The Comprehensive Aramaic Lexicon

068:01	ܐܝ݂ܬܘܗܝ ܕܢܗ݂ܘܐ ܫ݁ܘܐ܂ ܕܢܬܓ̈ܠܝܢ ܠܗ ܡܢ ܐܠܗܐ܂ ܗܠܝܢ ܕܦܩ̈ܚܢ܂ ܘܗܠܝܢ
068:02	ܕܠ݁ܚܡ̈ܢ܂ ܐܝܟܢܐ ܕܝܢ ܕܐܦ ܠܫܘ݂ܟܢܐ ܕܐܣ݁ܝܘܬܐ ܢܫܬܘܐ܀
068:03	ܠ̄܂ ܗܝܕܝܢ ܡܬܬܣܪܚܢܘܬܐ ܕܩܫܝܫܐ ܬܗܘܐ ܗܟܢܐ܂ ܟܕ ܡ݁ܝܬܝܢ ܠܗ

068:04	ܟܠܗ ܩܝ݁ܡܐ ܟ݁ܗܢܝܐ܂ ܟܕ ܣ݁ܐܡ ܐܦܝܣܩܘܦܐ ܐܝܕܗ ܥܠ ܪܝܫܗ ܟܕ

068:05	ܓ݁ܫ݁ܦܝ݂ܢ ܒܗ ܩܫܝ̈ܫܐ ܘܠ݁ܒܟܝ݂ܢ ܠܗ܀ ܐܦܝ݂ܣܩܘܦܐ ܟܕ ܡ݁ܫ݁ܪܐ܃ ܢܐܡܪ
068:06	ܗܟܢܐ܀
068:07	ܨܠܘܬܐ ܕܟܝܪܘܛܘܢܝܐ ܕܩܫܝܫܐ܃
068:08	ܐܠܗܐ ܐܒܘܗܝ ܕܡܪܢ ܝܫܘ݁ܥ ܡܫܝܚܐ܂
068:09	ܗܘ݁ ܠܐ ܡܬܡܠܠܢܐ܂ ܗܘ݁ ܢܗܝܪܐ܂ ܗܘ݁ ܕܐܦܠܐ ܫܘ݂ܪܝܐ ܐܦܠܐ
068:10	ܫܘ݂ܠܡܐ ܐܝ݂ܬ ܠܗ܂ ܡܪܝܐ ܗܘ݁ ܕܠܟܠܗܝܢ ܛܟ݁ܣܬ ܘܒܬܚܘܡܐ
068:11	ܣܡ݂ܬ܂ ܘܒܡܚܫܒܬܐ ܛܟܣܐ ܬܚ݁ܡܬ܂ ܠܟܠܗܝܢ ܗܠܝܢ ܕܡܢܟ ܐܬܒܪ̈ܝ܂
068:12	ܥܢܝ݂ ܠܢ܂ ܘܐܬܦܢ ܥܠ ܥܒܕܟ ܕܝ݂ܠܟ ܗܢܐ܂ ܘܫܘܬܦ ܘܗܒ ܠܗ܂
068:13	ܪܘ݂ܚܐ ܕܛܝܒܘ݂ܬܐ ܘܕܡܚܫܒܬܐ܂ ܘܕܓܢܒܪܘܬܐ܂ ܪܘܚܐ ܕܩܫܝ݂ܫܘܬܐ ܕܠܐ
068:14	ܣ݁ܐܒ܂ ܠܐ ܡܫܬܪܝܢܐ܂ ܫ݁ܘܐ ܒܓܢ݂ܣܐ܂ ܪܚ݁ܡ ܡܗܝ̈ܡܢܐ܂ ܡܟܣܢܝܐ܂
068:15	ܠܡܣܝ݁ܥܘ݂܂ ܘܠܡܕܒܪܘ݂ ܠܥܡܐ ܕܝܠܟ܂ ܒܥܡܠܐ܂ ܒܕܚܠܬܐ܂ ܒܠܒܐ ܕܟܝܐ܂
068:16	ܒܩܕܝܫܘܬܐ܂ ܘܒܙܗܝܘܬܐ܂ ܘܒܚܟܡܬܐ܂ ܘܒܣܥܘܪܘܬܐ ܕܪܘ݂ܚܐ ܕܝܠܟ
068:17	ܩܕܝܫܐ܂ ܒܝܨܝܦܘܬܐ ܕܝ݂ܠܟ ܡܪܝܐ܂ ܐܟܙܢܐ ܕܟܕ ܐܬܦܢܝܬ ܥܠ ܥܡܐ
068:18	ܕܝ݂ܠܟ ܗܘ݁ ܓܒܝܐ܂ ܦܩܕܬ ܠܡܘ݁ܫܐ ܕܢܫܐܠ ܩܫܝ̈ܫܐ܂ ܟܕ ܡܠ݂ܝܬ ܪܘܚܟ܂
068:19	ܫܟܢܬ ܠܡܢܝ݂ܚܢܐ ܕܝ݂ܠܟ܂ ܘܗܫܐ ܡܪܝܐ ܫܟܢ ܠܗ ܪܘ݂ܚܟ ܕܠܐ ܒܘܨܪܐ܂
068:20	ܗܘ݁ ܕܝܗܒ݂ܬ ܠܗ݀ܢܘ݁ܢ ܕܡܢܟ ܐܬܬܠܡܕܘ܂ ܘܠܟܠܗܘܢ ܗ݀ܢܘ݁ܢ ܕܒܐܝܕܝ̈ܗܘܢ
068:21	ܗܝܡܢܘ ܒܟ ܫܪܝܪܐܝ݂ܬ܂ ܘܐܫܘܝܗܝ ܕܟܕ ܢܬܡܠܐ ܡܢ ܚܟܡܬܟ܂ ܘܡܢ
068:22	ܐܪ̈ܙܝܟ ܟܣܝ̈ܐ܂ ܢܪܥܐ ܠܥܡܟ ܒܚܣܝܘܬܐ ܕܠܒܐ܂ ܕܟܝܐ ܘܫܪܝܪܐ܂ ܟܕ
068:23	ܡܫ݁ܒܚ ܟܕ ܡܒܪܟ܂ ܟܕ ܡܩ݁ܠܣ܂ ܟܕ ܡܘܕܐ܂ ܟܕ ܡܩ݁ܪܒ ܡܡܠܠܘܬ ܫܘܒܚܐ܂
068:24	ܒܟܠܙܒܢ܂ ܒܐܝ݂ܡܡܐ ܘܒܠܠܝܐ܂ ܠܫܡܟ ܩܕܝܫܐ ܘܡܫܒܚܐ܂ ܟܕ ܥ݁ܡܠ
068:25	ܒܚܘܝ݂ܚܘ݂ܬܐ ܘܒܡܣܝܒܪܢܘܬܐ܂ ܠܘܬ ܗܝ݁ ܕܢܗ݂ܘܐ ܡܐܢܐ ܕܪܘ݂ܚܟ ܩܕܝܫܐ܂
068:26	ܟܕ ܐܝ݂ܬ ܠܗ܂ ܘܛܥܝ݂ܢ ܒܟܠ ܙܒܢ ܨܠܝ݂ܒܐ ܕܝ݂ܚܝܕܝܐ ܒܪܟ܂ ܡܪܢ ܝܫܘܥ