The Comprehensive Aramaic Lexicon

064:01	ܠܗܘ݁ ܕܟܕ ܚܙܝܗܝ ܡܘܬܐ ܡܢܦܫܐ ܕܢܚ݂ܬ ܠܫܝܘ݁ܠ ܟܕ ܐܬܬܛܥܝ݂ ܣ݁ܒܪ ܗܘܐ
064:02	ܕܐܝ݂ܬܘܗܝ ܠܗ ܡܐܟܘ݁ܠܬܐ܂ ܐܟܡܐ ܕܐܝ݂ܬ ܗܘܐ ܠܗ ܥܝ݁ܕܐ܂ ܟܕ ܕܝܢ
064:03	ܚ݂ܙܐ ܒܗ ܫܘ݂ܦܪܐ ܕܐܠܗܘ݂ܬܐ ܩܥ݂ܐ ܒܩܠܐ ܟܕ ܐ݁ܡܪ܂ ܡܢܘ݂ ܗܢܐ ܕܠܒܪܢܫܐ
064:04	ܕܬܚܘܬܝ ܠܒܫ݂܃ ܠܝ ܕܝܢ ܙܟ݂ܐ܂ ܡܢܘ݂ ܗܢܐ ܗܘ݁ ܕܠܒܣܪܐ ܕܡܢܝ ܐܬܐܣܪ
064:05	ܡ݁ܥܕܐ ܡܢ ܐܒܕܢܐ܂ ܡܢܘ݂ ܗܢܐ ܕܠܒܝܫ ܐܪܥܐ܃ ܗܘ݂ ܕܝܢ ܫܡܝܐ
064:06	ܐܝ݂ܬܘܗܝ܂ ܡܢܘ݂ ܗܢܐ ܕܒܡܬܚܒܠܢܘ݂ܬܐ ܐܬܝ݂ܠܕ܃ ܗܘ ܕܝܢ ܠܐ ܡܬܚ݁ܒܠ܂
064:07	ܡܢܘ݂ ܗܢܐ ܐܟܣܢܝܐ ܕܢܡܘ̈ܣܝ܂ ܡܢܘ݂ ܗܢܐ ܫܒ݁ܝܐ ܕܗܠܝܢ ܕܝܠܝ܂ ܡܢܘ݂ ܗܢܐ
064:08	ܕܡܬܟܬܫ ܥܡ ܚܝܠܐ ܕܫܠܗܒܝܬܐ ܕܡܘܬܐ܂ ܘܙ݁ܟܐ ܠܚܫܘ݁ܟܐ܂ ܡܢܘ݂
064:09	ܗܢܐ ܫܘܒܚܐ ܚܕܬܐ ܕܒܗܢܐ ܚܙܘܐ܂ ܕܟܠܐ ܠܡܥܒܕ ܗܠܝܢ ܕܨܒ݁ܐ ܐܢܐ܂
064:10	ܡܢܘ݂ ܗܢܐ ܡܝ݂ܬܐ ܚܕܬܐ ܕܠܐ ܚܛܗ܂ ܡܢܘ݂ ܗܢܐ ܕܒܣܓܝܐܘ݂ܬܐ ܕܢܘܗܪܐ
064:11	ܠܚܫܘ݁ܟܐ ܡ݁ܟܡܗ܂ ܘܠܐ ܝ݁ܗܒ ܠܝ݂ ܕܥܠ ܗܠܝܢ ܕܝ݂ܠܝ ܐܫ݁ܬܠܛ܂ ܐܠܐ ܠܫܡܝܐ
064:12	ܢ݁ܬܦ ܠܢܦܫ̈ܬܐ ܗܠܝܢ ܕܠܝ ܐܬܝܗ̈ܒܝܢ܂ ܡܢܘ݂ ܗܢܐ ܫܘ݂ܒܚܐ ܕܟܠܐ ܠܗ
064:13	ܠܦܓܪܐ ܕܢܗ݂ܘܐ ܡ݂ܬܚܒܠܢܐ܂ ܡܢܘ݂ ܗܢܐ ܕܐܓܫܘ݁ܦ ܒܗ ܠܐ ܡܫܟܚ ܐܢ݂ܐ܂
064:14	ܡܢܘ݂ ܗܢܐ ܫܘ݂ܒܚܐ ܠܐ ܡܬܥܩܒܢܐ ܕܚܕܪ̈ܘܗܝ܀
064:15	ܘܝ ܠܝ܂ ܦܕܝܕ ܐܢ݂ܐ ܡܢ ܗܢܐ܂ ܘܡܢ ܗܠܝܢ ܕܝ݂ܠܗ܂ ܟܕ ܐܣܪܘܚ ܒܗܝܢ
064:16	ܘܠܐ ܡܕܡ ܐܝܬ ܠܝ܂ ܗܢܐ ܟܕ ܡܫܝ݂ܚܐ ܐܝ݂ܬܘܗܝ ܗܘܐ ܕܐܨܛܠܒ܂ ܗܘ݁
064:17	ܕܒܐܝܕܘ̈ܗܝ ܗܠܝܢ ܣܡ̈ܠܝܬܐ ܝܡܝܢ̈ܝܬܐ ܗܘ̈ܝ܂ ܘܗܠܝܢ ܕܠܬܚܬ ܐܝܟ ܗܠܝܢ
064:18	ܕܠܥܠ܂ ܘܗܠܝܢ ܕܒܣܬܪܐ ܐܝܟ ܗܠܝܢ ܕܩܕܡܐ܂ ܟܕ ܡܢ ܡܝ̈ܬܐ ܩ݂ܡ܂ ܘܠܫܝܘ݁ܠ
064:19	ܕܫ܂ ܘܒܡܘܬܐ ܠܡܘܬܐ ܩ݂ܛܠ܂ ܡܢ ܒܬܪ ܕܩܡ݂ ܒܝܘܡܐ ܬܠܝܬܝܐ܂ ܐܘܕܝ݂
064:20	ܠܐܒܐ ܟܕ ܐܡ݁ܪ܀ ܡܘܕܐ ܐܢ݂ܐ ܠܟ ܐܒܝ܂ ܠܘ ܒܣܦ̈ܘܬܐ ܗܠܝܢ ܕܐܟܚܕܐ
064:21	ܩܒ̈ܝܥܢ܂ ܘܐܦܠܐ ܒܠܫܢܐ ܕܓܘܫܡܐ ܗܘ݁ ܕܒܐܝܕ̈ܘܗܝ ܫܪܪܐ ܘܕܓܠܘܬܐ
064:22	ܢ݁ܦܩ݂ܝܢ܂ ܘܐܦܠܐ ܒܡܠܬܐ ܗܕܐ ܕܡܢ ܐܘ݂ܡܢܘ݂ܬܐ܂ ܗܟܢܐ ܗܘܠܢܝܐ ܢ݁ܦܩܐ܂
064:23	ܐܠܐ ܒܗܝ݁ ܒܪܬ ܩܠܐ ܡܘܕܐ ܐܢ݂ܐ ܠܟ ܡܠܟܐ܂ ܗܝ݁ ܕܒܐܝܕ̈ܝܟ ܠܟܠ
064:24	ܡܣܬܟܠܐ܂ ܗܝ݁ ܕܠܐ ܐܬ݁ܝܐ ܒܝܕ ܐܘܪܓܢܘܢ ܕܦܓܪܐ܂ ܗܝ݁ ܕܠܐ ܢ݁ܦܠܐ
064:25	ܒܐܕ̈ܢܐ ܒܣܪ̈ܢܝܬܐ܂ ܗܝ݁ ܕܠܐ ܐܝܬܝܗ݀ ܒܥܠܡܐ܂ ܘܠܐ ܒܐܪܥܐ ܡܫܬܒܩܐ܂
064:26	ܐܠܐ ܒܗܕܐ ܒܪܬ ܩܠܐ܂ ܪܘܚܐ ܗܘ݁ ܕܒܢ܂ ܟܕ ܠܟ ܒܠܚܘܕ܂ ܐܒܐ
064:27	ܡܡ݁ܠܠ܂ ܠܟ ܪܚ݁ܡ܂ ܠܟ ܡܫ݁ܒܚ܂ ܗܘ݁ ܕܒܐܝܕ̈ܘܗܝ ܐܦ ܟܠܗ݀ ܓܘܕܐ

064:28	ܕܓܡܝܪ̈ܐ ܩܕ̈ܝܫܐ܂ ܠܟ ܩ݁ܪܝܐ ܪܚܝ݂ܡܐ܂ ܠܟ ܐܒܐ܂ ܠܟ ܙܝ݁ܘܢܐ܂ ܠܟ