The Comprehensive Aramaic Lexicon

086:01	ܡܛܠ ܩܫܝ̈ܫܬܐ ܢܬܟܫܦ܂ ܐܝܟܢܐ ܕܡܪܝܐ ܢܫܡܥ ܬܟܫ̈ܦܬܗܝܢ܂
086:02	ܘܡܫܡܠܝܐܝ݂ܬ ܒܛܝܒܘܬܐ ܕܪܘ݂ܚܐ ܢܢܛܪ ܠܒ̈ܘܬܗܝܢ܂ ܢܣ݁ܝܥ ܕܝܢ ܠܥܡܠܐ
086:03	ܕܝܠܗܝܢ܀
086:04	ܡܛܠ ܗܘܦܘ̈ܕܝܩܢܘ݂܂ ܩܪ̈ܘܝܐ܂ ܡܫܡ̈ܫܢܝܬܐ ܢܬܟܫܦ܂ ܐܝܟܢܐ ܕܡܪܝܐ
086:05	ܢܬܠ ܠܗܘܢ ܕܢܣܒܘܢ ܐܓܪܐ ܒܡܣܝܒܪܝܢܘ݂ܬܐ܀

086:06	ܡܛܠ ܥ̈ܠܡܝܐ ܡܗܝ̈ܡܢܐ ܢܬܟܫܦ܂ ܐܝܟܢܐ ܕܡܪܝܐ ܢܬܠ ܠܗܘ݁ܢ

086:07	ܕܡܫܡܠܝܐܝ݂ܬ ܠܗܝܡܢܘ݂ܬܐ ܢܛܪܘܢ܀
086:08	ܡܛܠ ܡܬܬܪ̈ܬܝܢܐ ܢܬܟܫܦ܂ ܐܝܟܢܐ ܕܡܪܝܐ ܢܬܠ ܠܗܘ݁ܢ ܕܢܫܬܘܘ݁ܢ
086:09	ܠܣܚ݁ܬܐ ܕܫܘܒܩܢܐ܂ ܘܒܚܬܡܐ ܕܩܕܝ݂ܫܘܬܐ ܢܩܕܫ ܐܢܘܢ܀
086:10	ܡܛܠ ܡܠܟܘ݂ܬܐ ܢܬܟܫܦ ܐܝܟܢܐ ܕܡܪܝܐ ܢܫܟܢ ܠܗ݀ ܫܝܢܐ܀
086:11	ܡܛܠ ܫܘ̈ܠܛܢܐ ܡܥ̈ܠܝܐ ܢܬܟܫܦ܂ ܐܝܟܢܐ ܕܡܪܝܐ ܢܬܠ ܠܗܘ݁ܢ ܣܘܟܠܐ
086:12	ܘܕܚܠܬܐ ܕܡܢܗ܀
086:13	ܡܛܠ ܟܠܗ ܥ݁ܠܡܐ ܢܬܟܫܦ ܐܝܟܢܐ ܕܡܪܝܐ ܢܐܨܦ ܕܟܠܚܕ ܒܐܝܠܝܢ ܕܦܩܚ̈ܢ܀
086:14	ܡܛܠ ܗ݀ܢܘܢ ܕܛܝ݁ܦܝ݂ܢ܂ ܘܐܝܠܝܢ ܕܪܕܝܢ ܒܐܘܪ̈ܚܬܐ ܢܬܟܫܦ܂ ܐܝܟܢܐ
086:15	ܕܡܪܝܐ ܒܝܡܝܢܐ ܕܪ̈ܚܡܐ ܢܗ݀ܕܐ ܐܢܘܢ܀
086:16	ܡܛܠ ܗ݀ܢܘ݁ܢ ܕܡܬܪܕܦܝܢ ܢܬܟܫܦ܂ ܐܝܟܢܐ ܕܡܪܝܐ ܢܬܠ ܠܗܘܢ
086:17	ܡܣܝܒܪܢܘܬܐ܂ ܘܝ݂ܕܥܬܐ܂ ܢܫܟܢ ܠܗܘ݁ܢ ܕܝܢ ܐܦ ܥܡܠܐ ܡܫܡܠܝܐ܀
086:18	ܡܛܠ ܗ݀ܢܘܢ ܕܫܟ݂ܒܘ ܡܢ ܥܕܬܐ ܢܬܟܫܦ܂ ܐܝܟܢܐ ܕܡܪܝܐ ܢܫ݁ܟܢ ܠܗܘܢ
086:19	ܕܘ݂ܟܬܐ ܕܢܝ݁ܚܐ܀
086:20	ܡܛܠ ܗ݀ܢܘܢ ܕܒܡܦܘܠܬܐ ܐܝܬܝܗܘܢ ܢܬܟܫܦ܂ ܐܝܟܢܐ ܕܡܪܝܐ ܠܐ
086:21	ܢܬܕܟܪ ܠܗܘܢ ܣܟ̈ܠܘܬܗܘܢ܂ ܢܪܝ݂ܚ ܠܗܘ݁ܢ ܕܝܢ ܠܘܚ̈ܡܐ܀
086:22	ܘܐܦ ܚܢܢ ܟܠܢ ܗ݀ܢܘܢ ܕܥܠ ܨܠܘ݁ܬܐ ܣܢܝܩܝܢ ܢܬܟܫܦ܂ ܐܝܟܢܐ ܕܡܪܝܐ
086:23	ܒܪܘܚܐ ܡܫܝܢܬܐ܂ ܢܣܬܪ ܘܢܢܛܪ ܠܢ܀
086:24	ܢܦܝ݂ܣ ܘܢܬܟܫܦ ܠܡܪܝܐ ܐܝܟܢܐ ܕܢܩ݁ܒܠ ܨ̈ܠܘܬܢ܀
086:25	ܡܢ ܒܬܪ ܕܝܢ ܕܥ݁ܗܕ ܡܫܡܫܢܐ܂ ܐܦܝܣܩܘܦܐ ܒܐܝܕܗ ܢܪܡܘܙ܀
086:26	ܡܫܡܫܢܐ ܢܐܡܪ܃ ܢܩܘ݂ܡ ܒܪܘ݂ܚܐ ܩܕܝ݂ܫܐ܂ ܐܝܟܢܐ ܕܟܕ ܐܬܚܟܡܢܢ܂
086:27	ܢܪܒܐ ܒܛܝܒܘܬܗ ܟܕ ܡܫܬܒܗܪܝܢܢ ܒܫܡܗ܂ ܡܬܒܢܝܢܢ ܥܠ ܫܬܐܣܬܐ