The Comprehensive Aramaic Lexicon

098:01	ܕܡܫܒܚܝ݂ܢ ܠܐܒܝ ܕܒܫܡܝܐ܂ ܗ݀ܢܘ݁ܢ ܕܡܩܒܠܝ݂ܢ ܨ̈ܠܘܬܐ ܕܟܠ ܢܦܫܐ ܚܣܝ݂ܬܐ܂
098:02	ܡܩܪܒܝ݂ܢ ܠܡܪܝܡܐ ܪܝ݂ܚܐ ܒܣܝܡܐ܀
098:03	ܡ̄ܐ̄܂ ܬܗܘܐ ܕܝܢ ܗܝ݂ ܡܬܬܣܪܚܢܘܬܐ ܗܟܢܐ܀ ܟܕ ܡܨܠܝܐ ܗܝ݂
098:04	ܒܡܥܠܢܐ ܕܡܕܒܚܐ܂ ܘܠܬܚܬ ܚܝ݁ܪܐ܂ ܐܦܝܣܩܘܦܐ ܢܐܡܪ ܫܠܝܐܝ݂ܬ ܐܝܟ
098:05	ܕܟܗ̈ܢܐ ܢܫܡܥܘܢ ܗܟܢܐ܃
098:06	ܨܠܘܬܐ ܕܡܩܝܡܢܝܬܐ/ܕܡܩܝܡܢܘܬܐ#2#/ ܕܐܪ̈ܡܠܬܐ ܗ݀ܢܝܢ ܕܩ݁ܕܡ̈ܢ ܝ݁ܬܒ̈ܢ܂
098:07	ܐܠܗܐ ܗܘ݁ ܩܕܝ݂ܫܐ ܗܘ݁ ܡܪܝܡܐ܂ ܘܕܡܟܝ݂ܟ̈ܬܐ ܚ݁ܙܐ܂ ܗܘ݁ ܕܠܡܚ̈ܝ݂ܠܐ
098:08	ܘܠܚܝ̈ܠܬܢܐ ܓܒܝ݂ܬ܂ ܗܘ݁ ܡܝܩܪܐ ܕܐܦ ܠܗܠܝܢ ܕܫܝ̈ܛܢ ܒܪܝܬ܂ ܗ݂ܒ
098:09	ܡܪܝܐ ܪܘ݂ܚܐ ܕܚ݁ܝܠܐ ܥܠ ܐܡܬܟ ܗܕܐ ܘܚܝܠܝܗ݀ ܒܫܪܪܟ܂ ܐܝܟܢܐ ܕܟܕ
098:10	ܥ݁ܒܕܐ ܦܘ݂ܩܕܢܐ ܕܝܠܟ ܘܦܠܚܐ ܒܒܝܬܐ ܕܡܩܕܫܐ ܕܝܠܟ܂ ܬܗ݂ܘܐ ܠܟ
098:11	ܡܐܢܐ ܡܝܩܪܐ܂ ܘܬܫܒܚ ܒܝܘܡܐ ܗܘ݁ ܕܒܗ ܥܬܝܕ ܐܢܬ ܕܬܫܒܚ
098:12	ܠܡܣ̈ܟܢܐ ܕܝܠܟ ܡܪܝܐ܂ ܘܗܒ ܠܗ݀ ܚܝܠܐ ܕܚܘܝ݂ܚܐܝ݂ܬ ܬܥ݂ܒܕ ܝܘ݂̈ܠܦܢܐ
098:13	ܕܝܠܟ ܗܠܝܢ ܕܬ݁ܚܡܬ ܠܩܢܘܢܐ ܕܐܡܬܐ ܕܝܠܟ܂ ܗܒܠܗ݀ ܡܪܝܐ ܪܘܚܐ
098:14	ܕܡܟܝܟܘܬܐ ܘܕܚܝܠܐ ܘܕܡܣܝܒܪܢܘܬܐ܂ ܘܕܒܣܝܡܘܬܐ܂ ܐܝܟܢܐ ܕܟܕ

098:15	ܒܚܕܘܬܐ ܕܠܐ ܡܬܡܠܠܢܘܬܐ ܛܥ݁ܢܐ ܘܠܡܘܒܠܐ ܕܝ݂ܠܟ ܬܣܝܒܪ ܠܥ̈ܡܠܐ܂

098:16	ܐܝܢ ܡܪܝܐ ܐܠܗܐ ܗܘ݁ ܕܝ݁ܕܥ ܐܢܬ ܠܡܚܝ݂ܠܘܬܐ ܕܝܠܢ ܫܡܠܝܗ݀ ܠܐܡܬܟ
098:17	ܠܬܫܒܘܚܬܐ ܕܒܝܬܐ ܕܝܠܟ܂ ܠܒܢܝܢܐ ܘܛܘ݂ܦܣܐ ܛܒ݁ܐ ܚܝܠܝܗ݀܂
098:18	ܩܕܫ܂ ܚܟܡ܂ ܠܒܒ ܐܠܗܐ܂ ܡܛܠ ܕܡܒܪܟܐ ܗܝ ܘܡܫܒܚܐ ܗܝ ܡܠܟܘ݂ܬܟ
098:19	ܐܠܗܐ ܐܒܐ܂ ܘܠܟ ܬܫܒܘܚܬܐ ܘܠܝܚܝܕܝܐ ܒܪܟ ܡܪܢ ܝܫܘ݁ܥ ܡܫܝ݂ܚܐ܂
098:20	ܘܠܪܘ݂ܚܐ ܩܕܝ݂ܫܐ ܛܒܐ ܘܣܓܝ݂ܕܐ ܘܡܥܒܕ ܚ̈ܝܐ ܘܫܘܐ ܠܟ ܒܐܘܣܝܐ܂
098:21	ܗܫܐ ܘܩܕܡ ܟܠܗܘܢ ܥ̈ܠܡܐ ܘܠܕܪܕܪ̈ܝܢ ܘܠܥܠܡܥܠܡܝܢ ܐܡܝܢ܀ ܥܡܐ ܐܡܝܢ܃