← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60376: TDN par. 36

Click on a word for lexical analysis
Click on a red-colored coordinate for comments and/or translations of the line

previous chapter


088:01 ܕܫ̈ܠܝ݂ܚܐ܂ ܢܒܥܐ ܢܬܟܫܦ ܠܡܪܝܐ܂ ܐܝܟܢܐ ܕܟܕ ܡܬܛܦܝ݂ܣ ܢܩܒܠ
088:02 ܨ̈ܠܘܬܢ܀
088:03 ܒܬܪܟܢ ܐܦܝܣܩܘܦܐ ܢܫܡܠܐ܀ ܘܥܡܐ ܢܐܡܪ ܐܡܝܢ܀
088:04 ܠ̄ܘ̄܂ ܕܐܝܟ ܗܢܐ ܕܝܢ ܢܗ݂ܘܐ ܐܝܬܘܗܝ ܗܘ݂ ܡܫܡܫܢܐ܂ ܐܝܟܢܐ ܕܥܡ
088:05 ܕܚܠܬܐ ܘܢܟܦܘܬܐ ܘܟܚܝ݂ܕܘܬܐ ܢܬ݂ܚܙܐ܂ ܡܛܠ ܪܬܝܚܘܬܐ ܕܪܘܚܐ܂
088:06 ܕܘ݂ܒܪܐ ܡܫܡܠܝܐ ܢܗ݂ܘܐ ܐܝ݂ܬ ܠܗ܂ ܒܗ݀ܢܘ݁ܢ ܕܥ݁ܐܠܝ݂ܢ ܠܒܝܬ ܡܩܕܫܐ܂
088:07 ܢܗܘܐ ܡܬܒ݁ܩܐ ܘܚ݁ܐܪ܂ ܢܥܩ݁ܒ ܕܡܢܘ݁ ܐܝ݂ܬܝܗ݀ܘܢ܂ ܐܝܟܢܐ ܕܢܫܬܘܕܥ
088:08 ܐܢ ܐܡ݂ܪ̈ܐ ܐܝ݂ܬܝܗܘ݁ܢ ܘܐܢ ܕܐܒ̈ܐ܂ ܘܟܕ ܡܫ݁ܐܠ ܠܗܘ݁ ܕܫ݁ܘܐ
088:09 ܢܥ݁ܠ܂ ܐܝܟܢܐ ܕܠܐ ܕܟܕ ܓ݁ܫܘ݁ܫܐ ܢܥܘ݁ܠ܂ ܚܐܪܘܬܐ ܕܥܕܬܐ ܬܬܥܩܒ܂
088:10 ܘܚܛܝ݂ܬܗ ܥܠ ܪܝܫܗ ܬܗܘܐ܀
088:11 ܐܢ ܐܢܫ ܡܫܘܚܪܐܝ݂ܬ ܢܐܬܐ ܠܬܫܒܘܚܬܐ܂ ܐܘ ܟܕ ܗܝ݁
088:12 ܫܦܪܝܬܐ ܡܬܐܡܪܐ܂ ܐܘ ܟܕ ܩܘܪܒܢܐ ܡ݂ܬܩܪܒ܂ ܡ݁ܢ ܕܗܘ݂ ܕܐܝ݂ܬܘܗܝ
088:13 ܠܒܪ ܢܩܘܐ܂ ܘܠܐ ܢܥ݁ܠܗ ܡܫܡܫܢܐ܀ ܛܘ݂ܦܣܐ ܓܝܪ ܐܝ݂ܬܘܗܝ ܕܝܘܡܐ
088:14 ܕܕܝ݂ܢܐ ܗܘ݁ ܕܥܬܝ݂ܕ܂ ܘܐܝܟܢܐ ܕܠܐ ܒܝܕ ܩܠܐ ܕܒܝܕ ܡܥܠܬܐ ܥܘܘܟܐ
088:15 ܠܗ݀ܢܘܢ ܕܡܨܠ݁ܝܢ ܢܗ݂ܘܐ܂ ܟܕ ܕܝܢ ܢܐ݂ܬܐ ܘܢܫܟܚ ܕܐܚܝ݂ܕ ܬܪܥܐ܂ ܠܐ
088:16 ܢܩܘ݁ܫ܂ ܡܛܠ ܗܠܝܢ ܕܩܕܡ̈ܝ ܐܬܐܡ݂ܪ̈ܝ܀
088:17 ܡܢ ܒܬܪ ܕܝܢ ܕܡܫܬܡܠܝܐ ܬܫܒܘܚܬܐ ܗܝ݁ ܕܩܕܝܡܐ ܣܝ݂ܡܐ܂ ܢܥܘ݁ܠ
088:18 ܡܗܝܡܢܐ ܐܘ ܡܗܝܡܢܬܐ܂ ܡܫܡܫܢܐ ܢܐܡܪ܂ ܐܘ ܥܠ ܩܘܪܒܢܐ܂ ܐܘ݁
088:19 ܡܛܠ ܬܫܒܘܚܬܐ ܢܬܟܫܦ܀ ܐܝܟܢܐ ܕܡܪܝܐ ܒܟܬܒܐ ܕܚܝ̈ܐ܂ ܠܬܟܫܦܬܢ
088:20 ܢܟܬܘ݁ܒ ܘܐܠܗܐ ܕܠܥ݁ܠܡ ܢܬܕܟܪ ܠܢ ܒܐܘܘ̈ܢܐ ܕܢܘܗܪܐ ܕܝ݂ܠܗ ܩܕ̈ܝܫܐ܀
088:21 ܡܛܠ ܐܚܐ ܗܘ݁ ܕܐܘܚܪ ܢܬܟܫܦ܂ ܐܝܟܢܐ ܕܡܪܝܐ ܢܬܠ ܠܗ ܚܦܝ݂ܛܘ݂ܬܐ

next chapter