The Comprehensive Aramaic Lexicon

100:01	ܡ̄ܒ̄܂ ܡܢ ܒܬܪ ܕܗ݀ܘܝܐ ܗܟܢܐ܂ ܠܐ ܒܡܕܡ ܬܪܢܐ܂ ܐܠܐ ܬܗܘܐ
100:02	ܐܝ݂ܬܝܗ݀ ܡܫܘܚܕܬܐ ܡܛܠ ܬܟܫܦ̈ܬܐ ܕܫܦܝܪܘ݂ܬ ܕܚܠܬܐ܂ ܘܟܘܫܐ܂
100:03	ܫܬܐܣܬܐ ܓܝܪ ܕܩܕܝܫܘܬܐ܂ ܘܚܝ̈ܐ܂ ܠܐܪܡܠܬܐ ܕܐܝܟ ܗܕܐ ܡܫܘܚܕܘܬܐ
100:04	ܐܝ݂ܬܝܗ݀܂ ܠܐܚܪ̈ܢܐ ܓܝܪ ܠܐ ܪܚܡܬ݁܂ ܐܠܐ ܠܐܠܗܐ ܕܐܠܗ̈ܐ܂ ܠܐܒܐ
100:05	ܕܒܫܡܝܐ܂ ܒܥ̈ܕܢܐ ܕܝܢ ܝܕ̈ܝܥܐ ܬܫܒܚ ܡܢܗ݀ ܘܠܗ݀܂ ܒܠܠܝܐ܂ ܒܫܦܪܐ܂ ܐܢ
100:06	ܬܗ݂ܘܐ ܒܟܦܣܐ ܒܗܝܟܠܐ ܬܩܘܐ܂ ܠܘܬ ܡܕܒܚܐ ܕܝܢ ܠܐ ܬܬܩܪܒ܂ ܠܐ
100:07	ܗܘܐ ܐܟܡܢ ܕܡܣܝܒܬܐ ܐܝ݂ܬܝܗ݀܂ ܐܠܐ ܡܛܠ ܕܢܗܘܐ ܐܝ݂ܬ ܠܗ ܐܝ݂ܩܪܐ
100:08	ܠܡܕܒܚܐ܂ ܡ݂ܢ ܒܬܪܟܢ ܟܕ ܬܨܘ݂ܡ ܘܬܣܚܐ ܬܬܐܡܢ܀ ܒܝܘܡ̈ܬܐ ܕܝܢ
100:09	ܕܦܢܛܝܩܘܣܛܐ ܠܐ ܬܨܘ݂ܡ܂ ܒܥܐܕܐ ܕܝܢ ܕܦܣܟܐ ܬܬܠ ܡܢ ܗܠܝܢ ܕܐܝ݂ܬ
100:10	ܠܗ݀ ܠܡܣܟ̈ܢܐ܂ ܘܬܣܚܐ܂ ܘܗܟܢܐ ܬܨ݁ܠܐ܂ ܐܡ݂ܬܝ ܕܝܢ ܕܡܘܕܝܐ ܐܘ ܡܫܒܚܐ܂
100:11	ܐܢ ܡ݁ܢ ܐܝܬ ܠܗ݀ ܪ̈ܚܡܬܐ ܫ̈ܘܝܬ ܒܢܦܫܐ ܒܬܘ̈ܠܬܐ܃ ܛܒ݁ܐܝ݂ܬ ܐܝܬܝܗ݀

100:12	ܕܢܨ̈ܠܝܢ ܥܡܗ݀ ܡܛܠ ܐܡܝܢ܀ ܐܢܕܝܢ ܠܐ ܒܠܚܘܕܝܗ݀ ܒܝܬ ܠܗ݀ ܘܠܢܦܫܗ݀܂

100:13	ܘܒܥܕܬܐ ܘܒܒܝܬܐ܂ ܝܬܝ݂ܪܐܝ݂ܬ ܒܦܠܓܗ ܕܠܠܝܐ܀ ܙܒܢ̈ܐ ܕܝܢ ܕܒܗܘܢ ܙܕܩ
100:14	ܕܬܫܒܚ܂ ܫܒܬܐ܂ ܚܕ ܒܫܒܐ܂ ܐܘ݁ ܦܣܟܐ ܐܘ ܕܢܚܐ܂ ܐܘ݁ ܦܢܛܝܩܘܣܛܐ܀
100:15	ܒܙܒܢܐ ܕܝܢ ܗܘ݁ ܕܫܪܟܐ ܬܘܕܐ ܒܡܟܝܟܘ݂ܬܐ܂ ܒܡܙܡܘܪ̈ܐ ܒܬܫܒܚ̈ܬܐ܂
100:16	ܒܗܘܓܝܐ܂ ܘܗܟܢܐ ܬܥܡܠ܂ ܢܩܕܫ ܐܢܝܢ ܓܝܪ ܗܘ݂ ܡܪܝܡܐ ܘܢܫܒܘܩ
100:17	ܟܠܗܘܢ ܚܛܗ̈ܐ ܗܠܝܢ ܕܩܕ̈ܡܝ ܐܬܟܬܒ̈ܝ ܠܗܝܢ ܘܠܛܥ݁ܝܘ݂ܬܐ ܕܝܠܗܝܢ܂ ܐܒܐ
100:18	ܕܝ݂ܠܝ ܗܘ݁ ܫܡܝܢܐ܂ ܢܓ݁ܒܪ ܐܢܝܢ ܘܢܢܗܪ ܦܪ̈ܨܘܦܝܗܝܢ܂ ܐܝܟ ܦܪ̈ܨܘܦܐ ܕܩܘܕ̈ܫܝ܂
100:19	ܢܨܡ̈ܚܢ ܒܫܘ݂ܒܚܝ ܒܝܘܡܐ ܕܦܘ݂ܪܥܢܐ܂
100:20	ܡ̄ܓ̄܂ ܗ݂ܢܝܢ ܕܝܢ ܬܫܒܚ̈ܬܐ ܕܝܠܗ݀ ܢܬܐܡܪ̈ܢ ܗܟܢܐ ܒܢܝ݂ܚܘ݂ܬܐ܂
100:21	ܬܫܒܘܚܬܐ ܠܠܝܝܬܐ ܕܐܪ̈ܡܠܬܐ܃
100:22	ܩܕܝ݂ܫܐ ܩܕܝ݂ܫܐ ܕܠܐ ܛܘ݂ܠܫܐ܂ ܗܘ݁ ܕܒܢܘܗܪܐ ܐܝ݂ܬ ܠܟ ܡܥܡܪܐ܂
100:23	ܐܠܗܐ ܕܐܒܪܗܡ ܘܕܐܝܣܚܩ ܘܕܝܥܩܘܒ܂ ܐܠܗܐ ܕܚܢܘܟ ܘܕܘܝܕ܂ ܕܐܠܝܐ܂
100:24	ܕܐܠܝܫܥ܂ ܕܡܘܫܐ܂ ܕܝܫܘ݁ܥ܂ ܘܕܢܒܝ̈ܐ ܘܕܫܪܟܐ܂ ܗ݀ܢܘ݁ܢ