬܬ݂ܟܠܢܢ܀
060:18	ܗܢܐ ܟܕ ܐܠܗܐ ܐܝ݂ܬܘܗܝ܂ ܘܩܕܡ ܥ̈ܠܡܐ ܥܡ ܐܒܐ ܡܬܘܡܝܐ
060:19	ܐܠܗܐ܂ ܟܕ ܚܙܝܗܝ ܠܥܠܡܐ ܕܒܐܣܘܪ̈ܐ ܕܚܛܝ݂ܬܐ ܐܒ݁ܕ܂ ܟܕ ܒܚܝܠܐ
060:20	ܕܚܝܘܬ ܫܢܐ ܨܢܝ݂ܥܬܐ ܡܬܬܕܝܫ܂ ܘܒܝܕ ܠܐ ܝ݂ܕܥܬܐ ܘܛܥ݁ܝܘ݂ܬܐ ܠܡܘܬܐ
060:21	ܐܬܥܒܕܕ ܟܕ ܐܬܚܫܒ ܠܡܐܣܝܘ݂ ܠܓܢܣܐ ܕܒܢܝ̈ܢܫܐ܂ ܐܬ݂ܐ ܠܡܪܒܥܐ
060:22	ܒܬܘ݂ܠܝܐ܂ ܟܕ ܛ݁ܫܐ݂ ܡܢ ܟܠܗܝܢ ܡܫܪ̈ܝܬܐ ܕܫܡܝ̈ܢܐ ܘܠܚܝ̈ܠܘܬܐ ܣܩܘ݂ܒ̈ܠܝܐ

060:23	ܒܠܐ ܝܕܥܬܐ ܐܪܡܝ݂܂ ܟܕ ܕܝܢ ܒܣܪܐ ܡܬܚܒܠܢܐ ܠܒ݂ܫ ܗܘ݁ ܠܐ ܡܬܚܒܠܢܐ܂

060:24	ܟܕ ܠܐ ܡܬܚܒܠܢܐ ܥܒܕܗ ܠܒܣܪܐ ܗܘ݁ ܕܬܚܝܬ ܡܘܬܐ܂ ܒܝܕ ܗܕܐ ܚܘܝ݂
060:25	ܒܒܣܪܐ ܗܘ݁ ܕܠܒ݂ܫ ܕܐܕܡ ܗܘ݁ ܕܡܝܬ ܛܘ݂ܦܣܐ ܕܠܐ ܡܬܚܒܠܢܘ݂ܬܐ܂ ܕܒܗ
060:26	ܒܛܘ݂ܦܣܐ ܗܠܝܢ ܕܚܒ݁ܠܐ ܐܫܬܪ̈ܝ݂ܝܢ ܠܗܝܢ܀