The Comprehensive Aramaic Lexicon

066:01	ܡܥܕܪܢܐ܂ ܡܛܠ ܕܐܢܬ ܐܝ݂ܬܝܟ ܟܠ܂ ܘܟܠ ܒܟ܂ ܗܘ݁ ܕܐܝ݂ܬܘܗܝ ܠܟ܂ ܘܠܐ
066:02	ܐܝ݂ܬܘܗܝ ܕܐܚܪܢܐ ܗܘ݁ ܡܐ ܕܐܝ݂ܬܘܗܝ܂ ܐܠܐ ܕܝ݂ܠܟ ܒܠܚܘܕܝܟ܂ ܗܘ݁
066:03	ܕܐܝܬܝܟ ܠܥ̈ܠܡܐ ܕܥ̈ܠܡܐ ܐܡܝܢ܀
066:04	ܢܕܥ ܗܟܝܠ ܪܥ݁ܝܐ ܠܐܪ̈ܙܐ ܕܟܠܗ ܟܝ݁ܢܐ܀
066:05	ܡܢ ܒܬܪ ܓܝܪ ܕܨ݁ܠܝܬ ܠܐܒܐ ܐܝܟ ܕܝ݁ܕܥܝ݂ܢ ܐܢܬܘ݁ܢ ܘܚ݁ܙܝܢ ܐܢܬܘ݁ܢ
066:06	ܡܣܬܠܩ ܐܢ݂ܐ ܐܡ݂ܪ ܝܫܘܥ܀
066:07	ܡܛܠ ܗܕܐ ܙ݁ܕܩ ܠܗ ܠܪܥܝܐ ܕܢܐܡܪ ܡܠܦܢܘ݂ܬܐ ܕܡܝܬܘܬ ܐܪ̈ܙܐ܂
066:08	ܐܝܟܢܐ ܕܢܗܘܘ݁ܢ ܝ݁ܕܥܝ݂ܢ ܕܠܡܢܘ݂ ܡܫܘܬܦ݂ܝܢ ܒܩܘܕ̈ܫܐ܂ ܘܕܡܢܘ݂ ܥ݁ܒܕܝܢ
066:09	ܥܘ݂ܗܕܢܐ܂ ܒܝܕ ܐܘܟܪܣܛܝܐ܀
066:10	ܘܠܚܪܬܐ ܢܐܡܪ ܒܬܪ ܗܠܝܢ ܗܟܢܐ܃ ܟܕ ܒܗ ܗܟܝܠ ܐܦܚܢܢ
066:11	ܐܬܓܘܣܢܢ܂ ܘܒܗ ܒܠܚܘܕܘܗܝ ܝܠ݂ܦܢܢ܂ ܕܐܝ݂ܬܝܗ݀ ܗܝ݁ ܕܢܬܠ܂ ܗܠܝܢ ܢܒܥܐ
066:12	ܡܢܗ܂ ܗܠܝܢ ܕܐܡ݂ܪ ܗܘ݂ ܕܝ݁ܗܒ ܠܢ܂ ܕܥܝܢܐ ܠܐ ܚܙܬ݁ ܘܐܕܢܐ ܠܐ ܫܡܥܬ݁܂
066:13	ܘܐܦܠܐ ܥܠ ܠܒܐ ܕܒܪܢܫܐ ܣܠ݂ܩ܂ ܗܠܝܢ ܕܛܝ݁ܒ ܐܠܗܐ܂ ܠܐܝܠܝܢ ܕܪܚ݁ܡܝ݂ܢ
066:14	ܠܗ܂ ܐܝܟܢܐ ܕܡܘ݁ܫܐ ܘܐܢܫܝ̈ܢ ܡܢ ܩܕܝ̈ܫܐ ܐܡ݂ܪܘ܂ ܟܕ ܒܗ ܗܟܝܠ ܣܒܪܢܢ܂
066:15	ܠܗ ܢܬܠ ܬܫܒܘ݁ܚܬܐ܂ ܕܠܗ ܫܘܒܚܐ ܘܐܘܚܕܢܐ܂ ܠܥ݁ܠܡ ܥܠܡܝܢ ܐܡܝܢ܀
066:16	ܐܡܝܢ ܢܐܡܪ ܥܡܐ܀

066:17	ܡܢ ܒܬܪ ܕܝܢ ܕܡܬܝܠܦ ܥܡܐ ܡܝܬܝܘܬ ܐܪ̈ܙܐ܂ ܬܬܩܪܒ ܐܘܟܪܣܛܝܐ܂

066:18	ܐܠܐ ܠܘ ܒܟܠܙܒܢ ܬܬܐܡܪ܂ ܗܝ݂ ܡܝܬܝܘܬ ܐܪ̈ܙܐ܂ ܐܠܐ ܐܢ ܒܦܣܟܐ܂
066:19	ܒܫܒܬܐ܂ ܘܒܚܕ ܒܫܒܐ ܘܒܝܘ̈ܡܬܐ ܕܕܢܚܐ܂ ܘܕܦܢܛܝܩܘ݁ܣܛܐ܀
066:20	ܟ̄ܛ̄܂ ܕܐܝܟܢܐ ܙ݁ܕܩ ܕܢܗܘܐ ܩܫܝܫܐ܂ ܩܫܝܫܐ ܟܝܪܘܛܘܢܝܬܝܢܐ ܢܗܘܐ
066:21	ܟܕ ܡܣܬܗܕ ܡܢ ܟܠܗ ܥܡܐ܂ ܐܝܟ ܗܠܝܢ ܕܩܕ̈ܡܝܢ ܐܬܐܡ݂ܪ̈ܝܢ܂ ܚܟܝ݂ܡܐ
066:22	ܒܩܪܝܢܐ܂ ܡܟܝ݂ܟܐ܂ ܡܣܟܢܐ܂ ܠܐ ܪܚ݁ܡ ܟܣܦܐ܂ ܕܣܓ̈ܝܐܬܐ ܥܡܝ݂ܠ ܠܗ
066:23	ܒܬܫܡ̈ܫܬܐ ܕܡܚܝ݂̈ܠܐ܂ ܕܡ݂ܬܒܚܪ ܕܟܝܐ܂ ܕܠܐ ܡܘ݁ܡܐ܂ ܐܢ ܗ݂ܘܐ ܐܝܟ
066:24	ܐܒܐ ܠܝܬܡ̈ܐ܂ ܐܢ ܠܡܣ̈ܟܢܐ ܫ݁ܡܫ܂ ܐܢ ܠܐ ܡ݁ܩܪ/ܡܒܝܪ#2#/ ܠܗ ܡܢ ܥܕܬܐ܂
066:25	ܕܒܟܠܗܝܢ ܐܝܬܘܗܝ ܫܦܝܪ ܕܚܠܬܐ܂ ܢܝ݂ܚܐ܂ ܐܝܟܢܐ ܕܟܕ ܗ݀ܘܐ ܒܟܠܗܝܢ