The Comprehensive Aramaic Lexicon

072:01	ܒܚ̈ܛܐ ܛܒ̈ܬܐ܂ ܠܐ ܢ݁ܪܦܐ ܙܝ݂ܙ̈ܢܐ ܠܡܐܥܐ܂ ܐܠܐ ܢܪܝ݂ܡ ܐܢܘܢ
072:02	ܡܢܗܝܢ܂ ܢܦܣܘܩ ܠܗܠܝܢ ܕܐܥܠܘ ܠܗܝܢ܂ ܠܢܘ݂ܗܪܗ ܚܫܘܟܐ ܠܐ ܢܟ݁ܣܐ܂ ܢܠ݁ܦ

072:03	ܠܟܠ݁ܗܘܢ ܡܗܝ̈ܡܢܐ ܒܟܠܫܥ܂ ܕܐܝܟ ܕܒܐܝ݂ܡܡܐ ܢܫܡܠܘܢ ܪܗܛܗܘ݁ܢ܂

072:04	ܡܛܠ ܕܒܢ̈ܝܐ ܕܢܘܗܪܐ܃ ܒܚܫܘ݁ܟܐ ܠܐ ܡܗܠܟܝܢ܀ ܡܠܦܢܘܬܐ ܕܝܢ ܕܩܫܝܫܐ
072:05	ܬܗܘܐ ܠ݁ܚܡܐ܂ ܘܢܝܚ݂ܐ ܘܡܡܫܚܐ܂ ܕܒܕܚܠܬܐ ܘܒܪܥܠܐ ܡܡܙܓܐ܂
072:06	ܒܗ݀ ܒܕܡܘܬܐ ܐܦ ܗܝ݁ ܕܐܦܝܣܩܘܦܐ܂ ܘܒܗ݀ ܒܡܠܦܢܘܬܐ ܠܐ ܢܡܠܠܘܢ
072:07	ܒܛܝ̈ܠܬܐ܂ ܐܠܐ ܟܠܗܝܢ ܗܠܝܢ ܕܫ݁ܡܘ̈ܥܐ ܟܕ ܢܫܡܥܘ݁ܢ ܢܛܪܘܢ ܐܢܝܢ܂
072:08	ܢܐܡܪ܀ ܩܫܝܫܐ ܟܠܗܝܢ ܗܠܝܢ ܕܡ݁ܠܦ ܢܗܘܐ ܥܗܝܕ ܠܗܝܢ܂ ܒܝܘܡܗ ܓܝܪ
072:09	ܕܡܪܝܐ ܡܠ݂ܬܐ ܡܬܬܒܥ ܕܢ݁ܣܗܕ ܠܥܡܐ ܗܠܝܢ ܕܡܠܠ܂ ܐܝܟܢܐ ܕܢܬܟܣܣܘܢ
072:10	ܗ݀ܢܘ݁ܢ ܕܠܐ ܫ݂ܡܥܘ܂ ܕܢܩܘ݂ܡ ܓܝܪ ܥܬܝܕ ܩܕܡ ܬܫܒܘܚܬܗ ܕܐܠܗܐ܂ ܟܕ
072:11	ܡܡ݁ܠܠ ܬܘܒ ܗܠܝܢ ܕܐܠܦ܂ ܗܟܢܐ ܗܟܝܠ ܢ݁ܠܦ܂ ܐܝܟܢܐ ܕܠܐ ܢܐܒܕ܂
072:12	ܡܛܠ ܗ݀ܢܘ݁ܢ ܕܫ݁ܡܥܝ݂ܢ ܢܨ݁ܠܐ܂ ܐܝܟܢܐ ܕܢܬܠ ܠܗܘܢ ܡܪܝܐ ܣܘ݂ܟܠܐ
072:13	ܕܪܘ݂ܚܐ܂ ܕܝܕܥܬܐ܂ ܕܫܪܪܐ܂ ܘܠܐ ܢ݂ܫܕܐ ܒܛܝ݂ܠܐܝ݂ܬ ܡܪ̈ܓܢܝܬܐ ܩܕܡ
072:14	ܚܙܝ݂ܪ̈ܐ܂ ܐܠܐ ܢܒܩܐ ܕܫ݁ܘܝܢ ܗܢܘ݁ܢ ܕܫܡ݂ܥܘ ܘܥܡ݂ܠܘ܂ ܕܠܡܐ ܟܕ ܠܐ
072:15	ܥܒܕܬ݁ ܒܗ݀ܘܢ ܡ݂ܠܬܐ ܦܐܪ̈ܐ܂ ܐܠܐ ܐܒܕܬ݁܂ ܡܠܬܐ ܢܬܠ ܕܐܒܕܢܗ݀܂ ܠܟ̈ܠܒܐ
072:16	ܩܘ݂ܕ̈ܫܐ ܠܐ ܢܬܠ܂ ܕܗ݀ܢܘܢ ܕܫ݁ܡܥܝ݂ܢ ܡ݂ܠܬܐ ܘܥ݁ܒܕܝܢ ܦܐܪ̈ܐ ܛܒ̈ܐ܂
072:17	ܐܬܘ̈ܬܐ ܢܚܙܐ܂ ܒܟܠܗܝܢ ܕܝܢ ܠܐܦܝܣܩܘܦܐ ܕܠܐ ܪܢܝܐ ܢ݂ܛܪ܀
072:18	ܒܗܢܘܢ ܕܥ݁ܒܕܝܢ ܥܒ̈ܕܐ ܛܒ̈ܐ܂ ܒܝܕ ܡܠܦܢܘ݂ܬܐ ܠܐ ܢܗܡܐ
072:19	ܘܢܒܣܐ܂ ܐܬܘ̈ܬܐ ܕܝܢ ܢ݂ܛܪ ܒܗܘ݁ܢ ܒܗ݀ܠܝܢ܀ ܪܘܚܢܝܐ ܢܕܘܢ ܐܢܝܢ
072:20	ܠܗܠܝܢ܂ ܒܬܢܚ̈ܬܐ܂ ܒܒܟܬܐ܂ ܒܨܘ̈ܬܐ ܚܦܝ݂̈ܛܐ܂ ܒܫܬܩܐ܂ ܒܟܡܝ݂ܪܘܬܐ܂
072:21	ܒܡܥܙܝܢܘܬܐ܂ ܒܡܣܡܥܠܘ݂ܬܐ ܕܪܝܫܐ܂ ܗܝ݁ ܕܝܢ ܕܝܬܝܪ ܡܕܪܫܐ ܘܡ݁ܚܫܐ܂
072:22	ܒܟܝܐ܂ ܐܢܩܬܐ܀
072:23	ܥܒ݁ܕܐ ܕܝܢ ܫܗܪܐ܂ ܥ݁ܢܘܝܘ݂ܬܐ܂ ܨܘܡܐ܂ ܢܝ݂ܚܘ݂ܬܐ܂ ܨܠܘ݁ܬܐ ܕܠܐ ܫܠܘܐ܂
072:24	ܗܘܓܝܐ܂ ܗܝܡܢܘܬܐ܂ ܡܘ݂ܟܟܐ܂ ܪܚ݂ܡܬ ܐܢܫܘܬܐ܂ ܥܡܠܐ܂ ܛܘ݂ܪܦܐ܂
072:25	ܚܘ݂ܒܐ܂ ܫܘ݂ܥܒܕܐ܂ ܛܒܘܬܐ܂ ܟܢܝ݂ܟܘ݂ܬܐ܂ ܘܟܠܗ ܢܘ݂ܗܪܐ܀
072:26	ܕܗ݀ܢܘܢ ܕܝܢ ܕܠܐ ܥ݁ܒܕܝܢ ܦܐܪ̈ܐ ܕܚܝ̈ܐ܂ ܐܬܘ̈ܬܐ ܐܝ݂ܬܝܗܝܢ܂ ܡܐܝܢܘܬܐ܂