The Comprehensive Aramaic Lexicon

094:01	ܐܢܕܝܢ ܐܦܝܣܩܘܦܐ ܡܬܬܣ݁ܪܚ܂ ܐܦ ܠܣܝ݁ܡ ܐܝ݂ܕܐ ܡܫ݂ܬܘܐ܂ ܐܢܕܝܢ
094:02	ܡܘܕܝܢܐ ܐܝ݂ܬܘܗܝ܂ ܕܩܕܡ ܫܘ݂ܠܛܢܐ ܠܐ ܐܬܬܕܝܢ܂ ܘܒܐܣܘܪ̈ܐ ܠܐ
094:03	ܐܬܛܪܦ܂ ܘܐܘܕܝ ܕܝܢ ܒܠܚܘܕ܂ ܠܣܝ݁ܡ ܐܝ݂ܕܐ ܡܫ݂ܬܘܐ܂ ܨܠܘ݁ܬܐ ܓܝܪ
094:04	ܕܩܠܝܪܘܣ ܡܩ݁ܒܠ܂ ܠܘ ܕܝܢ ܒܟܠܗܘ݁ܢ ܦܬܓܡ̈ܐ ܗܠܝܢ ܡܬܢܐ ܢܨܠܐ
094:05	ܥܠܘܗܝ܂ ܐܠܐ ܟܕ ܡܫܬܘܫܛ ܠܩܕܡܘܗܝ ܪܥܝܐ ܠܣܥܘܪܘܬܐ ܢܩ݁ܒܠ܀
094:06	ܡܛܠ ܐܪ̈ܡܠܬܐ
094:07	ܡ̄܂ ܐܪܡܠܬܐ ܕܝܢ ܬܬܣܪܚ ܟܕ ܡܬܓܒܝܐ܂ ܐܢܕܝܢ ܡܢ ܩܕܡ ܙܒܢܐ
094:08	ܣܓܝܐܐ ܕܠܐ ܓܒܪܐ ܩܘܝܬ݁܂ ܐܢ ܟܕ ܙܒܢ̈ܬܐ ܣܓܝ̈ܐܬܐ ܐܬܐ݂ܠܨܬ݁ ܡܢ
094:09	ܒܢܝ̈ܢܫܐ ܕܬܗܘܐ ܠܓܒܪܐ܂ ܡܛܠ ܗܝܡܢܘܬܐ
094:10	ܠܐ ܗ݂ܘܬ݁ ܠܓܒܪܐ܂ ܐܢܕܝܢ ܠܐ܂ ܠܐ ܥܕܟܝܠ ܙ݁ܕܩ ܕܬܬܓܒܐ܂ ܐܠܐ
094:11	ܒܙܒܢܐ ܬܬܒܩܐ܂ ܐܢ ܗ݂ܘܬ ܫܦܝ݂ܪܬ ܕܚܠ݂ܬܐ܂ ܐܢ ܟܕ ܩܢ݂ܬ݁ ܒܢܝ̈ܐ܂
094:12	ܪܒܝܬ݁ ܐܢܘ݁ܢ ܒܩܕܝܫܘܬܐ܂ ܐܢ ܚܟܡܬܐ ܥܠܡܢܝܬܐ ܠܐ ܐܠܦܬ݁ ܐܢܘܢ܂
094:13	ܐܢ ܒܢܡܘܣܐ ܩܕܝ݂ܫܐ ܘܒܥܕܬܐ ܛܦܣܬ݁ ܐܢܘ݁ܢ܂ ܐܢ ܪܚܡܬ݁ ܘܝܩܪܬ݁
094:14	ܐܟܣܢ̈ܝܐ܂ ܐܢ ܒܨܠܘ̈ܬܐ ܐܬܐܡ݂ܢܬ݁܂ ܐܢ ܡܟܝ݂ܟܐܝ݂ܬ ܐܬܗܦܟܬ݁܂ ܐܢ
094:15	ܠܗ݀ܢܘ݁ܢ܂ ܕܐܠܝ݂ܨܝ݂ܢ ܚܘܝ݂ܚܐܝ݂ܬ ܣܝܥܬ݁܂ ܐܢ ܠܩܕ̈ܝܫܐ ܡܛܠܬܗ݀ ܐܬܓܠܝ݂܂
094:16	ܐܢ ܒܩܕ̈ܝܫܐ ܠܐ ܐܗܡܝܬ݁܂ ܐܢ ܒܟܠܗ ܚܝܠܗ݀ ܫܡܥܬ݁܂ ܐܢ ܣ݁ܦܩܐ
094:17	ܕܡܘܒܠܐ ܬܛܥܢ ܘܬܣܝܒܪ܂ ܟܕ ܕܝܢ ܬܗܘܐ ܕܠܐ ܫܠܝܐ ܬܨ݁ܠܐ܂ ܡܫܡܠܝܬܐ
094:18	ܒܟܠܗܝܢ ܬܗܘܐ܂ ܟܕ ܪܬ݁ܚܐ ܒܪܘܚ܂ ܟܕ ܐܝ݂ܬ ܠܗ݀ ܥܝ̈ܢܐ ܕܠܒܐ ܕܦܬܝ݂̈ܚܢ
094:19	ܒܟܠ ܡܕܡ܂ ܘܒܟܠ݁ܙܒܢ ܬܗ݂ܘܐ ܐܝ݂ܬܝܗ݀ ܒܣܝܡܬܐ܂ ܟܕ ܠܬܡܝܡܘܬܐ ܡ݁ܚܒܐ܂
094:20	ܕܠܐ ܡܕܡ ܒܥܠܡܐ ܗܢܐ ܩܢܝܐ܂ ܐܠܐ ܕܒܟܠ݁ܙܒܢ ܨܠܝ݂ܒܐ ܫܩܝ݂ܠܐ
094:21	ܘܡ݁ܟܪܟܐ܂ ܕܡܫܢܩܐ ܠܟܠܗ݀ ܒܝ݂ܫܘܬܐ܂ ܕܒܠܠܝܐ ܘܒܐܝ݂ܡܡܐ܂ ܠܘܬ ܡܕܒܚܐ
094:22	ܡܬܐܡܢܐ܂ ܕܚܘܝ݂ܚܐܝ݂ܬ ܘܟܣܝܐܝ݂ܬ ܦܠܚܐ܂ ܐܢ ܫܘܝܬ ܒܢܦܫܐ ܐܝ݂ܬ
094:23	ܠܗ݀܂ ܚܕܐ ܐܘ ܬܪܬܝܢ ܐܘ ܬܠܬ ܒܫܡܝ܂ ܐܢ݁ܐ ܒܝܢܬܗܘܢ ܐܝܬܝ܂ ܬܗܘܐ
094:24	ܕܝܢ ܐܝ݂ܬܝܗ݀ ܡܫܡܠܝܬܐ ܒܡܪܝܐ܂ ܐܝܟ ܐܝ݁ܕܐ ܕܡܢ ܪܘ݂ܚܐ ܡܣܬܥܪܐ܂

094:25	ܗ݀ܠܝܢ ܕܡܬܬܘܕ̈ܥܢ ܠܗ݀܂ ܥܡ ܕܚܠܬܐ ܘܚܦܝ݂ܛܘ݂ܬܐ ܬܥ݂ܒܕ܂ ܠܢܫ̈ܐ ܗ݀ܢܝܢ ܕܠܐ

094:26	ܡܬܬܦܝ݂̈ܣܢ܂ ܬܪܬܐ܂ ܠܗ݀ܢܝܢ ܕܐܝ݂ܬܝܗܝܢ ܠܐ ܝ̈ܠܝ݂ܦܬܐ ܬ݁ܠܦ܂ ܠܗ݀ܢܝܢ ܕܐܝ݂ܬܝܗܝܢ
094:27	ܣܟ̈ܠܬܐ ܬܫܚ݁ܠܦ܂ ܬܪܕܐ ܐܢܝܢ ܕܢܗ̈ܘܝܢ ܟܢܝ݂ܟ̈ܬܐ܂ ܠܡܫܡ̈ܫܢܝܬܐ ܬܥ݁ܩܒ܂