The Comprehensive Aramaic Lexicon

080:01	ܕܫܦܪܝܢ ܠܥܕܬܐ܂ ܠܩܢܘ݁ܢܐ ܕܬܫܡܫܬܐ܂ ܬܐܨܦ ܕܝܢ ܕܝ݂ܠܗܘ݁ܢ ܥܕܬܐ܂
080:02	ܐܝܟܢܐ ܕܗ݂ܢܘܢ ܡ݁ܢ ܢܬܐܡܢܘܢ ܒܢܡܘܣܐ ܘܒܦܘ݂ܠܚܢ ܬܫܡܫܬܐ܀
080:03	ܠ̄ܕ̄܂ ܗܘ݂ ܕܝܢ ܢܫܡܠܐ ܒܥܕܬܐ ܗܠܝܢ ܕܙܕܩ̈ܢ܂ ܬܗ݂ܘܐ ܕܝܢ ܬܫܡܫܬܐ
080:04	ܕܐܝܟ ܗܕܐ܂ ܩܕܡܝܬ݁ ܡ݁ܢ ܕܗܠܝܢ ܕܡܢ ܐܦܝܣܩܘܦܐ ܡ݂ܬܦܩܕ̈ܢ ܐܝܟ
080:05	ܕܠܣܒܪܬܐ ܢܗܘܐ ܥ݁ܒܕ ܒܠܚܘܕ܂ ܘܕܟܠܗ ܩܠܝܪܘܣ ܡ݁ܠܘܟܐ ܢܗ݂ܘܐ܂
080:06	ܘܐܪܙܐ ܕܥܕܬܐ܂ ܕܡܫ݁ܡܫ ܠܟܪ̈ܝ݂ܗܐ܂ ܕܡܫ݁ܡܫ ܠܐܟܣܢ̈ܝܐ܂ ܕܡܣ݁ܝܥ
080:07	ܠܐܪ̈ܡܠܬܐ܂ ܕܐܝ݂ܬܘܗܝ ܐܒܐ ܕܝܬܡ̈ܐ܂ ܕܡܬܟܪܟ ܒܟܠܗܘܢ ܒ̈ܬܐ
080:08	ܕܗ݀ܢܘ݁ܢ ܕܣܢܝ݂ܩܝ݂ܢ܂ ܕܠܡܐ ܐܝ݂ܬ ܐܢܫ ܒܐܘ݂ܠܨܢܐ܂ ܐܘ݁ ܒܟܘ݂ܪܗܢܐ܂ ܐܘ݁
080:09	ܒܕܘܘܢܐ܂ ܒܒ̈ܬܐ ܕܡܬܬܪ̈ܬܝܢܐ ܢܬܟܪܟ܂ ܐܝܟܢܐ ܕܢܫܪܪ ܠܗ݀ܢܘ݁ܢ ܕܦܠܝܓܝܢ܂
080:10	ܘܢ݁ܠܦ ܠܗ݀ܢܘܢ ܕܐܝ݂ܬܝܗܘ݁ܢ ܗܕܝ̈ܘܛܐ܀ ܠܓܒܪ̈ܐ ܗ݀ܢܘ݁ܢ ܕܫܠܡܘ ܢ݁ܠܒܫ
080:11	ܟܕ ܡ݁ܨܒܬ܂ ܟܕ ܩ݁ܒܪ ܠܐܟܣܢ̈ܝܐ܂ ܟܕ ܡܗ݀ܕܐ ܠܗ݀ܢܘ݁ܢ ܕܡܢ ܬܘܬܒܘܬܗܘܢ

080:12	ܥ݁ܒܪܝܢ ܐܘ ܡܓܠܘܝܢ܂ ܡܛܠ ܥܘܕܪܢܐ ܕܗ݀ܢ݁ܘܢ ܕܣܢܝ݂ܩܝܢ܂ ܢܘܕܥ ܠܥܕܬܐ܂

080:13	ܠܐܦܝܣܩܘܦܐ ܠܐ ܢ݁ܠܙ܂ ܒܠܚܘܕ ܕܝܢ ܒܚܕܒܫܒܐ ܡܛܠ ܟܠܡܕܡ ܢܥܗܕܗ܂
080:14	ܐܝܟܢܐ ܕܢܕܥ܀
080:15	ܢܗܘܐ ܕܝܢ ܥܝܪ ܒܫܥܬܐ ܕܟܢܘܫܝܐ ܟܕ ܡܬܟܪܟ ܒܥܕܬܐ܂ ܘܢܗܘܐ
080:16	ܚ݁ܐܪ ܕܠܡܐ ܐܝ݂ܬ ܐܢܫ ܚܬܝܪܐ ܐܘ ܡܫܥܝܢܐ ܐܘ ܓ݁ܫܘ݁ܫܐ/ܫܓܘܫܐ#2#/ ܐܘ
080:17	ܡܡܠܠ ܒܛܝ̈ܠܬܐ܂ ܟܕ ܟܠܢܫ ܚ݁ܙܐ ܘܫ݁ܡܥ܃ ܢܟ݁ܣܗ܂ ܘܠܗܘ݁ ܕܚܝ݁ܒ ܕܢܣ݂ܒܘ݁ܠ
080:18	ܡܣܡܒܪܝܫܐ ܢܕܚܐ ܠܒܪ܂ ܐܝܟܢܐ ܕܐܦ ܗ݀ܢܘ݁ܢ ܕܫܪܟܐ܂ ܢܩ݂ܢܘ݁ܢ ܕܚ݂ܠܬܐ܂
080:19	ܘܐܢܗܘ݂ ܕܡܦܝ݂ܣ ܠܗ ܕܢ݁ܦܣ ܠܗ ܠܡܫܬܘܬܦܘ݂܂ ܢܥ݂ܒܕ ܠܗ ܒܘ݂ܝܐܐ܂ ܐܢ
080:20	ܕܝܢ ܡܟܬܪ ܒܗ݀ ܐܢܫ ܒܡܦܘ݂ܠܬܗ܂ ܐܘ݁ ܒܠܐ ܡܛܟܣܘ݂ܬܐ܂ ܢ݁ܣܩ ܡܛܠܬܗ
080:21	ܠܐܦܝܣܩܘܦܐ܂ ܘܢܬܦܪܫ ܝܘ̈ܡܬܐ ܫܒܥܐ܂ ܘܢܬܩ݂ܪܐ ܒܬܪܟܢ܂ ܐܝܟܢܐ
080:22	ܕܠܐ ܢܫܬܒܐ܂ ܐܢܕܝܢ ܟܕ ܢܐܬܐ ܬܘ݂ܒ ܢܥ݁ܙܐ ܘܢܟܬܪ ܒܣܟܠܘܬܗ܂ ܢܬܦܣܩ
080:23	ܥܕܡܐ ܕܟܕ ܢܬܘ݂ܒ ܫܪܝ݂ܪܐܝ݂ܬ܂ ܠܘܬ ܢܦܫܗ ܢܐܬܐ ܟܕ ܡܬܟܫܦ܀