The Comprehensive Aramaic Lexicon

070:01	ܡܫܝ݂ܚܐ܂ ܗܘ݁ ܕܒܐܝܕ̈ܘܗܝ ܠܟ ܬܫܒܘܚܬܐ ܘܐܘܚܕܢܐ܂ ܥܡ݁ ܪܘ݂ܚܐ ܩܕܝ݂ܫܐ܂
070:02	ܠܟܠܗܘ݁ܢ ܥ̈ܠܡܐ ܕܥ̈ܠܡܐ܀
070:03	ܥܡܐ ܢܐܡܪ ܐܡܝܢ܀
070:04	ܢܬܠܘܢ ܠܗ ܕܝܢ ܫܠܡܐ ܐܦ ܟܗ̈ܢܐ ܐܦ ܥܡܐ ܒܢܘ݂ܫܩܬܐ
070:05	ܩܕܝܫܬܐ܀
070:06	ܠ̄ܐ̄܂ ܡܢ ܒܬܪ ܕܝܢ ܕܗ݀ܘܐ܂ ܢܬܐܡܢ ܠܘܬ ܡܕܒܚܐ܂ ܟܕ ܒܥܡܠܐ ܕܠܐ
070:07	ܫܠܝܐ ܥ݁ܒܕ ܨ̈ܠܘܬܐ܂ ܒܙܒܢ ܕܝܢ ܘܒܒܝܬܐ ܡܕܡ܂ ܡܢ ܗܠܝܢ ܕܒܒܝܬܐ ܡܪܢܝܐ
070:08	ܢܬܬܢܝ݂ܚ ܒܠܚܘܕܘܗܝ܂ ܟܕ ܠܐ ܫ݁ܠܐ ܘܡܒ݁ܨܪ ܫܥܬܐ ܡܢ ܨ̈ܠܘܬܐ܀
070:09	ܢܗܘܐ ܕܝܢ ܨ݁ܐܡ ܬܠܬܐ ܬܠܬܐ ܝܘ̈ܡܬܐ ܟܠܗ݀ ܫܢܬܐ܂ ܚܕܐ ܠܘܬ
070:10	ܗܝ݁ ܕܢܫܬܡܠܐ ܒܗܘܢܐ܂ ܘܬܘ݂ܒ ܐܝܟ ܚܝܠܗ܂ ܟܕ ܠܘ ܒܟܠ ܪܘ݂ܚܐ ܦܗܐ
070:11	ܘܡܬܟܪܟ܂ ܐܠܐ ܒܣܥܪܘܬܐ ܟܠܡܕܡ ܥ݁ܒܕ܀
070:12	ܠܩܫܝܫܐ ܐܘ݁ ܠܐܦܝܣܩܘܦܐ܂ ܐܢ ܡܬܓܠܐ ܠܗ ܕܢܡ݁ܠܠ܂ ܢܡ݁ܠܠ܂ ܐܢ
070:13	ܕܝܢ ܠܐ܂ ܗܘ݂ ܡܢ ܥܒ݁ܕܗ ܠܐ ܢܗܡܐ ܘܢܒܣܐ܀
070:14	ܠܩܫܝܫܐ ܐܢ ܡ݂ܬܓܠܐ ܠܗ ܕܢܣܥܘܪ ܬܘܬܒܘ̈ܬܗ ܘܢܡܠܠ ܡܠ݂ܬܐ܂
070:15	ܢܐܙܠ܂ ܐܢܕܝܢ ܠܐ܃ ܒܬܟܫܦܬܐ ܠܐܠܗܐ ܢܦܝ݂ܣ܂ ܘܠܗ݀ܢܘ݁ܢ ܕܐܢ ܢܬܓܠܐ
070:16	ܠܗ ܕܢܡܠܠ ܠܗܘܢ܃ ܢܡܠܠ ܟܕ ܝܘܩܪܐ ܘܡܘܒܠܐ ܕܗܘ݁ ܕܐܨܛܠܒ
070:17	ܚܠܦܘܗܝ܂ ܒܟܠܙܒܢ ܫܩܝ݂ܠ܂ ܘܡܨܠܐ ܚܠܦ ܟܠ݁ܗ ܥܡܐ܀
070:18	ܩܫܝܫܐ ܐܘ݁ ܐܦܝܣܩܘܦܐ ܕܬܘ݂ܪܣܝܐ ܐܘ݁ ܕܠܒܘ݂ܫܐ ܠܐ ܢܪܢܐ܂ ܐܠܗܐ
070:19	ܪܢ݁ܐ ܘܝ݁ܨܦ ܕܝ݂ܠܗ ܒܗܠܝܢ ܕܗ݂ܘ ܝ݁ܕܥ܂ ܐܢܕܝܢ ܟܕ ܫ݁ܩܠ ܡܢ ܐܢܫ ܬܘ݂ܪܣܝܐ
070:20	ܐܘ݁ ܬܟܣܝ݂ܬܐ܂ ܐܦ ܡܢ ܐܚܪܢܐ ܢܬܐܡܪ ܠܗ ܕܢܣ݂ܒ܂ ܢܣ݂ܦܩ ܠܗ ܕܢܣ݂ܒ
070:21	ܡܢܗ ܒܠܚܘܕ܂ ܘܗ݀ܘ ܡܐ ܕܦܩ݁ܚ ܠܗ ܘܣܢܝ݂ܩ܂ ܘܠܘ ܠܝܬܝܪܘܬܐ܀

070:22	ܩܫܝܫܐ ܒܟܠ݁ܙܒܢ ܠܘܬ ܩܫܝܘܬܐ ܕܗܝܡܢܘܬܐ ܠܐ ܡܫܬܚܠܦܢܐ ܢܗܘܐ܂

070:23	ܕܐܝܟ ܗܠܝܢ ܓܝܪ ܒܥ݁ܐ ܐܠܗܐ܂ ܘܢܒܨܐ ܠܒܐ ܕܟܠܚܕ܂ ܕܠܡܐ ܒܝ݂ܫܘ݂ܬܐ܂
070:24	ܟܕ ܠܓܘ ܢܛܝ݂ܪܐ ܘܛܡܝܪܐ܂ ܬܢܟܪܝܘܗܝ ܡܢ ܛܝܒܘܬܐ ܕܐܠܗܐ܀